🔘 قـناة عــبق الانـــتظار 313🔘

#الناشر_الحاج_فلاح_حسن_ام_البنين_ع

( نعي ) أم البنين تخاطب العباس عندما قالوا لها أنه مقطع عالمشرعه

هنياله اليطيح ابحب الحسين
وهنياله التگطعه ابحبّه السيوف
المصايب هدّمن حيلي يعباس
وتمنّيتك لون بس عينك تشوف
اشحسبالك طحت من طحتوا عالگاع
طحت من شفت اخوتك عدهم چفوف
****
ولكن عندما دنت الوفاة منها تمنت أن يحمل ابو الفضل جنازتها فقالت :

اجاني الموت يمّه وانته ماجيت
اشعجب وآنه رضعتك وفه ونوماس
آنه امّك ييمه واعتب اعليك
وماظن غيرتك تقبل يعباس
يبني جنازتي مطروحة عالگاع
تجيني تشيلها لو احشّم الناس
**
فأجابها الامام العباس قائلاً :

اعتابچ يمه يوجع لاتعتبين
سهم ثاني واحسّن نبت بالعين
نعش الأم ثگيل ايريدله چفوف
وأنا يم البنين ابدون چفّين
لوّن بيدي اشيلنچ عالراس
بس تدرين راسي انجسم نصّين
**
وليد العكيلي

#الناشر_الحاج_فلاح_حسن

#حلم_مذبوح

#الناشر_الحاج_فلاح_حسن

كلما اجيك .. يلفي الشمر وراي
لحسين اروح .. خيل انظر ابگفاي
من الشمر والخيل . وين البد ابهالليل
محتاره يا عباس

محتاره كلما اعتني يمك شمر يلفيني
وايگلي عوفي كافلچ او صوب الوغه ايوديني
اتعنه لحسينك تجي الخيل انحب اتخليني
تركض وراي او لصبح مگدر اغمض عيني

محتاره اخوي .. وين امشي واستراح
مامش خيام .. بيها اغفه لصباح
وابجسمي ماظل حيل . وين البد ابهالليل
محتاره يا عباس
_
حاولت اغافل هالشمر او صوبك يخويه اتعنه
لن شاهديته ايطگ متن خوله او رقية او سكنه
يمهن رحت يابه الفضل حاولت انه منعنه
واضربني فوگاهن يخي واجروحي كلهن منه

ظليت اصيح .. يابه الفضل تعال
وينك يخوي .. ارجعلي لو خيال
من متني دم ايسيل . وين البد ابهالليل
محتاره يا عباس
_
يم الحُسين آنه اركضت والخيل اجتني ابهمه
لن ابحوافرهن شفت ياخويه يگطر دمه
ترعبني وانظر عالأرض امطشر يكافل جسمه
امگطع وصل يابه الفضل حاچيني چا شيلمه

شيلم اخوك .. او منعتني هالخيول
ابصدر الحبيب .. يابه الفضل تجول
جسم الأخو شيشيل . وين البد ابهالليل
محتاره يا عباس
____
عن الشمر چا وين اظم روحي او اظم اطفالك
كل ودي اجيلك يالأخو واتخبه عن چتالك
بعباتي اظم خوله او خفت إرقية تتعنالك
من تنظر السوط الشمر تتمنه هيه اگبالك

رادت تجيك .. إرقية بالظلام
يا عم تصيح .. يمك اريد انام
راوونه عمي الويل . وين البد ابهالليل
محتاره يا عباس
_
تحت العباية نومت سكنه او يخي گعدوها
جابولها ثوب الأبو يابه الفضل راووها
سلبنه نادوا والدچ او ذاكى القميص انطوها
شمروا قميصه اعله الترب او تنحب علية خلوها

شافت دماه .. ابثوب الأبو حرام
گامت تصيح .. يا والدي السلام
والدنيا بيه اتميل . وين البد ابهالليل
محتاره يا عباس
_
راح امشي لشام او بعد ما نلتقي يالغالي
امودع يخويه او راح اظل اتذكرك للتالي
وياي بس راسك فقط برماح اشاهد عالي
او عالهزل امكانك ترى يابه الفضل ظل خالي

وياي اريد .. عالناگه يالكفيل
تصعد يخوي .. واتصعد العليل
بينه احنه من ايعيل . وين البد ابهالليل
محتاره يا عباس

حيدر الحلفي

#الناشر_الحاج_فلاح_حسن

#حلم_مذبوح

#لايسمح_تغير_اسم_الشاعر

#الناشر_الحاج_فلاح_حسن_محرم_1440_الليله_الثالثه


قصيده بحق مولاتي العليله

/وزن القصيدة مثلث /هجري;

بويه بويه: :ليش حملة الأهل عني ومشيت
بويه بويه: :وبيه اضنك يالولي ماحسبيت

غيابكم والله عذاب
روحي ماتحمل مصاب

بويه بويه. بويه بويه

##############

بويه تانوني صحت ريضو بالضعون
وعالدرب ضلت وراكم تربي العيون
المرض هدني يغالي. وغير الون
شلون عفتوني عليله وعني ترحون؛

ادموعي سالت كلبي ذاب
روحي ماتحمل مصاب

بويه بويه. بويه بويه

******

ادري هالسفره طويله وكله اخطار
وبيكم يغدرون والله ذوله الشرار
تنذبح برض الطفوف اخواني القمار
ويوم عاشر مايضل للخدر استار


ينذبح جاسم شباب
روحي ما تحمل مصاب

بويه بويه. بويه بويه

********

عمه شوكلكم رحلتو من نزلنه
بس،بكة الذكريات الكم يهلنه
كل مكان بعيني شوفه اصور النه
من جنت اغفه بحضن اهل المحنه

بويه رجعولي جواب
روحي ماتحمل مصاب

بويه بويه. بويه بويه


***********

ونت النوك عالحالي وبجت ادموم
شفت بوجوه الفواطم حركه وهموم
والني اسمع صوت اجاني بكلب مالوم
كلي ارجعي يالعليله وبسج اللوم

والله ميفيد العتاب
روحي ماتحمل مصاب

بويه بويه. بويه بويه

-************

كلي يرجعلج علي ويكرلج العين
الخاطري كفي الدمع يخت الميامين
دموعج يذبحن ذبح مثل السجاجين
هذا حكم الله يبويه ونتي تدرين


بكربله انشوف الصعاب
روحي ماتحمل مصاب

بويه بويه. بويه بويه

*-***************-****

روحي راحةبالضعن اتباري المدالليل
انوك خافنهه اتعثر ومنهم تمييل
حته من يوكع طفل أنده يالكفيل
فرش افرش للهواشم من يجي الليل

وللرضيع وللرباب
ورحي ماتحمل مصاب

بويه بويه. بويه بويه

*-*****

تم بعون الله 🖋🖋 ام زين العابدين اللامي، ،ملاحظه من يرغب من الرواديد الكرام قراءة القصيده يذكر هذا الاسم (زين العابدين ) والله ولي التوفيق

مشكول الذمه ليوم الدين من يغير الاسماء




/////////////////////////

#الناشر_الحاج_فلاح_حسن

#حلم_مذبوح

#لايسمح_بتغير_اسم_الشاعر

#الناشر_الحاج_فلاح_حسن_هدم_قبور_البقيع


ادخلوها بسلام امنين حضرت ام عباس خادمة الحسين
المهدي يكتب هالعباره ونسمع اذان المناره
ادخلوها بسلام امنين
**********************
هيج ونشاهد لا بو محمد ضريح
ومن عله سطحه نصد كبة الذبيح
المهـــــــدي للزوار يتلكه ويصيح
زاير اهلي تفضل ويمـــي استريح
-------------------------------
بموكبي أملاك الله ليخدمون بيه رقيه تخدم اطفال اليجون
تنطي كل زاير بشاره ونسمع اذان المناره
*************************
بمهده عبد الله يوزع بيده ماي
والرباب تنادي حي الله ضناي
ونسمع تنادي شريفه انه هاي
ابثواب الزهره اوزعنه دواي
----------------------------
بت ابوي انه وتربيت بمضيف
انه بت الابد ما رداله ضيف
هله بناوي الزياره ونسمع اذان المناره
*****************
نوصل الارض البقيع بدمعة العين ابمضيف الحسن واكف نلكه الحسين
ونلكه عباس الكفيل بزنده جنحيــن وهـــــــو لليدخلنه حضرت ام البنين
--------------------------------------
كبة ام عباس اعله من السمه بيها ساره ومريم نصد خادمه
ماؤئ الايتام الحياره ونسمع اذان المناره
*************************
ينادي ابو صالح تعبكم ما يضيع
لا وحق من ضل عله الغبره صريع
منبره المهدي ينصبه بالبقيــــــع والقصيده بقلم عبد الله الرضيــــع
------------------------------
فاطمه الزهراء تحضر بالعزيه تلطم اعله امتونها بحركه السبيه
ومن دمه المتن يتجاره ونسمع اذان المناره
****************
لطاح احسن من قبل لابد يرد
السمه منها تغار لو ليهن تصد
يجي حيدر شايل بجفه الورد
يكرم بنفسه علي ابطال الحشد
-------------------------------------
بدولة المهدي الحشد للدنيا قائد غصبن اعله الما رضه وعله المعاند
بزود حشد الله الغياره ونسمع اذان المناره
.............................
يصلي بالعالم جماعه المنتضر
تلكه خدام الحسين اول سطر
توكف تصلي وجهم جن كمــر
تلعن الثالث وابو بكر وعمـــر
-----------------------------
تنادي غصبن عالسقيفه علي هو اول خليفه
ويعلن المهدي انتصاره ونسمع اذان المناره
**************************
الخادم // حيدر الشويلي



الناشر_الحاج_فلاح_حسن

#حلم_مذبوح

#لايسمح_بتغير_اسم_الشاعر

#الناشر_الحاج_فلاح_حسن_استشهاد_يعسوب_الدين

بالكوفه مرت عالهزل
تمشي ويكص جفها الحبل
ثمانين طفله لو طفل
بضعون زينب
واويلا ياعلي واويلا ياعلي
؛؛؛؛؛؛؛؛
مرت عقيلة هاشم ابهالديره
مرت اسيره وكلها ضيم وحيره
عالناكه والحيدر وجها اديره
وحادي الضعن ماعنده ذمه وغيره
كل ماتون ها ياهلي
حادي الضعن يشتم علي
وماكو اليكلها ادللي
بضعون زينب
واويلا ياعلي
؛؛؛؛؛؛
عالناكه اجت للكوفه واتلكوها
ناس المدينه وبالشتم اذوها
هاي العزيزه الجانت ايسموها
درة علي والوادم يسلبوها
يم كبر ابوها وتنضرب
الماجانت اتروح ابدرب
اله اويعباس الكلب
بضعون زينب
واويلا ياعلي
؛؛؛؛؛؛؛
من يم ابوها اتعدت المحبوبه
محنيه زينب ما اجت مهيوبه
تصيح الوكت يابويه صار غروبه
البيت اهلي مارد ياذنب مطلوبه
جم ليله مرت والحرم
لا بيت اهلها ولا خيم
وماهو شيال العلم
بضعون زينب
واويلا ياعلي
؛؛؛؛؛؛
القصر الاماره الحادي من وداها
جرح وجرح يمشي الخدر وياها
اباب القصر والشامت اتلكاها
ايكللها اخوتج وينهم واذاها
تاليته ماتلي العمر
بت حيدر اطب للقصر
ودموع اليتام الحمر
بضعون زينب
؛؛؛؛؛؛؛
للمجلس اتطب زينب ابيا حاله
الوالي اعلعرشه والخدم تبراله
عالكرسي وحسين النعش ماشاله
وام الصبر تحبس دمعها اكباله
ضمت دمعها ام الدمع
ماتبجي كدام الجمع
تخاف الكلب لاينصدع
بضعون زينب
واويلاه ياعلي
؛؛؛؛؛؛

ابو محمد الزبيدي



__________________________



#الناشر_الحاج_فلاح_حسن

#حلم_مذبوح

#لا_يسمح_بتغير_اسم_الشاعر