“Синфдош қизлар ҳам келди. Қариб кетган экан кўпчилиги. Анча вақт кўрмаганимга шунақа туюлди шекилли. Семиргани семириби, озгани озиб кетган. Кўзлари ичига кириб атрофлари қорайиб кетганлариям бор. Юзларда ажинлар, хуниклашиб кетишибди кўпчилиги. Тилла тишлар қўйган ярашмайдиган. Вақтни кўпроқ жахлини чиқаришгани кўриниб турибди. Айримлари бўш вақтида фақатгина туғиш билан шуғулланган албатта мажбурий-ихтиёрий тарзда. Кулгандаям бақириб мактаб давридагидек шаддод кула олишмайди. Юзларда қанақадир хорғинлик бор. Менам шунақа кўрингандирман. Қариятганимни ҳис қилиб келдим хуллас”— deb yozgandi bir paytlar “Kino va vino” telegram kanali muallifi.
Bir o‘qishdayoq ko‘pchilik o‘zbek ayollarining tashqi qiyofasi portretini chizib bergan.
Endi men shu ta’riflarni izohlab beraman.
“Semirgani semirib, ozgani ozib ketgan” — to‘gʻri ovqatlanmaslik, asabiylashish, sport bilan shugʻullanmaslik oqibati bular. Nega ayol asabiylashadi, balki, eri baxtli qilolmagandir, vaqtida tibbiy ko‘rikka obormagandir, nima deysizlar?
“Ko‘zlari cho‘kib, atroflari qorayib ketgan” — shamollash oqibati, demak, eri issiq sharoit yaratib bera olmagan;
“Tilla tishlar qo‘yishibdi, yarashmagan” — demak, homiladorlik davri ogʻir o‘tgan, eri qo‘shimcha vitaminlar olib bermagan; Tilla tish qo‘ydirib beribdi, rahmat, ammo bu stil eskiryapti-yuuu, akalar, kerilmang, qimmat emas;
“Ixtiyoriy-majburiy tugʻish bilan shugʻullangan” — ayolga buyumdek munosabatda bo‘lishning yorqin namunasi, ayol organizmi farzand dunyoga keltirishi uchun o‘zini tiklab olishiga vaqt va qulay sharoit ajratib berilmagan. Natijada, bular ayollarni ruhsiz, kuchsiz, husnsiz qiladi. Bundayam erkaklar aybdor.
Erkakning kuchi xotinini baxtli va himoya qila olganligi bilan o‘lchanadi. Jamiyatimizda esa kuchsiz erkaklar safi turnaqator, afsuski.
@Xolida_Musulmon
