⬛️◾️▪️⚫️﷽
⚫️▪️◾️⬛️.
تلبية لطلب خدام المنبر
#أمير_المؤمنين عليه السلام•● *(خوفي على حيدر)* ●•
.
☜ محور الأبيات ؛ (لسان حال) السيدة أم البنين عليها
السلام ، بعدما سمعت نداء جبريل
عليه السلام يعنى
أمير المؤمنين ع .
.
☜الطور ؛ على لحن و وزن *(راحوا أحبابي-للملا محمد بوجباره)* و ممكن أن يقرأ بألحان مختلفة أخرى.
.
▼△▼△▼△▼△▼△▼△▼
.
اشهل خبر يا بت علي ★ خوفي علىٰ حيدر
جبريل ينعى عالولي ★ لون السمه اتغيير
.
آه ، آه ، و الدمع مدرار
آه ، آه ، اقتلوا الكرار
◆◇◆◈◆◇◆
آنه أم الأربعه ، جيت أنشدچ زينب
گولي اشصار بأميري ، سيد المذهب
ليش نسمع بالسمه صوت الوحي ينحب
ليش اهتز الأرض ، و افادي ظل يلهب
نار الحزن بيّه اشتعل ★ ابجمرة أقداري
ما رد لنا خير العمل ★ و العين ظل جاري
آه ، آه ، بالقلب چم نار
آه ، آه ، اقتلوا الكرار
◆◇◆◈◆◇◆
قومي نستقبل علي من يرجع البيته
آنه أم أولاده و انتِ الصابره ابنيته
ادعي يرجع بالسلامه إلنه يا ريته
هم بعد ننظر إله و الهيبة امشيته
دمعچ مثل دمعي جره ★ حگنا إذا نبچي
ما ندري بالمولا اشجره ★ للباري بس نشچي
آه ، آه ، و الزمن غدار
آه ، آه ، اقتلوا الكرار
◆◇◆◈◆◇◆
ليش محمول الوصي و اعمامته مشيول
ليش راسه منطبر ، و الدم جره لرجول
ليش يبچي المجتبى واحسين محني الطول
لا تگولين الأمير ، ابسجدته مقتول
چن الطبر راس الإمام ★ طابرني عالراسي
و الجِرحه من غدر اللئام ★ مجروح احساسي
آه ، آه ، ليش دهري جار
آه ، آه ، اقتلوا الكرار
◆◇◆◈◆◇◆
خلي نفرش له مكانه و نِحضر اضماده
طبرته امچيده عالراسه و على اولاده
ما أصدگ طيحته في حين الاعباده
ليش دهره ، و العدو ابغدرته كاده
خلينه ندعي ابكل عجل ★ نطلب شفائه الحين
نقسم على الباري ابأمل ★ يشفه أبو الاحسين
آه ، آه ، أشكي للجبار
آه ، آه ، اقتلوا الكرار
◆◇◆◈◆◇◆
يالعقيله أنشدچ ، حيدر صدگ واگع؟
لو خيال و لو حلم ، ما صار بالواقع؟
صعبه أصدگ سيدي متصوب و راجع
هذا ثوبه مختِضب ؟ لو بالصبغ ناقع ؟!
شوفي ، عباته امتربه ★ ويلي على المظلوم
حتى العمامه امخضبه ★ تقطر من الادموم
آه ، آه ، و الدمه تذكار
آه ، آه ، اقتلوا الكرار
.
.
.
===========
📝 #الشاعرة_الملاية_زينب_المؤيد 📚 #ديوان_خزائن_الرثاء *((شرعاً لا أجيز حذف الإسم))*
.
تمت بحمد الله تعالى وبفضل الإمام المنتظر عجل الله فرجه ،
ونسألكم الدعاء لتعجيل الظهور
ــــــــــــــــــــــــــــــــــــــــــــ
#تجمع_الخطباء_والشعراء_الحسينيين ☀منبريّون حسينيّون
☀ ـ ـ ـﮩﮩৡ✦ عَدَمُ حَذْفِكَ لِلتَّوْقيعِ يَدُلُّ عَلىٰ خُلُقِكَ الرَّفيعِ ✦ৡﮩﮩـ ـ ـ
ⓣelegram.me/minbariyoon.
🎤 اللحن
👇🏻👇🏻 ؛
.
https://youtu.be/pBdj_YSwXE4 .
#انشروا_وشاركونا_في_الثواب.