1.مؤسسة منبريون الحسينية🧿

#قصائد_استشهاد_فاطمة_الزهراء(ع)

#مـۄسسـﮫ_مــﻥــبـريۄن_للالـﺢــان

الناشر.احمد.الـــزوار.cc

  .     ألْبَسْ سواد ----- أعلِن حداد
  بمصيبة الزهره الزچيه
              «»«»😭 🏴
ــــــــــــــــــــــــــــــــــــــــــــــــــــــــ

❇️ قصائد استشهاد #سيدة_نساء_العالمين مولاتنا #فاطمة #الزهراء عليها السلام

#كعده


أيُ خطبٍ هشَّمَ الصدرَ الحزينْ * فعلى ما يَرتمي رأسُ الحسينْ
الچان يروي حسين من حبه وحنانه * لو يصيبه بغدر بسمار الخيانه
فعلى ما يرتمي رأسُ الحسينْ
----------
آه يا نار الاحزان البل گلب ظلت مسعره
وذوبت احشاي بلهبهه وتركت ابكل گلب جمره
وغدت تتصاعد بصدري بلوعته وصارت تصهره
بالضلع آلامي زادت من ضلع فاطمه الزهره
يا غائراً صدرَ الطَّهورِ أما ترى
قد عادَ قلبُ الدينِ ينزفُ أبْحُرا
والوحيُ يُخفِقُ قادِمَيهِ مُعفَّرا
قُلْ للمغيَّبِ تَحتَ أطباقِ الثَرى
إنْ كنتَ تسمعُ صرختي ونِدائِيا
قد هوى العرشُ على مَهوى الضلوعْ * وغدا الكونُ دماءً ودموعْ
كسِر ضلعِ الطاهرة صوَّب كيانه * لو يصيبه بغدر بسمار الخيانه
فعلى ما يرتمي رأس الحسين
------------
الكون من دم يهل دمعه وروحه غابت عن وعيهه
بيوم جار اعلى الوديعه الطاغي وتجاسر عليهه
بل غدر صوّب ضلعهه وطاح محسن بين اديهه
وحسّـت بقسوة دهرهه من عگب فرگة وليهه
غابَ الامينُ فكُلُّ عَبدٍ أنكَدِ
يَنهى ويأمُرُ ما يَشاءُ ويَعتدي
وحشا البتولِ بلهفةٍ وتردُدِ
قد كنتُ ذاتَ حِمًى بظِلِ مُحمدِ
لا أخشَى مِن ضَيمٍ وكانَ حِمًى لِيا
أيُّها السالبُ للطُهرِ حِمى * قد تركتَ الارضَ من دونِ سَمَا
افجعِت گلب الطُهُر يا سالب أمانه * لو يصيبه بغدر بسمار الخيانه
فعلى ما يرتمي رأسُ الحسين
----------
غاب سيد الرسل واضحت تعاني آلام الرزية
جمر نار افراگ ابوهه ولوعته وجور الرعية
تنظر لحملات حيدر امچتفه بگيد الوصية
والهه من كثر المصايب لاحت ارسوم المنية
شنَّتْ على تلك الحزينةِ شنَّها
زُمَرُ الضَلالِ فلم يُراعوا سِنَّها
تُومي شَجاً والدمعُ خيَّبَ ظنَّها
صُبَّتْ عَليَّ مَصائبٌ لو أنَّها
صُبَّتْ على الأيامِ صِرنَ لياليا
حمَلَتْ من دهرِها ما لا يُطاقْ * وسَقاها كأسُهُ مُرَّ المَذاقْ
والتهب دلالهه بجمرة احزانه * لو يصيبه بغدر بسمار الخيانه
فعلى ما يرتمي رأسُ الحسين
-------------
والتهب گلب الوديعة ومن مرار الصبر عانت
عاشت ابدار الاحزان وهل الاحزان عليهه بانت
ذايبه بنار المصيبه فگدت البحماه چانت
وحين حضرتهه المنيه والاجل ساعاته حانت
ناحَ الحَمامُ بحَيرةٍ وتوجُسِ
ولهُ الكَمائمُ في رؤىً وتفرُسِ
بِلِسانِ فاطمةٍ لكلِ الأنفسِ
فلأجعلنَّ الحزنَ بعدَكَ مُؤنسِي
ولأجعلنَّ الدمعَ فيكَ وِشاحِيا
بعدَ ذاكَ الهمِّ والحزنِ الطويلْ * شدَّتْ الزهراءُ للموتِ الرحيلْ
ارتاح گلب البضعه من لوعة زمانه * لو يصيبه بغدر بسمار الخيانه
فعلى ما يرتمي رأسُ الحسين
-------------
الفصيح للشاعر #زهير_الكاظمي
الشعبي للشاعر #عقيل_الكاظمي / بغداد

مدونتي

▪️مؤسسة منبريون للالحان رقم 1
@ahmed_alziwar1
▪️مؤسسة منبريون لنشر القصائد 2
@ahmed_alziwar2
▪️مؤسسة منبريون للمقامات3
@ahmed_alziwar3
▪️مؤسسة منبريون للنعي4
@ahmed_alziwar55

كروب تلبية الطلبات
https://t.me/+EYMpn6BKE-IxYmZi

#قصائد_استشهاد_الامام_العسكري_ع_8_ربيع الاول

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁




#كعده

طور ايام ايام

ظـــــلاّم --- ظـــلاّم === هاي الزمـره ظلاّم
چبد الحسن سـَمّوها === بنت النبي فجعوها
هاي الزمـره ظلاّم
ــــــــــــــــــــــــــــــــــــــــ
هاي زمره إو حامله الأحقاد وإغتالت ولينه
والحزن عم الوسيعه وإنلچــم گلبه نبينه
فاطمه الزهره تنوح إو تلعن أرباب الضغينه
سامرّه غطــّاها الحــــزن == والمنتظر يبچــي إو يون
والدين للزاكي يحن == يلعن الزمره اللعينه
هيهات --- هيهات === ما ننساها هيهــات
ملــــــّة كفر آذوها === بنت النبي فجعوها
هاي الزمـره ظلاّم
ـ
يا محمد عترتك ما أنصفوها الناصبيــّه
بين سم إو بين إرهاب إو قتل يابو الحميه
شرّدوهم من وطنهم وإنجرح گلب الزچيــّه
صبروا على ضيم الدهر == نالــــــــوا مجدهم والظفر
واليبغض العتره إندحر == تنتهي كـُل جاهليــــــــّه
مولاي --- مــولاي === ما حـِشـْموها مولاي
عتره إبغدر ظلموها === بنت النبي فجعوهــا
هاي الزمـره ظلاّم
ـــــ
ياعلي ما أنصفوا إولادك إو دمهم تـِطـَشــّر
والحسن حادي عشر كوكب گضه بالسم تــحـَيــّر
من بني العباس لاح الضيم والآهات تكبر
وينك يجدّي ياعلــــــي == نادى الحسن هذا الولي
ما بين شرهم أنولي == والگلــــب نيرانه تسعر
حسرات --- حسـرات === ما أقساها حسرات
روحي إبحقد جرحوها === بنت النبي فجعوها
هاي الزمـره ظلاّم
ـــــ
رادوا إيطـَفـّون أنوار الجلاله إبهذا غيهم
ظنـــّوا إبسم الحسن أهل الهـُدى ينزاح ضيهم
ما دروا نوره إرتقى بــِبــْنــَه اليريد الثار منهم
لازم يجينـــــــه المنتظر == وإبطلعته يشفي النظر
وإيزيل كـُل هذا الخطر == فنهـــــم إيصمدون فنهم
أرجاس --- أرجاس === هاي الملـّه أرجاس
نار الكـُره شعلوهــا === بنت النبي فجعوها
هاي الزمـره ظلاّم
ــــــ
ننتظر يوم الفرج ياربــّي عجــّل من ظهوره
نرتوي من رأفته إو نمشي على أنوار نوره
لازم إنزيل النواصب كل موالي إيشوف دوره
مـَيـْظل وهابي إو ينتهــي == وإيشع ضوه المهدي البهي
والكون بالحب يزدهي == يحمي كل مظلوم سوره
ربــــّاه --- ربــــّاه === وين المهدي ربــّاه
أمـّه الأشم عـَذبوها === بنت النبي فجعوها
هاي الزمـره ظلاّم
ـــ
المـُصيبــــــــــــه
ــــــــــــــــــــــــــــــــــــــــــــــــــ ـــــــــــــ
بالدموع اليوم شــَيــْعوه الحسن نال المكارم
نادوا ياموعود هذا العسكري مسموم غانم
والوهابيــّه إجونه اليوم إرهاب إو جرايم
نرفـــــع عزانــــه الفاطمه
خلــّيهــــــا تسمعنه للسمه
ريت النواصـــــب بالعـِمَه
أجـْرَوا على الأرض الدِمَه
هذا الهـُدى صابه الظــِمَـه
ننتظر نورك يحاميهـــــــــا الشريعــــــه
ــــــــــــــــــــــــــــــــــــــــــــــــــ ـــــــــــــــــــــــــ
مع تحيات شاعر أهل البيت / جابر النجفي


✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_المشايه_والاربعين

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁




#كعده

يالساكــــــــــن إبــــــأرض الـــــــــــزود == جيتــــــــــك حزينــــــــه
خـــــــل ينهــــــض إويــــــــاك الجــــود == جيــــــــت إبضعينــــــــه
لتضن نسيتك === مهمومه جيتك
جيت إبضعينه
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــ
خويــــــه ياروحـــــــي إو أمـــــــل دنيــــــــاي جيتـــــــك ياولينـــــــه
أربعيــــــــن إمـــــــن الليالــــــي نــــــــورك اليزهــــــي إمفارﮔينـــــه
بالظـــــــلام العايلـــــــــه ظلــــــــت بعـــــــد عزنـــــــه إنولينـــــــــــه
أخذوني عنّك بالغصــــُــب == ﮔلبي نزف دمعي يصُب
ضعني سره يمشي الدرُب == نبتعد عنّك غدينـــــــــه 
روحي ﺑﮔـت بالآلام == يمّــــك يغالـــــي
ﮔلبي نساها الأحلام == وأحلف يوالـــي
لا مـــا جفيتــــــــك === مهمومه جيتك
جيت إبضعينه
ــــــــــــــــــــــــــــــــــــــــــــــــــ ــ
خويــــــه جيتــــــــك من بعد ضيـــــــم الأســــــــر يبــــــن الزﭼيـــــه
إنهـــــــض إو أرويلك الصـــــــار إو جــــــــره يابــــــــو الحميّــــــــه
صاحـــــوا إبكوفــــــان شوفــــــوا هذا ضعـــــــــن الخارجيّــــــــــــــه
يحسين راكبهم جهل == زرعوه أرباب الدجل
ما بيهم إبدن أي أمل == مارعوا سيد البريّــه
واني صحــت ياظلام == جدنـــــــــه نبيكــــــم
حيدر علي الماينضام == هُــــــوّ وليكــــــــــم
آنــــــي وفيتــــــــــك == مهمومــــــــه جيتك
جيت إبضعينه
ــــــــــــــــــــــــــــــــــــــــــــــــــ ـــــ
مـــــن شفـــــت أهل الغـــــدر ﯾﺑﭼــــون ﮔلبــــــي صـــــار مجمــــــــر
خويـــــه يحسيــــــن إنطلق صوتــــــي إبشوارع كوفـــــة الشـــــــــر
وإبألــــــم ناديت دم طــــــه النبي إنتـــــــم ذبحتـــــــوا إبجـــــور منكر
إنتم ذبحتـــــوا فاطمـــه == ﺗﺑﭼــي غدت حتى السمه
وإبكربله سيل الدمــــــه == إعتلــــــه الأمجاد وإزهر
ناصرتوا جور الشيطـان == هــــــــاي الرزيـــــــــــه
خويه نسوه الأحســـــان == نصـــــروا أميّـــــــــــــه
تنهــــــــض يريتــــــــك === مهمومــــــــــــه جيتك
جيت إبضعينه
ــــــــــــــــــــــــــــــــــــــــــــــــــ ــــــــ
خويــــــه يحسيــــــن الرزيّــــــه إبمجلــــــس الطاغــــــي شفتهـــــــا
نــــــــار شعلــــــــت بيّــــــه ياخويـــــــه إو ﺑﮔـــــــت ما فارﮔتهــــــــا
لكــــــن بزودي صحــــــت وأهـــــــــــــــداف للثـــــــوره أعلنتهـــــــا
وإيزيد بان إو إنفضح == خط ثورتك خويه وضح
والباغي أبدن ما نجح == والمسيره وضّحتهــــــا
واليــــوم إجيتك يانور == للغاضريّــــــــــــــــــــه
وإﺑﮔلبي ناري إتفـــور == حــــــــــد المنيّــــــــــه
بُمّــــي نخيتــــــــــــك === مهمومــــــــــه جيتك
جيت إبضعينه
ــــــــــــــــــــــــــــــــــــــــــــــــــ ــــــ
خويــــــه يحسيــــــن الضعــــــن يمّـــــــك وصل إنهــــــض يوالــــــي
خلّــــــي آنــــــي إوياك نمشي للكفلنـــــي إيشـــــــــــوف حالـــــــــــي
رايـــــــده العبــــــاس ينهــــــض وأدري آنـــــــــــي إبزوده عالــــــي
أشرح إله أفعال النذل == خلي الدمــــع منّه يهــــــل
وأشكر إلهي وأبتهــل == وأرجع الطيبه إوياي والي
يرفع لواءه المهيـوب == يســــــــــري إبضعنّــــــــه
حتماً أخوي المحبوب == شايـــــــــف إلمنـــــــــــــه
تسمــــــــع دريتــــك === مهمومــــــــه جيتــــــــك
جيت إبضعينه
ــــــــــــــــــــــــــــــــــــــــــــــــــ ــــــــــ
المُصيبـــــــــــــــــــه
ياعلـــــــــي بويـــــــه إجيـــــــت الأخوتــــــــي بعـــــد المصايــــــــب
ياولينــــــه آنــــــي أريدك تحضـــــــــــــر إويـــــــاي إمن أعاتـــــــب
وأنصـــــــب المأتــــــم يبويه إبكربلــــــه إو دلالـــــــــي لاهـــــــــــب
شاركني بويه إبحسرتي = ماتهده أبدن عبرتي = إسمعها تفجع ونّتي 
أﺑﭼــي ونادي إخوتي = نهضوا إلي ياضونتي = محّد يردني الديرتي
محّــــد يردنــــــــي يبويـــــــه إو ما نهضلــــــــي إحسيــــــــــن غايب
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
مع تحيات شاعر اهل البيت / جابر النجفي


✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_مسلم_بن_عقيل

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤من سفير إحسين إطلب حاجتك وإلمُصابه خلها تجري دمعتك🖤


▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁


#كعده

إنتَ يامسلـــــــــــــم تـِمـَلـّكت الأراده === هـِمـّه وإقدام إو عزم ويّه القياده
ما نسيت إحسين حد ﮔطع الوتين === رادوا إيذبحـوك وإرفعت اليـِمـِين
دوم خالد / ترسم إبعز المجد
ــــــــــــــــــــــــــــــــــــــــــــــــــ ـــــــــــــــ
ياسفير إﻟﺤﮓ يمسلــــــــــــــم == يخسـه إبن مرجانه غادر
ما ﮔـدر للصوره يـِثـْلـِم == إنــــــــتَ ما ذلــّيـــت ثاير
هـُوّ للشينات إيـْلـــــــــِـم == وإنــــــــتَ بالطيبات طاهر
يوم المشيت إعلى الجمر == ظلـّيـــــــــــت بيمانــــــــــك بدر
وإحسين غذاك الصبــــــــــر == ما خفــــــــت موت إو عساكر
ما يهاب الباطل العنده عقيـــــده === تنتهـــي الدنيه إو يظل رافعها إيده
ينكتب إسمه إبسجّل الثايريـــن === ويّـــــه عترة أحمد الهادي الأمين
دوم خالد / ترسم إبعز المجد
ــــــ
ياسفير إحسين نورك == إنتشـــــــر يملي الوسيعه
ينذكر بالثــــــــوره دورك == بأحـــــرف النور البديعه
ما نزل ﻟﻟﮔاع سـورك == يالفديــــــــت إبن الوديعه
ما دﻧﮔـّت يوم الخطـــر == من جاهـــــــدت نلت الظفر
والجيش جـَرّعتـَه الكـَدَر == موت بصفوفـــــــــــــه تشيعه
هدّتك بالحوم هدّه حيدريّه === شيمتــــــك إقدام شيمه أحمديّه
مسلم إو يكفي الأسم يوم النزال === يرعـــــــــــب الفرسان وإيهز الجبال
دوم خالد / ترسم إبعز المجد
ــــ
مو غريب إنتَ يغالي == والغريـــــــــــــــــب الباع دينه
إنتَ نور إو بالأعالـــــي == والمعــــــــــادي عـَمـْيـَه عينه
نوّرت سود الليالـــي == والغـــــــــدر سوده سنينه
والكوفه شهدت صولتـــــــك == بـــــــس طوعه ربحت نصرتك
ويّاك حضرت محنتك == لكـــــــــن الطيبــــه حزينه
فازت إبموقفها طوعه الرافضيّه === هـَلـْهلـَتلك من صلــــــت يابو الحميّه
ما نسيناها إو تظل رمز الأباء === تشفع إلها باﭼـر إبيوم الجزاء
دوم خالد / ترسم إبعز المجد
ـــــ
هذا العذاري إبغربته == مثلك إتحدّه الأعادي
مصطفه الصوته سمعتــــه == ما حنه راسه إو ينادي
روحي أفديها النـُصرتــه == دين الله إو صوتي شادي
شنقوه صابر مـِحـْتـِسـِب == إسمـــــه إبدليلي ينكـِتـِب
نيـران ﺗﭼـويني إو تـِشـِب == شوفـــــــة المهدي مـُرادي
مثلك المغدور يامسلم ﮔضاها === آخر اللحظات وإهمومه نساها
سلـّم أمره للعلي الباري الجليل === يفتخر من صار إلك مسلم مثيل
دوم خالد / ترسم إبعز المجد
ــــــــ
ﺗﻧﮔضي الحاجات يمـّك == ما يظل مهموم زاير
مسلم إو محلاه إسمــك == يا أعز محبوب زاهر
من علي الكرّار عمـّك == غيرتـــــــــــــــك يابو المآثر
بالكوفه تزهي حضرتك == ياريـــــــــــــــــت دوم إبجنـّتك
مرفوعه باﻟﺤﮓ رايتك == للسمـــــــه إتشير المناير
ما يسد بيبانه يامسلم مُضيفك === والمجــد ﻳﺑﮔـه يبو الهدّه وليفك
ذلـّت إو نزلت خجل أعلى القصور === وإرتقـى صرحك على طول الدهور
دوم خالد / ترسم إبعز المجد
ــــــــــــــ
المـُصيبـــــــه
ـــــــــــــــــــــــــــــــــــــــــــــــــ
واجب إنعـــزّي حميده إو نـُنصب المأتم لبوها
سافر المهيوب عنها إو بيه عدوانه إفــْجعوها
تنتظر ظلــّت تريد إتزور ﮔـبره إو من سبوها
بالكوفه صارت هايـِمـَه == لاﮔﺗـها طوعه الغانـِمـَه
صاحت يبت حامي الحـِمـَه == مسلم أبوﭺ إنطـَه الدِمـَه
وإتحمـّل آلام إو ظـِمـَه == واجه أميّه الغاشـِمـَه
وإبجهاده فاز مسلم وإرتفع مجده الفدائي
ــــــــــــــــــــــــــــــــــــــــــــــــــ
مع تحيات شاعر أهل البيت / جابر النجفي



✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA

#قصائد_العليلة

#مـۄسسـﮫ_مــﻥــبـريۄن_للالـﺢــان

الــﮠــاشــﺭ اζـــﻣــد الــﺯۄار

🖤 غيبتك ياحسين طويله
وفاطمه بنتك عليله🖤

▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁▁



#كعده

يادار أهلي إو عافوني === يادار شوفيها إعيوني
ما تغمــُضها الأجفان === راحوا عنــّي الوليان
ــــــــــــــــ
ودّعوني إو دمعتي مافارگت عيني إو حزينه
والگلب ينزف غــِدَه من شاف حــَضــْروها الضعينه
همــّي جارح واني أشوف إحسين ما خذ كــُل بنينه
بس آني ظلــّيت إبحزن == لا واحـــــد إعليــّه يحن
تركوني بهمومـــــي أون == تجري دمعاتي الحنينه
يادار آني إبحسراتـي === يادار سمعي الآهاتي
ما تنزاح الأحـــــزان === راحوا عنــّي الوليان
ـــــ
ودّعــَنــّي كـُل خواتي إو لوعتي إبگلبي خفيــّه
والضعن سار إو مشه واني تمنــّيت المنيــّه
من بعدهم ما يــِلــِذ العيش ما تحلــَه المسيــّه
أحبابي عنــّي أبعــــدوا == للغيبه حَضـْروا مـَهـّدوا
وإجروح عنـــدي ولــّدوا == من مشــــــوا للغاضريــّه
يادار آني المظلومــــــه === يادار وحدي إو مهمومه
وأحچــي ويــّه الحيطان === راحـــــوا عنــّي الوليان
ــــ
من تمـُر إطيوف الحسين إبخيالي تسري ناري
أذكر أيــّامه إو يحن گلبي النزيفه إدموم جاري
وأذكر العباس عمـّي الچــان نوره يضوي داري
عبد الله أذكر سلوتي == وإتذوب بالهم مهجتي
ما تــِهـْدَه تجري عبرتي == والألــــــــــم للدوم ساري
يادار بالهم عينينــي === يادار ذكريه إحسيني
لاواحد منهم بـــــان === راحوا عنــّي الوليان
ــــــ
آه ياليل الحزن طــوّل ظلامك ما رحمني
واني بالامي إو وحدتي والزمن منهم حرمني
وأنتظر يوم اليجيني الأكبر إو زوده يضمني
ياخذني إخوي الوالدي == واني أشوفه مگصدي
آليـــت من بعده أرتدي == ثـوب الأحزان السگمني
يادار إبچـي إو واسينــي === يادار إحچـي إو ناجيني
وإروي گلبي العطشـــان === راحوا عنــّي الوليان
ــــــــ
والأمل ضاع إو بعد ماشوف عمتي الهاشميــّه
والليالي من تمـُر وحشه تصير إبكــُل مسيــّه
لا إبو عندي الأزوره إو لا إخو اليسأل عليـــّه
وحدي غريبه إبديرتي == ياربــّي إكشف محنتي
خلــّيني أشوفه ضنوتي == والدي إحسين الشفيــّه
يادار جارت أيــّامي === يـــادار كثرت آلامي
وأتنطـــّر عالبيبــــــان === راحوا عنــّي الوليان
ــــ
المــُصيبــــــــــــه
ــــــــــــــــــــــــــــــــــــــــــــــ
فاطمه هاي العليله هاذي محنتها الأليمه
ذوّبت روح العقيله من مشت عنها العليمه
ظلــّت الطفله إبألمها دايم المأتم تقيمه
طفلــه وحيده إو ساهـره
نار إبگلبها ساجـــــــــره
وإبدار أبوها دايـــــــــره
وإبهمها تبچـي إو حايره
دنيه إو عليها جايــــــره
تنتظر يرجع أبوها والأهل إلها العليله
ـــــــــــــــــ
مع تحيات شاعر اهل البيت / جابر النجفي



✿مؤسسة منبريون للالحان رقم 1
@ahmed_alziwar1

✿مؤسسة منبريون لنشر القصائد 2
@ahmed_alziwar2

✿مؤسسة منبريون للمقامات3
@ahmed_alziwar3

✿مؤسسة منبريون للنعي4
@ahmed_alziwar5

✿اكبر كروب لتلحين القصائد

https://telegram.me/joinchat/AAAAAD9pmsoMub22NRYqtA