قناة خطباء المنبر الحسيني للقصائد

#قصائد_في_خدمة_الخطباء
#شهادة_الزهراء (ص)
#شعبي

كأني بزينب في كربلاء تخاطب صاحب الزمان صلوات الله عليهما وتشكو إليه مشاهدا تذكرها بمشاهد الدار..

(جفيري)

١/يا مهدي ذبحَوا إخوِتي
وحِرگَوْا عَليّه خيمِتي
ضربوني واجرَوا دمعِتي
مثْل امّي خلّوني أوِنْ

٢/گبال امي محسن سگّطوه
وِگبالي لحسين ذْبَحوه
المحسن عَلى الگاع تْرَكوه
وحسين مرمي بْلا دَفِنْ

٣/مثل الزّچيّه تألَّمِت
چم ضربه بمتوني شلت!
شافت عذاب وهم شفت
مثله وعشت أصعب حزن!

٤/دار امّي بالنّار احرَگوه
اومِثله المُخَيّم وَجّروه
راس الأخو گبالي رفَعوه
وممنوعه انوحن لو أحِن!


#عظم_الله_أجوركم ◾️

فاطمة رزق
اسألكم الدعاء🙏

*#جديد*
*#شهادة_الزهراء*

گوم يا مهديها واطلب ثارها
جدّتك بالثّار تبرد نارها

نحسب ايّامك على جمر اِوْنعد
اوسيف بُعدك يذبح ابهرش الچبد
يمتى حبل الغيبة ينگطعِ اوترد
اوتطلب ابثارات بت مختارها

يمتى تمليها الأرض قسط اِوْعدل
مثل ما ملّوها جورًا من قبل
يابو صالح بالصّبر مثلك مثل
جدّك الكرّار حامي جارها

الزّهرة ما تخفى مصيبتها عليك
بيها جرح اِوْيبرى كون الجرح بيك
ننتخيك اترد يمهدي ننتخيك
اوتحكم ابسيفك على كفّارها

يوم خلف الباب بيها الطّاغي حس
اعذرني حَط رجله على الباب اِوْرِفَس
أمست اشما تاخذ الزّهرة نفَس
ايجيسها الكسر اِوْنَبِت بسمارها

گوم واگلبها الثّريّا اعله الثّرى
"واصلب الجبتين من فوگ اشجره"
شيعتك لليوم هذا امحضّره
اِوْللصّلب متحضّرة أشجارها

وِابني إلها بالمدينة فد مقام
آمنين انطب نزوره وابسلام
انطوفه سبع اشواط چالبيت الحرام
اِوْحيدر اينادي "هلا ابزوّارها"

*الشاعر حيدر الدر العاملي*

9/12/2022 الكونغو

#قصائد_في_خدمة_الخطباء
#شهادة_الزّهراء (صلوات الله عليها)
#الرواية الثانية

شعبي
(وزن الطويل)

أوَدِّعكُم ينور العين .. وْعَليكم گلبي شايل هم
هم الأوله محراب .. واللّي آخِرَه مْحَرَّم

١/أودعك يا علي وروحي .. يچويها جمر فرگاك
يال عالحلوه والمره .. عشت سنيني آنه وْياك
لا يحني الزعل ظهرك .. إمسح دمعك اترجاك
روحي عْليك مهمومه .. شعنده وْياك ابن ملجم!

٢/يابني يالحسن خلني .. أبچي لحزنك وهمّك
واذكر سمك اليسري .. بجسمك هذا وِيْألمك
صعبه عْليّه يالغالي .. يكتلونك يبعد امّك
ومن لسهام لجنازه .. وَيّه النّعش ما تسلم!

٣/حان وْداعنا يحسين .. تعال وخل اشم نحرك
نام بحضني يوليدي .. واخذ منّ الضّلع صبرك
شاغل باليِ مْصابك .. واليجري على صدرك
تظل فوگ الأرض دامي .. وعشر خيّاله بتسحگك

٤/گربيلي ينور العين .. يام الحزن يا زينب
گلبك هذا من بعدي .. يُمّه هوايه يتعذَّب
واصعب كل مصيباتچ .. خدرچ هذا يتسلّب
ومتونچ يألموها .. بسوط ويجري منها الدّم


#عظم_الله_أجوركم ◾️

فاطمة رزق
أسألكم الدعاء 🙏

#الليالي_الفاطمية
#قصائد_في_خدمة_الخطباء
#شهادة_الزّهراء (ص)

[قصيدة عمودية]


النعشُ محمولٌ وزينبُ تنظرُ
وتُديرُ طرفًا والمشاعرُ تُعصَرُ

فترى أميرَ المؤمنينَ ودَمعُهُ
فوقَ الخدودِ بحسرةٍ يتقطَّرُ

وترى حسينًا يحضنُ الحسنَ الذي
صبرًا يواسي قلبَهُ ويُصَبِّرُ

وهناكَ عمّارٌ وسلمانٌ معَ ال
مقدادِ كلٌّ دمعُهُ يتفجَّرُ

في القلبِ غصّتُها ووحشةُ يُتمِها
كالبابِ تَعصِرُ ضِلعَها وتُكَسِّرُ

سمِعَتْ أنين الدّار عند فراقها
ينعى ويصرخُ باسمها ويُكرّرُ

سمِعتْ نداءًا في السّماءِ وصيحةً
لكأنّهُ المُختارُ قام يُكبّرُ

رَفَعَتْ يدًا لاذت بظِلِّ عباءةٍ
عندَ الوداعِ فذا الوداعُ الأكبَرُ

صاحت " أمانتُكِ التي أودعتِها
عندي سأحفَظها بلى وسأصبِرُ

أمّاهُ خدرُكِ سوفَ يبقى حارسي
وبه سأغلِبُ مَن عتَوْا وتجبّروا "



#عظم_الله_أجوركم ◾️

فاطمة رزق
اسألكم الدعاء

#قصائد_في_خدمة_الخطباء
#شهادة_الزهراء (ص)

صورة شعرية: كأني بأمير المؤمنين صلوات الله وسلامه عليه عندما أراد أن يرفع نعش الزهراء عليها السلام لتشييعها، التفت إلى أصحابه الخُلّص محنيّ الظهر وقال...

[طور عاري حبيبي عالغبره]

١/يالبالشّدّه تْحِضروني
گوموا عَليها عينوني
مو گادر ارفع نعش الزّچيه!

آنه اللّي قالع خيبر
رايد أوگف ما أگدَر!
گبال النّعش عِجْزَت إدَيّه!

مو چنّي أنا ليث الحرب
اللّيله بس دمع مني يصُب
وَيّه ظهري مكسورِ الگلُب
وجه الزّهره بيحِجْبه التُّرُب!

يريت ... آنه المدفون اللّيله
يريت ... مو فاگد أمّ العيله
يريت ... حاضر طه وأشكيله

٢/يا عمّارِ ويا سَلمان
يا أصحاب اهل الإيمان
شيلو جنازتها عْلى لَاچتاف

خلنا نْنَفّذ لِوصيّه
وهذا الوَصَّت بي هيَّه
"مِنّْ انْدِفِنْ گبري مَيِنْشاف"

خَل نِگصد سِوَه لْأرض البَقيع
بي لازم گبُر فاطِم يضيع
وباچر ينعرف لمّن يذيع
أمره اليطلُبِ بْثارِ الرّضيع

يِطول ... غْيابه وْيه الگبْرِ الغايب
يِطول ... عُمْرَه وما يرجع شايب
يِطول ... حزنه والدّمعِ السّاكب

#عظّم_الله_أجوركم◾

فاطمة رزق
أسألكم الدعاء

#قصائد_في_خدمة_الشعراء
#شهادة_الزّهراء (ص)
صورة شعرية: كأني بزينب صلوات الله وسلامه عليها عندما رأت نعش الزهراء صلوات الله وسلامه عليها مرفوعا على الاكتاف، تخاطب حامليه قائلة..

[طور ودّعتك وظهري انكسر / الجزع ]

١/رِحْمو يبويه الدّمعه بعيوني
خلّوني يمها اللّيله خلّوني
لو بالنّعش وَيّاها حِمْلوني
صَعُب لِوْداع!

٢/خلّوني اشِمها بس بَعَد مَرّه
وْبَس مَرّه اگلها "يُمّه يالزّهره"
معقوله افارگها وتِظَل ذكرى!
حِزنْ وْاوجاع

٣/گعدت تِحاچي أمها وِتْگلْها
بعدِك منو زينَب يِدَلِّلْها ؟!
دمعاتي لَجلِك والله ما مِلْها
وَحَگ لَاضْلاع

٤/مني يريت الموت اخذ روحي
وْلا ظَلّ اعدّن واحسِب جروحي
هاذي بدايةْ ضيعتي ونوحي
دلالي ضاع

#عظّم_الله_أجوركم

فاطمة رزق
نسألكم الدعاء

#قصائد_في_خدمة_الشعراء
#شهادة_الزّهراء (ص)

[وزن الطويل]

وسّدها الگبر حيدر .. وبگلبه جَمُر يِسعَر
وچَن بيده لِطَم صَدره .. يريد ضلوعه تتكَسّر

١/گالِلْها يَبَعد الرّوح .. ريت الْبِالْگبر آني
هسّه لو أرِدْ للدّار .. منهو اللّي يْتِلَگاني؟!
بْدونِك يالزّچيّه البيت .. يصيرَنْ بيتْ أحزاني
عيني لو إجَتْ عالباب .. مَدْري شلون أتصبَّر!

٢/حَنّتْ فاطِمة وأنّت .. وْوَسْط الگبُر صار وْنينْ
چنْها تْگِلّه كافي تْنوح .. دمْعَك مِسْحَه يا بو حسين
أدري فراگنا أصعَب .. منّ اللّطمه فوگ العين!
لكن حكمةِ المعبود .. شاءت والأمُر صَدَّر

٣/تراب الگبُر بچفوفك .. عَلَيّه يا علي هِلّه
وعْلى الألم والفَرگه .. صَبرَك كون لَتْمِلَّه
همّك والحِزِن بالرّوح .. أدري جْبال مَتْحِمْلَه
لكن هالأمُر مَكتوب .. وبسّ انْته عَلِيْهْ تِگْدَر!

٤/ودِّعني بْعَجَل وارْجَع .. وحْشه اللّيله عالأيتام
رِدْ للدّار وِبْدالي .. بْحضْنَك بنتي خلْها تْنام
ويَمّك خْلْ حسَن وحْسين .. وخفِّف عنهم الآلام
وجودَك يَمْهم وْجودي .. يبو الأيْتام يا حيدر


#عظّم_الله_أجوركم

فاطمة رزق
أسألكم الدعاء

#قصائد_في_خدمة_الخطباء
#شهادة_الزهراء (ص)

صورة شعرية: كأني بسيد الشهداء صلوات الله وسلامه عليه يناجي الطالب بثأر أمه الزهراء صلوات الله عليهم...
(طور الجزع)/(طور ودعتك وظهري انكسر)

١/ هالليله ماكو فاطِمة عندي
أمّي فْگدِتْها من بَعَد جَدّي
أدركني يا بو صالح المَهدي
يِوِنّ حسين

٢/ هَلْ منْ مُعين يْساعدِ ونيني
هلْ من مواسي خَلْ يواسيني
يا مهدي كون انتَ التِعَزّيني
بْدموع العين

٣/ أحْچيلك وسجِّل مُصايبها
سجّل كسِر للموت عَذّبها
سَجّل فُلان عْلى الأرض ذَبها
وسُطَر جفنين

٤/ سجّل عَصِرها بدَفتَرِ الثارات
والسّطره والرّفسة وجنينِ المات
ما تنگضي من روحي هالمأساة
مثِل لِونين

#عظم_الله_أجوركم ◾️

فاطمة رزق
أسألكم الدعاء

#قصائد_في_خدمة_الخطباء
#شهادة_الزهراء (ص)

صورة شعرية: كأني بالزهراء لما خرجت خلف أمير المؤمنين صلوات الله عليهما، تطلب منه الرجوع وتلوذ به، ولسان حالها...
(طور الجفيري)

١/ ما گِلّك الضِّلع انْكِسَر
وْلا گِلّك الوجه انْسِطَر
بس راح اگول اِنّ الخَطَر
مِنِّ الحَسنْ إبْنَك گرَبْ

٢/ سنّدني خل نرجع سِوه
نْصير احْنه لحسين الدّوه
لن گلبه بالحِزْنِ اكتوى
لمّن نظَر خَدّي انْضُرَب

٣/ خلْ نرجَع الْهُم بالعَجَل
خاف اللّهَب ليهم وِصَل
خافَن دَمِع زينب هِمَل
گلْبي عَلى بْنَيْتي ارتِعَب

٤/يكفيها سمْعَتني أَوِنْ
وْشِهْدَت ضرب فوگ المَتن
زغيره بعدها عْلى الحزن
زغيره بعدها عْلى التّعَبْ

#عظم_الله_أجوركم ◾️

فاطمة رزق
أسألكم الدعاء

#شهادة_الزهراء_ع
#طور الشيخ مصطفى الموسى(هم شايف بعمرك ورد )
#حزن أمير المؤمنين ع عند تشيع الزهراء ع :



حَيرني أمرك يا الولي
كنّي اشوفك مو علي
ظهرك حِنِيته لفاطمة
و ونّك عليها يعتلي


شايل على اكتافه السِّمه
يمشي بِلا حيل بقهر
رايد دفِنها باللحد
كل خطوه يحسِبها دهر
يحكي ويَه روحه ابكل ألم
اعليها دليله يعتصر
ماتت عليلة من الضرب
وهمها بقلبها منملي


نَزَّلها بيده ل فاطمه
وهال التُّراب اعلى الجسد
يقله ما أنسى هالجَرِح
وحزني اعلى فقدك للأبد
ما أگدر احمل هالعتب
من ارجع لداري وصِد
زينب تناديني وتونّ
جا وينه اُمنه يا علي



🖊خادمة أبي الفضل

#شهادة - الزهراء ع
#طور خويه وحدة من اليتامى
#حالة السيدة زينب ع بعد دفن امها الزهراء ع



نايِحة ادمُوعي اعلى خدي وأَقْرَه بأطوار المُصايب
روحي مِشتاقه لحنانِك مغيَّبه ابوسط الترايب

خاليه الحجرة وكئيبه بعدِك اهمومي ثِقيله
يُمّه عني ليش رِحتي دمعي ما يِنشَف مسيله
بقبرِك اتمنى مَبيتي وتُربك عليّه أهيله
وضِلعك الحاني أشِمّه الخَلّه گلبي منّي ذايب

اوياكِ محلاها السّوالف الگعدة يَمّك مو مثلها
امهدّمه روحي بفراقك منهو يِسند لي حِمِلها
لحظه عنّي ما تغيبي قِبلة لبنِيتك وظِلّها
خاف قصّر في عزاءكِ وحقك عليّه ليعاتب


🖊خادمة أبي الفضل

#شهادة _ الزهراء ع
#لطم شور سريع - وغيره
#حزن الأمير عليه السلام




فاطم نفس لَيّه وسَكَن
ذبحولي إحساسي ..
بساعت دفِنها اتوسلِت
مقطوعه انفاسي ..

واويلاه يا فاطمة
واويلاه...
،،،،،،،، ،،،،،،،، ،،،،،،،،، ،،،،،،،،
عافتني وحدي بدنيتي
ناوي الفرض بالنّوح ..
عاشق عليل ومنكِسر
بقلبي قهر وجروح ..

واويلاه يا فاطمة
واويلاه...

،،،،،،،،،، ،،،،،،،،،، ،،،،،،،، ،،،،،،،،،،

معروف انه بصبري وبعد
معروفة صولاتي ..
بس يدي حَسَت بالضلع
هَدّتني زفراتي ..

واويلاه يا فاطمة
واويلاه
،،،،،،،،، ،،،،،،،،، ،،،،،،،،،،

وصية من ابوك ويحتضِر
إصبر يبو زينب ..
نار بوسط دارَك تِشبْ
والحُرمة هم تُضرب ..

واويلاه يا فاطمة
واويلاه

،،،،،،،،،،، ،،،،،،،،،،، ،،،،،،،،،، ،،،،،،،،،،
حفروا على بابك لهب
يتوجر ابعاشر ..
ومثلك ضلوع مهشمه
يرضه اثر حافر ..

واويلاه يا فاطمة
واويلاه
،،،،،،،،، ،،،،،،،،،، ،،،،،،،،، ،،،،،،،،،،

بداعة ابوك المصطفى
عذريني يالزهره ..
عليّه عزيزة موتتك
والكسره والسطره ..

واويلاه يا فاطمة
واويلاه
،،،،،،،،،،، ،،،،،،،،،، ،،،،،،،،،، ،،،،،،،،،،
عاهدتك بلِيلة وداع
دايم ابد حزني ..
دعوة وزيارة وفاتحة
وسرمد إلِك ونّي ..

واويلاه يا فاطمة
واويلاه


🖊خادمة أبي الفضل

#شهادة_الزهراء_ع
#طور الشيخ مصطفى الموسى(هم شايف بعمرك ورد )
#حزن أمير المؤمنين ع عند تشيع الزهراء ع :



حَيرني أمرك يا الولي
كنّي اشوفك مو علي
ظهرك حِنِيته لفاطمة
و ونّك عليها يعتلي


شايل على اكتافه السِّمه
يمشي بِلا حيل بقهر
رايد دفِنها باللحد
كل خطوه يحسِبها عمر
يحكي ويَه روحه ابكل ألم
اعليها دليله يعتصر
ماتت عليلة من الضرب
وهمها بقلبها منملي


نَزَّلها بيده ل فاطمة
وهال التُّراب اعلى الجسد
يقله ما أنسى هالجَرِح
شوقي لوِصالك للأبد
ما أگدر احمل هالثِقل
من ارجع لداري وصِد
زينب تنادي ابكِل وجَلْ
جا وينه اُمنه يا علي



🖊خادمة أبي الفضل

#شهادة_الزهراء(ع)

وَ لِفاطمٍ بعدَ النَّبيِّ فَجيعةٌ
تَكوي لَواعِجُها الفؤادَ وَ تُحرِقُ

قامَت تَنوحُ لها مَواريثُ الهُدى
كالمُعصِراتِ هَتونَ دَمعٍ تُهرِقُ

فاليَومَ كوثَرُ عَينِها يَجري دماً
وَ لَها جِدارٌ في السَّما يَشَّقَّقُ

أليَومَ يُخمِدُ ظالمٌ أنفاسَها
فَكأنَّما روحُ النُّبوَّةِ تُزهَقُ

نارٌ و سَلبٌ و السِّياطُ بِمَتنِها
سِقطٌ و آلامٌ و وَكزٌ مُرهِقُ

قامَت تُجيلُ العطفَ نَحوَ عِيَالِها
وَ دُموعُها لَهُمُ أسىً تَتَدَفَّقُ

تَبكي لِسُمِّ المُجتَبى وَ تَخالُهُ
في النَّعشِ يُرمى بالسِّهامِ وَ يُرشَقُ

وَ يَصُبُّ مِحجَرُها النَّواعيَ كُلَّما
لِحُسَيْنِها طَرفاً تُديرُ.. وَ تَرمُقُ

فَتَرى رِماحاً شابَ هَمًّا رَأسُها
مِن شَيْبَةٍ فَوقَ العَوالي تُشرِقُ

لَكِنَّها لَطَمَتْ عَلى أَضْلاعِها
لمّا رَأَت دَمْعَ العَقيلةِ يُغدَقُ

وَ تَراءَت الأرزاءُ فَوقَ مُتونِها
زَرقا.. وَ أجنِحَةُ المَصائبِ تَخفُقُ

فَغَدَت تُقَبِّلُ كَفَّها.. وَ رَجاؤها..
"حَبلاً..حَديداً.. باليَدَينِ تَرَفَّقوا"

وَ قَضَت بِحِجرِ المُرتَضى..في عينها
حُزنٌ لطَبرَتِهِ أسىً يتَرَقرَقُ

*فاطمة رزق*

#شهادة الزهراء عليها السلام

#نعي
#لطمية

*°°لسان حال°°* *• • ولدها الحسين عليه السلام • •*


ماتت امنه يالحسن
وحشه يا خويه الزمن
ظهرت سنين البلا
ما تفارقنا المحن


تنحب نجوم السمه
ولنها تصرخ لاطمه
أسمع ونين الملايك
من تنادي فاطمة

كلها تحنان امي فاطم كلها تحنان
*أمّ الاحسان امي فاطم أمّ الاحسان*

*••••*

أمي مشكاة الضوى
أمي حبها ما انطفى
الزهره روحي والضلع
قلبي عالفرقه اكتوى


خويه مشتاق القلب
والفرح جنه انسلب
الدمعه تهمي بالأسى
يمتى ثارها ينطلب

روح الايمان أمي فاطم روح الايمان
*أمّ الاحسان امي فاطم أمّ الاحسان*

*••••*

بويه يا خير العمل
ماتت امي بالعجل
من شفتها تحتمي
قلبي يا بويه اشتعل


سالت عيون الدمع
بعصره هشّم يا ضلع
ذابت امي من الألم
تنحب وذاب الشمع

نور الأكوان امي فاطم نور الاكوان
*أمّ الاحسان امي فاطم أمّ الاحسان*

*••••*

شفت انه بعيني لجرى
يختي وقعت عالثرى
ربنا يعلم حالتي
من رحل خير الورى


السطره ظلت والدمع
الشكوى لله تنرفع
باكر تصير القيامه
فاطمه الزهره تشع

وردة احسان امي فاطم وردة احسان
*أمّ الاحسان امي فاطم أمّ الاحسان*

*••••*

#أمنن #علينا #برضاه
#يا_صاحب_الزمان

‏الليله وين اِتريد تدفن فاطمه
بالأرض يابالحسن لو بالسمه
كِل شي يتمنّه يصير
گبر للضلع الكسير

#شهادة_الزهراء
★علي السقاي