الناشر غيث اللآمي(للقصائد المنبريه)

#شهادة_الامام_الحسن_ع
كون اخر انفاسي ....ايدك تحت راسي
                       وتغمض العين

           يالخوتك خوه.....الدنيا مو حلوه
                    عكبك يخو حسين

يالوجعتك بالروح ....من جبدتك مذبوح .....بحزام ضهر حسين ......مات الحجي المملوح
اني انكسرت اهواي .... يا خويا گوم وياي .....باجر عطش واصياح ...ومن هسه شح الماي

خلصو يبو محمد هَلي
يالطيحتك طيحت علي
يبن امي محد الضل الي
وآ ضيعت حسين

               من هسه ضعت اني ......وانهدت اركاني
                             ويبچي العباس
              يباوع على اجفوفه ......مگطوعه معروفه
                            شيبلي الرأس

.
.
.
.
باجر اضل اهواي.....اتلفت اعله الماي..... وعبدالله ابني يموت .....اتمنى انت وياي
تدفعني باجر  خيل ....واشفاي تنزف حيل .....ومن العطش ما اشوف ....وروحي اعله مهري تميل

سم بجبدتك يالذخر
وبجبدتي إسهام اشكثر
نعشك يهد حيل العمر
مضروب بسهام


                      
                   بعيونك الحمره ...خيماتي مستعره
                             وبيها الاطفال
                    ازرگ جلد جسمك...وبصدر ابن امك
                             يعثر خيال
.
.
.
.
.
بنص كربله النسوان .....تتوسط النيران .....وتدري يطيح بساع ....من يركض العطشان
ما يبقى بيهن حيل ......أطر الزلم والخيل.... والسوط مثل السيف .....بالعظم يلسع حيل

  يالعازتك عازتك نفس
باجر تچويني الشمس
يالحسن صدري ينترس
اتراب وارماح

                       اتلم جسمي المطشر......بالجثث تتعثر
                                 اتگوم واطيح
                      ينادوها ها زينب .........بحسين تتملعب
                                 الخيل والريح

.
.
.
.
خويا التشل البال ....يطشرني كل خيال....يلمني علي السجاد ...ويلي بحصيره انشال
يوسد علي الاصغر ....منحر على منحر.....  والتمرد الدلال...يصغر علي الاكبر

كاتلني من هسه القهر
والتحرگ الروح الگمر
كم شبر باقي اعله النهر
وابلايه جفين

                  جوده على صدره ......بس واصل لضهره
                                   نايم عالسهام
                      كاتب اعذروني .......ماخلو عيوني
                                  وأنظر للخيام
.
.
.
.
زينب يتعبوها .....للشام يسبوها ......مو بس سبي وهزله......مثلي يعطشوها
فكدك يذكرها .....بيك ويعثرها .......تنادي يبو محمد ....والشام تحضرها

الما شايفه ارجال بحلم
توكف تحاجيها الزلم
يصحولها بنفس الاسم
واتكف الادموع

                     بالشمس گعدتها .....عالرمل نومتها
                                بلايه خدرها
                  ايام بس سوده......بحبال مشدوه
                             ٱه يا صبرها
.
.
.
.
يحسين ياحيلي .....لا لا تتجيلي ...مرتاح بالموته ....يكفي انت تبجيلي
كل الاهل يمي.......وما لمو بجسمي........هذا وقاري اني ....ما منسلب هدمي

الغربه هيه غربِتك
والعبره كلها العبرتك
يالماكو منها طيحتك
كل البچي عليك


                       الماي يم ايدي .....مو وحْدي يعضيدي
                                   هذا انت وياي
                      يومك مرد كلبي ......ريت الحرب حربي
                                     وابقى بلا ماي

الشاعر عبدالله الشويلي

#شهادة الامام زين العابدين عليه السلام
.
.
أبتلائي ...
أدفن أحبابي بأديه
أبتلائي ...
انظر العمتي سبيه
أبتلائي..
موتي مو بالغاضريه
أبتلائي

.
.
آنــه ذاك اليمه سيــفه
وما فزع ينصر أبو
توسد افراش الرزيه
ومنـــــذبح يمه أخو
آنه ذاك الجيش اميه
بالمخيم سلبو
چفي وي سكنه ورقيه
بالســــلاسل گيدو
.
ياجروحي
هاچ اسمعي نايباتي
ياجروحي
بعلتي صارت نجاتي
ياجروحي
ما ضگت جرح المنيه
أبتلائي
.
.
ابتلائي ما احـــارب
بس اشــــوف المجزره
واسمع امناشغ رقيه
وعمـتي بيها امحيـــره
والشمر انظرله رايح
شاف ابــويه اعله الثره
شفته لمن حز وريده .
12 مــــره يطــــبره
.
حز وريده
والدي ظل دمه جاري
حز وريده
مسلب وبالغبره عاري
حز وريده
ولابد احمل هالاذيه
ابتلائي
.
.
.
بالدفن لمن حضـرته
والدي اجــــروح انترس
داست الخيل اعله جسمه
وعظمه بالگاع انغرس
عاينــت طبـع الحوافر
بيها مو حـــافر فرس
چن جدم داس اعله صدره
يعني بضلوعه انرفس
.
حيراني
جسـم ابويه من دفنته
حيراني
اعترف مو وحدي شلته
حيراني
سر ابن حـامي الحميه .
أبتلائي

.
.
ماطفت بدموعي جمره
ظلت ابطول العمر
بالسبي ضاعو يتامه
من بعد يـوم الخطر
مسلم اولاده امانه
ما لگيــــت الهـــم اثـر
رحنه للشام ورجعنه
وما رجع منهم خبر

ياحميده
هلي دمعاتچ عليهم
ياحميده
ماسمع واحد بچيهم
ياحميده
.آنه بين الناصبيه . ابتلائي
.
.
.
ادري أيوب ابمصابه
اتنفس الآم وجراح
بس ولكن ماتسلب
وللسبي ماشفته راح
أي نعم يحيى تگطع
جسمه بنياب الرماح
نحره دامي بلا يتامه
ولا عضيده يمه طاح
.
حتى يعقوب
شم قميص ابنه وتشافه
حتى يعقوب
يوسفه بعيونه شافه
حتى يعقوب
داره مابيها سبيه .
ابتلائي
.
.
.

ماتت البسمه اعله شفتي
من بعد ذبح الامام
ليلي اصبح چن نهاري
وهجرت اعيوني المنام
من اغمض فكري يسرح
ينظر السحك العظام
وبسجودي لسه دمعه
من جمر نار الخيام
.
آنه بالماي
كل چبد ظامي اشوفه
آنه بالماي
عمي دوم انظر چفوفه
آنه بالماي
اشتكي لامي الزچيه ابتلائي .....



تمت نسألكم الدعاء
لاتنسوني ووالدي من فضل دعائكم المبارك
.
حسن الموالي الفاطمي
.

#شوط_كربلائي
#شهادة_الامام_علي_ع

من عندك يحامي الجار...ماي اوجوهنا العدنا
علي وصرنا بجفاك ايتام...لانك انت والدنا


لأن حَبَك الٰه الكون ...طبروا راسك ابيته
يالمن جدمك الهامك ...وقف للباري خليته
اليبغضك ما ربح مولاي ...ياكل روحه تاليته

اثر رجلك علي محراب
انصبتٍ والدين كله انصاب
جرحنا عليك ابد ما طاب

الحجي من دونك امبعثر ...علي وبس انت شاهدنا





علي واسمك أمان النا ...علي يالمحد ايشبهك
اصطنعناك النفسنا ودوم ...منفارگ ضوه وجهك
يا قوة رسول الله ...يقوه بسمك المنهك

يبن الكعبه يا زاهد
مثلك ما يصح واحد
من بعد النبي قائد

علي ولوما نكول اسمك ...ما تقوه سواعدنا




سجدلك يا علي التاريخ ...واتشرف لان ساجد
العرش متكحل بنسلك...علي وما غيرك القائد
حار وخلفت عباس ...ابد ما خلفت بارد

عدوك فنه ينظرلك
اليگابل صارمك يهلك
لغز محد حرف حلك

شيعه وما مشينه اعليه ........اجه التاريخ خلدنا




الفقير بدولتك مولاي ...خليته ملك عندك
وايتام البلد كلهم ...تحسبهم مثل ولدك
منو يعقلها يا حيدر ...حاكم لچن ماعندك

عندك فاطمة الزهره
لكن تفطر بتمره
دخيل جفوفك السمره

غيره ومرجله ونخوه...بيها يا علي تمدنا





علي وعالي الشرف شخصك ...يم رجلك بساط الكون
المحكم انت بالقران...يا معنى القلم والنون
حُبك چن سفينة نوح ...والماركبوا يغرگون

الله والنبي يعرفك
مفاتيح السمه بجفك
تصلي الانبياء خلفك

وعشنا بلطفك السامي...لا منعيش وحدنا




علي وما رجعت سائل ...دك بابك يماي العين
وكلنا انسألك بهاليوم ...توفقنا يبو الحسنين
حتى نخدم الزهره...ونعيش بخدمت ام حسين

ونضل طول العمر ننحب
على الصدره صبح ملعب
وجوه الخيل يتگلب

ونحلفك بالضلع مولاي ...للخدمه توحدنا




الشاعر عبدالله الشويلي

#شهادة_السيدة_ع

فتحت عزا أو رئيسية


الدنيا عدها سجن
وافراج اجاها الگبر
اليخلص عمرها تون
ما يسوه عدها العمر

الغربه من اتموت وحدك وماكو يمك اي عرف
وتنتظر جيت اخوتك وروحك عليهم ترف
هاي زينب توها ماتت والنزف نفسه النزف
لا أهل يمها وگرايب ولا علم يمها يرف

وصت اكتبوا بدمع
يا أبا الفضل عالجفن
ميته وبعدها تحن
ما يسوه عدها العمر

.
.
.
.
الدنيا سجن ام عون صارت و الفرج بس اللحِد
امنيتي اسمع مره وحده تجتمع يمها الولد
وأبو فاضل يوصل الها ويكسر بسهمه البعد
والتغسلها امها فاطم والحسن عايش يرد

وحسين اخوها يجي
وما منذبح منحره
لو شافته محتزن
ما سوه عدها العمر
.
.
.
.
اهوايه ماتت هالحنينه ما طلع هذا عمر
موته وكت الركضه صارت وموته من راح الخدُر
وموته من شافت اخوها بالحجر ضل ينشمر
وموته من نظرت رقيه على الرأس وتحتضر

الموته الجبيره لَمَن
طبت لذاك القصر
الماعدها اخ وابن
ما يسوه عدها العمر
.
.
.
.
شتنسه زينب يا مصيبه بحسره گضتها الحياة
كربله وماي وعطاشه كل شريط الذكريات
الحادي عالهزله اخذها الجسم اخوها والفرات
والنسه الوياهه تعبت والله يدري شباچيات

الشافت طفل منذبح
من الأذن للاذن
تبچي دمه بلا إذِن
ما يسوه عدها العمر
.
.
.
.
وداعت الله من يگلها وينحب عليها ويون
حتى هاي الموته تقهر والدفن مو اي دفن
ماكو تشيع وبواچي الشام گللها وأن
بالسبي حبل الچتفها وهسه چاتفها الحزن

يا يمه محد صرخ
ولا دمعه نزلت ترا
وكلمت عدوها وأن
ما يسوه عدها العمر

الشاعر عبدالله الشويلي

#شهادة_السيدة_ع

فتحت عزا أو رئيسية


الدنيا عدها سجن
وافراج اجاها الگبر
اليخلص عمرها تون
ما يسوه عدها العمر

الغربه من اتموت وحدك وماكو يمك اي عرف
وتنتظر جيت اخوتك وروحك عليهم ترف
هاي زينب توها ماتت والنزف نفسه النزف
لا أهل يمها وگرايب ولا علم يمها يرف

وصت اكتبوا بدمع
يا أبا الفضل عالجفن
ميته وبعدها تحن
ما يسوه عدها العمر

.
.
.
.
الدنيا سجن ام عون صارت و الفرج بس اللحِد
امنيتي اسمع مره وحده تجتمع يمها الولد
وأبو فاضل يوصل الها ويكسر بسهمه البعد
والتغسلها امها فاطم والحسن عايش يرد

وحسين اخوها يجي
وما منذبح منحره
لو شافته محتزن
ما سوه عدها العمر
.
.
.
.
اهوايه ماتت هالحنينه  ما طلع هذا عمر
موته وكت الركضه صارت وموته من راح الخدُر
وموته من شافت اخوها بالحجر ضل ينشمر
وموته من نظرت رقيه على الرأس وتحتضر

الموته الجبيره لَمَن
طبت لذاك القصر
الماعدها اخ وابن
ما يسوه عدها العمر
.
.
.
.
شتنسه زينب يا مصيبه بحسره گضتها الحياة
كربله وماي وعطاشه كل شريط الذكريات
الحادي عالهزله اخذها الجسم اخوها والفرات
والنسه الوياهه تعبت والله يدري شباچيات

الشافت طفل منذبح
من الأذن للاذن
تبچي دمه بلا إذِن
ما يسوه عدها العمر
.
.
.
.
وداعت الله من يگلها وينحب عليها ويون
حتى هاي الموته تقهر والدفن مو اي دفن
ماكو تشيع وبواچي الشام گللها وأن
بالسبي حبل الچتفها وهسه چاتفها الحزن

يا يمه محد صرخ
ولا دمعه نزلت ترا
وكلمت عدوها وأن
ما يسوه عدها العمر

الشاعر عبدالله الشويلي

#شهادة_السيدة_ع

فتحت عزا أو رئيسية


الدنيا عدها سجن
وافراج اجاها الگبر
اليخلص عمرها تون
ما يسوه عدها العمر

الغربه من اتموت وحدك وماكو يمك اي عرف
وتنتظر جيت اخوتك وروحك عليهم ترف
هاي زينب توها ماتت والنزف نفسه النزف
لا أهل يمها وگرايب ولا علم يمها يرف

وصت اكتبوا بدمع
يا أبا الفضل عالجفن
ميته وبعدها تحن
ما يسوه عدها العمر

.
.
.
.
الدنيا سجن ام عون صارت و الفرج بس اللحِد
امنيتي اسمع مره وحده تجتمع يمها الولد
وأبو فاضل يوصل الها ويكسر بسهمه البعد
والتغسلها امها فاطم والحسن عايش يرد

وحسين اخوها يجي
وما منذبح منحره
لو شافته محتزن
ما سوه عدها العمر
.
.
.
.
اهوايه ماتت هالحنينه  ما طلع هذا عمر
موته وكت الركضه صارت وموته من راح الخدُر
وموته من شافت اخوها بالحجر ضل ينشمر
وموته من نظرت رقيه على الرأس وتحتضر

الموته الجبيره لَمَن
طبت لذاك القصر
الماعدها اخ وابن
ما يسوه عدها العمر
.
.
.
.
شتنسه زينب يا مصيبه بحسره گضتها الحياة
كربله وماي وعطاشه كل شريط الذكريات
الحادي عالهزله اخذها الجسم اخوها والفرات
والنسه الوياهه تعبت والله يدري شباچيات

الشافت طفل منذبح
من الأذن للاذن
تبچي دمه بلا إذِن
ما يسوه عدها العمر
.
.
.
.
وداعت الله من يگلها وينحب عليها ويون
حتى هاي الموته تقهر والدفن مو اي دفن
ماكو تشيع وبواچي الشام گللها وأن
بالسبي حبل الچتفها وهسه چاتفها الحزن

يا يمه محد صرخ
ولا دمعه نزلت ترا
كلمة عدوها وأن
ما يسوه عدها العمر

الشاعر عبدالله الشويلي

#شور #شهادة_السيدة_ع


اني الحبيبه ....وصرت الغريبه


بنص الجنازه واسمع تكول الناس
الميته هاي تصير اخت العباس
بالموت ما مرتاحه جا يمتى ارتاح
اسوالف الشام ثگيله وتشيِّب الراس

تابوتي طب بين الغُرب يالخوان
واتذكرت طبتي بذاك الديوان
كترين متوزعه الخَلگ عالتابوت
ومثل امي ماكو اعليه صايح نسوان



من فزعوا ليه  يضحكون اعليه  موش شيعوني
ضعفانه هوايه  والوادم هايه   حيل يسَمعوني
لحگوا يخواني الشام اذاني   وناسه يجرحوني
.
.
.
.
كون اليموت ايصير هو الجناز
وشيِّع برَوحه لَوَن ماكو اعزاز
جا شلت روحي حتلو ماكو امتون
بس نعشي هم يبقى لخوتي معتاز

يلْچم امتوني النعش لَمَن ينشال
الما گاله واحد بالسبي هسه انگال
مو عالهزل هسه وسط التابوت
ميته وسمعت الحجي المامر عالبال



يمعدلل العدله  ضلت بس هزله  ما جابوا ليه
بيه شكد عالو  اسمعهم گالو  هاي المسبيه
المارحموا جثتك  ميرحمون اختك   لو مو علويه
.
.
.
.
حَزَت ابنفسي هواي وگفت نسوان
واعليه كالن هاي دخلت ديوان
بتابوت ينشال الغريب البالشام
بس اني تابوتي بقى بلا عوان


ضعفانه، نحلانه صرت چن اخيال
جا ليش نعشي عالارض ما ينشال
شمسويه حتى بموتي يسبيني الشام
وسفه بلسنهم يخوِتي صرت انكال

عطشانه عيوني  يالماجيتوني  حسره بدلالي
وحْدي وحيرانه  لا امي اهنانه  لا ابوي الغالي
السجاد امحير  بس وَحده شيكدر وادموعه اتلالي
.
.
.
.
بس العليل وياي بعيونه يدير
ما ضل الي لا خاطر ولا تقدير
ضلت بنفسه يموت بالخنگه احذاي
ونفس النعش ينشال ووياي يصير

الغربه توجعني واحس ارض الشام
مو گدري والله وگدِر ذيج الأحلام
جانت بنفسي اندفن وي المذبوح
عاد ابارض كربله اكو اسم اخيام

هيج وكون اني  ميته وي اخواني   وبنصهم گبري
اتراب من الخيمه ودم اهلي وضيمه  يخلون بكتري
بهيده ينزلوني   خاف ايلجموني   ورايتهم حدري
.
.
.
.
الناس كلمن لونه وانه ابلا لون
اشباقي بيه السوط رايدله امتون
مو ذيج زينب بعد موت العباس
ام المصايب هسه لا مو ام عون

گطعان واهس عيشتي ذيج الخيل
الخلتني اركض لحد ما صار الليل
رجليه فَرَت كربله اذراع اذراع
واسياطهم بمتون أطفالي تشيل

اركض محنيه  دم برجليه   الطف كله انياحه
عثره تجر عثره  مدري شكم مره  فريت الساحه
عمري بس لجمه  صار اسمي الهضمه  ما شفت الراحه

عبدالله الشويلي

#شور #شهادة_السيدة_ع


اني الحبيبه ....وصرت الغريبه


بنص الجنازه واسمع تكول الناس
الميته هاي تصير اخت العباس
بالموت ما مرتاحه جا يمتى ارتاح
اسوالف الشام ثگيله وتشيِّب الراس

تابوتي طب بين الغُرب يالخوان
واتذكرت طبتي بذاك الديوان
كترين متوزعه الخَلگ عالتابوت
ومثل امي ماكو اعليه صايح نسوان



من فزعوا ليه  يضحكون اعليه  موش شيعوني
ضعفانه هوايه  والوادم هايه   حيل يسَمعوني
لحگوا يخواني الشام اذاني   وناسه يجرحوني
.
.
.
.
كون اليموت ايصير هو الجناز
وشيِّع برَوحه لَوَن ماكو اعزاز
جا شلت روحي حتلو ماكو امتون
بس نعشي هم يبقى لخوتي معتاز

يلْچم امتوني النعش لَمَن ينشال
الما گاله واحد بالسبي هسه انگال
مو عالهزل هسه وسط التابوت
ميته وسمعت الحجي المامر عالبال



يمعدلل العدله  ضلت بس هزله  ما جابوا ليه
بيه شكد عالو  اسمعهم گالو  هاي المسبيه
المارحموا جثتك  ميرحمون اختك   لو مو علويه
.
.
.
.
حَزَت ابنفسي هواي وگفت نسوان
واعليه كالن هاي دخلت ديوان
بتابوت ينشال الغريب البالشام
بس اني تابوتي بقى بلا عوان


ضعفانه، نحلانه صرت چن اخيال
جا ليش نعشي عالارض ما ينشال
شمسويه حتى بموتي يسبيني الشام
وسفه بلسنهم يخوِتي صرت انكال

عطشانه عيوني  يالماجيتوني  حسره بدلالي
وحْدي وحيرانه  لا امي اهنانه  لا ابوي الغالي
السجاد امحير  بس وَحده شيكدر وادموعه اتلالي
.
.
.
.
بس العليل وياي بعيونه يدير
ما ضل الي لا خاطر ولا تقدير
ضلت بنفسه يموت بالخنگه احذاي
ونفس النعش ينشال ووياي يصير

الغربه توجعني واحس ارض الشام
مو گدري والله وگدِر ذيج الأحلام
جانت بنفسي اندفن وي المذبوح
عاد ابارض كربله اكو اسم اخيام

هيج وكون اني  ميته وي اخواني   وبنصهم گبري
اتراب من الخيمه ودم اهلي وضيمه  يخلون بكتري
بهيده ينزلوني   خاف ايلجموني   ورايتهم حدري
.
.
.
.
الناس كلمن لونه وانه ابلا لون
اشباقي بيه السوط رايدله امتون
مو ذيج زينب بعد موت العباس
ام المصايب هسه لا مو ام عون

گطعان واهس عيشتي ذيج الخيل
الخلتني اركض لحد ما صار الليل
رجليه فَرَت كربله اذراع اذراع
واسياطهم بمتون أطفالي تشيل

اركض محنيه  دم برجليه   الطف كله انياحه
عثره تجر عثره  مدري شكم مره  فريت الساحه
عمري بس لجمه  صار اسمي الهضمه  ما شفت الراحه

الشاعر عبدالله الشويلي

#شور
#شهادة_السيدة_ع

العازه من تموت وبعيد اعله اخوتك
من تشوف الناس كلها تريد موتك
من يدورولك على مغيسل يغسلك
ومحد يصيح عليك الكل تفوتك

فرفحت  روحي شكثر محد وصلها
واسمع اتكول الشماته وين اهلها
يا اهل والاعوجيه فرهدتنا
وصارت كبالي هزيله الدنيا كلها

صاحت الناس
وينه عباس
هاي عازه

اختك ام عون
رايده امتون
للجنازه

.
.
.
.
والله لو ميته ويه اخوتي ولا حجيهم
بالجنازه وأسمع تصفگ ايديهم
ليش ماي الله يضمونه عليه
خلصت ايامي ولا خَلَص سبيهم

كلها كالت حيل بيها ما اجوها
هيه هايه الجان ابو فاضل اخوها
مو بعيده ما يدفنوني بارضهم
عدله ميته اني ذيج المرمروها

كان ما كان
عندي خوان
بيها فزعه

صارو ابعاد
ويه الاولاد
ماكو رجعه



.
.
.
.
نسوة أهل الشام التمن يضحكن
منين اجيب امي وخواتي اعليه يبچن
ام المتون النحيله عليه كالن
مثل ما انه سبيه بموتي بفرحن

جابن احبال السبي وخلنها يمي
بيها دم من جف رقيه وبيها دمي
هو هذا الماله اخوه ماله فزعه
ودفنتي حسره اعله حسره چنها امي


التمن اهواي
بدن الماي
وحيل ضحكن


هلهلن حيل
من أجه الليل
بموتي فرحن



.
.
.
.
هينه ياروحي اكو تابوت اليه
بس اخويه ضل بلا نعش وعزيه
اليطشره الحافر اتلمه حصيره
والتطشره الغربه يطلب اهله جيه

اني مشلوعت گلب من صغري لسه
المثلي يا طف يا هزل يا شام تنسه
والله بس اسايطهم كافي لرحيلي
كالرمح وبراس اخوتي الشام أحسه

الشام جتال
مثل الأحبال
البيها اديه

لسعة الشام
لسعت اخيام
الغاضريه




الشاعر عبدالله الشويلي

#شور
#شهادة_السيدة_ع
على زينب وأهل زينب كلبي ناصب فاتحه

رجعت من السبي محنيه وتنوود
لا نظر لا حيل لا چلمت هله

التطب ديوان مشدوده بحبال
من يكلي شلون توصل كربله

كلها كالت يا خلگ مسبيه هاي
ماكو واحد كال هاي امدلله


صاحت العالم اسيره....وهي اميره وبنت اميره...هذا شلعان الگلب
والله لو ميته احسن الها........ولا الوادم تهد كلها ......تضيّگ اعلها الدرب
اللزمت اجفوف ابو فاضل .....حيره مجتوفه بسلاسل ....ودم ايديها ضل يصب

.
.
.
.

الهزله جنها الدنيا كلساعه تميل
مايله الهزله اويه زينب مايله

مو فقط ذيج السياط العلمتون
اتلاثه واثمانين واحد شايله

اني گد ما باچيه اعله اجفوف اخوي
امنِ المدامع عيني صارت خاليه

الجان طوله في خواته......گطعوا اجفوفه الشماته .....گَطعَت الماي العذب
كلها تصرخ عمي وينه .....ونبله سدت شوف عينه ....... وسفه باقي للسلب
ياهو يقبلها اعله زينب .......بالسبي يا ناس تنسب ......نار وبدمها تشب
.
.
.
.
انشالت ادلال الاعزاز من المضيف
وانطفه الموگد وشبت نارها

بعد ضيم السبي والسوگ الثگيل
تختنك زينب بشوف اديارها


يوم نظرت بالدمع لام البنين
چنها خيمها اوجت أمن اكتارها

فاگده وتنعى اعله خوها......

.
.
.
.
رجعت المكسور تنطي الدمعه لون
حمره دمعتها اليموت احسينها


تل مصغر ظهر ناگتها يصير
ومشرعه وبيها ابو فاضل عينها

دمعه دمعه تموت هي الغربه هيج
وتنحني من  السوگ المجتفينها

امچتفه وبحه بحچيها .. والحبل شلع اديها.. و السبي يريد ازلمه
وهيه حرمه من ال هاشم .....ضلها ما شافت الوادم....عالدلال امعلمه
أمن البچي وموت السبايه.. ضاله بس العبايه .. ذبلت بكد فاطمه


الشاعر عبدالله الشويلي
الشاعر علي هادي الخزعلي

#شهادة_السيدة_زينب

يا غربتي ......ميته والوادم تضم الماي عني
يا غربتي .....خشبت التابوت چن سوط اعله متني

جزاني  موتي
واريد  اخوتي
شِوصله صوتي


انه ذيج  الخَجِلت حتى الحزن
الخذاها الكافل وردها الهزل

جان اليه اخوان يسوون العتب
وهسه ما ضللالي بس دمعي اليهل

اندارت الدنيا وصرت بين الزلم
امشي محنيه ويعت بيه الحبل

اني اول حرمه يكتلها الغياب
والهجر خلاها كل لحضه تسل

مو ثگيله ... صرت اخف من الخيال نوكل حيلي
مو ثكيله .....وين ابو فاضل اليفزعلي ويجيلي


ويجي المسيه
بعلمنا اليه
ويسبل  اديه








اني ميته من شفت خيل وزلم
دارت اعله حسين چن دور الرحه

من تربع عالصدر شمر الخنا
ولزم شيبات الولي بلا مستحه

من ركضت بكربله اوادم وراي
وصحت يا ابا الفضل لاچن ما صحه

من طلعت بليل محنيه وأنوود
ابحث اعله حسين وحسين انمحه


اهلي خلصوا.....لو طبر لو سحگ لو عاصرهم الباب
اهلي خلصوا ......ياهو اليشيل الجنازه مامش احباب

كبر  حنيني
منو اليجيني
ويسدها عيني
.
.
.
.

بعازت اخواني يجوني بهل المسه
ارد اگلهم ميته والضحكه وراي

حرب ما عندي ولا عندي سلاح
ليش أهل الشام ما ينطوي ماي

صرت عدهم مثل عبدالله الرضيع
اطوها لا تطوها ما ثبتوا براي

انه خطار العرب تكرم الضيف
ليش بس ال لا هله ترست سماي


عدله ميته .....نفس شلعان الگلب والضيم نفسه
عدله ميته .......واسمي مثل حسين ياهو المر يرفسه


گبل اميره
صرت  اسيره
ومتت  كسيره
.
.
.
.
تفزع أهل الشام للميت فَزِع
ليش بس اجنازتي بلايه متن

لحجر ضل يبچي عليه وما بچو
كلها تضحك ما شفت واحد يون

حتى ام المغتسل عكست وياي
گالوا اسمي گبالها وگالت وأن

الوكت شد وياي حد الغربه هاي
ليش بس اعليه احسنه سجن

وين اخوتي ......حملي مال وأهل هالديرة شماته
وين اخوتي ..... وين ذاك الوسط عينه حط خواته

غريبه  اني
ولا  اجاني
الوكت سباني
.
.
.
.
خشن تابوتي مثل سوط الشمر
وحگ ذاك الماله تابوت وجفن

اسهام ضحكات العدو جاسني حيل
وطاحن بنعشي مثل نعش الحسن

وفرحت النسوان چن يوم السبي
الضحك نزل دمعهن من اجن

گالن اعليه الغريبه ام الجروح
وكالن الما عدها اخوه ولا وطن

ها يروحي .....والله لو ميته اويه امي اهوايه احسن
ها يروحي......موتي حتى لو غريبه ضاله المن


بقيت اعاني
الحزن  جزاني
التعب خذاني



الشاعر عبدالله الشويلي

#شهادة_السيدة_الزهراء_عليها_السلام
#في_خدمة_الخطباء_والرواديد


جمعتُ حوائجَ العامِ
ودمعي حبرُ أقلامي
وصرتُ أعدُّ أيامي
ليومِ مصيبةِ الزهرا

يا زهرا
يا زهرا

ذكرتُ عليَ يبكيها
بدمعِ العينِ يرثيها
يودّعُ كلَّ ما فيها
ويُخفي في الحشى جمرا

يا زهرا
يا زهرا

فمحسنُ فارقَ الأحبابْ
وضلعٌ رُضّ خَلفَ البابْ
ونارٌ تحرقُ الجلبابْ
ويُكسرُ ضِلعُها غدراْ

يا زهرا
يا زهرا

دنا حسنٌ من الخَدِّ
يحاكي عطرَهُ الوردي
خُذي عُمري خُذي كبِدي
وعودي بعدُ لو مرّه

يا زهرا
يا زهرا

حسينٌ عاينَ الضلعَ
وأخفى الآه بالدّمعه
وعاشَ بحسرةِ اللّوعه
على من وُورِيَت سرّا

يا زهرا
يا زهرا

وزينبُ في الدُّجى صارتْ
تشمُّ الثوبَ إذْ شاقتْ
تنادي زهرتي طاحتْ
وراء البابِ بالعَصره

  يا زهرا
يا زهرا

#الليالي_الفاطمية

فـاطِــمَـة مَـلّاح✍︎

#شهادة مولانا الحسن العسكري صلوات الله عليه


ياروحي التحن عالحسن ومصابه
عدنه دموع كـون أطيح يـم بابه
اليوم المهدي يبچي وشاد أنگابه

المهدي يريد واحد   .. بالبچي أيعينه
كون من الصبح لليل ماتنشف بواچينه


الله يعين گلبه الينكسر ظهره
وياكسر الگلب ماواحد يجبره
رد من كربله أتوجه السامره

حال المهدي هذا...   ودمعته بعينه
كون من الصبح لليل ماتنشف بواچينه


لا وحدة ونگول تهون سالفته
وهوة بكربلة مذبوحه طايفته
بالله شلونه حاله التنسبي عمته

خلي نذب عگلنه  ...وكل چفافينه
كون من الصبح لليل ماتنشف بواچينه


العندة أدلال خل يچفيهن أدلاله
وخل طاري السبايا دوم يبراله
المهدي من المصيبه شصاير بحاله

چا ليش الدهر .. مايرحم أسنينه
كون من الصبح لليل ماتنشف بواچينه


المصايب عذبنّه ولوعن روحه
لايشفن ولا ينعدن أجروحه
نوح الفاگده خنشاركه بنوحه

ونين الثكلى ون..   خنشارك أونينه
كون من الصبح لليل ماتنشف بواچينه


تسعر بالگلب ماتنطفي ناره
يطلب ثار لازم ياخذ بثاره
العلم يمته يرف ويسله بتاره

ويلي دموع حمرة ...  يبچي مهدينه
كون من الصبح لليل  ماتنشف بواچينه


✍️حسين حمدان الدلفي

شهادة الامام علي بن الحسين (زين العابدين) عليهم السلام

مات مسموماً قضى زين العباد
ابن خير الناس وعـضاً ورشــاد

=======================
انت للــديـن اساساً مـن اقـــام
انت ينبـوع المـعـارف والسلام
أبـن أمـامـاً أب أمـامـاً و أمــام

وشفيع الأمـه فـي يـوم المعاد

=======================
انت يامـن ذل طـغـيان يـزيــد
واهان الملك مغلــول الحـديـد
تقضي مسموماً بأحقاد الوليـد

والمساجد ترتدي ثوب السواد

=======================
ياعلي يا ابـن سـيـد الشـهـداء
يا أبـاة الضـيم يامعنى الفداء
ياسـراج النور قــد قام العزاء

وعلى المسموم نعلن بالحداد

=======================
يا اسير الحرب في يوم الطفوف
وابيـك واحــداً بـين الصـفــوف
كثر الطعن به ظــرب الـسيـوف

وعليلاً قـد دفـن تلك الاجـسـاد

=======================
أعانك الله تُـحـامي عـن عِـيال
حـرمٌ أطفال ما بـيـن الرجــال
كيف حالك سيّـدي ماهـو حال

من خيامه تـشتـعل دون خِمـاد

=======================
✍️عباس مالك العفريت

#شهادة_الامام_السجاد_ع
#محرم_الحرام_١٤٤٥هـ
نسألكم الدعاء
اللحن👇

#شهادة_الاما_الباقر_ع

حدثت وصيتين.....تكسر الخاطر
العلي وحده...... اوحده للباقر

نفس الزمن دار...... سوط وبچي ونار


المصايب كلها
انعادت أمنَ اولها
نار وِسياط ويتامه

والموصى بلوعه
ايده فوگ اضلوعه
هناك باب اهنا خيامه

بفاطمه حيدر وصيته وبرقيه الباقر
شاف حيدر عصر فاطم الثاني شاف العاشر
وجان بسمار الزجيه عوض عن الحافر

جتفوا الكرار.... من وگع حيله
والباقر ايام..... فوگ إلهزيله

حتى النفس حار..... سوط وبچي ونار
.
.
.
.
علي شاف أحلامه
تنعصر گدامه
وجانت اجتافه الوصيه

وگبال عين الباقر
تنطگ ابلا خاطر
جم يتيمه وجم سبيه

من علي السجاد جانت الوصيه لباقره
يعني حسره بگلبه توگع يمه لو طاحت مره
مجتف بعنقه سلاسل وفوگ ناگه معثره

ولو رأس الحسين..... گدامه يوگع
يا حسرتي اعليه..... بس گلبه يفزع

للعَمَه يندار.... سوط وبچي ونار
.
.
.
.
نار باب الزهره
انعادت اعله الحره
لچن اكبر من حجمها

أكلت ابذاك البر
اليابس اويالاخضر
وحيره الأطفال اشيلمها

احترگ كل المخيم مثل گلب ام الخدر
وبتراچي ارقيه واحد بكل حقد بيهن يجر
تالي ما تالي اليتامه ضحكه صاروا للشمر

لا كافل الضال..... ولابقى ناصر
وبصدر الحسين....... يلعب الحافر

امسوينه طشار..... سوط وبچي ونار
.
.
.
.
.
السِلبوا حسين الله
هِدمه وي عبدالله
همه سلبوا فدك فاطم

حسين عزب روحه
ورمل سد اجروحه
والرمح بالرأس هايم

ذابله اشفافه وعيونه وضل يرتل بالكهف
ورمحه فاتح نحره فتحه تشوفها فتحت كهف
امطشر بنينوى جسمه وصاير بكد النجف

ومخضب الشيب..... وشابح الناظر
ليتامه وأم عون..... وبيهم شصاير

ويا ريته ما صار...... سوط وبچي ونار
.
.
.
.
عاش عمره الباقر
يبچي من العاشر
كربله تفتر براسه

دمعه ابد ما ينشف
باقر ادموع الطف
ذَبِحوا كدامه ناسه

للأسواق الكلها وآدم وي ضعن زينب دخل
غاص ابلچمة سكوته وياه حصل الما حصل
انسان حر  واگبال عينه غرب تِنظِر للأهل

كل مغرب ايموت.... وللسمه ايناظر
والذابح الليل..... ذابحه العاشر
ومن كل الاكتار...... سوط وبچي ونار


الشاعر عبدالله الشويلي

#شهادة_الجواد

ثِبَت اسمك يمولاي
مناقب علمك هواي
بجفك ينزل الغيث
وذهب يتحول الماي



اسمك لو حضر مولاي العلم يوگفلك ويرجف
يالناصف العلم هواي بس الغير ما ينصف
بحر معرفتك ابلا حد گدامه البحار اتجف
بوكت جان الجواب بروح انت اول شخص يعرف

جازي المعارف من صغر بس ما جزنك
تشرف العِلم بحضرتك والمنه منك
ولو جان من نسل البشر جا يطلع ابنك

جواد الصدق والرأي
يجيك العلم عناي
بشخصك حل الإثِگال
وذهب يتحول الماي
.
.
.
.
عمرك جان خمس سنين  وحديثك مال ابو سبعين
الك معرفه بالاصلاب بكثر ما تعرف التكوين
انت اعلم شخص مولاي بالأحياء والميتين
بدليل انت متت عطشان مثل ما مات ابوك حسين

يالتعرف بنسل الشجر والبشر والطير
كل اللغات استوطنت بعقلك يبو الخير
گدامك ايلين الصلب والما صارت تصير


مُفَسِر نفخة الروح
الك معرفه باللوح
بعينك تقرأ الاصلاب
وذهب يتحول الماي
.
.
.
.
المأمون مو مأمون ناسب علمك الروحه
ياللي امدوخ الحكام وبفضحهم عندك اطروحه
اليجيب اجروحه الك مولاي بلمحه أطيب اجروحه
بمجال الرسم والتشكيل تارك بالسمه لوحه

يالتندل بطرق السمه اسمك حضاره
يالبالظلام وفرزنت الليل ونهاره
من تجلس انت اعله الحجر يخضر مناره


وتحب عيونك الناس
الچنها عيون عباس
بجفوفك طيّبِت جيل
وذهب يتحول الماي
.
.
.
.
ياحافظ كتاب الله بكل تفسيره وأحكامه
بمسالة القطع لليد كلمن بيّن إسلامه
واحد گال من موضع التيمم وانت گدامه
واحد كال من كَتفه اظن قاريها بحلامه

اُواحد أمن الساعد فِتى والحكم مختل
والحاكم الصافن بقى ما يعرف الحل
وبحَچيك اليسوه الذهب كل مشْكل انفل


وحجيت انت بالانصاف
المساجد لله تنعاف
فِتِّت بقطع الاطراف
وذهب يتحول الماي
.
.
.
.
يالوارث كليم الله بيك انذهل جبرائيل
الك معرفه بالتوراة  بكثر ما تعرف الإنجيل
بتفكيك النصوص استاذ يالمعلمنه عالتهليل
يا أعظم لغز بالكون سهل نلگاك بالتفصيل

هو العلم سيف بحرب مو هينه ينشال
يا مسألة حلها صعب توگفلك إجلال
يمك يخف ثقل الارض وافكارك اثگال


المُحْكم انت والنون
والضدوك يدرون
بلونك يطفه اي لون
وذهب يتحول الماي


الشاعر عبدالله الشويلي

#شهادة_مولاتي_رقية_ع

ما اريد الماي اريد عيونك
بويه ورده ذابله من دونك

يشرح احوالي الذبول
راسك بحجري شأكول

....................................................

ميـــــته و عيوني تــــسولف للمصاب
شعري اسود جاني راسك شعري شاب

طفله و صعب يـا حالي
و فكدك صعب شيحمله .... تاليهه ترجع دامي

كتلي اردلج و الله
و تعلـــــقت امالي ...... و ما شفتك بأحلامي

موعدنه بــــويه هنانه .... لاجن تردلي سالم
بجفك تطيب آلامي

ما متت لسه و اناطــر جيه
بويه مو طبعك تعوف بنيه

تحبها فاطـــمة البتول
راسك بحجري شأكول

.............................................................

واعدتني تردلـي راسك بالجسد
شنهو صار و موعدك بويه ابتعد

ليش ابتعد موعدنه
و انه جنت منتظره .... افرح و ارد الحجرك

تالي الوكت خلاني
مسبيه گيــد بإيدي .... و يرجعي دامي نحرك

و الصعبه بويه اعليه
بصندوك جابو راسك ..... من عمري ريت العمرك

و الله يمك حــايره و لساني
ما نساك و ما نساها اخواني

منك الــــــــظالم ينول
راسك بحجري شأكول

...........................................


طــــير ما تقبل اشوفنه يموت
تالي راسك للخرابه هنا يفوت

موتي ردت مو موتك
لا و الله يا ضي عيني .... ما ردته بالطف موتك

ردتك تجي توسدني
بكبري و تهيل اترابي .... و فاتحه تقره بصوتك

تالي نگلب كل ضني
و ماتت يبويه احلامي ... و صندوك الي تابوتك

اليفگد اهلــــــه حالته معروفه
جرحه بس موته طبيب يروفه

و دمعه ما ينشف يطول
راسك بحــجري شأكول

.......................................

بـــــويه اسئلنك ترد ليه النشد
تدري گلبي بويه ما يـحبل بعد

بُعد الحبايب غربه
جدي علي گالاها ..... و بعدك اساس الغربه

فوگ السياط و ضيمي
انشد خواتي عنك ..... يبجن و احس ابرهبه

بعدك عدل كل ضني
و ترجع الي يالغالي ..... و ابقه اطوفك كعبه

تالي سهم الــــــفاجعه ياذيني
و فرحت گالو اجاني حسيني

شنهي يا بويه الحلول
راسك بحجري شأكول

.......................................


حلي يــــــــابويه اودع دنيتي
شلي بالدنيه و كع في خيمتي

كلشي وكع بصوابك
لو عدل لا ما موتن ..... و ابقه اباري صوابك

لاجن اجاني راسك
يعني أأيس منك ..... ما ترجع الأحبابك

موتي يردني الحجرك
بحجرك كضيت اسنيني .... لو كاعده بمحرابك

و بخرايبها الوكـــــــت خلاني
و يامر القاصي صفه و الداني

بموتي بس حزني يزول
راسك بحجري شــأكول

....................................................

#الحمد_لله_على_نعمة_الحسين_ع
✍️ الأقل زين الــعابدين الســـــعدي

وصيه اسمعها من عندي للمهدي
مكتوبه بألم
روجه فتنه متقدمة للأمة
والمركب عِلم

والدنيا صخــر والصـادق بــحــر
وشاطي البحــر نيتك

_1
ويه زاراه احجي جنت
للأمام لو أدركت
كلي شسوي

الدعاء كتبـه بذهب
ما يكفي لو أنك تحب
المعرفه تقوي

القالَ والقيلَ أَتركـهَ وبالدعاء أطلب عرفّ
اليعرف ﷲ والرسول هذا استحاله ينزلف
للعجل رايد علاقه صير للمهدي جـــرف

اسأل روحك وجاوب للطالب
ثائر منتظر
ناقص دينك بدونه خيعونـه
الفاعل بالأمر

معرفته فرض الجاهل ينقرض
تعمل بالدعاء ريتـك

_2
بالعهـد أسرار شكثـر
منهن أخرج مُـؤتَــزِر
سيفي عقيدة

اخدمه لو أدركت
طول أيامي عشت
أخدم أريده

الما يقربك من محمد وآل بيته اتركه
للحسن عاقبتك ادعي كون المهدي تدركه
اليسالك عن العقيده علمه لا لا تتركـه

اتسلح بالعلم تسلم ما تندم
بأيام الفتن
الروايه بيها مصدرها علمهـا
الراوي وطـن

الما الها سند متفيدك أبد
واترك عاطفة صيتـك

_3
كلاده لابس بيعـته
دافع عمري لنصرته
سيروا اعله نهجي

من آدم لإبن الحسن
انمهد وتدري لمـن
لنصرت المهدي

جاي اسولفلك عقيدة انطيني كلبك والعقل
أنبياء ﷲ شكثرهم بشروا بآخر عـدل
يذكره ﷲ بكتابـه وديـنه لازم يكتـمل

تكليف الرُسل كلها و شاغلها
تمهيد الظهور
وانه حوزة الشيعـة ما ضيعه
اليدخل السرور

تفـرحّ قائمـك تنصحك عالمـك
جواز العِـلم تربيتـك

_4
انهض وزكي النفس
وبالك اطيح بحبس
نفسك و الاهواء

إبليس شما وسوس الك
اتركك من الخـلك
بس نادي زهراء

بالعقيده تجاوب الزهره وتكلك أبتـشـر
منطي وقتك للدراسـه لابني باقي منتظر
للبقيع امسح دموعك جاي اليوم وننتصـر

الصادق بحر علمه والزلمـه
المايغرك أبد
بهدمك لو يعرونك يرفعونـك
أخذ مني وعد

تقديس الوعـي تشـوفـه بمدمعـي
رايـد افتخـر ربيــتـك


#منصور_عباس_الأسدي

#شهادة_الامام_الصادق_ع

#قصيـدة_عقائديــه