قناة خطباء المنبر الحسيني للقصائد

#جديد_محرم_١٤٤٦ه
#شهادة_الإمام_زين_العابدين_ع
#وزن_الطويل
#الامام_السجاد


(أَتخَيَّل حال الإمام الباقِر عليه السلام
وهو يغسلُ أباه الإمام السّجاد عليه السلام)

*حِضَرْ عِنده وْيِهِلْ دَمعه
يِغَسْلَه بالدَّمِعْ وِالمايْ

يِشوفِ اشْگدْ أَثَرْ نَدْباتْ
على جِسْمَه ثِگيلَه هْوايْ

__
١*تِخَيَّلْتَه يِگُولِلَّه
يَبويَه أَذْكُرِ اللّي صارْ

بِيومِ العاشِرِ مْحَرّمْ
وْبَعِدْها بِالسَّبي تِنْجارْ

رَقُبْتَكْ قَيِّدَتْها اغْلالْ
وسلاسِلْ بالحديدِ الحارْ

وِقلْبَكْ بالحِزنْ مَجْروحْ
غَريبِ وْما إِلَكْ وَفّايْ
__

٢*وَشوفَنْ عَمِّتي زينَبْ
عَليكِ تْباوِعِ بْهالحالْ

تِعينِكْ مِنْ كُثُرّ لآلامْ
تِصدّ عنَّكْ ضَرُبْ وَاهْوالْ

وْيِأَذّيني انْ ذَكَرْتِ الشّامْ
وْمِنْ طَبّينا قَصْرَ انْذالْ

وْكَلامَكْ هَسَّه بِوداني
أَبَدْ ما أَنْسَهِ بْدِنْيايْ
_

٣*أَشوفِ اعْله الظَّهُرْ بويَه
عَلامَة تِجْرَحِ الإِحْساسْ

يِبانِ اشْكمْ عِلِتْ مِحْتاجْ
أَزْرَقْ مِنْ حَمِلْ لَاكْياسْ

عَجيبَة اشْلونْ تِتْشَتَّمْ
وِانْتَ الْخيرَة بينِ النّاسْ

أَغَسْلَكْ وِالقَلُبْ يِلْتاعْ
وَداري جْروحَكِ بْعينايْ
_
(سارة اليتامى)

~ أعظم الله أجوركم ~

#في_الخدمة_المقدسة
#وزن_الطويل

صورة شعرية تعبر عن شوق الموالي لزيارة مرقد الإمام الحسين عليه السلام، من ثم الانتقال إلى مآسي كربلاء ...

يَاْ زايرْ مِن تِرُوح حْسِين..أريد احْكيلك وْصِيةْ
أمانةْ تْاخِذِ عْيوني.. ترَه عْيوني إلَه هديةْ

١/ أحلفكْ لو مقامَهْ تْزُورْ.. عساك تْخَبّرَه بْحَالي
تِسُولِفلَه عَن اشواقي.. وحنيني لْيِكوي دلّالي
عساهِ يْحِن على جروحي.. بِنَظرة يْغَيّر احوالي
ترَهْ عيني بْغِيَابه تْسِيل.. بِمَدمعها لْجَرى مَيَّ

٢/ وإذا توقفْ على الشباك.. بُوحِ بْحَاجتي وَيّاكْ
مشتاق اوْصَلك زايرْ.. واتْعَنّى المقام هْنَاك
عايشْ غُربةْ يا حسيني.. صعبةْ دِنْيِتي بْلَايّاك
يَاْ ساكنْ مُهجتي وْروحي.. غِيَابك يِصْعب عْلَيَّ

٣/ إذا توصلْ لعدْ قَبره.. تِذَكّر خيمةْ مِستعرةْ
ويتامى فَرّت وفزعت.. وْلَعنده تُهربِ بْكَثرةْ
تِلُوذ بْجِسمه تِشكِيلَه.. وْتِنَاشِد بَاكِيةْ بْحَسرة
يِقَيدُونا وْيِضِربونا.. بْسِياط عْلِينا مَلْويّهْ

٤/ يَاْ زايرْ قصّر الخطوةْ.. وْتِذَكّر زينبِ الحورا
إذا هامت لَعِدْ خوها.. تِحَلفَه بْأُمْهُمِ الزهرا
بِأُمّي تْقِلّهْ حاكيني.. بْعَبَاةِ الطّاهِرَةْ الحرّةْ
يِقولِلْهَا بْضَعيفِ الصّوت.. يَاْ وَسفةْ تْرُوحي مَسبيةْ

#زينب_فياض

#في_الخدمة_المقدسة
#ليلة_العباس
#وزن_الطويل

(مناجاة الإمام المهدي عجل الله تعالى
فرجه الشريف للتعجيل بأخذ الثأر )

متى تظهر يا وعد الله.. وترفع راية الثارات
تنادي أنْ يا ثارَ الله .. وتصدح بالملا الصيحات

تاخذ ثار أبو فاضل، وثار زنودَه والكفين
ودمَّه لْعَثرى سايل، والسَّهم لْهَوى بالعين
ثار الحيرةْ والآلام، من شافه الغريب حسين
ينادي خوية يا عباس، وقلبه يسمع الأنّات

يمهدي يمتى ترفعها، راية عمّك العباس
وتشهر سيفَه هَم درعَه، يوارث جدّك النبراس
تصيح عْلَى الملا صيحة، وتْلبّيك كل الناس
فداكَ المهجة يا مهدي، ترخص لجلك النبضات

يبو صالح بعد ترفع، لجل زينب لواء الثار
غريبة تنسبي للشام، عزيزة أحمد المختار
يضربوها ويزجروها، ويشتموا الزهرا والكرار
يِسِيلوا دمعة الحورا، يا ثار الحسرة والدمعات

بعد يا الغايب الحاضر، عزيزات بمسير الشام
وعليل مقيّد ومحني، أسير بموكب الآلام
وصغار تنادي يا زينب، وهيّه تصبّر الأيتام
يا مهدي علّي رَايِ الثار، لجل هالغربة والآهات

هذا جيشك تْجهّز، عديدَه أعظم الشهداء
منهم قدّم المنحر، وجسمَه مقطّع الأعضاء
منهم واسى بو فاضل، وواسى سيد الأُمرَاء
ومنهم ما رجع جسمَه، مفقود بْثَرى الفلوات

#زينب_فياض

بصوت القارئ علي حسين بركات
#في_الخدمة_المقدسة
#وزن_الطويل #الشهداء

(تقريب وداع الإمام الحسين لأمه عليهما السلام لوداع الشهيد لأمه)

على قبر البتول حسين، هوى ودمع الحزن يجري
يودّعها قبل ما يروح، بْحنينَه دمعتَه تجري

مثل أمِّ الشهيد اليوم، يودعّها إبنها دوم
يوصّيها ويصبّرها، يذكّرها بأسى المظلوم
وْيِذكر زينب الحورا،شلون تودّع المعصوم
يقوّيها ويسنّدها، ويقوللها بعد صُبري

بِإِيديها تلوّحلَه، وتزفْ نعشَه على قبرَه
تقلّه يا ضنا عمري، بْأمانة فاطمة الزهرا
يغالي بيّضت وجهي، ينايم يبني عالغبرة
رضا قلبي ورضا ربي، عليك ابني بعد عمري

#زينب
https://t.center/zeinabfayad28

#العباس
#ليلة_العباس

#في_الخدمة_المقدسة
#ليلة_العباس
#وزن_الطويل

(تصوير حديث أبي الفضل العباس مع الإمام الحسين عليهما السلام، عندما أتى الإمام إلى مصرع أخيه، مصورًا المصائب التي لن يراها العباس بعد فقده بصره ...)

يا خوي من السّهم مقدر، أبد يا بو الفضل ضمك
يا نور عيوني يا عباس، أخافن جرحك يْألمك

يقلّه يا أبو الأكبر، صحيح اني ماْ أقدر شوف
ترَه هذا السَّهم قَدّم، لَعيني اللي انطفت معروف
بِحِيرة ما أشوفنّك، وحيد وتبقى بين ألوف
تنادي أهلك وصحبك، ولا واحد بقى يمّك

بعد يا خوي هم حسرة، إذا شفتك جسد مطروح
تريب مسلّب وعاري، بجسمك ما أعِدّ جروح
ولا شوف الشّمر ذبحك، ورفع راسك يا بعد الروح
وعلى صدرك تدوس الخيل، تكسّر ضلعك وعظمك

ولا شاهد بعد مشهد، إذا هجموا على الخيام
وإذا حرقوها يا خويه، ورموها باللظى وبسهام
لعندك تفزع الأطفال، وتلوذ بجسمك الأيتام
بجنبك تقعد الحورا، وتحلفك جاوب بأمك

ولا شاهد دمع زينب، تشوفن بالخيامِ النار
ولا شوف الشمر يركض، خَلِفها ويشتم الكرار
بسوطَه يضرب الحورا، حفيدة أحمد المختار
ولا شاهدها يا خوية، تشوفك سابح بدمك

ولا شوفن عقيلتنا، إذا للشّام مشّوها
تودّعنا وتِنادينا، أتاري الحورا يسبوها
ويشتموها ويألموها، وبعد عزها يضربوها
وتظل بْلا ولي وكافل، تِلهج باسمي مع إسمك

#زينب_فياض

#في_الخدمة_المقدسة
#ليلة_القاسم
#وزن_الطويل

إبن المجتبى القاسم، نادى بكربلا عمه
ياخذ إذنه للميدان، حتى يساعدَه بهمّه

دمعة عينه تجري حسين، من شاف الشبل قاسم
قلّه يا حبيب الروح، روح وخل تظل سالم
أمك رملة لا تفجع، حلفك بالهدى فاطم
عود لخيمتك يبني، قلَّه وللصدر ضمّه

جاوَب أمي وصّتني، ساعِد بالحرب عمك
قاتل دونَه يالقاسم، وحنّي بالدِّما جسمك
عرسك يوم اشوفنّك، يبني مخضّب بدمك
تفدي يا حبيبي حسين، تبيّض وجهي عد أمه

قله يا هلي الطيبين، يجزيكم عسى ربي
قلي شنهو طعم الموت، لو تمشيله في حربي
قله مبتسم والله، أحلى من العسل دربي
وَدَّع جاسم اخواته، وشد بجبهته العِمّه

باسمه يرتجز صوته، وسيفه بالعدى يشهر
لن نعله انقطع شسعه، حتى يصلّحه لَه خَر
ضربونَه على الهامة، وحوله تجمّع العسكر
نادى عمي أدركني، وشافه تعفر بدمه

#زينب_فياض

#في_الخدمة_المقدسة
#شهادة_أمير_المؤمنين ع
#وزن_الطويل/لفى عاشور

آهْ يا ليلةِ التنزيل، لْبيها نِفقدِ النّبراس
يِنعاه بْسَمَا جِبريل، وَسفَه يا أعزّ الناس

أركانِ الهدى انهدْمَت، مِن غابِ الولي حيدر
لْعُروة الوثقى اِنفصمت، ودمعِ المؤمنِ تْحدّر
يِنصبْ للولي مأتم، ويِنعى المرتضى الأكبر
يِهتف يا علي وْينحب، ويلطم هامتَه والرّاس

ضاعت بعدَه أيتامَه، إي وا ضيعة الأيتام
منهو يمسح الدّمعة، ومنهو يْسَكّن الآلام
غُربةْ فرقتَه غُربة، وظَلمةْ بْدُونه هَالأيام
الله يْساعِدِ عْيَاله، من فاضت ترَه الأنفاس

زينبْ تحضنَه تْضُمّه، وتنادي يا بعد الروح
تلثم كفَّه وتشمَّه، وتقلّه القلب مجروح
يا بويه انكسر قلبي، يْسَلّيه الدّمع والنُّوح
تدري يالولي بعدك، بويه تْجَرَّحِ الإحساس

#زينب

#شهادة_السيدة_الزهراء
#وزن_الطويل

(تصوير بين مصاب الزهراء سلام الله عليها ومصائب أهل بيتها من بعدها)

يحيدر نادت الزّهره.. عسى ترجع يبو الحسنين
مصابك يا علي انتِظرَه.. إلك يوم الْيِهِل العين

على بابي شفت الِجروح.. ابتدت بالمُحسن الغالي
مِن شِفتَه يا بعد الروح.. انشعبْ بالحسره دلالي
احترق يا حيدرَه كبدي.. وكبدي كنّهِ قْبَالي
يِلِفْظَه المجتبى بْطَشتَه.. ويمّه يْشَاهدَه الِحسين

بصدري مِن هوى المسمار.. وضلعي يالولي تكسّر
گنّه بكربلاء حسين.. جسمَه عالثّرى موذر
وصدرَه داستَه الِخيول.. وكل اضلاعَه تتكسّر
يِوَاسيني بألم كسري.. شْيِجبر يا علي الكسرين؟

مِن شبّت ببابي النّار.. گنّي شاهدت الِخيام
وزينب ويلي تتحيَّر.. تِجمع بالفلا الأيتام
تحميها بعبايَتها.. من كِيد ويَدِ الظلّام
ويلي ورثت اْحزاني.. ترميها سِهَامِ البِين

زينب فياض
https://t.center/zeinabfayad28

#الليالي_الفاطمية
#وزن_الطويل

كسر قلبي علي لمّن.. لمس ضِلْع الوحي المكسور
انخطف لونه وْذبل وجهه.. على الزهرا القلب مفطور
صفگ چفّه وْغمض عينه.. وْدمع فوق الجفن منثور
يئنّ وْخَنگته بْصدره.. وصوت الغصّه بيه مسموع

الحَسن يمسك چُفوف امّه.. حزين وْيشتكي همّه
ييمّه عادةِ اليوگع.. يِركض لُامّه وِتْضمه
شيسوّي الّذي وقعت.. مكسورةْ ضلِع أمّه!
يِريد يضمها بس صعبه.. يِخاف يْآذي منها ضْلوع

وبعد غالي حضر ليها.. الحسين وْصوته كلّه وْنين
اقترب منها وْهمس عدها.. ييُمّه قومي آنه حْسين
ييُمه جاوِبي بْنظره.. ييمّه بالله فتحي العين
قرا يمها نواعي وصاح.. وسكب عند الحبيبه دْموع

وْزينب تبچي عد امها.. وياها تبچي أم كلثوم 
يُمّه تتركي بْنيات.. باچر ينتظرهِن يوم
بْدرِب وحشه تِلاگيهن.. توقع وحده وحده تْگوم
عگبچ راحه ما شفنا.. القلب بعدك يظل موجوع

#كتابات_حسينية

#شهادة_السيدة_الزهراء
#وزن_الطويل

(تصوير بين مصاب الزهراء سلام الله عليها ومصائب أهل بستها من بعدها)

يحيدر نادت الزّهره.. عسى ترجع يبو الحسنين
مصابك يا علي انتِظرَه.. إلك يوم الْيِهِل العين

على بابي شفت الِجروح.. ابتدت بالمُحسن الغالي
مِن شِفتَه يا بعد الروح.. انشعبْ بالحسره دلالي
احترق يا حيدرَه كبدي.. وكبدي كنّهِ قْبَالي
يِلِفْظَه المجتبى بْطَشتَه.. ويمّه يْشَاهدَه الِحسين

بصدري مِن هوى المسمار.. وضلعي يالولي تكسّر
گنّه بكربلاء حسين.. جسمَه عالثّرى موذر
وصدرَه داستَه الِخيول.. وكل اضلاعَه تتكسّر
يِوَاسيني بألم كسري.. شْيِجبر يا علي الكسرين؟

مِن شبّت ببابي النّار.. گنّي شاهدت الِخيام
وزينب ويلي تتحيَّر.. تِجمع بالفلا الأيتام
تحميها بعبايَتها.. من كِيد ويَدِ الظلّام
ويلي ورثت اْحزاني.. ترميها سِهَامِ البِين

زينب فياض

#في_الخدمة_المقدسة
#السيدة_زينب ع
#وزن_الطويل

صورة شعرية توصّف حالة السيدة زينب عليها السلام، حسين ترى جسد أبي الفضل العباس والإمام الحسين عليهما السلام، من على التل الزينبي ...

على تل الأسى زينب، تشوف حسين والعباس
تِمُر عْلَى جسد دامي، بِدِيها تلطم عْلَى الراس

تِشَاهد خوها عالرّمضا، يويلي تْغَسّل بدمّه
بِجنبه تقعد الحورا، تسنّد جسمّه وتضمه
بِدِيها تمسح دمومَه، وتِحِنّ عْليه مثل أمه
تقلّه يا بعد روحي، حبيبي يا أعزّ الناس

تِشوف كفوفه مقطوعه، وتِشاهد هم سهم بالعين
ودِماءَه تنزف جروحه، بْتُراب مْعفّر الخدين
تِهِل دموعْ عَلَى خوها، وسافه تِصفقِ الكفين
يويلي راح أبو الغيرة، بْفِراقه تجرّح الإحساس

أنا جبتِ الدّوا ويّاي، عسى داويلَك جروحَك
لقيتك يا الأخو مطروح، يحسرةْ سافرت روحك
لَقضّي هالعمر بالنوح، يا خوي كل وقت نوحك
ما تنشف بعدك الدّمعه، يا كافل خدري والنوماس

تتوجه نحو الحسين ...

تضمّه والدّمع جاري، وتحط خدها عَلَى خدّه
تقله يا حبيبي حسين، وْيَدها تمسك بيدَّه
أنا زينب أنا الحوراء، تقلّه وتنتظر ردّه
يِجَاوبها بْضَعيف الصوت، يا زينب زدتِ أحزاني

أمانه ردّي لخيامك، بِعِينك خلّي أيتامي
تقلّه تدري يا خويه، عِدَانا حرّقوا خيامي
بقيت مْحيره يا حسين، أشوفك يا الأخو دامي
بأمانِ الله وبِعين الله، أودعَك والظهر حاني

#زينب_فياض

#في_الخدمة_المقدسة
#وزن_الطويل

مقاربة بين القرآن الكريم والإمام الحسين عليه السلام.

حسين المصحف الناطق، صَدرَه انداس بالحافر
حسين العابد الصادق، يستشهد ظهر عاشر

حسين الآيةْ والقرآن، راسه يرتفع برماح
جسمه موسّد التربان، يتغسّل بِدَمْ الِجراح
ويلي عالقضى عطشان، وعياله بْيَدِ السّفّاح
بْحسرة تنسبي للشام، وتوصل مجلس الجائر

راس حسين تِشوفنّه، زينب داخل المجلس
قْبال يزيد حطّونه، وهوّه عْلَى العرش يجلس
ينكث شفّة الغالي، ويشمت بيهْ وْيستانس
لَنْها قامت الحرة، وكانت للأخو ناصر

تقلّه يا عدوّ الله، كِدْ كيدَكْ بْحَامي الدين
ما تمحي ذكِرنا بيوم، خالدْ واللهْ ذِكْر حسين
أيامك عدَد والله، وْجندك والله متفرقين
ما تكسر لواء حسين، دمّه للكفر كاسر

#زينب_فياض

#محرم
الطّفل #الرضيع


ولكنّ المصيبة، عند إخبار الرّباب، كيف يخبرونها أنّ اِبنها الرّضيع قد ذّبِح من الوريد إلى الوريد..

#وزن_الطويل
على حجر الأبو غافي.. وِاجت أمّه تزيد النّوح
زِغير اعله العطش يبني.. رَضيع وتنقتل مذبوح
ودمّك يا بعد هالرّوح.. يصير اعله الثّرى مسفوح
مُصاب الطّف شيّبني.. حرق قلبي يبعد العين

بعد ساعه يمذبوحي.. أشوف حْسين يتوذّر
يوارث هالعطش منّه.. ومثله منقطع مَنحر
وْتزغر كل مصايبنا.. مُصاب ابن النّبي أكبر
كلنا نروح اله فدوه.. ويِظل سالم حبيبي حْسين

#كتابات_حسينية

الطّفل #الرضيع ع
#محرم



صورة شعريّة، كأنّي بالرّضيع يلتقي بعمّه المحسن في السّماء
المحسن الّذي قُتِل في أحشاء أمّه الزّهراء ع
فيشكو الرّضيع لعمّه..

طور #حضريني_يالزهره (#صديقي_الأبدي)
يا عمّي يا محسن.. جيتَك ذَبيح اليوم
مثلك يِقتلوني.. ما لي ذنِب، مظلوم
يا عمّي يا محسن~

مِنِّ العطش نتعب.. وِالطّاغي يظلمنا
قَلهم لَا تِسقوهم.. مْنِ المايه يِحرمنا
هِجمَوا عَلينا القوم.. يِروي الأرض دمنا
تدري حرق بابك.. وَصّل عِدِ خْيمنا
يا عمّي يا محسن~

زينب مثِل أُمها.. وِرثت ضَرب وِهموم
أبويه هَم وارث.. كسْرِ وْضلع مهشوم
يا عمّي يا محسن~

كأنّي بالمحسن يجيبه،
#وزن_الطّويل
إذا إنته شفت أمّك.. وْمِنِ الوالد خَذِت ضمّه
تدري المحسن المقتول.. ما شايف حضِن أمّه
نعم فعن الإمام الصادق «عليه السلام»: وقتل محسن بالرّفسة أعظم وأدهى وأمرّ، لأنّه أصل يوم العذاب..
ماذا بعد يا محسن، أخبر الرّضيع عن مصائبك:

وما سامعها تحديله.. ويلاه لم تحمله أمّه وتهدهد له..

وما سامعها تحديله.. سامع بس صدى اللّطمه
لمّن على باب الدّار.. هجموا بالحطب عدوان

وِلو إنته بْسهم مفطوم.. أنا ما شايف الرّضعه

أي واويلاه على المحسن المقتول قبل أن يولد..

وِلو إنته بْسهم مفطوم.. أنا ما شايف الرّضعه
مِن رحْمُ اْمّي للأعتاب.. بْيوم الدّار إلي وقعه
سِمعت الكسره بالضّلعين.. وْمِن أمّي جرت دمعه
فتحتِ عْيوني عالدّمعات.. فتحتَ انفاسي عالنيران

السّلام عل المحسن، السّلام على فاطمة
السّلام على الصدّيقةِ الشهيدة، الممنوعةِ إرثَها، المكسورِ ضلعُها، المظلومِ بعلُها، المقتولِ وَلَدُها، المقتولِ وِلْدُها...



#كتابات_حسينية

#محرم
#العباس
#ليلة_العباس

#وزن_الطويل
انكسر ظهري يبو فاضل.. ولا أقدر على الگومه
شنو يسوّي المشوا أهله.. وْبقى وحده ويِ هْمومه
يخويه والفِقَد مثلك.. يِموت وتِشمتِ خْصومه
وحيدِ حْسينك وْحولي.. ألوف التهجم عليّه

جَريحِ وْنزفت رْسومك.. دماءِ وْرضّه بِجبينك
وسافه يا بعَد عيني.. شنو الصّاير عَلى عينك
بعد ساعه لوَن تنظر.. تِموت بْحرقةِ وْنينك
نحر دامي، صدر مكسور.. جِراحَ الفِ وْتسعميّه

#كتابات_حسينية

#ليلة_علي_الأكبر
#الاكبر
#في_الخدمة_المقدسة
#ليلة_الأكبر
#وزن_الطويل

علي الأكبر يا بعد الروح، جاوبني أنا لِحسين
وارحم دمعتي الحيرى، لْسالت من جراح العين

شلون تقطعت قلي، بكم سيف انطعن جسمك
وردة عمرك الحلوه، تتخضب تره بدمك
ما ٱقدر أحملك تدري، يا الأكبر ولا ضمك
لِمّ اوصالك لْقِطعت، لكن أبتدي من وين

غايب عني يا وليدي، يا نور وشمس عمري
ظْلَمّت دنيتي عليَّ، وقلبي يشعله جمري
صعبه روحتك يبني، يالتحيا بوسط صدري
ربي يصبره لْقَلبي، ويمسح ربي عالضلعين

زينب عَمْتَك تريدك، قالت أنطرَه يْجِينا
قلّي شنهو جاوبها، لو تسأل علي وينه
راح الغالي يا زينب، ربّي قلبك يعينه
راح ليشبه الهادي، جَدْنا المصطفى ياسين

#زينب_فياض

#القاسم
#في_الخدمة_المقدسة
#ليلة_القاسم
#وزن_الطويل

إبن المجتبى القاسم، نادى بكربلا عمه
ياخذ إذنه للميدان، حتى يساعدَه بهمّه

دمعة عينه تجري حسين، من شاف الشبل قاسم
قلّه يا حبيب الروح، روح وخل تظل سالم
أمك رملة لا تفجع، حلفك بالهدى فاطم
عود لخيمتك يبني، قلَّه وللصدر ضمّه

جاوَب أمي وصّتني، ساعِد بالحرب عمك
قاتل دونَه يالقاسم، وحنّي بالدِّما جسمك
عرسك يوم اشوفنّك، يبني مخضّب بدمك
تفدي يا حبيبي حسين، تبيّض وجهي عد أمه

قله يا هلي الطيبين، يجزيكم عسى ربي
قلي شنهو طعم الموت، لو تمشيله في حربي
قله مبتسم والله، أحلى من العسل دربي
وَدَّع جاسم اخواته، وشد بجبهته العِمّه

باسمه يرتجز صوته، وسيفه بالعدى يشهر
لن نعله انقطع شسعه، حتى يصلّحه لَه خَر
ضربونَه على الهامة، وحوله تجمّع العسكر
نادى عمي أدركني، وشافه تعفر بدمه

#زينب_فياض

https://t.center/zeinabfayad28

##العاشر
#وزن_الطويل

نزَف دمّك يَبو اليمّه.. أَشوفك تِصعبِ اعليّه
شنو يْوَجعك يَضي عيناي.. يا ريت الوجع بِيَّه
ويا ريتك تِرد سالم.. جِراحَك تنتقل ليّه
حبيبي دنيِتي بْليّاك.. ظلمه ياهو يِضويها

من ينير حياة زينب يا حسين، وأنت على رمضاء كربلاء، تناديك فلا تجيبها

تگلّه:

تِمنّيتك تِرِدّ جْواب.. وَادري صعبه يا مذبوح
بَس أبچي عسى دمعي.. يِرجّع لِلذّبيح الرّوح

ولكن ما كان جواب الحسين ع لها:

جَوابَك كسرهْ بِضلوعك.. تِزيد بْمهْجتي لِجروح
جَوابك نظره من رمحك.. بْعُيونك دمعه تِبديها

#كتابات_حسينية

#وزن الطويل (شعبي /مجزوء الهزج)
#عام_الحزن ( لفقد النبي ص عمه أبو طالب وزوجته السيدة خديجة عليما السلام)

نبينا المصطفى هالعامْ
اْنْكِسَرْ قَلْبَهْ وْغدا مَحْزونْ
فَگدْ عَمَّهْ الْكِفَلْ لِاسْلامْ
وِمِنْ چانتْ سَنَدْ وِالْعُونْ

اْلنّبيِ بَعْدَه يِرِدِّ ايْتيمْ
يِعيشِ بْفَرْگِتَهْ غُرْبَهْ
أُبو طالِبْ حمى للدّينْ
حَباهْ كِلْ عُمْرَهِ بْحُبّهْ
فَداهِ بْمالَهِ وْكِلْ حينْ
مشى وَيّاهْ عَلى دَرْبَهْ
لَحَدْ ما ساعِتَهْ حانَتْ
لْرَحيلَهْ وْهَلْ دَمِعْ لِعيونْ

أَلَمْ ثاني تِذوقَهْ الرُّوحْ
خَليلَةْ درْبَهْ هَمْ رحْلَتْ
بَعدْها مِنْ يِداوي اجْروحْ
هُمومِ اعْلَهْ الْقَلُبْ حَلَّتْ
خَلِيَّهْ وْموحِشَهْ دارَهْ
وْيتيمَه فاطِمَه خَلًَّتْ
يَعامِ الْحِزنْ ما تِرْحَمْ
خَذِتْ خِله وَلا يْرِدونْ

يمكن قراءته على طوري ملا عبد الحي آل قمبر، تغريد الحزين، المعاتيقي..

#في_خدمة_الرواديد_والقراء
#وزن_الطويل
#شعبي

صورة شعرية تعبر عن شوق الموالي لزيارة مرقد الإمام الحسين عليه السلام، من ثم الانتقال إلى مآسي كربلاء ...

يَاْ زايرْ مِن تِرُوح حْسِين..أريد احْكيلك وْصِيةْ
أمانةْ تْاخِذِ عْيوني.. ترَه عْيوني إلَه هديةْ

١/ أحلفكْ لو مقامَهْ تْزُورْ.. عساك تْخَبّرَه بْحَالي
تِسُولِفلَه عَن اشواقي.. وحنيني لْيِكوي دلّالي
عساهِ يْحِن على جروحي.. بِنَظرة يْغَيّر احوالي
ترَهْ عيني بْغِيَابه تْسِيل.. بِمَدمعها لْجَرى مَيَّ

٢/ وإذا توقفْ على الشباك.. بُوحِ بْحَاجتي وَيّاكْ
مشتاق اوْصَلك زايرْ.. واتْعَنّى المقام هْنَاك
عايشْ غُربةْ يا حسيني.. صعبةْ دِنْيِتي بْلَايّاك
يَاْ ساكنْ مُهجتي وْروحي.. غِيَابك يِصْعب عْلَيَّ

٣/ إذا توصلْ لعدْ قَبره.. تِذَكّر خيمةْ مِستعرةْ
ويتامى فَرّت وفزعت.. وْلَعنده تُهربِ بْكَثرةْ
تِلُوذ بْجِسمه تِشكِيلَه.. وْتِنَاشِد بَاكِيةْ بْحَسرة
يِقَيدُونا وْيِضِربونا.. بْسِياط عْلِينا مَلْويّهْ

٤/ يَاْ زايرْ قصّر الخطوةْ.. وْتِذَكّر زينبِ الحورا
إذا هامت لَعِدْ خوها.. تِحَلفَه بْأُمْهُمِ الزهرا
بِأُمّي تْقِلّهْ حاكيني.. بْعَبَاةِ الطّاهِرَةْ الحرّةْ
يِقولِلْهَا بْضَعيفِ الصّوت.. يَاْ وَسفةْ تْرُوحي مَسبيةْ

#زينب_فياض
#عظم_الله_أجورنا_وأجوركم

https://t.center/zeinabfayad28