Bolalar ombudsmani rasmiy telegram-kanali

➡️Ijtimoiy tarmoqlarda "o‘quvchilarni sovuq havoda yupun kiyimda tadbirga jalb qilinganligi" aks etgan video tarqalganligi yuzasidan

✅Mazkur holat Bolalar ombudsmani tomonidan o‘rganildi.

📌Aniqlanishicha, 2024 yilning 6-dekabr kuni Surxondaryo viloyati, Denov tumani hududidan o‘tgan avtomobil yo‘li bilan bog‘lovchi, temir yo‘l ustidan o‘tgan ko‘prik foydalanishga topshirilib, ko‘prikning ochilish marosimiga sovuq ob-havoda Denov tumanidagi 14 va 16 - sonli musiqa maktablarining o‘quvchilari (16 nafar qiz hamda 4 nafar o‘g‘il bola) tumanning Madaniyat boshqarmasi topshirig‘iga ko’ra yengil bayramona kiyimlarni kiygan holda jalb qilingan.

✍️Ushbu holat yuzasidan Bolalar ombudsmani O‘zbekiston Respublikasi Madaniyat vazirligiga bolalarning sog‘ligini xavf ostiga qo‘ygan mas’ullarga tegishli chora ko‘rish va bunday holatlarga yo‘l qo‘ymaslik yuzasidan taqdimnoma kiritdi.

🔴Taqdimnoma O‘zbekiston Respublikasi Madaniyat vazirligi tomonidan o‘rganib chiqilib, bolalarning sog‘ligini xavf ostiga qo‘yilganligi yuzasidan hududning tegishli mansabdor shaxslariga nisbatan intizomiy jazo qo‘llanildi.

✅Shuningdek, vazirlik tasarrufidagi tashkilotlarga yuqorida qayd etilgan qonun buzilish holatlariga takroran yo’l qo‘ymaslik, o‘quvchilarni har qanday tadbirlarga asossiz jalb qilishni qat’iyan taqiqlash choralarini ko‘rishga oid ko‘rsatmalar Madaniyat vazirligi tomonidan berildi.

⚠️Bolalar ombudsmani bola manfaatlari nuqtai nazaridan o‘z kuzatuvini davom ettiradi.

Telegram|Facebook|Instagram

📌Enaganing mas’uliyatsizligi bolaning og’ir tan jarohatlar olishiga sabab bo’lganligi yuzasidan xabar bergandik.

⌛Ta’kidlanganidek, mazkur holat yuzasidan Farg‘ona shahar IIO FMB tomonidan fuqaro M.X ga nisbatan JKning 117-moddasi 1-qismi bilan jinoyat ishi qo‘zg‘atilgan.

✅Joriy yilning 5-yanvar kuni M.X. JKning 117-moddasi 1-qismi va 104-moddasi 2-qismi “b,v” bandlar bilan gumonlanuvchi sifatida jalb qilinib, ayol O‘zbekiston Respublikasi JPKning 221-moddasi tartibida ushlandi.

❗️Mazkur jinoyat ishiga oid dastlabki tergov doirasida bolaning hayoti va sog‘lig‘iga qarshi sodir etilgan har qanday harakatlarga to‘liq baho berilishi ta’minlanadi.

⚠️Bolalar ombudsmani ushbu holatda bola manfaatlari nuqtai nazaridan o‘z kuzatuvini davom ettirmoqda.

Telegram|Facebook|Instagram

🔴"Mas’uliyatsiz vasiyga jinoyat ishi qo‘zg‘atildi"

🖥Ijtimoiy tarmoq monitoringi doirasida kichik yoshdagi qizning enagasi tufayli og‘ir jarohat olganligi haqidagi xabar tarqaldi.

❗️Mazkur holat Bolalar ombudsmani tomonidan nazoratga olindi.

🍭Aniqlanishicha, Farg‘ona shahrida yashovchi fuqaro Gʻ.M (1988-yilda tug‘ilgan ayol) Rossiya Federatsiyasiga ishlash uchun ketishi sababli voyaga yetmagan qizi Gʻ.I.(2022-yilda tug‘ilgan)ni rasmiy ravishda ishonchnoma asosida M.X. (1988 yilda tug’ilgan ayol) ning qaramog‘iga topshirib, 2024-yil avgust oyida jo‘nab ketgan.
Shuningdek, ona enaga M.X ga xizmat xaqqi va bolaning kunlik sarf-xarajatlari uchun pul jo‘natib turgan.

📌2024-yil 15-noyabr kuni voyaga yetmagan Gʻ.I yashash xonadonidagi zinadan tushayotgan vaqtda yiqilib, og‘ir tan jarohati olganligiga qaramay, enaga ayol bolaning sog‘ligini xavf ostiga qo‘yib uni shifoxonaga olib bormagan.
Oqibatda bolaga bosh miya lat yeyishi va boshqa xayot uchun xavfli bo‘lgan og‘ir shikastlar tashxisi qo’yilgan.

✅2024-yil 1-dekabr kuni fuqaro M.X ga nisbatan Farg‘ona shahar IIO FMB huzuridagi Tergov bo‘limi tomonidan JKning 117-moddasi 1-qismi (Xavf ostida qoldirish) bilan jinoyat ishi qo‘zg‘atilib, hozirda tergov harakatlari olib borilmoqda.

⌛Bolalar ombudsmani holat yuzasidan o‘z kuzatuvini davom ettiradi.

✍️Bu bo‘yicha qo‘shimcha ma’lumot beriladi.

Telegram|Facebook|Instagram

🇺🇿🇺🇿🇺🇿 Yakunlangan 2024-yilning so’nggi dekabr oyida Bolalar ombudsmani faoliyati sarhisobi bilan daydjestimizda tanishing!

📌 2024-yil davomida bola manfaatlarini ta’minlash sohasida yurtimizda qanday yangiliklar va o‘zgarishlar ro‘y berdi?
 
Keling, ularni birgalikda yana bir bor eslab o‘tamiz.
 
🎙«O‘zbekiston Respublikasi Oliy Majlisining Bola huquqlari bo‘yicha vakili (Bolalar ombudsmani) to‘g‘risida»gi Qonun qabul qilindi.
Qonun bilan O‘zbekistonda bola huquqlari to‘g‘risidagi qonunchilikka rioya etilishi ustidan parlament nazoratini amalga oshiruvchi Bolalar ombudsmani institutining faoliyati huquqiy tartibga solindi.
 
🎙 O‘zbekistonda 2024-yilning 1-mayidan boshlab my.gov.uz portali orqali bolalar nafaqasi yoki moddiy yordam uchun onlayn ariza berish imkoniyati yaratildi.  Bolalar nafaqasi va moddiy yordam“Ijtimoiy himoya yagona reyestri” orqali kam ta’minlangan oilalarga tayinlanadi.
 
🎙Bolalarni bog‘chaga joylashtirish soddalashtirildi. Bolalarni davlat maktabgacha ta’lim tashkilotiga qabul qilish uchun rasmiylashtirilgan yo‘llanmalarni maktabgacha ta’lim tashkilotiga axborot tizimi orqali yuborish tartibi joriy etildi.
 
🎙 O‘zbekistonda Oilaviy bolalar uyi bitiruvchilari yuridik texnikumlarda tekin o‘qishi mumkin bo‘ldi. Xususan, Mehribonlik uyi va Bolalar shaharchasi hamda Oilaviy bolalar uyining bitiruvchilari, I-guruh nogironligi bo‘lgan shaxslar va nogironligi bo‘lgan bolalar toifasidagi abituriyentlar qo‘shimcha qabul parametrlari negizida davlat granti asosida o‘qishga qabul qilinadi.

🎙 2024-yil 14-noyabrda "Bolalarni zo‘ravonlikning barcha shakllaridan himoya qilish" to‘g‘risida qonun imzolandi.
Qonunda zo‘ravonlik turlari aniq belgilab berildi, jabrlanuvchi bolalar va ularning oilalarini qo‘llab-quvvatlash hamda maktablarda zo‘ravonlikning oldini olish choralari ko‘zda tutildi.
 
🎙 Farzandlarni oilaning kambag‘alligi tufayli Mehribonlik va Bolalar uylariga joylashtirish amaliyoti bekor qilindi.
Endilikda kambag‘al oila vakillari ishga joylashgan taqdirda, bolasi uch yoshga to‘lguncha bog‘cha xarajatlari uchun Ijtimoiy himoya jamg‘armasidan kompensatsiya beriladi.
 
🎙 Bolalar ishlari bo‘yicha milliy komissiyalar faoliyati samaradorligini oshirish chora-tadbirlari to‘g‘risidagi Prezident Farmoni imzolandi.  
Bolalar masalalari bo‘yicha milliy komissiya vazifalari yangitdan belgilandi, ushbu komissiyasining yangilangan tarkibi va hududiy komissiyalarning vazifalari tasdiqlandi.
 
🎙 Jinoyat kodeksiga va Ma’muriy javobgarlik to‘g‘risidagi kodeksga bolalarga nisbatan oilaviy zo‘ravonlik sodir etganlik uchun javobgarlikni nazarda tutuvchi o‘zgartirishlar kiritildi.
Endilikda bolaga nisbatan mazkur huquqbuzarlik yoki jinoyat sodir etilganda ariza berilmagan hollarda xam ish qo’zg’atilib, huquqiy chora ko’riladi.

🎄Yakunlanayotgan 2024-yilda mamlakatimizda olib borilgan keng islohotlar bola manfaatlarini himoyalash - davlatning muhim tayanch yo‘nalishi ekanligidan dalolat bermoqda.

🇺🇿🇺🇿🇺🇿 Oliy Majlisning Bola huquqlari bo‘yicha vakili (Bolalar ombudsmani) jamoasi barcha yurtdoshlarimizni samimiy qutlab, 2025-yil yuksak muvaffaqiyatlar, cheksiz quvonch va baxt yili bo‘lishini tilaydi!

🎉Kirib kelayotgan Yangi yilda farzandlarimiz huquq va manfaatlari har birimiz uchun chinakam oliy qadriyatga aylansin!
Bolalar shodon kulgusiga olam to‘lsin!

Telegram|Facebook|Instagram

📥Bolalar ombudsmani kotibiyatiga Surxondaryo viloyati, Termiz shahrida istiqomat qiluvchi fuqaro I.Q (erkak) ning murojaati kelib tushdi.

❗️O‘z murojaatida I.Q oilaviy kelishmovchiliklar sababli turmush o‘rtog‘i F.T bilan birga yashamayotganligini, hozirda turmush o‘rtog‘i tomonidan voyaga yetmagan farzandi Z.D ga (2009 yilda tug‘ilgan, qiz bola) nisbatan bir necha marotaba jismoniy zo‘ravonlik qilinib, tan jarohati yetkazilganligini bildirgan.
Aniqlanishicha, ona avval ham qiziga tan jarohati yetkazganligi uchun ma’muriy javobgarlikka tortilgan.
Ammo bunga qaramay zo‘ravonlik yana davom etayotganligi bildirib, ota farzandining huquqlarini himoya qilishni va turmush o‘rtog‘i F.T ga nisbatan qonuniy chora ko‘rishni so‘ragan.

✅Mazkur holat Bolalar ombudsmani so‘rovi asosida Surxondaryo viloyati prokuraturasi tomonidan o‘rganilib, Termiz shahar IIB tomonidan o‘tkazilgan tergovga qadar tekshiruv natijasida (sud tibbiyot ekspertizasi hulosasi asosida) ayol voyaga yetmagan farzandini urib, tan jarohati yetkazganligi aniqlandi.

🗓Joriy yilning 19 dekabr kuni ayolga Jinoyat Kodeksining 126 - modda 1-bandi bilan jinoyat ishi qo‘zg‘atilib, hozirda dastlabki tergov harakatlari olib borilmoqda.

Bolalar ombudsmani holat yuzasidan o‘z kuzatuvini davom ettiradi.
Bu borada qo‘shimcha ma’lumot beriladi.✅

Telegram|Facebook|Instagram