☀ منبريّون حسينيّون ☀

#مقدمة_للسيدة_رقية_عليها_السلام

مــن دمعتچ رزقينا
و ابخدمتچ وفقينا
يا رقيـــــــة يا رقيـــــــة
ــــــــــــــــــــــــــــــــــــــــــــــــــــــــ
انتي يالقصة عذابـــــــچ تنكتــب ايه
اعتـــــــذر مولاتي انه مقصــر هوايه
و الله يومية بصــلاتي ادعي مولايه
الله لا يحرمني كونه خدمتــچ هايه

مـــولاتي لا تنسيـنا    
و ابخدمتچ وفقينا
يا رقيـــــــة  يا رقيـــــــة
ــــــــــــــــــــــــــــــــــــــــــــــــــــــــ
ابصدره واحدنا لحضــرتچ نـــاره وهّاجه
و مرقد الاحزان صـرتي و احنه حجّاجه
خادمچ حـــط اعــله راسه خدمتچ تاجه
و بابـــــچ الليــله نـــدگه و ناخـذ الحاجة

معقــولة ما تنطيـنا    
و ابخدمتچ وفقينا
يا رقيـــــــة يا رقيـــــــة
ــــــــــــــــــــــــــــــــــــــــــــــــــــــــ
انفجع وســـط الخـــــــرابة مــــن يذكرونچ
و ريت كون امتوني زرگه و سالمة امتونچ
عايش اني و عاشــــت اهلي بخير ماعونچ
و انـــه و بنياتي رحنه فــــدوة لعيـــــــونچ


يالخيـرچ امغطـينا    
و ابخدمتچ وفقينا
يا رقيـــــــة يا رقيـــــــة
ــــــــــــــــــــــــــــــــــــــــــــــــــــــــ
يالعظيمة و ابجـــــــلالچ ويـــن اكـو مثلچ
وحدة بس انتي رقيــة و يـــا هي توصلچ
شلون اشكـــرچ بلّه و انـه غــارگ ابفضلچ
و هذا غير اعيونه صلــفة المـا بچن لجلچ

ماصخ طعمها سنينه
و ابخدمتـــچ وفقينا
يا رقيـــــــة يا رقيـــــــة
ــــــــــــــــــــــــــــــــــــــــــــــــــــــــ
بمجلسج من احضـــــر اشتم جَنّة انفاسچ
و اشعر بهضم التراچي و كسرة احساسج
سايم اعليچ العقيلة و أغلى كــــــل ناسچ
خل يوفّقــني لخدمتـــــــچ وصّي عباسچ

متوســــل ابچفيـنه
و ابخدمتچ وفقينا
يا رقيـــــــة  يا رقيـــــــة
ــــــــــــــــــــــــــــــــــــــــــــــــــــــــ
بعالم الذر و انـــــــه روحي تعلقت بيها
نعمة هاي الخدمة كون انحافظ اعليها
بيا حسين الــدمعة تبدي و انتي تاليها
و يا رقية ابدمنه تجري الخدمة خليها

من عدها لتحرمينا   
و ابخدمتچ وفقينا
يا رقيـــــــة يا رقيـــــــة
ــــــــــــــــــــــــــــــــــــــــــــــــــــــــ
الحمدلله
#علي_حسين_الكناني





ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

#قصيدة_لأمام_السجاد
لسان حال الامام السجاد ع

ابــــــدرب السبي ماتت أدية
و كل همي چان احمي رقية
امن اربع جهات احجار تشگف يَمنَّاي
و اسياط فوگي و سلسلة تخط جَوَّاي
و انه عليل و انه عليل
ــــــــــــــــــــــــــــــــــــــــــــــــ
عليَّه شگد صعب
اعاين تنـــــضرب
خواتي
و ابوي اعله الرمح
يصيح ابكل جــرح
بناتي

فوگ الرماح ادموم ينـزف لينه
و قران يقـره راس ابـونه اعلينه
وجه يديره و مرة يغـمض عينه
كلما يطگ السوط متن اسكينه

من الضرب ما ظلــــت إيدين
و اعلينه شَيَّب رمش الحسين
أسمع ونينه شمــــــــا يمر من فوگاي
و اسياط فوگي و سلسلة تخط جَوَّاي
و انه عليل و انه عليل
ــــــــــــــــــــــــــــــــــــــــ
مشينه بالســــــــبي
نبية ابصف نـــــــبي
سباية
و مشت روس الأهل
تبــــــــث روح الأمل
حماية

عيون الرؤوس اعله الضعن مشبوحه
و بس راس واحد ينظر امـن اجروحه
عينه ابسهم لاجل الخــــدر مليـوحة
و امبينه زينب عمـــتي چانـت روحه

فوگ العقيلة امحدب الراس
و يهتز اذا نــــــادت يعبــاس
و ينذبح كلـــما ينفتح طـــاري الماي
و اسياط فوگي و سلسلة تخط جَوَّاي
و انه عليل و انه عليل
ـــــــــــــــــــــــــــــــــــــــ
ابجرح ما يندمل
عله ظهور الهزل
حدينه
بنات ام الحــسن
صفن آ يالــــزمن
رهينة

من كربله للشـــام بعــــــــد الكوفه
وحدة اعله وحدة بالحــبل مچتوفه
يا هيّه زينب غدت مــــــــا معروفه
نعرفـــــــها من ناگتها لن مخسوفه

و منها علامـــــة بعــد تنشاف
محروگة شيلتها امن الاطراف
عگب الكفـــــلها تغيرت عمتي اهواي
و اسياط فوگي و سلسلة تخط جَوَّاي
ــــــــــــــــــــــــــــــــــــــــ
عله طول الدرْب
ثكالة تنتــــــحْب
مصيبة
دمه ينـــزفن نَزِف
و جمرهن يختلف
لهيبه

يم راس الاكبر ليله تگـضي الليلة
تشكيله ساعة و ساعة دم تبچيله
و عبدلله أمّــــه امچتفة اتـناغيله
و اتهزه رمـــحه لمّـــــــن اتلوليله

و تگله ( گلب امك )يمدلول
ابسن الرمـــح وَيَّاك مشيول
عطشان بعــــدك ليش يا ضي عيناي
و اسياط فوگي و سلسلة تخط جَوَّاي
ــــــــــــــــــــــــــــــــــــــــ
وَلَد چنـــه الشمع
خلص مثل الدمع
شبابه
چوت خده الشمس
يويلي و العــــــــرس
مصابه

رمله ابرمح جاسمها تشـــبر طوله
و تنـــــادي مــن دم المتن حنوله
گلـــوله امـــك حـَـــــــدِبت گلوله
و راحت تموت ابحسرت الهلهوله

رافگني راسـك درب الاحزان
عود انه يُمة محضرة نيشان
و ثوب العرس يوليــــدي لساته اوياي
و اسياط فوگي و سلسلة تخط جَوَّاي
و انه عليل. و انه عليل
ــــــــــــــــــــــــــــــــــــــــ
الحمدلله
#علي_حسين_الكناني





ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

#كاني بالسيدة زينب تكلمت مع حارس ضعن السبايا
و قالت

فك اديهــن نايمات.    ما يرجـــعن للفرات
حيـل آذتهن حبالك.    انته ما عندك بنات
ــــــــــــــــــــــــــــــــــــــــ ــــــــ
غافيــات و حبل اديـــهن يجري دم
فوگهن مـــــــا كفتــك حـرگ الخيَم
تعبــن و نامــــن بنـاتي امــــن الالم
و ادري هسه ايحلمن ابراعي العلم

وحدة وحدة بدم يسيل   تشتكي لعمها الكفيل
لا تظــل اتبـــــاوع الهن    انته مــا عنـدك بنات
ــــــــــــــــــــــــــــــــــــــــ
زغيرة وحدتهن ابـــــد مـا تحتمِل
و حيل مشدودات اديهـن بالحبِل
الله ما يرضه تــــــره ابهذا الفعِل
مدللات احسين مـــــو مالة هزِل 

كافي لتــــــعاند حرام.   و افتَح اجناح الحمام
عاد خـاف شوية ربك.    انته مـا عنــــدك بنات
ــــــــــــــــــــــــــــــــــــــــ
نامن امن الخوف مـدري امن الحزِن
و المـهم گـــــدرن يطــــبگنه الجــفِن
بلكت الله أيطــــــــيب لارقية المتِن
و ما تفـز اسكــــــــينه و لعمـها تحِن

خايفات الــــــدنية ليل   و انه ما ظل بيّه حيل
يركضن و اركض وراهن.   انته مــا عندك بنات
ــــــــــــــــــــــــــــــــــــــــ
ارد اسالك انتــه لـــــو مسـلم صدگ
ترضه بنتك چــــــف رجلها  يحترگ
تركـــــــض و دخــــان خانگـها خنگ
و بالســــــياط امتونها يصيرن زرگ

معـــــــلمات اعله الدلال   و هسه نامن عالرمال
و الحبـل گتلك جرحهن .  انته مـــا عنـدك بنات
ــــــــــــــــــــــــــــــــــــــــ
شلــــــون نومـــــة عالتـرايب نايمات
و راس ابوهن يبچي من دم  عالقناة
بيــش اغطـــــيهن حــــرت المدللات
و انه ما ظلـــت عليَّ بــــس هالعباة

كلــشي راح اويه الخيام    و يلچم اجروحي الكلام
بيش اغطــــــــيهن بناتي     انته مـــا عنــــدك بنـــات
ــــــــــــــــــــــــــــــــــــــــ
اهواية تعَّبهن ثگل هـــــــذا الحديد
فكهن و لتـخاف مـــــــيروحن بعيد
حتى لو فـرن ركــــــض و لهن تريد 
يم ابوهــــــــن راح تلگــــاهـن اكيد

يحاوطنه اعـــله الرماح.   يضمدن ابراسه الجراح
و هنّه وَحَـــدهن يــردن.  انتــه مــــــا عندك بنات
ــــــــــــــــــــــــــــــــــــــــ
الحمدلله
#علي_حسين_الكناني




ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

#محرم1446



رئيسية عزاء. ليلة الانصار

تسمع إمباره الذمم. الليلة يدوي بالخيم
تحزموا اهل الشيم. انصار الحسين
==========
كعدوا الليله سوه. ودگوا لباجر صدر
باجر النصره تره. حسين الكم ينتظر
الليل خيم بالمعاره. اتنطروا طرت فجر
رايدين الصبح يبزغ. حسين ينطيهم امر

همه لليل الضوه. هيج من كعدوا سوه
الليل خلص وانطوه. انصار الحسين
=========
بحكم أكبرهم حجه. صاحب الشيبه حبيب
ها يلأنصار شبعد النصره واجب للغريب
الليل نتخذه جمل. گالها وهل من مجيب
والجواب نريد باجر. نفدي دمنه للحبيب

گالها بليل المصاب. راد منكم هالجواب
انطيح كدامك خضاب انصار الحسين
==========
بصموا بدمهم تره. شهود خلوا بالدليل
الشاهد الاول اجه. كعد عباس الكفيل
استأذنوا منه وحجوا. حجي حلو ومايميل
اشهد اشهد ياگمر. من نطب الطف يميل

باجر اطب الرجال. بعينك تشوف النزال
مانخالف لامحال. انصار الحسين
==========
ردن للحره تروح. وصللها هالكلام
الحره طمنها نريد وبرغد خلها تنام
عهد عدنا للممات. منهو يدنه للخيام
يابوفاظل كلها هاي. من الانصار السلام

من حبيب ومن برير. من وهب ثم زهير
تنتظر باجر يصير انصار الحسين
==========
درب واحد للممات. والاسباب اتعددت
والعمر عدنا گضه. مده بالدنيا انتهت
نريد حُسن الخاتمه. الفتره هاي اللي بقت
هو موقف مايزول. والمواقف ماكضت

المن يدوم الخلود. والدمه باجرشهود
كلمن بروحه يذود انصار الحسين
==========
#الشاعر #علي #النائلي

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

#قصيدة_للانصار_(دمعة)
لسان حال الامام الحسين ع يخاطب الانصار

أناديكــم و لا اســــمـع
جواب ايسَّكت المدمع
بچيتـــــلكم دمع غالــــــــي لفگـــــد غالي
و تعب ميموني من هضمي و بچه لحالي
يالانصار يالانصار
ـــــــــــــــــــــــــــــــــــــــــــــــــــ
رحتوا و راحـــــت انفاسي
كسرتوا ظهري و احساسي
طيحتكـم مثـــــل طيحت
راعــــــــي الكلفة عباسي

يعــــــز و حيل يجرحني انادي و مــــا تردون
يَمَـــــنْ چنتولي واحـدكــم شايلــــني بالعيون
يفرسان الصَفه اتـــنـــخه و لا چنـكم تسمعون
و تسمعون اطلب الناصر عجيبة و ما تفزعون

باساميكــم أون و الهَج
و جثثكم عالارض ترتَج
حِنيت و ضلـــــــــعي مَحني الكــم اگبالي
و تعب ميموني من هضمي و بچه لحالي
يالانصار يالانصار
ـــــــــــــــــــــــــــــــــــــــــــــــــــ
دمعـــــــتي صارت ابطـولي
دريتــــــوا بيـَّه گلـــــــــولي
بچيت اعليكـم لحــــــــدما
سيفي و درعـي ناحـــــولي

حتى العِمَّة البراسي لكســــرتي صَبَّت ادموع
و لا حاسبكم اصحابي چنت حاسبكم اضلوع
لو واحد وگع منكـــــم اركــض لجــله مفزوع
اشوفه يلوع و استشعـر گلــبي بداخلي يلوع

جمر دهـــري آيا ويلي
حِرَّگ بيكم خيم حيلي
قبل لا نارهم تسعـــــــــر عله اعيـــــــــالي
و تعب ميموني من هضمي و بچه لحالي
يالانصار يالانصار
ـــــــــــــــــــــــــــــــــــــــــــــــــــ
مثلكم عنده مِنْ مثلي
ماشيتوني چــــن ظِلي
لبستوا گلوبكم بالطف
فوگ دروعكـــم لجـلي

دوه جروحي و نظر عيني و نعم مـن عدكم انصار
ابــــوذر بيكـــــم أتفاخر و سلمــــــــــان أويه عمار
بســالة مالـــك الاشتـــر تجــــــــــــري بدمكم الحار
غِيـــرة سيـــوفكم تلمـــع مثــــــــــــل لمـــعة الفقار

كسرتوني أشـــــد كسرة
و فجعتوا فاطمة الزهرة
بوجهي الحسرة بانْت حـــــــــتى بخيالي
و تعب ميموني من هضمي و بچه لحالي
يالانصار يالانصار
ـــــــــــــــــــــــــــــــــــــــــــــــــــ
مـــن رحتـــــــــوا ياسبعيني
وِذَر لَمّـــــــيتها ابنيـــــــــني
الاكبر ياهـــــــــو مـن جاسم
بعـد مـــا فَـــــــــرزِنت عيني

ثگيل إبني علي و شفته من كثر السحگ خاف
اشيلن بيدي خاصـــرته يـــــوگع مني الاچتاف
ابساعة زفته القاســـم آجاله المــــــوت زَفَّاف
بعده بأول اسنينه و لَسَه كلــــــشي مــا شـاف

بدمــــع رمــلة تحنيله
و عله الاكبر عمت ليلة
عليهن دمعي مــــــــــاي و دم صفه يلالي
و تعب ميموني من هضمي و بچه لحالي
يالانصار. يالانصار
ـــــــــــــــــــــــــــــــــــــــــــــــــــ
عضيدي الهـــــــــزلي راياته
مــــا رد اعــله خيمـــــــــاته
تِاخَر و الهـــــــــوى العـــالي.
رد اعلـــينه ريــــــــشـــــاتـه

رحت صـوب الشريعة انزف فاگد روح الاحساس
شفتــها اعمامـــتي انسلبــــت لمــن طـــاح عباس
نعمة شلون تتگـــطـع كـــون اچفـــــــــوفه تنباس
واحدهن مثل صـــدري عليه بالحـــــــافر انداس

صرت يَمَّه ادگ و انحب
شگللها بعــــــــد زينــب
عَمود الخيمة من عامــــــــوده إجه ابالي
و تعب ميموني من هضمي و بچه لحالي
ـــــــــــــــــــــــــــــــــــــــــــــــــــ
و الاكلـــف عليَّ و اصعب
على اعيالي الخيم تنشب
و انه اعـــــله الرمح راسي
ابنيتي ارقـــــــية تتسلب

الحوافر نامت ابضلعي مــــــن نمتوا يالاصحاب
سلبـوا محــبسي امن ايدي و سلبوا مني الاثياب
لحيتي ابدمي خضـــبوها و رمل ترسوها و تراب
و زينب ركبــت الهَــزلة و حِدَّه ناگتها ســــــــلاب

بناتي فزعـــــن بهيمة
عليهن ما بقت خيمة
سنابك خيلـــهم سحگـــــــت عله اطفالي
و تعب ميموني من هضمي و بچه لحالي
ـــــــــــــــــــــــــــــــــــــــــــــــــــ
الحمدلله
#علي_حسين_الكناني

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

شيخ السلف من السلف شد أَرحال
وادع ديـــاره و البخـــــت وَيَّا شال
عن داره دار العترة
نازح عَزيــز الزهرة
عن الأوطان.   عن الأوطان
ـــــــــــــــــــــــــــــــــــــــــ ـــــــ
بأول محـــطات النـــــوح
عاف المدينة ابــــلا روح
و تصرخ وراه لا لتــروح      كـل گاعه

و من حَرِّكت ذيــچ النوگ
ثوب الوطن ظل مشگوگ
چا غير گلــــــبه محــروگ.  لأِوداعـــه

كعبة و ابنـــــــزوحه مـــر عله الكعبة
يويـــــلي و لاگه وآدم بيــــــها متحبه
ماي و حتى زمــــــزم يشتهي ايشُربه
ابعصي و احجار باچر عسكر اتضربه

بضعن المَوَدة وياه أخذ لابنايات
قُربه لــــوجه ربّه سبي العلويات
يدري الهزل متحظرة
نازح عَزيـــز الـــزهرة
عن الأوطان.  عن الأوطان
ـــــــــــــــــــــــــــــــــــــــــ
يمشي و تمـاشي لاجروح
كلشي بكيــــانه  مـــذبوح
شما عايــن لضــعنه تفوح      دمـــــــعاته

چم ليــلة و تلــوحه الخيل
و تشد عله اضلوعه الحيل  
مـــا تنشـــف لثــــــالث ليل   طبــــــراته

يكــابر عالهضيمة و دمعته اتفضحه
ذابحته الحـــراير  مـــن قــبل ذبحه
يا هي المنهن اكثر باچـــــر اتجرحه
و يا هي التنعمي لو شاهدت رمحه

شايل جروح ابگــد شوارعها الشام
و عالتلة زينب تستمع طگ أعظام
شتخلي منـــه العَشرة
نازح عَزيـــــــز الزهرة
عن الأوطان.   عن الأوطان
ـــــــــــــــــــــــــــــــــــــــــ
عايف عليـــلة ابيا حال
ماخـــذ رقيــــة لاحبال
عيناها متـروسة ارمال     تــاذيـــــها

أزغر سبــية لام عـــون
فوگاها ليش ايرفسون
زينب تخلـــصّها شلون     تالــــــــيها

تروكض وين زينب ماكــــو كل چارة
تطُّب ابغــــارة تطــــــلع تدخل ابغارة
ابدمعتها المُخيـــــــم تخــــــمد ابنارة
و كل جندي اليمرها ايطگها ابحجارة

مات الكفلها و الخـــــدر ويَّاه مات
محتارة يا ليل اهدعش وين تبات
زرگة المتون و حمرة
نازح عَزيــــز الزهــرة
عن الأوطان.   عن الأوطان
ـــــــــــــــــــــــــــــــــــــــــ
طول الدرب حاني الراس
يحچي ابصــفــنته لعباس
باچـــــــر خيمنه تنـــداس     بايتـــامي

خـويه عليـــــــك المعبود 
خل عندك هنــــــاك ازنود
يصبح خـدرهن فــــرهود    گـــــدامي

حجاب الله و عفـــافه طـالع ويانه
و اذا طاحن چفوفك طاح صيوانه
وحدتـــهن تِمَني كـــــــون حلــمانه
من تفحط ركــض مـــا بين دخانة 

من الخيم تطلع خيـــــــم متحفيات
رجليهن ابشوگ الحَسَگ متجرحات
كســرتهن أعظم كسرة
نـازح عَزيـــــز الزهــرة
عن الأوطان.   عن الأوطان
ـــــــــــــــــــــــــــــــــــــــــ
عِطشن ســـــــنادين الموت
عبدلله مـــــــا طَــلَّع صوت
مزگي الـــــــورد بالتــابوت    مـــــــن دمه
 
بعده طفـــــل ثوبه اگماط
و جرح النحر ماله اخياط
وسط الخِيَم طگ و شاط     گلــــــب أُمه

يلمع چــان ليش ابــــدم بِهَت لونه
مصيوب او يناغي احسين بعيونه
طيــر الجنـــــــة عبـــدلله يسمونه
مدفون او نبلته ابنحــــره مدفونه

مهده مثـــل خيمات أبوه صـار ارماد
و بعد الذبح راسه شُبَگ رمحه الحاد
حضن امه ظل ينتظره
نـــــازح عزيــــز الزهرة
عن الأوطان.  عن الأوطان
ـــــــــــــــــــــــــــــــــــــــــــــــــ
الحمدلله
#علي_حسين_الكناني

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

#شهادة_الامام_الصادق_عليه_السلام

رسالتنه الرســـــالة العَمَلية
أصلها من علومه الجعفرية
و لجل فقه المجـالس
فتح حوزة و مدارس
من عدها عرفنه نقره لطمية
ـــــــــــــــــــــــــــــــــــــــــ
شمس المعــــــرفة بين العَوَالم
أمام و چان هم لحسـين خادم
گال ابكل عزه موجـودة فاطم
و هيه أديـر بيديـــــــها المــأتم

هاي الونة گِلـــها سَجِّليها
يم الباب تگعد ندري بيها
و أمامك يَمــها جالس
فتح حوزة و مدارس
من عــــــدها عرفنه نقره لطمية
ـــــــــــــــــــــــــــــــــــــــــ
كُــل (أصل و فرع) ينبوعه منه
و آلاف الكُتُــب مـنقــــولة عنـه
دمعــة وحــــدة گــال و أَكَّـدلنه
بگد جنح البعوضة تصيــر جنه

دَمِعتَك من عله حسينك تهلها
أقل من جنة لتصــدّگ فضلها
أبشروا يالعَـــــــوَابس
فتح حوزة و مدارس
من عدها عرفنه نقره لطمية
ـــــــــــــــــــــــــــــــــــــــــ
مشاعر صادقة الصـــادق كتبها
مجالســــكم يگول شگـد احبها
يطلع خالي مــــن ذنبـه اليطبها
و يلگه شگد كرامة ابنص دربها

يتحول شخـــص جداً مثالي
و بجنح الخِدَامة يطير عالي
مثل طيـــر النـوارس
فتح حوزة و مدارس
من عدها عرفنه نقره لطمية
ـــــــــــــــــــــــــــــــــــــــــ
يخدام الحُســـــــين أحيـــوا أمرنه
قالَ الصـــــــادق و أحنـه ألتـــزمنه
مجالسهم شـــــــرف بالنســـبة ألنه
و يرخص كُلشي من خاطر شرفنه

أُمَرنه الصادق و گلـناله حياك
و ابلطم الصدر نكحلها عيناك
عله الخـدمة ننـــافس
فتح حوزة و مدارس
من عدها عرفنه نقره لطمية
ـــــــــــــــــــــــــــــــــــــــــ
عايـــــــش كربله ليـوم التـلاقي
و ابعينه الدمــــــع ما خَلّه باقي
صاحب ذوق و الاحساس راقي
و يحب نقراله بالطـــور العراقي

يسمع كل تفاصيــــل القصيدة
و يعجبه المُستهل كلما نعيده
ثياب الخـــدمة لابس
فتح حوزة و مدارس
من عدها عرفنه نقره لطمية
ـــــــــــــــــــــــــــــــــــــــــ
ثق يا مَنْ عليه دمعــك تِجــاره
عبـرتك هاية عنــــد الله تجارة
رضاة الزهرة حَصِّلها ابجــدارة  
و عِندْ ام الحسن ماكو خسارة 

دگ باب الزچية و گلها رايد
لجروح السبية ادموع فاگد
گلــــــبها بِينه حاسس
فتح حوزة و مدارس
من عدها عرفنه نقره لطمية
ـــــــــــــــــــــــــــــــــــــــــ
الحمدلله
#علي_حسين_الكناني

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

الليلة وحشة .. وبمكانچ بس شمع
الليلة وحشة .. وفوگ بابچ دم ضلع
مشتاگيلچ حيل الليلة .. ونشم بالباب وبالشيلة
……………..
ليل وخنگاته تموتنه
وذكرّنه الباب الذابحنه
مو بس محسن طايح منچ
عصرونه اثلاثتنه وطحنه

دمچ يابس فوگ الحايط .. والبسمار يفور وملوي
مرن شهرين اعله الحادث .. بابچ طافي وگاعد يچوي

نذكر النار .. الوصلوها لحجرتچ
نذكر النار .. التكتل الما عبرتچ
رحنه لمحرابچ نحچيلة .. ونشم بالباب وبالشيلة
………………
جبنه البسمار الما بارد
ما يابس وينگّط گاعد
دمچ يالزهره الما ناشف
موت ولدچ واحد واحد

صوت ضلوعچ وي كل مغرب .. من يأذن كسره نسمعه
لو صاح الله اكبر نذكر .. صحتي الله اكبر بالدفعه

حتى صوتچ .. صوت واحد مختنگ
حتى صوتچ.. طلع منچ محترگ
ولدچ محد ظل بحيلة .. ونشم بالباب وبالشيله
………………
من صندوگچ جبنه السبحه
ودمچ من خرزتها نمسحه
مو حنطة اغيابچ خلاها
تطحن بس ارماد الرّحه

ورقة بصندوگچ شفناها .. وبيها كتابه بخط مرتب
امكم راح تموت الليلة .. خلوها برگبتكم زينب

ما تموتين .. يالمكانچ بالسمة
ما تموتين .. هي زينب فاطمة
بس اسمچ يصعب تبديلة .. ونشم بالباب وبالشيلة
……………..
رحنه لگبرچ روحة موته
والميته امه ايتعب صوته
والعصرو والدته وماتت
يگعد ويگابل تابوته

كل ما نتوضى اشكد نبچي .. نذكر من تتوضين انتي
من يمشي الماي اعله اعيونچ .. تنلچمين وما بينتي

الحمره عينه .. يريد حيلين وگلب
الحمره عينه .. يا وضوءه شكد صعب
ومن يمشي امتون اتچيلة .. ونشم بالباب وبالشيلة
…………..
اضلوعچ راح ايردن باچر
ينكسرن عصرية العاشر
اجذوع الطاحن فوگچ يمه
يردن باچر حافر حافر


ذبح احسين ايهز الدنيا ..وذبحه شلون ،بلايه اسم الله
والطيّح محسن بالعاشر .. ذباح يصير لعبد الله

راسه مگطوع .. ورادچ اوياه بالذبح
راسه مگطوع .. وشمّتچ صارت رمح
من هسه نشمه ونبچيلة .. ونشم بالباب وبالشيلة
…………….
#علي #هادي #الخزعلي



ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

كأني بأمير المؤمنين بأول زيارة لقبر مولاتي فاطمة
و قف عندها وقال

مُشكلتي چبيرة او ما بعد تنفَض
ما تتعوضيـن و كلـــشي يتعوَض
ارجعيلي // ارجعي او خلي نرجـع مثل ما چنّة
ارجعيلي // ارجعي او محسن ابنچ طير بالجنّة
ما تتعوضين ما تتعوضين
ـــــــــــــــــــــــــــــــــــــــــ
يا رزق الله الضــــــاعت مني
               و مشكاة الــروح القُدسية
هــــــاي اول مـــــــرة اتعنالچ
              من گبــــرچ طلعيلي شوية
يعني شلون اشرحلچ وضعي
              ابعينچ شوفي شصاير بيه 
آي هـــــذا انه القــــالع خيبر
              ارجف مــن راسي لرجلية

الدافن صبره بيــــــده بعد شيصبره
و جروحچ غميجة و كسرتچ كسرة
تعـــاليلي // تعالي يا شمعــتي و يـاسي و الحنّة
ارجعيلي  // ارجعي او محسن ابنچ طير بالجنّة
ما تتعوضين ما تتعوضين
ـــــــــــــــــــــــــــــــــــــــــ
للمستقــبل چنة انخطط
                و نرســــم و انلوّن بالصورة
چا ليش انباگت احلامي
                و احلامچ طاحت مكسورة
شبيها الدنية و ما خلتها
               تكمل عشــــــرتنه المستورة
يالما زعّلتيـــــــلچ واحد
               و زعلانة أرحلتي و مقهورة

وسط البيت تخنگ ريحة اشواگچ
و هذا الشيب كله من ورة افراگچ
اسمعيلي // اسمعي اشلون حيـدر يجذب الونة
ارجعيلي // ارجعي او محسن ابنچ طير بالجنة
ما تتعوضين ما تتعوضين
ـــــــــــــــــــــــــــــــــــــــــ
صوفر بستانچ مــن غبتي
                    و ظلـت أغصانه ابلا ورگة
يا ساجيتي المنـــها اتروه
                    ما متفقـــــين اعله الفـرگة
من ساعة ما طبـگوا بابچ
                    و لهسه انه ابذيـچ الطبگة
كل ليلة اعله البير امسيّر
                    و ارجع خسران ابلا ملگة

انطي لوين وجهي و انسه موضوعچ
و انه المنكسر چــــن كسرة اضلوعچ
انظريلي // أنظري و شوفي حيلي مـــا بعـــد منّه
ارجعيلي // ارجعي او محسن ابنچ طير بالجنّة
ما تتعوضين.  ما تتعوضين
ـــــــــــــــــــــــــــــــــــــــــ
منكوب البيت امن غيابچ
                     و انصبغت اسود حيطانه
ما چانــت تچهبنه الظلمة
                     يام البيت أو انتي و يانه
انه و ولــــدچ و ابنــياتچ
                    شنسوي المغرب لو جانه
و ما أكـدر احچيلچ اكثر
                    مهضومة ادريچ و تعبانة

اعذريني جرحتـــچ يام ضلع نازف
و خاف احچاية منّي لچمتچ اسف
امسحيلي // أمسحي گومي عن وجهي ذَره المحنة
ارجعيلي // ارجعي و محســـــــن ابنـچ طير بالجنة
ما تتعوضين ما تتعوضين
ـــــــــــــــــــــــــــــــــــــــــ
يم گبرچ جابنّي اجـروحي
و لو قصرت معذورة اعيوني
شلونك اخبارك مــن بعدچ
ألــــزم ظهـــــــري لو سألوني
انــه بخيــر امنين احچيها
و انـــه الخـــابت كل ضنوني
ابعثراتي امبيّن موضوعي
ما داعي تســــــألين اشلوني

كتلتني الهضيمة و هل صرت ناعي
و تعنيت ازورچ و انثـــر اوجـــاعي
دگوميلي // دگومي او عن علي نشدي علي عنّه
ارجعيلي //ارجعي او محســن ابنچ طير بالجنة
ما تتعوضين ما تتعوضين
ـــــــــــــــــــــــــــــــــــــــــ
ما بين جروحچ و جروحي
متـــــأمل طبــــــرة محرابي
يمتى المـوت ايرد يجمعنه
و يطيب اصوابچ و اصوابي
نتلاگه او محـــــسن وَيَّانه
و ننسه العصرة و دفعة بابي
خليني بهالحســــرة اتمنه
و ربّنه اليجبر هــــذا مصابي

ابأمان الله يزهرة نامي راح ارجـع
بنية ازغيرة عندي و خاف لا تفزع
اسمحيلي // اسمحي أرجـــــــع اتانيـني زينبنّه
ارجعيلي // ارجعي و محسن ابنچ طير بالجنّة
ما تتعوضين ما تتعوضين
ـــــــــــــــــــــــــــــــــــــــــ
الحمدلله
#علي_حسين_الكناني

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

باب اجذوع وطاح .. واسمع بس اصياح
عصره ومحسن راح ..جوه تراب
ما شفت بدنياي .. نار ابيت الماي ..
وحده وهمه اهواي.. وستري الباب

غريبة يروحي .. غريبة يروحي
…………………
انه بت المات توه وربع ابوي اتهد عليه
باب من اجذوع كله وهمه ماگالوا خطيه
همه اكثر من ذنبهم وانه بس الله واديه

باب اجذوع .. فوگ اضلوع
ونايم بين اضلوعي المحسن
طاح الباب .. وايدي احجاب
وبوكت الاذان يأذن

يسمع صوت اذان.. ويعصرني الشيطان
مايتسمه انسان .. لا والله

ام وابني يموت.. وبطن امه التابوت
ماطلّع اي صوت .. لا شفناه

غريبة يروحي .. غريبة يروحي
………………
گبره ما ناشف محمد وربعه حرگو بيت بته
جاي اسبّح لله وادعي وصوت المرافس سمعته
دفعو الباب وحجابي لزمة المصحف لزمته

صار الصار.. ناس ونار
اثلثميه وبس آنه وفضة
بالحيطان .. بس دخان
بيتي امن الدخان اتوضة

صحت لفضه ابساع.. شيليني امن الگاع
والمكسورة اذراع .. بيش اتگوم
مختنگه ام احسين .. وزرگة اجفون العين
اتبدل شكلي اسنين .. بليلة ويوم

غريبة يروحي .. غريبة يروحي
………………..
طايح ابيّر وتجره هيچ اجر النفس گوه
موتت المكسور ضلعه تصير من يمشيله خطوة
آنه من اتوضه اموتن جرح ايدي وعيني بلوة

حيل يريد .. رفع الايد
اشهگ موت بكل تكبيرة
حيلي يذوب .. كل غروب
چني اخيال وآنه ازغيرة

اضعف اضعف حيل .. من عصرات الليل
حتى الليل يعيل .. بالموجوع

بس بَصَمات اقدام .. متروسه الاحلام
واسمع كل ما انام .. طگ اضلوع

غريبة يروحي .. غريبة يروحي
………………
اوگف اعله اعصابي گوه وماوصل عشرين عمري
والوجع بعيوني يطلع و ابتسم بوجوه بزري
ومن يجي احسين اعله حظني يرجع الحيل اعله ظهري

ست اسنين .. عمر احسين
و امه اگباله اتموت بعصرة
صار ايام .. من اينام
يتحلم بس بإسم الزهرة

متخيلته اجروح .. شابگني ومذبوح
ويصيّح مبحوح .. يا زهراء

لازم ادير اگفاي .. امن اشرب يمه الماي
يعطش راح اهواي .. بعاشوراء

غريبه يروحي .. غريبة يروحي
………………..
ايدي متعوده اعله رحه وسبحتي وروس اليتامه
الشوگ كاتل ناسي كلهم و انه ما اگوم بسلامة
همه المتانيني اگومن ناس فقره وچم حمامة

اتريد الناس.. تردلي انفاس
و ياروحي ايامچ معدودة
گطعة صوت .. وباچر موت
ايظل حيدر حيطانه تگودة

باچر دمع اغياب.. باچر طيحوا الباب
ظلي يصير اتراب .. عنكم راح

عندي وياكم دين .. دفنو وياي اثنين
تربة وثوب حسين .. حتى ارتاح

غريبه يروحي .. غريبه يروحي
…………..
#علي #هادي #الخزعلي



ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

أمير المؤمنين علي ع يخاطب الزهراء ع و يقول


تحت امرچ//سمعاً و طــــاعة فقاري//تحت امرچ
تحت امرچ /يام حسن بيدچ قراري//تحت امرچ
طلبي ما يحلالچ
حاضر و يجرالچ
ــــــــــــــــــــــــــــــــــــــــــــــــــــــــ
بينج و بيني عتب // احچي يا ماي الذهب
گولي و اشتردين حاضر و بخدمتچ

انه يالزهرة الامس // بيدي رديت الشمس
و مستعد هالحظة اخفيها لحضرتچ

ادري ياذيچ الضلع // فدوة كُفّيلي الدمع
غالية هواية عليّ جريت دمعتچ

نشفي دمعچ //و رُحمي حالي يالحبيبة// نشفي دمعچ
نشفي دمعچ // و التريـــــــدينه اجيــبه // نشفي دمعچ
شما يـدور ابالچ
حاضر و يجرالچ
ــــــــــــــــــــــــــــــــــــــــــــــــــــــــ
واگف ابابچ أسد // ياهو يدنالچ بعد
الا ذا متريده چانت يعرف امه

بچفي مرحب منشطر // و هسه طاغوت العصر
بخزره من عيني لانسّيه حتى اسمه

بٓطّل اعتبره الوگف // گبالي كون و ما رجف
ابن ابوه او من صدگ محسوب زلمة

لا يهمچ // كلها تعرف ياهو انه // لا يهمچ
لا يهمچ // زلمة ال يظل ابمچانه // لا يهمچ
احچي ما يبدالچ
حاضر و يجرالچ
ــــــــــــــــــــــــــــــــــــــــــــــــــــــــ
وحگ زادچ و الملح // من سكوتچ انجرح
كَلّمْيني و طفّي ناري ابداعت احسين

لا تزيدين الوجع // لٓسه كلبي ما شبع
منچ و ما مستعد عني تبعدين

مثل گمرة و انخسف // لو مثل نهر و أجف
عنّي لو قررتي يالزهرة ترحلين

عگب عينچ // انه طير ابلا جناحه // عگب عينچ
عگب عينچ // حيدرة مضيّع صباحه // عگب عينچ
ريت اموت ابدالچ
حاضـــر و يجرالچ
ــــــــــــــــــــــــــــــــــــــــــــــــــــــــ
يشهد التاريخ الي // انه ابو الحملة علي
فارس الهيجاء و السيف الالهي

الظافر ابيوم الظفر // الكاسر الما ينكسر
القاهر الغلاب و الاول فدائي

بيدي طاح اول وثن // فعلي واضح للعلن
شلون عن دين الله ابليتُ بلائي

واحد اني// مثلي ما موجود ثاني//واحد اني
واحد اني // و الله يا زهرة زماني // واحد اني
انبض ابــــدلالچ
حاضر و يجرالچ
ــــــــــــــــــــــــــــــــــــــــــــــــــــــــ
الگاص و الداني اعترف // باسمي وحي الله هتٓف
لا فتى إلا علي حامي الحمية

و هسه من ثاني اعتله // بصوته و آذَّن بالمله
اشهدُ حيدر تچتّف بالوصية

لولا ما وصّى النبي // و الله لاسبيهم سبي
و الصطر خدچ اگطّعه بهاي اديه

بين ادينچ // الدفع بابـــــــچ اركعّه// بين ادينچ
بين ادينچ // ينتظر حكمچ يسمعه// بين ادينچ
مد امده اگبالچ
حاضر و يجرالچ
ــــــــــــــــــــــــــــــــــــــــــــــــــــــــ
لصوتچ اسمع منتظر // و انه ساحگ عالجمر
رهن امرچ حيدر بقدره و جلاله

اشري بيدج و انظري // مثل عجل السامري
و الله لاشعل بيدي شيخين الضلاله

بس بعد ماكو ابد // قل هو الله احد
و لا يظل وحي و كتاب و لا رسالة

بكيفج انتي // طلبي و اختاري ياعمري // بكيفچ انتي
بكيفچ انتي // و انه الچ أسلمتُ أمري // بكيفچ انتي
عارف باحـوالج
حاضر و يجرالج
ــــــــــــــــــــــــــــــــــــــــــــــــــــــــ
الحمدلله
#علي_حسين_الكناني

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

لمولاتي فاطمة الزهراء ع

*كان دار اللعين قاتل الزهراء ع مجاور (باب الرحمة) الذي هو احدى ابواب المسجد النبوي هذا يعني بقرب دار الزهراء ع ومن هذا الدليل كتبت هذه القصيدة من لسان حال مولاتي فاطمة ع:
~~~
بيا حسرة أطفة ويطفة الاصواب
وكتّالي جاري الباب بالباب

الكسّر اعظامي .. بيته گدامي
~~~~
ما يبرد بضلوعي اصوابي .. شايف نار اتطفي النار؟
خل اسأل تصبر كتّالك .. بيته امگابل بيتك صار؟


شفت الكاتل يمشي ويطلع
يم اعيوني يروح ويرجع
يضحك من ايشوف ويسمع .. حرگ الباب

باب السادة امحنّة بدمّي
اشهگ كلما يعبر يمي
احسب گمت احساب بهمي .. وموتي احساب

ما جازي دهري اوشالة اللَوم
ايتچولي گاموا ولدي بالنوم

الكثّر آلامي .. بيته گدامي
~~
الحايط ذاك البيه عصروني .. من لا چارة اتچة اعليه
كلما اشوف الباب امكسر .. اذكر عصرة ضلعي البيه

دمعي اتذكر من اتوضة
كلما اشوفن تخطف فضّة
اذكر صيحة ذيچ الرضّة .… وذاك اليوم

هم اينام الينزف دمّة؟
وكسر اعظام ايشوف بحلمة
وكت الموت اتبدل اسمة .. وكت النوم

ما نام من العصرة ما نام
سيّري اعله عيني اهنا يالاحلام

الموّت احلامي .. بيته گدامي
~~
ما نمت اعله الصفحة اليمنه .. كسروا بيها اثلث اضلوع
المكسورة اضلوعة وتتحرك .. يبقة ايموت اسبوع اسبوع

من قوتها الدفعة الجتني
طايح ضلعي وطايح ابني
كسّر حيلي وظهري السبني .. ويضحك چان

من الدفعة ومن الحرگة
تطلع شهگة اتجر بشهگة
بت بيت الله بدم مختنگة .. وبالدخان

من باب بيتي المحترگ چان
دخانة واصل بيت الاحزان

البيّد اجدامي .. بيته گدامي
~~
الدافع بابي ابناره ايهوّس .. دافع بضلوعي البسمار
كلمن اطباعه وماهيته .. وابن النار ايحب النار

رفسة حاقد ترفس رجلة
ووين اليلچم ظل يندلة
الكسروا ضلعة ايموت احسلة .. المن ضال

باب اجذوع وثگلة ايكّسر
لو مطبوگ بصخرة ايأثر
اليتنفس بالگوة ايدور ؟ .. راحة بال؟

چتالي گاعد باله مرتاح
ونِفْسي يبزني بزة ارماح

الظّلم ايامي .. بيته گدامي
~
بچف واحد ألزمها الرّحة .. وچف مكسور وچف محروگ
ما اگدر اشبگ من كسري .. ويزعل ابني الما مشبوگ

صاير شهرين بأشواگي
حظني بولدي ما متلاگي
من ابعيد ايصير اشباگي .. وي احسين

بچف افتح وحدة من اعيوني
وچفي الثاني ايداري امتوني
ماكو اجفون اتغطي اجفوني .. بدمع العين

چي جفني ازرگ لونه ينعاف
ألدنيا زرگة بعيني تنشاف

الكاتل اعوامي .. بيته گدامي
~
ما باريته الذمة اضلوعي .. الكاتلني وما عندة اسباب
چي بابه امگابَل يم بابي .. گلت لحيدر شيل الباب

ذاك العاصر ضلع الزهرة
الله يساعد حيدر صبرة
يومية ايشوفة امن ايعبرة .. وما مندوم

ياهو اليتحمل كتّاله
يعبر يمة بأفضل حاله
جرحي ايفز وصبري اوشاله .. صار اليوم

موتني يارب موتت ابساع
بعيوني ضاگت وسعة الگاع

اليّتم ايتامي .. بيته گدامي
~~
#علي #هادي #الخزعلي


ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

الليلة وحشة .. وبمكانچ بس شمع
الليلة وحشة .. وفوگ بابچ دم ضلع
مشتاگيلچ حيل الليلة .. ونشم بالباب وبالشيلة
……………..
ليل وخنگاته تموتنه
وذكرّنه الباب الذابحنه
مو بس محسن طايح منچ
عصرونه اثلاثتنه وطحنه

دمچ يابس فوگ الحايط .. والبسمار يفور وملوي
مرن شهرين اعله الحادث .. بابچ طافي وگاعد يچوي

نذكر النار .. الوصلوها لحجرتچ
نذكر النار .. التكتل الما عبرتچ
رحنه لمحرابچ نحچيلة .. ونشم بالباب وبالشيلة
………………
جبنه البسمار الما بارد
ما يابس وينگّط گاعد
دمچ يالزهره الما ناشف
موت ولدچ واحد واحد

صوت ضلوعچ وي كل مغرب .. من يأذن كسره نسمعه
لو صاح الله اكبر نذكر .. صحتي الله اكبر بالدفعه

حتى صوتچ .. صوت واحد مختنگ
حتى صوتچ.. طلع منچ محترگ
ولدچ محد ظل بحيلة .. ونشم بالباب وبالشيله
………………
من صندوگچ جبنه السبحه
ودمچ من خرزتها نمسحه
مو حنطة اغيابچ خلاها
تطحن بس ارماد الرّحه

ورقة بصندوگچ شفناها .. وبيها كتابه بخط مرتب
امكم راح تموت الليلة .. خلوها برگبتكم زينب

ما تموتين .. يالمكانچ بالسمة
ما تموتين .. هي زينب فاطمة
بس اسمچ يصعب تبديلة .. ونشم بالباب وبالشيلة
……………..
رحنه لگبرچ روحة موته
والميته امه ايتعب صوته
والعصرو والدته وماتت
يگعد ويگابل تابوته

كل ما نتوضى اشكد نبچي .. نذكر من تتوضين انتي
من يمشي الماي اعله اعيونچ .. تنلچمين وما بينتي

الحمره عينه .. يريد حيلين وگلب
الحمره عينه .. يا وضوءه شكد صعب
ومن يمشي امتون اتچيلة .. ونشم بالباب وبالشيلة
…………..
اضلوعچ راح ايردن باچر
ينكسرن عصرية العاشر
اجذوع الطاحن فوگچ يمه
يردن باچر حافر حافر


ذبح احسين ايهز الدنيا ..وذبحه شلون ،بلايه اسم الله
والطيّح محسن بالعاشر .. ذباح يصير لعبد الله

راسه مگطوع .. ورادچ اوياه بالذبح
راسه مگطوع .. وشمّتچ صارت رمح
من هسه نشمه ونبچيلة .. ونشم بالباب وبالشيلة
…………….
#علي #هادي #الخزعلي


ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

تتنفس و يتـــــــألم احسـين
و بكل نفس يلطم عله العين
گاعد عله مصــــــلاها
مكسور ضلـــعه وياها
يتألم حسين. يتألم حسين
ـــــــــــــــــــــــــــــــــــــــــــــــ ـــــــ
عله مصــلايتها گاعد و الزچـــــية ابين اديه
هوه ينزف دم عليها و هيـــه تنزف دم عليه
دم صــدرها لا يشوفه بالعباية تخفــي بيه
و يخنگ حسين ابعبرته حتى متحس ابچـيه

بعيناها خافت يلـــمح اصواب
غطَّتــــها عن عينه بالأحجـاب
و ضمَّت عليه مبچاها
مكسور ضلـــعه وياها
يتألم احسين يتألم احسين
ـــــــــــــــــــــــــــــــــــــــــــــــ
حسين گلها يالحبيبة ال منها ابد ما ينشبع
كون هذا البيچ بيَّه و انه مكســــــور الضلع
ال يشوف ابعينه امه مــــــن نَفَسها تنوجع
الصبر لا ما يســنده و لا يتچيله الـــــــدمع

الي لجلها انخلــقت الناس
يصعب عليها شم الانفاس
و صاير صعب ممشاها
مكسور ضلــــعه وياها
يتألم احسين يتألم احسين
ـــــــــــــــــــــــــــــــــــــــــــــــ
يُمة ارفعي شوية صوتچ مو حلو حچي الهمس
و گولي (يحسين) ابحنان او ردديها مثــل امس
ليش عينچ ضامـــتها بيها شمـــــسوي الرجس
و ليش راحة چــــف ادينچ تنلچم مــــن تلمس

بــس لا يَيُمة و الله لا گال
محروگة اديچ ابنار الانذال
و يابس عليها ادماها
مكسور ضلــعه وياها
يتألم احسين يتألم احسين
ـــــــــــــــــــــــــــــــــــــــــــــــ
ضمّته الزهرة لصدرها رغـــــم كل ذاك الالم
و يبني گالت هاي ناري أشوه مـــن نار الخيم
عالشريعة هناك اشوفك من يطيح النه العَلَم
و انـه يَمّك مـــن يجيسك يا حبيبي اول سهم

ساعتها احتار اشلـــــع اسهام
لو امشي اداوي اجدام الايتام
لو زينبــــــك ارعاها
مكسور ضلعه وياها
يتألم احسين. يتألم احسين
ـــــــــــــــــــــــــــــــــــــــــــــــ
يا حبيب اعيون امــك و احلى كل ما بالعمر
هذا مو كســري يغالي بــــــكربلة راح انكسر
الدفـــــع بــابي يــردلي بـاچـــر ابهيئة شــمر
(وأن)هذا حسين يُمة يصيح و يدوس الصدر

و اعله نهــج سُنــة الشيخين
يطحن ضلوعك يُمة يحسين
و خيله تعـج فوگاها
مكسور ضلعه وياها
يتألم احسين. يتألم احسين
ـــــــــــــــــــــــــــــــــــــــــــــــ
انه صح كسرولي ضلعي و نار حـرگت منزلي
لَچَن ما واحد سباني و لا تِسَّلـــــــب مَحملي
آه زينـــــــب ياخو زينب ولية باچـــــر تنولي
بسوطهم يـــزرگ متنها بغضاً بحيـــــدر علي

الما واصلة وَحَدها للباب
لشام توصل بين الأجناب
و لاوي الحبل يمناها
مكسور ضلــعه وياها
يتألم احسن. يتألم احسين
ـــــــــــــــــــــــــــــــــــــــــــــــ
الحمدلله
#علي_حسين_الكناني

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

الباب كلــما ينفتح
يلچم لحيدر جرح
و عله الحايط عينه تنــظر صورة
لفاطمة بـــس فاطمة المكسورة
ــــــــــــــــــــــــــــــــــــــــــــــــ
صارله چم يوم حيــــــــدر ما مفارگ داره
يسولف أويه البير هضمه و يدفن باسراره
شما تِحَّرك الريــح بابه بصـــدره تلهب ناره
فاطمة و چفــها ابضلعها يـــــنرسم لانظاره

و بالمناحة يستــــمع
صوت كسرات الضلع
و روحه تغدي امن الهضم مجمورة
لفاطمة بـــــــس فاطمة المكسورة
ــــــــــــــــــــــــــــــــــــــ
چنه مو حيـــدر هذاكه الحرب چانت عيده
يحضن الصورة ابدمعته و ايده تشبگ ايده
بحسرته يــردد باسمـــــــها و بونينه ايعيده
و ما يمد عالصورة چفه الكـسر خاف يزيده

راد يلمسها و رجَع
خاف لتحس ابوجَع
يدري بيها مرضرضة و معصورة
لفاطمة بس فاطــمة المكسورة
ــــــــــــــــــــــــــــــــــــــ
من بعيد ايباوعلها صــــــــــورة ام احسينه
و چان يتمناها گلـــــــبه تنـــرسم نص عينه
عشرة عشرة ادموعه نزلـــن بينها و ما بينه
و كثر ما كف دمعه بيـــــده مولحت چفينه

ذبلن اعيــونه و عمَن
عله فراگ ام الحسَن
و مهجته بسيف الهجر منحورة
لفاطمة بس فاطمة المكسورة
ــــــــــــــــــــــــــــــــــــــ
عله جروحه ذكـــــــرياته تاخذه و اتجيبه
و گامت اتخضـــر لحيته شيبة تتبع شيبة
صفنته بســــــمار چنــــها بالضلوع اتصيبه
فاطمة يناديــها لاكن فاطـــــــــمة متجيبه

الصورة لمن تختفي
علي يوگـــع منچفي
و جفنه عالحيطان يبقه يدوره
لفاطمة بس فاطمة المكسورة
ــــــــــــــــــــــــــــــــــــ
بالعبادة الليل يخلـــــــص عنده چانت عادة
و هسه گوة يگوم محني و يفرش السجادة
داحي خيبر يـا هضيمة بيـــــــده قنفذ گاده
مچتّف و مكســـــــور ظهره بكسر ام اولاده

بحبل مشدود الچفوف
بيا وضع فاطم يشوف
يعاين الها اعله الوجه مسطورة
لفاطمة بس فاطمة المكسورة
ــــــــــــــــــــــــــــــــــــ
لان صامـــــــد بالصميدة حيدر ايسمونه
تالي مـن جهتين ظلو صُحبته ايسندونه
ال بيده دافنها حياته يعــــني بله شلونه
ينعگد بالهم لسانه و تحچي تبقه اعيونه

جـــــارت الدنيـــــــة عليه
و أخذت الزهرة امن اديه
روحه لو طلعت علي معذورة
لفاطمة بس فاطمة المكسورة
ــــــــــــــــــــــــــــــــــــ
الحمدلله
#علي_حسين_الكناني

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

#مقدمة_الليالي_الفاطمية

ابـــاب الزچية الزچية
مديت اديـــه اديــــه
ـــــــــــــــــــــــــــــــــــــــــ
لباب مجلسها اعتنيت و جدمي اول مــا دخَل
بيا هلا تلگتني احسها و دمعي للمـــلگه انهمل
و من بديت الطم عليها و انه اقـــــره المستهل
خدمة مقبــــولة و عـــــزائك يُمة گلتلي انقبل

تــــرضه عليَّه عليَّه
مديـــت اديه اديه
ـــــــــــــــــــــــــــــــــــــــــ
بعين وحدة تباوعلنه و مــــــا تفَّرق لا ابد
رغم ما كسرة ابضلعها هيه للخـــادم سند
ويانه تگـعد بالعـــــزية گَعدت الام و الوَلَد
و التصير امــــه الزچية شرايد امن الله بعَد

لامنّه الوفية الوفية
مــديـــت اديـه اديــه
ـــــــــــــــــــــــــــــــــــــــــ
ما تضَّيع تعب خــادم تشتـري بأغلى الثَمَن
أجرك و أجري عليها و اللطم عدها أنضُمَن
دمعة دمعة وَثِقَّتها ادمــوعــــنه ام الحـسَن
و باچر اتردهـن علينه من يشـــدون الچـفَن

يـــــوم المنية المنية
مديت اديـــه اديـــه
ـــــــــــــــــــــــــــــــــــــــــ
ام ابيها و بيها ندري هيــــــه ام كل الخَدَم
شيطلب الخادم تگله هالطلب يوليــدي تَم
عايشين احـــنه ابفضـــلها امغرگتنه بالنِعَم
ربــــي ثبتني ابــــدربها لو تـِزل مني الجِدَم

ثبتـــها اليــــه اليــــه
مديت اديــــه اديـــه
ـــــــــــــــــــــــــــــــــــــــــ
لو كُبَر ذنبك تشوفه يالخِدَمت الـــــها الأبن
توب لالله و رد عليها ما تطـــــــردك أطمأِن
ام گلب واسع گلبها للخَدَم صـــــــاير حضِن
و احنه وي مهدينه باچر نصلب الگلها (وإِن)

گبـــال البرية البرية
مديت اديـــه اديـه
ـــــــــــــــــــــــــــــــــــــــــ
فاطمة سر الوجود و غاية الحــــق العلي
من اجلها أوجَد محمد ربَّك و أوجَد علي
جنة الجنة و رسمها نـــــــور ربَّنــا الأزلي
شما دعت ربَّها يگلها يــــام حسنّه ادللي

ابدمعة جرية جرية
مديـت اديـه اديـه
ــــــــــــــــــــــــــــــــــــــــــ
الحمدلله
#علي_حسين_الكناني

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

السيدة رقية ع

بعيوني بعيوني راسك ضوه وماي
بس هسه بس هسه مضيعتك اهواي
•••••••••••••••••••
ضمه وشوگ .. عله النوگ
ادور بالاوجوه وماكو وجهك

رحت وين .. يالاحسين
اريدك انت مااريد اليشبهك

يالفرهدو صدرك سحگ عطشت شبگ اديه
من حظنك لظهر الهزل شبعت حرگ رقيه

محترگه محترگه من مات الفياي
بس هسه بس هسه مضيعتك اهواي
••••••••••••••••••
حچي العين .. أبه احسين
رغم ذاك الرماد وفرزنيتك

شفت لون .. بالاعيون
احمر طايح بشيبة لحيتك

ياهو الرمه الگصه بحجر ياهو الجرح غلاتي
يالوشّل اجروحك نزف دمك وصل عباتي

عطشانه عطشانه وما عدنه سگاي
بس هسه بس هسه مضيعتك اهواي
••••••••••••••••••
شفت موت .. ولا صوت
طلع من شفتك يحرس مكاني

چنت غير .. يبو الخير
أميني ومأمني وامني واماني

بس هسه شبگني الحبل ما لحتك بچفوفي
وذباحك يجيب النحر يمي ويگلي شوفي

يسبونه يسبونه الما عنده حمّاي
بس هسه بس هسه مضيعتك اهواي
••••••••••••••
تره النار .. عالازغار
اذا ما يحترگ يحترگ گلبه

تره الماي .. اجه اهواي
بس الما تشربه ما اشربه

وبطاسة الماي اركضت من خيمتي اعله رمحك
بس اطول امن ايدي الرمح ويلوحك اليذبحك

ما لوحه ما لوحه راسك يبو الراي
بس هسه بس هسه مضيعتك اهواي
•••••••••••••••••
اجي اعليك .. واغطيك
الشوچ الترس رجلي اهواي مذنب

عالاحجاب .. مشه اتراب
التل الزينبي مو مثلي مترب

يالتارس الطف بوذر يالواصل لخيمنه
محتاره كلش عمتي امن اتلمك شيلمنه

زينبنه زينبنه الها التعب جاي
بس هسه بس هسه مضيعتك اهواي
•••••••••••••••••••
الخيم نار .. وحرگ صار
اجيتك مَبخرة ودخاني بية

يمنهوب .. حچي و ثوب
الباگو محبسك باگو رقية

ترچيتي من جرها الشمر وياها جر اذاني
ومن ايدي الازغيره اجه ويم جثتك خذاني

متعجبه متعجبه ما طاحت اسماي
بس هسه بس هسه مضيعتك اهواي
•••••••••••••••••••
#علي #هادي #الخزعلي


ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

المشاية اجت .. اجت مثل مطر
والراحة مشت.. بعد تعب سهر
جينالك جينالك مشاية
~
مثل المطرة تبدي ..بأولها تنّدي ..شوية وتبدي تكثر .. فتره فتره

موته احنه واجتنه ..المشاية وحيتنه ..وكل يابس تخضر .. نعمة كُبره

براسي الغيرة صبّت ..راية بمتني ركبت ..كلشي بروحي كبّر .. غيرة سمره

صوت امرية اسمعه .. اتصيح وكلها دمعه .. بالضلع التكّسر .. هله الزهره

يامية هله .. التعب جزه وبعد
زاير كربله .. عله الظهر سند
جينالك جينالك مشاية
~~~
روحي بأيدي طاحت ..كل شوية صاحت .. يمته تمشي زاير .. وانه سكته

البيرغ نوميته .. بصفي وحظريته .. ولون هدومي حاظر ..بيدي جبته

ادعي بكل ثواني .. يارب الاماني .. شوفني المناير .. موتي شفته

كلمن عينه تبچي .. ويمشي وروحه تحچي .. للجنه يسافر .. گبل وكته

جنة الله هاي ..درب مشي الضعن
حسين اشتم هواي..هوه وضوه الزمن
جينالك جينالك مشاية
~~~
لو طارية جبته .. غرگان ونقضته .. يايوم بطلعتي .. والله احبه

كل اوكاتي طايح .. بالمشاية رايح .. مو من عمري وكتي .. راح احسبه

محبوبي وحروفة .. عالماي الاشوفة .. امشي بكل سرعتي .. ارد اكتبه

انه امشي اعله وني ..عفته الماعجبني .. الما عايش حرگتي .. ما إنِسبه

بس المحترگ .. يجي مشي وبچي
وتريد الصدگ.. يبز تره الحچي
جينالك جينالك مشاية
~~~
وحدة امن العجايب.. خيرات المواكب .. خير الله زايد.. خيره يكفي

درب الطف حفظته .. وچي حبه ركضته .. سميت المراقد ..اثر طفي

دربي بعيني والم ..لو ماامشي نادم .. لو مايمشي واحد .. يبدي لهفي

بس اوصل وازورة ..اگضي الطف نذورة ..طلبه امن الله رايد. .هايه چفي

اثنين اچفوف امد ..حچه وبچه الصبر
يارب الحمد .. رزق مشي العمر
جينالك جينالك مشاية
~~~
بالزهرة وابنها .. لايحرمني منها .. يارب زد وبارك.. نعمه هاية

بيها ايطگ هيامي.. مشاية امامي .. والعافاها هالك .. بالرواية

امنيتي وروحي ترجه .. بالطف احله حجه .. وتطبيق المناسك .. بالنواية

ادعي وگلبي هايم .. ما دام الله دايم .. بالمشاية اشارك .. بيدي راية

والحر والبرد .. فشل اهم اله
واشما يبتعد.. تره الدرب حله
جينالك جينالك مشاية
~~~
الموكب كله غيرة .. والزهرة التديرة .. محروس بأديها .. وببوفاضل

هيه بكلشي اعلم .. ام ضلع التهشم .. تطي وماعليها .. ابلا مقابل

موكب خدمة ينعد .. عند الله احله مرقد .. جبريل اليجيها .. بالرسايل

كل موكب تنّصب .. هذا املاگي زينب .. ردت من سبيها .. بالمحامل

واليخدم صحيح .. يحب حچي الخدم
من صدر الذبيح .. مشه شلع سهم
جينالك جينالك مشاية
~~
#علي #هادي #الخزعلي



ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

#قصيدة_ليلة_الوحشة
لسان حال السيدة زينب ع تخاطب جسد الحسين ع

شتاگيتلك. بعــد الـــــوداع ابلحظات
حنيــــتلك. بس عطّــــــلنّي الخيمات
خوية جيتك بعد ما طفيتها
و اليتامة الضـــايعة لمّيتها
شتاگيتلك
ـــــــــــــــــــــــــــــــــــــــــــــــــــ
امن التلة نظرتك لمـــــــن اتنـازع
امن التلة اشوفــك للخـــيم راكع
امن التلة عيني لذبحــك اتــباوع

شما اناديلك چنــــــت و انته طريح
توگف و ترجع عله اســهامك تطيح
و چن اسمعك ردي لخيـامچ تصيح

رجعيلهن. عندچ ابنـــــــــيات ازغار
حاميلهن. مـن الحـــــــــوافر و النار
و انه خويه احچايتك سويتها
و اليــــتامة الضـــــايعة لميتها
شتاگيتلك
ـــــــــــــــــــــــــــــــــــــــــــــــــــ
رجعتلهن بناتـــك بيه مــــا بيه
رجعتلهن. عليك اضلوعي محنية
رجعتلهن رَجْعَت وحدة مسبية

للخيم رديت مـــا اعـــــــرف شگول
و يَمَّك اسمع گامــــــت ادگ الطبول
خوية داست فوگك و جتنه الخيول

لاخيامك. دمك وصل ويه الخيل
و ايتامك. شيلمها لــو صـار الليل
رغم تعبي خيـلهم رديتها
و اليتامة الضايعة لميتها
شتاگيتلك
ـــــــــــــــــــــــــــــــــــــــــــــــــــ
ورة أطفالك. ركضت ابكـل اراضي البَّر
ورة أطفالك. و ارد فحطــانة للخَــــــدَّر
ورة أطفالك. صرت سالــــــوفة للعسكر

حرمة بالخمسين عمري شرد اصير
و الركض ينــرادله حيــــــــل الزغير
اشتكي لعباسنه و كل كل ساع ادير

أذتـــــنــي أركض تعــاينلي ارجال
دم متــــني. من السياط اسود سال
ابچف عفافي اعيونهم سديتها
و اليتامة الضـــــــايعة لميـتها
شتاگيتلك
ـــــــــــــــــــــــــــــــــــــــــــــــــــ
أوصلت يمك. امن الدخـــــان مخنوگة
أوصلت يمك. چني خيــــــمة محروگة
أوصلت يمك. لگيتك جثة مسحــــوگة

شباقي منك هسه مـــن وين التگيك
وينه صدرك خوية اريد اشبگ عليك
هذا يا ظــــالم گطـــــــع خنصر اديك

شيكــــابر. گلبي الينظـــــرك ذابل
بالحــــافر. صدرك لظهــــرك نازل
دمعتي فوگ الجرح صبيتها
و اليتـامة الضـــايعة لميتها
اشتاگيتلك
ـــــــــــــــــــــــــــــــــــــــــــــــــــ
راح ارجع. و اردلك و انه عالناگة
راح ارجع. و اگلك خويه مشتاگة
راح ارجع. بعــدها ابراسك اتلاگة

نمشي باچر باليـــــــسر درب الطويل
خويه و اعله الناگة خل رمحك يميل
و اعله دم امتوني دمعاتك تسيل

ليلـــية. نگعد سوه خويه انوح
مسبية. و اتعاتبــــلها ابمذبوح
ونِّتي لدرب السبي ضميتها
و اليتامة الضـــايعة لميتها
شتاگيتلك
ـــــــــــــــــــــــــــــــــــــــــــــــــــ
الحمدلله
#علي_حسين_الكناني

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

فكمن له من وراء : نخلة
فضربه على يمينه
فقطعها ..
...

لو طيٌح المريم رطب
ذاك الجذع لا مو عجب
بس العجيبه انتي
يا نَخْله من سكتْي
طيّحتي چف العباس !!
....
گبل مانبدي عتبنه
اختصار العتب كله
من عساچ بنار خيمه
وجمر سوط بمتن طفله
ليش ما هزتج زينب
والنِشد هذا اشيحمله
جذع طيًح رطب وانتي
شنو طيّحتي ينَخْله
يم جذعچ چفوفه لگت
لزمي الصمت لو عاتبت
بساعتها مانطقتي
يا نخله من سكتي
طيّحتي چف العباس
...
سكتي يالچان بكلامچ
اعز فزعه لاخو زينب
بدل ماينگطع چفه
من اديه عبد الله يشرب
وچان تدعيلج رقيه
مثلي عم ارزقها يارب
بس سكتّي وگلب اخته
عليچ يدعي گد تعذب
شتجاوبين ام المحن
ابن الطفيل المن كمن ؟
وعن يا غدر صمتي
يا نَخْله من سكتْي
طیْحتي چف العباس
....
انتي عمه وهيه عمه
بكلمه تتساون ظليمه
الله ينطيچ اخو ومنچ
ياخذه وتبقى الحريمه
شامخات المن خواتچ
من بعد هاي الهضيمه
كون كل نَخْله تحدّب
صلفه التظل مستقيمه
الّلايذ بسدچ كسر
ظهر الحسين بيا گمر
ومن عنده بيمن لذتي
يا نَخْله من سكتي
طيْحتي چف العباس
...
لا بقالچ تال لاظل
علگمي ومنه رويتي
ضاميه تموتين حتى
تنچوين بما جنيتي
للگطع ايد ابوفاضل
يالخفيتي من خفيتي
حطب تبقين بجهنم
وگّدوچ شما طفيتي
ضيفچ هدر نور الكمر
الله يضيّفچ بسقر
لهاي الضیافه ردتي
يا نَخْله من سكتْي
طيْحتي چف العباس
.....
راح ابوفاضل ينَخْله
يعني ابو السجاد ماظل
جايب رماد المخيم
لحظه والدخان يوصل
ولحظه وتسمعين زينب
من تجي تسولف بهالحل
المحبس الكم بس اليه
ردوا خنصر عنه اسأل
ولا خبر من عدهم يصح
كل البقى براس الرمح
اليا مصايب شفتي
يا نَخْله من سكتي
طيّحتي چف العباس

#علي #العابد #النجفي

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON