rawêjîsm | ڕاوێژیسم

‍ ژیانی تۆ ژیانی خۆتە - #چاڕڵز_بوکوسکی | Charles Bukowski

“your life is your life
don’t let it be clubbed into dank submission.
be on the watch.
there are ways out.
there is a light somewhere.
it may not be much light but
it beats the darkness.
be on the watch.
the gods will offer you chances.
know them.
take them.
you can’t beat death but
you can beat death in life, sometimes.
and the more often you learn to do it,
the more light there will be.
your life is your life.
know it while you have it.
you are marvelous
the gods wait to delight
in you.”

Charles Bukowski
___________________
ژیانی تۆ ژیانی خۆتە
ڕێگە مەدە ھیچ گرفتێک
لە ژێر پەردەی ڕادەست بووندا
داگیرت بکات
وریابە
چارەسەر ھەیە
لە شوێنێک ڕووناکییەک بوونی ھەیە
ڕەنگە ڕووناکییەکە زۆر درەوشاوە نەبێت،
بەڵام لەتواناییدا ھەیە تاریکی بڕەوێنێتەوە
وریابە
خواوەندەکان شەنست پێ دەبەخشن
بیانناسە
بیانبە
ناتوانی لە مردن ببەیتەوە
بەڵام ھەندێک جار دەتوانی
شکست بە ژیان بهێنی
تا زووتر فێری بیت بیکەیت
زۆرتر ڕووناکیت بۆ دروست دەبێت
ژیان ژیانی خۆتە
تا لەژێر دەستەکانی خۆتدایە
تۆ مەزنیت
خواوەندەکان چاوەڕوانی ئەوەن
لە تۆدا دڵخۆش بن

✍🏻 #چاڕڵز_بوکوسکی
مۆنتاژ و ئامادەکردنی: #وەرزێر_عەبدوڵلا

@Rawezhism

دراوسێ‌کانمان پێیان وایە ئێمە کەر و گەوجین؛ ئێمەش پێمان وایە ئەوان کەر و گەوجن! هەردووکلامان راست دەکەین؛ بەتایبەتی لەوبەشەیدا کە یەکترمان پێ کەر و گەوجە!

🖊 #چاڕڵز_بوکوسکی
▫️و: #ناسر_فەتحی
▫️ #ڕاوێژیسم

@Rawezhism

“بۆ ڕێوییەكان”

ھیچ خەمی منتان نەبێ
بە ژیان دەوێرم و پێی دڵخۆشم
خەمی ئەوانەتان بێ بێزارن
بە ھەموو شتێ ناقایلن
ئەوانەی ھەمیشە ژیانیان
وەك دیكۆری ماڵەكەیان دەگۆڕن
بیر و ئاكاریان دەگۆڕن
ھەموو كاتێ سەرگەردانن
سەرگەردانیش بە خەڵك دەبەخشن
ئاگاداری ئەوانە بن
خۆشەویستی وشەی سەر زاریانە
فەرمان لە خودا وەردەگرن
چونكە شایستە نەژیاون

🖊 #چاڕڵز_بوکوسکی

كۆمەڵە شیعری “پاریس”
و: #عەتا_میرەكی
▫️ #ڕاوێژیسم

@Rawezhism

"پاریس" - کۆمەڵە شیعر

نووسەر: #چاڕڵز_بوکوسکی
لە ئینگلیزییەوە: #عەتا_میرەکی
چاپ و بڵاوکردنەوەی: "گوتار"

@Rawezhism | #ڕاوێژیسم

‍ "پاریس" - کۆمەڵە شیعر

نووسەر: #چاڕڵز_بوکوسکی
لە ئینگلیزییەوە: #عەتا_میرەکی
چاپ و بڵاوکردنەوەی: "گوتار"

▪️پێشەکیی وەرگێڕ:

#چاڕڵز_بوکوسکی شاعیر و ڕۆماننووسی ئەمریکایی ساڵی 1920 لە “ئاندرناخ”ی ئاڵمان چاوی بە ژیان هەڵێنا، دوای کۆچبەربوونی بنەماڵەکەی لە ئەمریکا دەگیرسێتەوە. لە ژوورە هەرزانەکاندا دەژیا و بۆ دابین کردنی بژیوی خۆی دەستی دایە چەندین پیشەی سەخت و کەمداهات. ساڵی 1950 وەکوو نامەبەر لە پۆستەخانەی لۆس ئەینجڵێس کاری دەکرد. ساڵی 1969 لەگەڵ ناوەندی چاپ و پەخشی Press Sparrow Black گرێبەستی ئیمزا کرد کە مانگانە سەد دۆلار وەربگرێ و لە بەرانبەردا تا ئەو دەمەی لە ژیاندا دەمێنێ وەک نووسەرێکی پیشەیی تەنها بە نووسینەوە خەریک بێ. خۆی لە نامەیەکدا ئەڵێ: دوو بژاردەم لە بەردەستا بوو، یان لە پۆستەخانە بمێنمەوە و شێت بم.. یان بێمە دەرێ و بنووسم و برسی بژیم. من برسێتیم هەڵبژارد. یەکەم ڕۆمانی خۆی بە ناوی "پۆستەخانە" نووسی کە بیرەوەری و بەسەرهاتەکانی خۆی بوو، لەو ماوەیەدا کە وەک نامەبەر کاری دەکرد، وەکوو وەفایەک بۆ Black Sparrrow Press زۆربەی بەرهەمەکانی هەر لەو ناوەندەدا چاپ کرد. بوکوسکی لە ساڵی 1994 و لە تەمەنی حەفتا و چوار ساڵیدا لە سەن پێدرۆی ویالیەتی کالیفۆڕنیا کۆچی دوایی کرد. لەسەر کێلی گۆڕەکەی نووسراوە: هەوڵ مەدە (Don’t Try). ئەو شێوازە نووسینەی بوکوسکی بە ڕیاڵیزمی پیس ناسراوە. لە نووسراوەکانیدا ڕەخنەگرانە و بە تووڕەیی باسی هەڵاواردن، هەژاری و پرسە کۆمەڵایەتییەکانی کۆمەڵگەی ئەمریکا دەکا. بوکوسکی وێڕای ژمارەیەکی زۆر شیعر، چەندین کۆمەڵە چیرۆک و شەش رڕمانی نووسیوە.

"پاریس" کۆمەڵێک لە شیعرەکانی بوکوسکی دەگرێتە خۆ، کە خۆم هەڵمبژاردوون و ئەو ناوەشم لە یەکێک لە شیعرەکانی نێو ئەم کتێبەوە هەڵگرتووە. یەکەمجارە نووسراوەکانی بوکوسکی لە قەبارەی کتێبدا بکەوێتە بەر دیدی خوێنەری کورد و زۆر خۆشحاڵم کە ئەم بەرهەمە دەچێتەوە کتێبخانەی کوردییەوە.

• خاڵێکی گرنگ کە دەبێ ئاماژەی پێ بکرێ؛ ئەوەیە کە لە وەرگێڕانی شیعرەکاندا هەوڵم داوە تێم و کەشوهەوای شیعری بوکوسکی و هەروەها شێوازەکەی بپارێزم، بەڵام لە هەمان کاتدا بەپێی توانای خۆم کارم بۆ ئەوە کردووە شیعرەکان لە زمانی مەبەستدا بێ‌مانا و ئاڵۆز نەیەنە پێش چاو. پێویستە ئاماژە بکرێ کە لە کۆتایی کتێبەکەدا دەقی ئینگلیزی شیعرەکانیشم داناوە.

@Rawezhism | #ڕاوێژیسم