الناشر غيث اللآمي(للقصائد المنبريه)

❉❉❉❉❉❉❉﷽❉❉❉❉❉❉❉
لسـتة #دعم_مؤسسة_منبريون_الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4  سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 1000 عضو فما فوق
━━━━━━━━━━━━━━━
للإشـــتِـراك 👇🏻.

التواصل مع @ahmed_alziwar0

قناة خاصة بتلحين القصائد

https://t.me/+PZwpTt2HLXcvUQZh

------------------------------------------------------

(موشح)

شتحجي عنهه والله يبديه السلام
تخيل انته الجان يسئلهه الامام
… ..
هيه دمعة فاطمه بوكت الدعاء
وهيه هيبة كل نبي من الانبياء
ومثل حيدر تندل بطرق السماء

يعني حته بلعرش الهه مقام
…… .
ادكول امهه بس فرق عدة سنين
ومن. تسولف جنهه امير المؤمنين
تبقه سر ماتنفهم طول السنين

وكل فعل يصدر يجي الهه سلام
……
نعم بيه اتجله ربنه بهلامر
بلمواقف والشموخ وبلصبر
والعسر بعيونهه تشوفه يسر

يخسه الكال عيونهه بمره تنام
… ..
ياعطش يوصلهه زينب ياضمه
هيه اول وحده تشبه فاطمه
كلب زينب بي كعد حامي الحمه

يعني ميهمه الحرك ميهمهه شام
… .
روس اهلهه فياي الهه من الشمس
هاي درة الله لازم تنحرس
بكثر ماهي مسيطره ماتحترس

اتخيل ويايه بعد هذ المقام
… .
حرمه جرائيل بيه الي حده
والتراب التسحكه يصبح نده
ضعن معصوم وعليهم قائده

غير زينب منهو لاك لهل كلام
……
الراد يفهم شنهو معنه كربله
لا يجلبلي بحبل لو سلسله
خلي يفهم منهو هاي القافله

وخلي يبدي بزينب الخير الانام
… ..
الراضيه بهذ الجره بكول. وفعل
والرضاهه الله بعباده اعله الهزل
هاذي زينب هاي بس التنسئل

ام اخيهه وبت امام واخت امام
… ..
مجتبى الدفاعي

#الليالي_الفاطميه

#لسان_حال_مولاتي_لزهراء_تخاطب_مولاتي_زينب (عليهما السلام)

بحالچ شلون
باچر ييمه بكربله
بحالچ شلون

باچــر يكـسـرون أليه
ضلوع كل زلم الزچيه

بحالچ شلون بحالچ شلون

00000000000000 00000
يايمه بــاچـر مـــو ضلع واحد وبــاب يكسره
من أول ضلع لاخر ضلع تنرض أضلوع الزهره
شتخلي بيه البلفلا طايح خــيـول العشره
ويضيع من كثر السحگ يايمه أخوچ بكبره

ويتعب الليل
مو مثل كل ليل اليمر
ويتعب الليل

تترس الطف المسيه
ضلوع كل زلم الزچيه

بحالچ شلون بحالچ شلون
00000000000000 00000
مايخلص الليل بدمع زينب ييمه أبأچر
أصهيل خيل وموزمه وعيون ثكله أتناطر
للماي كافلنه مشه طـول علــينه شـصـايـر؟
بس لاصدگ بالطف وگع شو يمه نسمع حافر

كفالچ يطيح
والخدر تحرگه الزلم
كفالچ يطيح

كلفه حيل الغاضريه
ضلوع كل زلم الزچيه

بحالچ شلون بحالچ شلون
00000000000000 00000
بالحومه باچر ماتضل خيمه التلم الفاگد
كــل التروحلهه مــره أيطيح بيهه العامد
الله يـعـيـنـچ والـزلـم واحـد يبلـغ واحـد
كل خيمه منهن ماتضل لاألهه يسلم شارد

حفاي والنار
من عدهه مايسلم جدم
حفاي والنار

تنلچم كل فاطميه
ضلوع كل زلم الزچيه

بحالچ شلون بحالچ شلون
00000000000000 00000
مالچ سند لامن أخو يمرچ يگول شلونچ
وگد مايغثوچ أبحچي يمولح سواد عيونچ
بگد مابچيتي من الهضم وتميل هاي متونچ
والهضمه لو صار السبي هزله وحبل ينطونچ

ومو خوش حداي
الجايب النوگ الهزل
مو خوش حداي

كلسا يگلولچ سبيه
ضلوع كل زلم الزچيه

بحالچ شلون بحالچ شلون
00000000000000 00000
رگضه وضمه وشوغت نحر مغتاص ينزف غيره
والله وكت أخت الگمر من ديره تمشي الديره
عطشانه وتـعايـن علي وتگلي شوفــك ديـره
أرد احچي چلمه وي السهم هلبت تخف الحيره

خل عينه ترتاح
هلبت تتطيح مروتك
خل عينه ترتاح

عينه مو لك عينه أليه
ضلوع كل زلم الزچيه

بحالچ شلون بحالچ شلون
00000000000000 00000
رسول رياض

#الليالي_الفاطميه

#لسان_حال_مولاتي_لزهراء_تخاطب_مولاتي_زينب (عليهما السلام)

بحالچ شلون
باچر ييمه بكربله
بحالچ شلون

باچــر يكـسـرون أليه
ضلوع كل زلم الزچيه

بحالچ شلون بحالچ شلون

00000000000000 00000
يايمه بــاچـر مـــو ضلع واحد وبــاب يكسره
من أول ضلع لاخر ضلع تنرض أضلوع الزهره
شتخلي بيه البلفلا طايح خــيـول العشره
ويضيع من كثر السحگ يايمه أخوچ بكبره

ويتعب الليل
مو مثل كل ليل اليمر
ويتعب الليل

تترس الطف المسيه
ضلوع كل زلم الزچيه

بحالچ شلون بحالچ شلون
00000000000000 00000
مايخلص الليل بدمع زينب ييمه أبأچر
أصهيل خيل وموزمه وعيون ثكله أتناطر
للماي كافلنه مشه طـول علــينه شـصـايـر؟
بس لاصدگ بالطف وگع شو يمه نسمع حافر

كفالچ يطيح
والخدر تحرگه الزلم
كفالچ يطيح

كلفه حيل الغاضريه
ضلوع كل زلم الزچيه

بحالچ شلون بحالچ شلون
00000000000000 00000
بالحومه باچر ماتضل خيمه التلم الفاگد
كــل التروحلهه مــره أيطيح بيهه العامد
الله يـعـيـنـچ والـزلـم واحـد يبلـغ واحـد
كل خيمه منهن ماتضل لاألهه يسلم شارد

حفاي والنار
من عدهه مايسلم جدم
حفاي والنار

تنلچم كل فاطميه
ضلوع كل زلم الزچيه

بحالچ شلون بحالچ شلون
00000000000000 00000
مالچ سند لامن أخو يمرچ يگول شلونچ
وگد مايغثوچ أبحچي يمولح سواد عيونچ
بگد مابچيتي من الهضم وتميل هاي متونچ
والهضمه لو صار السبي هزله وحبل ينطونچ

ومو خوش حداي
الجايب النوگ الهزل
مو خوش حداي

كلسا يگلولچ سبيه
ضلوع كل زلم الزچيه

بحالچ شلون بحالچ شلون
00000000000000 00000
رگضه وضمه وشوغت نحر مغتاص ينزف غيره
والله وكت أخت الگمر من ديره تمشي الديره
عطشانه وتـعايـن علي وتگلي شوفــك ديـره
أرد احچي چلمه وي السهم هلبت تخف الحيره

خل عينه ترتاح
هلبت تتطيح مروتك
خل عينه ترتاح

عينه مو لك عينه أليه
ضلوع كل زلم الزچيه

بحالچ شلون بحالچ شلون
00000000000000 00000
رسول رياض

ضَاعَ ذِكْرُ الطّف لولا زَيْنَبُوا
وَقَبُولُ السَّبْيِ كَانَ الْفَيْصَلُّوا
هِيْهِ كَانَتْ قَادِمَه
كَيْ تَكُونَ الْخَاتَمَه
ضَاعَ ذِكْرُ الطَّفِّ لَوْلَا زَيْنَبُوا
.… .
كُل. جهْداٍ كُل جُرْحاٍ وَاللِّوَاءُ وَالْكُفُوفِ
وَالْخِيَامُ وَالرضِيعُ وَالرِّمَاحُ وَالسُّيُوفِ
تَدْخُلُ النِّسْيَانَ حَتمًا دُونَ زَيْنَب فِي الطفوفِ
فَهِيْه امْراٌ مُتمم كَالنقاطِ لِلحروفِ

عُلقتْ فِيهَا مَضَامِينُ السَّمَاء
بِسَبْيِهَا قَبْلَ اللَّه كَرْبَلَاء
لِلْجُرُوحِ. حَاسِمُه
كَيْ تَكُونَ الْخَاتَمَه
… ..
مَشْيَهُا كَانَ صَلَاتًا قَبَضَتُ الطفلِ رُكُوعا
وعَليُ الحربِ كانتْ لَمْ يَرَوْا فِيهَا الخضوعَا
او هَلْ تُعقلُ شَمْساً انْ تُرى مِنها الدُّمُوعَا
فَمِنَّ اللَّهِ اتَّتَنَا وَالَى اللَّه الرُّجُوعَا

للشموخِ هِيه عُنْوَانُ الْكَلَام
مالكُ الْكَوْنِ ابْيهَا وَالسَّلَام
يَالُهَا مِنْ فَاهِمِه
كي تكونَ الخاتمه
… .
عَالمه فِي الصَّبْرِ زينبَ فتسمَّتْ بالعقيله
ولانَ الزهد فِيهَا صَعدت فَوْقَ الهزيله
فَهِيه النَّاطِقُ الرسمي بِخطاباتاٍ جَمِيله
ناطقه لِلَّهِ كانت عَنْ شَبِيرَا وعليله

رُغم حَبْل الْاسِرِ فِي كِلْتَا الْيَدَيْن
زينباٌ كَانَتْ تَرُى جَيْشَ الْحُسَيْن
ضَهْرَ قَصْرًا قاسمه
كَيْ تَكُونَ الخاتمه
… ..
صَاغَهَا اللَّهُ بقلْباٍ عَالمًا دَوْمًا وصابر
يَبْقَى هذ الْفِعْلُ فِيهَا لَو رَآت الْفَيْنِ عَاشِر
بَصَراٌ لَوْ رَدَّ عِيسَى زَيْنَباٌ ردت ضَمَائِر
هوه لو احيى انَاسا صَوُْتها احْيِى البصائر

حبها احْدى مَفَاتِيحُ الجنان
كربلا فِي متنها لَا ملكان
هِيْه دوما عازمه
كي. تكون الْخاتمه
… ..
يَتَجَلَّى فِيهَا طَه عندما تَرْوِي الرَّزِيه
فِيهَا اصِّرَارُ الْالْهِ وَهِيه كَفِئَ الْغَاضِرِيه
هِيْهْ لَيْسَتْ كَلِنْسَائِي انْ زَيْنَب عَلَوَيْه
طَاعَتْ الْحَوْرَاء صَارَت مثْل تَوحِيدِ الزَّكِيه

زينباٌ عالمتاٌ فصل الخطاب
فَهِيه لِلَّه وَالطف حجاب
فيها عزم فَاطِمَه
كيْ. تكون الْخَاتَمُه
… ..
مجتبى الدفاعي

نعي للزهراء
……
شحال الفاگد امه بهاي الايام
ويعاين يشوف البيت خالي
هذا فراشج وهاي التصاوير
تسولف عالحصلي والجرالي
ييمه وداعتج خلصت الدموع
وظلت شاهده الحالي الليالي
صار البيت اظلم عگب عيناج
ضحكتج دوم تفتر اعله بالي
اصيح احاه يمه بتالي الليل
تعالي يم حسن يمه تعالي
گبل جان شحلات الگعده وياج
هسه الوحدي وبالظيم حالي
…… ..
يمه ماينجهب صار
خلافج البيت اليوم ماينجهب صار
يمه مرينه خطار
ابداعت ليالي ارباج مرينه خطار
يمه ياحال الزغار
الظلو يتامه شحال الزغار
يمه مانهوه هالدار
المنج خلت مانهوه هالدار
…… ..
علي الحاج الصبيحاوي


#اللهم_عجل_لوليك_الفرج

#مولاتي_زينب_تروي_حادثة_الباب_لمولاي_الحسين_ع

يايمه يايمه يازهراء

____
باب وبسمار اللتقن
بضلع الزهراء اطبعن
حسره بحسره من انكضن
ليلية يدي دم من حضنهه وتبدي النحيبه

زغيره وشفت الدم جره
مو زلمه اليدفع مره
شفت الباب الوجره
لا خايف الله ولا يعرف الله السوه المصيبه

مصيبه مصيبه . هاي المصايب ماتفض
مصيبه مصيبه . الباب بجذع طاحت عرض

- باب وثكيله وكدامي طاحت
- ما اكدرلهه بس امي صاحت
- كالت يفضه لحكيلي ابني
طايح ضناهه ولله استغاثت

يايمه يايمه يازهراء
__
انـظـر للـنـار بـحـزن
بسكته گبال امي واون
واسـمعـهم گـالو وأن
گال احروگهه وچدمي لجمني تيهته دربي

گامت بس گامت كسر
شلون التمشي بنص يسر
تتـمنـه تـنـام بـگـبر
ذيج امنه راحت كلي شيردهه هودلي گلبي

شماته شماته . مايفزع النه ولا عرف
شماته شماته . رادو ابونه ينجتف

- خفت بوكتهه بس لا يطكني
- مضمومه جانت طكتك يمتني
- باجر سبيهم يكضيلي حيلي
- نفسه الدفعهه باجر يعتني

يايمه يايمه يازهراء
_
راح احجيلك عل بله
شراح يصير بكربله
بالبر تسكن عايله
كل احنه هيجي رحنه ضحايه والدم خذانه

راح اصعد ذيج الهزل
ويلتف بجفوفي الحبل
ويتزايد حملي بحمل
هاي الغريبه اسمعهه منهم من السبانه

غريبه غريبه . هذا اسمج يكولونه الي
غريبه غريبه . نمشي ويكتال الولي

- باجر حوافر تسحك واجيلك
- ها يابو طولي بطولي اعتنيلك
- راح اطلع من الخيمه علمودك
- وذره ع وذره منهن اشيـلك

يايمه يايمه يازهراء
____
گمرتنه بضلمه اصبحت
يحسين امي الي مشت
ولوعات الباب انكضت
شد حيلك انته باجر سهمهم ياكل جبدتك

اشرب ماي وارتوي
ينسد راح العلكمي
حيلك يصبح مو قوي
كسرك بالاكبر باجر يبين بآول كبرتك

خويه يخويه . ارتاح بحياتك من زغر
خويه يخويه . يتعبك تـره راح الكـبر

- مكتوبه موتي بديرة غرابه
- واليظهم اكثر گعد الخرابه
- بديوان اميه وقصرك يضالم
- الماي النشوفه يمنع شرابه

يايمه يايمه يازهراء
___
#تمت
#عباس_القلعاوي
#نسألكم_الدعـاء

#دمعة
#حيرة_مولاتي_زينب_عليها_السلام

خويه خويه خويه زينب انه بلايه اخوهه

—————*————*————-
حادينه . مو حادي كواك
حادينه . ماخذنه وياك

ضايگ عذاب الينذبح
مذبوحه اخيتك باليسر تتمنى الارماح
المسبيه مو مثل الذبح
المذبوح مايسمع حجي عاد اشوه يرتاح

چنت وياي . شلون صارت وفترگنه
چنت وياي . مّن اخر مره احترگنه
چنت وياي . وهسه بحبال انشبگنه

الخوة مو سلعه من اخيتك هم خذوهه
خويه خويه زينب انه بلايه اخوهه

—————*————*————-
خلينه . يم راسك نبات
خلينه . گالـو غريبات

جلد وعظم زينب بقت
لزگت عباتي اعله المتن من الگلب شاط
كبرنه حادينه شكثر
صرت اكبر من حسين امس من كثر الاسياط

وين نروح . هيمه سوده بلايه اخوتي
وين نروح . السفره الاوله وبيها موتي
وين نروح . والگصص مو من سلوتي

الهظمه من گالو وحيده استوحدوهه
خويه خويه زينب انه بلايه اخوهه

—————*————*————-
ماصايره . وبيا وكت هاي
ماصايره . ذباحنه الماي

روس النشامة اعله الرمح
والمشكلة بدرب السبي مضاحكهم يزيد
الينطگ يدافع لو حجر
بس احنه مادافعنه لن نقبلهه اجاويد

خوف هواي . يوم الاسود من دخلنه
خوف هواي . بنص شماته بلايه اهلنه
خوف هواي . ياهـو اليردنه الوطـنه

بشام الاكشر وليه نسوانك ولوهه
خويه خويه زينب انه بلايه اخوهه

—————*————*————-
بعيوني . مايدخل النوم
بعيوني . تمنيتك تگوم

جم مره طحت من الرمح
ويردك السن الرمح ذباحك شبيه
يهز رمحك اكبال الحرم
خويه اللهاتك من وصل ضل يضحك اعليه

هاي شلون . ميت عله رماح النفل
هاي شلون . بس رمحك بثغرك عدل
هاي شلون . زاد الحمل يهل الحمل

مو قليله بت علي هاي السبوهه
خويه خويه زينب انه بلايه اخوهه

—————*————*————-
عباس القلعاوي

ملا مقتدى

عجـل يأبوصالح الك تبجــي الجـوارح
مصيبه جر مصيبه القهر يبدي بملامح

ملامح فرگه بيه ....  ودورك كل عزيه
      يأبــو صالح .....  يأبــو صالح
༺༺༻༻ ** ༺༺༻༻
ترى الفرگه حرام تطول وانا ذنوبي سبب فرگاك
الا من ملگـه يـ الغايـب ودورك وين حتـى الگـاك
تعب گلبي وانه  حاير ابچي العمتك ابچي وياك
يصاحب روحي حاچيني انا المُتعب انا الينخـاك

عـذبنـي حيـل اليــل .... وبيـن غيابـك حيـل
دنيه وحوافر ليش .... خايـف تدوسـك خيل

خايف انـا عالـروح ....  تـطلـع غفــل وتــروح
وماكو دوه المولاي ....  هل دنيه كلها جـروح

الصفار يمر ورگتي العمر ذوب شمعتي
لوان راضـي عليـه تمرني وي دفنتــي

گرب وكت المنيه .... ودورك كل عزيه
       يابــو صالح .....  يابــو صالح
༺༺༻༻ ** ༺༺༻༻
گضه عمري وتعرف الموت ما ينطي البشر فرصه
واذا ما صـارت بدنـياي بخدمتك مـا تصح حصـه
يكون بگبري اشوفك جاي وشـرح حالتـي بغصـه 
وسولفلك على المذبوح وتلجـــم گلبــــك القصـه

غارت وهو مطروح .... وراكت فوگ الجـروح
هنانه الغصه مولاي ....  يحس ما جان مذبوح

ردتـك تضـهـر ويـاي .... ونـاخـذ لصحـن مـاي
نسگي حسين عطشان ...  الضل بحسرة فـياي

يسر حيـرني امـره غيابك سوه جمـره
بگلب كلمن يريدك العشگ لدمعه جره 

بطـه غيابك عليه ....  ودورك كل عزيه
يأبــو صالح  .... يأبــو صالح
༺༺༻༻ ** ༺༺༻༻
وشل صبري وتعب جفي وانه متاني اشوفك جاي
الا ممكن تمرني بطيـف وكولـن كافـي هـذا هـواي
انا العاصـي وانا الندمـان وانا الفاگـد بدونـك رأي
رسائل شوگي بيـه تعيـش اطلعهـا وتعيـش ويـاي

عايـش علـى متاناك .... امنيتـي امـوت ويـاك
شيسوه العمر مـولاي.... لو مـا گضيتـه حــذاك

كـل عـمـري ادور بيـك ... وابقـى بـأمـل الگيــك
لـو امـوتـن انـا ويــاك .... لـو امـوتـن انـا عليـك

اضل انطر اشوفك ازيـد ومـا اعوفـك
وتضل عينك عليه تمد رحمة جفوفك 

حلم نوگف سـويه .....  ودورك كل عزيه
      يأبــو صالح .....  يأبــو صالح
༺༺༻༻ ** ༺༺༻༻ 
كل ليـله الـتمر صــفـنات تــغير بلـــ سـهر لــوني
بيـد الـريـح ادز مـرسال هذا الحــــال وشـلـوني
عايـش بـأسـمك وطـاريـك مجـنونك يســموني
شـلي بعيـشه مـو ويــاك المـن بـاقيـه عـــيوني

سـوالف جروح وشوگ ... تـعبتني يلـ معشـوگ
مـرلي نفــس مـــولاي ... حته الــهوه مخنوگ

يغفـه الـوجع بلـ عين ... واذكـر مصاب حسين
خيـمه وعطش والنار  ... كــافـل بــلا چــفـين

عجال رايد يغايب قبل نوم الترايـب
انا معود مجاس وبواچي ع الغرايب

تــأذي المــغربيه  ....  ودورك كل عزيه
      يأبــو صالح .....  يأبــو صالح
༺༺༻༻ **
عطـر هدمـك متئ يمرني ييوسـف طالـت الغيبــه
احاول بلكي اصير انسان وتـودني ذنوبـي لخيبــه
ذانبت هواي وخدمتي شوي اخافن سببـت شيبـه
وانه الضايـع ضيـاع الحـب يعيش العاشگ مصيبه

كـلمـا يمرني غـروب... ابجي بجي المنهـوب
والدمعه الها حساس... تـاخـذني لـ محبـوب

يالمهدي ساكن ويـن... وشعاش بسواد العين
قصة سبـي وحـبـال... لـو عاشـرك وحسـيـن 

الفرج رايد يمهـدي... محرم توه يبـدي
وفواتحنه بدونـك... بجرح ثاني تعدي

اندبك بصفه نيه،،، ودورك كل عزيه 
يأبـــو صالح..... يأبــــو صالح 
༺༺༻༻**

      اسم القصيده.. عترافات
           (عبد ال محمد)
      منتظر خالد المنصوري

#ماتت_شهيده


مچتـوفه أيـده .. تالي الصميده
ومولاتي فاطم .. ماتت شهـيده
الـفــارگ حبيبه .. فـايــر لـهـيبه
يابو الــمــلاحم .. صبرك عجيبه

بيمن تنخيت ؟! .. بيمن تگويت ؟!
من شالوا اگبالك علي نعش الزجيه
يتمايل الحيل .. يالـرايح ابليل
تـدفـن حياتك بالگبـر ابهـاي المسيه

اموادع البتول .. والهجر يطول
ضايع الدرب .. وَجّر الگـلـب .. كـلااام
تــوگع وتگـوم .. عالنعش تحوم
يحرگ الدمع .. منكسر ضلع .. حرااام

========ـ

لـيـل وشـمـاته .. كسرن عبـاته
هالليله حـيـدر .. كـاره حيـاته
ضلمه الـمدينه .. والحمره عينه
أم بيته راحت .. وراحت سنينه

بوابة النوح .. فاطم والاجروح
يلفــارگك حتـه الهـوه واتـنـادي وينه
متبلل ادموع .. ومدنگ اتلوع
شنهي الوگع منك علي عگب الحنينه

كلشي والله ضاع .. من هوى الوداع
عاصرك ندم .. حيلك انهدم .. تصيح
يا جبل تطيح .. وسفه ياجريح
يا علي حرت .. يا علي متت .. جريح

========ـ

شيفض عــذابه .. ذابـل شبابه
كلشي اعلروحه .. ما خله بابه
زهــرائـي نــاده .. ليلي ابسواده
من عني رحتي .. ماكـف عناده

گلبچ ولا حاس .. متشيب الرأس
حته الهـوه واگـف تره بس وگفتي
طماچ التراب .. بس جرحي ماطاب
يالمنكسر منچ ضلع گلبي كسرتي

بيمن استجير .. والكسر چبير
هذا يا ألم .. طولي كله دم .. عذاب
غربه هالحياه .. گلبي ما نساه
هالجرح صعب .. يشلع الگلب .. مصاب

========ـ

مذبوحه روحه .. من گد جروحه
معقـوله حـيدر .. الكسره تــلـوحه
هالدنيه هضمه .. غـربه ومضلـمه
عـگـب الـزجيه .. ياهــو اليـلــزمه

أطـفاله اتنوح .. بالحسره مذبوح
حيدر علي ابوكت الدفن محد يعينه
شيّب يهالناس .. من جدمه للراس
مو فاطمه تحت الترب دافن سنينه

جرحه مايطيب .. والصبر عجيب
مابقه أمل .. منحني الجبل .. غريب
أول الجروح .. مابقاله روح
ويلي وحّده .. والتعب بده .. يشيّب

========ـ

- خيري الصفراني ✍️

ملا خالد الفيصل

حسها دموعي هاي ويــاك مـو كافي
يجي يـوم بدمعتـي ويــوم متعافـي
اجيتك هسه نادم واحجي بسـرافي
اريدن عينــــي كـون تنگـع جتـافـي

༺༻
يأبــو جلمـت هلـه جيت اسجـد.. بابـك.. عاشگ مصابك
شحلات الدمعه من تصب على.. عتابك..خـايـف عتابك
༺༻
على عيون الندم شفت الحسافات
وشفت سنيني من دونك حرامات
اياليـت الـنفس مـا يبقـى بــــروح
اذا مــو وي هـواء دخـان خيمـات
༺༻
يا ماحي الذنوب.. جيتك واريد اتوب
༺༺༺༻༻༻
زاغـيـر وجانـت امنيتـي علـ گد نيتــي 
ارد مـــن مجلـسـك بـجروحـي البيتـي
انا بلا دمعه احسهـا تروح شخـصيتي
ومـن مجلـس المجلـس هايـه تربيتـي
༺༻
يأبوي وكل حـياتي وداعـت.. عيونك..الغيرة جونك
اجيتك دافع الخيـل الـ على.. متونك..وبـدلـة لونـك
༺༻
علـى بابك اجيـت مجـدي مكسـور 
يأبو صـدر الكسير وتشـرح صـدور    
اجيتـك من مـرض الذنـوب مـولاي
ولگيت اعضم علاج صخام الجدور
༺༻
يا ماحي الذنوب.. جيتك واريد اتوب
༺༺༺༻༻༻
انه اليفتحلي جرحي يشوف جم حافر
ويشـوف شلون مـن سحگنك الـ عاشر 
انــه المـو هينـه يسمـع بس سمـع عابـر
يكون بكـل حسيـن اركـض ركض جابـر
༺༻
كون اركض عليك واحضن.. اسهامك.. اعرف الأمك
واريد اطفي بثيابي حرگـة.. اخيامك.. شاكر انعامك
༺༻

نگطع گلبي ولاچن موش بسيوف 
انه بگلبـي جريـدة ضيم الطفـوف
الگعـد يمـي يشـم عطـاب خيمـات
هيـج ويـاك كــون حسيـن ملهـوف
༺༻
يا ماحي الذنوب.. جيتك واريد اتـوب
༺༺༺༻༻༻
انـا الماكـو شخـص مثلـك تره يحبنـي
اجيلك عاصي وغلطان برحمه تعاقـني
شكبـر گلبــك حنيـن وما سخه يذبنـي
ونه المفــروض ذنبـي الگبـري ياخذني
༺༻
الاسف منگ واليك وعبدك.. النادم.. لأبـد خــادم
اجيتك من عماي بصحوتي.. هايم.. شكراً ودايم
༺༻
تجي سنين وتروح وتبقى بــروح
واموت گبال عينك واحيى بنـوح
واروح ابعد وشوفك بـيـه والگـاك
عقدت النيه هسـه الدمـع مفضوح

يا ماحي الذنوب.. جيتك واريد اتوب
༺༺༺༻༻༻
«سماعي»
أسم القصيده.. علـى عيون الندم
عبد ال محمد
منتظر خالد المنصوري

(علي يامحلاته)

علي يامحلاته
هيبه ياكلماته
ليث وبصولاته كفو كلك حيدره

شيخ وبديوانه
عزب ابعدوانه
سرفن الهه اردانه دكهه دك الغايره

دكاهه دك الفحل
بالقاده سيفه ارتجل
وصل ركبهم زحل

دخيلك دخيلك علي يابوالحسن

_ _ _ _
سيفه صار اكلاده
بروس كل القاده
ياحلات اعناده بيه تمشي المرجله

المرجله بحساسه
صعدت ويه انفاسه
وصلت لحد راسه ثار بيهه بكربله

بالغيره فار الشهم
ناره وصل للنجم
حركاهه كل الزلم

دخيلك دخيلك علي يابوالحسن

_ _ _ _
غضب دار بعينه
حرك كل سبعينه
كتل وينه وينه من كبار القاده

حز ركبهم بيده
خلصهه البيده
الحرب صارت عيده وهوس الاعياده

صارتله عيد الحرب
كلباه بيده گلب
عيشهه دور الرعب

دخيلك دخيلك علي يابوالحسن
_ _ _ _
رعد يرعد سيفه
حز ركب وبكيفه
الجيش حتى بطيفه يخاف من اخياله

دخل حيدر عوده
ركب حط ابجوده
يادخيله وزوده ويادخيل افعاله

ادخيله شال الارض
كفاه طول ابعرض
خل الزلم تنقرض
دخيلك دخيلك علي يابوالحسن
_ _ _ _
خادم زينب
علي الحاتمي