قصيده لراس السنه ومولاي الحجه عجل الله فرجه ننتظر مهدينه باهات وونين يمحي ظلم المر علينه بهالسنين 🌼 ৡ✵ •┈┈┈• ✵ ৡ✵🌼 ننتظر باشواگ وبلهفه وامل نصيح يامولانه اظهر بالعجل شوف ظلم الناس ولياحد وصل يقلدون الغرب وسفه المسلمين الخـ✍️ــادمه ام زيد الشمري 🌼 ৡ✵ •┈┈┈• ✵ ৡ✵🌼 قلدوا كل المكاره بالبلَد گمنا مانعرف بنيه من الوَلد سلمينه الامر للواحد احد نظره يامولاي لجل المؤمنين ✍️☘️ام فراس الساعدي ☘️ 🌼 ৡ✵ •┈┈┈• ✵ ৡ✵🌼 الناس يامولاي تسهرللصبح نست يوم حسين والطف والذبح وانته دمعاتك على جدك تسح نعتذرك منك يبن طه الامين زهره الكناني✍️ 🌼 ৡ✵ •┈┈┈• ✵ ৡ✵🌼 الناس ماتعرف العيب ولاحرام والغني ويه اللهو ساد اللئام نگول عالاسلام والدنيا السلام بانتظار المهدي ابن الطيبين 📚🖌️ام زهراء 🌼 ৡ✵ •┈┈┈• ✵ ৡ✵🌼 ضاع حقنه وصار باطلهم عدل يحاجج اهل الدين وارباب العقل والستر صاير اسم ماكوفعل لقبو اهل الديانه معقدين ✍ام اسعد الشمري 🌼 ৡ✵ •┈┈┈• ✵ ৡ✵🌼 تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي غير مبري الذمه لكل من يغيير الاسماء او ياخذ كلمات القصيده وينسبها اليه https://t.center/alkalm313