#monitoring_natijasi #bolalar_uchun_sharoit_yaxshilandi 🗓Avval xabar berganimizdek, Bolalar ombudsmani noyabr oyida Samarqand viloyatidagi bolalar saqlanayotgan qator muassasalarga monitoring tashrifi doirasida IIB huzuridagi voyaga yetmaganlarga ijtimoiy huquqiy yordam ko‘rsatish markazi faoliyatini o‘rgandi. ✏️ Bolalar ombudsmani markazda voyaga yetmaganlar uchun yaratilgan shart-sharoitlarni ko‘zdan kechirib, bola huquqlarini ta’minlanishida aniqlangan kamchiliklar yuzasidan Markaz faoliyatini takomillashtirish zarurati bo‘yicha IIVga tegishli xulosa kiritdi. ✅Bunga javoban Bolalar ombudsmani o‘z xulosasida qayd etgan kamchiliklarni bartaraf etish bo‘yicha vazirlik tomonidan hududiy ichki ishlar organlariga maxsus ko‘rsatma yuborildi va aniqlangan muammolarni hal qilish choralari ko‘rildi. ⬇️Xususan, Voyaga yetmaganlarga ijtimoiy huquqiy yordam ko‘rsatish markazi ma’muriy binosining ta’mirga muhtoj joylari (o‘quv xonasi, yotoqxona, sport zali va yuvinish xonalari) sanitariya-gigiyena me’yorlari talablari asosida ta’mirlandi. Bolalar uchun yotoqxonalar sharoiti yaxshilanib, yangi choyshab va yostiq jildlar bilan ta’minlandi. 🚨Shuningdek, Markazning kompyuter qurilmalari internet tarmog‘iga ulandi hamda yangi maktab darsliklari, sport anjomlari bilan ta’minlangan ravishda muntazam dars mashg‘ulotlari o‘tkazilishi yo‘lga qo‘yildi.   ⌛Bolalar ombudsmani bola saqlanayotgan yopiq muassasasalarda o‘z monitoring faoliyatini davom ettiradi. Telegram|Facebook|Instagram