بلوطبانان پا به ركاب

بەشی دوهەمی گوزارشتی گەشتی پاسکیڵ سواری بەڕووپارێزان لە سنە...

https://t.me/oaktree_loverbikers/1075

‌(٢-١٠)

درێژەی گوزارشتەکەی سنە👇

...سنە و سنەدژیەکان،
وەکوو هەموو ئازیزانێک کە بە خزمەتیان گەشتین و لە خوانی گفتگۆیان بەهرەمەند بویین،
لێواو لێو بوون لە وزە و بیرۆکەی بە پێز و داهێنانی بە هێز کە شایەنی سپاسی بێ بڕانەوە بوون و بە فەخری دەزانین هەر لەوێوە،
کۆتا بڕگەی گەشتمان ڕاگەیاند و چی تر شەرمەزاری گەورەیی ئەوان و گشت میواندار و پێشوازی کەر و دڵۆڤانەکانی مەودای سەفەری نەکردین!

+بە ئەرکی دەزانین سپاسی بێ بڕانەوەمان ئاراستەی سەرجەم ئەندامانی ڕێکخراوەی شنەی نەوژین، بە تایبەت،
بەڕێزان؛
حەمید مورادی
سروه یاهویی
میلاد کمیزیانی
شاهو مەردوخی
ئارام عەبدی
زانکۆ حوسەینی
دانیاڵ مەحمودی

و هەروەها چالاکانی خۆبەخش؛
سامان میرەکی
سامان مەحەممەدی
کەیوان فروتەن
فەرید زەرنگار
سودمەند ساعیدپەنا
و
ڕێکخراوەی چلچەمە و سەرجەم شاخەوانە ژینگەپارێزەکانی سنە و تایبەتی تر، #خاڵو_جەماڵ ئەسەدی و گشت هاوڕێیانی و سەرجەم سنەییە خزمەتکارەکانی ئاویەر و خەیرزنە و هتد بکەیین

هەروەها ئەرکە،
سپاسی بێ بڕانەوەمان بێت بۆ؛
دەستەی پاسکیڵوانی شارە جوانەکەی سنە و بە تایبەت سەرۆکی لیژنە، دکتۆر مێهرداد عەبباسی و ئەندازیار ناسر ئومێدی
و زۆر تایبەتی تر؛
سەرۆکی گروپی ژینگەپارێزانی زانکۆ؛
دکتۆر سەلاح وەیسی و ماندوونەناسی و بە دواداچون و خزمەتی شازی
و
کاکە سەهەند سەلمانیان،
سیامەک وەلیخانی،
و
مەیسەم ئەمینی،
لە دۆستان و خزمانی دیواندەڕڕەیی لە سنەدژ کە بە سفرە و شێوخوانی پڕ لە خۆشەویستیان و مەودای حەسانەوە، گەورەییەکی بێ وێنەیان نواند..

کەممان هێناوە و هیچ نەماوە،
جگە لەوە بڵێین گەشت بکەن و بە پاسکیل ڕێگە ببڕن، تا هەست بکەن دڵۆڤانیە بچکۆڵەکانتان لە هەمبەر گەورەیی دڵۆڤانی ژینگە و نیشتمان و مڕۆڤە شاز و بلیمەتەکانی چەندە کەم دێنن و چەندە مەودا دەبێ ببڕین تا دەگەینە هەنگاوە سەرەکیەکانی خزمەتی بێ بەرانبەر...

هەر شاد بن تا گەشتێکی تر
و خوانێکی تر و گۆڕانکاری و گەشەیەکی هزری و کرداری زیاتر ..🙏
🌳❤🚴

#بلوطبانان_پا_به_رکاب
#سفر_با_دوچرخه
#نه_به_اکوساید
#بله_به_تغییر
#سیکل_معیوب_مواجهه_بحران
#سردشت
#بانه
#مریوان
#نودشه
#پاوه
#جوانرود
#روانسر
#کرمانشاه
#کامیاران
#سنندج
#پایان_آغازی_برای_تغییر

@oaktree_loverbikers


‌

گەشتێکی ۶۵۰ کیلومێتری پاسکیڵ سواری #بەڕووپارێزان بۆ گەیاندنی پەیامی #نا_بۆ_ئێکۆساید

https://t.me/oaktree_loverbikers/1069

(٩)
#کامیاران

خۆ دەربازکردن لە خوانی دڵۆڤانی کرماشانیەکان، زۆر ئاستەنگ بوو و ناچار بوویین لە چەند میتری پۆلیسی هاتۆچۆ، خوول بخۆیین لە ناو شەقامی سەرەکی پڕلە هاژەی ئۆتۆمبێڵەکان و ناوەڕاستی جادە بپێوین تا بکەوینە ئەمبەر و لە سێڕیانی خۆشەویستی بێ بڕانەوەی؛ ئەندازیار کولیوەند،
کاک ئەمین
و کاک سەمین
و بنەماڵەکانیان،
ئاو دیو ببین!

لێژبوینەوە بەرەو خوار و تا دەڕۆیشتن جوانی بوو و سەوزایی و دونیایەک کێڵگەی سەوزە و دەستی ماندوویی لە سەر سگی تێر...

دەڤەرێک کە کەژەکانی نیعمەت بوون و دەشتەکانی بەهەشت و بەروبۆمی ناوازە و بۆن و مەرامەی خۆش!

تا ڕێگەمان دەبڕی، هەتاو پێشمان دەکەوت و لە دوورەوە، بە زەردە خەندەیەکی پڕچێز، پێشوازی لێدەکردین و دواجار خۆی حەشاردەدا و دەگەڕایەوە و قەران قەرانێکی سەردەمی مناڵی بۆ زیندووکردبوینەوە!
کۆتاجار لە دە کیلۆمێتری کامیاران ڕا،
وردە وردە، بەربۆوە پشت کەژە سەرکێشەکان و بەرچاوی لێڵ کردین!

بێ هەتاو بوون و ڕەشپۆشی بەشێک لە جەستەی نیشتمان، فرمێسکی ڕژاندینە سەر گۆنا، بەڵام تەواو نەکەوتبووینە ناو شار، کە پێشوازی گەرمی کاک ئامانج قووربانی،
فرمێسکی خەمی سڕینەوە و بە باوەشی دڵۆڤانی فەرحانی دڵی بۆ گێڕاینەوە..

میواندار، ڕێ کەوتبوو و تا دەرەوەی شار، بە پیرمانەوە هاتبوو و پاشان لە دەروازەی شار، کۆمەڵێکی تر لێواولێو لە دڵی پرسۆز، خۆشەویستیان‌ پێشکەش کردین..

پێشوازیەکی گەرم کرایین و ئەو جار خوانی دڵۆڤانی دادە گەزیزە و کاک ئامانج، هاتە کایە و خزمەتێکی خوشکانە و شاهانەیان پێشکەش کردین!

هەر خوانی کەڕەم بەردەوام بوو کە خوانی لوتف و گەورەیی هەڤاڵانی کاک ئامانجیش هاتە کایە و ئەوجار ئامانجی گەشت و شڕۆڤەی بابەتە ژینگەییەکان و زوان پاڕاوی کاک ئامانج و کاک محەممەد و هتد هاتە کایە!

ژینۆساید لە ئێکۆساید، گرێ درا و ئێکۆساید بە تەوژمێکی خۆجێیی پێناسە کرا و ئارێشەکان، ڕێشەکان و لق و پۆپەکانی هەژمار کران!

شەوەدرەنگانیش بارتاقای هێزی بەڕووپارێزان و خاوەن ماڵی نەگرت و وردە وڕدە، شەویش‌لێژ بۆوە بەرەۆ ڕۆژ و جا ئەو جارخوانی بە پێزی بەیانی باڵی ڕاهاویشت و ئەوەی‌ خورا، خورا ،و ئەوەی نەخورا، جێ ما ..


دەرچوونمان لە شار، بە پاشکۆیەک گەورەیی و دڵۆڤانی میواندار و هاوڕێیی بەڕێزیان تا دەروازەی سنە، نەخشا و ئەمجار، کامیارانمان بە دونیایەک بیرەوەری بە چێژ، بەرەو سنەدژ، جێ هێشت..
🙏

+شایانی باسه که لەم دیدارەدا، ڕێزی تایبەتی گروپی بەڕووپارێزانی پاسکیڵ سوار و هەروەها بونیادی گەشەی ئاشتی و دڵۆڤانی پێشکەشی کاک #ئامانج_قووربانی کرا کە لە چەند ڕۆڵدا، خزمەتی ژینگە دەکات؛

الف)وەکوو تاک و هاونیشتمانی و هەست بە بەرپرسیارەتی بە وەگەڕ خستنی پێنووس و نوسین و وەرگێڕان و هەروەها بەردەوامی لە هۆشیارکردنەوەی کۆمەڵگە لە تۆڕە کۆمەڵایەتیەکاندا
٭ #تاوان_دژی_ژینگە،
بەرهەمێکی بە پێزی پێنووس و وەرگێڕانی بەڕێزیانە..

ب)وەکوو بنەماڵە بە هاوڕێیەتی خاتوونێکی زێدە وریا و ئازیز دادە #گەزیزە کە هاوکارێکی کەم وێنەیە

ج)وەکوو گروپ کە هاوکاری ڕێکخراوەکانە و لە تاکەوە بۆ بە گروپ‌کردن، هەنگاوی ناوە..


++هەروەها ڕێزگیرا لە میوانداری و خوانی ڕەنگینی دادە گەزیزە و خزمەتی بە ژینگە وبەشداری لە چالاکیە ژینگەییەکانی نیشتماندا، هاوڕێ و هاوهەنگاو لە تەک کاک ئامانج دا..

+++جێگەی خۆشیەتی، هەر ڵێرەوە سپاسی کاکە #محەممەد_موەففەقی،
#فازڵ_قەیتاسی،
#فەریاد_عەبدی
و
#کۆسار_مەردووخی
و
سەرجەم چالاکانی ژینگەیی و مەدەنی کامیاران بکەیین کەوێڕای پێشوازی کردنی گەرم لە دەروازەی شار و دواییش بەڕێ کردن، لە سەر خوانی بە پێزی میواندار، بەشداری کۆڕی گفتگۆیان کردین و بە لێدوان و ڕێنوێنی و دەستەواژەی ڕەسەن و بە پێز، سەرفەرازیان کردین..

تەمەننای تەندروستی گشت کامیارانیەکان و سەرجەم چالاکانی ئەم دەڤەرە و دووربونیان لە هەر مەترسی و هەرەس هێنان و لێکترازانێک..


🌳❤🚴
#بلوطبانان_پا_به_رکاب
#سفر_با_دوچرخه
#نه_به_اکوساید
#بله_به_تغییر
#سیکل_معیوب_مواجهه_بحران
#سردشت
#بانه
#مریوان
#نودشه
#پاوه
#جوانرود
#روانسر
#کرمانشاه
#کامیاران


@oaktree_loverbikers

بەشی دوهەمی گووزارشتی گەشتی بەڕووپارێزان لە #کرماشان
https://t.me/oaktree_loverbikers/1059


(٨)-٢

...

++به ئەرکی دەزانین دوعای خێر بکەیین بۆ کاک جەلیل بەهرامی نیا و شیفای بە خێرای بۆ بخوازین تا بەڵکوو، کەمپەینی مێهرەبانیە بچکۆڵەکان، جارێکی تر بە هیممەتی بەڕێزیان و ڕاوێژی بە پێزیان، گڕ و تینی زیاتر بگرێت!


+++هەروەها داوی لێبووردن لە سەرجەم دۆست و براو خووشکە ئازیزەکانمان کە پێویست بوو بە خزمەتیان بگەیین و نەپێکرا
و
++++سپاس بۆ گشت شوفێر و ڕێڕەو و وەرزێری ڕێگە کە هۆڕنیان کەم لێدا، ڕێگەیان بۆ ئاواڵاکردین و خەرمانی کەڕەمیان پێشکەش‌کردین...


🌳❤🚴
#بلوطبانان_پا_به_رکاب
#سفر_با_دوچرخه
#نه_به_اکوساید
#بله_به_تغییر
#سیکل_معیوب_مواجهه_بحران
#سردشت
#بانه
#مریوان
#نودشه
#پاوه
#جوانرود
#روانسر
#کرمانشاه
#مهرگان
#کمپین_مهربانی_های_کوچک

@oaktree_loverbikers


‌

صعود و فرود از ژالانه، تته و دالانی...

https://t.me/oaktree_loverbikers/1057


سفری را آغازکردیم که سوای دشواری های مسیر،
همچون صعود چند دیواره انتهایی ژالانه
ZHALANA
به؛ تته
TATA
(معبر اصلی کولبران)
و فرود دالانی
DALANI

(مشرف به سد دربندیخان اقلیم کوردستان و حلبچه شهید) و جاده منتهی به رودخانه سیروان و سد داریان
DARYAN
و مجدد سربالایی منتهی به پاوه، و عبور اجباری از شانه خاکی جاده بین شهری کامیاران به سنندج به مدت زمان شش ساعته در لابه لای خروش وسایط نقلیه موتوری،
شیرینی هایی هم داشت که سختی رکابزنی و دشواری دست به فرمانی دوچرخه را سهل و آسان می کرد...

+دیدار با انجمن ها و فعالان محیط زیستی و مدنی به غایت با برنامه، دلسوز، با مرام و البته تاب آور در آن جغرافیای خشن

++برخورداری از موهبت صفای باطن و سفره خانگی و خوان معنوی مردمان به غایت مهربان آن سامان

+++چشم اندازها و مناظر بی بدیل و بکر و رؤیایی هه ورامانات

++++افتخار تجدید دیدار با دوستان جانی و امدادگران دوران زلزله کرمانشاه

+++++تعمیق پیوندهای بین گروهی و جلای قلب و صفای ذهن همرکابان و بزرگواری های روبه تَزایُد

و...

کافیست پای بر رکاب بگذارید تا بر عظمت خالق، همت مخلوق و حمیت احباب اشراف بیشتری بیابی و این موهبتی است که امیدواریم نصیب بسیاری شایستگان وطن شود...

#اشاره به سفر بلوطبانان پا به رکاب از سردشت به هه ورامانات، کرمانشاه و کوردستان که از صبح روز پنجشنبه نهم شهریور از سردشت شروع شد و لغایت غروب چهارشنبه مورخ پانزدهم با گذر از شهرستان های بانه، مریوان، نودشه، پاوه، جوانرود، روانسر، کرمانشاه، کامیاران و سنندج با طی مسیری ۶۵۰ کیلومتری به سرانجام رسید.

شعار و پیام این گروه:
نه به اکوساید
و
نه به مواجهه تکراری با بحران
🌳❤🚴
#بلوطبانان_پا_به_رکاب
#سفر_با_دوچرخه
نه_به_اکوساید
#بله_به_تغییر
#سیکل_معیوب_مواجهه_بحران
#سردشت
#بانه
#مریوان
#نودشه
#پاوه
#جوانرود
#روانسر
#کرمانشاه
#کامیاران
#سنندج
#کمپین_مهربانی_های_کوچک

@okatree_loverbikres‌‌

گەشتێکی ۶۵۰ کیلومێتری پاسکیڵ سواری #بەڕووپارێزان بۆ گەیاندنی پەیامی #نا_بۆ_ئێکۆساید

(۷)

https://t.me/oaktree_loverbikers/1055

ئەم جارەش بەرەو خۆرەتاو و شاری ئاو و سەراوی #ڕەوانسەر

بەڕوپارێزانی پاسکیل سوار، دوای تێپەڕاندنی خوانی بە پێزی جوانڕۆییەکان و کەم هێنان لە هەمبەر دڵۆڤانیە گەورەکانیان، خواحافیزیان لەشاری سۆز و خۆڕاگری کرد و بەرەو شاری خۆر و سەراوی پڕئاوی ئەوینداری، ڕێکەوتن...

گەرچی لەم ڕێگە هەموار و رووبەخۆرەتاوەش،
دڵۆڤانیە گەورەکانی دکتۆر محەممەدخانی و کاکەکاڕۆی قادری و تەنانەت خوانی میوانداری ناو ڕێگە و سفرەی وشەی ڕەسەن و هزری بە پێزیان و سەرەڕای ئەوانەش دەست بە دووربین بوونیان،
پیرۆزی گەشتەکەمانی زێدەتر کرد،
بەڵام؛
چاری ڕێگە بڕین بوو و خۆ ئاودیو کردن بەرەو ڕەوانسەر و خۆهاویشتنە باوەشی دڵۆڤانانێکی تری ئەم نیشتمانە!

تەلەفۆن و هەواڵپرسین و بەدواداچوونی ئازیزانمان لە ڕێکخراوەی چرۆ و ژینگەدۆستان و چالاکانی مەدەنی و ژینگەیی ئەم دەڤەرە، هێزی دەبەخشیە قاچ و پێداڵ ئاوتای پێداڵ، رێگە پێوانەکرا، تا کەوتینە بازنەی شاری ڕەوانسەر و لەوێشەوە، سەراوی لێواولێو لە ژیان و ئاپۆرەی چالاکان و هەودای سۆز و بەندی تەسبیحیان، لێکیان گرێدایین و بە گووڵ و وشەی خێرهاتن و دەستی لە سەرسینگ، پێشوازیەکی گەرم و ناوازەیان کردین...

بەڕێز محەممەدخانی، لە سەرای ڕەوانسەریش، گەورەیی کرد ومەودای بۆ رەخساندین تا پەیام و دروشمی گەشت و ویست و خواستی بەڕووپارێزان، بنەخشێنین!

ئامانج خرایە ڕوو و داخوازی هاتە ئارا و گفتگۆ، دەستی پێکرد و بەستەنی، فێنکایەتی پێ بەخشین و دڵفراونی، ئاو پڕژێنی مێشکی کردین...

کۆتا بڕگە، ڕەسمی بیرەوەری و خستەژوورێکی بیرۆکە جیاکان و لێک گرێدانی ڕەوتە جیاوازەکان و گروپە جۆراوجۆرەکان لە بازنەی وێنەگرەکاندا بوو کە جێگەی پێزانین و ڕاگرتنی ئەم هێمای یەکگرتنەیە!


+جێگەی خۆیەتی سپاسی سەرجەم ئەم ئازیزانە بکەیین کە لە ڕێگە تا پێگە و لە سەراو تا دەرکەوتن لە ڕەوانسەر، بە پێشوازی و میوانداریمانەوە هاتن و لەو پەڕی بە سۆزی و گەورەیی دا، دەرگای دڵیان لێ کردینەوە و باوەشی خۆشەویستیان بۆ کردینەوە، بە تایبەت کاکە دڵۆڤانەکان؛
خەلیل پەڕەندەک،
ناسیح عەزیزی،
سەرکەوت نادرپوور،
بەشیر ئەحمەدی،
محەممەد شادی،
فەرامەرز فەتحی
و
گشت ئه ندامانی چرۆ، ژینگەپارێزان، چالاکانی مەدەنی و میدیاکارەکانی ڕەوانسەر..
[بەداوای لێبووردنەوە کە ناکرێ سەرجەم ناوەکان بنوسین😓]

++هەروەها جێگەی پێزانین و ڕێزێکی بێ بڕانەوەیە بۆ کاکە سەمین مورادی و خاتوو عەتی یە، کە بە بانگەوازێکی دکتۆر محەممەدخانی یەوە، بە نەخۆشی و ناکۆکی، لە کرماشانەوە تا ڕەوانسەر، ڕێگەیان بڕی بوو وخۆیان گەیاندبۆ سەراو و هەروەها لە کاتی دەرکەوتن لە شاری ڕەوانسەریش، دواجار، سفرە و خوانێکی میوەیان بۆ ڕاخستین!

+++بەڵام داخ و پەژارە کە کاکە جەلیل بەهرامی نیا، ئەم کەسایەتیە نازدارە، نە لە ناو دانیشتنی کەمپەینی مێهرەبانیە بچکۆڵەکان و نە لە سەراو و کۆڕی چالاکان،
نەبینرا و لە جیاتی ئەو دیدارانە،
لە نەخۆشخانەوە،
پەیامی خۆشەویستی و عوزرهێناوەی ئەوانمان پێگەیشت!

خوای گەورە شیفای خێر و خێرای بۆ بنێریت و چرای وجودی ئەوان و سەرجەم ئەندامانی کەمپەین و ژینگەدۆستانمان لە نیشتمان نەستێنێت...

++++زۆر داوای لێبووردن لە زۆر بەڕێزان و خۆشەویستان و دۆستانی تری ئەم دەڤەرە کە نەپڕژایین و نەگوونجا لە نێزیکەوە بگەینە خزمەتیان و دەستی ماندووییان ماچ کەین و ڕێز و سۆز و خۆشەویستی خۆمانیان لە هەمبەرخزمەت و چالاکی پێ بگەینین😓🙏


🌳❤🚴
#بلوطبانان_پا_به_رکاب
#سفر_با_دوچرخه
#نه_به_اکوساید
#بله_به_تغییر
#سیکل_معیوب_مواجهه_بحران
#سردشت
#بانه
#مریوان
#نودشه
#پاوه
#جوانرود
#روانسر
#کمپین_مهربانی_های_کوچک

@oaktree_loverbikers

سفر با دوچرخه...

🌳❤️🚴
#بلوطبانان_پابه_رکاب
#سفر_با_دوچرخه
#نه_به_اکوساید
#نه_به_چرخه_تکراری_مواجهه
#زخم_عمیق
#پاپوش_فهیم
#بله_به_تغییر
#سردشت
#بانه
#مریوان
#نودشه
#پاوه
#جوانرود
#روانسر
#کرمانشاه
#کامیاران
#سنندج
@oaktree_loverbikers

گەشتێکی ۶۵۰ کیلومێتری پاسکیڵ سواری بۆ گەیاندنی پەیامی #نا_بۆ_ئێکۆساید

(۶)

https://t.me/oaktree_loverbikers/1049

ئەم وەرزە، شاره پڕسۆزەکەی #جوانڕۆ

بەڕوپارێزانی پاسکیل سوار، لە بەردەوامی گەشتە ژینگەییەکە یان بۆ هەورامان، دوای زیاتر لە چوار کاژێر پێداڵ لێدان لە پاوە ڕا، هاوکات لە گەڵ بانگی خەوتنان، واتە عشاء، لە لێژاییەکی زۆر تۆخمەوە، گەیشتنە شارە پڕسۆزەکەی جوانڕۆ و لە لایەن بەرپرسی دایرە ژینگە و نوێنەری کەمپەینی دڵۆڤانە بچکۆڵەکان-مهربانی های کوچک-، پێشوازیەکی گەرمیان لێکرا...

پاشان بۆ شێوخوانێکی ناوازە، لە ماڵی بەرپرسی دایرە ی ژینگە، بانگهێشت کران و لەسەر ئەم خوانە، جگە لە تام و چێژی خواردن، تام و چێژی دڵۆڤانیان پێ بەخشرا و بە واتای خاوەن بیرۆکەی دڵۆڤانیە بچکۆڵەکان(مێهرەبانیە بچوکەکان)، بارتاقای مێهرەبانیە گەورەکانی جوانڕۆییەکان، نەهاتن و جیا لە ئارەقی شەرم، چیان پێ نەما!

دوا شێوخوان، هێندێک بابەت تایبەت بە زەحمەتەکانی نوێنەرایەتی کەمپەینی مێهرەبانیە بچکۆڵەکان خرانە بەر باس و بە هۆی سەفەری بوونی چەند ئازیزێک و ماندوویی میواندار و پاسکیڵ سوارەکان، درێژەی بابەت بۆ سەرلە بەیانی دواخرا...

سەر لەبەیانی جوانڕۆش هەر بە دڵۆڤانیە گەورەکان، دەستی پێکرد و ئەو جار مەنجەڵە چێشتی کەللە پاچەی مێهرەبانی دکتۆر محەممەدخانی، خوانی بەیانی ڕازاندینەوە و دوایی تێرکردنی زگ:سگ، کاتی ئاوپڕژێنی مێشک هات و لە سەرەتادا، #ڕەئووف_ئازەری، چۆنیەتی سازدانی ئەم گەشتە و پەیام و درووشمەکەی خستە بەر باس و جا دوایی #دکتۆر_محەممەدخانی، وێڕای بیرهێنانەوەی دوو بیرۆکە ناوازەی #ئارێشە_بەڕوو -چالش جهانی بلوط- و #دڵۆڤانیە_بچکۆڵەکان-مهربانی های کوچک-، بە زوانە پاراو و شیرینەکەی خۆی، هەر چی مروارید و گەوهەری وشە بوو، ئاراستەی پاسکیڵوانانی کرد و کاکە ئەندازیار #عەتا_قادریش، فەخری زیاتری پێبەخشین...

ئەوە هەر کۆتا بڕگەی دڵۆڤانی جوانڕۆییەکان نەبوو، بەڵکوو سەڕاڕای گەرمی ئامێزی برایانە و لاواندنەوەی خوشکانەی دادە ناهید و دادە ژیلا، کاک عەتا تا دەروازەی شار و کارۆگیانی کووڕی بە پێداڵ لێدان تا ڕەوانسەر و دکتۆر محەممەدخانی، لە خوانی بەیانی تا پەنچەرگیری تایە ی پاسکیڵەکان و هاوڕێیی بە ئۆتۆمبێل و میوانداری مەنزڵ بە مەنزڵی ڕێگە، تا ڕەوانسەر و بەشداری کۆڕی ژینگەپارێزان و چالاکانی ئەم شارە و دواتر تا سپاردن بە ئازیزێکی هاوشێوەی خۆی و دواخوانی میوەخواردن لە دەروازەی ڕەوانسەر، فەخری پێ بەخشین...



+جێگەی ئاماژەیە، کە بیرۆکەی چالش بلوط، له سەرەتا لە لایەن دۆستانی جوانڕۆ-کاک عەتا، دکتۆر محی الدین و کاک ئومێد و ماپریسیەکان-خرایە ڕوو و دواتر، ڕەئوف ئازەری وسەردەشتیەکان، گەورەیان کردەوە و بیرۆکەی مهربانی های کوچک، له لایه ن ، سەردەشتیەکان-ڕەئووف ئازەری-خرایە ڕوو و دواتر جوانڕۆییەکان، بە وەرگرتنی ئیزنی نوێنەرایەتی بە کۆڕاوێژ و هاوبیری بیرمەندانیان و هاوئاهەنگی و ئیدارەی کاک تەیموور مورادی، گەشەیان پێدا و ئێستاش هەر بەردەوامن..

++پێویستە لەم دەلاقەوە، وێڕای سپاسی برائازیزەکانمان؛
دکتۆر محەممەدخانی، کاک عەتا قادری و کاک تەیموور مورادی و سەرجەم هەڤاڵان و هاوڕێیان و ڕاوێژکارانی #کمپین_مهربانی_های_کوچک، و ڕێکخراوەی ماپریس و ئەندامانی پێشووی،
سپاسی بێ بڕانەوەی کاکە کارۆ و کاکە کیان و دادە ناهید بۆ میوانداری و هەروەها دادە ژیلا بۆ بەپەرۆشی خووشکانە و لێپرسینەوەی بەردەوام بکەین...

🌳❤🚴
#بلوطبانان_پا_به_رکاب
#سفر_با_دوچرخه
#نه_به_اکوساید
#بله_به_تغییر
#سیکل_معیوب_مواجهه_بحران
#سردشت
#بانه
#مریوان
#نودشه
#پاوه
#جوانرود
#کمپین_مهربانی_های_کوچک

@oaktree_loverbikers

(۵)

درێژەی گەشتی پاسکیڵ سوارەکانی بەڕووپارێز ...

https://t.me/oaktree_loverbikers/1047

گروپی بەڕووپارێزانی پاسکیل سوار، له درێژەی گەشتەکەیان بە پاسکیڵ کە بە درووشمی #نا_بۆ_ئێکۆساید، #بەڵێ_بۆ_گۆڕانکاری له شێوازی ڕووبەڕووبونەوەی قەیرانە ژینگەییەکان و بە مەبەستی ڕاگۆڕینەوە لەتەک ڕێکخراوەژینگەییەکان و چالاکانی ژینگە، لە پێنج شەممۆ ۹ی خەرمانان دەست پێکردبوو، دوای شەومانەوەی سێهەم لە نۆدشە بە میوانداری ڕێکخراوی #ویر، سەرلەبەیانی ڕۆژی ۱۲ی خه رمانان،
سەراوژێر بوونەوە بەرەو سیروان و بەنداوی داریان
و دوای تێپەڕاندنی هەورازێکی چەتوون و دژواری تر،
بە پێشوازی گەرمی ئەندامانی ڕێکخراوی #ژیوای(پیام آوران زمین پاک) پاوه،
خۆیان لە باوەشی شاری شەهیدانی ژینگە هاویشت و وێرای ئاراستەکردنی فاتیحا بۆ ڕۆحی پاکی گیان بەخشەکان بۆ ژینایی ژینگە،
لە ئۆفیسی ڕێکخراوەی ژیوای، پشوویان دا و هێندێک تەوەری ژینگەیی و پەیامی گەشتەکەیان شڕۆڤە کرد
و دوای گفتگۆیەکی ئەرێنی، نیوەڕوخوان لە سەر خوانی بە پێزی ژیواییەکان لە بەرزاییەکی ناو شار بە سەر کرا و پاشانیش بە گەشتێکی بچووک و ڕەسمێکی بە کۆمەڵ، ماڵ ئاواییان لە شاری سەربەرزی پاوە کرد و بەرەو قۆناغی دوایی، ڕێگەیان بڕی...


+جێگەی ئاماژەیە کە دۆستانی ژیوای لەو پەڕی دڵۆڤانی و گەورەیی دا، میوانداریان کردین و لە کاتی هاتنە ژوورەوەی شار تا چوونەدەر لەم شارە ناوازە، پێمانەوە ماندوو بوون و خزمەتیان کردین کە جێگەی خۆیەتی سپاسی بێ بڕانەوەیان پێشکەش بکەیین...

++ له پاوه، جیا له ئه ندامانی ژیوای، شارۆمەندانی تریش هەر وەکوو شارەکانی پێشوو،
و بگرە بەرچاوتر و بەو پەڕی ڕێزەوە خزمەتیان کردین و تەنانەت لە دوچەرخەسازەکانەوە تا ماڕکێتەکان و هتد، گەورەییان نواند و تەنانەت بەڕێز #بەهەشتی، خاوەنی مارکێت و لەبنیاتی لە سێ ڕای نۆسمە، تێچووی بەستەنی خواردنەکەشی خەڵات کردین و پاسکیڵ سازەکەی پێشتریش هەر، وەکوو مەریوان و هتد، زۆر خاتریان گرتین و هەروەها لە ناو پارکی کۆمە کاڵ، حوورمەتێکی تایبەتیان بۆ دانایین...

سپاس بۆ گشتیان و تایبەت سەرجەم ئەندامانی ڕێکخراوەی ژیوای پاوە🙏
--
🌳❤️🚴

#بلوطبانان_پابه_رکاب
#سفر_با_دوچرخه
#نه_به_اکوساید
#بله_به_تغییر
#شیوه_مواجهه_با_بحران
#سردشت
#بانه
#مریوان
#نودشه
#پاوه
@oaktree_loverbikers

(۴)

گروپی بەڕووپارێزانی پاسکیڵ سوار، دوای تێپەڕاندنی مەودایەکی دژوار و چەتوونی مەریوان، دۆڵی دزڵی و هەورازی تەتە و سڵاو لە هەڵەبجە و پێوانی لێژایی داڵانی و لۆفە و سەراوژێری پڕ مەترسی بەرەو نۆدشە، گەیشتنە ماڵی ڕێکخراوی #ویر و له لایـەن ئەندامانی ئەم ڕێکخراوەیە، لە دڵی ژینگەی ئەم هەرێمە دا، میوانداریەکی تایبەتیان لێکرا...


+شایەنی باسە لەم دیدارەدا، چەند پرسی ژینگەیی و بە تایبەت ئاگرەکان و داڕمانی دارستان و تێچوەکانی خسترانە ژێر تیشکی باس و شڕۆڤە...


++سپاسی بێ بڕانەوە بۆ کاک فەرهاد و کاک عەلی بۆ هاوئاهەنگی و ڕێزی بێ پایانیش بۆ کاکە ئومێدی ڕەسووڵی و دکتۆر خالیدی دارستان، مامۆستای زانکۆ و شارەوانی پێشووی نۆدشە و هەروەها کاک ئاکۆی زێدە ئازیز و سەرجەم ویرەکان و شارۆمەندانی نۆدشە ...
🌳❤️🚴
#بلوطبانان_پا_به_رکاب
#سفر_با_دوچرخه
#نه_به_اکوساید
#بانه
#مریوان
#نودشه

@oaktree_loverbikers