☀ منبريّون حسينيّون ☀

🔶 #شهادة #امير_المؤمنين_ع
🔸 #شهر_رمضان_1443هـ

يالصيــامك ما كمــــل
علي يا خيـــر العمـــل
بعـدك اتلاشى الأمـــل

يا غيـاث الحائريــــن
آه يا بـــو الحسنيـــن

ــــــــــ ❈❈❈ ــــــــــ

آه يا فـــرض الفجـــر
يا شهيد اعله الصبـر
وبسجـــودك منطبــــر

بضربة اشقى الآخرين
آه يا بـــو الحسنيـــن

ــــــــــ ❈❈❈ ــــــــــ

بالفجيعــــة وبالقهــــر
نكضي بعدك هالعمر
يا ذكــر ليــل القــــدر

ياحبيب الذاكــــريـــن
آه يا بـــو الحسنيـــن

ــــــــــ ❈❈❈ ــــــــــ

يا وصي خيــر البشــر
يا ضوه اْليالي العشـر
ياشفيــــع البالحشــــر

بيك تنجي المؤمنيـن
آه يا بـــو الحسنيـــن

ــــــــــ ❈❈❈ ــــــــــ

ساعـــد الله عتــرتــك
سابح ابــدم شافتـــك
تخضبت بي شيبتـــك

منفطــر ذاك الجبيـن
آه يا بـــو الحسنيـــن

ــــــــــ ❈❈❈ ــــــــــ

تلكّتــك زينب تـــوِن
تهمل ادمـوع الحــزن
اتصيح يابويه وتحن

يا مـــلاذ الخــائفيــن
آه يا بـــو الحسنيـــن

يــا أميــــر المؤمنيـن
آه يا بـــو الحسنيـــن💔

ــــــــــ ❈❈❈ ــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

▪️ #امير_المؤمنين_ع
▪️ #نعي_بلسان_حال_الحرة_العقيلة_ع

يمحراب الولـي يالخالـي هاليــوم
يالركن الهدى بيـك امسى مهدوم
تخضب راس ابونه بفيض الدموم
يمحـرابــه دساعــدنـي عالونيــن

ـــــــــــــ ◕~◕~◕~◕~◕ ـــــــــــــ

اريـد انحب عليـه اسنينـي كلهـا
واگول لكل يتيـمــة راح املــهــا
رحل والي اليتامــى ورحــل ظلهــا
ملعــون الگســم جمجمتــه نصيــن

ـــــــــــــ ◕~◕~◕~◕~◕ ـــــــــــــ

انگسم راس الأبـو بسيف الدعية
ابــويـه ياخـلگ راح امـن اديــــه
كـأن گلبي انگسم ذيــج المسيــة
من شفته بإدين الحسن و احسين

ـــــــــــــ ◕~◕~◕~◕~◕ ـــــــــــــ

من شفته بإديـن اولاده محمول
يــأشّــر امشــي آنــه جنــه ايگــول
يحـن گلبــه عليّــه فحــل الفحــول
دموعه وي دموعي تجري نهرين

ـــــــــــــ ◕~◕~◕~◕~◕ ـــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

▪️ لسان حال اليتامى في إستشهاد #امير_المؤمنين_ع
▪️ #طور_الفراق

ياولينه
تصــرخ بصوت اليتامى
ياولينه
الليــل بعــدك مــا ننــامــه
ياولينه
اعليك شد دهــرك حزامـه

ــــــــــــ ◕~◕~◕ ــــــــــــ

لاتسافر
تتــرك الحســرة تجيــنــه
لاتسافر
يالصـرت روح انت بينه
لاتسافر
و اليتـــم يــــرجـع الينــه

ــــــــــــ ◕~◕~◕ ــــــــــــ

افتح العين
يــا ابــو الـروح الجميلة
افتح العين
منــهــو بعــدك نلتجــي له
افتح العين
اهمــومنــا صــارت ثجيلة

ــــــــــــ ◕~◕~◕ ــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

◾️ لسان حال #السيد_زينب_ع
◾️ #امير_المؤمنين_ع
◾️ #طور_الجفيري

اشحـال ال أبوهـا ينغــدر
راســه بصلاتــه و ينطــبــر
تصيـح بگلبهـا المنـكســر

آ يــــا علي ..... آ يــــا علي

ـــــــــــــ ◕~◕~◕ ـــــــــــــ

يــابــويــه يالإسـمــك دوه
تگــله دليـلــي آنــه انكــوه
يــا ريت ضــربــونـا ســوه

آ يــــا علي ..... آ يــــا علي

ـــــــــــــ ◕~◕~◕ ـــــــــــــ

عينــي علــى ذاك الجــــرح
ظليــت انــوحــن للصــبــح
دمــه المــقــدس ينسفــــح

آ يــــا علي ..... آ يــــا علي

ـــــــــــــ ◕~◕~◕ ـــــــــــــ

ياريته صـك عينــي العمــه
بس ما أشوفه يصب دمـه
راسـك يا راعــي المرحمــة

آ يــــا علي ..... آ يــــا علي

ـــــــــــــ ◕~◕~◕ ـــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

◾️لسان حال #السيد_زينب_ع
◾️ #امير_المؤمنين_ع
◾️ #طور_الفراق


زينب آنه .. يالمحب ابكـي عليــه
زينب آنه .. أبـكــي دم بهــالمسيــة
زينب آنه .. جــارت الدنيــا عليــــه

ــــــــــــــــــ ❁ ❁ ❁ ـــــــــــــــــــ

زينب آنه .. ساعدوني اعله الرزيـة
زينب آنه .. راح من ايدي الشفية
زينب آنه .. والدي راح امــن اديــه

ــــــــــــــــــ ❁ ❁ ❁ ـــــــــــــــــــ

زينب آنه .. حامـلة اهمــوم الزجية
زينب آنه .. و الحــزن لايـگ عليــه
زينب آنه .. بگلبـي يبقى للمنيـة
زينب آنه .. فــارگت خيــر البريـــة

ــــــــــــــــــ ❁ ❁ ❁ ـــــــــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

▪️ لسان حال #السيدة_زينب_ع
▪️ #امير_المؤمنين_ع
▪️ #طور_الفائزي_المالكي

نوحي يروحي وانحبي صرتي غريبة
مطبور ابوج اليوم و اللحيــة خضيبة
والدم على وجـه الولي ماليــله شيبـه
من گبل هذا اليوم ما شفته بهالحـال

ـــــــــــــــ ◕~◕~◕~◕~◕ ـــــــــــــــ

مهدود حيله المرتضى ولونــه تغيّــر
مگدر انظــره بهالـوضـع گلبـي تفطّــر
نايم علــى افـراش المـرض الله اكبــر
هذا الذي يفك الشــدد لو كانت ثگال

ـــــــــــــــ ◕~◕~◕~◕~◕ ـــــــــــــــ

معتاده شوفة والدي ترفعلـي همــي
هوّه دوانه مـن بـعـد مــاغــابت امــي
والحين بفراش المرض حاله هضمني
شوفة ابويه بهالوضع اتهدّم اجْبــال

ـــــــــــــــ ◕~◕~◕~◕~◕ ـــــــــــــــ

ياطيبة ايــام العمــر يالراحـل ابعيــد
كيف احتمل وبيا صبر لمن يجي العيد
ماينفعك نـوم الگبـر بويــه يصنديــد
ورّملي گلبي هالقهـر والضيــم كتّــال

ـــــــــــــــ ◕~◕~◕~◕~◕ ـــــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

▪️ لسان حال #امير_المؤمنين_ع في وادع #السيدة_فاطمة_الزهراء_ع
▪️ #طور_يابو_فاضل_طيحة_ايدك

يالعزيزة .. تستــعــر نــار بــدليلــي
يالعزيزة .. روحتــج هـدتلــي حيلــي
يالعزيزة .. همـوم فگـدج تتركيــلــي

               يالعــزيــــــزة

ـــــــــــــــ ◕~◕~◕~◕~◕ ـــــــــــــــ

هاذي آخر لحظة اْشم ريحة جبينج
و ابقى وي حزنـي بعــد روحة حنينج
و بعـد مـا ادفنــج اظـل اذكــر ونينج
و اذكــر ايــــام المصــــايب وي بنينج

ـــــــــــــــ ◕~◕~◕~◕~◕ ـــــــــــــــ

هاليتامى .. مْن زغر ظلـوا بــلا امهــم
هاليتامى .. صعبــة يتعالـج المهــم
هاليتامى .. راحلة زهــرة عمـرهــم

               يالعــزيــــــزة

ـــــــــــــــ ◕~◕~◕~◕~◕ ـــــــــــــــ

والله يــا بنت النبي بـعــدج حياتــي
ظلمة تصبح لي و تهل بس نايباتـي
كنتي كل عمــري و شريكـة امنياتــي
كنتي سر لبسمتـي و موضــع نجاتـي

ـــــــــــــــ ◕~◕~◕~◕~◕ ـــــــــــــــ

رحتي عنا .. من وكت واتركتي جمرة
رحتي عنا .. اثمنطعش عمرج يزهــرة
رحتي عنا .. بالگلب خليتــي حســرة

               يالعــزيــــــزة

ـــــــــــــــ ◕~◕~◕~◕~◕ ـــــــــــــــ

جاوبي گلب المحب من يشكي يمج
صعبة يازهرة احتمل تمشي ويه همج
شلون ادفنج بالترب واشكبره هضمج
حمرة عينج و الأشد كسّـروا عظمـج

ـــــــــــــــ ◕~◕~◕~◕~◕ ـــــــــــــــ

ذاكه ضلعج .. المنــكســر آ يالزجــيــة
ذاكه ضلعج .. تـرك بضلوعــي الأذيــة
ذاكه ضلعج .. هــيّــج الآهــات بــيّــه

               يالعــزيــــــزة

ـــــــــــــــ ◕~◕~◕~◕~◕ ـــــــــــــــ

✍ بقلم الشاعرة زينب الخفاجي

~•~•~•~•~•~•~••~•~••~•
#اللهم_صل_على_محمد_وآل_محمد_وعجل_فرجهم

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

▪️ لسان حال #السيدة_زينب_ع في مصاب #امير_المؤمنين_ع
▪️ #طور_الفراق

آ يبويه
حزني غطّاني واجيتــك
آ يبويه
ظلمة عگبك صــار بيتك
آ يبويه
تنظـر اعيونــي ياريتــك

ـــــــــــ ◕~◕~◕ ـــــــــــ

دمعي يجري
بَــعــدك انهــار و مسيــة
دمعي يجري
مــاشفت غـيــر الأسيــة
دمعي يجري
شوصفــه ضيــم العليّــة

ـــــــــــ ◕~◕~◕ ـــــــــــ

ماهو ابويه
فارگت عطفه و حنانـه
ماهو ابويه
والگبــر صايــر مكانـــــه
ماهو ابويه
منهو لي من بعده آنه

ـــــــــــ ◕~◕~◕ ـــــــــــ

✍ بقلم الشاعرة زينب الخفاجي

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

▪️ قادوا أمير المؤمنين إلى المسجد وهو ينظر يمينا وشمالا، وينادي: واحمزتاااه، ولا حمزة لي اليوم، واجعفراااه ولا جعفر لي اليوم ، وقد مروا به على قبر أخيه وابن عمه رسول الله، وهو ينادي: يا ابن أم إن القوم استضعفوني وكادوا يقتلونني:

▪️ لسان حال #امير_المؤمنين_ع
▪️ #طور_الفراق

يامحمد
لو تشوف شصار بينـه
يامحمد
من بعــد عينــك نبينــا
يامحمد
حرگوا المنزل علينـا

ـــــــــــــ ◕~◕ ـــــــــــــ

يامحمد
فاطمــة كسروا ضلعهـا
يامحمد
ويلي مَيْطَمّـن وضعهــا
يامحمد
بعصرته الظالم فجعها

ـــــــــــــ ◕~◕ ـــــــــــــ

يامحمد
الباب عصروها عليهــا
يامحمد
من ثقلها شصــار بيهــا
يامحمد
ناحلة وتشگف بديها

ـــــــــــــ ◕~◕ ـــــــــــــ

✍ بقلم الشاعرة زينب الخفاجي

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
  
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…
t.center/MINBARIYOON

▪️ #امير_المؤمنين_ع
▪️ #طور_الجفيري

صاحت يبويـه يا علـي
منهو بعـد عينـك الـــي
لاتمشــي عنــي يالولـــــي
خذني معك يابـــاالحسـن

ــــــــــــــ ✾ ✾ ـــــــــــــــ

امنين اجيب آنه الصبـر
محبوبـي نايـــم بالگبــــر
كســـري ابــــد ماينجبــــر
خلاني ابـوي اباالحســن

ــــــــــــــ ✾ ✾ ـــــــــــــــ

كان المعين ال ما يمـل
شايل على اكتافه الحمل
افراگـه ابـــد مـــاينحمــل
جرحك وجعني با الحسن

ــــــــــــــ ✾ ✾ ـــــــــــــــ

✍ بقلم الشاعرة زينب الخفاجي

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
   ☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…~...
https://telegram.me/MINBARIYOON

▪️ #امير_المؤمنين_ع
▪️ #طور_الفراق

مالي غيرك
بويه لا تجفـي عليـــه
مالي غيرك
يال إلي خيمة وتكيّـة
مالي غيرك
لاتخلي اهمومي بيـه

ـــــــــــــ ❈ ❈ ـــــــــــــ

لاتسافر
وتترك ابنيتك وحيدة
لاتسافر
العمر بعــدك مااريــــده
لاتسافر
حسرة فراقك شديــدة

ـــــــــــــ ❈ ❈ ـــــــــــــ

ياولينا
ملجأ الايتـام حضنــك
ياولينا
كلهم يسألونـي عنـك
ياولينا
رايـح لگبرك اضنــك
ياولينا
رايـح لگبرك اضنــك

ـــــــــــــ ❈ ❈ ـــــــــــــ

✍ بقلم الشاعرة زينب الخفاجي

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
   ☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…~...
https://telegram.me/MINBARIYOON

▪️ لسان حال اليتامى
▪️ #امير_المؤمنين_ع
▪️ #طور_الخضيب

وصلوله طاسة هاللبــن
           خلــوه يفــك عينــــه

گلــوله ايتامــك اجت
           خلـــــــوه يحــاكينــــه

وصلـوا تحايانـــه اله
           بس لا يخلينــــــــــه

بُعــدك علينـه يا علي
           يتـــرك جـــرح بينــــه

ــــــــــــــــ ❈ ❈ ❈ ــــــــــــــــ

جينه بدمعنــــا ياعلــي
           ريت الدمــــع مرهــــم

داوى طبرتك يالولــي
           ويـه الجـرح يرهـــم

يالتنشد اعلينــه بعــد
           عينـك غِطانـه الهــم

يال كنت ابونا والگمر
           اللـــــــي يضوينـــــــه

ــــــــــــــــ ❈ ❈ ❈ ــــــــــــــــ

هـامت ولينــه ياخلگ
           تفديهـا كــم هامــــة

ريت الطبر راس الابو
           ايطبّــــر ايتـــــامــــه

معقـولة ماننظــر بعـد
           نـــــــوره و العمامـــه

بهاذي الدنيّة بس علي
           هــــــــــو يواسينــــــــه

ــــــــــــــــ ❈ ❈ ❈ ــــــــــــــــ

بهاذي الدنيّـة بس علي
           يتفگـــــــد الايتــــــام

يهمل دموع لكل طفل
           ويشاركــــــــــــه الآلام

وبهالزمن هــو السنـــد
           ريت بقبــــــر مَينــــــام

نفگد املنا لــو رِحَــل
           اليعطــــــــف اعلينــــه

ــــــــــــــــ ❈ ❈ ❈ ــــــــــــــــ

✍ بقلم الشاعرة زينب الخفاجي

ــــــــــــــــــــــــــــــــــــــــــــ
#رابطة_الشعراء_المنبريين_الحسينيين
   ☀منبريّون حسينيّون☀
ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
…~…~…~...~…~…~…~...
https://telegram.me/MINBARIYOON