سلام بر زرنه Zarneh 🌐🔻

#شعر_کلهری
#زبان_کلهری_پهلوی_نو


‍ غزلِ کلهری؛ از همایون رحیمیان



(کپو: قاصدک)

کپو زرده‌خزان هات و ته ناتی
شِنَه‌ی ولنگِ رزان هات و ته ناتی

کپو چیو آگرِ  ژیرِ خوَله‌کو
کِزه‌ی سوزِ سِقان هات و ته ناتی

خورآوا بیو، دِواره لَی هِنازه‌و
شوِ حسرت له بان هات و ته ناتی

چنی کانیِ بغضیلم نتوقین
چنی اِرمس روان هات و ته ناتی

چنی روژم پیِ روژان وه سر چی
چنی شو پی شوان هات و ته ناتی

چنی احساسگم گُل کِرد ارای تو
چنی شعرم له گیان هات و ته ناتی

کپو له باخِ احساسِ همایون
خِشی ولنگِ خزان هات و ته ناتی

کپوگیان هایده کو؟! یادِت بِمینی
که وختِ کوچِمان هات و ته ناتی


🌎
🔺`•) ➧@salam_bar_zarneh

#شعر_عامیانه_کلهری
#زبان_کلهری_پهلوی_نو
#قوم_کلهر_کرد


پل‌پلِ داریل، بی‌وا، بی‌واران
سونگزو بون وه بانِ سنگ مزاران
▫️
بَـو تا بنیشیم، له ساکی داران
دردد له گیانم، نازار شاران
▫️
دلم دیود کیدنْ چیوْ، اَورِ وهاران
چیو تیریکی اَور، له سر نساران
▫️
دِ دیده دیری، چیو دیده‌ی ماران
چیو کَوکِ کیوه، و ریو نساران

🌎
🔺`•(] @salam_bar_zarneh[)

#واژه‌_کلهری
#زبان_کلهری_پهلوی_نو
#قوم_کلهر



گُهَرد (gohard): ارج‌دار، مهم، معتبر.

شونه‌کو (šūnakū): کسانی که از خاندان و تباری به‌جای مانده باشند، بازماندگان یک خاندان، تخمه و ترکه.

گئ (gay): نوبت، مرحله، بار، دفعه.

جار (jār): دفعه و نوبت، مرحله،
همچنین «کش» (← اِی‌کش).

شول (šūł): کیسه بزرگ کاه و غلات.

گیان (giyān): جان، روح انسانی، نفس.

گیانه‌سر (giyāna'sar): پیش‌از هنگام مرگ چشم‌باز کردن و تسلیم مرگ‌ نشدن.

شان‌‌وا‌‌دان šān.wā.dān: احتضار مرگ، آخرین نفس‌ها هنگام مرگ که تند و بی‌وقفه است.

گیانه‌سیور (giyāna'süar): تلاش‌ فراوان برای فهمیدن خبری ناراحت‌کننده.

شوفار (šūfār): سخن‌چین، نمام.

گیچل (gīčał): دردِسر، مشکل.


🌎
🔺`•(] @salam_bar_zarneh[)

#شعر_کلهری
#زبان_کلهری (پهلوی نو)
#قوم_کلهر


شعر از، علی خرسند


سفیدئ سو دا، شوار بیو آوا
زمین وه فخرو خور گرت وه زاوا

بادِ سردِ سو، سر کیشا له دیشت
عطرِ گول پخش بیو، دیشت بیو وه بهیشت

وریزیا له خو، آهو وه نازو
گول هاته پیشواز، وه یقه‌ئ وازو

تیَني چو وا کرد، وه نازو خني
آهو وه نازو، دم نا ناو تیني

تیني سردِ یخْ، جور وفرِ شاهو
هیشتا تا بشکیِد تمسقِ آهو

تا آهو تینئ، دم له آو، کردْ ترّ
لیسک خور تیني کرد وه کاسَه‌ئ زرّ

آهو هراسان ، سر هیز دا وه تاو
یَئ سرئ خر دا، له‌نو دم نا آو

تیني وه نازو، مژَئ اَیو رژي
آهو وه نازو لیوِ آو مژي

لی خلسه‌ئ عشقه، دنگ تیرگ هات
چمان له گلیو تفنگْ‌پیرگ هات

آهو دا له زیو، تیني بیو وه گِل
فلک هاوار کرد، له بتیوني دل

جَول بیو وه توز، هلت بیو وه خم
خیون بئ‌گونا، چئ رشیا له چم

چن دف پا وشان، رنگئ زردو بیو
ارمسه‌ئ چکیا، گیانئ سردو بیو

خوئ پوشان له بیل، نرگس‌ِ چو‌مس
غلتاس له داخا گیس پیشتان له دس

مریم چئ له هوش، لولاو کفت وه لش
ونوشه له لائ بالاجوو، کِرد غش

کیسل له گولم نورس وه گیرَو
کَو، له داخا دا، له آقامیرو

دور چمْ چول بیو، مَلَور نمن
چرداخ چمر، هلدان له چمن

طوْلِ ائ داخه، دِریاوْ دسِ باد
تا خیونِ ناحق، نچودن له یاد


🌎
🔺`•(] @salam_bar_zarneh[)