الناشر غيث اللآمي(للقصائد المنبريه)

#شور

#بعدَ_شهادة_ابيها_وقفت_على_قبرهِ_قائلة



گلبي أعله فگدك محترگ والناس حرگت بابي
تموت بعتبْتي لو شفت بالضلع صار اصوابي
بمتني ادفع اجذوع الوكت واجفوفي فوگ احجابي
ما غزرت ملحت أمس اليوم اجو لعتابي

نكروا الخير يركضون اجوني بالحطب
شرد اگلك على الصار وشنو بيا  انضرب
مو حرب هاي واجتني ركض كل العرب

ـــــــــــــــــــــــــ
شفته الضحك بجنازتك يم بابي سرفن جفه
گالوله فاطم رد وأن وبالضلع حيل اتشفه
بابي طفت بس الگلب ناره ابد ما تطفه
من غمضت عيونك شفت  بويا العيون الصلفه

اول انسان تكتله أنا جلمت وأن
وبلا موعد تجيله مواعيد الحزن
بويا بچفاك ولوني وقرح دمعي الجفن

ـــــــــــــــــــــــــــ
افراگك كسر خاطر واجه الظالم كسرلي اضلاعي
يالودعت زينب ترا گرب وياها اوداعي
ناعِيتك اني من متت وريتك الليه الناعي
ساعي الدمع ليل الهجر ما وصل منك ساعي

هذا يا نوم يمرني وطفه بجفي الجمر
يوصل الليل والعيون يفز بيها الكسر
گلبي وي حايط الباب صفه نفس الفطر

ــــــــــــــــــــــــــــــ
عاده يبويا بالعرب لو نار شافت تفزع
حتى النسه تحشم الزلم والديره لا ما تهجع
ليش بوكت ذاك الحرگ ما رضى واحد يطلع
الميت سمع صوت الضلع معقوله محد يسمع


حتى من راحت النار ولا واحد اجه
وجنت اسمع يگولون ابنها ما نجه
وكتب دخاني بسماي الرجه يهل الدرجه
.
ـــــــــــــــــــــــــ
بجف واحد ادعي يالابو وادموعي تاكل خدي
ما اشتكي گبال الأهل بالحجره اونن وحدي
گد ما يعت گلبي الالم والدمع فطر خدي
يصير النهار اظلم عليّ والموت يحضر عندي

روحي تتوازه عالموت ويمر بالي خبر
انت گتلي تموتين واجي بقرب سفر
شوكت امضيله لگبري وعلي يسد النظر


عبدالله الشويلي الشويلي

#شور_للعليلة



أنا وحسين عين بعين صرنا ودمعت عيونه
ما جنت ادري كلمن بي مرض اهله يعوفونه
الما يأخذ بجفها حسين منوه الياخذ بجفها
ضعن نظراته بس عالكاع مدنگ حتى ميمونه

ابو فاضل بچه شفته
ما باوعلي من صحته
مديت ايدي وي گلبي
وضم چفه الگبل بسته

چَلبت بجدام حسين بس ما رضه ياخذني
ارجع وارد اركض حيل ام عون لو ردتني
تتلفت اعليه النوگ بچيتها وبچتني
.
.
.
اول مره اشوف اهلي يوازوني على ادموعي
ومن اسمع بكلمة خيل احس تتكسر اضلوعي
بأمر حسين كلها تروح جبير ازغير ما يبقى
طلع حتى الضوه البالبيت واني وحدي عافوني

إخذوني اگللهم
وعافوني ومشو كلهم
حتى اعبايت الزهره
اخذوها وبچيت الهم

شما اسدن بجفي البيت تنفتح كل بيبانه
وادموعي تكتب عالگاع بتكم ترا تعبانه
ازحف ازحوف وي النوگ لو كالوا امشي ويانه
.
.
.
.
أنه الما راضيه وزعلان گلبي بهاي طلعتهم
الزلم غيم عليها الموت اظن بس روس رجعتهم
نحر عبدالله مدري شبي مثل وجهي انخطف لونه
اطيح اگبالهم ضليت وتطيح اگبالي دمعتهم


شَرَبت الطفل بيدي
يگلي عايني اوريدي
صاح حسين من شافه
آه يا بويا يوليدي


شما صَعِد اهدومي حسين ينزلها من الناگه
ما گدر ياخذني وياه وما اگدر اعله افراگه
بيا اله كلشي يكول مشتاگه اضل مشتاگه
.
.
.
.
نِثرت اثار رجل حسين على وجهي وعلى احجابي
رَكْضت خايف اركض ليه من يندگ علي بابي
التجاعيد البوجهي تكول شفه من العطش ذبلت
من گطعتهم لهل اليوم على شدتهن اثيابي


وعلى رجعتهم أمن أسأل
متاعي وَحَده ينحل
احلم بالضعن حاير
يشبهني وعلي معلعل


واحلم بواحد عطشان وتحاوطه الخياله
ايد بضهر ايد بسيف ويتلفت اعله لعياله
يفزع بربعه الميتين وولا واحد اليبراله
.
.
.
.
بهدوء الليل اسمع صوت يشبه ممشه خيل البر
بحوافرهن تصدرَ أصوات مثل قاروره تتكسر
واشم دخان مال اخيام محترگه وبشر تركض
واشوف اجفوق مگطوعات وخيام محاوطه بعسكر

ومره احلم ضعن مسبي
وروس مگطعه وتربي
اعله حرمه جبيره مجتوفه
واصيح اسم الله من گلبي

بالحلم واحساسي يگول چن هالمره علويه
تشبه العمْتي ويا ناس بس عَمْتي ما مچويه
مو عمِتي هاي ام عون هاي المره محنيه


عبدالله الشويلي

#شور


وگف گلبي
يهل زينب الحگولي وگف كلبي
وگف گلبي
مو خِواني وادم غربه البگربي

الهزل ماخذني ما ادري يروح الوين
وموش حسين رد وياي راس حسين
عفت ذاك الكافلني اعله الوجه مكلوب
بس ذوله البقو  وياي ما ميتين

مخنوگه وأجرن بالنفس گوه
وهذا الشمر باليني وعلي بلوه
كلساه جاب راس حسين كدامي
ويكلي هنا يزينب باوعي الخوه
.
.
.
ذبل عودي
جزه الخمسين عمري والسبي يكتل
ذبل عودي
وهاي النوگ يهلي بالمشي اتعلعل

ضعن كله عبي وما بينا الليقاتل
صلفه الوادم و اني بلا كافل
هلي وريچي نشف ومن كثر المناشغ
من طاحو اخوتي اتمرجل العايل

ضيعني الوكت ركضني محنيه
چا تالي العمر عالهزله مسبيه
المثل زينب مره ترتاح مو تركض
هلي وجروح گلبي الف وتسعميه
.
.
.
.
يعوفوني
ابد ما حسبت وحدي يعوفوني
يعوفوني
ورماد اخيامي يترس ريتي وعيوني

حيره وكلشي اشوفه اعليه متزاحم
أطر عالخيل ما ادري على الوادم
عطشانه وبعد ما اشوف البصفي
تمايلت وطحت يم حنت القاسم


جبيره كربله واتلفت ابوحدي
حتى العدل بالطف ضاع من عندي
الِم بحسين مدري أطفاله الممنهم
حرت ابدي بعياله مدري بي ابدي
.
.
.
.
شطيبني
ولا يبرد گلب زينب يهل زينب
شطيبني
يضل طول العمر مخنوگ المسلب


الجرح البيه ما ينلم ولا يشفى
نار الطف طفت بس ناري ما تطفى
مو طعنت رمح واكعد واداويها
أنه الشافت رقيه اعله الرمل تغفى

أنه الشافت القاسم سابح بدمه
الصاحت ويه ليلى يالولد يمه
خبزه بحلگ جايع ضل اسم زينب
أنه الشافت حسين وطلعت سهمه

الشاعر عبدالله الشويلي

#شور


وگف گلبي
يهل زينب الحگولي وگف كلبي
وگف گلبي
مو خِواني وادم غربه البگربي

الهزل ماخذني ما ادري يروح الوين
وموش حسين رد وياي راس حسين
عفت ذاك الكافلني اعله الوجه مكلوب
بس ذوله البقو  وياي ما ميتين

مخنوگه وأجرن بالنفس گوه
وهذا الشمر باليني وعلي بلوه
كلساه جاب راس حسين كدامي
ويكلي هنا يزينب باوعي الخوه
.
.
.
ذبل عودي
جزه الخمسين عمري والسبي يكتل
ذبل عودي
وهاي النوگ يهلي بالمشي اتعلعل

ضعن كله عبي وما بينا الليقاتل
صلفه الوادم و اني بلا كافل
هلي وريچي نشف ومن كثر المناشغ
من طاحو اخوتي اتمرجل العايل

ضيعني الوكت ركضني محنيه
چا تالي العمر عالهزله مسبيه
المثل زينب مره ترتاح مو تركض
هلي وجروح گلبي الف وتسعميه
.
.
.
.
يعوفوني
ابد ما حسبت وحدي يعوفوني
يعوفوني
ورماد اخيامي يترس ريتي وعيوني

حيره وكلشي اشوفه اعليه متزاحم
أطر عالخيل ما ادري على الوادم
عطشانه وبعد ما اشوف البصفي
تمايلت وطحت يم حنت القاسم


جبيره كربله واتلفت ابوحدي
حتى العدل بالطف ضاع من عندي
الِم بحسين مدري أطفاله الممنهم
حرت ابدي بعياله مدري بي ابدي
.
.
.
.
شطيبني
ولا يبرد گلب زينب يهل زينب
شطيبني
يضل طول العمر مخنوگ المسلب


الجرح البيه ما ينلم ولا يشفى
نار الطف طفت بس ناري ما تطفى
مو طعنت رمح واكعد واداويها
أنه الشافت رقيه اعله الرمل تغفى

أنه الشافت القاسم سابح بدمه
الصاحت ويه ليلى يالولد يمه
خبزه بحلگ جايع ضل اسم زينب
أنه الشافت حسين وطلعت سهمه

الشاعر عبدالله الشويلي

#شور شهادة موسى الكاظم ع

السلامُ على الغريب

يبن اللُجينِ والذاريات
بالكاظميه اصل  الحياة
چتاله حزنه الما شم هواك
واليلگه سجنك  يهوى الممات

هذا اني..... عبد گدامك
بالواني...... ابوس اجدامك
واطيوفي
تهيم بليلي تدور أحلامك

الناس التهوى غربه  هيّه غربه  ومن هويتك 
موت  وكلشي دمعه  كلشي دمعه  من لگيتك

ما ارتاح........ باب السجن بفكاري
هم مسجون..... والهم صبح خطاري
.
.
.
.
فگدك مصيبه يفوق الحداد
فوگ المدامع فوگ السواد
يشيلوني ميت كون بدموع
من يم عتبتك باب المراد

يشولنه ........ الجسد بجروحه
يغسلونه...... بدموعه ونوحه
وعيوني
على اهلي البعدوا تضل مفتوحه


ليش  المثلك انته  مثلك انته     اسمه خنگه
نوح  ومو فقط سم   مو فقط سم  موته حرگه

هاي الروح..... سابع جرح سابيها
وبيها جروح..... تأخذها وترد بيها
.
.
.
.
نبرة عزائك تشبه عزاء
ذاك المرمل في كربلاء
الغربه تكتل للعنده رأي
وچن جدك انت غربه وجفاء

كل عمرك..... كضه باللوعه
بنص عقلك.... خيم مطبوعه
بجفوفك
السلاسل تغفه وتضل موجوعه

نار وبيها لوعه  بيها لوعه  بنص جفونك
شوگ  وكل مسيه  كل مسيه  يطفه لونك

والمتعوب...... الدنيا ليش تسجنه
والمصيوب..... روحه اعله موته تِدنه
.
.
.
.
يا شمعة الله الكلها دموع
الظلمه تكتل طول الشموع
وانت لسمارك يرخه الظلام
من فيّ جبهتك هب الطلوع

اعله متونك...... البلابل نامت
لعيونك ..... الزهور احتامت
يالسجنك
يصلي الطولك وصلاته دامت

ينوح  وكلشي يسجد  كلشي يسجد  وي سجودك
الباب  البيها شوغه   بيها شوغه   من قيودك

بنص الراس...... يفتر سؤال شعظمه
شبيها الناس........ تسجن گمر بالظلمه
.
.
.
.
بروحي مسافه تمطر ولاء
من الكاظميه لحد كربلاء
عالفطره احبك والحب شموخ
من اعكس حروفك تطلع وفاء

يم بابك...... الگلب خليته
بمصابك....... الدمع بديته
يالاسمك
ملح بجروحي اعشگت حنيته

أحزان وروحي اسمها  روحي اسمها  الرافضيه
جروح    والمصيبه   المصيبه   تمشي بيه

تضيع الروح...... والگه بعزائك روحي
يا مجروح....... انت التداوي اجروحي


عبدالله الشويلي

#شور #شهادة_السيدة_ع


اني الحبيبه ....وصرت الغريبه


بنص الجنازه واسمع تكول الناس
الميته هاي تصير اخت العباس
بالموت ما مرتاحه جا يمتى ارتاح
اسوالف الشام ثگيله وتشيِّب الراس

تابوتي طب بين الغُرب يالخوان
واتذكرت طبتي بذاك الديوان
كترين متوزعه الخَلگ عالتابوت
ومثل امي ماكو اعليه صايح نسوان



من فزعوا ليه  يضحكون اعليه  موش شيعوني
ضعفانه هوايه  والوادم هايه   حيل يسَمعوني
لحگوا يخواني الشام اذاني   وناسه يجرحوني
.
.
.
.
كون اليموت ايصير هو الجناز
وشيِّع برَوحه لَوَن ماكو اعزاز
جا شلت روحي حتلو ماكو امتون
بس نعشي هم يبقى لخوتي معتاز

يلْچم امتوني النعش لَمَن ينشال
الما گاله واحد بالسبي هسه انگال
مو عالهزل هسه وسط التابوت
ميته وسمعت الحجي المامر عالبال



يمعدلل العدله  ضلت بس هزله  ما جابوا ليه
بيه شكد عالو  اسمعهم گالو  هاي المسبيه
المارحموا جثتك  ميرحمون اختك   لو مو علويه
.
.
.
.
حَزَت ابنفسي هواي وگفت نسوان
واعليه كالن هاي دخلت ديوان
بتابوت ينشال الغريب البالشام
بس اني تابوتي بقى بلا عوان


ضعفانه، نحلانه صرت چن اخيال
جا ليش نعشي عالارض ما ينشال
شمسويه حتى بموتي يسبيني الشام
وسفه بلسنهم يخوِتي صرت انكال

عطشانه عيوني  يالماجيتوني  حسره بدلالي
وحْدي وحيرانه  لا امي اهنانه  لا ابوي الغالي
السجاد امحير  بس وَحده شيكدر وادموعه اتلالي
.
.
.
.
بس العليل وياي بعيونه يدير
ما ضل الي لا خاطر ولا تقدير
ضلت بنفسه يموت بالخنگه احذاي
ونفس النعش ينشال ووياي يصير

الغربه توجعني واحس ارض الشام
مو گدري والله وگدِر ذيج الأحلام
جانت بنفسي اندفن وي المذبوح
عاد ابارض كربله اكو اسم اخيام

هيج وكون اني  ميته وي اخواني   وبنصهم گبري
اتراب من الخيمه ودم اهلي وضيمه  يخلون بكتري
بهيده ينزلوني   خاف ايلجموني   ورايتهم حدري
.
.
.
.
الناس كلمن لونه وانه ابلا لون
اشباقي بيه السوط رايدله امتون
مو ذيج زينب بعد موت العباس
ام المصايب هسه لا مو ام عون

گطعان واهس عيشتي ذيج الخيل
الخلتني اركض لحد ما صار الليل
رجليه فَرَت كربله اذراع اذراع
واسياطهم بمتون أطفالي تشيل

اركض محنيه  دم برجليه   الطف كله انياحه
عثره تجر عثره  مدري شكم مره  فريت الساحه
عمري بس لجمه  صار اسمي الهضمه  ما شفت الراحه

عبدالله الشويلي

#شور #شهادة_السيدة_ع


اني الحبيبه ....وصرت الغريبه


بنص الجنازه واسمع تكول الناس
الميته هاي تصير اخت العباس
بالموت ما مرتاحه جا يمتى ارتاح
اسوالف الشام ثگيله وتشيِّب الراس

تابوتي طب بين الغُرب يالخوان
واتذكرت طبتي بذاك الديوان
كترين متوزعه الخَلگ عالتابوت
ومثل امي ماكو اعليه صايح نسوان



من فزعوا ليه  يضحكون اعليه  موش شيعوني
ضعفانه هوايه  والوادم هايه   حيل يسَمعوني
لحگوا يخواني الشام اذاني   وناسه يجرحوني
.
.
.
.
كون اليموت ايصير هو الجناز
وشيِّع برَوحه لَوَن ماكو اعزاز
جا شلت روحي حتلو ماكو امتون
بس نعشي هم يبقى لخوتي معتاز

يلْچم امتوني النعش لَمَن ينشال
الما گاله واحد بالسبي هسه انگال
مو عالهزل هسه وسط التابوت
ميته وسمعت الحجي المامر عالبال



يمعدلل العدله  ضلت بس هزله  ما جابوا ليه
بيه شكد عالو  اسمعهم گالو  هاي المسبيه
المارحموا جثتك  ميرحمون اختك   لو مو علويه
.
.
.
.
حَزَت ابنفسي هواي وگفت نسوان
واعليه كالن هاي دخلت ديوان
بتابوت ينشال الغريب البالشام
بس اني تابوتي بقى بلا عوان


ضعفانه، نحلانه صرت چن اخيال
جا ليش نعشي عالارض ما ينشال
شمسويه حتى بموتي يسبيني الشام
وسفه بلسنهم يخوِتي صرت انكال

عطشانه عيوني  يالماجيتوني  حسره بدلالي
وحْدي وحيرانه  لا امي اهنانه  لا ابوي الغالي
السجاد امحير  بس وَحده شيكدر وادموعه اتلالي
.
.
.
.
بس العليل وياي بعيونه يدير
ما ضل الي لا خاطر ولا تقدير
ضلت بنفسه يموت بالخنگه احذاي
ونفس النعش ينشال ووياي يصير

الغربه توجعني واحس ارض الشام
مو گدري والله وگدِر ذيج الأحلام
جانت بنفسي اندفن وي المذبوح
عاد ابارض كربله اكو اسم اخيام

هيج وكون اني  ميته وي اخواني   وبنصهم گبري
اتراب من الخيمه ودم اهلي وضيمه  يخلون بكتري
بهيده ينزلوني   خاف ايلجموني   ورايتهم حدري
.
.
.
.
الناس كلمن لونه وانه ابلا لون
اشباقي بيه السوط رايدله امتون
مو ذيج زينب بعد موت العباس
ام المصايب هسه لا مو ام عون

گطعان واهس عيشتي ذيج الخيل
الخلتني اركض لحد ما صار الليل
رجليه فَرَت كربله اذراع اذراع
واسياطهم بمتون أطفالي تشيل

اركض محنيه  دم برجليه   الطف كله انياحه
عثره تجر عثره  مدري شكم مره  فريت الساحه
عمري بس لجمه  صار اسمي الهضمه  ما شفت الراحه

الشاعر عبدالله الشويلي

#شور
#شهادة_السيدة_ع

العازه من تموت وبعيد اعله اخوتك
من تشوف الناس كلها تريد موتك
من يدورولك على مغيسل يغسلك
ومحد يصيح عليك الكل تفوتك

فرفحت  روحي شكثر محد وصلها
واسمع اتكول الشماته وين اهلها
يا اهل والاعوجيه فرهدتنا
وصارت كبالي هزيله الدنيا كلها

صاحت الناس
وينه عباس
هاي عازه

اختك ام عون
رايده امتون
للجنازه

.
.
.
.
والله لو ميته ويه اخوتي ولا حجيهم
بالجنازه وأسمع تصفگ ايديهم
ليش ماي الله يضمونه عليه
خلصت ايامي ولا خَلَص سبيهم

كلها كالت حيل بيها ما اجوها
هيه هايه الجان ابو فاضل اخوها
مو بعيده ما يدفنوني بارضهم
عدله ميته اني ذيج المرمروها

كان ما كان
عندي خوان
بيها فزعه

صارو ابعاد
ويه الاولاد
ماكو رجعه



.
.
.
.
نسوة أهل الشام التمن يضحكن
منين اجيب امي وخواتي اعليه يبچن
ام المتون النحيله عليه كالن
مثل ما انه سبيه بموتي بفرحن

جابن احبال السبي وخلنها يمي
بيها دم من جف رقيه وبيها دمي
هو هذا الماله اخوه ماله فزعه
ودفنتي حسره اعله حسره چنها امي


التمن اهواي
بدن الماي
وحيل ضحكن


هلهلن حيل
من أجه الليل
بموتي فرحن



.
.
.
.
هينه ياروحي اكو تابوت اليه
بس اخويه ضل بلا نعش وعزيه
اليطشره الحافر اتلمه حصيره
والتطشره الغربه يطلب اهله جيه

اني مشلوعت گلب من صغري لسه
المثلي يا طف يا هزل يا شام تنسه
والله بس اسايطهم كافي لرحيلي
كالرمح وبراس اخوتي الشام أحسه

الشام جتال
مثل الأحبال
البيها اديه

لسعة الشام
لسعت اخيام
الغاضريه




الشاعر عبدالله الشويلي

#شور
#شهادة_السيدة_ع
على زينب وأهل زينب كلبي ناصب فاتحه

رجعت من السبي محنيه وتنوود
لا نظر لا حيل لا چلمت هله

التطب ديوان مشدوده بحبال
من يكلي شلون توصل كربله

كلها كالت يا خلگ مسبيه هاي
ماكو واحد كال هاي امدلله


صاحت العالم اسيره....وهي اميره وبنت اميره...هذا شلعان الگلب
والله لو ميته احسن الها........ولا الوادم تهد كلها ......تضيّگ اعلها الدرب
اللزمت اجفوف ابو فاضل .....حيره مجتوفه بسلاسل ....ودم ايديها ضل يصب

.
.
.
.

الهزله جنها الدنيا كلساعه تميل
مايله الهزله اويه زينب مايله

مو فقط ذيج السياط العلمتون
اتلاثه واثمانين واحد شايله

اني گد ما باچيه اعله اجفوف اخوي
امنِ المدامع عيني صارت خاليه

الجان طوله في خواته......گطعوا اجفوفه الشماته .....گَطعَت الماي العذب
كلها تصرخ عمي وينه .....ونبله سدت شوف عينه ....... وسفه باقي للسلب
ياهو يقبلها اعله زينب .......بالسبي يا ناس تنسب ......نار وبدمها تشب
.
.
.
.
انشالت ادلال الاعزاز من المضيف
وانطفه الموگد وشبت نارها

بعد ضيم السبي والسوگ الثگيل
تختنك زينب بشوف اديارها


يوم نظرت بالدمع لام البنين
چنها خيمها اوجت أمن اكتارها

فاگده وتنعى اعله خوها......

.
.
.
.
رجعت المكسور تنطي الدمعه لون
حمره دمعتها اليموت احسينها


تل مصغر ظهر ناگتها يصير
ومشرعه وبيها ابو فاضل عينها

دمعه دمعه تموت هي الغربه هيج
وتنحني من  السوگ المجتفينها

امچتفه وبحه بحچيها .. والحبل شلع اديها.. و السبي يريد ازلمه
وهيه حرمه من ال هاشم .....ضلها ما شافت الوادم....عالدلال امعلمه
أمن البچي وموت السبايه.. ضاله بس العبايه .. ذبلت بكد فاطمه


الشاعر عبدالله الشويلي
الشاعر علي هادي الخزعلي

#شور


ام عباس الولاء
تمطر غيره اوفاء
جابت بس الثِگال
وانخسفت كربلاء


منو تعزب زلم 
بوكت مابي شهم

مره وجابتها للكلفه الفحوله من العرب
الكرم بس للحسن والها  مره تكرم رگب
بوكت كلمن شرب روحه وابنها ما شرب

حياج يا ام البنين


حي الله ام الوفه
مبخوته وعارِفه
عدها اربع ولد
بالكلفه عاصفه
.
.
.
.

عدها اسباع وحتوف
فطمتهم عالسيوف
اليزعل بيهم يناس
يذب راسه وي الجفوف



راية الله الشهم
زلمه فوگ الزلم

الهوى من رايته نشمه وبلاها ما نشم
منو مثله انگطع جفه وفرك حلگ الزلم
بشر بس دورت اعيونه وعلي تردم ردم

حياج يا ام البنين

مشكوره ام البخت
واشموعج ما طفت
ابنج سبعين الف
من سيفه ما نجَت
.
.
.
.
معروفه ام البنين
نور اللهُ المبين
صارت معنى الحياة
وحبل الحب المتين



جابت الها نهر
فرك حلگ الدهر

سمار الدنيا من جفها الفلك الها ابتسم
ابنها السيد الساقي تگمطه بالعلم
صبي ومو بالمهد نومه تنومه بالمخيم

حياج يا ام البنين

تهمسله بمسمعه
روح الوي المشرعه
معلمته من الصغر
اجفوفه مگطعه
.
.
.
.
.
منها صار النهار
من جفها كل خِضار
عدها تبشر يجاي
ماعدها مستعار



واليجي بمسأله
يشبع من الهلا

بعد ام زينب وزينب اميره اعله النسه
الفروض الخمسه لو سته تصير السادسه
مره عد االله وأهل الله جبيره مقدسه

حياج يا ام البنين

ما يوصفها قلم
هي نون وقلم
هي معنى الزهد
هي التين و ألم
.
.
.


.
بنتُ خُزام الشهاب
يمها اتلين الصعاب
لو قِسنه اعله النساء
بس هيّه اُم تراب



عزبن جم جرح
من النهر للذبح

يعزبن بالذي يسوه اليهد حيل الخلگ
حسين حسين يا يمه گلبهن من يدگ
وعلي من عدهن اعرفنا قوانين العشگ

حياج يا ام البنين

منها شمحله الهلا
بصمه بنص كربله
ما تنعاد بزمن
هالحرمه معدله


الشاعر عبدالله الشويلي

#شور

{نسيان الحب}

لسيد الحب المولى أبي عبد الله الحسين ع


من عالم برزخ نسيان الحب جيت
جبت دموعي وجيت لجرحه ادنيت
يا رب الحب جايك محتاج جروح
كافي بعمري الفات هواي تهنيت

جاي
ندمان وما اعرف شحجيلك
جاي
كلشي ولا يشملني ترحيلك
جاي
حطني بخيمه وخليني ابجيلك

ميزتك فاتح بابك سفر
تاخذ بيد الحبك ليك
لو سئلوني شلوني اوي القهر
اجمل جي متأثر بيك
_________________
مكابل صورة دمعي البيهه احجي وياك
ما عطشان وتنظر ليه شمحلاك
وانت اجمل ما صانع ربك للشوف
لمملكة الحب ربك حاكم سواك

روح
يا كلبي وخليك آمن أزلامه
روح
صير روحك دمعه اعله خيامه
روح
ما تتعوض بالدنيه ايامه

وعايتك خليتني امن الخدم
سمعا يا مولاي بهاي
هاي اعيوني اعميهه بجف ندم
لو ما تنطي لحزنك ماي
_________________
موعد جرحك حان ولازمله اهات
واذن طفك منبر بحسينيات
وديني لغربه وخليني بلا راي
حالة ظعنك باجر بالحيره يبات

نار
بالخيم تصدلهه تتوضه
نار
تخلي اعيالك بالبر تتشظه
نار
ملجئهه التل باجر بالركظه

وزينب من عل تله تصيح الك
ادرك ظعنك راح يموت
يل طايح سلبو خيمة هلك
عايش ظنهه وتسمع صوت
_______________________
دعوه لكل واحد بعده بلايه حسين
تخلص عمرك مذنب ليش وبعدين؟
ادخل عالم حبه وما تخسر شي
ومحد راح يكلك جاي انت منين

ناس
دخلت كبلك شوف شسواهه
ناس
تخدم عنده وعطفه العلاهه
ناس
بيوم وليله تغير مسراهه

اخذ اجروح السابقتك درس
وشوف شلون اليهوه حسين
يبقه بغير العاشر ما يحس
تلكا تارس همه العين

#محمدتقي_البهادلي
#اللهم_عجل_لوليك_الفرج

#شور

السلام عليك يا علي الآباء



ها يداحي أبوابها وذيج الثكال
مال وياك الحمل شبسرعه مال
علي ومو نفسك علي صاير خيال
علي توه بگلبك اشتد القتال

ها يالقلعت بيمنتك خيبر
ومنزل اعلام الكفر والشر
تشتت رقادك يالمشتتها
يا عقل يدركها انت تتعثر

مرتاح خصمك هسه مرتاح ....وابداخلك يا حيدر اصياح .....يا داحي خيبر محسنك طاح .....وماتت الزهره وضلتك عجيبه

وشلون شلت اجنازت النور....مكسور أضن شايله مكسور ....رديت وبگلبك.جفه يدور....آمنين اجتك ياعلي المصيبه

نار  بفقارك ....يالقرارك ...صبر
ما تطفه نارك ....وانكسارك ....هجر


السلام عليك يا علي الآباء
.
.
.
.
علي من يمتى الخشب تَجوئ الديك
علي فكد ام الحسن شمسوي بيك
البگه برأسك بس هجر خضر بياض
علي وحيطان السلف تنحب عليك

يمبچي حتى الما لمح سيفك
والدنيا كلها اندارت بكيفك
جا ليش دمعك حافر بخدك
جا وين حيفك يالخذت حيفك


ترد الحياتك والله هيهات ....الفاكد الزهره حكه لو مات ....هديت حيل أهل السماوات .... بهذا الدمع يالفاكد الحبيبه
دافن الزهره وحمره العيون ....مدري انت يا كرار مدفون ...عايش لجن وي اليموتون ....محسوبه روحك ياعلي الغريبه

هِد الخواصر ....يالتكابر .....بعد
حطم قيودك...ذاك زودك...شهد


السلام عليك يا علي الآباء
.
.
.
.
الوي ذرعان الحزن لويّت الباب
واصنع امواج الامل من السراب
گبال زينب فاطمه وحيدر تصير
استقيم اگبالها وكف المصاب

أخبرها عن صفين والكوفه
والشال أيدِه يرجع بلا جفوفه
كللها ما يثبتلي أي فارس
وحطيت بصدور العرب خوفه


ايدك المرت فوگ الضلوع .....ضم بيها بتك وكت الدموع ....مفجوع خل يحضله مفجوع ...وامسح على رأس البقت وحيده
للبير احجي البيك مولاي.....الحد ما يجف من الحجي الماي .....
ازغير يالوجعاتك اهواي ....احجيله قصة فاطمه الشهيده

ماتت حزينه ..... والمدينه...بصمت
عافت ضناها.... يالوراها ...انعفت


السلام عليك يا علي الآباء
.
.
.
.
جانت ام البيت من تحجي الحياة
تبتسم واتموت كل النايبات
لمن تدعي اتفتح ابواب السماء
ويستجيب الله لَكل الداعيات


ماكو يتامى بحضرت الزهره
والفقره يم عتبتها مو فقره
جان اليجوع اتشبعه بحجايه
كلشي تراب وفاطمه حضره

تطحن رحاها وتطعم الغير ....ومن جفاها ياكل يا علي الطير ....يمها الفقير ايصير ابن خير ....بخبزة شعير اطيّب الخواطر

بوكت الحرگ ما شفنه جيران....؟خل نتفرض ماكو زلم جان .....جا ليش ما فزعت النسوان ..... معقوله ما تدري المدينه شصاير

الجار الحميته ...طب لبيته .....جمر
جا ما فزعلك ....ماتو اهلك ....صبر



السلام عليك يا علي الآباء

الشاعر عبدالله الشويلي

#بسمارچ_رد_حافر💔

يمه بيوم العاشر بسمارچ رد حافر
ردت نار المشعل تعــــيل

و ألي چتفو حيدر جابولي احبال اكثر
شدوهن وانا اندب كفـــيل

يمه | نيران خيامي بابچ والعصره
گدامي كلهن ردن
حيرة | ردلنه المشعل چا وين الخوه
تحاميني مَنْ الهدن

ميته ولا اشوف اني غيري بعين الكافل
نبله تصير أمچاني وانا ادري ما قابل

يا يمه من جروحي شابت ب الهم روحي
ماَبطّل من نوحي ونيــــين
_______________________________


يمة بدفعة بابچ موجودين احبابچ
بس انه بالهيمه احــــير

حيدر يمچ حاضر بس انا بالعاشر
ابقه ابلاية اخواني شــصير

يمه | هم نفس الهده ولية اعلة أخيمنه
ردولي نفس المشهد
واني | اصرخ مرعوبه وين اهل الغيره
فزعولي شو محد هد


والكسرو ضلع امي كسرو ضلع حسيني
يا نوحي و يا همي ما بطلت اونيني

يا دمعات عيوني نيران اعله جفوني
ع الراحو عافوني ونيــــين
____________________

ضلعچ بي طف ثاني عايشته بأحزاني
كلهن فوگ متوني عــــذاب

فوگ جروحچ يمه نار و خيمه و هضمه
الله يساعد گلبي مصــــاب

يمه | هم نفس السطره ردت لعيالي
يا حالي بهذا المنظر
هظمه | ملعب خياله علة حسين الغالي
تبرالي جيمان الشر

هضمه تشوف الزهره ضلع حسين مَكسر
خيل اتدوس بصدره ومذبوح من المنحر

ركضات الخياله شمسويات بحاله
يا صرخات عياله ونـــيـن
_______________

چم هضمة وچم لوعه من ضلعج و ضلوعه
الله يساعد گلبي جريــــح

عصرة باب بفكري نار الخيمة بصدري
وهذا حسين گبالي ذبـــــيح

يمه | زينب متعوبه همكم كاتلني
ذابحني گلبي مكسر

لوعة | چن دفعة بابچ زينب دفعوهه
جتفوهه وي الخدر

نار الخيمه التسعر ما تطفه أبدلالي
غربه ونوح ومنحر ودعت شجم غالي

راحت زلمي الكلفه يا ناري الما تطفه
وسفه تجر بوسفه ونيـــــين

__________________
راحو كلهم مني ضليت انا بحزني
مشتاگات عيوني ه‍لــــي

كون ترد اللمه وحَسين يرد ل أمه
نلتم كلنه و حاضر علــــي

يمه | حسرات گليبي بَچت چم ناگه
مشتاگه لذيچ اللمه

أرجع | بعيون الكافل واشتم انفاسه
بأحساسه محله الشمه

تلتم سبحة فاطم يم حيــدرنه الخيمه
مو تگطعهه الوادم واتطش فوگ الهيمه

اذكر ذيچ ايامي وانظر هسه ايتامي
وانا اسمع گدامي ونـــيــن

___________________________________

#شور_دمعة
#بسمارچ_رد_حافر💔
#ابو_نوح_الكناني
t.center/abonoh1

اللحن👇👇

#شور

علي علي
وتد الاسلام ثابت في السماء
____

سيف السماء حيدر علي
شيخ الوفاء حيدر علي
رمز الاباء حيدر علي

بهاي دنيتنه وسماها مثل حيدر مَنْوجد
قل هو الكرار واحد قل هو الله أحد
اي عدد يمه نخلي صفر نلگاه العدد
انتشر دين الله كله بمدد يا حيدر مدد

حرب تسجد اعله حروفه
حرب تسري بامر اجفوفه
حرب على الأعداء انشوفه

علي علي
انهُ الكرارُ قتال العرب

_____
ملك النزال حيدر علي
بس للثگال حيدر علي
بطل القتال حيدر علي

لنبي بسيفه جان يكشخ لو بده وقت الحرب
خبز يمطر على الفقره وعالعدو يمطر رعب
ينتشر بربع جهات بساعة الفزعه ويطب
أسهل من السهل جفه وبالصعب نلگاه صعب

علي الله شد احزامه
علي الأول ابأسلامه
علي ألرِسل خِدّامه

علي علي
انهُ الكرارُ قتال العرب
______

گلب الحياة حيدر علي
سر النجاة حيدر علي
حتى الممات حيدر علي


لا فتى الا عليا قالها سيد البشر
يعني ابو حسين المعدل ضهر للماله ضهر
دين الله بعلي كاشخ وصار بسمه المستقر
الإله ايدير عرشه وين ما دار النظر


منو قائد أعله القاده
منو ابو الكل الساده
منو جاب مثل أولاده


علي علي
انهُ الكرارُ قتال العرب
____
فحل الفحول حيدر علي
يصول ويجول حيدر علي
محيِر العقول حيدر علي

جَمِع التاريخ واقرا يمه ما يطلع سطر
حيدر القرآن كله وغيره ماحاوي الصفر
ما يرد أمن المعارك الا بيمينه النصر
ابوكت كلمن راد روحه علي دك لله الصدر

شهم ينعرف بالكلفه
شهم ما يقصر جفه
شهم الثگال اتعرفه

علي علي
انهُ الكرارُ قتال العرب
______

الذكر الحكيم حيدر علي
نِد الرجيم حيدر علي
العقل السليم حيدر علي


اشهدُ ان عليا فحل من سابع فحل
ابد ما صارت لغيره بس علي خير العمل
الشمس من عگبته وراحت ردها متروسه خجل
بكثر ما ينتظر فرضه الفرض ينتظره بأمل


ضوه بنور الله هايم
ضوه يوزع اعله الوادم
ضوه منه لينه قادم


الشاعر عبدالله الشويلي

#بسمارچ_رد_حافر💔

يمه بيوم العاشر بسمارچ رد حافر
ردت نار المشعل تعــــيل

و ألي چتفو حيدر جابولي احبال اكثر
شدوهن وانا اندب كفـــيل

يمه | نيران خيامي بابچ والعصره
گدامي كلهن ردن
حيرة | ردلنه المشعل چا وين الخوه
تحاميني مَنْ الهدن

ميته ولا اشوف اني غيري بعين الكافل
نبله تصير أمچاني وانا ادري ما قابل

يا يمه من جروحي شابت ب الهم روحي
ماَبطّل من نوحي ونيــــين
_______________________________


يمة بدفعة بابچ موجودين احبابچ
بس انه بالهيمه احــــير

حيدر يمچ حاضر بس انا بالعاشر
ابقه ابلاية اخواني شــصير

يمه | هم نفس الهده ولية اعلة أخيمنه
ردولي نفس المشهد
واني | اصرخ مرعوبه وين اهل الغيره
فزعولي شو محد هد


والكسرو ضلع امي كسرو ضلع حسيني
يا نوحي و يا همي ما بطلت اونيني

يا دمعات عيوني نيران اعله جفوني
ع الراحو عافوني ونيــــين
____________________

ضلعچ بي طف ثاني عايشته بأحزاني
كلهن فوگ متوني عــــذاب

فوگ جروحچ يمه نار و خيمه و هضمه
الله يساعد گلبي مصــــاب

يمه | هم نفس السطره ردت لعيالي
يا حالي بهذا المنظر
هظمه | ملعب خياله علة حسين الغالي
تبرالي جيمان الشر

هضمه تشوف الزهره ضلع حسين مَكسر
خيل اتدوس بصدره ومذبوح من المنحر

ركضات الخياله شمسويات بحاله
يا صرخات عياله ونـــيـن
_______________

چم هضمة وچم لوعه من ضلعج و ضلوعه
الله يساعد گلبي جريــــح

عصرة باب بفكري نار الخيمة بصدري
وهذا حسين گبالي ذبـــــيح

يمه | زينب متعوبه همكم كاتلني
ذابحني گلبي مكسر

لوعة | چن دفعة بابچ زينب دفعوهه
جتفوهه وي الخدر

نار الخيمه التسعر ما تطفه أبدلالي
غربه ونوح ومنحر ودعت شجم غالي

راحت زلمي الكلفه يا ناري الما تطفه
وسفه تجر بوسفه ونيـــــين

__________________
راحو كلهم مني ضليت انا بحزني
مشتاگات عيوني ه‍لــــي

كون ترد اللمه وحَسين يرد ل أمه
نلتم كلنه و حاضر علــــي

يمه | حسرات گليبي بَچت چم ناگه
مشتاگه لذيچ اللمه

أرجع | بعيون الكافل واشتم انفاسه
بأحساسه محله الشمه

تلتم سبحة فاطم يم حيــدرنه الخيمه
مو تگطعهه الوادم واتطش فوگ الهيمه

اذكر ذيچ ايامي وانظر هسه ايتامي
وانا اسمع گدامي ونـــيــن

___________________________________

#شور_دمعة
#بسمارچ_رد_حافر💔
#ابو_نوح_الكناني
t.center/abonoh1

اللحن👇👇

#بسمارچ_رد_حافر💔

يمه بيوم العاشر بسمارچ رد حافر
ردت نار المشعل تعــــيل

و ألي چتفو حيدر جابولي احبال اكثر
شدوهن وانا اندب كفـــيل

يمه | نيران خيامي بابچ والعصره
گدامي كلهن ردن
حيرة | ردلنه المشعل چا وين الخوه
تحاميني مَنْ الهدن

ميته ولا اشوف اني غيري بعين الكافل
نبله تصير أمچاني وانا ادري ما قابل

يا يمه من جروحي شابت ب الهم روحي
ماَبطّل من نوحي ونيــــين
_______________________________


يمة بدفعة بابچ موجودين احبابچ
بس انه بالهيمه احــــير

حيدر يمچ حاضر بس انا بالعاشر
ابقه ابلاية اخواني شــصير

يمه | هم نفس الهده ولية اعلة أخيمنه
ردولي نفس المشهد
واني | اصرخ مرعوبه وين اهل الغيره
فزعولي شو محد هد


والكسرو ضلع امي كسرو ضلع حسيني
يا نوحي و يا همي ما بطلت اونيني

يا دمعات عيوني نيران اعله جفوني
ع الراحو عافوني ونيــــين
____________________

ضلعچ بي طف ثاني عايشته بأحزاني
كلهن فوگ متوني عــــذاب

فوگ جروحچ يمه نار و خيمه و هضمه
الله يساعد گلبي مصــــاب

يمه | هم نفس السطره ردت لعيالي
يا حالي بهذا المنظر
هظمه | ملعب خياله علة حسين الغالي
تبرالي جيمان الشر

هضمه تشوف الزهره ضلع حسين مَكسر
خيل اتدوس بصدره ومذبوح من المنحر

ركضات الخياله شمسويات بحاله
يا صرخات عياله ونـــيـن
_______________

چم هضمة وچم لوعه من ضلعج و ضلوعه
الله يساعد گلبي جريــــح

عصرة باب بفكري نار الخيمة بصدري
وهذا حسين گبالي ذبـــــيح

يمه | زينب متعوبه همكم كاتلني
ذابحني گلبي مكسر

لوعة | چن دفعة بابچ زينب دفعوهه
جتفوهه وي الخدر

نار الخيمه التسعر ما تطفه أبدلالي
غربه ونوح ومنحر ودعت شجم غالي

راحت زلمي الكلفه يا ناري الما تطفه
وسفه تجر بوسفه ونيـــــين

__________________
راحو كلهم مني ضليت انا بحزني
مشتاگات عيوني ه‍لــــي

كون ترد اللمه وحَسين يرد ل أمه
نلتم كلنه و حاضر علــــي

يمه | حسرات گليبي بَچت چم ناگه
مشتاگه لذيچ اللمه

أرجع | بعيون الكافل واشتم انفاسه
بأحساسه محله الشمه

تلتم سبحة فاطم يم حيــدرنه الخيمه
مو تگطعهه الوادم واتطش فوگ الهيمه

اذكر ذيچ ايامي وانظر هسه ايتامي
وانا اسمع گدامي ونـــيــن

___________________________________

#شور_دمعة
#بسمارچ_رد_حافر💔
#ابو_نوح_الكناني
t.center/abonoh1

اللحن👇👇