قصيدة لأولادمسلم ع ((كلش هاضمتني))
يروحي الدنيه كلش هاضمتني
فكدت اهلي وعله ابني لاحكتني
مدري اشبيها وياي .....تاخذ مني الهواي
خذت اهلي وعله ابني لاحكتني
يروحي الدنيه كلش تعبتج
من دون الخلك هل عذبتج
مدري اشبيها مدري اشطالبتج
جنها صايره اعداي//تاخذ مني الهواي
فكدت اهلي وعله ابني لاحكتني
تعاملني بعداوه ومدري شتريد
عتبت اهواي بس العتب شيفيد
خذت مني الاهل ونوب الوليد
عليهم زايد ابچاي ..... تاخذ مني الهواي
فكدت اهلي وعله ابني لاحكتني
ابجي والدمع عالوجنه يجري
تدور الدنيه ليش وخذت بزري
حلوين المعاني وهمه ذخري
عطاشه بحسرة الماي ....... تاخذ مني الهواي
فكدت اهلي وعله ابني لاحكتني
عطاشه اولادي والدنيه خذتهم
الوم الروح هيه الضيعوهم
كالوا عله المسيب جره دمهم
نطفت يايمه عيناي.....تاخذ مني الهواي
فكدت اهلي وعله ابني لاحكتني
نطفت عيني عله حلوين الرسوم
مذبوحين يمه وكلبي مهظوم
المضيعه انه والحال مهدوم
انه الفاگده اعضاي//تاخذ مني الهواي
فكدت اهلي وعله ابني لاحكتني
تمت بعون الله وتوفيقه
بقلم ام ذو الفقار اسراء اللامي
🚩https://t.center/UMdufekar