لفور سرزمین زیبایی

مِه‌چِش‌چِش بِــرمهٔ بو دارْنه اَمشو
زمسّـــــون ســــکا سو دارْنه اَمشو
شِلابّه دوشِ ســر بِشتی چِچیسّه؟
بَشِن مِه‌سَر، مِه‌تن تو دارْنه اَمشو

✍ #ذبیح‌الله_ذبیحی_سوادکوهی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

‍ ‍ #غزل_‌تبری

مره بِــرمه مره بـِـرمه، تره چَکّــه سِمــا مَشته
کجه شه دادّه سـرهادم، مه دلّه وَنگاوا مَشته

خِنه سَــردا بِنه سَــردا تره من شِه پَلـے نارْمه
زِمسّــون هِــوای جـــور، مه سامونّه میا مَشته

خِنه شومْبه تِره نارْمه، هِمِن شومْبه تره نارْمه
کِمین خاکّه شِه‌سَر بَیْرم مه وِر چَندِ بلا مشته

که ره بــاوّم دلِ درده، خــدا مه گَپّــه نِشنانه؟
تِنــاری بَیْتــه مِه حِقّــه، مِه تَنّه مَــرمِــلا مَشته

تِه‌وَر اِفتاب، نَفِس دارْنه، مِه‌وَر شو بَیْته مِه‌ کر ره
مِه چاجّه پیت‌ْکِله بَیْته، تِه چاجّه چِلچِـلا مَشته

مره نا قِـــــــد دَره دَوِّم، مره نا دل وِنه بــــورم
مِه دل تَنگا قـرار نارْنه، مره هــول و وِلا مَشته

✍#ذبیح‌الله_ذبیحی_سوادکوهی


🇯‌🇴‌🇮‌🇳
@LafoorMyCountry

برای حمایت از ما، لینک بالا را👆👆به گروه ها و دوستانتان فوروارد کنید.

🦋🌷🦋🌷🦋🌷🦋🌷🦋🌷
@lafoormycountry

#شعر_تبری

چندِ شه دلّه تو هادِم، دل ته دَنی خو نشونه
تندیــرِ کِهْلِـن بئیمه، سینـه ی جا تو نشونه

خشک دارِ ولگِ واری، بی بکا بـو بَیمه تِه ور
سل اگه بِه دَشتِ دله، مِه کیله ره او نشونه

روزّه نویمبه شِه پَلی، تاریک صحـرا نیشْتِمه
دنیاره اِفتاب دپیجه، مِه باغ جا شو نشونه

چَنــدِه کوتر پـر کشنه، دشت و همنـدی دله
اَتّا مه خواهــون نَوونه، مه چاج جا لو نشونه

خوامبه تِه ور پر بزنم، کـوه و کمـر سر بزنم
انده مه دلّه تش دره، راس نَـوونه، کو نشونه

می ره شِه دوش اَندِ نَشِن، اَندِ مِه دلّه تو نیار
تَش بَزه اِندون که بًوِه دل، دیگه دریو نَشونه

تیم تیم وارش دَرِنه، برمـه مه چِشــّه دَزوئه
چندِ شه دلّه تو هادِم، دل ته دَنی خو نشونه

✍ #ذبیح‌الله_ذبیحی_سوادکوهی

@lafoormycountry
🍂🍂🍁🍂🍁🍂🍁🍂🍁🍂🍁