***
Денгизни севасан, гарчи мен
Тўлмайман, тошмайман қошингда.
Кемадек чайқалиб, судралиб
Қирғоққа қайтамиз ҳар тонгда.
Денгизни севасан, гарчи сен
На сувга тушингни айтасан.
Тўлқинлар сингари кўпириб,
Ва яна жимгина қайтасан.
Денгизни севасан, гарчи биз
Денгизга бегона, ғарибмиз.
Олов йўқ, тўфон йўқ, уммон йўқ,
Қарибмиз, севгилим, қарибмиз.
Денгизни севасан, гарчи у
Минг йиллик масофа – бир қасам.
Тоғ бўлдим, саҳроман, тупроқман,
Сен эса денгизни севасан.
Ичикиб, энтикиб, орзиқиб,
Севгининг қадрига етмадик.
Чанқадик, қонмадик, тўймадик,
Кетмадик, денгизга чўкмадик.
©️Дадахон
@dadaxonmuhammadiy
