🔘 قـناة عــبق الانـــتظار 313🔘

#الناشر_الحاج_فلاح_حسن_مولاتي_زينب


فزاعيه للسيده زينب (ع)

نشد حزام خل نشيع/ // ام عون
خل تحضر اهلهه وموش/ // يبطون
؟؟؟؟؟؟؟؟؟؟؟؟؟؟؟؟؟؟؟؟؟


نشد حزام ونادي للهاليهه
هاي ام الحزن جاوين تاليهه
خل عباس يحضربالعجل اليه
يشيعهه بفخر ويهل العيون
؟؟؟؟؟؟؟؟؟؟؟؟؟؟؟


نشد حزام ونشيع المهيوبه
زينب بالمتن عباس مضروبه
راحت باليسر ومتيهه دروبه
خل تحضر عراضه وبيهه يمشون
؟؟؟؟؟؟؟؟؟؟؟؟؟؟


وين اهلج يزينب وينهه الخوان
ضل نعشج غريب وماله دفان
بساعات المنيه الدمع غدران
ياعبا س اخوها الجان مضنون
؟؟؟؟؟؟؟؟؟؟؟؟؟؟؟؟؟؟


نشد حزام والماتم تنصبونه
عليهه ام عون والبيرغ تنشرونه
اه ياحسين إخوهه موش تنسونه
يالماتو ضمايه وماي يشربون
؟؟؟؟؟؟؟؟؟؟؟.؟؟؟؟؟؟

ماشربو الماي وعالنهر ضلو ا
سمعتيهم يزينب حيل من ونوا
تتمنين ولنعشج والج حضرو. ا
يكعدون بعزاج وحيل يبجون
؟؟؟؟؟؟؟؟؟؟؟؟؟؟؟

:
:
تـــــمـت والحمـــــدللـــه
✍الشــــاعره ام حـــوراء الاسدی

واسالکم الدعاء🌷🌷🌷
شرعا"لایجوز حذف اسم خادمةاهل البیت علیـــــــهـم الســــــلامـــ
========================
. قناة الشاعرة ام حوراء
🌹🌟قصائد🌟🌹
الشاعرة✒ ام حوراء الاسدي


https://t.me/joinchat/UShxzSh6DyF31x9W

#الناشر_الحاج_فلاح_حسن_مولاتي_زينب


وفاة السيدة العقيلة (عليها السلام )

ما حاسبه احساب الاجل. يوكفلي عالراس
يلكاني عندي بس عتب. ما عندي عباس
دمعي كتب. عندي عتب. ماعندي عباس

*

العتاب. بينت بعيني تره دمعت عتابي
الفراك ابتدت من لجمته قصة عذابي
طعم العمر ويه الاخو ومابي طعم كل عمري
ضحكت هلي جان الكمر وفراكه كاسر ظهري

من طبع ليفارك اخو فاضحته العيون
واني عله فراك الكمر توجعني المتون

متني لتهب. عندي عتب ما عندي عباس

*

الاخو الزين. شكثر تانيته عله فراش المنيه
عله الباب عيني بلكت والكفيل ايطب عليه
اتمعن ابشوفه ردت ويرد شباب اسنيني
حتى من اموت اكباله انه مرتاحه اغمض عيني


بعيني تظل صوره اله من اغمض العين
ومتنه الينزلني الكبر من دون جفين

كلبي انتحب. عندي عتب. ما عندي عباس

*

اجه الموت ردت ابو فاضل يجيني وهذا ظني
اراوييه. اثر لسياط الشمر زركه اعله متني
اشكي اله عكبه شحصل واحجيله كلشي البيه
طبيت انه سوك الزلم وسمي تره المسبيه

ادري اليطب ديره غرب محسوب خطار
تلكوني انه بسب وشتم وامشامر حجار

حكي نسلب. عندي عتب. ما عندي عباس

*

بالخيام لهسه من النار محتركات اديه
و بعدغاد اتفرفح من اتدوس كل جمره رقيه
بين العساكر والعطش ضاعت تراها اسكينه
زينب تخاف اعله الخدر والشمر فاتح عينه

وليه انولينه والعرب مابيهم ارجال
وانه اگدر لكشي لجن. عاقني الحبال
هجره السبب. عندي عتب. ماعندي عباس

*

العبايه. غاليه وماريدهه تبقه ورايه
بوصيتي..تندفن بالكبر ويايه العبايه
الموت الحلو بين الاهل جتف المحب جنازه
بالميت ايطول الدرب لو ما تشيعه اعزازه

كل البشر لو شيعت هم ابقه اعتاز
وابقه اكول بلا گمر. ماعندي جناز
يبقه العجب. عندي عتب. ماعندي عباس

نسألكم الدعاء
علي حسين المياحي



https://t.me/joinchat/UShxzSh6DyF31x9W

#الناشر_الحاج_فلاح_حسن_وفاه_سبع_الدجيل


قصيدة بحق سبع الدجيل سيد محمد عليه السلام

احبابك نصيــح سجلنــه زوار
شيعة واجيناك يانسل الاطهار
..............

سيـد محمـــد يبن عاشــر العتـره
يالمقــامـك نعجز نوصفه ونقدره
احنه احبابك اجينه ونجري عبره
نزورك تعنينـه ومصـابك نـذكـــره
نوصلك انزور مانخشه الاخطار
احبــابـك نصيــح سجلنــه زوار
...............

انت ابن الهادي ياروحــه وكيانه
لوله حكمـت ربك تصيـر ابمكانه
خصك الباري بشرف عزه وامانه
يالچنـت تمـلك علــم الله وبيـانه
آية المعبـود مخـزن للسرار
احبابك نصيح سجلنه زوار
..............

سيد محمــد قسم بالهـادي نقسم
احنه خدامك نظل للموت نخـدم
مانخـاف لمرقــدك كل عـام نقدم
بالصحن ننصب الك يالغالي مأتم
مصابك نذكره ونسيل الاعبار
احبــابـك نصيح سجلنه زوار
..................

انت ياسبع الدجيل الحامـي جـارك
تحمي كل خايف يجيك يزور دارك
والله مايتـأخّـــر وحـاضـــر قــرارك
لليجيـــك ينـدبـك بسـاحــة مـزارك
تنجي اليناديك ماعندك اعذار
احبــابـك نصيـح سجلنه زوار
.................

سيد محمـــد وحگ ضلـع الزچيه
غالــي عــدنه ومانعـــوفك للمنيه
وانت تدري بشيعتك اهل الحميه
التزموا بأمر النبي بحفظ الوصيه
للمهدي ويّاك مشبوحة الانظار
احبــابـك نصيـح سجلنه زوار

خادم سبع الدجيل سيد محمد عليه السلام
سيد زيد الفحام
--------------------------------------------------------

#الناشر_الحاج_فلاح_حسن



https://t.me/joinchat/UShxzSh6DyF31x9W

قصيده لسيدي ومولاي الامام الهادي عليه السلام على طور حجي باسم ليش الاودهم احفر لحدهم

ـــــــــــالمستهل👇ـــــــــــــ

انعازي الزچيه/وحامي الحميه
وعالهادي هاليوم ننصب عزيه

ـــــــــــــ ابيات القصيده ــــــــــ

مات مسموم الامام الهادي هاليوم
شيعته تبچي وتنوح بگلب مالوم
تلطم بحرگه وتعازي المات مظلوم
وتلعن الظالم السمه ودس السموم

الشيعه حزينه/تصرخ ولينه
ونصبت له ماتم هاي المسيه

ـــــــــــــــــ①ـــــــــــــــــ

يبچي ابنه العسكري يجذب الحسرات
يگله بويه بگلبي بس ظلت الونات
ليش نايم بالترب وسفه وحرامات
وانته ابن المرتضى وخير السلالات

موتك عذابي/وهمي ومصابي
فراگك يوالي ضيم واذيه

ـــــــــــــــــ②ـــــــــــــــــ

ظلت الشيعه تهل الدمع غدران
تبچي عالهادي وتنادي بگلب حزنان
ليش سموه الاعادي وبقى وجعان
للمنيه مانسى مصيبه العطشان

دمعه عله خده/ماناسي جده
ظلت بالشموس جثته رميه

ــــــــــــــــ③ـــــــــــــــــ

يحضر المهدي العزاء ويهمل العين
يگول جدي الهادي مثل الغالي الحسين
مات ياويلي غريب ومااله معين
لا اهل يمه وگرابه ولا محبين

يحضر عزانه/ يلطم ويانه
ينادي يمسموم نارك سريه

ـــــــــــــــــ④ـــــــــــــــــ

الشيعه لمصابه تنوح بدمع سچاب
تعازي مولاتي الزجيه وداحي الباب
وينك ينادون يامولاي ابو تراب
ابنك لوحده غريب ومااله احباب

بالغربه مدفون/واهله ينوحون
بسامره وبعيد ماله تچيه

ــــــــــــــــ⑤ــــــــــــــ

✍ الخادمه ام زيد الشمري

نسال •اللّـہ‌ القبول
ونسالكم الدعاء بتعجيل فرج مولانا صاحب العصر والزمان

#الناشر_الحاج_فلاح_حسن



https://t.me/joinchat/UShxzSh6DyF31x9W

#الناشر_الحاج_فلاح_حسن_وفاه_سبع_الدجيل


#نعي_لوفاة_سيد_محمد_سبع_الدجيل

#طور_الخضيب

ياللي تريد العافية وحاير صفـﻰ أمرك
اگصد لعد باب الوفى واكشفله عن سرك
اشكيله كل هم ينجلي ويشرح هضم صدرك
بس نادي بـ اسمه ياسبع منك نريد امراد

ياابا جعفر..ياابا جعفر..ياابا جعفر آه//٢

هالليلة ننصب مأتمك ونجريها دمع العين
لمصابك الشيعة تون ونذكر مصاب حسين
للهادي نعلن هالعزا عنه غبت لا وين
ينادي لك بحسرة ويون ونار اشعلت الفاد

ياابا جعفر..ياابا جعفر..ياابا جعفر آه//٢
✾▁▁▁▁▁✾▁▁▁▁▁✾▁▁▁▁▁✾

#نصاري_اوعاشوري_اوعكراوي وغيرها من الاطوار الشعبية

اريـد امراد منـك سبـع الدجيل
اجيتك معتنيلك سيدي ادخيل
مـا فـاد الـدوا ولا نـامـن الليل
منـي الحيـل رايح ردلي الحيل

يـا بـاب الفـرج جيتك نخيتك
بخوك العسكري صحت ورجيتك
مثـل عبـاس وصفك وصفيتك
متـرد اليـجي وانـة اعتنيتك
✾▁▁▁▁▁✾▁▁▁▁▁✾▁▁▁▁▁✾
#يقرأ👇
#حدي_حجاز_خليجي_اول لحن(لمن حدﯼ الحادي)
#او
#حدي_حجاز_خليجي_ثاني لحن(حضريني يالزهرة)

نرفع تعازي اليوم...
للي يصد الگوم...
هذا البطل ميشوم...ابن البطل هادي

نتمنى يـم قبره...
ونهل دمع حسره...
مظلم صبح فجره...والكل صفى ينادي

(ياسيدمحمد..ياسيدمحمد)//٢

خلونة هالليله...
كلنا نناديله...
واحدنة بعويله...يصرخ يبو الشاره

بالعسكري ننخاه...
ونشكيله من الآه...
يسمعك اي والله... لمن تطب داره

(ياسيدمحمد..ياسيدمحمد)//٢
✾▁▁▁▁▁✾▁▁▁▁▁✾▁▁▁▁▁✾

#طور_الفراق (مالي غيرك)

كله غيرة...وبالشهامة يوصفونة
كله غيرة...ينطي للي الينتخونة
كله غيرة...يرحب اللي يگصدونة

جيتك انة...وبيدي احملها امنياتي
جيتك انة...واندبك وية صلاتي
جيتك انة...اشتكي واسمع آهاتي

تــمــت بــعــون اللــہ
11/3/2018

#الناشر_الحاج_فلاح_حسن


https://t.me/joinchat/UShxzSh6DyF31x9W

#الناشر_الحاج_فلاح_حسن_ام_البنين_ع

( نعي ) أم البنين تخاطب العباس عندما قالوا لها أنه مقطع عالمشرعه

هنياله اليطيح ابحب الحسين
وهنياله التگطعه ابحبّه السيوف
المصايب هدّمن حيلي يعباس
وتمنّيتك لون بس عينك تشوف
اشحسبالك طحت من طحتوا عالگاع
طحت من شفت اخوتك عدهم چفوف
****
ولكن عندما دنت الوفاة منها تمنت أن يحمل ابو الفضل جنازتها فقالت :

اجاني الموت يمّه وانته ماجيت
اشعجب وآنه رضعتك وفه ونوماس
آنه امّك ييمه واعتب اعليك
وماظن غيرتك تقبل يعباس
يبني جنازتي مطروحة عالگاع
تجيني تشيلها لو احشّم الناس
**
فأجابها الامام العباس قائلاً :

اعتابچ يمه يوجع لاتعتبين
سهم ثاني واحسّن نبت بالعين
نعش الأم ثگيل ايريدله چفوف
وأنا يم البنين ابدون چفّين
لوّن بيدي اشيلنچ عالراس
بس تدرين راسي انجسم نصّين
**
وليد العكيلي

#الناشر_الحاج_فلاح_حسن

#حلم_مذبوح

#الناشر_الحاج_فلاح_حسن_الليال_الفاطميه


استشهاد الزهراء. ع.
لسان حال مولاي امير المؤمنين ع
++++++++++++++++
خذتي روحي وماشيه
عايش ابلا عافيه
كلشي غالي راح الي
فاطِمَه ارويحة علي
عا يش ابلا عاقيه
+++++++++++++
بين امرين اصبحت.
لاني عايش لا متت.
الما اطيح انه طحت.
يالزچيه
البيني بينچ ماله حد.
مسألة روح وجسد.
عني من رحتي بعد.
شباقي بيه

بس رسم ضليت راحت روحي وي روحچ سوه
مو جرح خل وخليله انتي لنفاسي الهوى
السطره لبعينچ عمتني وطفّت ابعيني الضوه
ابضلعي احس بسمارچ
ابگلبي تسعر نارچ
انتي روحي وكل هلي
فاطمه ارويحة علي
عايش ابلا عافيه
+++++++++++
رحتي وزغيرة عمر.
ابگلبچ وضلعچ كسر
اهواي رايدلچ صبر.
يالحبيبه
الحسره حابسها حبس
ابعيني دمعه من امس.
ابحزني لازينب تحس.
بالمصيبه

تفضح الفاگد دمعته اخفي حزني بيا وضع
مابچيته اگبال زينب ادري يجرحها الدمع
لكن ابتغسيله جسمچ ايدي مرت عالضلع
ما ملكت ادموعي
گمت ادگ اضلوعي
ياحزن ماينجلي
فاطمه ارويحة علي
+++++++++++
والنعش شيعته ليل.
مات حيلي او مالي حيل.
بيا وكت جسمي يميل.
وجدمي يعثر
كلشي من رحتي رحل
وانهــدم حيل الفحــل.
يگطع انفاسي الاجل.
مرّه واكثر

گبري لو گبرچ حفرته وادفنت روحي ابأدي
ابچفي اهيل اتراب لحدي صعبه ليدفنونه حي
وحشه اصليها اعله روحي عيون ماضل بيها ضي
واگعد انعه امصابچ
فوگ عتبــت بابچ
راح حيلي الاولي
فاطمه ارويحة علي
عايش ابلا عافيه
+++++++++++
جرحچ ابكلشي مهم.
ابعين ولدچ منرسم.
واضح اعليها اليتم.
بيها عبره
من بواچيّه الحسين.
ابعيني مايفتحله عين.
يكسر الخاطر حزين.
آ يزهره

والحسن كل مغربيه گابل العتبه وگعد
يحضن الباب ويشمّه البي اثر دمچ جمد
اهنا وگع محسنها امه اهناك سطرو منها خد
من يسمعه حسينه
يركض اعله اونينه
عالوجن دمعه ايهلي
فاطمه ارويحة علي
عايش ابلا عافيه
++++++++++++
بالعقيله لاحظت.
بيها حنيتچ شفت.
صايره ام واخت.
بينه تهتم
الكربله راح الفكر.
تكفل ايتام ابيسر.
آه ياذاك الجمر .
بالمخيم

نار وسياط ويتامه وينتظر چفها الحبل
والاشد من فگد اخوها اصعودها ذيچ الهزل
والدواوين وسبيها عالعقيله مو سهل
وين زينب شايفه
غربه تمشي وخايفه
ماكو كلمة اتدللي
فاطمه ارويحة علي
عايش ابلا عافيهگ

ثائر الربيعي



____________________________

#الناشر_الحاج_فلاح_حسن

كلما اجيك .. يلفي الشمر وراي
لحسين اروح .. خيل انظر ابگفاي
من الشمر والخيل . وين البد ابهالليل
محتاره يا عباس

محتاره كلما اعتني يمك شمر يلفيني
وايگلي عوفي كافلچ او صوب الوغه ايوديني
اتعنه لحسينك تجي الخيل انحب اتخليني
تركض وراي او لصبح مگدر اغمض عيني

محتاره اخوي .. وين امشي واستراح
مامش خيام .. بيها اغفه لصباح
وابجسمي ماظل حيل . وين البد ابهالليل
محتاره يا عباس
_
حاولت اغافل هالشمر او صوبك يخويه اتعنه
لن شاهديته ايطگ متن خوله او رقية او سكنه
يمهن رحت يابه الفضل حاولت انه منعنه
واضربني فوگاهن يخي واجروحي كلهن منه

ظليت اصيح .. يابه الفضل تعال
وينك يخوي .. ارجعلي لو خيال
من متني دم ايسيل . وين البد ابهالليل
محتاره يا عباس
_
يم الحُسين آنه اركضت والخيل اجتني ابهمه
لن ابحوافرهن شفت ياخويه يگطر دمه
ترعبني وانظر عالأرض امطشر يكافل جسمه
امگطع وصل يابه الفضل حاچيني چا شيلمه

شيلم اخوك .. او منعتني هالخيول
ابصدر الحبيب .. يابه الفضل تجول
جسم الأخو شيشيل . وين البد ابهالليل
محتاره يا عباس
____
عن الشمر چا وين اظم روحي او اظم اطفالك
كل ودي اجيلك يالأخو واتخبه عن چتالك
بعباتي اظم خوله او خفت إرقية تتعنالك
من تنظر السوط الشمر تتمنه هيه اگبالك

رادت تجيك .. إرقية بالظلام
يا عم تصيح .. يمك اريد انام
راوونه عمي الويل . وين البد ابهالليل
محتاره يا عباس
_
تحت العباية نومت سكنه او يخي گعدوها
جابولها ثوب الأبو يابه الفضل راووها
سلبنه نادوا والدچ او ذاكى القميص انطوها
شمروا قميصه اعله الترب او تنحب علية خلوها

شافت دماه .. ابثوب الأبو حرام
گامت تصيح .. يا والدي السلام
والدنيا بيه اتميل . وين البد ابهالليل
محتاره يا عباس
_
راح امشي لشام او بعد ما نلتقي يالغالي
امودع يخويه او راح اظل اتذكرك للتالي
وياي بس راسك فقط برماح اشاهد عالي
او عالهزل امكانك ترى يابه الفضل ظل خالي

وياي اريد .. عالناگه يالكفيل
تصعد يخوي .. واتصعد العليل
بينه احنه من ايعيل . وين البد ابهالليل
محتاره يا عباس

حيدر الحلفي

#الناشر_الحاج_فلاح_حسن

#حلم_مذبوح

#لايسمح_تغير_اسم_الشاعر

#الناشر_الحاج_فلاح_حسن_محرم_1440_الليله_التاسعه

#برنامج #محرم لسنة هـ2018/1440
#قصائد علًـٰـٰي الأكبـر وليلئ عليهم السلام
...؛...؛...؛...؛...؛...؛...؛...؛...؛...؛...؛...؛...؛...؛...؛...؛...؛...؛.
لأكبر يُــــبني لاوين
رايح يا ضوه العين
ليلئ بفكدك اتنَوح
ها ياحلٍم الاسُّـنين
-،-،-،-،-،-،-،—،-،-،-،—،-،-،-،-،-،-،-،-،-،-،-،-،-،-،-
يا ثمر كلُــــــبي يالاكبر يا حياتي
يبني أعلن لو رحُـت ساعة وفاتي
يمه يا حلَُــمي البنيته وأمنــياتي
ارجع وشوف الجره بداعة غلاتي
لا ترحُِـل يمهيُــوب
خاف تروح فدنوب
تترك بيه الاجُـروح
قاسي تعُرف البين
-،-،-،-،-،-،-،-،-،-،-،-،-،-،-،-،-،-،-،-،-،-،-،-،-،-،-،-،
يبني ربيُـــــتك وإريَُـــد ارباي منك
يمه يا بُستان روحُـــي رحُـت جنك
أنه مّــــُـتعوده اضـُٰـــل ماروح عنك
هاك اخذ كلبي يغالي واطني حزنك
يالعُطـــرك عطًر ياس
يمه اشـــلُـون ينداس
شوف الدمع مسفوح
شاهد حال الحُـسين
،-،-،-،-،-،-،-،-،-،-،-،-،-،-،-،-،-،-،-،-،-،-،-،-،-،-،-،-،
يا هوه الماعيـُش دونه أنته كولشي
صارلك لحُضه عفتًني وشاب رمشي
يمه يالاكبر غَّيابك كسٍُــــــــر عرشي
ماجنت احٌـِـسب تروح وعني تمشي
بس للـٰــونه ضٌٍـــليت
ماترجعٌـلــي حسّيت
انته سلٌـــوة الــــروح
ياهو البُـــعدك يعيَن
،-،-،-،-،-،-،-،-،-،-،-،-،-،-،-،-،-،-،-،-،-،-،-،-،-،-،-،-،
زادن الحـُسبات بعُــدك هذا حالي
تعٌرف الــغالي جَريمه يعوف غالي
يمه ضليت بحُـــسرتي ابلايه والي
يبنًي ياهو يحّن عـُـليه واجه التالي
ترحّـُـم بــُــيه لوجيت
يا مــــاي وتبّـــــديت
بدرك غٌــــاب مـيلوح
يالهجٌــــرك سچاچين
،-،-،-،-،-،-،-،-،-،-،-،-،-،-،-،-،-،-،-،-،-،-،-،-،-،-،-،-،
اخرآٓ يٌٰــــمه صعٌـــــب يالغُالي اودعك
اطشرت جن ماي كلي اشلون اجمعك
ريتك اتردلٌــــي اشمـــَُك وألم دمعك
يمه حاجيني اعَـله بختك انه اسمعك
حيُـــــلي راح يا حُيل
تبدي الحًسبه باللّيل
تهُـــدم بيه الاسفوح
خل تلَّــفي المعزين
—————————————————————
الخادم المقصر #ناجي الصالحي

#الناشر_الحاج_فلاح_حسن_محرم_1440_الليله_الثامنه

#برنامج #محرم لسنة هـ2018/1440
#قصائد الامام #القاسُـم عليه السلام
><><><><><><><><><<<><><><><><><>

يمه جاسم يبنـُِــــي يا دلالي
يمه جاسم ضَل مكانك خالي
—————————————————————
امك وتدري بدليلُـــي صـُــار نصين
ارجع وشــُـاهد ونيني يا ضوه العين
يا حلم عمري البنيته وذخر السنين
حارباني الزمن بعٰــدك ردلي جاوين
يمه جاسم راح اضـٰـل للتالي
يمه جاسم ضَل مكانك خالي
—————————————————————
واگفه اباب المخيم تربي عيَُـــــــني
احساسي گلي رحُت عني وما تجيني
يمه حتئ الصَُــٰـخر ذايـب من ونيني
يا حنين الگلــُـــب ذايب وي حنيني
يمه جاسم شوف دمعي الهالي
يمه جاسم ضَل مكانك خُــالي
—————————————————————
حنتكـ يمه اعجنـُــــــتهه ردلي وينكـ
حيل مشـُـــتاگه اعيوني اگبال عينكـ
يا فرحـُـــــتي الماشفتهه بگد سنينكـ
ارجع وغطـُـــــيتي يبنـي من حنينكـ
يمه جاسم يا عزيزي الُـغالي
يمه جاسم ضَل مكانك خالي
—————————————————————
ونتـي يـُِــــٰـــمه برحيُــــــلك يا كبرهه
رحـت عن امكـ يغالي وضَّــــاع امرهه
يا هوه لأمَُـــــــــــك يجاسم يا نضرهه
من مشيت بغيبًِـــــــتك شيب عمرهه
يمه جاسم جنت نجمي العالي
يمه جاسم ضَل مكانك خُِـــالي
—————————————————————
گلبي يا نبُـــــــــض الگلب چنكـُ نسيته
رحت وياك الُــــــٰــٰـــفرح يبني خـذيته
ظهري يا بعد النفس بعُـــــدك حنيته
والامل لمن رحِّــــــــــــت رئساً طويته
يمه جاسم مشـُـن كل آمالي
يمه جاسم ضَل مكانك خالي
—————————————————————
الخادم المقصر #ناجي الصالحي

#الناشر_الحاج_فلاح_حسن_محرم_1440_الامام_الحسين_ ع

قصائد اليوم العاشر من محرم
الى مولاي الامام الحسين عليه السلام

حسين راح و كلشي راح
وضلت النسوان للهم والصياح
سلبوهن ياعلي
شتموهن ياعلي

_____


طلعوهن من خيمهن والخيم حركوهن
وركضوهن بالصحاري والزلم شافوهن
الما عرف علوية بالطف بالسبي عرفوهن
و بالسياط و بالشتايم يا علي اذوهن
متن علوياتكم مملي جراح
وضلت النسوان للهم والصياح
الموهن يا علي
شتموهن يا علي
حسين راح وكلشي راح - حسين راح وكلشي راح

_____


ركضو زينب يحيدر والكفيل عله النهر
لا له حيل ايكوم ينغر والظهر منه انكسر
كبال وادمهم يحيدر جدم زينبكم عثر
محد اسم الله يكلهه يضحك عليهه الشمر
صوت زينب راح من كد النياح
وضلت النسوان للهم والصياح
لوعوهن يا علي
شتموهن يا علي
حسين راح وكلشي راح - حسين راح وكلشي راح

_____


راح ويه حسين بالطف يا علي العز والدلال
و العقيلة الهاشمية حايرة بنص الرجال
تركض تلملم حرمهه التاهن ابين التلال
السلبو منهن معاضد شدو بجفهن حبال
السوط بمتون الحرم صاير وشاح
وضلت النسوان للهم و الصياح
شيبوهن يا علي
شتموهن يا علي
حسين راح وكلشي راح - حسين راح وكلشي راح

____


حسين راح لرحمه الله والحرم راحن سبي
حسين طب لجنة الله وزينب بقصر اجنبي
ماكو شي يسترهه زينب غير بس ثوب وعبي
صعب خدر الله العفيف ايصدلة وأحد ناصبي
الناس شافوهه الحراير بالصباح
وضلت النسوان للهم والصياح
دوهنوهن يا علي
شتموهن يا علي
حسين راح وكلشي راح - حسين راح وكلشي راح

____


حسين راح بلايه رجعة وصعدو زينب هزل
الناكة ما مشوهه ممشه الناكة كادوهه سحل
خشن ومشكك اديهه يا علي تدري الحبل
الصار بالعلوية زينب يا علي ما ينحمل
ماكو شي بالكون ما إلهه ناح
وضلت النسوان للهم والصياح
مرمروهن يا علي
شتموهن يا علي
حسين راح وكلشي راح - حسين راح وكلشي راح


خادم خدام زينب عليها السلام
حميد كاظم الشمري

#الناشر_الحاج_فلاح_حسن_محرم_1440_الليله_الرابعه

يمه عباس - دون شبل الطاهره ضحي بالراس – ها يضنوت حيدره
يمه ربيتــك فــده لابن الـــزچيه كــون ترفــــع راسي يوم الغاضريه
يمــــــــه عبـــــــاس
*
يمه يـــا زهرة حنانــي يامن لگلـــبي ثمــر
حلم شفتك يبني مــره طحت بحضاني گمـر
يمه صد عينك ابعيني گبل ساعـات السفـر
لو يغمض حسين عينه منـــه لتشيل النظـر
وسط العيون – تضمه اريدك يالولد بين الجفون – يمه ضم طير السعد
يمه وصيتك واريدن هالـــــوصيـــه كــون ترفع راسي يوم الغاضريــــه
يمـــــــــه عبـــــــاس

*
يمــه مــن درة حنانــي انــه غذيتك وفــه
يبني مـــن طاهــر حليبي ورثيتك هالصفـه
أرد أوصيك أبوصيـــه وأنــت كلك معــرفه
حسين لتكله يخويه الكُــون اسمــه يشرفه
يمه عباس -- الا يم المشـــرعــه گله بحساس -- وخلي صوتك يسمعه
طاح عباسك يخويه اعلى الوطيه كــــون ترفـــــع راسي يوم الغاضريه
يمـــــــــه عبـــــــاس

*

يمــــه بچفوفـك عــــلامه انطبعــت وعيني تشـــوف
مـــــن زغــــر حيدر طبعــها ابدمعه قبّــل هالچفــوف
گلـــي دون حسين بالطــــــف يمـــه تگطعهن سيــوف
يمه ضحي اچفوف دونه وضحي هامه وضحي شوف
يبني والجود – لا يطيح وي العلم وانت موجود – ما تشب نار الخيم
يبني نار اضماك خل تلهب سريه كون ترفع راسي يوم الغاضريــــه
يمــــــه عبـــــــاس
*



گبـــل ليغـــرب ضعنكم جفنــــي غـــرب مدمعــــه
يبنــــي وبهـــاي المسيره تنرسملــــي الفاجعــــه
علـــى حسين اگليبي خايف چنه يمشي لمصرعه
حسين سالــم خـــل يجيني وفــــدوه لجله الاربعه
فدوه لحسين – يبني ناذرتك الـــه مُنيــتْ العين – لــو يرد من كربلـه
يمه فدوه انت ويــــرد حسين اليه كـــون ترفع راســـي يوم الغاضريه
يمـــــــه عبــــاس

*
يمــــه رايح بالسلامـــــه وگاصد لطــف كربله
عندي طلبه يا ابو فاضـــل وي دمعتي السايله
يمـــه زينب هـــــاي زينب بت علـي المدللـــه
شــرد اگل امها الزچيــــه لـــون شافتها الملا
يمه يا حيد – هايه غيرة حيــدره ها يصنديد – لا تــروح اميسره
دون زينب خل تدوسك خيل اميه كون ترفع راسي يوم الغاضريه
يمـــــــه عبــــاس
*
الشاعر
موسى البديري