لفور سرزمین زیبایی

#نیمایی_تبری

#شهر_بچائه

کوچه کوچه یخ بزوئه
غَم وِنِه دلّه دَزوئه
شهرِ تُو بَیتِه کِلِش کِنّه خَفوئه

شهر بِچائه
دَکّلون وِر حال دنیئه
نرگیسِ بازار ره قیل و قال دنیئه
نیشته ویترین کَشِه اَتّا کیجا
               شه لِکا لارِه نو نَکِرده
دَر دَوِس هسّا چراغّه سو نَکِرده
پاپّلی
تیتاپّلی۱ پیرهنِ گِلّ بُو نَکِرده

شهر بچائه
هر کجه لینگِ هِلِمبی
ناخِشیِّ رَج دَرِه
شِه زِوُنّه قِرد بِدائه کوچه پس کوچه؛ خیابون
دَرداتویِ رَفتاروشِه
هیش کی نَئونِه مِفتِ مِفت هسّه حراجِه
نا صدا؛ نا اَتّا وَنگِ دَس فِروشه

شهر بچائه
تَنّه لرز دانّه نخاره؛ نا زمسّون نا بهاره
نا خو بورده نا ویشاره
وِسّه سوز بَوّه سِما دَوّه وِره چه زردِزاره

شهر بِچا هسّه اوزر کنّه
              ونِه دل وِرگا میشه
تَرسا تُویِ کِل درِه
              بازارِ من ؛ میدونِ وَر
همّه جا ره شو دَره

شهر بچائه
تَنّه ریس ۲ دانّه هَمِش
نِسّاءِ خوردِ کیجا چار راهِ سَر
کولِکِ پَر ره دی نکنّه
ساز و سرنایِ گلیءِ راه دَوِسّه
شهر دیگه چکّه سِماره یاد بَکِرده
هَندا هیش کی شی نَکِنّه

شهر بچائه
جیگ دَمِردّه موندنه
مَسجد و مدرسِه و درس و کلاسِ در دَوِسّه
شهر
بَمِردّه موندنه...

#برگردان (دگاردنی)

شهر سرد است و
تمام کوچه ها یخ زده
دلش از غم پُر شده
شهر تب دارد؛ سرفه می کند و به سختی نفس می کشد

شهر سرد است و
اصلا حال ندارد
بازار نرگس (نرگسیه) قیل و قالی به گوش نمی رسد
داخل ویترین دختری نشسته
لباس نو نپوشیده
درب بسته است و چراغی روسن نیست
پروانه
گلهای پیراهن خوشرنگِ "تیتاپّلی" را بو نکرده

شهر سرد است و
هر کجا پا می گذاریم
رد پای بیماری است
زبانش را بلعیده (لال شده) کوچه پس کوچه و خیابان
درد و تب آمد دارد
هیج کس داد نمی زند حراج کرده ام و مفت است
نه صدایی نه ندای دس فروش به گوش می رسد

شهر سرد است و
تنش لرز کرده و بیمار است؛ نه زمستان است نه بهار
نه خواب است نه بیدار
می بایست سبز می شد و می رقصید
چرا رنگِ رویش پریده و زرد است

شهر سرد است و باد سردی می وزد
و دلش گرگ و میش است
رد پایِ ترس و وحشت دیده می شود
میانِ بازار؛ سمتِ میدان
تاریکی همه جا حضور دارد

شهر سرد است و
تنش چائیده و "ریس کرده"
دختر کوچک سر چهار راه نمی ایستد
اسپند دود نمی کند
راهِ گلویِ ساز و سرنا بسته است
شهر رقصیدن را فراموش کرده
انگار کسی شوهر نمی کند (به خانه ی بخت نمی رود)

شهر سرد است و
خلوت و بی سر و صداست
درب مسجد و مدرسه و درس و کلاس بسته است
شهر
مرده است انگار...

#واژه ها

تیتاپّلی: رنگارنگ
ریس: چائیدن

✍ #کاظم_صداقتی_بورخانی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.