قناة خطباء المنبر الحسيني للقصائد

#قصائد_في_خدمة_الخطباء
#الليالي_الفاطمية
#الرواية_الثالثة

[قصيدة عمودية]

جنازةُ مَن على الأكتافِ شالوا؟!
مُحالٌ أن يُرى جسدٌ مُحالُ

سؤالٌ عاد في فكري صداهُ
لأيِّ رزيّةٍ ناحَ الرِّجالُ؟!

أراهم والهمومُ بدت عليهم
كمن أحنت متونَهُمُ الجبالُ!

أرى رجُلًا أصيبَ بفقدِ زوجٍ
فمال كمن أصابتهُ النّبالُ

مواساةً لقلبِ أبي ترابٍ
لفاطمةٍ بكت حتّى الرِّمالُ

اِلى أرضِ البقيعِ مشى كسيرًا
وقلبُ العطفِ يرثيهِ الوِصالُ

فوسَّدَ خدَّها تربًا ونادى
لسانُ الحال "حان الإرتحالُ"

دنا منها وودَّعها بصمتٍ
وداعًا ليس يُدرِكُهُ المَقالُ

ونحو الدار أقبلَ دونَ حَيْلٍ
كمن أعياهُ في الحرب النّزالُ!



#عظم_الله_اجوركم ◾️

فاطمة علي رزق
اسألكم الدعاء

#قصائد_في_خدمة_الخطباء
#الليالي_الفاطمية
#الرواية_الثالثة

تصوير شعري: لسان حال امير المؤمنين صلوات الله وسلامه عليه بعد دفن الزهراء صلوات الله وسلامه عليها:

(طور اسمع عتابي)

١/يالغبتي عني
يالضعتي مني
زوّدتي حزني
آ يالزّچيّه

٢/گعدي يزهره
نظريلي نظره
گلبي اشْيِصَبره
رحتي امنِ اديّه

٣/مدّيلي يدّچ
من جَوّه لحدچ
خلّيني اسندچ
اوْنرجع سويه!

٤/يام الحسن وين
ايْسارچ وِلِيمين!
گومي ترى حسين
ادموعه جريه

٥/مو گادر اعتب
بس حالي يصعب
كِسْرتني زينب!
والبيها بيّه!

#عظم_الله_اجوركم ◾️

فاطمة رزق
اسألكم الدعاء

#قصائد_في_خدمة_الخطباء
#الليالي_الفاطمية
#الرواية_الثالثة

مقطع على طور قصيدة "علي راح" بصورة شعرية بلسان حال الحسن والحسين عليهما السلام وهما يخبران أمير المؤمنين عليه السلام باستشهاد الزهراء عليها السلام:

يبونه .. گضت اُمنا العطوفه والحنونه
يبونه .. من الحضن الدافي هالليله احْرَمونه

تعال بسرعه للدار .. تعال وشاهد الصار

يبونه

دخلنا الحجره والحجره مظلمه
اجينا بسرعه يمها وصحنه يُمّه
ندهنا وما سمعنا منها چلمه!
هوينا عْلى الجسد نبچي ونشمه

يبونه .. مثل ما جدنا فاركگنه وتركنه
يبونه .. گضت امنا ولا ترجع عرفنه

الفكر بالمشهد احتار .. تعال وشاهد الصار
يبونه

#عظم_الله_اجوركم ◾️

فاطمة رزق
اسألكم الدعاء

#قصائد_في_خدمة_الخطباء
#الليالي_الفاطمية
#الرواية_الثالثة

تصوير شعري: لسان حال العقيلة زينب عليها السلام بعد غياب امها الزهراء عليها السلام عن الدار

(طور ودعتچ وظهري انكسر)


١/دارچ بعد عينچ صبح خالي
وبس صورتچ ظلت على بالي
مشتاگه اشوف اعيونچ كبالي
صعب لغياب

٢/اهنا چنه نگعد والهموم تروح
وهسه مكانچ مثلچ بْلا روح
ما ظل الي غير الدمع والنوح
دمع لمصاب

٣/يا يمه بعدچ حيرتي حيره
گلبي من البلوى منو يجيره
همومي چبيره بس انه زغيره!
ابدليلي صواب


#عظم_الله_اجوركم ◾️

فاطمة رزق
اسألكم الدعاء

#قصائد_في_خدمة_الخطباء
#الليالي_الفاطمية
#الرواية_الاولى
#ربيع_الثاني_١٤٤٥

[قصيدة عمودية]

كيفَ التَّصبرُ إن قضت خيرُ النّسا؟!
أم كيف للدّمعات ذي أن تُحبَسا؟!

"في الدّارِ فاطمةٌ" صداها لم يزل
يكوي فؤادي والمشاعرَ بالأسى

يا قَلْبُ ذُب حُزنًا ويا نفسُ اخشَعي
بالهَمِّ صدرُ العالَمينَ تَنَفَّسا

دفعوا على الزهراء بابَ الدار وال
حكمُ الذي يهوى الدّماءَ تأسَّسا

كسروا لها ضلعًا وأُسقط محسنٌ
فالبغيُ شاء لفاطمٍ أن تُرفَسا!

ضربوا المُتونَ وألّموا أجفانَها
بالضَّربِ أفتى من عتا وتأبْلَسا

أنّت كليمةُ ربّها فتناثرت
آياتُ قرآنٍ برحمتها اكتسى

سقطت فمالَ الكونُ وارتعدت قَواعِدُه
وثوبًا من حِدادٍ أُلْبِسا

ماذا على من شم أعتابًا لها
أن لا يشم مدى الزمان النّرجِسا


#عظم_الله_أجوركم ◾️

فاطمة رزق
اسألكم الدعاء

#قصائد_في_خدمة_الخطباء
#الليالي_الفاطمية
#الرواية_الاولى
#ربيع_الثاني_١٤٤٥

[طور الجزع/ طور "ودّعتك وظهري انكسر"]

١/جينا نواسيك بدمع سچاب
بهذا المُصاب الما كو مثله مْصاب
دفعوا على الزهره يمهدي الباب
انْسِمَع لونين

٢/يا صيحه هالليله اعتلت منك؟!
خبرنا يابن المرتضى عنك
عن حالِتَك بالغربه عن حزنك
ودُموع العين

٣/الله يساعد گلبك المفجوع
بالوگعت ومكسوره منها ضْلوع
باللي عَلى خدها الاثر مطبوع
وأثر بالعين

٤/الله يِعَجّل ثارك المحتوم
ويجعلنا منّ انصار ذاك اليوم
ونثأر يَمَوْلاي لْضِلِع مهشوم
وألم متنين


#عظم_الله_أجوركم ◾️

فاطمة علي رزق
اسألكم الدعاء

#قصائد_في_خدمة_الخطباء
#شهادة_الزّهراء (صلوات الله عليها)
#الرواية الثانية

شعبي
(وزن الطويل)

أوَدِّعكُم ينور العين .. وْعَليكم گلبي شايل هم
هم الأوله محراب .. واللّي آخِرَه مْحَرَّم

١/أودعك يا علي وروحي .. يچويها جمر فرگاك
يال عالحلوه والمره .. عشت سنيني آنه وْياك
لا يحني الزعل ظهرك .. إمسح دمعك اترجاك
روحي عْليك مهمومه .. شعنده وْياك ابن ملجم!

٢/يابني يالحسن خلني .. أبچي لحزنك وهمّك
واذكر سمك اليسري .. بجسمك هذا وِيْألمك
صعبه عْليّه يالغالي .. يكتلونك يبعد امّك
ومن لسهام لجنازه .. وَيّه النّعش ما تسلم!

٣/حان وْداعنا يحسين .. تعال وخل اشم نحرك
نام بحضني يوليدي .. واخذ منّ الضّلع صبرك
شاغل باليِ مْصابك .. واليجري على صدرك
تظل فوگ الأرض دامي .. وعشر خيّاله بتسحگك

٤/گربيلي ينور العين .. يام الحزن يا زينب
گلبك هذا من بعدي .. يُمّه هوايه يتعذَّب
واصعب كل مصيباتچ .. خدرچ هذا يتسلّب
ومتونچ يألموها .. بسوط ويجري منها الدّم


#عظم_الله_أجوركم ◾️

فاطمة رزق
أسألكم الدعاء 🙏

#استشهاد_الزهراء
#الرواية_الثانية (٧٥)
#الليالي_الفاطمية
*اللحن مناسبة لقصيدة الملا باسم الكربلائي ( آه وا ويلاه يا أم البنين ) وهناك خيارات آخرى كثيرة*
--------------
*آه واغوثاه يا ابن الحسن*
*آه واغوثاه يا ابن الحسن*
----
(١)
يبو صالح دين بارينا إنفجع
والموده حبلها وسفه انقطع
حين بيت الي بذكر الله انرفع
ابفناءه عمك المحسن وقع

*سقطوه الأعداء أرباب الفتن*
*آه واغوثاه يا ابن الحسن*

------
(٢)
من بعد فقد النبي كل شي انكشف
و سامـــري أمــة محمــد وانعـــرف
هجموا البيت الذي بجنة انوصــف
و الذي جبريل يفخــر حوله حــــف

*و ابتدت لأحزان من ذاك الزمن*
*آه واغوثاه يا ابن الحسن*

-----
(٣)
يبو صالح قوه هجموا عالبتول
زمرة الأرجاس عباد العجول
واحرقوا بباب الذي چان الرسول
يوقف ويطلب قبل أذن الدخول

*وبالجزل والنار طاغيهم أذن*
*آه وا غوثاه يا ابن الحسن*

----------
(٤)
اضربوا أمك يبن حامي الحمه
والضلوع امن العصر متهشمه
ريت طاح إعلى الارض أفق السما
او لا يسيل امن الصدر قطرة دما

*فدوه للزهراء يرخص كل ثمن*
*آه وا غوثاه يا ابن الحسن*

---
(٥)
حرقوا القرآن والعتره سوا
ولسه يا مولاي مخنوگ الهوا
أنشدك بالله يل ساكن طوى
يمتى يمتى الثار يل ثارك دوا

*ضاقت الارجاء بالهم والشجن*
*آه واغوثاه يا ابن الحسن*

-----
(٦)
نفذوا بإحكام يالمهدي الفعل
واليدير الكون قادوه ابحبل
يكفي يا مولاي دمعك دم يهل
يمتى للجبتين بتّارك تسل

*يل غيابك طال ما حان الزمن*
*آه واغوثاه يا ابن الحسن*

----
(٧)
ما اكتفوا يبن الحسن باللي جرى
ورّثوا حقد و ظلم للطاهره
لولا محسن ما سقط إعلى الثرى
ما إنچتل لحسين و حزوا منحره

*و رآسه راح الشام وأهله تأسرنّ*
*آه واغوثاه يا ابن الحسن*

-------
(٨)
وين سيفك قوم عجل يا بطل
اشفي صدر احسين وامك بالعجل
تدري بالمسمار لحشاها وصل
والنزف لليوم يا خير العمل

*جرحه ظل مفتوح ويعاني المحن*
*آه واغوثاه يا ابن الحسن*

وزن الموشح

🖋 عبد مُحمد وآل مٌحمد / #مُفضل_حبيب
~~~~~~~~~~~~~