@ganjine5ا
🌫🌫🌫🌫🌫ا
🌫🌫🌫🌫ا
🌫🌫🌫ا
🌫🌫ا
🌫#دیر_راهبیتیشدی قافله درد و غم کلیسایه
چخوبدی راهب او دم دیریدن تماشایه
ددی نه واردی جهان دیردور فلک ناقوس
که گوش و هوشه یتر آه و ناله و افسوس
گلور نه طبل صداسی نه های و هوی سسی
که ایلر عالمی مبهوت آدمی مایوس
نه گوردی سینه وورار اهل بیت ناله چکر
یتر قولاقینه آواز نی نه نالۀ کوس
نه آه و ناله گوزه شعله شعله اود گورونور
بو آتشی گوره سن یاندوروبدی هانسی مجوس
رئیس سلسله دور بیر امام تشنه جگر
که تار زلفینه بیر اهل سلسله مأنوس
اگر او زلفی دگل رشتۀ نظام جهان
ایدوبدی هر تلی یوز مین گوگل نچون محبوس
مسیح چرخ چهارمده روز و شب دولانور
که بلکه بیر گون آلا خدمتینده اذن جلوس
ایدر خجل لب معجز بیانی عیسانی
گلور نوایه دیر
ای گروه نصرانی
تعجم نجه ناقوس دور دل زینب
دوشوبدی غلغله سی دیر تک کلیسایه
چکوب کمندیله قوم یهود داره منی
تحمل ایلمیشم نسبتیم یوخ عیسایه
دوشر اذیته روحی اولور گونی قاره
اگر بو درد دلیمدن دئسم مسیحایه
زبسکه فرقۀ اسلامی بیوفا گوردوم
امید باغلاموشام زمرۀ نصارایه
او ظلملر که بیزه ایلیوب مسلمانلار
گورونمیوب ایده ترسا او ظلمی ترسایه
او قدر اینجیمیشم امّت پیمبردن
چووورموشم یوزیمی کعبه دن کلیسایه
راهب فغانه گلدی ایدوب دلدن آه و زار
نطقه گلوبدی عرض ایلدی
ای بزرگوار
نطقین فصیح احمد مختارسن نَه سَن؟
حسنون ملیح یوسف بازارسن نَه سَن؟
عیسی غلامدور سنه مریم کنیز دور
سن کائناته سید و سالارسن نَه سَن؟
عیسی گیجه گونوز باشوا دؤر ایدر سنون
سن مرکز بو گنبد دَوّارسن نَه سَن؟
لعلین مسیح وار ویرر مرده جسمه جان
سن باوجود بو ، گینه بیمارسن نَه سَن؟
اهل حرم تمام سنه باغلیوب امید
بو بیر بُؤلوک عیاله پرستارسن نَه سَن؟
محو اولموسان مگر گل روی سکینیه
یا طرّۀ عروسه گرفتارسن نَه سَن؟
عدو او پیردن آلدی مبالغی زر وسیم
امام تشنه لبین باشین ایلدی تسلیم
آلوب او باشی خلاصه او پیر دیرانی
زبسکه واریدی قلبینده نور ایمانی
گتوردی دودۀ آهیندن ائتدی مشک الود
گلاب سپدی اونا اشک چشم گریانی
قویوب حریر سریر اوستونه کلیساده
هزار عزّتیله اول عزیزه مهمانی
گلوب مقابله تعظیم قیلدی عرض ائتدی
فدا اولوم سنه
ای ملک عشق سلطانی
مزیّن اولدی بیزیم کلبۀ محقریمیز
مشرّف ایلموسوز سیز بو کُنج ویرانی
مسیح بو گئجه یردن گوگه چکر منت
غبار آهون اونا وئردی فیض روحانی
مفاخرت نجه ائتمز بهشته صحن کنشت
که رشک حور و قصور ائتدون ارمنستانی
هانی لیاقتی خاک رهونده پای انداز
آچوم ورق ورق انجیلی بلکه قرانی
دگُل جمالون اگر آفتاب عالمتاب
نچون اولوب درو دیوار بیله نورانی
گلوب زیارتیوه جمله انبیای عظام
جمالون ائتدی کلیسانی کعبۀ ثانی
پیمبر امّتی تک ایلمز ارامنه ظلم
بو باره دن بیزه لازمدی شکر یزدانی
نه دینده دور بو نه مذهب که بیله ذلتیله
نه ارمنی نه یهود ئولدورر مسلمانی
بویوردی کعبه منم راهبا کنشت منم
نه فرق ایدر منه دوزخ منم بهشت منم
منیکه صاحب ملکم منه نه زشت و نه خوب
بهار ایچون گول اولار خاریدن مگر مرغوب
ایدن او کافری مسلم بو مسلمی کافر
منم که واردی الیمده همیشه جذب قلوب
جفای شمر ستمگردن اینجیمز گوگلوم
که قیس ایچون سگ لیلا دگل مگر محبوب
اولوبدی بزمینه مطلق وجودیم آرایش
یزید چوبیله ایلر نچون منه سرکوب
جداده یوسفینین باشی مصر شامه گیدر
کنشتی کلبۀ احزان ائدن منم یعقوب
نه اولدی قانینه غلطان منیم کیمی یحیا
نه ائتدی درده تحمل منیم کیمی ایوب
او پیر دیرین او دم قلبی نوریله دولدی
آچولدی پردۀ اسرار اهل کشف اولدی
#شکوهی_مراغه_ای🌫🌫🌫🌫🌫🌫🌫🌫🌫🌫🌫🌫🌫🌫🌫