☀ منبريّون حسينيّون ☀

ليلة العاشر الوداع


الوداع يخواني
الوداع يخواني
...................

هاي آخر ليله نلتم بالخيام.. اه واويلاه لو طر الصبح
اني مامجروحه منكم مستحيل.. بس عليكم رايحه هواي انجرح
حسين خويه ادنه يم اختك تعال.. خل اشم نحرك الباجر ينذبح
كربله يخواني يرادلهه حيل.. وبعد كافل للعقيله مايصح

الوداع يخواني
الوداع يخواني
....................

باجر الديرت غرب تمشي الضعون .. وكلهه تتحزم عليي واني مره
وين ادير عيوني ياعباسي وين.. زينب خلافك تضل محيره
باجر امن اخيامي اشوفن بس رماد .. وگلبي مثل اخيامي ناره موجره
خويه اتمنه العمه من مستحاي .. ولااشوفن زلمه
صدلي بناضره

الوداع يخواني
الوداع يخواني
......................

ياهو بسمي ايصيح لو طبينه سوك.. والنسه البلقافله عدهن أهل
افلانه بت افلان ذوله اهلج اجوج.. وانه اضلن لاكفيل ولاامل
الماي من عيني يشح من النحيب .. وعل يتامه يسكن بگلي الوجل
ليل كلهه الدنيه بعيوني تصير.. الباجر اوياي الزمن حضر زعل

الوداع يخواني
الوداع يخواني
.....................

الزلم يرادلهه زلمه من تعيل.. ياخذ الحك منهم وماينكسر
خويه واني حرمه ماطالعلي صوت.. وخاف يطلع صوتي كدام الشمر
يابو فاضل خويه وبعينك تشوف.. زينب ام الخدر وبلايه خدر
والله دنيا وزينب بلايه الكفيل.. بيدي الحبال واطر درب اليسر

الوداع يخواني
الوداع يخواني
.....................

خويه درب الشام يالكافل طويل.. وروسكم برماح كدام الضعن
منين مادير الوجه كتال اخوي.. يحدي بينه وغايته الأصعب وطن
جم خرابه وراح أمر بيهن وابات.. خويه لجمات السبي ماينسن
آل هاشم انتم احمات الدخيل.. بياوكت نسوانكم يتغربن

الوداع يخواني
الوداع يخواني
.....................

اني من بيت اللذي يملك حصير.. ماخذيني القصر سفاك الدمه
راح اطب ديوان ناس ابلا ضمير.. واسمع ايشتمون ابوي وفاطمه
راح احجي وكلهه تسكت لو حجيت.. ينطق اعله الساني حماي الحمه
تنتهي بوداعكم عندي الحيات.. وعالصبر روحي تضل ملازمه

الوداع يخواني
الوداع يخواني

#محمد #هادي #العقابي

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

الليلة وحشة .. وبمكانچ بس شمع
الليلة وحشة .. وفوگ بابچ دم ضلع
مشتاگيلچ حيل الليلة .. ونشم بالباب وبالشيلة
……………..
ليل وخنگاته تموتنه
وذكرّنه الباب الذابحنه
مو بس محسن طايح منچ
عصرونه اثلاثتنه وطحنه

دمچ يابس فوگ الحايط .. والبسمار يفور وملوي
مرن شهرين اعله الحادث .. بابچ طافي وگاعد يچوي

نذكر النار .. الوصلوها لحجرتچ
نذكر النار .. التكتل الما عبرتچ
رحنه لمحرابچ نحچيلة .. ونشم بالباب وبالشيلة
………………
جبنه البسمار الما بارد
ما يابس وينگّط گاعد
دمچ يالزهره الما ناشف
موت ولدچ واحد واحد

صوت ضلوعچ وي كل مغرب .. من يأذن كسره نسمعه
لو صاح الله اكبر نذكر .. صحتي الله اكبر بالدفعه

حتى صوتچ .. صوت واحد مختنگ
حتى صوتچ.. طلع منچ محترگ
ولدچ محد ظل بحيلة .. ونشم بالباب وبالشيله
………………
من صندوگچ جبنه السبحه
ودمچ من خرزتها نمسحه
مو حنطة اغيابچ خلاها
تطحن بس ارماد الرّحه

ورقة بصندوگچ شفناها .. وبيها كتابه بخط مرتب
امكم راح تموت الليلة .. خلوها برگبتكم زينب

ما تموتين .. يالمكانچ بالسمة
ما تموتين .. هي زينب فاطمة
بس اسمچ يصعب تبديلة .. ونشم بالباب وبالشيلة
……………..
رحنه لگبرچ روحة موته
والميته امه ايتعب صوته
والعصرو والدته وماتت
يگعد ويگابل تابوته

كل ما نتوضى اشكد نبچي .. نذكر من تتوضين انتي
من يمشي الماي اعله اعيونچ .. تنلچمين وما بينتي

الحمره عينه .. يريد حيلين وگلب
الحمره عينه .. يا وضوءه شكد صعب
ومن يمشي امتون اتچيلة .. ونشم بالباب وبالشيلة
…………..
اضلوعچ راح ايردن باچر
ينكسرن عصرية العاشر
اجذوع الطاحن فوگچ يمه
يردن باچر حافر حافر


ذبح احسين ايهز الدنيا ..وذبحه شلون ،بلايه اسم الله
والطيّح محسن بالعاشر .. ذباح يصير لعبد الله

راسه مگطوع .. ورادچ اوياه بالذبح
راسه مگطوع .. وشمّتچ صارت رمح
من هسه نشمه ونبچيلة .. ونشم بالباب وبالشيلة
…………….
#علي #هادي #الخزعلي



ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

وفاة القاسم بن الكاظم عليهما السلام


زاير القاسم أفلح وفاز

مشكور هذا السعي مشكور
گلبك بحب العتره معمور
اخلع ظلامك والبس النور
صك الأمان استلمه مأجور
المذلول يصبح من العزاز

_**_

هذا الغريب العاش مهموم
ومن الاهل والدار محروم
شايل الماي ويروي بالگوم
العن يزيد .. اذكر المظلوم
واعله الصراط اليذكره جاز

_**_

من الوقار .. امحيّر الناس
چنه انخلق من نور واحساس
والشافه صار براسه وهواس
هذا علي لو هذا عباس ؟
هذا لغز مو مثل الالغاز

_**_

شوف الرضا من الغربه شيگول
لو درب مشهد عنك يطول
للقاسم امشي بجفن مبلول
ولمن تزوره .. زيارتي اتنول
والزار اخويه اعله الفضل حاز

_**_

الطيب ابن الناس الاطياب
الله اعله چفه يجري الاسباب
لو تطلبه وتريد الجواب ؟
بس حلفه بالطاحت على الباب
بعينه المصيبه تنثر اكزاز

_**_

چن والده الكاظم تعناه
وأمه الزچيه تمشي وياه
ويلاه صاحت يبني ويلاه
غربتك مردت گلبي وحشاه
سيف الحزن بضلوعي حزّاز

_**_

هالليله وجه الدنيا مخطوف
ودمع السمه عالگاع مذروف
چن عالشريعه طاحت چفوف
وگام النهر يلطم عالجروف
وين اهله لتشيله يجناز

_**_

#أحمد #هادي #الشمري


ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

باب اجذوع وطاح .. واسمع بس اصياح
عصره ومحسن راح ..جوه تراب
ما شفت بدنياي .. نار ابيت الماي ..
وحده وهمه اهواي.. وستري الباب

غريبة يروحي .. غريبة يروحي
…………………
انه بت المات توه وربع ابوي اتهد عليه
باب من اجذوع كله وهمه ماگالوا خطيه
همه اكثر من ذنبهم وانه بس الله واديه

باب اجذوع .. فوگ اضلوع
ونايم بين اضلوعي المحسن
طاح الباب .. وايدي احجاب
وبوكت الاذان يأذن

يسمع صوت اذان.. ويعصرني الشيطان
مايتسمه انسان .. لا والله

ام وابني يموت.. وبطن امه التابوت
ماطلّع اي صوت .. لا شفناه

غريبة يروحي .. غريبة يروحي
………………
گبره ما ناشف محمد وربعه حرگو بيت بته
جاي اسبّح لله وادعي وصوت المرافس سمعته
دفعو الباب وحجابي لزمة المصحف لزمته

صار الصار.. ناس ونار
اثلثميه وبس آنه وفضة
بالحيطان .. بس دخان
بيتي امن الدخان اتوضة

صحت لفضه ابساع.. شيليني امن الگاع
والمكسورة اذراع .. بيش اتگوم
مختنگه ام احسين .. وزرگة اجفون العين
اتبدل شكلي اسنين .. بليلة ويوم

غريبة يروحي .. غريبة يروحي
………………..
طايح ابيّر وتجره هيچ اجر النفس گوه
موتت المكسور ضلعه تصير من يمشيله خطوة
آنه من اتوضه اموتن جرح ايدي وعيني بلوة

حيل يريد .. رفع الايد
اشهگ موت بكل تكبيرة
حيلي يذوب .. كل غروب
چني اخيال وآنه ازغيرة

اضعف اضعف حيل .. من عصرات الليل
حتى الليل يعيل .. بالموجوع

بس بَصَمات اقدام .. متروسه الاحلام
واسمع كل ما انام .. طگ اضلوع

غريبة يروحي .. غريبة يروحي
………………
اوگف اعله اعصابي گوه وماوصل عشرين عمري
والوجع بعيوني يطلع و ابتسم بوجوه بزري
ومن يجي احسين اعله حظني يرجع الحيل اعله ظهري

ست اسنين .. عمر احسين
و امه اگباله اتموت بعصرة
صار ايام .. من اينام
يتحلم بس بإسم الزهرة

متخيلته اجروح .. شابگني ومذبوح
ويصيّح مبحوح .. يا زهراء

لازم ادير اگفاي .. امن اشرب يمه الماي
يعطش راح اهواي .. بعاشوراء

غريبه يروحي .. غريبة يروحي
………………..
ايدي متعوده اعله رحه وسبحتي وروس اليتامه
الشوگ كاتل ناسي كلهم و انه ما اگوم بسلامة
همه المتانيني اگومن ناس فقره وچم حمامة

اتريد الناس.. تردلي انفاس
و ياروحي ايامچ معدودة
گطعة صوت .. وباچر موت
ايظل حيدر حيطانه تگودة

باچر دمع اغياب.. باچر طيحوا الباب
ظلي يصير اتراب .. عنكم راح

عندي وياكم دين .. دفنو وياي اثنين
تربة وثوب حسين .. حتى ارتاح

غريبه يروحي .. غريبه يروحي
…………..
#علي #هادي #الخزعلي



ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

لمولاتي فاطمة الزهراء ع

*كان دار اللعين قاتل الزهراء ع مجاور (باب الرحمة) الذي هو احدى ابواب المسجد النبوي هذا يعني بقرب دار الزهراء ع ومن هذا الدليل كتبت هذه القصيدة من لسان حال مولاتي فاطمة ع:
~~~
بيا حسرة أطفة ويطفة الاصواب
وكتّالي جاري الباب بالباب

الكسّر اعظامي .. بيته گدامي
~~~~
ما يبرد بضلوعي اصوابي .. شايف نار اتطفي النار؟
خل اسأل تصبر كتّالك .. بيته امگابل بيتك صار؟


شفت الكاتل يمشي ويطلع
يم اعيوني يروح ويرجع
يضحك من ايشوف ويسمع .. حرگ الباب

باب السادة امحنّة بدمّي
اشهگ كلما يعبر يمي
احسب گمت احساب بهمي .. وموتي احساب

ما جازي دهري اوشالة اللَوم
ايتچولي گاموا ولدي بالنوم

الكثّر آلامي .. بيته گدامي
~~
الحايط ذاك البيه عصروني .. من لا چارة اتچة اعليه
كلما اشوف الباب امكسر .. اذكر عصرة ضلعي البيه

دمعي اتذكر من اتوضة
كلما اشوفن تخطف فضّة
اذكر صيحة ذيچ الرضّة .… وذاك اليوم

هم اينام الينزف دمّة؟
وكسر اعظام ايشوف بحلمة
وكت الموت اتبدل اسمة .. وكت النوم

ما نام من العصرة ما نام
سيّري اعله عيني اهنا يالاحلام

الموّت احلامي .. بيته گدامي
~~
ما نمت اعله الصفحة اليمنه .. كسروا بيها اثلث اضلوع
المكسورة اضلوعة وتتحرك .. يبقة ايموت اسبوع اسبوع

من قوتها الدفعة الجتني
طايح ضلعي وطايح ابني
كسّر حيلي وظهري السبني .. ويضحك چان

من الدفعة ومن الحرگة
تطلع شهگة اتجر بشهگة
بت بيت الله بدم مختنگة .. وبالدخان

من باب بيتي المحترگ چان
دخانة واصل بيت الاحزان

البيّد اجدامي .. بيته گدامي
~~
الدافع بابي ابناره ايهوّس .. دافع بضلوعي البسمار
كلمن اطباعه وماهيته .. وابن النار ايحب النار

رفسة حاقد ترفس رجلة
ووين اليلچم ظل يندلة
الكسروا ضلعة ايموت احسلة .. المن ضال

باب اجذوع وثگلة ايكّسر
لو مطبوگ بصخرة ايأثر
اليتنفس بالگوة ايدور ؟ .. راحة بال؟

چتالي گاعد باله مرتاح
ونِفْسي يبزني بزة ارماح

الظّلم ايامي .. بيته گدامي
~
بچف واحد ألزمها الرّحة .. وچف مكسور وچف محروگ
ما اگدر اشبگ من كسري .. ويزعل ابني الما مشبوگ

صاير شهرين بأشواگي
حظني بولدي ما متلاگي
من ابعيد ايصير اشباگي .. وي احسين

بچف افتح وحدة من اعيوني
وچفي الثاني ايداري امتوني
ماكو اجفون اتغطي اجفوني .. بدمع العين

چي جفني ازرگ لونه ينعاف
ألدنيا زرگة بعيني تنشاف

الكاتل اعوامي .. بيته گدامي
~
ما باريته الذمة اضلوعي .. الكاتلني وما عندة اسباب
چي بابه امگابَل يم بابي .. گلت لحيدر شيل الباب

ذاك العاصر ضلع الزهرة
الله يساعد حيدر صبرة
يومية ايشوفة امن ايعبرة .. وما مندوم

ياهو اليتحمل كتّاله
يعبر يمة بأفضل حاله
جرحي ايفز وصبري اوشاله .. صار اليوم

موتني يارب موتت ابساع
بعيوني ضاگت وسعة الگاع

اليّتم ايتامي .. بيته گدامي
~~
#علي #هادي #الخزعلي


ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

الليلة وحشة .. وبمكانچ بس شمع
الليلة وحشة .. وفوگ بابچ دم ضلع
مشتاگيلچ حيل الليلة .. ونشم بالباب وبالشيلة
……………..
ليل وخنگاته تموتنه
وذكرّنه الباب الذابحنه
مو بس محسن طايح منچ
عصرونه اثلاثتنه وطحنه

دمچ يابس فوگ الحايط .. والبسمار يفور وملوي
مرن شهرين اعله الحادث .. بابچ طافي وگاعد يچوي

نذكر النار .. الوصلوها لحجرتچ
نذكر النار .. التكتل الما عبرتچ
رحنه لمحرابچ نحچيلة .. ونشم بالباب وبالشيلة
………………
جبنه البسمار الما بارد
ما يابس وينگّط گاعد
دمچ يالزهره الما ناشف
موت ولدچ واحد واحد

صوت ضلوعچ وي كل مغرب .. من يأذن كسره نسمعه
لو صاح الله اكبر نذكر .. صحتي الله اكبر بالدفعه

حتى صوتچ .. صوت واحد مختنگ
حتى صوتچ.. طلع منچ محترگ
ولدچ محد ظل بحيلة .. ونشم بالباب وبالشيله
………………
من صندوگچ جبنه السبحه
ودمچ من خرزتها نمسحه
مو حنطة اغيابچ خلاها
تطحن بس ارماد الرّحه

ورقة بصندوگچ شفناها .. وبيها كتابه بخط مرتب
امكم راح تموت الليلة .. خلوها برگبتكم زينب

ما تموتين .. يالمكانچ بالسمة
ما تموتين .. هي زينب فاطمة
بس اسمچ يصعب تبديلة .. ونشم بالباب وبالشيلة
……………..
رحنه لگبرچ روحة موته
والميته امه ايتعب صوته
والعصرو والدته وماتت
يگعد ويگابل تابوته

كل ما نتوضى اشكد نبچي .. نذكر من تتوضين انتي
من يمشي الماي اعله اعيونچ .. تنلچمين وما بينتي

الحمره عينه .. يريد حيلين وگلب
الحمره عينه .. يا وضوءه شكد صعب
ومن يمشي امتون اتچيلة .. ونشم بالباب وبالشيلة
…………..
اضلوعچ راح ايردن باچر
ينكسرن عصرية العاشر
اجذوع الطاحن فوگچ يمه
يردن باچر حافر حافر


ذبح احسين ايهز الدنيا ..وذبحه شلون ،بلايه اسم الله
والطيّح محسن بالعاشر .. ذباح يصير لعبد الله

راسه مگطوع .. ورادچ اوياه بالذبح
راسه مگطوع .. وشمّتچ صارت رمح
من هسه نشمه ونبچيلة .. ونشم بالباب وبالشيلة
…………….
#علي #هادي #الخزعلي


ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

السيدة رقية ع

بعيوني بعيوني راسك ضوه وماي
بس هسه بس هسه مضيعتك اهواي
•••••••••••••••••••
ضمه وشوگ .. عله النوگ
ادور بالاوجوه وماكو وجهك

رحت وين .. يالاحسين
اريدك انت مااريد اليشبهك

يالفرهدو صدرك سحگ عطشت شبگ اديه
من حظنك لظهر الهزل شبعت حرگ رقيه

محترگه محترگه من مات الفياي
بس هسه بس هسه مضيعتك اهواي
••••••••••••••••••
حچي العين .. أبه احسين
رغم ذاك الرماد وفرزنيتك

شفت لون .. بالاعيون
احمر طايح بشيبة لحيتك

ياهو الرمه الگصه بحجر ياهو الجرح غلاتي
يالوشّل اجروحك نزف دمك وصل عباتي

عطشانه عطشانه وما عدنه سگاي
بس هسه بس هسه مضيعتك اهواي
••••••••••••••••••
شفت موت .. ولا صوت
طلع من شفتك يحرس مكاني

چنت غير .. يبو الخير
أميني ومأمني وامني واماني

بس هسه شبگني الحبل ما لحتك بچفوفي
وذباحك يجيب النحر يمي ويگلي شوفي

يسبونه يسبونه الما عنده حمّاي
بس هسه بس هسه مضيعتك اهواي
••••••••••••••
تره النار .. عالازغار
اذا ما يحترگ يحترگ گلبه

تره الماي .. اجه اهواي
بس الما تشربه ما اشربه

وبطاسة الماي اركضت من خيمتي اعله رمحك
بس اطول امن ايدي الرمح ويلوحك اليذبحك

ما لوحه ما لوحه راسك يبو الراي
بس هسه بس هسه مضيعتك اهواي
•••••••••••••••••
اجي اعليك .. واغطيك
الشوچ الترس رجلي اهواي مذنب

عالاحجاب .. مشه اتراب
التل الزينبي مو مثلي مترب

يالتارس الطف بوذر يالواصل لخيمنه
محتاره كلش عمتي امن اتلمك شيلمنه

زينبنه زينبنه الها التعب جاي
بس هسه بس هسه مضيعتك اهواي
•••••••••••••••••••
الخيم نار .. وحرگ صار
اجيتك مَبخرة ودخاني بية

يمنهوب .. حچي و ثوب
الباگو محبسك باگو رقية

ترچيتي من جرها الشمر وياها جر اذاني
ومن ايدي الازغيره اجه ويم جثتك خذاني

متعجبه متعجبه ما طاحت اسماي
بس هسه بس هسه مضيعتك اهواي
•••••••••••••••••••
#علي #هادي #الخزعلي


ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

المشاية اجت .. اجت مثل مطر
والراحة مشت.. بعد تعب سهر
جينالك جينالك مشاية
~
مثل المطرة تبدي ..بأولها تنّدي ..شوية وتبدي تكثر .. فتره فتره

موته احنه واجتنه ..المشاية وحيتنه ..وكل يابس تخضر .. نعمة كُبره

براسي الغيرة صبّت ..راية بمتني ركبت ..كلشي بروحي كبّر .. غيرة سمره

صوت امرية اسمعه .. اتصيح وكلها دمعه .. بالضلع التكّسر .. هله الزهره

يامية هله .. التعب جزه وبعد
زاير كربله .. عله الظهر سند
جينالك جينالك مشاية
~~~
روحي بأيدي طاحت ..كل شوية صاحت .. يمته تمشي زاير .. وانه سكته

البيرغ نوميته .. بصفي وحظريته .. ولون هدومي حاظر ..بيدي جبته

ادعي بكل ثواني .. يارب الاماني .. شوفني المناير .. موتي شفته

كلمن عينه تبچي .. ويمشي وروحه تحچي .. للجنه يسافر .. گبل وكته

جنة الله هاي ..درب مشي الضعن
حسين اشتم هواي..هوه وضوه الزمن
جينالك جينالك مشاية
~~~
لو طارية جبته .. غرگان ونقضته .. يايوم بطلعتي .. والله احبه

كل اوكاتي طايح .. بالمشاية رايح .. مو من عمري وكتي .. راح احسبه

محبوبي وحروفة .. عالماي الاشوفة .. امشي بكل سرعتي .. ارد اكتبه

انه امشي اعله وني ..عفته الماعجبني .. الما عايش حرگتي .. ما إنِسبه

بس المحترگ .. يجي مشي وبچي
وتريد الصدگ.. يبز تره الحچي
جينالك جينالك مشاية
~~~
وحدة امن العجايب.. خيرات المواكب .. خير الله زايد.. خيره يكفي

درب الطف حفظته .. وچي حبه ركضته .. سميت المراقد ..اثر طفي

دربي بعيني والم ..لو ماامشي نادم .. لو مايمشي واحد .. يبدي لهفي

بس اوصل وازورة ..اگضي الطف نذورة ..طلبه امن الله رايد. .هايه چفي

اثنين اچفوف امد ..حچه وبچه الصبر
يارب الحمد .. رزق مشي العمر
جينالك جينالك مشاية
~~~
بالزهرة وابنها .. لايحرمني منها .. يارب زد وبارك.. نعمه هاية

بيها ايطگ هيامي.. مشاية امامي .. والعافاها هالك .. بالرواية

امنيتي وروحي ترجه .. بالطف احله حجه .. وتطبيق المناسك .. بالنواية

ادعي وگلبي هايم .. ما دام الله دايم .. بالمشاية اشارك .. بيدي راية

والحر والبرد .. فشل اهم اله
واشما يبتعد.. تره الدرب حله
جينالك جينالك مشاية
~~~
الموكب كله غيرة .. والزهرة التديرة .. محروس بأديها .. وببوفاضل

هيه بكلشي اعلم .. ام ضلع التهشم .. تطي وماعليها .. ابلا مقابل

موكب خدمة ينعد .. عند الله احله مرقد .. جبريل اليجيها .. بالرسايل

كل موكب تنّصب .. هذا املاگي زينب .. ردت من سبيها .. بالمحامل

واليخدم صحيح .. يحب حچي الخدم
من صدر الذبيح .. مشه شلع سهم
جينالك جينالك مشاية
~~
#علي #هادي #الخزعلي



ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

دفن الأجساد الطاهره


الله يعينك  ...  شفت حسينك
متطشر لونه اعله الغبره
.............

النسمه جانت من تمر ترتاح يمه
وصارت اجروحه حضن من تهب نسمه
ذاكه ابو جسم الترف ذبلان جسمه
كل كتر يوكع من ايدك من تلزمه

شصار بروحك  ...  يم مذبوحك
وبياحيل وتحفر كبره
..............

يلي ماضل حيل عندك تمشي كوه
ياعليل ال النبي گلبك تّجوّه
من وصلت الوالدك راعي المروه
الوذر من تلمهه يرادلهه قوه

تلم وتنحب  ...  آ يازينب
هذا حسينج سحنو صدره
...............

الصدر ذاكه الوصت اعليه الزجييه
وكالت الزينب تبوسينه اليه
اعظامه هم الهن بقايه بهل رزيه
هواي عشر اخيول والحافر اذيه

سون حفره  ...  خيول العشره
ومن دمه ولا ضلت گطره 
..............

حاير وتتخطه فوك الجثث تعبر
تلتفت يمنه ويسار بهمه تنظر
اكو شي عندك عزيز اعليه تدور 
جف ابوك حسين ضايع منه خنصر

عالهم صابر  ...   باقي تكابر
والماي من تشربه بعَبره
...............

ابد لاوالله صعبه وماهي سهله
على بنادم ساعه وحده ويفكد اهله
الراحو اعزازه الحزن يمشي ويه ضله
ايرّيحّه بس المدمع اعليهم يهله

كل ايامك  ....   طف كدامك
يالسجاد وحبل الأسره
...............

الحبل ماناسي وجفهه إلي يصب دم
حزنك اعله الهاشميه وبيهه مهتم
ضيم هاي الدنيه كله اعليك ملتم
عينك تصب دمع ضلت عالمخيم

رايد موتك  ...  ردد صوتك
بكلبي الزينب تسعر جمره


#محمد #هادي #العقابي

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

دفن الأجساد الطاهره



للدفنه

ارد ألِمن الجسد 
انطوني يابني اسد
حصيره
اني اجيت الدفنته
هذا ابوي مصيبته
جبيره
لمصاب  الحسين
خل تبجي كل عين
...................

اني اجيت الوالدي   البلخيل داسو صدره
وبئيدي احفرله الكبر   واني الانزله الكبره
خايف عليه لاينلجم    اخضر بعد حز نحره
ومن الحوافر والسحك   اضلوعه هم متكسره

لمن احفرله الكبر
ادفن وياه العمر
مصيبه
عالبشر موقف صعب
من يحط جوه الترب
حبيبه
راح ادفن الزين
خل تبجي كل عين
...................

اعضائه كلهه البلجسم   بالدم صفت نجيعه
لميته ابوي بدمعتي   يامعضم الفجيعه
واسمع الصوت امن النحر  مني طلب رضيعه
وثنينهم جسم ونحر     والروس هل كطيعه

راسه عفته اعله الرمح
منين ماصدله جرح
منيه 
وراس عبد الله الطفل
عالرمح شده الحبل
اذيه
اه اعله الثنين
خل تبجي كل عين
...................

گلبي لبوي وطيبته    كل لحضه يكبر شوكه
شكد حار ويجوي الرمل    عطشان نايم فوكه
عدوانه ماخلو ابد     الماي حته ايضوكه
تدرون  يابني اسد     دمه يبس بعروكه

هذا ضنوة فاطمه
ميت وشابع ضمه
هضيمه
ماشرب من العذب
اثيابه صارن للنهب
غنيمه
واندب بالونين
خل تبجي كل عين
.................

خلونه نتعنه سوه   يم كافل العقيله
عالنهر عباس الكمر    من عنده طايح حيله
جفينه عمي مكطعه   ومن عينه دم يسيله
والهامه كلهه مهشمه   فاجع اكلوب العيله

عمي كفال الحرم
بيده ناصبهه الخيم
كمرنه
شحجي عنه بيا الم
وعينه طافيهه السهم
ذخرنه
مهشوم الجبين
خل تبجي كل عين
...................

راحو هلي بطف نينوه   وضليت اني بنوحي
وللاكبر وجاسم ابد    ماتهده ونت روحي
ابنادم ابد لا مايمر     بمصيبتي وجروحي
رايح اضل طول العمر    ابجي على مذبوحي

گلبي ياناس انعصر
وعالاهل ضهري نكسر
فجيعه
ال هاشم عالثره
وبالرمال معفره
وصريعه
دافن ميامين
خل تبجي كل عين


#محمد #هادي #العقابي

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

الله اليصبرك ياعلي      بهذا اليوم
لاموسهل من ودعت     شيخ الگوم

ابو طالب ياخساره
فارك الدنيه وقاره
...................

اهل الحقد عاشو تراهم باوهام
ومنهم ابوك تحمل هواي اسهام
كالو عليه مات اعله دين الاصنام
مادرو بي طاهه النبي بحظنه اينام

كافل محمد والدك         تاج الراس
تاريخه ابيض ونعمت     بعض الناس

رادو بهاي انكساره
فارك الدنيه وقاره
...................

حُب الله ساكن كلبه نبض الدلال
وجدمه بطريق الحق ثبت لا مامال
وبي شككو اهل الجهل والعذال
وهوه جبل توحيد واولاده جبال

عاش العمر لامايهم   حقد الغير
المارادو ايضل  النبي   ايعيش بخير

وستمر ثابت قراره
فارك الدنيه وقاره
................

محجوب عنهم نوره ذوله ايضدون
وكلوب سوده بكل زمان ايشيلون
ايمانه واضح ماكو داعي ايعرفون
والما يشوف الشمس ماعنده اعيون

داخلهم اتلطخ بعد      مينظفون
دنية غرور البيهه لا     ميطولون

والحقد ماتطفه ناره
فارك  الدنيه  وقاره
..................

يابو الحسن خلّفكم احيود اسباع
والدنيه ترست كلبك اهواي اوجاع
ودّين الاسلام بجفك ايضل ماضاع
انته الامان وللسفينه انته شراع 

رحمه اعله روح الابطحي    من جاباك
للدنيه واحنه بصايتك          كلنه وياك

للگلب حبك شعاره
فارك الدنيه وقاره
....................

كالو تره الخلف يعيش ومامات
وغيرك على افراش النبي ياهو البات
يابو الحسن تخضعلك انته الهامات
تبيض الوجه حاضر جميع الشدات 

انته الولي وكلك فخر        يابو تراب
انواسيك اجينه ياعلي       داحي الباب

راح ابوك ووحشه داره
فارك الدنيه وقاره
....................

ادري الابو شمعة محنه وبالدار
خيمه ويلم العايله ازغار اكبار
بوداع ابوك الليله گلبك محتار
آ جرك الله سيدي ياكرار

بمصابك الليله يصب      دمع العين
غسلته بيدك والدك         يابو حسين

وجنة الله بنتظاره
فارك الدنيه وقاره


#محمد #هادي #العقابي

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

السيده خديجه ع




ماقصرتي وفيتي.... الدين الباري ضحيتي
جزاج الله الف خير ... من جبتي الزجيه
صارت ام الحسين... خيمه اعله البريه
.....................

سلام الله ورسوله وكل الأملاك
الروحج يالوفيه
خديجه الكبرى اسمج ساكن الروح
من كد مانقيه
من كل النساء اختارج الله
ونطاج الزجيه
هيبه وفخر فاطم بالكرامات
ترست هل وطيه

سبحان الله الانطاهه... أم الساده سواهه
بنت النبي المختار... ذخر الهاشميه
صارت ام الحسين... خيمه اعله البريه
................

خديجه انتي المحمد سند وحزام
رسول الله ويودج
ام بيته وكريمه وطيبت الذات
نطيتي كلشي عندج
اخلاصج للنبي والدين الإسلام
بي منفرده وحدج
حضنتي الدين حضنت ام للاولاد
رغماً عاليضدج

عشرتج للنبي تسوه... انتي بكل زمن قدوه
تاريخج للأجيال... عنوان وهويه
صارت ام الحسين... خيمه اعله البريه
..................

گالاهه النبي ومو كلمه تنكال
لا بل عن دلاله
بسيفه المرتضى وانتي بالاموال
حققتوا العداله
دين الباري هذا وگلبج ايريد
دين الله ووصاله
بفضالج محمد سولف هواي
ياحبه وحلاله

خيرج ابد ماينفض... خديجه ام گلب ابيض
وجودج للنبي جان... راحه امن الاذيه
صارت ام الحسين... خيمه اعله البريه
....................

محمد من يشوفج گلبه يرتاح
ويروح التعب كله
تعب هل دنيا صارت عله المختار
ويمج يذب حمله
يجي امن الغار ويسولفلج الصار
وكلامج مايمله
رضه الله ونبيه غايتج هاي
وباقي الناس سهله

شانج بالسمه عالي... وذكرج خلد للتالي
ياشمعه وتضوين.... وجفوفج سخيه
صارت ام الحسين... خيمه اعله البريه
...................

عام الحزن ضل وناره بالروح
ماعافت محمد
نكسر گلبه بغيابج ياضوه العين
وضل حزنه ايتجدد
يالكلج مواقف عنه تمشين
وتجري دموعه عالخد
من حبه الج ضل النبي اينوح
وبكبرج توسد

رحتي وروحتج صعبه.... عام الحزن والغربه
ضلوا بعدج احباب.... مدامعهم جريه
صارت ام الحسين.... خيمه اعله البريه


#محمد #هادي #العقابي

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

آه اصيحن واطيحن يحيدرنه
دم اشوفــن وانوحن يحيدرنه

ياعلينه ابشوفتك شالونـــي چثه ابغيب روحي
وانا انوحن مادريت ابشنهو اسولف حين نوحي
بويه بويه منّــــي خفهن لا تزوّدهن جــــروحي
چنت الاگیــــ ها مشيتك وانتـه تبنيها سروحي

هسه وينك تشيــلك محاملها
عيني عينك تجيبك محاملها


ماخلصتــــه صـومك وتفطر ضرب ساعة صلاتك
والرجعــــتك دوم اتــــاني بويـه يامدلل بــــناتك
شوف عيني دمعي سولف والله كل قصة حياتك
لا تــــهاجر روحي طفله و روحي كضتها ابعباتك

لا تــــهاجر يجابر خواطرنه
انته حاضر تناظر خواطرنه

جية العيــــد اليــــمرنه مــــن جفاك اشلون جيه
واليــــتامه اتشــــوف عيـنك تجبر ابجرح الاذيه
مانريــــدك دون حيــــدر صــــحنه ياعيد الرزيه
والمئاسي تبتــــدي ابغــــيبة علي حامي الحميه

من طبرتك عذرتك على النومه
يالدريتــك فرگتك على النومه


باللبن جت كل يتــــامه الچـــان چفك خير ليها
گــــوم واگعد هــــل تريدك تــنظر ابعينك عليها
الدنــــيه كلها فـــيّتك تصعب عليها اشلون بيها
نايــــم انته ياحــــلاة الدنيــــه كله وكل حچیها

عالسلامـــه اليتامه لفت يمك
چن حمامه ابهمامه لفت یمك


الماله والـــي غيرك انته بويه رحمه الحاله حاله
لاتســــافر دمعة افراگ المــــحب تچــــوي دلاله
ابثــــوب الاسود نلتقي بي عيــد رمضان ابكماله
وانت رايح منــــي وافگـــد اغلى واحد بالسلاله

غالي غالي يعالي خلص نحبي
يادلالي اشبــقالي خلص نحبي


#هادي #الامغيطي #البوغبيش

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

صيحة القائم .. يم گبر فاطم
يا لثارچ فاطمة .. يا لثارچ فاطمة
*
بحلمي شفت المهدي واگف يم گبر مبني بذهب
يالثارچ يمي يصرخ صرخة ماليها التعب
غيضة تارس طرف سيفة ايصيح و اينگط عتب
احرگ ابيوته اعله راسة الحارگ الباب ابلهب

المعتدي عليها .. ايده الويها
يالثارچ فاطمة .. يالثارچ فاطمة
***
و أخيراً اجه الياخذ ثارها وثار الطفل
أولاً يكسر اجدامة الدافع الباب برجل
ثانياً يشلع اعيونه اليضحك بوقت القتل
ثالثاً يقتلع عقلة الهاجم ابلاية عقل

ايطلعه من گبرة .. ايصلبة عالشجرة
يالثارچ فاطمة .. يالثارچ فاطمة
***
حالف المهدي بظهورة ايجيبهم كلهم سرة
بنار گلبه ايصب عليهم ما يتاني الآخرة
عوج: والأعوج يوادم ما تعدله المسطرة
من بقاية الحطب ذاكه بأيدة يحرگهم ترة

حالف اعليهم .. إله يغليهم
يالثارچ فاطمة .. يالثارچ فاطمة
***
مركز الكون اعله چفة وسيفة حلال الصعب
صاح طلعوا الكتلوا امي إله احطلهم گلب
صاح انه القاضي الاقضي ومحكمة دم تنصب
الثاني اعرفنه علاجه هذا يتعالج صلب

الهاجم اعله امة .. امن الهوه ايحرمة
يالثارچ فاطمة .. يالثارچ فاطمة
***
المهدي حصن الله الچبير اليدخل ابحصنه أتمِن
المهدي اشارة امن الله نزلت حوّلت قطب الزمن
جاي ويدلينا وينه الگبر ويسويه وطن
باچر ايخلي المدينة كلها بسم ام الحسن

باچر الحظرة .. توصل الگمرة
يالثارچ فاطمة .. يالثارچ فاطمة
**
غيرة يتلافح بياضة بالجمال الهاشمي
سيّد الايام كلهن يوم ثارة العالمي
باچر لدولة الحجّة كُلُّ كائِن ينتمي
و عالكرة الارضية يكتب هذا كوكب فاطمي

وكوكب الزُهْرَة .. حصة الزهرة
يالثارچ فاطمة .. يالثارچ فاطمة
**
#علي #هادي #الخزعلي

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

مولد رسول الله صلى الله عليه وآله وسلم


حبيناك من البدايه
حبيناك للانهايه
يامحمد يامحمد يامحمد
...............

أشرق النور وجماله بطلعتك
الله خالق هل بشر لمحبتك
الليله من مرت يهادي فرحتك
الدنيه والاملاك كلهه بخدمتك

ناديناك اهلا نببنه
ناديناك خيمه علينه
يامحمد يامحمد يامحمد
...............

طاحت الأصنام يالهادي الك
انته بيدك كله يندار الفلك
المايحبك من صدك ضاع وهلك
رحمة الله وللبريه نزلك

هذا اليوم خير وسعاده
هذا اليوم يوم الولاده
يامحمد يامحمد يامحمد
................

أجمل أعياد الزمن وهل الزمن
يانبي الرحمه يطه المؤتمن
بدين الإسلام انته خمدت الفتن
وطن صرت الامتك وجمل وطن

يابو الخير يابو المحنه
يابو الخير حبك جمعنه
يامحمد يامحمد يامحمد
..................

الليله جبرائيل من كد الفرح
يهتف بسابع سمه وصوته صدح
اسمك بكاع وسمه نوره وضح
كل صدر يالمصطفى الليله انشرح

نور العين انته وضواهه
نور العين يالغالي طه
يامحمد يامحمد يامحمد
..............

نزلت أملاك العرش يم المهد
الفرحه عدهم الك احله امن الشهد
احله مولود انته هليله انولد
مااجه كبلك ولا بعدك ابد

هايم بيك كلمن يشوفك
هايم بيك لامايعوفك
يامحمد يامحمد يامحمد

#محمد #هادي #العقابي

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

انخلق هل كون كله الخاطر اعيونك
يالبيك العقول تحيرت كلهه
شحجي اعله المعاجز وادخللهه منين
والتاريخ عاجز ماوصل حلهه
ضلمه الدنيه جانت والجهل بالناس
وجفك بالإسلام العين كحلهه
هبل من طاح محد فسرلنه شلون
امن الوكفه تعب؟ ماكدر يحملهه
لذالك فكرت يمكن نتيجه الكيت
بعقلي القاصر ومقتنع من حلهه
جدمك يامحمد يوم لاح الكاع
من ثكلك الباري الدنيه زلزلهه
الله يحبك وسر حبه ماضماه
حبيبي ايگلك وبس الك گايلهه
ماضل لانبي ولامرسل ايضاهيك
كلها تضل وراك وانته اولهه
بميلادك الليله مانوج شموع
كون الروح من الفرحه نشعلهه

الفرح معلوم بشره ماهوينه
هوينه وبعد عنه ماهوينه
نبينه وغيرك انته ماهوينه
ونضل منك فقط ناخذ وصيه

#محمد #هادي #العقابي

ــــــــــــــــــــــــــــــــــــــــــــ
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

#مشاركة_من_صديق_القناة
#الناشر_الحاج_فلاح_حسن
ـــــــــــــــــــــــــــــــــــــــ

#مايرحمون

السيدة رباب
تخاطب ولدها الرضيع عليها و عليه السلام
<><><><><><><>

يُمّا لــو ظلّيـت يَمّي بهالمنازل
يبني چان گماطك تبدّل سلاسل

يالولد و زنودك ازغار
و السّلاسـل كلهن اكبار
ما يرحمون ... ما يرحمون

===========

يُمّا ذبّاحك نذلّ ، چان شد بيدك حبل ، و من ايدي جرّك /

مو بعيده من الشمر ، چان جدّامي افتكر ، داس إعله صدرك /

أدري بي عظمك ترف ، چان كسرولك چتف ، لو حتّه ظهرك /

ذوله شغلتهم سَلِب ، يسلّبوك بلا ذنب ، عريان انظرك /

*
ما دريـت بحرملـة شِمسوّي بيّـه
رحمة الله إعله الذبح و الأعوجيّه

عمده مشّاني عله النّار
و السّلاسل كلهن اكبار
ما يرحمون... ما يرحمون

==========

حتّه لو ما منذبح ، و ما من بجسمك جرح ، لو هذا وضعك /

شلون أشيلك يالولد ، برگبتي حبل المسد ، رايح يلوعك /

إنگول ماكو حرمله ، يُمّا شوف السّلسله ، شلون أرضعك /

خاف توگع بالنّتل ، و من حدر نوگ الهزل ، ياهو اليطلعك /

*

طاحن اهناك الحرم من طرّوا السّوگ
و اليطيحن عَ الأرض تسحگهن النّوگ

عَ الهزل نتگطّف احجار
و السّلاسل كلهن اكبار
ما يرحمون ... ما يرحمون

==========

بالك ارتاح بسهم ، ما ضگت طعم الألم ، طعم الظّغينه /

ما عشت شهر السّبي ، و ما سمعت الأجنبي ، ايلاسِن سَكينه /

ما شفت ظيم السجن ، يُمّا ليله من يِجِن ، وحشه علينه /

خُفنه من عين الشمر ، و احتراماً للستر ، وَگفه غفينه /

*

خُفنه لا من الحرم توگع عبايه
وگفه نامن بالسّجن كلّ السّبايه

چن سهم نظرات الأشرار
و السّلاسل كلهن اكبار
ما يرحمون ... ما يرحمون

===========

الشّام كلها تزيّنت ، كلها بالفرحه ٱعْلِنَت ، عيد ال اميه /

كلها تحچي بهالأمر ، هسّه منّانه تمر ، چم خارجيه /

يُمّا شَحچيلك تريد.، فاجعة مجلس يزيد؟، و الصّعبه هيّه /

شگد أحب موتي يِحِل ، من يِجي ٱبّالي النذل ، يغلط عَلَيّه /

*

چَنّةِ الزّهرا و أبد ماكو بدلالي
وسفه ما بين الزلم مچتوفه تالي

الهسّه گلبي يشتعل نار
و السّلاسل كلهن اكبار
ما يرحمون ... ما يرحمون

==========

و الظّعن يوم الرجع ، محّد بوجهي طلع ، مَسْتَقبلوني /

استقبلوهن بالأسه ، و نزّلوا كل النّسه ، و ما نزّلوني /

شو عمامك من إجوا ، بس عَلَيْ ما سَلّمَوْا ، و استغربوني /

چم شهر عنهم غبت!، يعني هالگد شَيّبت!؟ ما يعرفوني!؟

**
عمّك محمد مشه الزينب سئلهه
هالمره إلمن يزينب؟وين اهلهه؟

شَيّبت من ذيچ الأنظار
و السّلاسل كلهن اكبار
ما يرحمون.... ما =يرحمون

=========

#عبدالسبايا
✍🏻 #هادي_الزينبي

$الطور 👇🏻
~~~~~~~~~~~~~~~~
👈 هنا نختار أفضل مشاركات متابعينا الأعزاء وننشرها بأسمائهم في قناتنا
☀منبريّون حسينيّون☀
t.center/MINBARIYOON
…………………………………………
☀منبريّون يتواصلون☀
https://t.me/joinchat/AAAAADzFRmj6wbNHuR7P0w

🎶 اجعل هاتفك يرن بصوت الحسين (ع).

💠نقدم لكم رنات لجوالكم من الحان اشهر الرواديد الحسينية

#هادي_فاعور || أنا ثائر
#اعادة_توجيه ||للي تحب تسمعه

@MINBARIYOON

🔘👆مشاركة من صديق القناة الرادود #هادي_شحرور

ياحسين ياشهيد كربلا || كلمات الشاعرة زينب الخفاجي

@MINBARIYOON

الكلمات 👇

#اشهد_ان_عليا_ولي_الله

#مشاركة من صديق القناة الأخ #هادي_شحرور
@MINBARIYOON

Watch "علي أميري ونعم الأمير" on YouTube
https://youtu.be/pLloRfDk9_Q