افغان ځلانده ستوري

نظم

کندهاره! ته خبر یې?
په دې ټول افغانستان کې
ستا مثال لکه د زړه دی
زړه چې نه وي،بدن څه وي
ته مضمون د غیرتونو
ته عنوان د کارنامو یې
ته ویاړمن یې له ازله
ستا له غېږي پاڅېدلي
اتـ.ـلان د تارېخونو
د میرویس نیکه مسکنه
د احمد بابا وطنه
ته ټپه یې د ملالي
د ایوب د تـ.ـوري شرنګ یې
ته ګټونکی د هر جنـ.ـګ یې

کندهاره ته خبر یې?
د بـ.ـریا تارېخ دي پروت دی
د اعـ.ـداد په هر ډګر کې
د جـ.ــهاد په هر ډګر کې
ستا د غېږي په انوارو
د تیارو لمن شوه ټوله
د جـ.ـګړو لمن شوه ټوله
د رڼا قافله راغله
د سبا قافله راغله
د فساد په وړاندې ګوره!!
د مـ.ـلا قافله راغله

کندهاره ته خبر یې!
دا ستا خاورې مبارکې
د عـ.ـمر قدم ښکل کړی
ابتدا د امـ.ــارت هم
ستا له غېږي شوه راپیل
فلسفه د قیادت هم
ستا له غیږي شوه راپیل
سرچینه د سعادت هم
ستا له غېږي شوه راپیل
ستا د سپین جبین څو ستوري
د هیواد پر اسمان ځل کړي
د لمریزو وړانګو سیوري
د هیواد پر اسمان ځل کړي
ته دې تل اوسې سرشاره
د بـ.ـاتورو زمرو ښاره
په زرینو تاندو کرښو
ستا د وصف کیسې لیک دي
د غیرت په هر مضمون کې

کندهاره ته خبر یې?
هره سیمه دي یوه بېلګه
هره سیمه دي یادګار دی
د نیکونو د ویاړونو
د ننـ.ــګونو ،سرښندنو
د میوند په حماسه کې
د ملالي په ټپه کې
د زلمیو په جذبه کې
د غیرت درسونه وینم
د همت درسونه وینم
د دامان لوړي،ژوري
د دښمن په وینو سرې دي
په ژوندي احساس سمبالي
ستا بـ.ــاتوري پرګنې دي

کندهاره ته خبر یې?
ته یې ګران په هیوادوالو
ته خو زړه د هر افغان یې
له شماله تر جنوبه
له ختیځه تر لویدیځه
ددې خاورې هر وګړی
ستا عظمت ته سلامي کړي
د کندز په سردرو کې
د ابدان په شنو درو کې
هر شپانه چې شپېلۍ واخلي
ستا په وصف کې راټول کړي
څو رنګین د غزلتوري
د تخار په دنګو غرو کې
ستا په نوم باندې جوړیږي
د غیرت او همت څلي
بس همدا د ګرانښت راز دی
ته هم پوهه شه یارمله
راته ګران له دې امله
چې د ټول افغانستان سر
چا اوچت په درست جهان کړ
ټول په ویاړ سره دا وایو
کندهـــار،کندهـــار

یارمل کندزي
#آفغان_ځلانده_ستوري

مړاوی لونګ یمه، د یار د وربل بوی غواړم
ماشوم هوس یم، لېونی - لېونی خوی غواړم

خمار مې هره ورځ ماتیږي د یارانو په نوم
زه د انګورو اوبه نه غواړم هغوی غواړم

زما د صبر ماتو څانګو، که غوټۍ وکړلې
د زندګۍ تاوان به خامخا له دوی غواړم

ته پرې راځه ستا تر قدمه لاندې ماتې ښې دي
د زړه اوبه ـ اوبه پولۍ د تا په روی غواړم

ما عمري د غزل توري په شبنم واړول
اوس مې غزل د هر موسم په ګل کې توی غواړم

محمد حسن عمري
#آفغان_ځلانده_ستوري

سبق د مینې ستا د عشق په مدرسه کې وایم
*درود پر تا باندې پنځه وخته لمانځه کې وایم

خیرالبشر شمس القمر نور البصر هاشمی
ورځ خو لا پریږده درودونه توره شپه کی وایم

سید منتها مخ والضحی زولفی ولیلِی په شان
ده عشق حدیث دی ده مشکاة په هر صفحه کی وایم

زړه ده حرم دی مکرم ډیر معظم مُحَمَّد ﷺ
ده جمعی ورځ کی سلامونه دقیقه کی وایم

م دای نادیده پری مین ګل می لیدلی نه دی
مخلص رنځور ملا یی نوم په ترانه کی وایم

رنځور ملا
#آفغان_ځلانده_ستوري

علماء

وارثين د ښکلي دين دي علماء
ډېر سپېڅلي او رښتين دي علماء

مشالونه دي  د پوهي او عرفان
ارزښتناکه په يقين دي علماء

لارښونکي د اسلام د احکاماتو
تل د حق مدافيعين دي علماء

تل يې کړی په مېړانه دوطن ننګ
ډېر قوي مبارزين دي علماء

زۀ پرې وياړ کوم مدام دي وې سر لوړي
د احساس د زړۀ تسکين دي علماء

ابراهيم احساس
#آفغان_ځلانده_ستوري

نعت شریف

یا رسول الله
یا حبیب الله
دوست د پاک مولا
یې خیرالورا

ستا څلور یاران و
صدیق عمر عثمان و
او هم علی حیدر
یا نبي الله

پر تا به و چاپیر
اصحاب ټوله په ځیر
ستا جنتي څهره
ای شمس الهدا

نازل پر تا قرآن
له لوري د سبحان
لار ښود د بشریت
ای زموږ پېښوا

راشد ولي ته ګران
نبي آخېر زمان
غمخوار د ټول امت
دی ګران مصطفی

راشد ولي فراهي
#آفغان_ځلانده_ستوري

تلاوت

نور دی رڼا ده د قرآن تلاوت
ذکر ثنا ده د قرآن تلاوت

د هر مرض او هر رنځور لپاره
دم او دوا ده د قرآن تلاوت

ډوډۍ اوبهْ خو د جسد غذا ده
د روح غزا ده د قرآن تلاوت

که د الله رضا غوښتونکی وي څوک
د خدای رضا ده د قرآن تلاوت

لهْ ټول مخلوق به بې پروا شې واوره
د زړهْ غِنا ده د قرآن تلاوت

دي بختور چې یې صبا پهْ همدې
هم یې بېګا ده د قرآن تلاوت

که غواړې رب ته شې نږدې یاسینه
قُرب د مولا ده د قرآن تلاوت

یاسین عبیده
#آفغان_ځلانده_ستوري

ده زمونږ خوښه د پګړۍ لاره
مونږ ته دې نه ښیي نړۍ لاره

دار یې د نوي ژوندون پیل ګاڼۀ
منصور وهله ګړندۍ لاره

څوک چې په سپینو باندې تور لګوي
کړﺉ یې وربنده د مرۍ لاره

هر څه مو تېر کړله د رب لپاره
اغزن مزل،د تروږمۍ لاره

که خپله نه کړو د نېکۍ لاره
پر دوږخ جوړه ده نرۍ لاره

یارمله!! رسي به د مرګ ساحل ته
د ژوندانه ددې بېړۍ لاره

یارمل کندزي
#آفغان_ځلانده_ستوري

ته یـــــــی دټــولو مخــــلوقاتــــو بادشا
ته یـــــــــی دهـــــرنګــه حالاتو بادشـــا

ثـــــنا دي وایــــــی که حـــجر که شـجر
ته یـــی دټــولو جــــمــاداتـــو بـــادشـــا

تا ده ورکړی هــــر زي روح ته تقـــــسیم
تــــه یــــی دنرمـــــو معــــایاتو بادشـــا

ثنــــــا صفـــــت دي خـــلاصیـدلی نشي
تـــه یـــی دڅـــــومره کــــمـــالاتو بادشا

په خــــــــپل بنــــــده یی مـــهربانه ربه
ته یـی دڅـــــــومره حســـــناتو بادشـــا

څه چـــــي پاني څــه چي باقي پاته دي
ته یی دټــــــولو مـــــوجــــوداتـــو بادشا

ربه زما ټـول مشــــــکِلات را حـــل کـــړه
ته خــــــو یــــی حــل دمـــشکِلاتو بادشا

غلـــــــــت قــــــدم عــمـــرعلـــي وانخلي
رب ستــــــا دټـــولـــو حــرکــاتــو بادشــا

عمرعلي احمد
#آفغان_ځلانده_ستوري

کابل جانه

سپین توغ دی رسېدلی دی اوږو ته کابل جانه
په تا کي کله ځای ستـه وه پردو ته کابل جانه

نړۍ دي پرزه ولې ده یؤ ځل نه څو څو واره
غیرت دي ورمعلوم دی ونــــــاټو ته کابل جانه

جنت جنت يې خپلو غیرتمنو شازلمو ته
دوزخ يې چي تا پلوري وهغو ته کابل جانه

سلام دي کوم غېږه کي رئس الوزرأ ته
سلام دي ټولو مېشتو پرګنو ته کابل جانه

زاهد دي اوس په اړه څه زرينې کرښې لیکي
زاهد دي مخه کړې ده ټپو ته کابل جانه

هدایت الله زاهد
#آفغان_ځلانده_ستوري

ټینـــــــګ ایمــــان مي ناټوګۍ سمه کړه
طالب جــانان کــــفري نـــړۍ سمــه کړه

په تیښته سر شول دصلــــیب بنـــــدګان
جانان په سر سپینه پګړۍ ســمــه کـړه

ها دکـــــــسرا بــرجـــــــــونه ونړیــــدل
ابو حمزه سپـــــــینه ماڼـۍ سمــــه کړه

غـــــــداره څـــنګه به تري ځان وســاتي
چـــي ستا په غاړه مي مرمۍ سمه کړه

بلا وهـــــــــلي مـــــــي زارۍ نه منـــــي
بلا په څــومره مي خــــــوارۍ سمه کړه

ســـــتړی ستــــومانه ووم دغره لـمن کي
ښُکـــــلې کوچـــۍ راته کیږدۍ سمه کړه

عــــــــمرعــــــلي لـــري ســــترګک وواهه
ځـــکه یی په لاس باندي خولۍ سمه کړه

عمرعلي احمد
#آفغان_ځلانده_ستوري

غزل

پښې یبلې ازغو کې لاروي راځي
وچ بوټي ګلونه اوبوي راځي

خوب د آزادۍ ویني غـ..زه ویده
امن به یې ورو ورو ویښوي راځي

ته وا ماشومان په ورېښمین ټال کې دي
زړونه اذانونه زنګوي راځي

اوښکې د یتیم فلـ..سطین تندر شو
برج د استکبار به نړوي راځي

ستا غزل کاروانه مینه مینه ده
ښکلي به دې خود په پلوي راځي

پیر محمد کاروان
#آفغان_ځلانده_ستوري

څوک باچا سي څوک ګدا په دې دنیا کي
څـوک روا څـوک نـاروا پـه دې دنــیا کي

څـوک پـه حـقـه لار روان ځـي تـر منزله
د چــا حـقـه لار خـطا پـه دې دنـیا کــي

څوک یواځي له دنیا څـخه خوند واخلي
څوک تـوښه کـړي د عـقبا په دې دنیا کي

څوک په زړونوکي وښکلو ته ځای ور کړي
څـوک بـدرنـګو تـه اشـنا پـه دې دنـیا کې

څـوک دا خـپـله نـا پـوهي اوښیاري بولي
څـوک د عـلـم شـي رڼــا پـه دې دنـیا کـي

څوک د دین لپاره ځـان په اور کباب کړي
څوک وحق دین ته کړي شا په دې دنیا کي

جار نورالله (حنیفه) ربه ته کړه لاس لپه
رب بـخـښـي هـره ګـنـاه پـه دې دنیـا کي

م نورالله حنیف
#آفغان_ځلانده_ستوري

صلی اللّه علیه وسلم

تۀ! زخمي زخمي زړونو ته
د مرهم مرهم غوندې یې
يو ګل یې د فطري ګلشن
ته شبنم شبنم غوندې یې

ته صبر حوصله تلقين
ته غر د ستر استقامت
مثال یې د ثُبات دوام
ته درس د توکُّل همت
مالک ابن سِنان طلحه
لره شوې زیری د‌ جنت
په شپول کې د رڼو ستورو
ته انجُم انجُم غوندې یې

ځانګړي دي صفات عادات
ته د اخلاقو نمونه
و مونږ ته دي معيار د ژوند
ته د اقدارو فلسفه
متون دې له اوصافو ډک
ته د ښيګڼو مجموعه
تۀ! تندي ته د تږي زړۀ
د زمزم زمزم غوندې یې

ستا نسبت له رڼا سره
زه سرتاپا تاريک ، تاريک
ستا ذات اقدس ته څه اړتيا
زما د ستاینې او د‌ ليک
نه لرم دومره ظرفيت
چې درک کړي ستا اوصاف باريک
ته د زړګي دردونو ته
د *اِرم اِرم غوندې یې

ته راز د خدای د عبادت
ته ذوق د عشق او محبت
یې ښکلی په صورت سيرت 
ته وصيله یې د رحمت
پر تا دې نذر وي درُود
په ټول خلوص او عقيدت
ته درمل تسل د زړونو
د همراز همدم غوندې یې

سید درمل
#آفغان_ځلانده_ستوري

داغزیو پر سرو تر منزل راغلم
په ډیر سختو ګړاوړ تر منزل راغلم

دعمر دسپېنې لارې لاروی یم
دعمر په سپینو پلو ترمنزل راغلم

دمنصور غوندې مې ځان په اور ستي کړ
په سکروټو او اورو تر منزل راغلم

ستا لپاره مې دردونه په ځان یوړل
په تڼاک تڼاکو پښو تر منزل راغلم

څه د درد او شبګیرو شپې مې کړې تیرې
څه په ړنګو قدمو تــــر منزل راغلم

حُب د دین او د وطن مې وپاللو
په تکل د دغو دوو تر منزل راغلم

کـــړیــــدمـــه زوریــــدمــــه سوځیدمه
سعد منقاده چې تر څو تر منزل راغلم

سعد منقاد
#آفغان_ځلانده_ستوري

د رب کعبي نه دوي کاږه ولاړ دي
عربان غرب ته په لمانځه ولاړ دي

دا د غـزي د خور پــریـاد نه اوري
یهود ته ټول لاس په نامه ولاړ دي

د ابـرهآ په څیـر قـوي لښـکـر يي
لکه بـوتان په چفه خوله ولاړ دي

بیا پري نازل کړه آبابیل خاونـده
توهین کوي د کعبي غله ولاړ دي

حبیب به څو میله تري لري شړل
کُفـــار نـن هلتـه میلـمانه ولاړ دي

د نیکو پاک تاریخ يي پښو لاندي کړ
نـوي نسـلونـه يـي ړانـده ولاړ دي

د پاک اسلام د سر چینو اوبه شوي
خړي شهکاره پري واښــه ولاړ دي

شهکار شپونکی
#آفغان_ځلانده_ستوري

ګــــــټلي مـــو ده ګــرانـــه ازادې دتـــن په ویــــنو
ټول کــړی مو له دي خــاوري ټــــغـــر ده دالـــحاد

هـــرنګه تبلیغـــات کفــــري مډیا وو کړلو وړانـدي
هـــــیڅ کم نـــشــــو زموږ په مـــشـــــرانو اعتـماد

زانګو کي شهــــیدان کړل ماشومان زمــــوږ دکلي
راغلـــــــی ده کفــــــري نړۍ اشــــــــر په اتحــــاد

اوس نشته ها شین سترګي سره مخونه په کابل کي
اوس ښُکلی ده په سپینو تور پټـــکیو دا هــــیواد

کیـــدایشــــي اندُلس فتحي ته ته یی غوره شوی
طالــــــبه درنه جــــــوړ به شــــي طارق ابــن زیاد

راځــــي ورته مـــرغان له هریخـــوا نه نــنداري ته
اوس ځالي جوړه وي په جګو څوکو دشــــمــــشاد

ورتلـــــل به سرو لمـــــبو ته خنـــــدا لکـــه خــلیــل
ډګـــر داســــتشـــــــهاد نه فــــدایــان لکـــه فـــولاد

حدیث دګران نبي ده ای عــــمـرعلـــي احــــمـــــده
مــــــــــاض الی یــــوم الـقـــــــیامتــــــه دا جــــهاد

عمرعلي احمد
#آفغان_ځلانده_ستوري

غزل

روان قطار قطار شهاب
ښکاري مهتاب زما بیتاب
چې چا ازار کړلو ګلاب
راګیر د غم په لوی ګرداب

نشتون د یار ورته ډیر سخت
چې خورې د زړه ویني خوناب

شونډې یې وچې سترګې سرې
د چا په غم کې ډیر عرقاب

غوپه غوپه د چا په یاد
نشه او ړنګ ښکاری جناب

په درد یې هیڅ نه شومه پوه
رنځ پوه ډاکتر کړلو جواب

رقب مې نه شو فایده من
جانان بیا زه کړم انتخاب

دی په شاهین حمزه مشهور
په مات زړګي چې کړې اعراب

~ شاهین حمزه
#آفغان_ځلانده_ستوري

غزل

لکه منصور په سر د دار وختم
د تاریخونو افتخار وختم

د لوی ملا صاحب په پله روان سوم
ستر مخالف د استعمار وختم

له دین، وطنه سوم لوګی،سپېلنی
لکه بلال، لکه عمار وختم

د سپین جنون په سپینه لار لاړمه
په الهی عشق کې خمار وختم

ګلاب ځواني مې درته وشیندله
هېواده ستا د غاړي هار وختم

د استشهاد د قافلې غړی سوم
د مهاجر بدر! اشعار وختم

محمد بدر
#آفغان_ځلانده_ستوري

ورکه یاره


سترګې مې سرې دي له شبګیر درپسې
ټوله شپه ژاړم کـــوم ویر درپسې

چېرته یې نه ښکارېږې ورکه یاره
ولټومه     کوم    مســیر درپسې

د هجــر دښته  کې تنها پاتې یم
د یاد  لېوانو دې  کړم څیر درپسې

د غـــــم لښکرې دې راځي جانانه
زړګـــی مې شو زهیر زهیر درپسې

ستا د نشتون په طوفاني زلزلو
ړنګ دی زما د ژوند تعمیر درپسې

ړنګ قدم اخلمه کوپ کوپ روان یم
مات یمه سم د ملا په تیر درپسې

له کلي وتی یم په غرونو سر یم
لور په لور ګورم په زیر زیر درپسې

عاجزملنګ دا ستا دیدن غواړمه
رنګ مې هم کړی دی تغیر درپسې

حافظ عاجزملنګ
#آفغان_ځلانده_ستوري

څه یی غاټول څه یی نارګیس څه یی ګلاب شهیدان
دنګ دنګ زلمي رانه بدرنګه انقلاب شهیدان

څه په مورچل څه په سنګر څه په میمبر ویده شول
څه په کمین څه په تعروض څه په محراب شهیدان

له کوره تللي وو په غیږه دسنګر کي پراته
شولو په جام دشهادت باندي سیراب شهیدان

پرتي په لاسو کي یی وي دا دوحشت هتکړۍ
اخ په زندان کي کړلو څومره په عذاب شهیدان

طالبه ډیر پام به کوي چیرته خیانت ونکړي
درباندي را به شي محشر کي یو سیلاب شهیدان

که د شهیدو زلمو ټولې کړې راټولې وینې
درته یی جوړ به شي له وینو یو دریاب شهیدان

غُلامه ولي دي راوستي وي دغرب لښکري
ولي دي کړو دامریکا په ستر قصاب شهیدان

عمرعلي احمـده پام یی کړه له وینو سره
زمونږ په وړاندي شـولو څرنګه کباب شهیدان

عمرعلي احمد
#آفغان_ځلانده_ستوري