الناشر احمد الفاطمي

مرت سنه من العمر

شبعجل صارت تمر   مرت سنه من العمر.
مَرَّن شلون ايام.    كلهن حزن وآلآم
مرت سنه من العمر
★★★★★
سنه مرت شفت ايامها المره
تلوح بوسط جرحي البسمه والحسره
عشت بس ليل بيها مفارگ الگمره
وراحت ناس مني. وضلت الذكره
نصين عمري انقسم   بين الحلم و الوهم
انطتني دمع سچاب  ومني خذت أحباب
مرت سنه من العمر
★★★★★
سنه راحت ولاخلت اهل عندي
هظم ودموع اصبح كل حلم وردي
الدمع مايوم هاجر لاجفه خدي
النهايه أگبالي اصدها منين ماأبدي
كل وكت يوم ارتجي.  مايوم مثله يجي
لاچن طبع دنياي.  نفس الطبع وياي
مرت سنه من العمر
★★★★★
شفت طيبيين بيها تعرف الصحبه
وشفت اوجوه مثل الوطن بالغربه
وشفت احباب توفي وتحظر الصعبه
مشوا عني ولفالي النوح والحسبه
مابين ليل ونوح    ظلت وحيده الروح
يايوم بيه ارتاح. وانسه زمان الراح
مرت سنه من العمر
★★★★★
سنه ما اذكر اشقدمت وانطتني
بس أذكر اجتني وشخذت مني
وروج ايامها يم شامت يذبني
محه كل الفرح لمن لفه حزني
كل سنه اتمر وتهل. نفس الطبع والشكل
كل يوم اگول اتهون. والگاها نفس اللون
مرت سنه من العمر
★★★★★
سنه مرت تذبني محنه علمحنه
يوم البچت  روحي شگد بچت منه
شگد روحي بچتله. ويرد تتمنه
بجحيم العاش صعبه يوصف الجنه
امنين اجيبن زمن.  مابيه عذاب ومحن
راحت سنه ابشوغات.  وجتني سنه ابلوعات
مرت سنه من العمر

الشاعر حسن لعيبي الحريشاوي

دارت سنه ومانعرف اشلونك
كل عام وانته بدمعت عيونك
الناس تفرح وانته يالمهدي
شايل عذاب الطف على متونك

الوادم هسه فرحانين
وكلمن ملتهي ابيومه
محد فكر ولا گال
شحال المهدي بهمومه

يمشي العمر ... لمته ستمع ندائك
دارت سنه ... وانه انتضر لقائك
يرد البصر ... حين الأشم ردائك
ياصاحب الزمان الغوث يامولاي
،،،،،،،،،،،،،،،،،،،،،،،،،،،،،،،،،،،،
الحضت لقائك جم گلب هايم
يا ساعه تضهر بيها يالقائم
هاي الشموع التشتعل هايه
تذكرك اكيد ابحنت القاسم

اليحبك صدگ مولاي
التجرح گلبك اتجرحه
مو دورت سنه لاكون
ضهورك بس اليفرحه

لمته الفرج ... ونورك يهل علينه
موسعفه الك ... نرفع گلب بدينه
صار الغرق ... وتنقذنه يا سفينه
ياصاحب الزمان الغوث يامولاي
،،،،،،،،،،،،،،،،،،،،،،،،،،،،،،،،،،،،
انته الوحيد الكثرت همومه
حته الجروح البيك معصومه
تلبس جديد الوادم وانته
تنعه الغريب السلبو اهدومه

ليلك يخلص ابحسرات
ويبدي بدمعه مجروحه
عالشابع طعن وحجار
وطلعت بالسحگ روحه

حزنك ضعن ... بالهيمه ياعذابه
صرخت مره ... تسمع صدى الخرابه
راح ابجي الك ... عالغربه بالأنابه
ياصاحب الزمان الغوث يامولاي
،،،،،،،،،،،،،،،،،،،،،،،،،،،،،،،،،،،،
يالمهدي صارت غربه دنيانه
أنموت اذى مو انته ويانه
رغم المجالس بيها تتواجد
اهنانه تبجي وتگعد اهنانه

خل شتسوي هاي الناس
كلمن ملتهي ابدينه
مادام انته سالم هاي
كلش والله تكفينه

يبن الحسن ... بداعت دمع رقيه
ونشغة طفل ... والخيمه والسبيه
عجل الفرج ... بالطلعه البهيه
ياصاحب الزمان الغوث يامولاي

العبد ابوفايز الرافضي
الفاتحه على روح والدي

يوسفنه مارد وين
نسأل ادموع العين
......... .........غايبنه ما جانه
مجلسنه بس حسره
والزهره بي تقره
.................والدمعه عنوانه
*******************************
جروح الدنيا تاخذ مصدر الايه
علامه اشبعد نحسب صارن اهوايه
نحلفك بالكفيل وصاحب الرايه
تجينه ابرايتك ثق احنه شرايه

نحسبهه جيته امنين
كون ابضريح حسين
......................نتلاكه بحزانه
كل مأتم ايحضره
والزهره بي تقره
...................والدمعه عنوانه
*******************************
حزنه وياك عايش لوعة امصابك
على الهادي ابدمعنه تارس اعتابك
شفت سامره صارت تنعه بغيابك
يبو صالح دخيلك طمن احبابك

ونك يبچي الليل
ونهدم بيك الحيل...
....................يا لوعة اشجانه
نار اشبعد تبره
والزهره بي تقره
....................والدمعه عنوانه
*******************************
عجيبه الليل ياخذ دمعة اعيونك
عله جدك والمصايب سيدي اشلونك
اشوف الزهره بيك ومنخطف لونك
عالهادي ابنواعي ذبلت اجفونك

نرجس تون وياك
مشهد حزن تنعاك
................والحسره بوطانه
شكد باقي ننتظره
والزهره بي تقره
.................والدمعه عنوانه
*******************************
مراسيم المصايب تحسب اصروحك
حكيمه وياك تسمع بالبچي نوحك
متت چم مره وادري بعالم اجروحك
مصاب الهادي ماخذ حيلك وروحك

من صبرك المذبوح
عاشرت بس النوح.
...................والمهجه تعبانه
لا طر صبح فجره
والزهره بي تقره
....................والدمعه عنوانه
*******************************
حكيمه ابدمعتك ترسم حزن بيها
اظنهه الزهره يمهه اتشد نواعيها
اجت يم نرجس اتنوح البواچيها
اتشوف المهدي حسره بعينه تاليها

يالهادي صوت الاه
جرحك صعب ننساه
.................مجروحه صحبانه
ذاب الگلب صبره
والزهره بي تقره
.............. ...والدمعه عنوانه
*******************************
كل هذا الجره يمكن سهل امره
عجيبه اشلون گلي المنسحك صدره
انهشم حتى الگلب من حافر المهره
طلع شفنه السهم ياويلي من ظهره

ياويلي طاح احسين
سهم الچبد ثلثين ....
...................ظل يابس اللسانه
ذبح الگفه نحره
والزهره بي تقره
.................... والدمعه عنوانه
*******************************
تمت بعون الله
#خادمكم......... يوسف الفتلاوي

ابوذيات للهادي ع
_________________
الحزن عالهادي ماعوفه..وهم لا
بجرحنه مارضه العاذل..وهم لا
سألني وشاف دمع العين. هملا

عالهادي جرت صبح ومسيه
*************************
عليه احزاني هاليله...وجارت
دنيا بلا رحم صارت...وجارت
علينه وحطت بهمنه...وجرت... وجارت

عالهادي تصب جور الرزيه
************************
دموع احزاني هالليله..... اجرها
وصفت حسره بأثر حسره اجرها
علي الهادي اله شيعه...... اجرها

عله الزهره وعلي حامي الحميه
************************
شعجب گلب الزمان اعليك لاحن
وسهام الحزن بالروح .......لاحن
علامات الحزن عالهادي ....لاحن

ونصبت مأتم احزان الزجيه..
********************
تعيل الدنيه لو داور...... سكنها
وألي ونه ولا واحد....... سكنها
عله اللي برض سامره.... سكنها

الحسن بيها اندفن هوه وابيه
.*********************
معاني الحزن يالهادي * يعيناي
وعليه دموع دم هلن * يعيناي
دعيت الله عله هالبلوه* يعيناي

يوافيني اجر هاي الرزية

ـــــــــــــــــــــــــــــــــــــــــــــ
يوسف الفتلاوي

يلله   خل  نحيي العزه للهادي
اليوم كل شيعي بدمعته ينادي

*************************
صوت من الرافضه ثق يعتلي
العادانه والله اليوم هذا يبتلي
هاي صرخه لا فتى الا علي

بيها معروفه تذل حسادي
***********************
صوت من وسط الضماير رافضه
 جعفريه احنه ونواسي المرتضى
شلون مسموم وكضه بسم الغضه

لجلك ينوح  الجبل  والوادي

*************************
يلله   خل  نكصد  جموع انزوره
اليوم ياروحي بدمع    معذوره
شفنه محجوبه السمه ومكسوره

حسرة الشيعه بحزنهه  البادي
************************
صحنه اه واه مفجوع الخبر
اليوم عزينه الإمام المنتظر
شوف يالمهدي تره احنه بخطر

هذا  مدمعنه بحزن  ظل  حادي
*************************
حضرت  الشيعه  بحزن تشيعه
يصعب  علينه  الوضع  توديعه
اتيتمت من عكبه والله الشيعه

شاعت  اخبار  الجزع  ببلادي
*************************
ناحت اعيون سمه حتى الفجر
اليوم هادينه كضه بسم الغدر 
شلون يالمهدي خلص عمر الهجر

هاي  انصارك   تون  وتنادي
*************************
اليوم سامره  تصب  فيض دمه
حضرت  ويانه  الزجيه  فاطمه
اه يالهادي بچت حتى السمه

فكدت  الشيعه  علي  الهادي  
***********************
تمت بعون الله
يوسف  الفتلاوي
نزله هاي

للعركه  شد  القاسم  حزامه
وهزت شعرها المهره گدامه
بگد ماجميل اتنگب ادخيله
اعله الوجنه تلمع جانت الشامه

يهابونه الزلم ماهاب ،،، شرها
مثل شرت هدم عالغيم ،،، شرها
تره فحول الهواشم ناس ،،، شرها
وتره بخيت الشرد بالغاضريه

يردم ردم لو فار
حار ويحب الحار
من زغره وارث غيض
حيدر علي الكرار
ياقاسم يبن الحسن
،،،،،،،،،،،،،،،،،،،،،،،،،،،،،،،،،،،،،،،،
بالضلمه تلمع دورت اعيونه
سبحانه شعره يلاعب متونه
عيون البشر تدروها حساده
من الخيمه جاسم لا طلعونه

رمله اتبخره من الحسد ،،، والناس
طلع من طلع تقره الفلق ،،، والناس
تره القاسم نزل للحرب  ،،، والناس
ابذبحهم غرگت دموم الوطيه

ميثني طگه ابيوم
عالقاده ضل يحوم
يازلمه يرفع هام
خلاها كلها ادموم
ياقاسم يبن الحسن
،،،،،،،،،،،،،،،،،،،،،،،،،،،،،،،،،،،،،،،،
مربيته عمته  وحلوه  تربيته
دخيل الخضار الغطه جفيته
مو بالحلا والهيبه والغيره
بكلشي تره القاسم طلع صيته

مثل حش الزرع جفه ،،، حشاها
البعيده اتصير بالحومه ،،، حشاها
تخلف ولد مو نشمي  ،،، حشاها
كفو من رمله حضن الفخر هيه

والله ونعم من كال
خيال ابن خيال
طشاها طش الگوم
بالحومه حين الصال
ياقاسم يبن الحسن
،،،،،،،،،،،،،،،،،،،،،،،،،،،،،،،،،،،،،،،،
ابگد ما زغير ورافع الهامه
لا والله متكفيله العمامه
صام اويه عمه الماشرب گطره
ما فاطر وضل كامل اصيامه

طلع والحومه بس قاده ،،، جفه الها
بعد عمه الگمر عمته  ،،، جفه الها
اذى فوگ النهر ضحه  ،،، جف الها
يصير الگمر ثانيه ويهل ضيه

قاسم يرب الزود
بيك الفخر معگود
عوف العرس والگوم
يالغالي ردها ردود
ياقاسم يبن الحسن

العبد ابوفايز الرافضي

شلونج وي الليل يابت حيدره
بيا جفن ذبلان عينج ساهره
******
شلونج وي الليل والمدمع يصب
شاب راسج وانتي بديار الغرب
بغربتج يم عون مكسوره گلب
وجبل صبرج مايصير لكل مره
بيا جفن ذبلان عينج ساهره
******
شلونج وي الآه ودموع الحزن
وانتي وي النوم ما يطبك جفن
روحج وي حسين لازم تندفن
شلون شفتي ضلوعه كلها مكسره
بيا جفن ذبلان عينج ساهره
******
بيا جفن ذبلان عينج تنتظر
وانتي هادل متنج بسوطه الشمر
مثل ظهر حسين ظهرج منكسر
رحتي للتل والخيام موجره
بيا جفن ذبلان عينج ساهره
******
رحتي للتل وتصب عينج دمه
بوكت بس سهام متروسه السمه
شلون حالج باليتامه وي الضمه
وعالنهر مذبوح سبع الكنطره
بيا جفن ذبلان عينج ساهره
******
عالنهر عباس مكطوع الزند
وبرمح يم عون ممرود الجبد
وانت تنتظرين بس سالم يرد
زينب الله يعين كلبج عالجره
بيا جفن ذبلان عينج ساهره
******
الصار وياكم ابد ماينحمل
يسروج و ويلي مجتوفه بحبل
وسوطهم نازل هدل متنج هدل
من عكب عباس صرتي ميسره
بيا جفن ذبلان عينج ساهره
******
تمت
احمد الخفاجي

قصيدة شهادة علي الهادي ع
ثگيل حزن


سولفلي شلون••عايش وحدك ولسجن اظلم
سولفلي شلون••• بين الغربه وچفك بي دم

معذب يالروح •••يالبيك اجروح
سولفلي شلون •••سولفلي شلون

•••••••••••••••••••••••••••••••••••••••••••••••

ماخلو علي كلشي
روحي رادت النعشي••يوليدي

لله اشتكي حالي
لاناصر ولا والي •••يوليدي

اصبر، والجره هود
من سوطه لجسم ردد••يوليدي

يابويه الحال •••ضيم وحزني المايتوصف
يابويه الحال •••مگيد چفي وگبلي الينزف

وصوتك مبحوح••يالبيك اجروح
سولفلي شلون •••سولفلي شلون


•••••••••••••••••••••••••••••••••••••••••••••••

خلوني بسجن ظلمه
وجرحي زايد بهمه ••••يوليدي

سجني بلاذنب تدري
الدنيا فترت ودهري•••يوليدي

وبيد المعتز الظالم
چتلي ويحرم لعالم••• يوليدي

ماضل الحيل•••بهاي الحفره وهذا الگيد
ماضل الحيل••من هل لضيم وثوبي يبيد

صوتك بس نوح•••يالبيك اجروح
سولفلي شلون •••سولفلي شلون

•••••••••••••••••••••••••••••••••••••••••••••••

خلصت العمر ظلمه
وجفي الكافر يلجمه••يوليدي

سنيني خلصت بحقده
والهادي ذبل جبده ••••يوليدي

ظالم تدري وعناده
عذب عاشر الساده••يوليدي

ماشفت النور••شمس لظهر وفجر بصبحه
ماشفت النور•••• ظلمه وكافر زيد جرحه

لاوين اتروح ••••يالبيك اجروح
سولفلي شلون •••سولفلي شلون

•••••••••••••••••••••••••••••••••••••••••••••••

جبدي من الغدر ذابل
الهادي بغربته شايل••• يوليدي

بالنوح وهضم صافي
بويه طاحن چتافي •••يوليدي

مشيب ولدمع ينزل
عذبني الهجر يكتل•••يوليدي

يابويه انخاك•••شيع جسمي ودفنه بداري
يابويه انخاك•••تكتب مسموم اعله خباري

جسمك مطروح•••يالبيك اجروح
سولفلي شلون •••سولفلي شلون

•••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمد ع
نسالكم الدعاء//1446ه‍
تمت/2024/12/27

ستشهاد الأمام علي الهادي

لجمتني السنين    مومثل الحسين
محد حركَ خيماتي   ولاركَضن ابنياتي
مومثل الحسين
،،،،،،،،،،،،،،،،،،،،،،
انه علي الهادي عشت كل هاي الاحزان
لوماتت الشجره بعد   شيضل بالغصان
انه طحت بس موذبح  لاجسمي عريان
ومعروف ماعنده اهل   الماعنده دفان

انه جدي      طاح عاري    وراسه مكَطوع
فوكَ صدره   شكَد حوافر  تهشم الضلوع

من المكَفه مذبوح  . وبجسمه الجروح
وفوك الضعن عماتي   ولاركَضن بنياتي
مومثل الحسين
،،،،،،،،،،،،،،،،،،،،،،،،،
مايعرف الضحكه تره   الكل عمره ملجوم
اللاچمني موسم الجبد    ولا هاي الهموم
لاجمني جدي بنينوى    فوكَه العده تحوم
لو ذنبه لازم  ينذبح      شمسويه الهدوم

شنهي ذنبه  الثوب بالله  وهيج ينباكَ
هاي لچمه   شكَد ثكَيله   بطعم الفراكَ

يذبحونه عطشان  .  وفوكَاها عريان
صار الدمع طعناتي   ولاركَضن بنياتي
مومثل الحسين
،،،،،،،،،،،،،،،،،،،،،،،،،،،
انه ابن ذيج الخيم   ويالتسمع الصوت
يغسلونه ويلفه الجفن  معروفه اليموت
بس  اليطيح  ابكربله   مايلكَه  تابوت
وطفاله بين اهل القرى  متجتفه تفوت

بيه حسرات   عالسبيات   بدمعي الهواي
انه عمتي    ليش ضلت    ابعازت  الماي

اتذكر اجروح  . من كَلبي متروح
بروحي اطلعت شيباتي   ولاركَضن بنياتي
مومثل الحسين
،،،،،،،،،،،،،،،،،،،،،،،،،
حسراتي وحزان  الكَلب  ماتكَضي بشلون
وشيباتي المغطيه الرمش   تاكل بالعيون
جسمي انه من سم الجبد  ازركَ يشوفون
جن عمتي من ذاك الحجر  الزوركَها المتون

شلون عمتي   الشام دخلت   وذيج الحجار
شلون تشكف   وجان جفها   منجوي ابنار

ياحسرت النوكَ  .  ويالخدها محروكَ
ماتنحصي حسراتي  ولاركَضن بنياتي
مومثل الحسين
،،،،،،،،،،،،،،،،،،،،،،،،،،،،
بفراشي متوسد اسف   وعرف بالحسين
عريان  ومغطي  الجسم   أرماد الصواوين
والصوط بمتون الحرم    تارك  نياشين
وبعيونهن صارن دمه    مو دمعه بالعين

شاب كَلبي   وراح صبري    وانه ملجوم
العاش عمره  يسيل دمعه   يضييع النوم

عميانه العيون . بالغربه تدرون
تعجز بعد جلماتي   ولاركَضن بنياتي
مومثل الحسين

ابوفايز الرافضي
الفاتحه على روح والدي

الفين وخمسه وعشرين ابديها وياك
واخذ العهد يا مولاي لا ما انساك
يالضحه الي بوريده
هاي السنه الجديده
ابديها وياك
****
بسم اللطمه والدمعه .. ابدي وروحي منفجعه
على مصابك يبو كل المشاعر
گلبي بحزنك اتعبد.. وكل ايامي ثوب اسود
نبض گلبي مصيبه وحزني عاشر

يحسين فدوه الزمني بيدك
خليني واحد من عبيدك
من اذكر العيد اذكر الشام
عيدو من شافو وريدك

راس السنه شعندي وياه مادام وياك
راسك ينكط دم وشوگ برماح اعداك
يالغربتك فريده
هاي السنه الجديده
ابديها وياك
****
الوادم تلبس الاحمر… واذكر دمك مطشر
ويترسني الحزن من جدمي للهام
الوادم جوهم كرسمس.. وآنه اجوائي بالمجلس
واجددلك ولائي بكل الاعوام

يحسين موبيدي وغلاتك
وي دمي تجري نايباتك
الوادم تخيم كلها بذنوب
بس انه خيمت بعباتك

وقررت بخمسه وعشرين يانبض الروح
ما انجر الهذا وذاك واهديك الروح
الماضي ما اعيده
هاي السنه الجديده
ابديها وياك
****
وبراس السنه الحالي .. اذكر راسك العالي
لمن حضنته وماتت رقيه
وانطيك العهد وامشي .. انت بدنيتي كل شي
وكل ايامي عاشور ورزيه

انت التهمني اهواي يحسين
واليستحق تبچيله كل عين
الما عنده مثلك ينطم اذنوب
لا وين ينطي وجهه لا وين

يا نعمه وجهلوك الناس صدرك مسحوگ
كل عمري دموعك يحسين وانت المعشوگ
ياجرحي بس اريده
هاي السنه الجديده
ابديها وياك
****
اغلق ماضي اوهامي .. وافتح صفحة احلامي
وامسح مني ايام الندامه
خادم خادم وخادم .. بس لحسين ابن فاطم
واگضي عمري كله بس خدامه

بيك ابدي يومي وبيك انهي
خلافك يبو اليمه آنه شنهي
واعليك امشي اچفوف عباس
ردني الخدمتك وين وجهي

هالمره إن شاء الله هالموقف غير
ما اخلف وعدي الوياك ياراعي الخير
يالخيري كله بيده
هاي السنه الجديده
ابديها وياك
****
بالدنيا رحت زايد .. ذنبي بخدمتي ايباعد
شايف نفسي واتكبر عله الناس
بس هسه ارجعت نادم .. ميهمني حچي الوادم
وغيرك ما اخلي يشغل الراس

براسي الحسين شلون مذبوح
واگباله گعدت زينب تنوح
وبعينها من تشوف الخيول
تسحگ بصدره وتطلع الروح

معناها حزنك بالروح لا ماينعاف
والما شايف رحمة گلبك من عمره اشاف
من اختم القصيده
هاي السنه الجديده
ابديها وياك
****
هشام الشيباني

ها زينب شلونج بلكي زينه
يزينب نعتذر جي ما اجينه
شلونه المغرب وياج
ومحد يلطم احذاج
وعلي گطعتنه گوه ومو بدينه

شلونج يبعد الماغفن
يالـ بالغرب متعلـعله
جا ما بقيتي الوحدج
لو ميته يمنه ابكربله
جا شنهي ذنبج بالغرب
ولهسه بيدج سنـسله

بقيتي الوحدج ليش.. هاي الدنيه غبره
بين اربع حياطين ..سجن ماجنها حضرة

اريد اگعد وسولفلج علينه
وعلي گطعتنه گوه ومو بدينه
00000000000000
بيامج ييمه شگد حچينه
بصابعنه حسبنه وما اجينه
عمت عين الوكت كون
اذا ما نوصل ام عون
دورنه عذر بس مالگينه

ها يابعد لب الگلب
تكسر الخاطر گبتج
متعوده يم بابج خدم
جاشنهي ضلتج وحدج
عليج البقه ابصف العلم
رزقينه يمه ازيارتج

هاي الدنيه أيام .. وتدور على زينب
ما مقسومه ترتاح ..بس مقسومه تتعب

فدوه الدمعتج يمشي بچينه
وعلي گطعتنه گوه ومو بدينه
0000000000000
ها زينب شلونج يالچبيره
حيرة ازيارتج والزهره حيرة
وحيده بعازت الناس
المتعوده اعله عباس
غريبه اتسمت الجانت أميره

يابعد ابوي اشغربج
من فدوه لترابج هلي
ماضل الج والي وتره
زحمة المره بلايه ولي
من كربله الحد كربله
متعلعله ابنيت علي

حلمچ راحت البال ..اخ شكبره حلمچ
چي محد وصل ليج ..السنه يزداد همچ

يمنه الساتـرتنه ويالـحنينه
وعلي گطعتنه گوه ومو بدينه
000000000000000
تتغرب الوادم مو عجيبه
بس مامش مثل زينب غريبه
لحد هسه السبي وياچ
ومن ابعيد ننعاچ
ونگول احنه الله شمصيبه

منعونه نوصل حضرتچ
وحرمونه شوفت گبتج
الله ولحد يالغرب
حرمه انتي بس مارحمتچ
حته الهوه شامت اضن
مارفرفت بي رايتچ

مدري شلون احاچيچ ..أسود وجهي يمه
الما يوصلچ ام عون ..عايش يبقه هضمه

وسابع جار ضل يسمع ونينه
وعلي گطعتنه گوه ومو بدينه
000000000000000
علي ميران

يگلبي السالفه اكبر لا يجروك
وهواي المحاچي
نضل طول العمر نبچي عللحسين
منعوف البواچي
شيسكته المضيع محبس وراس
ومضيع تراچي

يگلبي التهي ابمحبوبي
وخليك ابنــــفس ثوبي _ ابچي وألطم وانعه حسين
عوف الوادم التحچي
الضَحَك ما يفهم اليبچي _ الدمعه تريد الناذر عين

اترك اديـهم والزم ايده
ذاك الفحل ابن الصميده
يحچون عني وزيدو اگلهم
عشگ الملامه اني اريده
00000000000000000000000000
اليحب شي يلهج بذكره وانه حسين
عاشگهن حروفه
كلشي گبالي مابي لذه للشوف
بس معشوگي اشوفه
وتره بس الزلم تبچي عللحسين
معذور اليعوفه

شلون اترك ابو الاكبر
وانه مضيع خدر بالبر _ اقنع بيش انسه العريان
اروح ودمعتي تردني
يلوموني واسد اذني _ واسمع بس زينب عطشان

اليحچي اعله دمعاتي اعذره
العنده المصيبه ايام عــشره
فاتحـــتك اكبر من الايــــام
ماعندي شي بس انت اخسره
00000000000000000000000000
اذا مو مجلسك ودموع وصياح
جفني ابيش اسكته
الرضو و الما رضو ما حاسب الناس
كلمن يحچي بخته
وحگ شيبك وشيب اختك و الخيام
اهم شي ترضه انت

رضائك عندي اهم مني
يجرحي ودمعتي وحزني _ وخل ماترضه عليه الناس
يكاسر گلبي يا نوحي
يمحببني بجروحي _ ومضحيلي ابچف العباس

يالعلشريعه انطيته ضهرك
وبيا شَريعه اقنع وخسرك
ماعندي غيرك وانت تدري
كض بيدي خاطر ما اعبرك
00000000000000000000000000
انه حلي ورحيلي بمجلس حسين
وموت بلا عزيه
مفرغ گلبي بس لجروح الضعون
و للراحت سبيه
اذا مو عاشرك مو حلوه الايام
يل مدليني بيه

دخيل عيون ابو اليمه
اخذني من الوهم يمه _ تارس روحي وگلبي فياي
انه العاشگ جفن غافي
ليشربني دمع صافي _ وضل عطشان ايدور ماي

واصل حنانه اللب الگلوب
بس هوه يرهم اسمه محبوب
دليني بيــك وبالـــيحبوك
وخليني اضيع كل الدروب
00000000000000000000000000
علي ميــــــــران

ستشهاد الأمام علي الهادي

لجمتني السنين    مومثل الحسين
محد حركَ خيماتي   ولاركَضن ابنياتي
مومثل الحسين
،،،،،،،،،،،،،،،،،،،،،،
انه علي الهادي عشت كل هاي الاحزان
لوماتت الشجره بعد   شيضل بالغصان
انه طحت بس موذبح  لاجسمي عريان
ومعروف ماعنده اهل   الماعنده دفان

انه جدي      طاح عاري    وراسه مكَطوع
فوكَ صدره   شكَد حوافر  تهشم الضلوع

من المكَفه مذبوح  . وبجسمه الجروح
وفوك الضعن عماتي   ولاركَضن بنياتي
مومثل الحسين
،،،،،،،،،،،،،،،،،،،،،،،،،
مايعرف الضحكه تره   الكل عمره ملجوم
اللاچمني موسم الجبد    ولا هاي الهموم
لاجمني جدي بنينوى    فوكَه العده تحوم
لو ذنبه لازم  ينذبح      شمسويه الهدوم

شنهي ذنبه  الثوب بالله  وهيج ينباكَ
هاي لچمه   شكَد ثكَيله   بطعم الفراكَ

يذبحونه عطشان  .  وفوكَاها عريان
صار الدمع طعناتي   ولاركَضن بنياتي
مومثل الحسين
،،،،،،،،،،،،،،،،،،،،،،،،،،،
انه ابن ذيج الخيم   ويالتسمع الصوت
يغسلونه ويلفه الجفن  معروفه اليموت
بس  اليطيح  ابكربله   مايلكَه  تابوت
وطفاله بين اهل القرى  متجتفه تفوت

بيه حسرات   عالسبيات   بدمعي الهواي
انه عمتي    ليش ضلت    ابعازت  الماي

اتذكر اجروح  . من كَلبي متروح
بروحي اطلعت شيباتي   ولاركَضن بنياتي
مومثل الحسين
،،،،،،،،،،،،،،،،،،،،،،،،،
حسراتي وحزان  الكَلب  ماتكَضي بشلون
وشيباتي المغطيه الرمش   تاكل بالعيون
جسمي انه من سم الجبد  ازركَ يشوفون
جن عمتي من ذاك الحجر  الزوركَها المتون

شلون عمتي   الشام دخلت   وذيج الحجار
شلون تشكف   وجان جفها   منجوي ابنار

ياحسرت النوكَ  .  ويالخدها محروكَ
ماتنحصي حسراتي  ولاركَضن بنياتي
مومثل الحسين
،،،،،،،،،،،،،،،،،،،،،،،،،،،،
بفراشي متوسد اسف   وعرف بالحسين
عريان  ومغطي  الجسم   أرماد الصواوين
والصوط بمتون الحرم    تارك  نياشين
وبعيونهن صارن دمه    مو دمعه بالعين

شاب كَلبي   وراح صبري    وانه ملجوم
العاش عمره  يسيل دمعه   يضييع النوم

عميانه العيون . بالغربه تدرون
تعجز بعد جلماتي   ولاركَضن بنياتي
مومثل الحسين

ابوفايز الرافضي
الفاتحه على روح والدي

(راح اموت)


راح اموت     ومحد من اخوآني شـفـتـه
راح اموت    اجـنـازتـي تـنـشـال سـكـتـه

           راح اموت       راح اموت

*----------------------*---------------------*

چانت أمنيتي الوحيده بكربله ايصير الدفن
وتنتهي رحلـت عذابي وينتهي هذا الحزن
چنهم اخوآني نسوني وآنـه بالـغـربـه أحـن
سـاعـه مايبرد ونيني مِـثـل وَن الـمـنطـعـن

حالي هاذ والاهل ما منهه جَيه
حالي هاذ ماتت بروحي الوصيّه

*------------------------*-------------------*

چـنـهـه نـيـران الثوانـي مـن تـمـر للينتظر
ياصـبـر يلحگ عـلـيّـه والله تـعـبـتـه الصبر
خاطري المكسور باقي چنت اضنن ينجبر
وبالطفوف ايصير موتي وبيهه يتشيد گبر

صعبه حيل زينب التدفنهه غربه
صعبه حيل حالتي ياناس صعبه

*-------------------------*------------------*


ياهو اليوصل كـفـيلـي أيـگـلـه عذبهه الـغـرب
بحسرتي بالشام اموتن وذايب بشوگه الگلب
وينه أليشيّعني وينه الوحدي وبموقف صعب
لا أخـو الـيـحـزن عَـلـيّـه ولا مـجـالس تنصّب

من بعيد رفرفت مثل الحمامه
من بعيد اشكي لخواني الظلامه

*--------------------------*--------------------*

تـنـزف اجـروح بدليلـي جـيّـه مـا منـهـم بـعـد
سـلّـمـت بالـحـالـه هـايـه أمـري للواحـد أحـد
اعـرف الـصـار بكـفيلي واعـرف بـذاك الـعـمـد
لاكـن الـشـوگ الـجـبـرنـي بـأسـمـه أردّد للأبـد

بس عذاب تجرح ايام العشتهه
بس عذاب دنيا بالهَم خلصتهه

*-------------------------*--------------------*

اليحتضر بأخر وصيته تسأل الناس أشكتب
يا خَـلـگ هايه وصـيـتـي آنـه موتني الـتـعب
خلصت عمري مناحه وگلبي بالغربه الـتـهـب
اعـتـب بناري عـلـيـمـن راحوا الـگـد الـعـتـب

هسه وين گلبي ما يحچي بعتابه
هسه وين الحزن ما سَده بابه

*------------------------*-------------------*

✍خادم  زينب (ع)
الشاعر رعد الجريخي

تعنينه بحزن وادموع مدميـــــــه
الكبر الهادي اجينه احنه الحسينيه
واه ويلاه..يا مسموم
واه ويلاه..يا مسموم
..........................................
كل شيعي التعنـه ولابــــس الاســــــود
يدك صدره ودمعتة هامله اعله الخــــد
زحف يكصد ضريح الهادي ابو محمد
ويلكه العسكري وانصاره محنيه
وا ويلاه..يا مسموم
زاه ويلاه..يامسموم
.......................................
هلا وكل الهلا يتلكه زواره
مضيف الزهره عامر باهله وانصاره
كلمن عاف اهله وخالي ضل داره
شفاعه وجاه اله والدار محميه
واه ويلاه..يا مسموم
واه ويلاه..يا مسموم
..................................
كل دمعه التطيح الخاطر العصمه
تسجلها البتول بدفتر الخدمه
شكبرها الخادم امن يموت يلكه اسمه
وعلي بيده يعبره الماهي مكضيه
واه ويلاه..يا مسموم
واه ويلاه..يا مسموم
........................................
شد عزمك يزاير لا تدير العين
الهادي ابن الامامه وعاشر اهل الدين
يا محلى اليجي وبي ريحه من حسين
من ابعيد اشمه وانعش الريه
واه ويلاه..يا مسموم
واه ويلاه..يا مسموم
..........................................
تره الهادي مصابه ألم الزهره
سكوه السم قبل ما ينتهي عمره
مثل عشرة محرم هم اله عشره
يخي عونه الحضر والسوه لطميه
واه ويلاه..يا مسموم
واه ويلاه..يا مسموم
................................
خادم خدمة الحسين
#الشاعر
محمد الموالي

عاشر أفروع الأمامة....ألليلة تنعاك اليتامة
يا علي الهادي
...............................
وكفنه اباب بيتك وكفت الفاكـــــــــد أبو
منحنين وكُلشي وحشة والدفو ايشيع دفو
مادخلنه وأنته تدري الدلة مضياف البدو
وانته باب الجنة بابك تكرم البـر والعدو
أمن الحسن جدك علامة...ألليلة تنعاك اليتامة
يا علي الهادي
........................................
لو ذبــــــح لو سم حياته خلصوا أهلك جتل
وانته وارث حتى موتك قسمة الحق والعدل
عزبت يالهادي جبدك من أجــــــاك ألمتكل
مو غريبة وهاي عادة أسسآها أبــــو الفضل
أجفوفه عنوان الكرامة....ألليلة تنعاك اليتامة
يا علي الهادي
.......................................
أجينه وكلنه لهفة وبينة جمرة أمن الخيـم
أجينـــــــة وراية راية تشهد ونــقسم قسم
عالعهد باقين نبقى وهذا عهد امن الخـــدم
باجر اويه المهدي ثارك ينرفع عاشر علم
شرف ألنه بهالخدامة....ألليلة تنعاك اليتامة
يا علي الهادي
.............................................
حيرة يالهادي وسؤال أيدور ما بين الملى
ليش حمرة أعيونك أسأل والدموع امسبله
ناس كالت ينعه جدة لو ذكـــر طف كربله
وناس كالت ينعه أبنه ما بقـــــى واحد أله
ويجرح الشامت كلامة......ألليلة تنعاك اليتامة
يا علي الهادي
...................................
حجيت بصوت عالي وهوست رغـــم الجرح
آنه جدي حسين ضامي وضل صريع ومنذبح
خلًصت عمري بواجي لحـــــــد ما فطَر ملح
آنه لا كطعوا ركبتي ولا حدوني أعله الرمح
وبدري ما كامل تمامة....أللية تنعاك اليتامه
يا علي الهادي
......................................
خادم خدمة الحسين
الشاعر
محمد الموالي

الله اليعينك يالحسن وايعضم أجرك
بدارك دفنته والدك واحزام ضهرك
واه ويلاه يا علي الهادي
....................................
ألأبـو خيمة وسند وافراكة موت
أنفاسه تسبيح وحرز طلسم قنوت
ألفجر وجهـــا ألفجر عجبة يموت
شلت نعشك لو شلت نعشه سكوت
يا حيرة الفاكد أبـــــو ألله اليصبرك
بدارك دفنته والدك واحزام ضهرك
......................................................
يا دمـــع بعيونك أيشافي الجروح
وانته تنضر والـــــدك منك يروح
فــرحة اسنينك طفت ما بيها روح
شيسوه عمره الينكضي بالهم ينوح
حيــــرة والله حيرتك محتار بامرك
بدارك دفنته والدك واحزام ضهرك
...............................................
ألجان يشفي الــوادم بعازة طبيب
يالحسن والسم أكـــل جبده عجيب
ايساعد الله كلبـــــــك أبفكد الحبيب
يالبديت اسنيــــــن عمرك بالمشيب
كل صباح وكل مسه ينذبح عمرك
بدارك دفنته والدك واحزام ضهرك
...............................................
والدك بيـــــــــــن البشر ماله مثيل
جــــــان نعمة ورحمة للوادم خليل
نـــــذر عمره ودمعه لحسينه سبيل
حتى وي موته دمــــــع عينه يسيل
لو نبجي كل هذا العمر مانطفي جمرك
بيدك دفنته والدك واحزام ضهرك
......................................................
يالحسن بدموعنه اتعنينه ليــــك
راية راية عالعهد نمشي ونجيك
نبجي عالهادي لون نبجي عليك
بدارك وكبره حفرته بهاي اديك
ويلي كلبك يالحسن ما يشفي كسرك
بدارك دفنته والدك واحزام ضهرك
.......................................................
خادم خدمة الحسين
الشاعر
محمد الموالي

قصيدة....فزعة القاسم ع••||
شور دگه ونص



حي الله جسام
حي الله جسام


هذا ابن الكريم الشايعه اخباره
وخله الگوم كلهه دخلت انذاره
من سيفه وغترته وكسرة لحاجب
وهاشم بلحرب معروفه سطاره

نار نار••• بالحرب لمن يطب
نار نار•••• الزلم ماضل درب
نار نار••يحرگ لعسكر حطب

حي الله جسام
حي الله جسام

•••••••••••••••••••••••••••••••••••••••••••••••

طبهم والعساكر ظلت ابحيره
شاب وحيله يكتل فازع بغيره
محزم والچفوف العنده چتاله
چن الحسن طالع عزب ابخيره

شاع شاع••صيته جسام الكفو
شاع شاع•• ياشبل مثله ومنو
شاع شاع••سيفه مايرحم عدو


حي الله جسام
حي الله جسام

•••••••••••••••••••••••••••••••••••••••••••••••

منگب والجمال امدوخ الناس
بنوره وكشخته ضل رافع الراس
ومايشبه بشر ابن الحسن دوم
يشبه بس عمامه وچنه عباس

حيل حيل•••• يسطر بهاي الزلم
حيل حيل••••• هذا جسام ونعم
حيل حيل ••بحيله طكاهه لشهم

حي الله جسام
حي الله جسام

•••••••••••••••••••••••••••••••••••••••••••••••

وحده ومايهابي الجيش جسام
بسم الله وعلي طباهه ابوالثام
وذباهم جثث من لاگته حيود
حيد منال هاشم عنده صمصام

صال صال ••• بحيله وبكل قوته
صال صال••• حلوه طگت يمنته
صال صال••هوايه طگهه بخزرته

حي الله جسام
حي الله جسام

•••••••••••••••••••••••••••••••••••••••••••••••

يشمر بالرگب والجيش مرعوب
ومن كل الجوانب سد الدروب
بالطف مابرد مثل الگمر حار
وكبر شارب البلگوم مگلوب

شاب شاب•••بعده ولعسكر طاح
شاب شاب•••بصدره يتلگه رماح
شاب شاب••سيفه شمراهه وراح

حي الله جسام
حي الله جسام

•••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمد ع
نسالكم الدعاء//1446ه‍