#برنامج_محرم_1439 #مـۄسسـﮫ_مــﻥــبـريۄن_للالـﺢــانالــﮠــاشــﺭ اζـــﻣــد الــﺯۄار
🖤 الشاعر علاء الزيدي
🖤▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁
#الزهراءعدنه عاشورين \\\ حكهه تبجي العين
عاشور ظلع ام الحسن عاشور الحسين
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
جرحي من اشتم نسمت المأتم عالزجيه
هلت اعيوني يالتلوموني عالزجيه
عاشور ظلع ام الحسن بي لوعه
ماتت صدرهه مكسرات ظلوعه
بس الغيور الليله يبجي ادموعه
كون اللكه جفه عله الصدر مطبوعه
بزحمت الااهات \\\ تطلع الكلمات
كون عله صدري من الطم اترك نياشين
عاشور ظلع ام الحسن عاشور الحسين
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
حسين بي حاير بخده اثر حافر ياهظيمه
وفاطمه البظعه بخدهه اثر صفعه ياهظيمه
السيف فك ريجه بدمه من المنحر
والباب سامع بالظلع يتكسر
كل ساعه جرحي واليمصايب يكبر
كالولي جسم حسين كله مطبر
شما يجيني الليل \\\ كبالي تركض خيل
عله حسين داست وبقصد رجعتله مرتين
عاشور ظلع ام الحسن عاشور الحسين
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
ام الرظيع اتحن الزهره للمحسن فكدن ازغار
همومي امدهه ابساط من اشوف اكماط فكدن ازغار
كاروك عبدالله الرباب اتشوفه
مثل اليطوف الكعبه هيه اطوفه
خافن يفز الغالي لا ماعوفه
متعوده ابوسكه بكصته وبجفوفه
والفكدله ازغير \\\ احجيله عن الطير
يتخيل ابنه بالسمه ويمتلك جنحين
عاشور ظلع ام الحسن عاشور الحسين
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
زينب ابهمهه ودعت امهه ابكل حزنهه
جفهه لاحه النار وظلت الااثار ابكل حزنهه
النار نار الباب وصلت ليهه
حركو خيمهه ومحد يطفيهه
سوط قنفذ بالسبي يحاجيهه
مثل الظلوع امتنونهه تأاذيهه
سكته من تبجي \\\ تعثر وتمشي
وكافلهه ظل عله النهر وبلايه جفين
عاشور ظلع ام الحسن عاشور الحسين
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
لو نعه الناعي يبحر اشراعي بالااحاسيس
اباب مولاتي تعله صرخاتي بالااحاسيس
الكاسر ظلعهه رد كسر خاطرهه
الناهب ورثهه فاطمه مسهرهه
والزهره رادت تدعي عالعاصرهه
سجيل لوتدعي السمه تمطرهه
اتأكد الاخبار \\\ بالظلع بسمار
تقوم القيامه فاطمه لو ردتي تدعين
عاشور ظلع ام الحسن عاشور الحسين
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
الشكك بأامري جنه مايدري لايجامل
الينفي حرك الباب ينافق وجذاب لايجامل
الطف ابتده ياعالم امن الزهره
شما تكبر النار الفضل للجمره
الينفي خبر كسر الظلع ماعذره
وحسين حافر خيل خاسف صدره
شلون اريد ارتاح \\\ وحلمي كله ارماح
وتوصلت لله الفضل من ذني الاثنين
عاشور ظلع ام الحسن عاشور الحسين
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\
تمت ----- علاء الزيدي
✿مؤسسة منبريون للالحان رقم 1
@ahmed_alziwar1✿مؤسسة منبريون لنشر القصائد 2
@ahmed_alziwar2✿مؤسسة منبريون للمقامات3
@ahmed_alziwar3 ✿مؤسسة منبريون للنعي4
@ahmed_alziwar5✿اكبر كروب لتلحين القصائد
https://telegram.me/joinchat/AAAAAD9pmsoMub22NRYqtA