الشاعر محمد منير المياحي✍️

#محرم_الحرام
الليلة_الخامسة
#شجاعة_مولاي_مسلم_بن_عقيل
____
مسلم شهامة وهالنزل مايرحم الكوفه
ماخذ اطباع المرجلة أمن الكمر عباس
والزلمه اليطگ ينعرف من طگته جفوفه
الرگبه اليطگها تنعوج وإيكسر الراس

شهامة وجف من غضب__تنازل ماتمل
الزلم مثل الفرس__غدت تصهل صهل
ولا حـيـد الـسـلم__وبـقـت عنده رجل
كسر عـظـم الزلم__يـهـد ويـرتـجـل

هذا ابن عم الحسين
واخو الگمر

تارسهه دمهم الكاع__ مسلم طرها نصين
غيرة ومرجله وزود__ماخذ من اخو حسين
_
ابو حميدة لـو وگف اطـول أمن الـرايـة
جتفه يطخ سابع سمه لو صعد عالمهره
راجـل يـدور عـالـزلـم صـطـراته دواية
اليطيح بجفوفه يطلّع ضلعه من ظهره

نزل هيبة علي__ وزلمهه اترادمت
البقى يسحكه الفحل__الشرد اي بي بخت
و لابيهم سـبـع__فوارسـهـه انثنت
نكث جفه ورِگب__يصدهـه اتشمرت

هذا ابن عم الحسين
واخو الگمر

ماكل جفه الازلام__واحد يشبه النار
مسلم جنّه عباس__راسه شماتجي حار
_
واحد لجن نازل غضب الخشوم داساها
ضهضب ومن خزراته فوك الگاع جم شارب
الاسباع جـدام الـبـخـت حـفـاي خـلاهـا
انـا الـفحل مسلم يصيح وعاوج الحاجب

الزلم مـن خزرته__تطيح امجفنه
الحرب تهوى الفطن__الجفوفه امدخنه
انجفو مثل البزر __واجاهم مطحنه
خبط يابس خَضّر__ وصلبها الميمنه

هذا ابن عم الحسين
واخو الگمر

الخزرة وسيفه حلگين__بلعن وادم وخيل
تــل لزينب اهـنـاك__باني أمن المجاتيل
_
زلـمـه يـعـادلـه سـلـف هـنـيـال مـن جـابـه
هـذا ابــن عـمـه اليفتخر ظل بي ابو الاكبر
مسلم عجيد وهزبر ومـن طـب عله الغابه
داس الفوارس واليدوسه ،يـشـلـه،،يـتكسر

جدم ثگله جبل__على العسكر نحس
السحگ وجهه انعوج__ولاظل بي ضرس
اخذ طبع الگمر __ اليلوحه ينخلس
ابو طاهر كلف__شجاع شگد شرس

هذا ابن عم الحسين
واخو الگمر

امفرعه الكوفه واركاض__غرگت بيهه طوفان
الـوادم تـدفـن بـگـاع__ومسلم بالسطح جـان
_
خادم الحسين محمد منير المياحي

#محرم_الحرام_١٤٤٤هـ
#شجاعة_مولاي_مسلم_بن_عقيل_ص
____
هذا مسلم سل حسامه وگام يردم بيهه
انا مـن نسل الهواشم طگتي ما ثنّيهه
الايد يگطعها دخيله لّـون داس اعليهه
الكوفه بأزلام واشاوس مسلم مبجيهه

صال بيهم_طب عليهم_والغضب بلثامه
ماكو زلمه _واليلزمه_ يدوس فوك الهامه

واويلاه دخل مسلم واويلاه دخل مسلم
____
مالت الگاع بدبجته وگوه كضّت ساسهه
جدم مسلم ثگله يكتل جا گلبها لراسهه
حرورت العباس بيده وانجوت من جاسهه
مسلم الكوفه بكبرها بس اهو خلاسهه

كلشي منه_مـا تـدنـه_الگاع والخياله
كلهه رجفت_واللي شردت_مااظن رجاله

واويلاه دخل مسلم واويلاه دخل مسلم
____
الزلمه معروف بوكفته ومن لزمته لسيفه
ومسلم الكضه يمرده ومنه ياخذ حيفه
حته لو بالطيف مسلم يدخل اعليه طيفه
مثل ذبح الغنم بيهم صار يذبح كيفه

واليطگه_بسع يشهگه_وماتطول انفاسه
بيهه غاضب_والشوارب_المايگصه داسه

واويلاه دخل مسلم واويلاه دخل مسلم
____
الزلم ما كفّتّه كـلـهـه گـام يذبح خيلهه
الزلم گامت ما تصيّح عِله صوت صهيلهه
قصة ما مطروقه كلش عالشهامة وجيلهه
بيهه بس مسلم شجاع وهوه صار اكحيلهه

وتعله ايده_واليصيده_الله يرحم روحه
والفوارس_والاشاوس_بنظرته مذبوحه

واويلاه دخل مسلم واويلاه دخل مسلم
____
وين ما وجهه يديره يشوف بس ارگابها
هدلت الكوفه و ثلمهه بيهه بـان اصوابها
مثل هوسه شما يحسهه تبرد اهوا الضابها
امدخنه ما تطفى عرگته و للسمه عطابها

وحيو مسلم_بيهه يردم_وردمته تجويهم
وماكو عطوه_يگوه يگوه_وما مثني بيهم

واويلاه دخل مسلم واويلاه دخل مسلم
____
العركة زلمه تريد حار وكلهه تحجي بفعله
مسلم مسويهه تل أمن الدمه أعله القبله
بين واحد كسر ظهره وبين كاسر رجله
بين ذاك الخفگ وجهه وفره مثل النبله

ومن جفوفه_تصير خوفه_ومحد اتدناها
وعاشك الدم_بيهه ثلّم_بَريّدّه مگفاها

واويلاه دخل مسلم واويلاه دخل مسلم
____
خادم الحسين محمد منير المياحي

#محرم_الحرام
الليلة_الخامسة
#شجاعة_مولاي_مسلم_بن_عقيل
____
مسلم شهامة وهالنزل مايرحم الكوفه
ماخذ اطباع المرجلة أمن الكمر عباس
والزلمه اليطگ ينعرف من طگته جفوفه
الرگبه اليطگها تنعوج وإيكسر الراس

شهامة وجف من غضب__تنازل ماتمل
الزلم مثل الفرس__غدت تصهل صهل
ولا حـيـد الـسـلم__وبـقـت عنده رجل
كسر عـظـم الزلم__يـهـد ويـرتـجـل

هذا ابن عم الحسين
واخو الگمر

تارسهه دمهم الكاع__ مسلم طرها نصين
غيرة ومرجله وزود__ماخذ من اخو حسين
_
ابو حميدة لـو وگف اطـول أمن الـرايـة
جتفه يطخ سابع سمه لو صعد عالمهره
راجـل يـدور عـالـزلـم صـطـراته دواية
اليطيح بجفوفه يطلّع ضلعه من ظهره

نزل هيبة علي__ وزلمهه اترادمت
البقى يسحكه الفحل__الشرد اي بي بخت
و لابيهم سـبـع__فوارسـهـه انثنت
نكث جفه ورِگب__يصدهـه اتشمرت

هذا ابن عم الحسين
واخو الگمر

ماكل جفه الازلام__واحد يشبه النار
مسلم جنّه عباس__راسه شماتجي حار
_
واحد لجن نازل غضب الخشوم داساها
ضهضب ومن خزراته فوك الگاع جم شارب
الاسباع جـدام الـبـخـت حـفـاي خـلاهـا
انـا الـفحل مسلم يصيح وعاوج الحاجب

الزلم مـن خزرته__تطيح امجفنه
الحرب تهوى الفطن__الجفوفه امدخنه
انجفو مثل البزر __واجاهم مطحنه
خبط يابس خَضّر__ وصلبها الميمنه

هذا ابن عم الحسين
واخو الگمر

الخزرة وسيفه حلگين__بلعن وادم وخيل
تــل لزينب اهـنـاك__باني أمن المجاتيل
_
زلـمـه يـعـادلـه سـلـف هـنـيـال مـن جـابـه
هـذا ابــن عـمـه اليفتخر ظل بي ابو الاكبر
مسلم عجيد وهزبر ومـن طـب عله الغابه
داس الفوارس واليدوسه ،يـشـلـه،،يـتكسر

جدم ثگله جبل__على العسكر نحس
السحگ وجهه انعوج__ولاظل بي ضرس
اخذ طبع الگمر __ اليلوحه ينخلس
ابو طاهر كلف__شجاع شگد شرس

هذا ابن عم الحسين
واخو الگمر

امفرعه الكوفه واركاض__غرگت بيهه طوفان
الـوادم تـدفـن بـگـاع__ومسلم بالسطح جـان
_
خادم الحسين محمد منير المياحي