Sergeli tuman hokimligi Xокимият Сергелийского района

🇺🇿#Xabarlar

2025-yilda mahallalarda xavfsiz muhitni yaratish va huquqbuzarliklarning oldini olish bo‘yicha yig‘ilish o‘tkazildi

Bugun Sergeli tumanida mahallalarda xavfsiz muhitni shakllantirish hamda huquqbuzarliklarning barvaqt oldini olish tizimi samaradorligini oshirish masalalariga bag‘ishlangan muhim yig‘ilish bo‘lib o‘tdi.

Yig‘ilish davomida huquqbuzarliklarni oldini olish uchun mahalliy darajada amalga oshirilayotgan chora-tadbirlar, xavfsizlikni ta'minlashning dolzarb masalalari va ushbu yo‘nalishda belgilangan vazifalar muhokama qilindi. Ishtirokchilar tizimning samaradorligini oshirish uchun yangi yondashuvlarni ishlab chiqish, aholi, ayniqsa yoshlar va oilalar bilan ishlashda faoliyatni kuchaytirish lozimligini qayd etdilar.

Shuningdek, mahallalarda jamoatchilik va fuqarolar ishtirokida xavfsiz muhit yaratish bo‘yicha yangi tashabbuslar ilgari surildi va ularga oid topshiriqlar belgilab olindi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Yoshlar

Sergeli tumanida yoshlar muammolarini aniqlash va qoʻllab-quvvatlashga qaratilgan uchrashuv oʻtkazildi

Sergeli tumani hokimi va sektor rahbarlari mahalladagi yoshlar yetakchilari bilan navbatdagi muhim uchrashuvni tashkil etdilar.
Yigʻilishning bosh maqsadi yoshlar oʻrtasida olib borilayotgan xatlov jarayonini tahlil qilish va uning samaradorligini oshirish yoʻlidagi vazifalarni belgilashdan iborat boʻldi. Ushbu maqsad doirasida yigʻilishda xatlov jarayonining bugungi holati, bu borada amalga oshirilgan ishlar va mavjud muammolar atroflicha muhokama qilindi. ayniqsa, xatlov jarayonining o‘z vaqtida va to‘liq amalga oshirilishini ta’minlashga alohida e’tibor qaratildi. Yoshlar orasida uchrayotgan dolzarb muammolarni aniqlash va ularni hal qilish uchun sektor rahbarlari va yoshlar yetakchilari o‘rtasida yaqin hamkorlikni yo‘lga qo‘yish muhimligi ta’kidlandi.

Uchrashuv davomida xatlov jarayonining ahamiyati alohida eʼtirof etildi. Ushbu jarayon yoshlar orasidagi mavjud muammolarni aniqlash, ularning ehtiyojlarini chuqur oʻrganish hamda bu asosda yoshlarni har tomonlama qoʻllab-quvvatlash boʻyicha aniq chora-tadbirlar ishlab chiqish uchun muhim platforma ekanligi taʼkidlandi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Sessiya

Bugun Xalq deputatlari Sergeli tuman Kengashining navbatdagi beshinchi sessiyasi bo‘lib o‘tdi

📌Sessiyada Sergeli tumani Maktabgacha va maktab ta’limi bo‘limi tomonidan 2024-yilda amalga oshirilgan ishlar bo‘yicha hisobot taqdim etildi. Mazkur hisobotda tumandagi ta’lim muassasalarining moddiy-texnik bazasini mustahkamlash, o‘quvchilarning o‘zlashtirish darajasini oshirish, pedagog kadrlarning malakasini yuksaltirish borasidagi ko‘rsatkichlar va erishilgan natijalar haqida ma’lumot berildi.

📌Sergeli tumani tibbiyot birlashmasining 2024-yildagi faoliyati to‘g‘risidagi hisobot ham muhokama qilindi. Hisobotda aholiga ko‘rsatilayotgan tibbiy xizmat sifati, yangi zamonaviy uskunalar bilan jihozlash ishlari, profilaktik tibbiy ko‘riklar va shu bilan birga, tibbiyot xodimlarining malakasini oshirish, sog‘lom turmush tarzini targ‘ib qilish hamda kasalliklarning oldini olish bo‘yicha olib borilgan ishlar haqida ma’lumot berildi.

📌O‘zbekiston Respublikasi Yoshlar ishlari agentligi Sergeli tuman yoshlar ishlari bo‘limining 2024-yildagi faoliyati yuzasidan hisobot tinglandi. Mazkur hisobotda yoshlarni ijtimoiy qo‘llab-quvvatlash, ularning bandligini ta’minlash, sport, madaniyat va ta’lim sohasidagi loyihalarda faol ishtirokini ta’minlash bo‘yicha amalga oshirilgan ishlar haqida axborot berildi.

📌Sessiyada ushbu masalalar bilan birga boshqa tashkiliy masalalar ham ko‘rib chiqilib, kelgusidagi ustuvor vazifalar belgilab olindi.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website

🇺🇿#Xabarlar #Inson

“Inson” ijtimoiy xizmatlar markazi: 100 dan ortiq yordam va xizmatlar

Sergeli tumani “Inson” ijtimoiy xizmatlar markazi ijtimoiy himoyaga muhtoj aholini qo‘llab-quvvatlash maqsadida 100 dan ortiq turdagi xizmatlarni amalga oshirmoqda. Markazning asosiy yo‘nalishlari quyidagilardan iborat:

Moddiy yordam va moliyaviy ko‘mak: kam ta’minlangan oilalar va nogironligi bo‘lgan shaxslarni moddiy yordam va subsidiya bilan ta’minlash.

Tibbiy xizmatlar va qo‘llab-quvvatlash: bepul tibbiy ko‘riklar, nogironlik reabilitatsiyasi va surunkali kasalliklarga chalinganlarga dori-darmon yetkazib berish.

Psixologik yordam: stress va oilaviy muammolarga duch kelganlarga maslahat berish hamda maxsus psixologik dasturlarni amalga oshirish.

Ijtimoiy moslashuv va bandlik: ishsiz fuqarolarni band qilish, nogironlar uchun maxsus ish o‘rinlari tashkil etish.

Oilalarni qo‘llab-quvvatlash: farzandli oilalarga parvarish puli ajratish hamda oilaviy zo‘ravonlik qurbonlariga yordam ko‘rsatish.

Markazning mazkur xizmatlari aholining hayot sifatini yaxshilash va ularni qo‘llab-quvvatlashga qaratilgan. Qo‘shimcha ma’lumot olish uchun markazga murojaat qilishingiz mumkin.

✍️Sergeli tuman hokimligi Matbuot xizmati

🕊Telegram 📱Instagram 📱Facebook 🌐 Website