قناة ابو محمد الاسدي

🏴 حميدة بنت مسلم ع وحوارها
              مع عمها الحسين ع

ياعمي اشوفك مختنگ
واشعر بگلبك محترگ
ممكن تِخبّرني الصدگ
دموعك تصب شنهو السبب !

من والدي عندك خبر !
طوّل  أبوي  بهالسفر  !
مو ذَبَّـل عيوني السهر
اعليه اليتم چنه انكتب !

مشتاگه  أشوفنه  تره
أيام   وآني   اتـنَـطره
گلي   يعمي   بالجره
تمسح عله راسي اشعجب !

گلهه وتسبگه  عبرته
مسلم  وحيد بكوفته
أنذال   بويه  الغدرته
وهنانه ابو اليمه انتحَب ..

فوگ الگصر نحره انگطع
والجسد   للگاع  اندفع
لاچنه   أبداً   ما   خضع
شدوه وبحبال انسحَب

ومن ساعتچ صرتيلي بت
لسكنه ورقيه الهن إخت
ياويلي   والمدمع   يكت
والچبد   نيران   التهب

ليش بعجل بويه ارحلت
ومن زغري بويه اتيتمت
بفراگك آني  ادوهنت
اعتب اوشيفيد العتب

#سمير_الصالحي
#النجف_الأشرف
#3_محرم_الحرام_1444هـ
#الثلاثاء_2_8_2022م

🏴 حميدة بنت مسلم ع وحوارها
مع عمها الحسين ع

ياعمي اشوفك مختنگ
واشعر بگلبك محترگ
ممكن تِخبّرني الصدگ
دموعك تصب شنهو السبب !

من والدي عندك خبر !
طوّل أبوي بهالسفر !
مو ذَبَّـل عيوني السهر
اعليه اليتم چنه انكتب !

مشتاگه أشوفنه تره
أيام وآني اتـنَـطره
گلي يعمي بالجره
تمسح عله راسي اشعجب !

گلهه وتسبگه عبرته
مسلم وحيد بكوفته
أنذال بويه الغدرته
وهنانه ابو اليمه انتحَب ..

فوگ الگصر نحره انگطع
والجسد للگاع اندفع
لاچنه أبداً ما خضع
شدوه وبحبال انسحَب

ومن ساعتچ صرتيلي بت
لسكنه ورقيه الهن إخت
ياويلي والمدمع يكت
والچبد نيران التهب

ليش بعجل بويه ارحلت
ومن زغري بويه اتيتمت
بفراگك آني ادوهنت
اعتب اوشيفيد العتب

#سمير_الصالحي
#النجف_الأشرف
#3_محرم_الحرام_1444هـ
#الثلاثاء_2_8_2022م