rawêjîsm | ڕاوێژیسم

فەرەیدوون کە وێرانبوونی عەشقەکانی دەبینی بە گۆڤەندی دەگووت: "مامۆستام گوناهی ئێمە ئەوەیە کە چتی زۆر لە عەشق داوا دەکەین، داوا دەکەین کە عەشق پردی نێوان ئێمە و خودا بێت، عەشق پردی نێوان ئێمە و نیشتمان بێت، عەشق ڕزگارکەری ئێمە بێت لە بێزاری شارەکان، لە ساردی ئایینەکان، لە ماندوێتی ناو کێڵگە و کارگەکان، لە دەر بەدەر بوونمان لە دونیا، لە نامۆییمان و پەراوێز بوونمان لە جیهان... داوا دەکەین عەشق باڵمان بداتێ، توانامان بداتێ، هێزی داهێنانمان بداتێ، بەڵام عەشق خۆی لە جیهانێکی وەکوو ئەم جیهانەی ئێمەدا، لە شارێکدا وەکوو ئەو شارەی کە ئێمە لە کوچە و کۆڵانەکانیدا گەورەبووین، جگە لە دیلێکی بریندار هیچی‌تر نییە، جگە لە زامێکی گەورە و شاردراو هیچی‌تر نییە. کە هەتاو ناوێرێ خوێنی خۆی نیشان بدات... لە هەر شوێنێکەوە دەرکەوت دەپێکرێت، بەڵام بڕوانە دونیا بە جۆرێ مەخلوقەکان و مرۆڤەکان و نەتەوەکانی لە یەکتر دابڕیوە کە عەشق ناتوانێت پێکەوە گرێیانبدات، سەیرکە... سەیرکە، مامۆستام، هەندێ کەس هەرگیز عاشق نەبوون، بەڵام پێیانوایە عاشقن، ئەمەیش ژیان دەگۆڕێتە سەر جەهەنەم، هەندێکیش ئومێدی وا گەورە بە عەشق دەبەستن، کە خۆیان و عەشقیشی پێوە وێراندەکەن".

#بەختیار_عەلی
له ڕۆمانی: "ئێوارەی پەروانە" | ل. 233


@rawezhism

‎خۆشەویستی لای جەلادەت وەک مۆسیقا بوو، وەک چۆن لە مۆسیقادا دواجار مرۆڤ نازانێت دەیەوێت بڵێت چی، لە خۆشەویستی ڕاستەقینەشدا مرۆڤ نازانێت دەیەوێت بڵێت چی. کێشەکە هەر بێتوانایی زمان و کەم قودرەتی وشە نەبوو لە تەعبیرکردندا، بەڵکوو ئەوە بوو کە دواجار خۆشەویستی ڕاستەقینە وەک مۆسیقا ئامانجێکی نییە، تەفسیرێکی نییە بۆ لێرەیە و چی دەوێت، کە توانی تێبگات چی دەوێت، لەوە دەکەوێت خۆشەویستی بێت، کە ڕوخسارێکی نەگۆڕ و تەفسیرێکی کۆتایی وەرگرت ئیتر دەمرێت. خۆشەویستی ئەوەیە کە شادومانی بە بوونی ئەم مرۆڤە لەسەر زەوی، شادومانییەک هیچ مەبەستێکی لەپشت نییە، عاشقێکی ڕاستەقینە یەکێکی خۆشناوێت لەبەر ئەوەی جوانە، بەویقارە، ئەفسوناوییە، بەڕەوشتە، بەمەکرە یان هەر سیفەتێکی بێ مانای تر. بەڵکوو لەبەر ئەوەی ئەوە تەنیا ڕێگایە بیر لە هیچ غایەتێک نەکاتەوە.

‎لە ڕۆمانی: “شاری مۆسیقارە سپییەکان”
‎نووسەر: #بەختیار_عەلی

Video: koketit Text: bachtyar.ali


‎#ڕاوێژیسم #وێژەی_کوردی #kurdishnovel #kurdish

‍ فەرەیدوون کە وێران‌بوونی عەشقەکانی دەبینی بە گۆڤەندی دەگووت: مامۆستام گوناهی ئێمە ئەوەیە کە چتی زۆر لە عەشق داوا دەکەین، داوا دەکەین کە عەشق پردی نێوان ئێمە و خودا بێت، عەشق پردی نێوان ئێمە و نیشتمان بێت، عەشق ڕزگارکەری ئێمە بێت لە بێ‌زاری شارەکان، لە ساردی ئایینەکان، لە ماندوێتی ناو کێڵگە و کارگەکان، لە دەر بەدەر بوونمان لە دونیا، لە نامۆییمان و پەراوێز بوونمان لە جیهان... داوا دەکەین عەشق باڵمان بداتێ، توانامان بداتێ، هێزی داهێنانمان بداتێ، بەڵام عەشق خۆی لە جیهانێکی وەکو ئەم جیهانەی ئێمەدا، لە شارێکدا وەکو ئەو شارەی کە ئێمە لە کوچە و کۆڵانەکانیدا گەورەبووین، جگە لە دیلێکی بریندار هیچی‌تر نیە، جگە لە زامێکی گەورە و شاردراو هیچی‌تر نیە کە هەتاو ناوێرێ خوێنی خۆی نیشان بدات... لە هەر شوێنێکەوە دەرکەوت دەپێکرێت، بەڵام بڕوانە دونیا بە جۆرێ مەخلوقەکان و مرۆڤەکان و نەتەوەکانی لە یەکتر دابڕیوە کە عەشق ناتوانێت پێکەوە گرێیانبدات، سەیرکە... سەیرکە، مامۆستام، هەندێ کەس هەرگیز عاشق نەبوون، بەڵام پێیانوایە عاشقن، ئەمەیش ژیان دەگۆڕێتە سەر جەهەنەم، هەندێکیش ئومێدی وا گەورە بە عەشق دەبەستن، کە خۆیان و عەشقیشی پێوە وێراندەکەن.

✍🏻 #بەختیار_عەلی
له ڕۆمانی: ڕۆمانی ئێوارەی پەروانە
لاپەرەی 233

🎨 نیگارکێش: Peggy Wauters
▫️ #ڕاوێژیسم

@rawezhism

فاشیزم واتە سیستەم، سیستەمیش واتە کاپیتالیزم، بەڵام ناتوانین لێرەدا بوەستین و بڵێین تەواو ئەمە کۆتایی قسەیە. کەپیتالیزم سیستمێکی سەرتاسەرییە، لەسەر زەوی لە کاپیتالیزم زیاترمان نییە. لێرەوە دەبێت بزانین کە هەموو جیاوازی و ئەگەرەکان لەناو کاپیتالیزم خۆیەوە دێنە دەرێ. کاپیتالیزم چیتر سیستمێکی بەرهەمهێنان و کۆکردنەوەی پارە نییە، سیستمێکە تەواوی ژیانی کۆنتڕۆڵ کردووە، سیستمێکە بە هەزاران دەست و هەزاران سەر. لە سەرەتای گەورە بوونی کاپیتالیزمدا، شەڕ لەگەڵ کاپیتالیزم لەناو فابریک و کارخانەدا بوو، ڕۆحی کاپیتالیزم بینراو و دژەکەشی دیار بوو، سیستمی ئیشکردنی شتێکی بەرهەم دەهێنا بە مانای پرۆلیتاریا. یاخیبوونی پرۆلیتاریا دەیتوانی تەواوی سیستمەکە بخاتە مەترسییەوە، بەڵام کاپیتالیزم ئێستا تەنیا پرۆلیتاریا بەرهەمی ناهێنێت، هەموومان بەرهەمی دەهێنین؛ من و تۆ کە ئینتەرنێت بەکار دەهێنین، کە فەیسبووک دەکەینەوە، کە خێراترین هێڵ و باشترین کامێرامان دەوێت، کە ڕۆژانە تەلەفزیۆن تەماشا دەکەین، کە نەختێک سەرمان دێشێت ڕاستەوخۆ چەند دەنکە حەبێک دەخۆین، کە دەبین بە مەخلووقاتی مەسرەفکەر و بەرخۆر، کە دەچینە بازاڕێکەوە و بۆ هەرزانترین گۆرەویی دەگەڕێین و نازانین چۆن بەرهەم هاتووە، کە لەبری ئاوی بەلۆعە ئاوی بوتڵ دەخۆینەوە، کە سکایپ دەکەینەوە، کە گوێ لە مۆسیقا دەگرین، کە دەمانەوێت بەتامترین جۆری شەربەت بە هەرزانترین شێوە بخۆینەوە بێ ئەوەی بپرسین میوەکانی لە کوێوە هاتوون و دەستی چ جووتیارێکی هەژار لە بەرازیل یان ئەرجەنتین چاندونی، کە دەمانەوێت بەخێراترین و ئاسانترین شێوە لە شارێکەوە بچینه شارێکی تر. لە هەموو ئەمانەدا ئێمە کەپیتالیزم بەرهەم دەهێنینەوە، یان لە ڕاستیدا کەپیتالیزم هەموو ئەو مافە سروشتییانەی ئینسانی خستۆتە خزمەتی خۆ بەرهەم هێنانەوە. کێشەکە جاران لەوەدا بوو کەپیتالیزم پێویستی بە مرۆڤ بوو، بەڵام ئەمڕۆ کێشەکە لەوەدایە ئێمە پێویستیمان بە کەپیتالیزمە، وەها بە کەپیتالیزمەوە نووساوین کە ناتوانین بێ ئەو بژین. لە سەرینەکەی ژێر سەرمانەوە تا تاریکترین خەونەکانمان سەرمایەداری بۆمان بەرهەم دەهێنێت. لەو کەوچکەی نانی پێ دەخۆین تا ئەو کتێبەی دەیگرین بە دەستمانەوە، تا ئەو نینۆککەرەی نینۆکی پێ دەکەین و ئەو سابوونەی دەمووچاوی پێ دەشۆین. بە جۆرێک دەرچوون لە سەرمایەداری وەک مەحاڵ دێتە بەرچاو. سەرمایەداری لە جەوهەردا هەمیشە بەرهەم هێنان، کۆنتڕۆڵ و مەسرەفکردن بووە. بەڵام ئەو تۆڕە ئێستا بە جۆرێک گەورە بووە، بە جۆرێک کشاوە، بە جۆرێک بایۆلۆژیا و ئارەزووەکان و پێداویستییەکانی مرۆڤی کۆنتڕۆڵ کردووە کە هیچ شتێکی لەو سکێچە سەرەتاییە ناچێت کە "مارکس" سەبارەت بە سەرهەڵدان و لەناوچوونی کێشاویەتی، ئێستا تەواوی سیاسییەکان و کەپیتالیستییەکان خۆیان بەرهەمی کارگە کەپیتالیستییەکانن، دەرهاویشتی مەکینه گەردوونییەکەی کەپیتالیزمن، بەڕێوەبەری نین... کەسانی وەک ئەحمەدی نەژاد، سەدام حوسێن و ئەردۆغان هیچ نین جگە لە بەرهەمی سیستەم، لە دەرهاویشتە کاتییەکانی، لە دەمامکە سیاسییە تێپەڕەکەی.. هەڵبەت ئەوە بەو مانایە نییە کە ترسناک نین، بەڵکوو بەو مانایەیە کە کەپیتالیزم چیتر لەوە بێ سەنتەر و بێ دڵ و بێ مێشک ترە کە بکرێت بە جەڵتەی دڵ یان جەڵتەی دەماغ لەناو بچێت. بەرامبەر بە زاراوەی جەستەی بێ ئۆرگانی دۆڵۆزی، سەرمایەدارییەت جۆرە جەستەیەکی هەیە لە ملیارد ئۆرگانی بچووک دروست بووە، ملیارد چاو، ملیارد دەست، ملیارد گوێ، ملیارد نینۆک.. هەموو ئەم ئۆرگانانەش ئۆرگانی فەرماندار و خاوەن وەزیفەی دیاری کراون. وەک ژیژک دەڵێت: کێشەکە لەوەدایە کەپیتالیزم جۆرە وێناکردنێکیشی دروست کردووە کە نەمانی ژیان و نەمانی کەپیتالیزم لەسەر زەوی وەک یەک وێنا دەکرێن! بە کورتی ڕستەکەی هۆرکهایمەر کە دەڵێت: ئەوەی دەیەوێت باسی فاشیزم بکات، با باسی کاپیتالیزم بکات، لەوەدا گرنگە کە بیرمان دەخاتەوە لە پشت فاشیزمەوە سیستمێکی ئابووری و بەڕێوەبردنی گەورەتر هەیە. بەڵام ڕستەکە سوودێکی ڕاستەقینەی نامێنێت کە دەزانین هەموو شتێک لەسەر زەوی ملکەچی کەپیتالیزمە. کەپیتالیزم هەموو شتێک بەرهەم دەهێنێت، لە فاشیزمەوە بۆ دایبی منداڵەکانمان.. حەتمەن فاشیزم بەرهەمی کەپیتالیزمە، بەڵام کەپیتالیزم لە جوانڕۆ و قامیشلۆ و کەلار، وەک کەپیتالیزم نییە لە دیترۆیت و هامبورگ. مرۆڤ دەبێت هەوڵی بینینی جیاوازییەکان بدات. ئەوەی دەیەوێت قسە لەسەر کەپیتالیزم بکات با قسە لەسەر فاشیزم بکات. فاشیزم جەوهەری کەپیتالیزمی خۆرهەڵاتییە.. لە سەرەتای سەرهەڵدانییەوە تا ئەمڕۆ، فاشیزم_توندوتیژی گەورە، جەنگی خوێنین، نەتەوەپەرەستیی تەسکبیرانە، ڕاسیزم بە هەموو شێوەکانی، دین گەرایی، دڵسۆزی هیستریانە بۆ ئایدیا دۆگماکان، وردکردنی ئەوی دی و دەیان دیاردەی تر کە ستراکتۆری عەقڵی و سایکۆلۆژی فاشییەت دروست دەکەن، مێژووی ئێمەیان نووسیوەتەوە...

✍️ #بەختیار_عەلی
لە کتێبی: "ڕەخنە لە عەقڵی فاشیستی"

@rawezhism

‍ فاشیزم تۆڕە، هەڵبەت تێزەکە موڵکی "دۆلۆز" و "گویتارییە" کە بۆ یەکەمجار لە کۆمەڵگای خۆرئاوادا قسە لە بوونی ڕەگە تۆڕ یاخود ڕێزۆمێکی فاشیستی دەکەن. هیچ دیاردەیەک بە تەنیا لەناو ئەم تۆڕەدا مانای خۆی وەرناگرێت. پەیمانە سیاسی و ئابوورییەکان بەشێکی گرنگی ژێرخانی فاشیزمن. چۆن پەیمانی بەهەشت هۆیەکی گرنگە تا فاشیستێکی دینیمان هەبێت ئامادە بێت خۆی بتەقێنێتەوە؛ بۆ فاشیستییەکانی تریش پێویستمان بەو جۆرە پەیمانە هەیە. پەیمانی بەهەشت تەنیا پەیمانێکی دینی و ئەو دونیایی نییە، بەڵکوو پەیمانێکی سیاسیشە، هێزە سیاسییەکان لەم دونیا دەیدەنە خەڵک. پەیمانی دروستکردنی دوبەی و نەهێشتنی گەندەڵی و بینا کردنی ئیدارەی قانون و دەوڵەتی موئەسەسات، کە دەسەڵات و ئۆئوزیسیۆن لە کوردستان پێکەوە ڕەواجی دەدەنێ؛ بەشێکن لەو پەیمانە خورافی و ئەفسانییەی بەهەشت کە هەموو ڕۆژێک لای مرۆڤە سادەکان، لای قوربانییە ڕاسەقینەکانی سیستەم لە چینەکانی خوارەوە، لای ئەوانەی چاوەڕوانی ئەوەن بەهەشتەکە بگات و کەچی هەرگیز ناگات، بەتاڵ دەبێتەوە!
بەڵام سیستمەکەی ئێمەش پێویستی بە ئەفسانە و مۆدێل هەیە، کێشەکە ئێستا دوا فۆرمی کۆمێدیی خۆی وەرگرتووە، مۆدێلەکە باش نییە سعوودی بێت وا چاکە ئۆردۆگانی بێت. لە عەقڵی لیبرالیست و بزاوتە ڕاستڕەوەکانی ئێمەدا، ڕکابەری و ململانێ لە نێوان دوو مۆدێلدایە؛ یەکێکیان سعوودی ئەویتریان تورکی یان ئۆردۆگانی، ئیدی خۆت دەبینیت لیبرال و پۆزیتیڤیستەکانی کورد، چۆن زوو زوو سەرسامی خۆیان بۆ سیستمی ئۆردۆگانی دەردەبڕن، وەک کەسێک کە دەتوانێت بەشێک لە یۆتۆپیا سیاسییەکانی لیبرالییەت بهێنێتە دی، هەتا دوای ڕووداوەکانی گەزی پارک و دەرکەوتنی ڕووی گەندەڵی ئۆردۆگانییەت، ئەمانە هێشتا توانای ئەوەیان نییە ڕووی فاشیستیانەی ئۆردۆگانییەت ببینن، چونکە مۆدێلی حوکمەکەی لەسەر گونجاندن و ئاشتکردنەوەی دین و لیبرالییەت بەیەکەوە دامەزراوە. ئەوەش ئاوێتەیەکی ئیدیالە بۆ نیولیبرالەکانی خۆرهەڵات بە گشتی، هەم نیولیبرالە دینییەکان و هەم نیولیبرالە عەلمانییەکان. لە ئێرانیش هەمان حیکایەتە، لە ئێران خەونی سیستمی ڕیفۆرم، هێز و توانای مقاوەمەتی ڕاستەقینەی لە مرۆڤی ئێرانیدا کوشت. خاتەمی باشە بەڵام ئەحمەدی نژاد خراپە، ڕۆحانی فریادڕەسە بەڵام جەلیلی ئەهریمەنە...
ئەمە ئەو گەمە پووچەیە کە عەقڵی لیبرالی لەناو هەموو سیستمەکانی ئێمەدا دەیکات. _پەیمانی عەدالەت، گەشەی ئابووری گەوره، دروستکردنی شاری ئەفسانەیی، بەشداری پێ کردنی خەڵک لە سامانی کۆمەڵایەتیدا_ ئەوانە کۆی وەعد و پەیمانە کلاسیکەکانی لیبرالیزم و ڕێبازە سیاسییە ڕاستڕەوەکانی دونیان، کە ئەمڕۆ لە پاکەتی ئۆپۆزسیۆن بووندا وەک تەنیا ئەلترناتیڤ دەخرێنە ڕوو تا لەو ڕێگایەوە هێزی بیرکردنەوەمان بەرەو هیچ جۆرە ئەگەرێکی تر نەڕوات. ئەمانە لە جۆری ئەو وەعدانەن، کە لە بۆ دروستبوونی کەسێکی وەلادار و وەفادار بۆ هێزێکی سیاسی، گرنگن. پەیمانی بەهەشت، بەشێکی گرنگی ژێرخانە سایکۆلۆژییەکەیە تا بکرێت ماشینێکی فاشیستی دینی یان عەلمانیمان هەبێت!.

✍️ #بەختیار_عەلی
لە کتێبی: "ڕەخنە لە عەقڵی فاشیستی"

شێوەکار: محەممەد ڕۆستەمزادە (نامۆ)

#SosRojava | @rawezhism

بەختیار عەلی: "من خراپترین نوسەری ‌کوردم لە باشترین سیاسی کورد پێ‌ چاکترە، ڕەنگە هەڵەبم، بەڵام ئەوە قەناعەتی منە. نوسەرێکی ‌خراپ تەنیا تێکستێک وێران دەکات، بەڵام باشترین ‌سیاسی شکۆ و هەیبەتی خۆی لەسەر حیسابی ئازار و خوێنی سەدان کەسی‌تر دروست ‌دەکات".

🔸ئەمڕۆ ١٧ـی گەلاوێژ ٨ـی‌ ئاگۆست، ڕۆژی لەدایکبوونی شاعیر و نووسەری کورد #بەختیار_عەلی ـە.
⠀⠀
@Rawezhism | #ڕاوێژیسم

‍ فەرەیدوون کە وێران‌بوونی عەشقەکانی دەبینی بە گۆڤەندی دەگووت: مامۆستام گوناهی ئێمە ئەوەیە کە چتی زۆر لە عەشق داوا دەکەین، داوا دەکەین کە عەشق پردی نێوان ئێمە و خودا بێت، عەشق پردی نێوان ئێمە و نیشتمان بێت، عەشق ڕزگارکەری ئێمە بێت لە بێ‌زاری شارەکان، لە ساردی ئایینەکان، لە ماندوێتی ناو کێڵگە و کارگەکان، لە دەر بەدەر بوونمان لە دونیا، لە نامۆییمان و پەراوێز بوونمان لە جیهان... داوا دەکەین عەشق باڵمان بداتێ، توانامان بداتێ، هێزی داهێنانمان بداتێ، بەڵام عەشق خۆی لە جیهانێکی وەکو ئەم جیهانەی ئێمەدا، لە شارێکدا وەکو ئەو شارەی کە ئێمە لە کوچە و کۆڵانەکانیدا گەورەبووین، جگە لە دیلێکی بریندار هیچی‌تر نیە، جگە لە زامێکی گەورە و شاردراو هیچی‌تر نیە کە هەتاو ناوێرێ خوێنی خۆی نیشان بدات... لە هەر شوێنێکەوە دەرکەوت دەپێکرێت، بەڵام بڕوانە دونیا بە جۆرێ مەخلوقەکان و مرۆڤەکان و نەتەوەکانی لە یەکتر دابڕیوە کە عەشق ناتوانێت پێکەوە گرێیانبدات، سەیرکە... سەیرکە، مامۆستام، هەندێ کەس هەرگیز عاشق نەبوون، بەڵام پێیانوایە عاشقن، ئەمەیش ژیان دەگۆڕێتە سەر جەهەنەم، هەندێکیش ئومێدی وا گەورە بە عەشق دەبەستن، کە خۆیان و عەشقیشی پێوە وێراندەکەن.

✍🏻 #بەختیار_عەلی
له ڕۆمانی: ڕۆمانی ئێوارەی پەروانە
لاپەرەی 233

🎨 نیگارکێش: Peggy Wauters
▫️ #ڕاوێژیسم

@rawezhism

من گەرچی ئیمانێکی زۆرم بە پاڕانەوە نییه بەڵام دوعای بۆ دەکەم، دڵنیام کە شتێک زۆر دڵی خودا ڕازی دەکات، دوعای ئەوانەیە کە ئیمانیان نییە، دوعای بێئیمانان گەر بەڵگەش نەبێت لە سەر بوونی خودا بەڵگەیە لە سەر لاوازی ئینسان.

✍🏻 #بەختیار_عەلی
لە ڕۆمانی: "هەورەکانی دانیال"
🎨 نیگارکێش: Johan Barrios

@Rawezhism

سەرکەوتووی ڕاستەقینە کەسێکە لێدەگەڕێ دۆڕاوەکان بژین و شکستی خۆیان ببینن. هەر سەرکەوتوویەک بە کوشتنی دۆڕاوەکان دڵخۆش بێت، سەرکەوتوویەکی ترسنۆکە کە لە هێزی خۆی دڵنیا نییە.

✍🏻 #بەختیار_عەلی
لە ڕۆمانی: "هەورەکانی دانیال"

@rawezhism

نەسرەدین ئەمڕۆ بە ستۆدیۆکەدا دێت و دەچێت دەست لەگوڵە نایلۆنەکانی سەر مێزەکە دەدات و دەڵێت: "هەزارەها نەوە، پشت لەدوای پشت لەناو ئەو چیایانەدا لە دایک‌بوون و مردوون و یادچوونەتەوە... کوردستان سەرزەمینی سەدان هەزار گوندە کە لە پێچاوپێچەکانی نێو ئەو سروشتە دڵڕەقەدا ونبوون، ملیۆنەها مرۆڤ لەویادا ژیاون، ئێستا هیچ یادگارێکیان جێ‌نەهێشتوە... من لەو ساڵەنەدا دەمگووت؛ دەریایەکی گەورە لە ڕۆحی و دەرونی زیندوو، دەریایەکی بەرین لە زیندەگی، هەمووی لەم چیا و کێو و هەڵەمووتانەدا ژیاون و مردوون و زەوی قووتیداون، لە خۆم دەپرسی چی لە مێژووی ئەم وڵاتەدا شایستەی ڕزگار کردنە؟ وەکو تەتەر لەمسەری کوردستانەوە دەچووم بۆ ئەو سەر، لەگەڵ دۆژمنان و خێڵە بەکرێگیراوەکان و چڵکاوخۆرەکانی بێگانەدا تووشی شەڕ دەهاتم... لەو چیایانە هەموو سەرکردە سیاسییەکانم ناسی، لە پێدەشتەکان، زەنوێرەکان، لە گەرمیان و لە کوێستان، ئاغا کوردەکان و ڕەنجبەرەکانم بینی... تا گەیشتمە ئەو بڕوایەی بڵێم ئەم وەڵاتە خاڵیە لە بەشەرێک بتوانێت خۆشت‌بووێت، خاڵیە لە بەشەرێک بتوانێت لە ژێر پێی ئەو دێوە گەورەیدا کە ناوی زەمەنە بەرگەی مانەوە بگرێت، من لە ژێر کەپر و دەوار و خێوەتی سەدها عەشرەتدا دانیشتم، پیاو ماقووڵانی هەموو ئەو عەشرەتانم بینی... تەنها خەڵکێک لەم وەڵاتەدا، لەم بۆشستانەدا شایستەی یادکردنەوە بن عاشقەکان بوون، هەر بۆیەش ڕۆژ و ڕۆژگارێک نیشتمە سەر نووسینەوەی مێژووی عاشقان... بەڵام ئێستا دەڵێم، لەم وڵاتەدا کە خۆی وڵاتێکی لە بیرکراوە، لەم زەوییدا کە هەزاران ساڵە یادەوەری چەند مەزنە پیاوێکی هەڵنەگرتووە، بیرەوەری دوو بلیمەتی نەپاراستووە، دەبێت بۆ سەیر بێت گەر ئەو عاشقانەش وەکو ملیۆنەها ملیۆن ئادەمیزادی دیکە بڕۆن و یادبچنەوە؟ دەبێت بۆ سەیر بێت کەسێک “پەروانە” یان “فەرەیدونی مەلەکی” یاد نەمێنێت؟... هەموو شتەکانی ئەم وڵاتە سەرابە، مێژووەکەی جگە لە غوبارێکی دوور هیچی‌تر نییە، خێڵەکانی جگە لە سەراب هیچی‌تر نین، سنوورەکانی لەبەر خۆرافەتەکانی خۆی و خۆرافەتی دوژمنەکانی دیار نین، شۆڕشەکانی دەبن بە تۆز، ڕاپەڕینەکانی دەبن بە دووکەڵ... ئیدی بۆ سەیرە مەخلوقاتە بچوکەکانی بەو جۆرە هەڵوەرێن؟”.

🖊 #بەختیار_عەلی
لە ڕۆمانی "ئێوارەی پەروانە"
• لاپەرەی ١٩١

▫️#ڕاوێژیسم

@Rawezhism

نەسرەدین هەتاوی رێگاکان سووتاندبوویان، کەمێکیش لاوازتر و غەمگین‌تر دیار بوو، ڕەفتەیەکی سووری لەملدا بوو، دەمانچەیەکی چکۆلانە بەلای پشتێنەکەیەوە بوو، کەمەکێ قژی لە جاران درێژتر بوو، زەردەخەنەکانیشی هەندێ ڕەق‌تر دەینواند، بەڵام وەکوتر حەر وەکو خۆی بوو. دیار بوو خەیاڵاتی جیهانێکی سەیری لەگەڵ خۆیدا هێناوەتەوە... بە درێژای ئەو شەوە باسی لە عەشق کرد. دەیگووت؛ هەموو جیهان بە عەشقی ناکام قاندراوە، ئەو چیا دوورانە پڕە لە عەشقی ناکام، ئەو گوندە فەرامۆشکراو و بچکولانە هەمووی پڕە لە عەشقی ناکام، هەرچی شارێک یا شارۆچکەیەک دێتە سەر ڕێگام، جگە لە عەشقی دەستەخرۆ و بێ‌ئامانج، هیچی دیکەی تیا نیە. دەیگووت من ئێستا خەباتگێرێکی ناسراوم بۆ وەڵاتەکەم، بەڵام ئەوەتا ئەو نیشتیمانە لە عەشقی بێسوود و کوژراو دروست بوە، من هاتوومەتە سەر خەیاڵێکێ سەیر، هاتوومەتە سەر ئەو بڕوایەی کە لە جێگایەکدا هەندێ عەشق ئازاد بکەم، هاتوومەتە سەر ئەو خەیاڵەی پارچە زەویەکی عاسی بکەمە مەڵبەندی هەندێ لەو عاشقانەی کە جێگایەکیان نییە پێکەوە تیا بژین...

🖊 #بەختیار_عەلی
لە ڕۆمانی "ئێوارەی پەروانە"
• لاپەرەی ۱۱٤

▫️#ڕاوێژیسم

@Rawezhism

خۆشەویستی من بۆ دالیا ئاواتی تێکەڵاوبوونی تیا نەبوو، بەڵکوو ورد بوونەوە بوو لە فیراق. خۆشەویستی هەیە تەنیا بیر لە یەکگرتن و تێکەڵاوبوونی ڕۆح و جەستەکان دەکاتەوە، عاشقیش هەیە تەنیا لە فیراق ڕادەمێنێت. عاشقە بچوکەکان دەپرسن کەی بە مەعشوقە دەگەم، عاشقە گەورەکان دەپرسن، کەی و لە کوێی ئەم وجودەدا من لە مەعشوقە جیا بوومەتەوە. وەک ئەم کەمانە تەنیا و هەناسە درێژانەی چایکۆفسکی کە هەرکات گوێمان لێی دەبێت وەک ئەوەیە دەنگێکی خەوتوو لەناو سەری خۆماندا بدۆزینەوە، دەنگێک کە لە سەرەتای خەلیقەتەوە لە دڵماندا ڕوواوە و دواتر لێمان جیابۆتەوە. عەشق وەک هەموو مۆسیقایەکی مەزن شتێکە هەستدەکەیت لەوەوبەر، لە دێرزەمانەوە بەشێک بووە لە تۆ.

✍🏻 #بەختیار_عەلی
▫️لە کتێبی "شاری مۆسیقارە سپییەکان"

@Rawezhism

#ڕستەیەک_لە_کتێب

✍️ #بەختیار_عەلی
▫️”شاری مۆسیقارە سپییەکان”
▫️سەرچاوە: @Bumalell

@Rawezhism

لە نێوان ئەم خۆ بەزلزانینەی من و تۆ دا شتێک دەمرێت، ئەویش خۆشەویستیە.

✍🏻 #بەختیار_عەلی
▪️ #ڕاوێژیسم

https://twitter.com/rawezhism/status/1022549528296214530?s=21

“ستایشی من بۆ دەسەڵاتداران”

ئێوە گەلەک شۆخن، بەیانیان وەک پاساری ڕیقنە بەسەر حەقیقەتدا دەکەن
گەلەک مەزنن ، شەوان وەک کوکوختی ڕیقنە بەسەر تریفەدا دەکەن
ئەمە دیاری ئێوەیە، میلەتێک بە سەد دەست لێتان ڕادەکات، نەتەوەیەک هەزار قاچ قەرزدەکات و دەچێتە ناو هەزار ئاگر و هەزار باڵ دەخوازێت و بە هەزار نینۆک بە سەر زەمینی هەزار بێگانەدا دەڕوات میلەتێک خۆی بەهەزار ڕەشەبا و هەزار جەنگەڵ و هەزار دەریا دەبەخشێت، گیرفانەکانی پڕ دەکات لە تووتڕکی هەموو میلەتانی تر دەنوشتێتەوە بۆ هەزارەها دەریاوان و دەلیل و ئەستێرەناسی تر
ئێوە واتانکرد بۆ یەکەمجار جەهەنەم لە بەهەشت جوانتر بێت.

دەریایەک لە خۆڵەمێشتان بۆ داناین و گووتتان ئەمەیە ڕوناکی، لمتان بۆ کردینە کاس و گوتتان ئەمەیە شەراب، شەیتانتان بۆ ڕازاندینەوەو گوتتان ئەمەیە خودا، کینەتان دەرخوارداین و گوتان ئەمەیە ئازادی.

ئێوە واتان کرد بۆیەکەمجار تاراوگە لە ماڵ جوانتر بێت
ئەمە خەڵاتی ئێوەیە، میلەتێک لە با دەپاڕێتەوە دەریای لێ نزیک بکاتەوە، میلەتێک قیامەت بەکرێ دەگرێت، مەحشەر زەخرەفە دەکات، تابووت دەژمێرێت، کفن بەسەر ئێوارەکاندا دابەشدەکات، بە تلیاکی هەموو جەنگێک خۆشنوودە، بە حەشیشەی هەموو کینەیەک ڕازییە
ئێوە واتانکرد بۆیەکەمجار شەیتان لە خودا جوانتر بێت.

✍🏻: "به‌ختیار عه‌لی"
دیوانی: "تا ماتەمی گوڵ، تا خوێنی فریشتە"

https://instagram.com/p/BkQYCJLlSF6/

ئەوەی لە مردنی مەلەکەکاندا ترسناکە ئەوەیە کە مەرگی ڕانەگەیەنراوی خودی ئینسانە، ئەو مردنە یەکەمین و گەورە و بنەڕەتییەیە کە پێش هەموو مردنەکانی تر دەکەوێت. گەر مرۆڤەکەی ناخی هەموومان بمرێت، شارەکە و ڕەنگە هەموو وڵاتەکە تووشی کارەساتێکی گەورە ببێت.

#بەختیار_عەلی
#ڕاوێژیسم

🔗 @rawezhism

‍ دوو مرۆڤ کە لەگەڵ یەکدا نەگونجان ناگونجێن، ئەوە گوناهی هیچ کەسێکی تێدا نییە، هەتا گوناهی خۆشیانی تێدانییە، ئینسان وا دروست‌بووە، ئەمە پەوەندی بە جوانی و ناشرینی، بەهێزی و بێ‌هێزی، گەنجی و پیرییەوە نییە، کیمیایەک هەیە کارلێک ناکاو تەواو. ئەوە موسیبەتی بەشەرە، سەرەتا یەک هەڵدەبژێرن، یەکیان خۆش‌دەوێت، بێ‌ئەوەی لێک تێگەیشتبێتن، دوایش دەکەونە بردەبارانی یەک، ئەوە ئینسانە.
ــــــــــــــــــ
#بەختیار_عەلی #ڕاوێژیسم
🔸کەشتی فریشتەکان/
کتێبی یەکەم
🔸لەزمانی "مەهدائیلی فریشتە"ەوە لاپەڕە/ ۳۹۷-۳۹۸.

🎨: #سەیوان_سەعیدیان

📎 @rawezhism

شەڕ ئەگەر دژی هەموو خراپەکانیش بێت، دواجار بە جۆرێکی‌تر زەوی پر دەکاتەوە لە ئازار. شەڕ ئەگەر ئەوپەری دادپەروەریش بێت، هەمیشە زەوی لێوان لێو دەکاتەوە لە غەم.
ــــــــــــــــــ
#بەختیار_عەلی #ڕاوێژیسم
📚#دواهەمین_هەناری_دونیا
Me bişopînin: @rawezhism

ئامادەم لە پێناوی تۆدا بڕۆم بۆ دوورترین شوێنی زەمین بێ ئەوەی ئومێدی ئەوەم هەبێت کە گەڕامەوە تۆ بۆ من بیت...

#بەختیار_عەلی #ڕاوێژیسم
Me bişopînin: @rawezhism

#فیلم_شعر #ڕاوێژیسم

#بەختیار_عەلی
خوێندنەوە: #عادڵ_عەزیز

🔸سەرۆک عەشقەکان‌مان مەگۆڕە ئێمە ناتوانین ھەموو شەوێک دڵی خۆمان بگۆڕین...

me Bişopînin: @rawezhism