قناة 🔥بركان الغيرة🔥

#الشاعرة_أم_ذوالفقار_إسراء_اللامي

قصيدة للعباس ع ((فز گلبي ))

فز گلبي واجيت بهدوة الليل
ياعباس اصيح ودمعتي اسيل
جاباني الجدم ليك//يريت بروحي اخليك
ياعباس اصيح ودمعتي اسيل

بهدوة ليل اجيت وعفت العيال
امشي خايفه واسحگ بالذيال
بقت بس العمايم من الرجال
ادور واندهه اعليك //يريت بروحي اخليك
ياعباس اصيح ودمعتي اسيل


ياخذني الجدم يم نهر الاشواك
ويفز كلبي ويگلك ولله مشتاك
هاظمني النهر وامشي عالراك
دكعد وانه احاجيك//يريت بروحي اخليك
ياعباس اصيح ودمعتي اسيل


دگعد وانه اسولف ضيم الهواي
يالعطشان اشربك بيدي هالماي
يالنايم عليك امهدهده اعضاي
تون يالنايم اشبيك//ريت بروحي اخليك
ياعباس اصيح ودمعتي اتسيل


تون يالنايم وونك كضاني
خويه افراگ وجهك شيباني
الدهر بعدك يكافل عذباني
شوف امتوني اراويك//يريت بروحي اخليك


جرح امتوني من سوط اليضربون
من فركاك ماضلت ترى اعيون
اجيتك ناحله والكلب محزون
واعتب خاف اذيك //يريت بروحي اخليك
يم راسك بجيت ووني شيفيد


تمت بعون الله وتوفيقه

بقلم خادمة أهل البيت ع
🚩أم ذو الفقار أسراء اللامي 🚩

غير مبري الذمه من يحذف الأسم او يتلاعب في الكلمات او ينسبها لغير شاعرة مشكول الذمه


https://t.center/UMdufekar

#الشاعرة_أم_ذوالفقار_إسراء_اللامي

#جديد #نعي 💔❤️‍🔥

نعي //لسان الحال عن السيدة معصومه ع تخاطب اهلها عندما حانت الوفاة منها

تكووووول يمه


اليوم الاخت. رادت اخوها
مطروح النعش ماشيعوها
يروحي حزينه وماااجوها



چادر اريد وبيرغ اليوم
ندوهلي ولينه المات مسموم
اشعجب ماوصلتله العلوم




تمنيت يهل الخيل تلفون
هيبه الاهل لمن يشيعون
وامنگبين وحمره العيون



حمره العيون وبيرغ اعضاي
يم النعش ويرفرف احذاي
مامش حنين اليوم وياي



وديت عتبي لدار اهلنه
هلبت حنين يزت ضعنه
وين النشامه اليوم عنه


ردت الجنازه بيد الاحباب
معصومه ودت هذا العتاب
نامت ابنيتكم بالتراب


عيني تعاين كل الدروب
چاوين اهلنه صارت اغروب
كفيت عتبي العتب چندوب


تمت بعون الله وتوفيقه

بقلم خادمة أهل البيت ع
🚩أم ذو الفقار أسراء اللامي 🚩

غير مبري الذمه من يحذف الأسم او يتلاعب في الكلمات او ينسبها لغير شاعرة مشكول الذمه


https://t.center/UMdufekar

#الشاعرة_أم_ذوالفقار_إسراء_اللامي

#جديد
#جنوبي



قصيدةلفاتحة الزهراء ((ثالث يوم))



وثالث يوم //والبيرغ امعلگينه
چاوين الزجيه خل تمر بينه



ثالث يوم يمه وانتي ماهيه
فاتحتج كضت ردي يعلويه
وحگ ضلعج اتاني و حيل مابيه
((احزن داره//والوالي اليوم ))


يم حسين حيدر بالنزل حاير
يون بهداي يمه والگلب فاير
يكف چادر حزنه عالدرب داير
((دار اعيونه//عالدرب يون))


كف جارد حزنه وثالث الليله
وبيتج صار محزن يمه مرريله
مري بداعت العشره يالكحيله
((ام الهيبه// چا يمته ترد))


تكول ام الحزن وين التساعدني
ثالث يوم لامي وگلبي لاچمني
اريد الطم واريدنها التگابلني
((اعله الهامه//خلينه اندگ))


اريد الطم عله امي اليوم ثالثها
يهايه امعدله والنوح لاگلها
بالمجلس اجن حضرن حبايبها
((خدام اتلاگت//لطامه))


تمت بعون الله وتوفيقه

بقلم خادمة أهل البيت ع
🚩أم ذو الفقار أسراء اللامي 🚩

غير مبري الذمه من يحذف الأسم او يتلاعب في الكلمات او ينسبها لغير شاعرة مشكول الذمه


https://t.center/UMdufekar

#الشاعرة_أم_ذوالفقار_إسراء_اللامي

#جديد 🧿🔥❤️‍🔥


لسان حال مولاتنا زينب ع عندما فزت من نومها ولم تجد امها قامت من فرأشها وتبحث عن أمها الزهراء ع 🔥💔



بنص الليل افزن واركض اعليج
حسبالي بحجرتج يمه الاگيج
فراشج يمه خالي
صحت بصوت عالي
وينج يم حسن زينب تناديج


افزن هايمه واركض بالونين
ادور اعليج والزم بالحياطين
خالي افراش امي وصبت العين
وينج يم الاطياب
كعدت بعتبة الباب
وينج يم حسن زينب تناديج




كعدت بعتبه الديران اگلها
وين اتروح بله الماتت امها
خله بيت المحنه وزاد همها
وافز باليل واشتاك
وابجي وماخذه الراگ
وينج يم حسن زينب تناديج


خلت ديرانها والبيت مهجور
وابوي من الحزن ساكن بالكبور
ويم راس الحنينه يقرأ مكسور
اعالگبرج يقرأ قرآن
عليج الوالي حزنان
وينج يم حسن زينب تناديج



حزنان الولي والحيل مهدوم
وبعدج يم حسن ماشايف النوم
عگب عينج ترا والينه مالوم
واليفگد خليله
شلون ينام ليله
وينج يم حسن زينب تناديج



شلون اينام ليلة الفارگ احباب
يفز گلبه الهوه لو حرگ الباب
حسباله ترد امنه من الغياب
دكي الباب يمه
حيدر بان همه
وينج يم حسن زينب تناديج




تمت بعون الله وتوفيقه

بقلم خادمة أهل البيت ع
🚩أم ذو الفقار أسراء اللامي 🚩

غير مبري الذمه من يحذف الأسم او يتلاعب في الكلمات او ينسبها لغير شاعرة مشكول الذمه


https://t.center/UMdufekar

#الشاعرة_أم_ذوالفقار_إسراء_اللامي


#جنوبي 🔥

بنص الليل....حملت بت الاجواد
يم احسين گلبي اعليج ماهاد


ليش بليل شلتي اه يالكحيله
عليج اهل الشيم مانمت الليله
و بتج ناحله والمدمع اتسيله
حزينه اعليج يمه وگاطعه الزاد



يون گلبي عليج ودمعي يجري
روحي تروح للصاحت يضلعي
ريضلي يشفجه وفدوه ردي
حسافه بليل شالت ام الاولاد


حسافه بليل شالت ام الحسين
اخذيني وياج لوردتي تروحين
وين اتريد يابت السلاطين
هوسات وعراضه ليج تنراد


هوسات وعراضه كون ليها
بت اجواد ابو القاسم وليها
يهايه معدله ويعجب حجيها
شالت امي حيف بغير معياد


شلتي من وكت يابن الفحوله
ريت وي النعش رايات دگوله
لا بيرغ و لا هوسات مگيوله
هضيمه بلا عراضه بت الامجاد


تمت بعون الله وتوفيقه

بقلم خادمة أهل البيت ع
🚩أم ذو الفقار أسراء اللامي 🚩

غير مبري الذمه من يحذف الأسم او يتلاعب في الكلمات او ينسبها لغير شاعرة مشكول الذمه


https://t.center/UMdufekar

#الشاعرة_أم_ذوالفقار_إسراء_اللامي

لسان الحال لمولاتنا زينب ع ❤️‍🔥


ادور بالحجر وانظر عله البوب وينج يمه وينج
يعصر گلبي اه ياوكت الغروب وينج يمه وينج
يمه بدمع غدران // اعاتب باب الاحزان
امي وين.... امي وين


آه ودمع واهات........واصيحن وين امي
الج بالروح عتبات.......بعدج كثر هظمي
ليل وگضه بحسرات....صار الوجع سهمي
اشمن بالغطه والگلب منصوب...وينج يمه وينج
يعصر گلبي اه ياوكت الغروب... وينج يمه وينج
ليش الدهر خوان... اعاتب باب الاحزان
امي وين.. امي وين


صوبني الدهر بيج .....ليش اخذاج مني
اقبل ريت ايديج...... وردت حضنج يلمني
الترب غير معانيج....يبعد اهروشي ذني
افز بالليل ادور حالي مرعوب... وينج يمه وينج
يعصر گلبي اه ياوكت الغروب... وينج يمه وينج
وانعه بحيل تعبان.... اعاتب باب الاحزان
امي وين ... امي وين




اون بالليل وانحب....الفاگد هذا وكته
عفتي ليش زينب... تبجي اعليج سكته
ازغيره بونها تعتب....قبلج ريت ميته
صعب فرگاج يمه البعد چندوب.....وينج يمه وينج
يعصر گلبي اه ياوكت الغروب... وينج يمه وينج
يمه النزل خلوان... اعاتب باب الاحزان
امي وين... امي وين




اعاتب بابج بأآه....ويلچمني من اشوفه
جرح بالظهر خلاه...بغدر فاتن اسيوفه
اصيح بصوت يمااا.... حزنج مااعوفه
جادر للحزن وبروحي منصوب.... وينج يمه وينج
يعصر گلبي اه ياوكت الغروب... وينج يمه وينج
گلبي اعليج ولهان... اعاتب باب الاحزان
امي وين امي وين




تعبانه من الغياب.....بتج تعتب اعليج
گلبي امصوب صواب....مشتاگه لمحاجيج
عيني اربيه عالباب.... بعد چم يوم اتانيج
بقى ثوبج الي واتغطه بالثوب وينج يمه وينج
يعصر گلبي اه ياوكت الغروب... وينج يمه وينج
تريدج يمه الخوان... اعاتب باب الاحزان
امي وين امي وين


تمت بعون الله وتوفيقه

بقلم خادمة أهل البيت ع
🚩أم ذو الفقار أسراء اللامي 🚩

غير مبري الذمه من يحذف الأسم او يتلاعب في الكلمات او ينسبها لغير شاعرة مشكول الذمه


https://t.center/UMdufekar