قناة 🔥بركان الغيرة🔥

#الشاعرة_أم_ذوالفقار_إسراء_اللامي

#جديد
#جنوبي



قصيدةلفاتحة الزهراء ((ثالث يوم))



وثالث يوم //والبيرغ امعلگينه
چاوين الزجيه خل تمر بينه



ثالث يوم يمه وانتي ماهيه
فاتحتج كضت ردي يعلويه
وحگ ضلعج اتاني و حيل مابيه
((احزن داره//والوالي اليوم ))


يم حسين حيدر بالنزل حاير
يون بهداي يمه والگلب فاير
يكف چادر حزنه عالدرب داير
((دار اعيونه//عالدرب يون))


كف جارد حزنه وثالث الليله
وبيتج صار محزن يمه مرريله
مري بداعت العشره يالكحيله
((ام الهيبه// چا يمته ترد))


تكول ام الحزن وين التساعدني
ثالث يوم لامي وگلبي لاچمني
اريد الطم واريدنها التگابلني
((اعله الهامه//خلينه اندگ))


اريد الطم عله امي اليوم ثالثها
يهايه امعدله والنوح لاگلها
بالمجلس اجن حضرن حبايبها
((خدام اتلاگت//لطامه))



تمت بعون الله وتوفيقه 🧿

#الشاعرة_إسراء_اللامي _✍️


غير مبري الذمة من ياخذ المفردات ويحورها وينسبها لنفسه خصيمه ابا الفضل العباس ع


العمل مهدات لصاحب الزمان عج


https://t.center/UMdufekar

#الشاعرة_أم_ذوالفقار_إسراء_اللامي

#جديد #نعي 💔❤️‍🔥

نعي //لسان الحال عن السيدة معصومه ع تخاطب اهلها عندما حانت الوفاة منها

تكووووول يمه


اليوم الاخت. رادت اخوها
مطروح النعش ماشيعوها
يروحي حزينه وماااجوها



چادر اريد وبيرغ اليوم
ندوهلي ولينه المات مسموم
اشعجب ماوصلتله العلوم




تمنيت يهل الخيل تلفون
هيبه الاهل لمن يشيعون
وامنگبين وحمره العيون



حمره العيون وبيرغ اعضاي
يم النعش ويرفرف احذاي
مامش حنين اليوم وياي



وديت عتبي لدار اهلنه
هلبت حنين يزت ضعنه
وين النشامه اليوم عنه


ردت الجنازه بيد الاحباب
معصومه ودت هذا العتاب
نامت ابنيتكم بالتراب


عيني تعاين كل الدروب
چاوين اهلنه صارت اغروب
كفيت عتبي العتب چندوب




تمت بعون الله وتوفيقه 🧿

#الشاعرة_إسراء_اللامي_✍️

غير مبري الذمة من ياخذ المفردات ويحورها وينسبها لنفسه خصيمه ابا الفضل العباس ع


العمل مهدات لصاحب الزمان عج



https://t.center/UMdufekar

#الشاعرة_أم_ذوالفقار_إسراء_اللامي

قصيدة للعباس ع ((فز گلبي ))

فز گلبي واجيت بهدوة الليل
ياعباس اصيح ودمعتي اسيل
جاباني الجدم ليك//يريت بروحي اخليك
ياعباس اصيح ودمعتي اسيل

بهدوة ليل اجيت وعفت العيال
امشي خايفه واسحگ بالذيال
بقت بس العمايم من الرجال
ادور واندهه اعليك //يريت بروحي اخليك
ياعباس اصيح ودمعتي اسيل


ياخذني الجدم يم نهر الاشواك
ويفز كلبي ويگلك ولله مشتاك
هاظمني النهر وامشي عالراك
دكعد وانه احاجيك//يريت بروحي اخليك
ياعباس اصيح ودمعتي اسيل


دگعد وانه اسولف ضيم الهواي
يالعطشان اشربك بيدي هالماي
يالنايم عليك امهدهده اعضاي
تون يالنايم اشبيك//ريت بروحي اخليك
ياعباس اصيح ودمعتي اتسيل


تون يالنايم وونك كضاني
خويه افراگ وجهك شيباني
الدهر بعدك يكافل عذباني
شوف امتوني اراويك//يريت بروحي اخليك


جرح امتوني من سوط اليضربون
من فركاك ماضلت ترى اعيون
اجيتك ناحله والكلب محزون
واعتب خاف اذيك //يريت بروحي اخليك
يم راسك بجيت ووني شيفيد


تمت بعون الله وتوفيقه

#الشاعرة_إسراء_اللامي_✍️


غير مبري الذمة من ياخذ المفردات ويحورها وينسبها لنفسه خصيمه ابا الفضل العباس ع

العمل مهدات لصاحب الزمان ع


https://t.center/UMdufekar

فزاعية للعباس(( ع)) ((عراضه ونوح))

عراضه ونوح تشيعك يعباس
ولطمة حارة بيومك يفراس


اليوم ابمجلسك امك اعازيها
ماجوره يغاتي ودمعتي اجريها
طايح عالترب ياحيف غاليها
((الملعب ون //اعالهيبه ))


ياراعي الهيابه جينه عزايه
شلنه بيرغك وبنص القرايه
ميدانك اعدله والطم اهوايه
((شديته //احزامي والطم ))


يايومك ثجيل ونحل اعضامي
احبك يالغيور ويالمتت ضامي
يسمونه الوفي ولزينب الحامي
((يسمونه //رواي العيله ))


رواي ويروحك كلش حنينه
اليوم بمجلسك متروسه ايدينه
ياباب الحوايج كلنه ندبينه
((المهمومه //تندب عباس ))


نخيتك والدمع عباس بعيوني
تكضيها الحوائج للي وصوني
خادمكم واجيت ولاتفشلوني
((ينطينه// عباس امجرب ))


تمت بعون الله وتوفيقه

#الشاعرة_إسراء_اللامي_✍️


غير مبري الذمة من ياخذ المفردات ويحورها وينسبها لنفسه خصيمه ابا الفضل العباس ع


العمل مهدات لصاحب الزمان عج



https://t.center/UMdufekar

فزاعية للعباس ع ((هايه اكحيلة العباس ))

هايه اكحيلة العبــــاس
تصهل طاح راعــــــيها

تدبج حيل بالحومـــه
تصيح بونه مالومــه
احااا يالكافل ويومه
رعبت كل اعاديــــــها

رعبت هالعده هاليوم
تون جيه طايح الجيدوم
لختك يبوفاضل كوم
الخيم وجوهن اعليها

حركوهايبو النوماس
خيالي سبع ياناس
هسه ينهض العباس
ويگلبها اعله سافيها


يروج الگاع المچنه
بطل خيالي اعرفنه
اخته وجيت اكعدنه
اختك شوفها شبيها

من خيمه لعد خيمه
صاحت هايبو الشيمه
نمت عالگاع يهظيمه
تون ام عون حاجيها

حاجيها يبو النخــوه
اختك تون بالگـــوه
شماته والكفر بلوه
فرحانه اعاديهـــا

تمت

#الشاعرة_إسراء_اللامي_✍️

غير مبري الذمة من ياخذ المفردات ويحورها وينسبها لنفسه خصيمه ابا الفضل العباس ع


العمل مهدات لصاحب الزمان عج


https://t.center/UMdufekar

#جديد 🔥🔥🔥


قصيدة لام البنين ع 🧿🔥 اخر ساعات الاحتظار 💔😭😭.



عنوان القصيدة ((تعرضلي صورهم))💔💔




تعرضلي صورهم //وانازع بالمنيه
واصيح بصوت مبحوح//يمه الحگ عليه


شبحةعيني عالباب
واريد اليوم الأحباب

تعرضلي صورهم. تعرضلي صورهم

تعرضلي الصور من تغمض العين
واگلل للعين ابقي ولاتفتحين
اصيح افيش من انظر للحسين
ويعرضلي الگمر من غير چفين

هله بيكم يالاطياب
شبحة عيني عالباب
تعرضلي. صورهم //تعرضلي صورهم


تعرضلي صورهم واحجي بهداي
يملك الموت ريض واسمع مناي
انه تمنيت ولدي تكعد احذاي
تغمضلي العيون وتعدل اغطاي

تحرك ياهوه الهاب
شبحة عيني عالباب
تعرضلي صورهم. //تعرضلي صورهم



تحرك ياهوه واخذ العتب روح
طرشلي لاسباع التشفي الجروح
خيلحگون خافن تطلع الروح
عيوني امفتحه والحيل مطروح

حيلي الصاير اتراب
شبحة عيني عالباب

تعرضلي صورهم. //تعرضلي صورهم



حيلي اتراب صاير من هجركم
الثواني الباقيه مروها امكم
تجوني بساعتي لو اجي يمكم
خلص عمر المتانه وجايه الكم

اجيكم انه بعتاب
شبحة عيني عالباب


تعرضلي صورهم. //تعرضلي صورهم


خلص عمر المتانه وخلص وياه
الدمعه وونتي والصرخه واحااه
تدرون اليفارگ ذايبه اچلاااه
تطيح الدمعه بس للروح تهواه

تسون الگلب ذاب
شبحة عيني عالباب

تعرضلي صورهم //تعرضلي صورهم


اسلم للمنيه واسد عيني
واودع كل عتابي وكل ونيني
وايس يابو فاضل ماتجيني
شيل اجنازتي ومدد اديني

عندك صاير امصاب
شبحة عيني عالباب

تعرضلي صورهم تعرضلي. صورهم

تمت بعون الله وتوفيقه 🧿


#الشاعرة_إسراء_اللامي_✍️



غير مبري الذمة من ياخذ المفردات ويحورها وينسبها لنفسه خصيمه ابا الفضل العباس ع



العمل مهدات لصاحب الزمان ((عج))




https://t.center/UMdufekar

جنوبية عندما سمع العباس بوفاة الجليلة بنت امير المؤمنين ع


❋❋❋❋❋❋❋❋❋❋❋❋

النعي……

شد الثام وجه وطالع بحسره
الرايه بيمتنه وصاعد عالشگره
الله يساعده گلبه انفطر فطره


النزله ………
اجه الخيال . زينب لاتعتبين
بالتشيع يكطعلج الصوبين

❋❋❋❋❋❋❋❋❋❋❋. .


اجه الخيال والرايات شالاها
عله امتونه الجنازه اليوم خلاها
والحسره شكبرها اعليج ذباها
((عباس يون//الله يعينه))

❋❋❋❋❋❋❋❋❋❋❋❋

الله يعين سبع الحومه هالليله
من دنگ يشيل بهيدة الكحيله
لفاها الجنازه ببيرغه وحيله
((وزتاها//اتنومس بيها))

❋❋❋❋❋❋❋❋❋❋❋❋

ياعصابة الطف بيج نتباهه
بالتابوت يمشي ويحجي وياها
ياعمة ولدنه اليوم فركاها
((المهيوبه//اليوم نزت))

❋❋❋❋❋❋❋❋❋❋❋❋

نزتج بالفخر والفخر يحلالج
انه بخدمتج للدوم خيالج
عيني ويمنتي والروح تفدالج
((انتي عيونه//عباس الحيد))

❋❋❋❋❋❋❋❋❋❋❋❋

ردت وياج مو زاتوت حمايه
ورجعج للديار ورافع الرايه
ويرد ذاك الشمل بلمة اعضايه
((شياله//ماردت بنعشج))
❋❋❋❋❋❋❋❋❋❋❋❋


تمت بعون الله وتوفيقه
#الشاعرة_إسراء_اللامي_✍️

غير مبري الذمة من يجرد اسمي من القصيدة خصيمة ابا الفضل العباس ع


العمل مهدات لصاحب الزمان عج

https://t.center/UMdufekar