Toshkent shahridagi Prezident maktabi oʻquvchilari Pahlavon Gʻulomov hamda Asilbek Ashrapov BAAda boʻlib oʻtgan Zayed Sustainability Prize sovrindoriga aylanganidan koʻpchilikning xabari bor, menimcha.
Tanlovda gʻolib boʻlgan loyiha yordamida yomgʻir suvini yigʻib, qayta ishlash va isteʼmolga yaroqli holga keltirish mumkin. BAA ushbu loyihani amalga oshirish uchun jami hisobda 150 ming AQSh dollari miqdorida pul mablagʻlarini taqdim etdi. Davlatimiz rahbari nomidan oʻquvchilarning oilasiga va ularning ustoziga BYD avtomobillari ham sovgʻa qilindi.
Biz bugun yosh va umidli qahramonlarimizning fikrlariga hamda taassurotlariga qiziqdik. Oʻquvchilarimiz hikoyalari, bu yutuqlarga erishish yoʻlidagi harakatlarini ularning oʻzini tilidan eshitish tengdoshlari, mamlakat yoshlari uchun motivatsiya boʻladi degan umiddaman.
Aminmanki, ular yurtimiz kelajagi uchun xizmat qiladigan munosib mutaxassislarga aylanishadi.
Shu oʻrinda Toshkent shahridagi Prezident maktabi jamoasiga hamda oʻquvchilarimizning ota-onalariga minnatdorlik bildiraman. Farzandingiz bugun Yangi Oʻzbekiston ta’limining haqiqiy yulduzlaridir.
P/S: Pahlavon erishgan yutuqlarining eng katta sababchisi sifatida ota-onasi oʻqituvchi ekanligini aytgan joyi shaxsan menga qattiq ta’sir qildi. Ta’limni, jamiyatni mana shunday ilmli, farzandi taqdiriga befarq boʻlmagan oʻqituvchilar, ota-onalar rivojlantiradi.
@hilola_umarova
