الناشر غيث اللآمي(للقصائد المنبريه)

#الليالي_الكاظميه

ما سكت ساعه الرضا من نوحه
شاف رگبة والده مجروحه
................
شاف رگبة والده بيها خدش
و صار دمعه اعله الوجن غيث و يرش
و الامام نشال جثمانه بنعش

مو مثل لحسين كثره جروحه
روحه و جيه الحافر داسه
................
صح جبير و مو سهل هذا الحصل
بس أبو السجاد ملموم بوصل
و راسه عن جسمه عمت عيني نفصل

و رگبته گبال النسه مذبوحه
و غارت خيل الصوب خيامه
................
سم جبد موسه ابن جعفر مرد
موش ابن جوشن عله صدره گعد
عالرضا مصيبه و تجي منهه الأشد

كل دقيقه تريد تطلع روحه
مفرغ يلطم فوگ الهامه
................

ماي شارب موسه و گليبه روه
حسين گلبه سهم المثلث حوه
كلهم يصيحون يا طف نينوه

عفتي دمعه اعله الوجن مسفوحه
و اسبيتي العلويه سبايه
................

الكاظم تغسل حمل جسمه نعش
و ابنه فوگ الكبر ماي الورد رش
و جسم ابو السجاد بالخيل انفرش

و جثته فوگ الرمل مطروحه
و جسمه يتادي الي يدفنونه
................
كلها ثارات و مصيبهم جرح
بين سم و ناگه لو طعنة رمح
تساوه ليل الكاظم بذاك الصبح

و حسره شمس الله الامام تلوحه
بالگيد اتهدم كل حيله
................
#الحمد_لله_على_نعمة_الحسين
✍️ الاقل زين العــابدين السعدي

نجدد عهدنه للزجيه … نسعي زحف للكاظميه

نجدد هاي الطاعه نأديهه وجب
و نبجي مصاب الكاظم لا مو مستحب
و حب ابناء الزهره عالشيعي انكتب
الما حبكم بالتالي توفيقه نسلب

و يضل يعاني للمنيه … نسعي زحف للكاظميه

طاعتنه الزياره و الحب الصدگ
هذا ابسط ما ننطي من اجل العشگ
واحدنه ما يلطم صدره يختنگ
صرنه بهاي الخدمه نذوب و نحترك

و الخدمه رحمه مو أذيه … نسعي زحف للكاظميه

و احنه امصاب الكاظم ما ننسا فرض
ما ننسه حبل الله النازل للارض
هذا قران الله و للباطل رفض
حته بسجنه و همه الأرشاد الوعض

نحيه و نموت بهالقضيه … نسعي زحف للكاظميه


و الله مصاب الكاظم ما ننسه و نمل
و بمجلس تعزيته يلتم الشمل
ما ردنه من الخدمه بس حبل الوصل
و نحس هاي الخدمه درب الله العدل

درب الهدايه الفاطميه … نسعي زحف للكاظميه

و الله هاي النعمه سيدة النعم
هنياله كل واحد للكاظم خدم
و اليتعنه يخدمه لذنوبه هدم
و باجر يوم المحشر مرتاح و سلم

و بچفوفه شايلهه الهويه … نسعي زحف للكاظميه

#الحمد_لله_على_نعمة_الحسين
✍️ الأقل زين العابديــن السعدي

#الليالي_الفاطميه

و ينج ... صاحت زينب بدمع المصيبه
وينج .... يالرحتي و بلا حضنج غريبه

الفارك امه شله بعمره
لو ميته انه كبل الزهره

………………………………………………… 1

المحنه و الونه انيسي و الحزن خطاري
مو ثلث تيام يبقه العمر كله بداري
يمه ما مشتاگه ليه شو نسيتي اخباري
زمزم دموعي ييمه ما گطع ضل جاري

روحي ... ترفه و غيبتج تصعب عليهه
روحي ... بعدج آ يروحي شلي بيهه

بعيني ضلت بعدج جمره
لو ميته انه كبل الزهره

…………………………………………………2

عايش ابلا روح و الله الفاركج يالعافيه
الدنيه من دونج يملحه احس كلش فاهيه
جنت اغفه انه اعله صوتج يم سوالف دافيه
يعني نمتي يالزجيه و عيني ابد ما غافيه

نامي .... و خلي يم حسن حزنج عليه
نامي .... و انه ابقه اون و اصفج بديه

حولي بدالج ليه السطره
لو ميته انه كبل الزهره

………………………………………………… 3

عمري مو مالت وداعج آ يفتشة عيني
ما شفت واحد مثيلج بهاي خمس اسنيني
حالي عگبج جني عميه وياهو اليدليني
لو زعلت انه بغيابج دمعتي ترضيني

ارضه ... بس لمن اشمن يمه عطرج
ارضه ... لو انطي عمر يمه اعله عمرج

الكسره بفكدج اعظم كسره
لو ميته انه كبل الزهره

…………………………………………………4

شكد مصايب صعبه بيه و الحزن جتالي
يساعد الله گلبه كلمن بالكبر ظم غالي
يلتفت خالي مجانه و كلشي وياه خالي
و انه عكبج يالزجيه النايحه تبرالي

ابجي ... كل سنيني بس ردي اليه
ابجي .... داري موحشه و ظلمه عليه

الفارك مثلج حدب ظهره
لو ميته انه كبل الزهره

…………………………………………………5

الفاركج يمي الزجيه ليل كل ايامه
تحضرت عكبج يزهره للسبي و آلامه
حسين من هسه يخيط للطفوف خيامه
بعيني كفالي اشوفه و عمد خاسف هامه

روحي ... وتركيها الطفوف انه بمكانج
روحي ... لاچن ما شبعنه من حنانج

كسر المثلج ياهو ايجبره
لو ميته انه كبل الزهره

…………………………………………………

#الحمد_لله_على_نعمة_الحسين
✍️ | الأقل زين العابدين السعدي

#الليالي_الفاطميه

ضلعي و لا ضلعج ... و دمعي و لا دمعج
معقوله ما اسمعج ... يم الحسن

………………………………………………………… 1

ياللي صوتج نسمه و تبرد الگلب
عكبچ انه الدار ليها شلون اطب
ريت بيه السطره و انه الأنضرب
لاچن انتي و الله ما اگدر صعب

يصعب علي أمرج ... و ضل منحني ظهرج
ديري إلي كسرج ...... يم الحسن

………………………………………………………… 2

لو كمت ارد امشي عن گبرج اروح
و الله ماكدر اعوفج مالي روح
رحتي لاجن عفتي بيه شگد جروح
بدال داري الگاع من عطرج تفوج

يالضمتج تربه .... زينب تره بغربه
حسين انكسر گلبه ... يم الحسن

………………………………………………………… 3

عفت گلبي فوك التراب و مشيت
تراب گبرج من دمع عيني سگيت
بدال ماي الورد دمعاتي بجيت
من لفيت الدار خل احچي شلگيت

زينب عله بابج .... بجف حاضنه ثيابج
جا منهو لاحبابج ... يم الحسن

…………………………………………………………4

انه صح موجود و حسين و حسن
لاجن الام وطن للماله وطن
الماتت امه حيل يآذيه الزمن
يعني احسله لون يمها ندفن

الطفله تريد امها .... لو دنيه تهضمها
تحضنها و تضمها ... يم الحسن

…………………………………………………………5

اليفگد امه يعيش جن فاگد ضوه
العينه عميه هوه و المامش سوه
يتمانه فراگچ و چفنه انلوه
ما يطيب اللي بفگد امه نجوه

جرحه ولا يشفه ... الامه بترب تغفه
شو كومي يالعفه .... ... يم الحسن
…………………………………………………………

#الحمد_لله_على_نعمة_الحسين
✍️:: الاقل زين العابدين السعدي

#الفاطميه

أحضر عزائج … يم حسن وفقيني

::::::::::::::::::::::::::

الدنيه خنگـه و مجلسچ نـسـمة هوه
و مـن أتـركـه انـه و الــمــيــت سـوه
يشهد الله گـــــــلبي بـس حبچ حوه
الدنيه ضلمه و مجلسچ بـيهه الضوه

غـــــــير العـزيه … الله لا ينطيني
احضر عزائج … يم حسن وفقيني

::::::::::::::::::::::::::

للـمــجــالس يعـتني گبلي الگلب
و أوصـــلها لون تلـــــگاني حرب
بداري هيج ارتاح لمن بيهه اطب
و عن داياري افترگ كلش صعب

شكــراً يزهره … خـادم تـــخــليني
احضر عزائج … يم حسن وفقيني

::::::::::::::::::::::::::

و الله أفــضالچ عَلَــي مــا تنحسب
و انتي سألي گلبي بالله المن تحب
راح يسرع و النبــض بي يـضطرب
و فوگه اسمچ و الله تلكي مـنكتب

و عطر المجالس … هوه المغذيني
احضر عزائج … يم حسن وفقيني

::::::::::::::::::::::::::

عـالـمي دمـع و مـجــالـس عالمي
و كل هوانه الي نشــمه فــاطــمي
افدي الج يم الحسن مالي و دمي
الما رضوا كون الله يعميهم عـمي

لو ما بچـتلچ … الله يـــاخذ عيني
احضر عزائج … يم حسن وفقيني

::::::::::::::::::::::::::

بروحي شرّاي المجالس مشتره
و اللــطم اعظم تجاره و نـادره
الرايد اهـنانه البـضاعه الفاخره
تضل تنفـعه بدنيـته و بـالآخره

هاي المجالس … بـيتي الـــيآويني
احضر عزائج … يم حسن وفقيني

::::::::::::::::::::::::::

#الحمد_لله_على_نعمة_الحسين_ع
✍️الأقل زين العابدين السعدي

#الفاطميه

وفــقينه وفقينه الهاي المجالس
حسبينه و سجلينه من العوابس

…………………………

مجلــسچ خــيمه و ترد بينه الفجيعه
و من يمر ضلعج تضج بينـه الوسيعه
و لو ذكرنه المحسن و طف و شريعه
الدمعــه تنــزل و الحــزن بينه تذيعه

نبجيلج نبجيلج اي عدنه واهس
حسبينه و سـجلينه مـن العوابس

…………………………

خـيمتچ ضـلت بـعـد ويــن الســقيفه
من الشجر طاح الورگ من رد خريفه
و كــل يـمين الّلي تـضدّچ مو نضيفه
اي نعــم مشــمول حتــه لـــو خليفه

يحضرولج احبابج چنهم نوارس
حسبينه و سجلينه من العوابس

…………………………


مجلسچ خيمه الجبيره اللي تلمنه
المنا بجالچ ما نـحسبه مإن زلمنه
اي يزهره بس رضـاتج هيه همنه
ما نزل بسمچ يضل شامخ علمنه

و بحبكم احنه اول و بلا منافس
حسبينه و سجلينه من العوابس

…………………………

الدمعه لمصابچ غـداً تصبح علامه
يوم يأتي يأتي كُل فوجٍ في أمامه
الما بچالچ مـا تنــفعه كــــل ندامه
و الــخــدم ليكم جنـان الله مقامه

و الدمعه المرضاتج من النفائس
حسبينه و سجلينه من العوابس

…………………………


الما يخدمچ و الله خاسرهه التجاره
و اليخدمـچ بالحشر يـــلگه انتصاره
و الله هنــيــاله الگصــدلچ للـــزياره
بگــلــب كل شيعي الچ گبه و مـناره

جبريلج يم كلبه يلگـونه حارس
حسبينه و سجلينه من العوابس

…………………………

باچر الـمهدي يـجي و نگـــلبهه ثــوره
و الهشم صدرج نطلعه و ندمي صدره
و من دم ال سعود نصبغ كـــاع حمـره
ما بــرد ثارج تــضل ما تطــــفه جمره

نرجعهه ثاراتــچ ويــانه فــارس
حسبينه و سجلينه من العوابس

…………………………

#الحمد_لله_على_نعمة_الحسين_ع
✍️ الأقل زين الــعابديــن الســعدي

#الليالي_الفاطميه

و ينج ... صاحت زينب بدمع المصيبه
وينج .... يالرحتي و بلا حضنج غريبه

الفارك امه شله بعمره
لو ميته انه كبل الزهره

………………………………………………… 1

المحنه و الونه انيسي و الحزن خطاري
مو ثلث تيام يبقه العمر كله بداري
يمه ما مشتاگه ليه شو نسيتي اخباري
زمزم دموعي ييمه ما گطع ضل جاري

روحي ... ترفه و غيبتج تصعب عليهه
روحي ... بعدج آ يروحي شلي بيهه

بعيني ضلت بعدج جمره
لو ميته انه كبل الزهره

…………………………………………………2

عايش ابلا روح و الله الفاركج يالعافيه
الدنيه من دونج يملحه احس كلش فاهيه
جنت اغفه انه اعله صوتج يم سوالف دافيه
يعني نمتي يالزجيه و عيني ابد ما غافيه

نامي .... و خلي يم حسن حزنج عليه
نامي .... و انه ابقه اون و اصفج بديه

حولي بدالج ليه السطره
لو ميته انه كبل الزهره

………………………………………………… 3

عمري مو مالت وداعج آ يفتشة عيني
ما شفت واحد مثيلج بهاي خمس اسنيني
حالي عگبج جني عميه وياهو اليدليني
لو زعلت انه بغيابج دمعتي ترضيني

ارضه ... بس لمن اشمن يمه عطرج
ارضه ... لو انطي عمر يمه اعله عمرج

الكسره بفكدج اعظم كسره
لو ميته انه كبل الزهره

…………………………………………………4

شكد مصايب صعبه بيه و الحزن جتالي
يساعد الله گلبه كلمن بالكبر ظم غالي
يلتفت خالي مجانه و كلشي وياه خالي
و انه عكبج يالزجيه النايحه تبرالي

ابجي ... كل سنيني بس ردي اليه
ابجي .... داري موحشه و ظلمه عليه

الفارك مثلج حدب ظهره
لو ميته انه كبل الزهره

…………………………………………………5

الفاركج يمي الزجيه ليل كل ايامه
تحضرت عكبج يزهره للسبي و آلامه
حسين من هسه يخيط للطفوف خيامه
بعيني كفالي اشوفه و عمد خاسف هامه

روحي ... وتركيها الطفوف انه بمكانج
روحي ... لاچن ما شبعنه من حنانج

كسر المثلج ياهو ايجبره
لو ميته انه كبل الزهره

…………………………………………………

#الحمد_لله_على_نعمة_الحسين
✍️ | الأقل زين العابدين السعدي

#الليالي_الفاطميه

ضلعي و لا ضلعج ... و دمعي و لا دمعج
معقوله ما اسمعج ... يم الحسن

………………………………………………………… 1

ياللي صوتج نسمه و تبرد الگلب
عكبچ انه الدار ليها شلون اطب
ريت بيه السطره و انه الأنضرب
لاچن انتي و الله ما اگدر صعب

يصعب علي أمرج ... و ضل منحني ظهرج
ديري إلي كسرج ...... يم الحسن

………………………………………………………… 2

لو كمت ارد امشي عن گبرج اروح
و الله ماكدر اعوفج مالي روح
رحتي لاجن عفتي بيه شگد جروح
بدال داري الگاع من عطرج تفوج

يالضمتج تربه .... زينب تره بغربه
حسين انكسر گلبه ... يم الحسن

………………………………………………………… 3

عفت گلبي فوك التراب و مشيت
تراب گبرج من دمع عيني سگيت
بدال ماي الورد دمعاتي بجيت
من لفيت الدار خل احچي شلگيت

زينب عله بابج .... بجف حاضنه ثيابج
جا منهو لاحبابج ... يم الحسن

…………………………………………………………4

انه صح موجود و حسين و حسن
لاجن الام وطن للماله وطن
الماتت امه حيل يآذيه الزمن
يعني احسله لون يمها ندفن

الطفله تريد امها .... لو دنيه تهضمها
تحضنها و تضمها ... يم الحسن

…………………………………………………………5

اليفگد امه يعيش جن فاگد ضوه
العينه عميه هوه و المامش سوه
يتمانه فراگچ و چفنه انلوه
ما يطيب اللي بفگد امه نجوه

جرحه ولا يشفه ... الامه بترب تغفه
شو كومي يالعفه .... ... يم الحسن
…………………………………………………………

#الحمد_لله_على_نعمة_الحسين
✍️:: الاقل زين العابدين السعدي

#نزله_فاطميه

.............................................

يا زهراء ...... يا زهراء
يا زهراء ...... يا زهراء

.............................................1

للموت .... و نصيح .... نبقه للزهره خدم
عدلين ... ميتن ..... نصيح هيه ام النعم

كلنه خدمهه بدمنه تجري الزهره
لمتنه خيمه و احنه بيها الفقره
بينه اليعزب و الكتب و اليقره
ما ردنه بس من الزجيه النضره

نظرتها تعدل كل ميله

يا زهراء ...... يا زهراء

............................................. 2


الزهراء ..... آيات .... نازله من السمه
اليعيش .... و يموت .... نياله اذا يم فاطمه

عونه كلمن يمهه تگضي سنينه
وين البشر هذا الخدمهه ووينه
بالخدمه وهناكه يكحل عينه
مو بسمه (خادم فاطمه) مسمينه

و اليخدمها اهواي امدلل

يا زهراء ...... يا زهراء

.............................................3


كل هاي .... السنين ..... بلايه خدمتها تعب
خدام .... و والله ..... شفنه بالخدمه العجب

يبره المريض اللي حضر للمجلس
بي حوبه الينضف عزاء و يكنس
نعمه لجن بالنعمه قله التحس
يعرفها بس عطر العزه المتنفس

و عطر المجلس عطر الزهره

يا زهراء ...... يا زهراء

............................................. 4


ما خاب ..... و الله .... كلمن بحاجه گصد
تنطيه ..... و تشفيه .... و هذا للحبها وعد

گلب الزجيه شكبره ابو الحنيه
الشويه يمها ما تضل شويه
عدهه اهم شي بالخدامه النيه
و الصعبه يم ام الحسن مكضيه

يا صعبه و موجوده الزهره

يا زهراء ...... يا زهراء

............................................. 5



شيخه ........ الزهراء ...... و بيها يتباها الفلك
و حبها ........ واجب ...... الما يحب حتما هلك

هيه السراط يعبره بس الخادم
و الما خدم عض الأصابع نادم
مدلل يضل و الله العليها لاطم
هذا بجزائه بس إلاهه العالم

يفرح باجر يوم الحسره
يا زهراء ...... يا زهراء

.............................................

#الحمد_لله_على_نعمة_الحسين
✍️ | الاقل زين العابدين السعدي

#عكيلي_فاطمي

يتمنه فراگج يالزهره

............................................. 1

ماتمن عشرين اسنينج
وين تراب البين و ينج
جنة الله شفنه ابعينج

و عينج من سطرتهم حمره

.............................................2

يا شمعة و نور تضوينه
معقوله بظلمه تخلينه
عگبچ يا ماي اليروينه

الهل كسره ما توصل كسره
يتمنه فراگج يالزهره

.............................................3

الخبزه شگد طيبه من اجفوفج
وده الله جبريله يطوفج
تحرس عالاكوان احروفج

و تالي بعينج ضلت سطره
يتمنه فراگج يالزهره

.............................................4


مو بس ولدج يتم بعلج
يا خيمه تفيين الأهلج
كاتل جم حجه اللي يكتلج

باجر وحده يحير بأمره
يتمنه فراگج يالزهره

............................................. 5

غايب كلشي ابيوم غيابج
يوميه امعاتب وي بابج
و زينب تبچي تشم بثيابچ

الفارگ امه يحدب ظهره
يتمنه فراگج يالزهره

............................................. 6

الفارگ مثلج عاش بوحشه
كبلچ يطلع احسن نعشه
دمع اعيونه فراش يفرشه

ماكو بس معبود ايصبره
يتمنه فراگج يالزهره

.............................................

#الحمد_لله_على_نعمة_الحسين
✍️ | الأقل زين العابدين السعدي

#فاطميه_نزله

يا زهراء … گلبي هتف و لساني
يا زهراء … بيچ اكتمل إيماني

1
راح احجي البگليبي و اشرح هالأمر
و اعوامي لعيونچ ناذرهن نذر
من أولهه سنيني و الحد الگبر
ما عوفج يالزهره الثارج منتظر

يا زهراء … و اسمج يضل عنواني
يا زهراء … بيچ اكتمل إيماني


2
الما فاهم تأويلج يا ركن المجد
يشبه واحد صله ما قاري الحمد
و الغصبولج حقج بالنار الخد
و و لوليدج بجفوفه ثاراتچ ترد

يا زهراء … و اسمج عله بيباني
يا زهراء … بيچ اكتمل إيماني


3
ما حبچ حب عادي حب ام و إبن
و ضلوعي و ضلوعچ كسرتها الوان
لو امي المتصوبه ما أبجي و أون
و انتي اغله من امي يا ام الحزن


يا زهراء … تبقه الج احزاني
يا زهراء … بيچ اكتمل إيماني


4
واجب أصبح لجلج ابجي هالدمع
و اتمنه من لطمي اكسرلي ضلع
يا وسفه و بالحايط طفوه الشمع
و الورده شگد ترفه مو مالت دفع

يا زهراء … ألعن أضل بالثاني
يا زهراء … بيچ اكتمل إيماني


5
نحضر احنه المجلس منهاب الخطر
و ما بين اللطامه المهدي المنتظر
و يشوف الي يقره و يشوف الحضر
و اليحضه بنظراته ما يدخل سقر

يا زهراء … ذكرج ذكر قراني
يا زهراء … بيچ اكتمل إيماني

6
انعاهد يالزهره نبقالج ولد
و عن دربج و حسينج لا ما نبتعد
وفقينه للخدمه و للمجلس نرد
و لو ما ماي الدنيه ميضل الورد

يا زهراء … انتِ اول بلا ثاني
يا زهراء … بيچ اكتمل إيماني


#الحمد_لله_على_نعمة_الحسين
✍️ | الأقل زين العابدين السعدي

#نزله_فاطميه

عدلين ميتين نخدم فاطمه

......................................... 1

نخدم الزهره و نفاخر بيها كلنه
و الزجيه هيه ابونه و هيه امنه
ما نمل من اللطم واجب لطمنه

و سنين و سنين نخدم فاطمه
عدلين ميتين نخدم فاطمه

......................................... 2

نخدم الزهره و نفاخر بالزجيه
لو لطمنه بي اذيه نريد اذيه
و اليحب لازم يوفي للمنيه

عالعين عالعين نخدم فاطمه
عدلين ميتين نخدم فاطمه

......................................... 3

نخدم الزهره و عشگنه ليها و اجب
و العقيده واجب اعليها نحارب
و للزجيه باجر تروح المواكب

كل حين و حسين نخدم فاطمه
عدلين ميتين نخدم فاطمه

.........................................4

ليها و الله افضال عالوادم جبيره
نسأل ننشاد تجاوب يا أميره
بالله هم گضت عمر فوك الحصيره

و نفوز دارين نخدم فاطمه
عدلين ميتين نخدم فاطمه

......................................... 5

نفتخر احنه خدمهه بكل عزيه
و نلطم اعله الزهره كل صبح و مسيه
و ابد ما ننسه مصاب الغاضريه

و الخير ضعفين نخدم فاطمه
عدلين ميتين نخدم فاطمه
.........................................

#الحمد_لله_على_نعمة_الحسين
✍️ | الأقل زين العابدين السعدي

#نزله_فاطميه
............................ 1

يامن تريد تنول هالنعمه الچبيره
احضر عزاء الزهره ام شيخ العشيره
و اللي خدمها واضح و ضاهر مصيره
و كلمن يجيها تترس جفوفه الأميره

و دموعه دين بدين ... و ترد اله ضعفين
...... و هنياله اليخدم للزهره .............

............................ 2

الخادم تضل ام الحسن هيه شعاره
و حزن الليالي الفاطميه للغياره
بكلوبهم للطاهره گبه و مناره
و يوميه بي مجلس لطم لو بي زياره

و هنياله اي و الله .... اليخدم صدگ تلگاه
......... لحزن الزهره شد حزامه ............

............................ 3

هنياله لو لمصيبتج تهمل دموعه
يحطج وسط گلبه و يغطيج بضلوعه
يترقب اهلالج يجي و ينطر طلوعه
و لجلج يضل طول الدهر بگليبه لوعه

يومج مثل عاشور ... بي محسن المنحور
.......... و ما تخمد ابداً نيرانه .............

............................4

الخادم الج ممنون جبتي للعزيه
ويدري الحضور بدعوه منج يالزجيه
يخلص عزاء يكلها ممنونه يديه
تستاهل الزهره اللطم ماكو اذيه

دام التعب مضمون ... فدوه الها ذن العيون
............ فدوه عيوني لعين الزهره ..........

............................ 5

يصرخ يحبج يسري وي مسره دمائي
بدم الوريد موقع و يبقه ولائي
نص دمي زهرائي و بعد نص كربلائي
و يبقه لحد يوم الحشر دمعي و رثائي

يشهد عَلَي الله ... حزنج ولا انساه
.... الحركو دارج حركو داري .....

............................6

الضدج يضل وخلي عدوانه يفيده
يقدم يأخر .. ؟ خل يسوي شنهو بيديه
بعد الله وجه ام الحسن يبقه التريده
مو ميته مقتوله الزجيه اول شهيده

و الستشهدو احياء ... و أولهم الزهراء
..... و آيات الباري بالشاهد .............

............................

#الحمد_لله_على_نعمة_الحسين
✍️ | الاقل زين العابدين السعدي

#رئيسيه_فاطميه


ها يباب امي الزجيه
أسألج ردي عليه

آنه اسألج رايده منچ خُبَر
صدك ضلع الوالده بيج انكسر

كلميني … كلميني

.................................................. 1

امي عمر الورده هيه … ما اصدك بيهه ميته
لينه جانت هيه خيمه … و للنبي روحه بدنيته
اليفگد امه يضل يعاني … و يبقه يتنطر منيته
يشبه المعميه عينه … و ضايعه من ايده تجيته

ها يبابي و شنهو حالي
حضن امي ما صفالي

و دمعي ليهه خله بجفوني اثر
صدك ضلع الوالده بيج انكسر

.................................................. 2

امي بيهه شارد اسولف … رحمة الله كلهه بيهه
ليش اشوفنه دمعهه … ليا سبب امي بجيهه
اليعاشر امي و الله … يعرف الملحه بحجيهه
لو اجيهه و انه خايف … ليه تفتحهن اديهه

دهري شو غير وضعهه
لو اجي تلزم ضلعهه

الله لا ينطي الاجه و خدهه سطر
صدك ضلع الوالده بيج انكسر

.................................................. 3

فارغ مجان الزجيه … و گلبي من امجانه شالع
يا هو هذا الي اجالج … و ثگلج اعله الزهره دافع
عالعرش يعني تعدوا … و حولوا اولهه رابع
الهادي مو وصه وصيه … كل فرد من ذوله سامع


الله لا ينطي التعده
و خله جوه التربه ورده

و انه عگب الزهره من مُر الأمر
صدك ضلع الوالده بيج انكسر

.................................................. 4

راحت امي و كل دلالي … رايح بشيلة نعشهه
و الحمامه تضل غريبه … لو تهدم. منهه عشهه
مو فرش افرشهه كاعي … من دموعي يصح فرشهه
و ماي ما رشن گبرهه … من دمع عيني ارشهه

الراحت امه يضل يعاني
و بس الملاگه يتاني

و انه الكسري بفاطمه محد جبر
صدك ضلع الوالده بيج انكسر

.................................................. 5

امي ميته و المنيه … بعيني كل مغرب شفتهه
الفرحه وي روح الزجيه … نسمة عذيبي و عفتهه
عندي المصلايه هاذي … بيهه عطر امي حضنتهه
امي ما انساهه لحضه … بگلبي و بعيني شلتهه

و جرحي ما يحصل طبيبه
و من عگب امي غريبه

بالله شنهو الوالده منهه الصدر
صدك ضلع الوالده بيج انكسر

..................................................

#الحمد_لله_على_نعمة_الحسين
✍️ الاقل زين العابدين السعدي

#نزله_فاطميه

نظرينه يا فاطمه
سجلينه يا فاطمه
………………………… 1

احنه خدام .... عله الهام ... نحط هذا الاسم
من يسالون .... يسمعون ... يكولون و نعم
و اليخدموج .... مينسوج .... عالو مثل النجم

اسمج اشرف آيه
للسماء امراينه
و النعم من عندج
انتي و الله كفايه


تحضرينه ..... يا فاطمه
سجلينه ....... يا فاطمه

………………………… 2

العرف گال ... و الرجال ... تفاخر بالنسب
و للمجالس .. عوابس ....يفدوها بذهب
و للخدمون .... يعلمون .... درس جون و وهب

علمونه الدمعه
و للمجالس شمعه
التعيش العتره
و احنه نقبل صرعه

تحيينه ..... يا فاطمه
سجلينه ....... يا فاطمه

………………………… 3

العشگ دين .... موالين ... يظل حبنه الأصل
يم الحسين .... و السنين .... تسولف عالفعل
هاي الارواح .... و النياح .... و لا لحضه تمل

و هيه بيها الثمره
خدمتج يالزهره
و الخدم يتفاخر
حضه و الله شكبره

تقدرينه ..... يا فاطمه
سجلينه ....... يا فاطمه

………………………… 4

نفدي الج روح ... بالجروح ... نفاخر يم حسن
و ام البنين .... نگر عين .... نلاوي للزمن
و المجالس .... مدارس ... تظم حمزه و وطن

خيمه النه و آيه
للدمع شرايه
حته ذاك الشاطي
عزباها بمايه

قبلينه ..... يا فاطمه
سجلينه ....... يا فاطمه

………………………… 5

طول الشهور .... كـ عاشور .... نكون برحمتج
يم الاحرار .... الخلق صار .... الج و العترتج
و اليحبون ..... يكولون .... فده احنه الدمعتج

و الدموعج هايه
نسوي ليها اقرايه
نبني باجر حضره
و نمشي الج مشايه

ايدينه ..... يا فاطمه
سجلينه ....... يا فاطمه

…………………………

#الحمد_لله_على_نعمة_الحسين
✍️ الأقل زين العابدين السعدي

#أبوذيه_فاطميه

………………………… 1

قِله أحنه و حضن امنه ... يتمنه
صعب ما ينحمل و الله ... يتمنه
نسأل فضه يا فضه .... يت امنه

و تجاوب ايسو من شوف الزجيه

………………………… 2

الدمعه عيونّه أبداً ... ما تملهه
و عله الباب و نصبنه … ما تملهه
عمر عشرين امنه … ما تملهه

و سگاها الباب من كاس المنيه

………………………… 3

الظالم وسفه عين امي … طفلهه
طاحت هيه و گبالي … طفلهه
بعد راحت لجن يبقه … طف الهه

و اسد مجانهه و اشكف بديه

………………………… 4

اشوف الدنيه ضلت … خله بيهه
و امانه و جم وصيه … خله ابيها
ضلم الثاني فاطم … خله بيها

كسر منه تون حد المنيه

…………………………5

بعد محد يحس زينب … بألمهه
وسف و بنص بحر غارگ … بلمهه
تشوف البيت صار أظلم … بلا أمهه

و تحضرت للسبي و سياط اميه

…………………………

#الحمد_لله_على_نعمة_الحسين
✍️ الاقل زين العابدين السعدي

ميمر - الفاطميه


يم الحسن و بكل عام
خــدام الــــــج تلكينه

.............................................................1

ما عدنه غيرچ يم حسن شيلة راس
و چف الطملچ طاهر تقدسه الناس
لابد لطملچ لو بجالچ عباس

و لمن لطملچ عباس
تخلد ذكــــر چـفينه

.............................................................2

تخلد ذكر كلمن يخدمج ضل نور
لحسين عاشور و الج جم عاشور
بيهن مدامع بالجفن ضل ناطور

عاشورج و طف و ضلوع
منــــــهن و لا مـــــــلينه

.............................................................3

نذب الگلب منذب ملابسنه السود
هاذي امانه نحطها بيد الموعود
قصرنه لاجنه نقدم الموجود

يا فاطمه من التقصير
نتعذر و عذرينه

.............................................................4

الله يحبنه و نبجي گمنه مصابج
يوم القيامه الفائزين احبابج
ما خاب و الله الگصد يم بابج

باب الله باب الزهراء
شنطلب بعد ينطينه

............................................................. 5

حضنه و بختنه بالمدامع و الآه
ما نبتعد عنج ابد لا و الله
نورج يزهره ربنه لمن سواه

سوانه خدام النور
خالقنه الج من طينه

.............................................................6

حبج شمس تضوينه نور و خدمه
و الما يحبج واجب اعليه يعمه
جا شني عينه العايش بنص ضلمه

حبج طريق المعبود
واضح ضوه يدلينه

.............................................................

#الحمد_لله_على_نعمة_الحسين
✍️ الأقل زين العابدين السعدي

#الليالي_الفاطميه

نعلن حزنه و العزيه
جايه الليالي الفاطميه

..........

حي عالمدمع عله المنبر سمعنه
و لبه اول واحد و ينزل دمعنه
و كون لجل ام الحسن نكسر ضلعنه

جن عسكر نأدي التحيه
جايه الليالي الفاطميه

..........

شنهو قدمنه نحس تقصير بينه
و الله فضل ام الحسن جازي علينه
هيه مو يمنه لجن ترست ادينه

نبجي عليها بهالمسيه
جايه الليالي الفاطميه
..........




امنه فاطم نعمة الله الماكو منهه
دام امنه واجب اعلينه حزنهه
ليش صار ابنص ضلام اسود دفنهه

انطونه النشد يهل الحميه
جايه الليالي الفاطميه

..........


امنه لو گلنه نفاخر بيها امنه
و ندري بالزهره و لا ترضه بهضمنه
نصيح ما يوگف عله الزهره لطمنه

و الزهره رحمه مو اذيه
جايه الليالي الفاطميه

..........


باجر المهدي يجي و ينشر لوانه
و يم كبر ام الحسن ننصب عزانه
و ذاكه گبر الطاهره حضره بمكانه

و نلعن بني هند و سميه
جايه الليالي الفاطميه

..........

#الحمد_لله_على_نعمة_الحسين
✍️ الاقل زين العابدين السعدي

#الليالي_الفاطميه

جمعي خيم و اخذي عبي
لجل العفاف اتعذبي
من شفتي اديه تحترك
حصة اديج الاجنبي

..........

يا يمه اوصيج و بعد التنفيذ ضل بكيفج
باجر يجيج بكربله و مو زاد رايد ضيفج
رايد عبي و رايد خيم جمعي اله تكليفج
و هناكه يمه الملتقه احضرلج و ما عيفج

خطارج النار التشبب
تنهب خيم ليكم نهب
و الصعبه كلها مجتله
صبري ييمه مطلبي
..........


من شفتي اديه تحرك تلحكها و الله اجفوفج
يكتلون اخوتج بالفله و هضمج يضل ميعوفج
جمعي عبي يم العبي عيونه تسد اليشوفج
و انتي عفيفه و الستر جن حاج الج و يطوفج


الباب اطفيها جنت
و النار حركتني و طحت
و محسن عله الغبره هوه
و گلبي بعلي مسبي سبي

..........

صح انه مسبيه سبي لاجن علي رد سالم
مو مثلج بطف بكربله و بحالج الله العالم
وادم تذبح بأخوتج و تجبل عليكم وادم
تطفي خيم لاجن يضل ما يطفه شمع القاسم

ميت وره الباب الابن
و بدمعتج گلبي يحن
شو بطلي يا يمه الدمع
ما ريده ينظر ناصبي

..........

من شبت النار بحقد حرگتها جذعت بابي
و من بابي يايمه خذت ناراين هاي ثيابي
كمت انه اطفيها بأدي و يعصرني گام ارهابي
و حرت انه ادير الياكتر للنار لو لحجابي


كل هذا يا يمه صعب
بداري لجن مو بالغرب
و يذبح احلامج حرمله
و للعفه گومي و حاربي

..........

تحضري ييمه تحضّري طفج يريد هوايه
أول علامه للتعب لمن تطيح الرايه
يا يمه لو طاح اللوه للهودج انسي فيايه
و انسي ييمه العلگمي ذباح أخيچ مايه

الله يمدج بالصبر
لمن عله خوانج يمر
و تودعيهم عالهزل
صاعد عله الهزله نبي

..........

#الحمد_لله_على_نعمة_الحسين
✍️ الاقل زين العابدين السعدي

#الفاطميه_أبوذيات

مصيبه و ما تصل وحده … لحدهه
امـــي مغـــيبه و ويـــنه … لحدهه
جـــمر البـــاب يا وسـفه … لحدهه

و چواها و خله محسنهه رميه



اشوفن هاذي بابي و … طفي بيهه
و لا ساعه هــجرني … طيفي بيهه
دهاچ اخــذي العبايه … طفي بيهه

لون وجن خيم بالغاضريه

#الحمد_لله_على_نعمة_الحسين_ع
✍️ الأقل زين العابدين السعدي