الناشر غيث اللآمي(للقصائد المنبريه)

#الليالي_الكاظميه

ما سكت ساعه الرضا من نوحه
شاف رگبة والده مجروحه
................
شاف رگبة والده بيها خدش
و صار دمعه اعله الوجن غيث و يرش
و الامام نشال جثمانه بنعش

مو مثل لحسين كثره جروحه
روحه و جيه الحافر داسه
................
صح جبير و مو سهل هذا الحصل
بس أبو السجاد ملموم بوصل
و راسه عن جسمه عمت عيني نفصل

و رگبته گبال النسه مذبوحه
و غارت خيل الصوب خيامه
................
سم جبد موسه ابن جعفر مرد
موش ابن جوشن عله صدره گعد
عالرضا مصيبه و تجي منهه الأشد

كل دقيقه تريد تطلع روحه
مفرغ يلطم فوگ الهامه
................

ماي شارب موسه و گليبه روه
حسين گلبه سهم المثلث حوه
كلهم يصيحون يا طف نينوه

عفتي دمعه اعله الوجن مسفوحه
و اسبيتي العلويه سبايه
................

الكاظم تغسل حمل جسمه نعش
و ابنه فوگ الكبر ماي الورد رش
و جسم ابو السجاد بالخيل انفرش

و جثته فوگ الرمل مطروحه
و جسمه يتادي الي يدفنونه
................
كلها ثارات و مصيبهم جرح
بين سم و ناگه لو طعنة رمح
تساوه ليل الكاظم بذاك الصبح

و حسره شمس الله الامام تلوحه
بالگيد اتهدم كل حيله
................
#الحمد_لله_على_نعمة_الحسين
✍️ الاقل زين العــابدين السعدي

#الليالي_الكاظميه

مسجون انه و ما ابچي كمت الحالي
و مأمــن بــداري و أمــــان عيــــالي

صح القيود بإيدي ... بس بسلامه وليدي



صح صعب حالي و قيودي موتن جدامي
لجن ما عطشان جبدي و حرگوا اخيامي
لو أريد الماي اروه ما اضــــــل ضـامـــي
و مو بدوسة حافر الــهم مـاتــن احلامي

صح حالتي صعبه و صعب موضوعي
لاجن حــوافر ما اجـــت لضـــــلوعي

يا ونتي اي زيدي ... بس بسلامه وليدي



صح گصه الظالم عليه و بسجون السندي
لكن بسهم المثلث مـــا تفـــطر جـــــــبدي
لو ردت انهيلي صفحه بألف صفـحه ابدي
اه من طف المصـــايب قطع ســوت جدي

آه و تطشر كــل مچان شويه
و ما عندي مثله مسلبين بنيه

و اسمه صبح تجويدي ... بس بسلامه وليدي



عــذبوني بالــسلاسل و شثــــگلهن جـــانن
بس عله ثگـــل الحوافر قِله هــنه و هـــانن
رسوم ابو السجاد بالطف من سحگهن راحن
ريــت و بـدالك يجــدي اعــليه كلهن طاحن

حته من اموت او حسره ضلت بيه
زينب الامــيره امــــسلبه و مسبيه؟

و صار الدمع تعويدي ... بس بسلامه وليدي



انه عندي السندي ضالم همه ابن مرجانه
الضربه من سَلّاب ليهم و انه من سـجانه
و الذبــح و الســم عــلينه اذنــــــوا آذانه
و السبي العماتي بالطف حيل و الله أذانه

و جرح البدن بسنين يبره و يشفه
و نار الســبي ما تبـــرد و ما تطفه

و الموت اصبح عيدي ... بس بسلامه وليدي


كـــلنه نبــچي عالســبوهن للــــغرب بالكوفه
و ستر رب الكون مخفي و صار كلهه تشوفه
زينـــب المحد نضـــرهه بـــس اسم معروفه
آه يــا جــرح الســبايه بـــله يـــاهو يــروفه

ما مش جرح مثل الحسين و اله
الماشن اخوهن ماشن الخياله

و حز بالسلاسل جيدي ... بس بسلامه وليدي

#الحمد_لله_على_نعمة_الحسـين
✍️ الأقل زين العابدين الســعدي