☘لاستشهاد الامام الكاظم ع ☘ بين موسى والسجن خلصت ايامه بحزن يحز بعظامه الحديد آ يسجن اللارشيد ❥ـــــ❁ــــ❁ــــ❁ــــ❥ گاعد بزنزانه يسجد لاشمس لاكو ضوه صايم بليله ونهاره عظمه وي جلده التوه لا رَبع لااهل  يمه كلشي منهم ماحوى صعبه فرگتهم طويله من الهجر گلبه انچوه بس ابن شاهك يچید آ يسجن اللارشيد ❥ـــــ❁ــــ❁ــــ❁ــــ❥ من ضمن تعذيب امامي دخلت اعليه جاريه تريده عن دينه يتنصل بالطريقه المغريه طلعت بفضله عفيفه للمناقب قاريه عافت الدنيه الرذيله للمعارف شاريه للمكاره ما تعيد آ يسجن اللارشيد ✍☘ام فراس الساعدي ☘ ❥ـــــ❁ــــ❁ــــ❁ــــ❥ اقره بالتاريخ عنه بكلمه وحده احيا بِشر للمواعظ نهج خله من عبارة انته حِر غيرت مسرى حياته ورجع بيه امن الصِفر عالم وناصح گضاهه حتى من طب الحِجر يوعظ وبالرگبه قيد آيا سجن اللارشيد ✍️ وعد الڪفيل ❥ـــــ❁ــــ❁ــــ❁ــــ❥ برگبته الگيد ويصلي اختلط ليله وي النهار عيونه بيّضها حزنها وروحه مليانه مَرار يناجي ربه ودمعه يجري ليمتى هذا الانتظار ربي حن گلبي على اهلي واعله اولادي الزغار منتظر يوم الوعيد ايا سجن اللارشيد *✍🏻أم عبــــــــــد اللـــــــــه العـــــــــابدي* ❥ـــــ❁ــــ❁ــــ❁ــــ❥ گضه بالزنزانه عمره یشکی لله حالتــه وعگب ضیم السجن کله فجعه صارت موتته سمّــــه الگَطّع دلیله زرگه صــارت جثته ساعه لن سلمان مسرع غسلاهه اجنازته مثل اجداده شهید ایا سجن اللارشید ام مهدی مجدم✍️ ❥ـــــ❁ــــ❁ــــ❁ــــ❥ الطيب ابن الطيب اصله گوموا هسه انودعه عالجسر مطروحه جثته هايه اعظم فاجعه طلعت الشيعه لمصابه تبجي كلها امفرّعه للجسر گصدت اجته بلهفه تبجي تشيّعه حضرت اتودعه تريد ايا سجن اللارشيد زهره الكناني✍️ ❥ـــــ❁ــــ❁ــــ❁ــــ❥ موسجن طاموره ظلمه والسلاسل هادمه الظالم اتعده حدوده اعله ابن طه وفاطمه خوفه نشر الدين بيهم والعداله الحاكمه وكتب دين الله ورسوله ماتظل الخاتمه لكن اجياله تزيد آيا يسجن اللارشيد ✍ام اسعد الشمري ❥ـــــ❁ــــ❁ــــ❁ــــ❥ تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي غير مبري الذمه لكل من يغيير الاسماء او ياخذ كلمات القصيده وينسبها اليه https://t.center/alkalm313