🌺 نویسنده و ویرایش کننده از : جنابِ آقای حسین علویانی
🌺#حربن_یزید_ریاحی#شکوهی_مراغه_ای گوردی سپاه کینه ائدر عزم کارزار
میدان حیرت ایچره دئدی حر نامدار
بیر طرفده گورورم شعله چکر نار جحیم
بیر طرفده آچلوبدور گل جنات نعیم
بیر طرفده گور ائدر خشک ،گل دینی سموم
بیر طرفده گور آچار غنچه ایمانی نسیم
بیر طرفده گورونور سیر گلستان وفا
بیر طرفده قورولوب دانه و دام و زر و سیم
عاشقانه دیرم ،گاه گئچوم جانیمدن
که سالورقلبیمه یوز دغدغه،شیطان رجیم
آزجه قالدیم که اولام قلزم حیرتده غریق
سن یتیش دادیمه ای خالق رحمان و رحیم
امتحان عاشقنی جانیلن ایلر معشوق
ائتمه بو گونده خجالت منی یارب کریم
بارالها منی تئز ایله بو مظلومه فدا
قورخورام اولمیا قسمت منه بو فیض عظیم
مرحبا باشیمه ای عشق ،گتوردون گینه شور
دوشدی بو ظلمت آرا گوگلمه بیر لمعه نور
جانیمی ترک ایلیوب طالب جانان اولدوم
من ازل کافریدیم ،ایندی مسلمان اولدوم
یاخشی توکدوم یئره بو چولده خس و خاشاکی
طالب سرو و گل و سنبل و ریحان اولدوم
هارداسان ساقی گل چهره ،گوزون قربانی
گَل کی من داخل سرحلقه رندان اولدوم
شکر صد شکر ،بو میخانیه دوشدوی گذریم
بیر قدح نوش قیلوب همدم دستان اولدوم
من هارا بیله سعادت هارا بیر بختیمی گور
ذره دن کمتریدیم ،مهر درخشان اولدوم
باشمه، وه ،نه عجب شور گتوردون ای عشق
یاندروب خرقه نی مجنون کیمی عریان اولدوم
ائتمرم حوری و غلمانه هوس ای واعظ
بو دل آرامه که من عاشق نالان اولدوم
شمشیرین آسدی بوینونا اشک روانیلن
گلدی حضوره سویلدی آه و فغانیلن
درگاهیوه حسین آقا ،عصیان گتورمیشم
روی سیاه و دیده گریان گتورمیشم
بیلدیم که لطف و مرحمتون بیشماریدور
باعث بودور که جرم فراوان گتورمیشم
تقصیریمی گذشت ائله سندیرما گوگلومی
گور التماسه بیر دل نالان گتورمیشم
قورخوتمشام سکینووی چوخدور خجالتیم
عفو ائتگیلن که قلب پریسان گتورمیشم
اول صفحه جمال علی اکبره سنی وئرم قسم شفاعته قران گتورمیشم
دوغرات منی بوگون عملیمون جزاسینه
شاها الیمده خنجر بران گتورمیشم
بیر اوزگه زاده یوخدی گمانیم جنابیوه
ایتسن قبول بیرجه چوروک جان گتورمیشم
بیر عمردور که ایلمیشم بت پرستلیک
آخر نفسده حقه من ایمان گتورمیشم
گلدیم بو رزمگاهه که کسسونله باشیمی
بو خاک پایه جانمی قربان گتورمیشم
گلدیم بو چولده قانمه غلطان اولام بو گون
بو قامتیمی منده زینت میدان گتورمیشم
#حربن_یزید_ریاحی#شکوهی_مراغه_ایالتماس دعای فرج
https://telegram.me/ganjine5