قناة ابو محمد الاسدي

🏴 مجموعة من النعي (المجاريد)
الخاصة بليالي شهادة المولىٰ الأمير ع
🌑نعي - مجردات

جبريل صاح بصوت محزون
ياناس ما اظنكم تعلمون
باخبار حيدر ما تعرفون
راسه انجسم واتزلزل الكون
وين اليتامه خل ينوحون
واعله الصميده دموم يبچون
هيهات من بعده يعيّدون

#سمير_الصالحي
#البصرة_الفيحاء
https://telegram.me/ShaikhSameerAlSsalehi
———————-
🌑 نعي- مجردات

فزت الشيعه اعله الصوايح
تسمع ونين من النوايح
لن الخبر محزن وجارح
حيدر علي بدمـاه سابح
وللموت ابو الحسنين رايح

#سمير_الصالحي
#النجف_الأشرف
https://telegram.me/ShaikhSameerAlSsalehi
————————-
🌑نعي. ـــ مجردات

لفانه الطبيب وشاف حاله
وعاين طَـبُرتـَه والجراله
جس الجرح بيده وبچاله
ومنه وسف خابت آماله

#سمير_الصالحي
#النجف_الأشرف
https://telegram.me/ShaikhSameerAlSsalehi

⬛️◼️القصيدة-3-◼️⬛️

نُحِرَ السلامُ وهُدّمَ الاسلامُ
واليأسُ حلّ وأوجسَ الأيتام ُ
جُرحُ الوصيِّ ِ علامةٌ لرحيلهِ
والموتُ أقبلَ والحياةُ ظلامُ
اللهُ ياشهرَ الصيامِ فجعتَنا
والحزنُ خيّم والعيونُ سِجامُ
كم جدّلَ الفرسانَ في سوحِ الوغىٰ
مستبسلاً من طبعهِ الإقدامُ
وبعزمِهِ اقتلعَ الحصونَ لخيبرٍ
وبشَطْرِ مرحبَ َتشهدُ الأيامُ
حارَت بهِ الأحزابُ أم من سيفهِ
ذاكَ الفقارُ بگفهِ صمصامُ
واليومَ ياكرارُ صرتَ بمحنةٍ
أسفي عليكَ تُحيطُكَ الآلامُ
قد كنتَ للإيتامِ كهفَ محبةٍ
وأباً لهم فگأنهُم أرحامُ
دارُوا عليكَ وفَجَروا عبراتِهم
وعلا نُواح ٌ والجميعُ هِيامُ
ومشاعراً أبدَوا لـِرُزئـِك سيدي
ووداعُهم حُرقاً وفيه ِ ختامُ
واستيقنوا ان المنيةَ قد دنتْ
وتبدَدت في فقدِكَ الاحلامُ

#سمير_الصالحي
#البصرة_الفيحاء
https://telegram.me/ShaikhSameerAlSsalehi

⚫️🏴نعي. ـــ مجردات
السيدة زينب ع تسأل إمامنا الحسن ع عن وضع أبيها أمير المؤمنين ع

زينب ع

يا حسن گلي شلون وضعه
يلوج ويون خويه اسمعه
مو عادته ولاهذا طبعه
وليش الحسين يسيل دمعه

الحسن ع

گلهه يزينب خويه شفته
ذبلان خلصانه مهجته
مسمومة ياويلي طبرته
چنهه دنت ساعة فرگته
وبَيـّن اوداعه وحان وگته

#سمير_الصالحي
#النجف_الأشرف
https://telegram.me/ShaikhSameerAlSsalehi

◼️▪️القصيدة-3-▪️◼️

رواياتٍ سَترويها الليالي
                بـِمَقتَلِّـِها وفي علم ِالرجال ِ
سأحكيها لكم والعينُ تبكي
                فذكرىٰ فاطمٍ طُبِعَت ببالي
فبِالمختارِ أوَلُهُم لُحوقاً
                ليالي الأربعينَ غَدَت خوال ِ
وثانيها بسبعينٍ وخمس ٍ
                          بأيامٍ     أليماتٍ  ثِـقال ِ
وقولٌ ثالثٌ تسعونَ يوماً
               تُعاني حيثُ صارَت كالخيال ِ
ولن أروي مقالاتٍ طِوالاً
             بها ظهرَ الجوابُ عن السؤال ِ
فقد وصَلَت إلينا من أيادٍ
                 أمينات ٍ  تَُـوَّصَف ُ  بالجلال ِ
بأنَّ الصَحب َ قد هَجَمُوا جِهاراً
                  علىٰ دار ِ  الزكية ِوالغوالي
وشَبُّوا نارَهُم في بابِ بيتٍ
               حوىٰ كلّ المكارم ِ والمعالي
فقالوا :(فاطمٌ) في الدارِ مَهلاً 
                لذاكَ  السامريِّ  فلم   يُبال ِ
فقامَ بِـعَصرِها بالبابِ حتىٰ
                تكسَّرَت   الأضالِع ُ  كاللئالي
ومسمارٌ أصابَ الصدرَ منها
             ومُحسِنُها هوىٰ دونَ اكتمال ِ
لـِتبقىٰ في مآسيها تُعاني
             جُروحاً لم تذُقْ طعمَ اندمال ِ
فإن سمِعَت أذآناً فيهِ إسمٌ
                لأحمدَ وهوَ يُرفَع ُ من بِـلال ِ
تكَدَّرَ حالُها حُزناً وشوقاً
               ونادَت يا أبي قد سآءَ حالي
ألآ ياوالدي الأصحابُ جارُوا
             عليَّ فهل علِمتَ بماجرىٰ لي
وما مازالَت تنوحُ بِكُلِّ آن ٍ
             وتشكُوا هضمَها ومعَ اعتلال ِ
وحتىٰ موتِها أوصَت علياً
                    وصاياها   قُبَيلَ  الإرتِحال ِ
ألآ لا تكشِفَنْ عني فإني
                      مُطَهَّرةٌ ومن ربِّ الجلال ِ
بليل ٍ حيثُ فادفُنّي وحاذِر ْ
           حضورَ الظالمينَ أولي الضلال ِ
أبا حسنٍ  وعف ِ القبر َ حتىٰ
                     يظل َّ مُغَيَباً  بينَ  الرمال ِ
ولاتنسىٰ الزيارةَ كلَّ يوم ٍ
                    فهذي رغبةٌ وبها  وصالي
وزينبُ في فراقي سوف تبكي
                    دماً  دمعاً يُفَجَّرُ  بانهمال ِ

#سمير_الصالحي
#النجف_الأشرف


🏴نعي موشح

من تزور الگبر يبن العم تره
گلبي يفرح من تجي ياحيدره
نار گلبي اعله العقيله موجره
عگب  هذا  اليوم  لتوافيني            

ليش يم حسين موش وصّيتچ
زورني بكل ليله  هذي رغبتچ
شنهو صار وليش زادت ونتچ
أوتعرفين    ابونتچ     تاذيني

يا علي للدار  إرجع بالعجل
زينب لوحدهه صايبهه الوجل
فزت وما شافت ام ولا أهل
يمه تصرخ  وحَّدي  عفتيني


🏴 نعي مجردات

من نومهه فزت تنادي
والدمع مثل المطر غادي
يمه انفطر عگبچ افادي

———

مرعوبه فزت والدمع سال
والنوح منهه يصدع الاجبال
تندب يزهره عايني الحال
فراگچ علي يايمه شو طال

🏴 أبوذية

فراگچ لا ولا لحظه عليّ هان
تسيل عيوني وآنه الطم علي هان
يشايل نعش والدتي علي هان
اريد احضنهه بويه بين اديه

#سمير_الصالحي
#النجف_الأشرف

🏴 حميدة بنت مسلم ع وحوارها
              مع عمها الحسين ع

ياعمي اشوفك مختنگ
واشعر بگلبك محترگ
ممكن تِخبّرني الصدگ
دموعك تصب شنهو السبب !

من والدي عندك خبر !
طوّل  أبوي  بهالسفر  !
مو ذَبَّـل عيوني السهر
اعليه اليتم چنه انكتب !

مشتاگه  أشوفنه  تره
أيام   وآني   اتـنَـطره
گلي   يعمي   بالجره
تمسح عله راسي اشعجب !

گلهه وتسبگه  عبرته
مسلم  وحيد بكوفته
أنذال   بويه  الغدرته
وهنانه ابو اليمه انتحَب ..

فوگ الگصر نحره انگطع
والجسد   للگاع  اندفع
لاچنه   أبداً   ما   خضع
شدوه وبحبال انسحَب

ومن ساعتچ صرتيلي بت
لسكنه ورقيه الهن إخت
ياويلي   والمدمع   يكت
والچبد   نيران   التهب

ليش بعجل بويه ارحلت
ومن زغري بويه اتيتمت
بفراگك آني  ادوهنت
اعتب اوشيفيد العتب

#سمير_الصالحي
#النجف_الأشرف
#3_محرم_الحرام_1444هـ
#الثلاثاء_2_8_2022م

🏴فصيدة ليلة 19 رمضان
مع نعي (نصاري)للمصيبة
⬛️◼️القصيدة-2-◼️⬛️

مِما البكاءُ أرحنِ  ياجبريلُ
           وعلامَ تندبُ والدموعُ تسيلُ
مهلاً أعدْ ما قلتَ ليتكَ لم تقلْ
          فانا    لِندبِك َ  ذاهلٌ   وعليلُ
فكأنهُ  يُلقي الجوابَ  مُردِداً
           هذا عليٌ في السجودِ  قتيلُ
اللهُ  أكبرُ  أيُ   رُزءٍ   نالهُ
            حتى  بكى القرانُ  والانجيلُ
قطعَ الشقيُ صلاتَهُ وبضربةٍ
   في سيفهِ المسموم وهو صقيلُ
نحروا الصلاةَ بقتلهِ ظلماً لهُ
     وعلا من  المحرابِ  ذاكَ عويل ُ
وعليه عرشُ اللِه ناح وللأسى
          يُبدي  وصوتُ  نياحِه  ترتيلُ
ياعلةَ التكوينِ قد أفجعتَنا
       والخطبُ  فينا  مؤلمٌ  وجليلُ
أدمىٰ مصابـُك قلبَ كلِ مُوحدٍ
        والارضُ تبكي والسماءُ تميلُ     
واليتمُ  للأيتــامِ صارَ حقيقةً
   مذ بان وجهَ الصبحِ منكَ رحيلُ

#سمير_الصالحي
#النجف_الأشرف


⚫️ نعي  - نصاري
     مصيبة أمير المؤمنين ع

ينوح  وينحب  المحراب  هليوم
لاجل  حيدر  السالت  منه  ادموم
انطبر راسه يويلي بسيف مسموم
وعله مصابه  تهدم  ركن  الاسلام

غده جبريل يبچي بصوت مسموع
ينادي   ياعلي   وتسيل   الدموع
دين   الله   عليك  اليوم  مفجوع
بصلاتك  تنغدر   وسفه   يضرغام

سمعت  زينب   وصاحت  يكرار
يا صل  الحرب   ياموت  الاشرار
ياباب   المدينه   وحامي  الجار
گبل العيد  تگضي  وباقي   ايام

تفارگنه       وتگوّض     يا. ولينه
بعد موت  الزجيه  امي  الحنينه
من   يوم   الضلع   وآنه  حزينه
وجرحك  ياعلي  ما أظن   يلتام

من  بعدك  ندير  وجوهنه  وين
ياابا   الغوث  ياراعي المساچين
خلافك   أبد  ما   ابطل    اونين
لظل انعى وعليك الگلب محتام

#سمير_الصالحي
#البصرة_الفيحاء

🏴 حميدة بنت مسلم ع وحوارها
مع عمها الحسين ع

ياعمي اشوفك مختنگ
واشعر بگلبك محترگ
ممكن تِخبّرني الصدگ
دموعك تصب شنهو السبب !

من والدي عندك خبر !
طوّل أبوي بهالسفر !
مو ذَبَّـل عيوني السهر
اعليه اليتم چنه انكتب !

مشتاگه أشوفنه تره
أيام وآني اتـنَـطره
گلي يعمي بالجره
تمسح عله راسي اشعجب !

گلهه وتسبگه عبرته
مسلم وحيد بكوفته
أنذال بويه الغدرته
وهنانه ابو اليمه انتحَب ..

فوگ الگصر نحره انگطع
والجسد للگاع اندفع
لاچنه أبداً ما خضع
شدوه وبحبال انسحَب

ومن ساعتچ صرتيلي بت
لسكنه ورقيه الهن إخت
ياويلي والمدمع يكت
والچبد نيران التهب

ليش بعجل بويه ارحلت
ومن زغري بويه اتيتمت
بفراگك آني ادوهنت
اعتب اوشيفيد العتب

#سمير_الصالحي
#النجف_الأشرف
#3_محرم_الحرام_1444هـ
#الثلاثاء_2_8_2022م

⚫️ موشح

اليوم سامره افگدت واليهه
الهادي نور من العرش يضويهه

أبد ما أنصف دهرنه ويانه
بالمصايـب والهضم خلانه
وكل أرض سالت عليهه دمانه
والمناحر هل قصص ترويهه

قصص من ظلم الطغاة بكل زمن
آل اميه الذبح عدهه بالعلن
اشگد بني العباس راوونه المحن
بالغدر والغــيله لا توصيهه

چم إمام انچتل مسموم وگضه
الحسن والسجاد والباقر مضه
الصادق وبعده الكاظم والرضه
والجواد انوب وي هاديهه

شكثر يالهادي احملت لوعه وقهر
راد طاغيّـك يعذبك بالسفر
چان گصده ما يبّقيلـك أثر
والله رايد هيبتك يحميهه

بعيد عن أهلك وعن احبابك
لارض سامره غصب من جابك
ساعه عن ساعه يراقب بابك
لوعتك بس الله يعلم بيهه

عگب هذا الصار يولونك بعد
بسجن معتز الكفر هو الاشد
وبغدر سمك ياوسفه المعتمد
گطّع حشاك ورحت تاليهه

الدين حزنان اعله فگدك وانهدم
والحسن يبچي ويون امن الأ لم
يصيح هاشم وينكم يهل الرحم
جنازته وخلي ننوح اعليهه

بويه يندب ياعلي وشگ ثوبه
محنة من رب الخلگ مكتوبه
خلافك اعيالك غدت مرعوبه
ايتام والغربه تره تأذيهه

دارك امست موحشه بهاليله
وابو محمد ويلي دمعه يسيله
تراب گبرك بيده گام يهيله
يگول لاجلك عيني كون اعميهه

#سمير_الصالحي
#النجف_الأشرف

🏴 هذه المقطوعة من النعي تنسجم مع عدة من القصائد التي نظمتها عن لسان أمير المؤمنين ع وهو يشكو فراق الزهرآء ع ..

🏴 وهذا حال عليٍ ع ناعياً رحيلها ..

يزهره ومثل رمشة عين ترحين
وعن بيتچ يبنت الهادي تمشين
الحسن وحسين زينب ويه چلثوم
ما حَسَبت عشرتهم تعوفين
شگولن والمن اشچي هموم دنياي
وانه الظنيت ويانه تظلين
داحي الباب انه وبالكون معروف
جبل من الصبر وسط الميادين
لچن مكسور گلبي عليچ ويلآه
وليلي يخلص بدمعات وونين
بعمر اثمنطعش ويگصدچ الموت
ويفرگ ياوسف بيناتنه البين
جرحچ مايطيب مخزن آلام
وما أنساچ واعرف ماتردين
شلون انساچ يم البيت هيهات
يمن چنتي سلوتي وگرة العين
-----------------------
🏴 وعلى منوالها وبنفس اللسان ..

عذاب الله يريته يكون بعداچ
وتشب بوسط گلبي نار بُعداچ
خايف لون طال العمر بعداچ
ولا عيشن خلافچ يالزچيه

#سمير_الصالحي
#النجف_الأشرف

🏴 نعي لشهادة الإمام الجواد ع
متنوع الأوزان

🌑 نعي _ مجردات
🏴عن لسان السيدة
الزهرآء ع
يا نار حزني عليه تسعر
وليدي الجواد البدر الازهر
مسموم لونه وصاير اصفر
ومن الولم چبده تفطر
بالكاظميه هناك افتر
ابچي ودليلي عليه تمرمر
وانحب واصيح الله واكبر
ا@@@@@@@@@@@@
أبوذية

يهاشم طارش الوافاچ سيلي
وعلى حال الجواد دموم سيلي
اخذي الثار اله و سيوف سيلي
ابنكم عل السطح جثته رميه

#سمير الصالحي
#النجف الأشرف


⚫️ نعي نصاري

يعين ابجي وسيلي دموعچ دموم
يكلبي اعله الجواد تحسر هموم
امام وعگب صومه ينسگه سموم
ظل يلوج منه والچبد ذاب

تم وحده يعاني بسطح داره
وكلبه من العطش تلتهب ناره
نحيل من الالم خمدت أنواره
صفه يعالج وحر الشمس لهاب

ثلث تيام محد دره بحاله
ولا واحد كرب يمه وبجاله
لمن علي الهادي هناك اجاله
ذب روحه عليه ودمعه سجاب

#سمير_الصالحي
#النجف_الأشرف

—————————
🏴 نعي _ موشح

🌑ظل يويلي بمحنته والالم زاد
بالشمس مطروح ظل باب المراد
اعله السطح نايم ومسموم الجواد
واهله ماتدري اشحصل وشصابه

🌑عكب ماعلمت الشيعه بمصرعه
حضر يمه الهادي ويصب مدمعه
غسله وچفنه بيده وشيعه
نزله بلحده ويهيل ترابه

🌑لاچن الاصعب واشد ابكل زمان
حين نسمع كربله تهيج الاحزان
راس أبو السجاد ظل فوگ السنان
وجسمه عاري مسلبينه ثيابه

#سمير_الصالحي
#النجف_الأشرف

———————-
🌑 نعي _ مجردات
عن لسان السيدة الزهراء ع

آنه البتوله ودمعي سچاب
فجعني الدهر بولادي لطياب
واحد گضه من عصرة الباب
اواحد مسمم و الچبد ذاب
اواحد مگطع فوگ التراب
شنهو ذنبهم مدري لاسباب
اعاتبمن اولا ينفع اعتاب
تالي الهضمني وزاد المصاب
فگد الجواد محمد الشاب
الماحسبيت الروحته حساب

#سمير_الصالحي
#النجف_الأشرف

#شكايتها_وبعض_وصاياها_لعلي_ع

عليٌ لا يكُن دفني نهارا
وحاذر أنْ تُشَيعَني جِهارا
فإنّي قد غضِبتُ علىٰ أناسٍ
تمادَوا بعدَ أنْ كانُوا شِرارا
وقد هجمُوا علينا واستَباحُوا
لحُرمَتِنا وما حفِظُوا الذمارا
كما الأحزآبِ جآءُوا عندَ داري
وعمْداً أضرمُوا بالبابِ نارا
كأنّـا لم نكنْ آلاً لطٰه ٰ
ومِنّـا يطلبُ الأصحابُ ثارا
فأينَ وصيةُ المبعوث ِفينا!
وأينَ مقامُنا القُدسيُ صارا!
ورآءَ البابِ لذتُ فلن يرآني
عدوُ الله ِأبغي الإستتارا
أُنادي يا أبي هَتكوا حجآبي
ولم أكُ أرتدي -أسفاً- خمارا
فمِن عصرآتِهِ أهوىٰ جنيني
وأضلآعي تُعاني الإنكسارا
وأما لطمتي في العينِ تؤذي
سريعاً خلّفت فيها احمرارا
ومسمارٌ هناكَ أصابَ صدري
وقُرطي بعدَها راحَ انتثارا
وسوط ُالعبدِ أوجَعني بأمرٍ
من الباغي بهِ حقداً أشارا
أباحسنٍ سأرحلُ بعدَ هضمي
فعّف ِ القبر َ لا تُبد ِ المزارا
وفي وقتِ الهزيع ِهناكَ خُذني
إلىٰ الأجداثِ حيثُ بها أُوآرىٰ
وداعاً زينبٌ حسنٌ حسينٌ
فإنَّ العيشَ أصبحَ لي مَرارا
وأعلمُ أنّ لوعَتَكُم لأجلي
تطولُ وكُلُكُم بعدي حَسارىٰ
أنا مقهورةٌ ظُلماً وجوراً
عليَّ الدهر ُبالويلآتِ جارا

#سمير_الصالحي
#النجف_الأشرف