Rost24 | Расмий канал

#Рост_ҳикматлар

✅ Бирор қалбни вайрон қилгач айтилган узр қорин тўйгач дастурхонга қўйилган
тузга ўхшайди. Унга эҳтиёж йўқ.

✍Пабло Нeруда

❄ Кунингиз хайрли бўлсин!

ROST24.uz | Telegram | Facebook
Instagram | YouTube | Tezkor

⚡️ Қирғизистон президенти дин тўғрисидаги қонунни имзолади

Қирғизистон президенти Садир Жапаров ўз Facebook саҳифада имзоланган янги қонун ҳақида маълумот берди.

Қонунда, диний масалаларни тартибга солиш ғояси илгари сурилиб, муфтийлик ва уламолар кенгашига аниқ қоидалар ишлаб чиқиш ҳамда уларни тартибга солиш топшириғи берилган.

Президент ўз қарорида ягона анъанавий дин доирасида яшаб, фуқароларни нотўғри оқимларга кириб кетишидан сақлаш зарурлигини таъкидлаб ўтган.

ROST24.uz | Telegram | Facebook
Instagram | YouTube | Tezkor

⚡️ Танзила Норбоева боғча ва мактаблардаги озиқ-овқат назоратини танқид қилди

Олий Мажлис Сенатининг учинчи ялпи мажлиси бўлиб ўтди. Унда бир неча қонунлар сирасида “Озиқ-овқат хавфсизлиги тўғрисида”ги қонун ҳам сенаторлар томонидан муҳокама қилинди.

Мажлисда сенат раиси Танзила Норбоева боғча ва мактаблардаги озиқ-овқат назоратларини танқид қилди. Жумладан, аутсорсинг орқали кириб келаётган овқатлар стандартларга жавоб беряптими, керакли витамин ва озуқалар билан бойитиляптими йўқми, каби саволлар билан Санитария-эпидемиологик осойишталик ва жамоат саломатлиги қўмитаси раисига юзланди.

Шунингдек, қўмита фақат заҳарланиш ҳолати аниқланганда эмас, ундан олдинги даврларда ҳам чуқур профилактик тадбирлар олиб бориши, назоратни кучайтириши лозимлигини таъкидлади.

"Аҳоли, айниқса болаларнинг саломатлиги ва ривожланиши учун озиқ-овқатларнинг сифатлилигини таъминлаш жуда муҳим аҳамиятга эга” — дейди сенат раиси.

ROST24.uz | Telegram | Facebook
Instagram | YouTube | Tezkor

⚡️ Соғлом рақобат халқни алдаш эвазига бўлаяптими?

2024 йил давомида 15 дан ортиқ тижорат банклари реклама қонунчилигини бузгани маълум бўлди. Бу ҳақда Рақобат қўмитаси ахборот хизмати хабар берди.

Жумладан, "Hamkorbank" АТБ хизмати рекламасида “Онлайн микроқарз” – “Зудлик билан пул керакми, 50 миллион сўм - Ҳамкор иловасида онлайн микроқарз расмийлаштиринг!” мазмунидаги ташқи реклама жойлаштирилганлиги кузатилган.
Лекин рекламада микроқарз банк хизмати бўйича фақатгина кредитнинг миқдори ҳақида ахборот берилган бўлиб, ушбу кредитнинг қолган муҳим шартлари кўрсатилмаган.

15 дан ортиқ тижорат банкларининг рекламаларидаги қонунбузилиш ҳолатлари юзасидан Қўмита томонидан қўзғатилган ишлар белгиланган тартибда кўриб чиқилиб, тегишли чоралар кўрилиши таъминланган.

Тегишли чора қандай бўлиши мумкин? Дейлик, огоҳлантириш, жаримадир. Аммо ушбу рекламаларга алданиб қолган халққа қандай ёрдам берилди? Турли жамоат жойларига ёпиштирилган чалғитувчи мазмунга эга реклама баннерлари қачон олиб ташланади? Ёки халқни чув туширишда давом этиб, енгил жарима билан қутилиб қолишаверадими?

ROST24.uz | Telegram | Facebook
Instagram | YouTube | Tezkor

#Исталмаган_сўровнома

"Устидан энг кўп шикоят қилинадиган ташкилот"

"Шнобель" танловининг "Устидан энг кўп шикоят қилинадиган ташкилот" номинацияси бўйича номзодларга овоз беринг.

Қайси ташкилот ушбу йўналиш бўйича "Шнобель — 2024" номинациясига муносиб?

Сўровнома қоидалари

Мурожаат ва эътирозлар учун: @rost24aloqa_bot

👉" Устидан энг кўп шикоят қилинадиган ташкилот 👈

⚡️ Вилоятнинг энг катта шифохонасида вилоят ҳокими учун оқ халат топилмади

Эркинжон Турдимов биринчи иш кунини касалхоналарни текширишдан бошлади. У Сирдарё вилоятининг катта шифохоналаридан бирига ташриф буюриб назорат ўтказди.

Бир неча камчиликлари сирасида керакли дори-дармонни халққа бермасдан, уларни сотиб олишга мажбур қилганини қоралади.

"Стандартда бўлса нега сотиб оляпти? Мана сизга савол. Сотиб олиш мумкин эмасми? Стандартда белгиланган бўлса, нега бемор бу дорини сотиб олиши керак? Ҳозир хонани кўрсам дори ҳам чиқади. Халқимизни ўзимиз шилиб олиб, яна муттаҳам қилиб, кейин давлат ёмон, деяпмиз. Ким ёмон, давлат ёмон. Мен ҳатто ичкарига ҳам кира олмадим уялгандан, чунки халат йўқ кийиб киришга", дейди Турдимов.

ROST24.uz | Telegram | Facebook
Instagram | YouTube | Tezkor

✅️#Рост_ҳикматлар

Эй табиб! Ҳақ сўзга забонинг йўқми?
Ҳеч ғафлат дардига имконинг йўқми?
Ухлатгувчи дори-дармонларинг кўп,
Қалбни уйғотгувчи дармонинг йўқми?

✍️ Мирзо Кенжабек

❄Кунингиз хайрли ўтсин!

ROST24.uz | Telegram | YouTube

⚡️Энди Ўзбекистон миллий терма жамоаси тақдири Тимур Кападзега топширилди

Тимур Кападзе Ўзбекистон футбол ассоциацияси миллий терма жамоа бош мураббийи этиб тайинланди. Бу ҳақда ЎФА ахборот хизмати хабар берди.

Жаҳон чемпионати саралашининг ҳал қилувчи ўйинларига оз вақт қолгани сабабли, жамоа ва футболчилар билан яқиндан таниш бўлган Тимур Кападзе номзоди илгари сурилган.

У узоқ йиллар давомида миллий терма жамоа сафида тўп сурган, бош мураббий ва ёрдамчи мураббий сифатида фаолият олиб борган ҳамда Ўзбекистон Олимпия терма жамоаси билан тарихий натижага эришган.

Эслатиб ўтамиз, аввалроқ Сречко Катанец бош мураббийлик лавозимидан озод этилгани ҳақида хабар берган эдик.

Аммо асосий савол шундаки, бундан кейин терма жамоа жаҳон чемпионати саралаш ўйинларида омадли қатнашиб, ҳал қилувчи ўйинлари орқали йиллар давомида сарфланаётган катта маблағларни оқлаб, кутилган натижаларга эришадими ёки пул совуриш давом этадими?

ROST24.uz | Telegram | Facebook
Instagram | YouTube | Tezkor

⚡️ИИБ ходимлари сайёҳдан "пора" олишда ноодатий усулдан фойдаланишди

ИИБ ходимлари Самарқандда саёҳат қилиб юрган кореялик сайёҳ Парк Жун Ҳеидан пора олди. Бу ҳақда сайёҳ ўзининг You Tubeдаги "Denov trip" каналида жойлаган Самарқандаги саёҳати тўғрисидаги ведиосида хабар берди.

Кореялик сайёҳ Регистон мажмуасига кириш учун билет қаерда сотилишини сўраб, икки ички ишлар ходимига мурожаат қилади. Ходимлардан бири ундан пул талаб қилади.

Сайёҳ 50 минг сўм кўрсатиб, "бўладими?" деб сўрайди. Ходимлар пулни чиқинди қутига солишни айтган. Видеода сайёҳ пулни солар экан, "улар пора олди" деб айтгани акс этган.

Ҳолат юзасидан, Самарқанд вилоят ички ишлар бошқармаси матбуот хизмати расмий муносабат билдириб, ушбу ҳолат бўйича хизмат текшируви ўтказилганини, Патрул-пост хизмати батальонининг икки нафар ходими ички ишлар органи ходимининг шаънига путур етказувчи хатти-ҳаракатлар содир этгани учун хизматдан бўшатилганини маълум қилди.

ROST24.uz | Telegram | Facebook
Instagram | YouTube | Tezkor

⚡️Тошкент шаҳридаги давлат ташкилотларида ҳафтанинг ҳар жума куни «Миллий либослар куни» деб белгиланади

Шавкат Умурзоқов Тошкент шаҳрида миллийликни тарғиб қилишга доир қарор имзолади. Унга кўра, миллий либослар ва миллийликни тарғиботини ўз ичига олган «Миллий Тошкент» лойиҳаси амалга оширилади.

Батафсил: rost24.uz/uz/news/2076

ROST24.uz | Telegram | Facebook
Instagram | YouTube | Tezkor

⚡️ Ўзбекистон футболини эплай олмаган Катанец ҳам ишдан кетди

Ўзбекистон миллий терма жамоаси бош мураббийи Сречко Катанец соғлиғи билан боғлиқ муаммолар сабабли Ўзбекистон футбол ассоциацияси билан тузилган шартномани ўзаро розилик билан бекор қилишга қарор қилди. Бу ҳақда ЎФА ахборот хизмати хабар берди.

Хабарга кўра, словениялик мураббий ўз мурожаатида ҳозирги ҳолатида вазифаларини тўлақонли, профессионал тарзда бажара олмаслигини билдирган.

Маълумот учун, Сречко Катанец номзоди 2021 йил 27 август куни Ўзбекистон миллий терма жамоасига мураббийлигига маъқулланган эди.

Ўзбекистон футбол ассоциацияси ҳозирда миллий терма жамоамиз бош мураббийи лавозимига муносиб номзод тайинлаш борасида иш олиб бораётганини маълум қилди.

ROST24.uz | Telegram | Facebook
Instagram | YouTube | Tezkor

⚡️ Маҳаллалар билан янгича ишлаш механизмлари жорий этилади

2025 йилдан масъул идора ва муассасалар учун ҳар бир маҳаллада ҳуқуқбузарликларнинг барвақт олдини олиш устувор вазифа қилиб белгиланди. Бу ҳақда "2025 йилда республика маҳаллаларида хавфсиз муҳитни яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисида"ги қарорда (ПҚ-1-сон) эълон қилинди.

Маҳаллаларда ҳуқуқбузарликларнинг барвақт олдини олиш учун махсус йўл хариталари ва дастурлар ишлаб чиқилган.

Қарорга кўра, Бош прокуратура ҳузурида махсус ишчи гуруҳ ташкил этилади, бу гуруҳ ҳуқуқбузарликларнинг олдини олиш бўйича тадбирларни назорат қилади.

Шунингдек, ҳар бир туман ва маҳалла раҳбарларига, ички ишлар органлари ва Миллий гвардия бошлиқларига ўз вазифалари бўйича маҳаллий хавфли жойларни назорат қилиш вазифаси юклатилади.

Масъулларнинг фаолияти ҳар ой, ҳар чорак ва ҳар ярим йилда тўпланиб, танқидий муҳокамаларда кўриб чиқилади. Ҳар бир маҳалла бўйича натижалар Президентга ҳам айтиб борилади

ROST24.uz | Telegram | Facebook
Instagram | YouTube | Tezkor

Президент фармони билан Эркинжон Оқбутаевич Турдимов Сирдарё вилояти ҳокими вазифасини бажарувчи этиб тайинланди.

Аввалроқ Эркинжон Турдимов соғлигида муаммолар бўлганлиги учун Самарқанд вилояти ҳокими лавозимидан озод этилганди.

ROST24.uz | Telegram | Facebook
Instagram | YouTube | Tezkor

✅️#Рост_ҳикматлар

Ўз миллатининг тилини, урф-одатларини, турмуш тарзини билмайдиганларнинг бахти нуқсонлидир.

✍️ Азимжон Қосимов

❄Кунингиз хайрли ўтсин!

ROST24.uz | Telegram | YouTube

⚡️Ўзбекистон 2024 йилда газ бозоридаги импортни 2,4 баробарга оширган

Статистика агентлиги маълумотларига кўра, 2024 йилда Ўзбекистон Россия ва Туркманистондан 1,68 миллиард долларлик газ импорт қилган. Бу кўрсаткич 2023 йилга нисбатан 2,4 баробар, 2022 йилга нисбатан эса 6 баробарга ошган.

2023 йилда мамлакат Туркманистон ва Россиядан жами 694,9 миллион долларлик газ сотиб олган бўлса, 2024 йилда бу миқдор 1,68 миллиард долларга етган. 2022 йилдаги 281,9 миллион долларлик импорт билан солиштирганда, 2024 йилдаги ўсиш 6 баробарни ташкил этади.

Шунингдек, газ экспортида ҳам ижобий динамика қайд этилган. 2023 йилда Ўзбекистон хорижга 529,9 миллион долларлик газ етказиб берган бўлса, 2024 йилда экспорт ҳажми 18,4 фоизга ошиб, 627,6 миллион долларга етган. Экспорт фаолиятининг жадал ўсиши айниқса 2023 йилнинг июнь ойидан бошлаб қайд этилган.

"Новости Центральной Азии" ахборот хизмати тақдим этган маълумотларга кўра, 2024 йилнинг январь-сентябрь ойларида Ўзбекистон Хитойга 499 миллион долларлик қувур гази етказиб берган. Бу орқали Ўзбекистон Хитойга табиий газ экспорти ҳажми бўйича давлатлар орасида бешинчи ўринни қайд этган. 

ROST24.uz | Telegram | Facebook
Instagram | YouTube | Tezkor

⚡️ ЎФА президенти Абдусалом Азизов лавозимидан озод этилди

Ўзбекистон футбол ассоциацияси президенти Абдусалом Азизов лавозимидан озод этилгани айтилмоқда.

ЎФА ахборот хизматининг маълум қилишича, 22 февраль куни Ўзбекистон футбол ассоциациясининг навбатдан ташқари сайлов Конгресси бўлиб ўтади. Унда янги раҳбар сайланади.

Хабарга кўра, ассоциация низомига биноан, конгресс ўтказилгунга қадар ЎФА президенти вазифалари ЎФА биринчи вице-президенти зиммасига, яъни Равшан Эрматовга юклатилади.

Абдусалом Азизов 2019 йил 15 июлдан бошлаб Ўзбекистон футбол ассоциацияси президенти лавозимида фаолият юритиб келаётган эди.

А. Азизовнинг футбол федерацияси президентлигидан кетишини Ўзбекистондаги раҳбарликнинг ёзилмаган қоидалари билан изоҳлаш мумкин.

Одатда, спорт федерацияларига раҳбарлар шахсий сифатига кўра эмас, балки бошқа йирик ташкилотдаги лавозими туфайли президент этиб тайинланади.

Улар ўз лавозимидан кетганида, федерация раҳбарлиги автоматик равишда янги ташкилот раҳбарига ўтади. Шу йўсинда, спорт федерациялари муаммолари катта ташкилотнинг масъулиятига юкланади.

ROST24.uz | Telegram | Facebook
Instagram | YouTube | Tezkor

⚡️ 2024 йилда коррупцияга оид жиноятлар Тошкент шаҳри, Тошкент ва Самарқанд вилоятларида энг кўп содир этилган

2024 йилда жами 6 минг 898 нафар шахс томонидан 5 минг 716 та жиноят содир этилган. Олий таълим, транспорт ҳамда қишлоқ хўжалиги соҳаларида жиноятлар салмоғи ошган.

Батафсил: rost24.uz/uz/news/2075

ROST24.uz | Telegram | Facebook
Instagram | YouTube | Tezkor

⚡️Қишлоқ хўжалиги вазирлиги: захирадаги картошка бозорга чиқарилмоқда

Вазирлик маълумотига кўра, мамлакат аҳолисининг картошкага бўлган йиллик талаби 4 миллион тоннани ташкил этади. 2024 йилда 3,7 миллион тонна картошка етиштирилган бўлиб, шундан 600 минг тонна уруғликка захира қилинган.

2024-2025 йил қиш ва баҳор мавсуми учун 245,5 минг тонна картошка захирага жамғарилган. 20 январь ҳолатига кўра, 6,3 минг тонна картошка ички бозорларга чиқарилиб, 239,2 минг тонна захира қолган.

ROST24.uz | Telegram | Facebook
Instagram | YouTube | Tezkor

⚡️ Сотувчи товарни ўз вақтида топширмаса, бажарилмаган қисм учун пеня тўлайди

“Истеъмолчиларнинг ҳуқуқларини ҳимоя қилиш тўғрисида”ги Ўзбекистон Республикаси қонунига қўшимча киритиш ҳақида”ги лойиҳа биринчи ўқишда кўриб чиқилмоқда. Бу ҳақда Олий Мажлис Қонунчилик палатаси ахборот хизмати хабар берди.

Хабарга кўра, ушбу қонун лойиҳаси билан сотувчи истеъмолчига шартномада кўрсатилган муддатларда товарни топширмаган тақдирда, мажбуриятнинг бажарилмаган қисмига пеня тўлаши назарда тутилган.

Бунда пенянинг умумий суммаси етказиб берилмаган товар баҳосининг 100 фоизидан ошиб кетмаслиги, пеняни тўлаш шартнома мажбуриятларини бузган тарафни товарларни етказиб бериш муддатларини кечиктириб юбориш, тўлиқ етказиб бермаслик оқибатида етказилган зарарни қоплашдан озод этмаслиги белгиланмоқда.

Шу билан бирга, сотувчи товарларни истеъмолчига топширишнинг кечикиши истеъмолчининг айби билан содир бўлганлигини исботласа, пеня тўлашдан озод этилади.

ROST24.uz | Telegram | Facebook
Instagram | YouTube | Tezkor

⚡️ Сув омборининг таъмири огоҳликка чақирган фуқаронинг маблағидан қилиндими?

Видео фуқаролар томонидан 2025 йил 10 январ куни гуруҳларга тарқатилган. Тасвирларни солиштирадиган бўлсак, фуқаролар видеосида сув сатҳи ростдан ҳам баланд ва бир қанча киши қирғоқда ишлар билан банд экани кўрилган, видеога олаётган шахс уларни кўрсатиб, ёриқларни беркитиш бўйича ишлаётганига ишора қилган.

Батафсил: rost24.uz/uz/news/2074

ROST24.uz | Telegram | Facebook
Instagram | YouTube | Tezkor