O'SIMLIKLAR KARANTINI VA HIMOYASI AGENTLIGI

✅ O‘zbekiston Respublikasi Prezidentining 2024-yil 30-dekabrdagi “Qishloq xoʻjaligi maydonlaridagi qoʻshimcha imkoniyatlardan foydalangan holda mahsulot yetishtirishni koʻpaytirishga doir chora-tadbirlar toʻgʻrisida”gi PQ-465-son qarori ijrosi yuzasidan amalga oshiriladigan ishlar bo‘yicha respublika ishchi guruhi yig‘ilishi bo'lib o'tdi

💬 Kun tartibidagi masala yuzasidan muvofiqlashtiruvchi ishchi guruh rahbari Ibrohim Ergashev raisligida 2024-yil 30-dekabrdagi PQ-465-sonli qaroriga muvofiq tegishli vazirlik va idoralar, Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari bilan birgalikda amalga oshirilishi lozim bo'lgan vazifalar ijrosini muhokama etildi.

🖊 Xususan, har yili 1-fevralga qadar tegishli yil hosili uchun dala chetlarida ekin ekish ishlarini tashkil etish va yetishtiriladigan mahsulotning prognoz ko‘rsatkichlari bo‘yicha tegishli qarorlar qabul qilinishi belgilandi.

Shuningdek, mazkur yo'nalishda:

- chora-tadbirlar dasturi ishlab chiqish;
- dala chetini o‘zlashtirish va mahsulot yetishtirish uchun zarur bo‘lgan urug‘ va ko‘chatlar, mineral o‘g‘itlar, kimyoviy preparatlar, moddiy-texnik resurslar bilan ta’minlash;
- dala chetlaridagi hamda xonadon va ko‘p qavatli uylar oldi, mahallaning ichki ko‘chalaridagi yer maydonlarini o‘rganib, aniq o‘lchamlarini tasdiqlash;
- tuman (shahar) hokimlari va Kadastr agentligining hududiy bo‘limlari tomonidan mulkchilik huquqi aniqlanmagan dala chetlaridan foydalanish huquqini belgilash va davlat ro‘yxatidan o‘tkazish ishlarini tashkil qilish;
- hosildor urug‘ va ko‘chat navlarining, shuningdek, mineral o‘g‘it va kimyoviy preparatlarning o‘z vaqtida yetkazib berilishini tashkil etish;
- yetishtirilgan qishloq xo‘jaligi mahsulotlarining sotuvini, shu jumladan, “Uzex Agro” elektron savdo platformasi orqali tashkil qilish kabi choralar belgilandi.

💬 Yig'ilishda kun tartibiga kiritilgan boshqa masalalar ham ko'rib chiqildi.

🔰 karantin.uz 📱Facebook 📱Instagram📺Youtube ✖️Twitter

✅ Ma’naviy-ma’rifiy ishlar samaradorligini oshirish — davr talabi

💬 Toshkent davlat agrar universitetida Qishloq xo‘jaligi vazirligi tizimidagi tashkilot va muassasalarda ma’naviy-ma’rifiy ishlar, davlat tilini joriy qilish borasidagi faoliyatni jamoatchilik asosida tashkil etishga mas’ul etib belgilangan xodimlar uchun amaliy seminar bo‘lib o‘tdi.

💬 Seminarda O‘simliklar karantini va himoyasi agentligi tizimidagi tashkilotlar hamda hududiy boshqarmalarda jamoatchilik asosida ma’naviy-ma’rifiy ishlar hamda davlat tilini joriy qilish bo‘yicha mas’ul etib belgilangan 17 nafar xodimlar ham ishtirok etdi.

👫 Mazkur seminarga taklif etilgan bir qator soha mutaxassislari tashkilot va muassasalarda ma’naviy-ma’rifiy ishlar borasidagi faoliyatni rejalashtirish, ularni tizimli ravishda o‘tkazish va natijadorligini oshirishning o‘ziga xos jihatlari, kasbiy faoliyatda va targ‘ibot ishlarida notiqlik mahorati va kommunikativ kompetentlik mavzularida taqdimotlar o‘tkazishdi.

❓ Seminar davomida soha xodimlari o‘zaro tajriba almashib, joriy etilgan va rejalashtirilayotgan yangiliklardan xabardor bo‘lishdi. Ishtirokchilar sohaning yetuk mutaxassislariga o‘z kasbiy faoliyatlariga oid qator savollar bilan murojaat qilishdi. Shu bilan birga, mavjud muammolar va ularning yechimlari bo‘yicha ham fikr almashildi.

🔰 karantin.uz 📱Facebook 📱Instagram📺Youtube ✖️Twitter