☘️ضريح زينب ع
☘️لسان حال الشاعر
👉خلي ابدي ياموالي قصة ام عون بونين
شلون من هجموا عليها حاطواالسور الحصين
❥ــــــ☆ـــــــ●ـــــــ☆ــــــ❥
شرد اوّصفها بكلامي قصه مليانه بجراح
حاله ميشومه وصعيبه بالصحن اسمع صياح
حتى من ماتت ولوهه وسفه ابد ما تستراح
اسرد القصه بالمها احجي واجهر بالنياح
ياحسافه اعله العقيله صارت بموقف حزين
✍☘ام فراس الساعدي
☘❥ــــــ☆ـــــــ●ـــــــ☆ــــــ❥
اكتب بقلمي عليها والقلم ينزف الم
شلون من دخلو صحنها ذوله ماعدهم ذمم
جنها صاحت وبحزنها وينه شيال العلم
من عهد عاشور لسه بگلب زينب جم سهم
جروحها تنزف يويلي مابرد جرح الحسين
زهره الكناني
✍️❥ــــــ☆ـــــــ●ـــــــ☆ــــــ❥
ياحسافه اعله العقيله ظلت ابديرة غرب
بعيده عن جدها وأبوها بغربه والموقف صعب
وبارض شمات ماتت والمحب دمعه يصب
دخلوا لمرقدها زينب وسفه
علنوها الحرب
ريت اهل الغيره تحضر وتحمي بت الطاهرين
📚🖌️ام زهراء
❥ــــــ☆ـــــــ●ـــــــ☆ــــــ❥
زينب الصبر التحمله اجبال ماواحد حمل
بالشجاعه والفصاحه حيدره خير العمل
ترعب رجال ابصداها بيها دين الله كمل
ميته ويهابون منها ابصرخه تلفيها الاهل
تفزع الكافل يجيها لا يهم يسره ويمين
✍ام اسعد الشمري
❥ــــــ☆ـــــــ●ـــــــ☆ــــــ❥
دم جرحها الهسه ينزف ماگطع لحظه ابد
بنص صحنها تشوف عاشر بيه آلام وشدد
شافت انواع الظليمه انكتب بيها من المهد
يلحگوها اعـله گبرها زمره مليانه عدد
جددوا تاريخ اهلهم حقد مدفون لسنين
أم صـــ
✍️ــــادق المنصوري
❥ــــــ☆ـــــــ●ـــــــ☆ــــــ❥
يا حسافه ابصحن زينب يدخل أشباه البشر
والله لو بيده ايتجره يمسها يتگطع وذر
البطل عباس اخوها لو سمع يصبح سقر
الايمحيها النواصب مايظل منهم اثر
هيه چم مده وتعدي وتندحر هالحاقدين
✍️ام محمد تقي الموسوي
❥ــــــ☆ـــــــ●ـــــــ☆ــــــ❥
تمت باقلام شاعـ
✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه
https://t.center/alkalm313
