الرادود الحسيني ملاهيثم اللامي قصائد وألحان خادم الزهراء ع🎤

#استشهاد_فاطمة_الزهرا۽_ع


كعده .. للزهراء ع

اتلث يتامة انجمعوا بهاي المسيه
وگعدوا ابسد باب فاطمة الزجيه
ونشدوا ابدمع الجفن .. وين ياباب الحزن
                   أمنه أمنه
             . . . . . . . . . . . . . .

عكب ما دفنوا الزهره وجلجل الليل ابسواده
الليلة سهرانة العقيله عدها شوفة امها عاده
زينب اتعودت تنام ايصير حجر امها وساده
ولمن مشت ست النسه
والدهر وي زينب قسه
ما غمّضت هذا المسه    ..     امكحله ابفجر الشهاده

طلعت ولن الحسن وحسين يمه
واحد إيناشد الآخر وين أمنه
وزينب وياهم تون  .. وين ياباب الحزن
                   أمنه أمنه
             . . . . . . . . . . . . . .

راحت اوي اخوتها زينب على باب الدار گصدوا
اتلث يتامه ابحزن وبهم يم هذيج الباب گعدوا
اتلاثه وبدمعة جفنهم عالزجية هناك نشدوا
يا باب شنهو اللي جره
وليش الضلوع امكسره
والباب كسروا خاطره    ..    من عليه ابحزن صدوا

الباب كسروا خاطره و ونّته خفيه
ويدري هوَّ السبب الامهم اليه
وكل فرد منهم يحن  .. وين ياباب الحزن
                   أمنه أمنه
             . . . . . . . . . . . . . .

آه يا حال اليتامه كلمن اتكطع دليله
والحسن وحسين مسحوا دمع من عين العقيله
تصبر الحوراء نوبه حسين يتفجر مسيله
وحسين ينظر للحسن
ويشوفه عالزهره حزن
بالاه والحسره امتحن    ..    والهظم جمره ابغليله

ايتيم يمسح دمعة ايتيم ويصبره
اوياهم ابنفس الوضع زينب الكبرى
بدمع يجري اعله الوجن    ..    وين ياباب الحزن
                   أمنه أمنه
             . . . . . . . . . . . . . .

عاينوا عالباب بيها باقية آثار الجريمه
دم على البسمار باقي يثبت اهوال الظليمه
هنا أثر مطبوع بيها بحقد الجفوف الاثيمه
بالباب أثر جف منطبع
مرسوم من گد الدفع
متقصّد ابكسر الضلع     ..      هالمصيبه اشكد عظيمه

اتقصد العصره وكسر ضلعين منها
و اهيه ابمستحه مذبوح ونها
والكسر ما يستجن  .. وين ياباب الحزن
                   أمنه أمنه
             . . . . . . . . . . . . . .

يا حزن كلب اليتامه بس يتيم اللي يحسه
وبين دمعه ودمعه غصه وكلبه للآهات مرسه
وجلمة ال يمه تجرحه اليفكد امه شراح ينسه
ويا غيبة الام فاجعه
وزينب على امها امصدعه
وعيونها تهل دامعه     ..      والدهر وياها يقسه

يقسه دهر الشوم ويعادي العقيله
ايردها مسبيه على ظهر الهزيله
والصدى باقي يرن  ..    وين ياباب الحزن
                   أمنه أمنه
             . . . . . . . . . . . . . .

خادم أهل البيت عليهم السلام

عمار العيساوي الكربلائی
➖➖➖➖➖➖➖➖➖➖➖

أمل الحياة:
#استشهاد_فاطمة_الزهرا۽_

{استشهاد فاطمة الزهراء/عليها السلام/


من جور الزمن...حلمي وندفن...ماتت هالحبيبه
دمعي يبقه جاري...ابليلي وبنهاري

____

ليلي من يمر...يطلعلي الفجر...ماواحد يجيني
دمعي هامله...وقره البسمله...مرفوعات أديني
أدعي بكل قلب...رجعلي المحب...والدمعه عله عيني
لوا أمي تجي...عندي شكد حجي...بكل هايه سنيني

شيجيب السهر...غير من القهر...والراح اشيجيبه
خالي يبقه داري...ابليلي وبنهاري



الدنيه مظلمه...ياحامي الحمه...ودفنت الزجيه
خافي هالقبر...بدموع الحمر...وتبجي بهالمسيه
تدفن فاطمه...وبيدك هالدمه...أمسحن بديه
بدموع الحزن...أشموعي طفن...شفت أني المنيه

يابويه وينك...لاتغمض عينك...بنتك مو غريبه
تسعر بيه ناري...ابليلي وبنهاري

_

بطكة هالضلع...ضلعي ينشلع...يطلع من مكانه
عينج تنضرب...وانه بالغرب...ضيعنه زمانه
مو ليلي برد...ياحيدر مدد...منهو الي أجانه
أني وأنته بس...نفس عله النفس...غطاني بحنانه

يابويه تره...روحي موجره...ردلي هالحبيبه
ملتزمه بقراري...ابليلي وبنهاري

_

أدير اني الوجه...ألمن اتجه...ومن يسمع نحيبي
لو امي تروح...اني وين اروح...شيطفي لهيبي
اني من الزغر...والله من القهر...طالع هذه شيبي
شيبي بعز شباب...كله من الباب...وعيني تظل تربي


يايمه ردي...بوسيلي خدي...ونتي علينه هيبه
يارب اصطباري...ابليلي وبنهاري



الخادم
مسلم سعد الخفاجي
تمت

آرﯛحِ فدﯛ̲ه آلِـٰٚـِضِـِْحِـڪِـٰٚه آمِـٰٚـِْ✮ِـٰٚـِْيِ ⁞✦⁽🐼:
#استشهاد_فاطمة_الزهرا۽_ع

ــــــــــــــــــــــــــــــــــــــــــــــــــــــــ



مو وكت نوم....واكفه الدنيا اعله بابج
مو وكت نوم....ما شبع منج شبابج
كومي امسحي ادموع ولدج
ماكو تابوت اعله كدج
مو وكت نوم.........مو وكت نوم
................................................
يم حسن أتوجه سكته ولازم اصفاحي وأون
من وكت فاركني طولج وأذكر ايامج واحن
حتى بالعصره حنينه ابضلعج امدفيه الابن
شايلج بس اعله راسي شلون اشيلج علمتن

صعب الفراك......شنسه منهن ذكرياتج
صعب الفراك.......باقي أسولف وي عباتج
حكي من أعثر بدربي
راحت ام بيتي وام كلبي
مو وكت نوم......مو وكت نوم
..................................................
يابعد حيلي وشبابي أبروحتج ماظل صبر
منهو دافن قبل روحه بحفره شيسوي العطر
صار نقطة ضعفي ضلعج بلحظه باكوني عمر
لازم أصورج بعيني خوفي ياخذهن كبر

شلي بلبيت.....من اجيله وما اشوفج
شلي بلبيت.....الينفتحلي ابلا جفوفج
بكد حسن وحسين عشنه
محسنج ما شم حضنه
مو وكت نوم........مو وكت نوم
................................................
رحت لميت اليتامه وأدعي من حلمي أفز
الكال شفت الزهره بيهم كالذي انطاهم كنز
كاعد ابابج مثلهم بعدج اسيوف وتحز
بلكي اشوفج جايه الهم شايله بأيدج خبز

يم الحسين.......عمري ماعفتج لوحدج
يم الحسين .......بعده ما ذبلان وردج
تبجي الايتام الأجتج
شافوا الدم بعتبتج
مو وكت نوم......مو وكت نوم
................................................
شنسى منج يلزجيه وعطرج أمرخص الهوى
ام علي الفقره تكلج جي كضيناها سوه
أتيتمت من رحتي مني وبيتج أظلم يم ضوه
وبمجان اضلوعج اخذي ضلوعي جايبهن دوه

كومي وياي.....ضلوعي من فدوه لدمعتج
كومي وياي.......شنهو عود هنانه ضلتج
باقي أتلفت واباوع
واحد ومن امه ضايع
مو وكت نوم........مو وكت نوم
................................................
منين ما اصدلج زغيره وباقي بس دمعات اصب
بكل درب بي جنت امشي شموعج أمحليه الدرب
مشتهي اسمع ولو حيدر روح تنتظرك حرب
يم حسن نامي ابمجانج المن امخلي الكلب

هواي الجروح......لجن جرحج ماكو منه
هواي الجروح......ما مصدكها افتركنه
خل يدفنونه سويه
حتى تغفين اعله اديه
مو وكت نوم........مو وكت نوم

احمد ماجد الكلابي

💫 هدِٰ૭وء الْٰ૭ورِٰدِٰ 💫:
#استشهاد_فاطمة_الزهرا۽_ع


ــــــــــــــــــــــــــــــــــــــــــــــــــــــــ

يلي ماعندچ مناره. المن انويها الزياره
لامقام ولاضريح. وين ازورچ واستريح
يلي ماعندچ مناره
………
وين اشم تراب منچ وينه گبرچ يامكان
بالارض مدفونه انتي لو صعدتي للجنان
رايد اقرالچ زياره واشعر ابچفچ امان
وين ادورنچ واجيلچ انتي وين بيازمان
روحي من بعدچ غريبه. فرگتچ اكبر مصيبه
اني ارفس كالذبيح. وين ازورچ واستريح
يلي ماعندچ مناره
………
ليش گبرچ مخفي عني انه مادافعلي باب
يالزچيه وحق ضلعچ عشت وياچ المصاب
وزعيت الخاطر ابنچ دمعة الناظر ثواب
رايد الشباچ اشوفه وينتهي هذا العذاب
رايد الحضره اطبها.. واسجد واشتم عتبها
كون يم بابچ اطيح. وين ازورچ واستريح
يلي ماعندچ مناره
…… .
انشد طيور المدينه بلكي تسمع هالكلام
ليش ملتمه ابقيعچ كلهن اسراب الحمام
صدفه لو مقصوده هايه المعنه بطيور السلام
عجبة المامش مثلها تغفه عالگاع وتنام
چنهن اباب المغاره..والنبي ارسل اشاره
كسرت الخاطر جريح. وين ازورچ واستريح
يلي ماعندچ مناره
…… ..
رايد ابواهس دمعتي مره اطب الحضرتچ
والگي بيها الگاع خضره وبيها طش امروتچ
ابابچ امعلگين جربه امترسه من دمعتچ
عالدرب العيون وگفت تشتهي بس شوفتچ
وريحة المي علقميه..وزينب اتوزع ضحيه
واگفه وتصرخ تصيح. وين ازورچ واستريح
يلي ماعندچ مناره
…… .
هاي كومه سنين مرت مااجه عاشگ يزور
لاعطر طگ ابحضرتچ لاصواني ولابخور
لاذهب لصفاته بانن فقط تربان وصخور
فرت اعليچ الليالي والمواسم والدهور
وانتي بالغربه وحيده. وعن محبينچ بعيده
دهرچ ويانه شحيح. وين ازورچ واستريح
يلي ماعندچ مناره
………
علي الحاج الصبيحاوي

مولاتﮰ زينب:
#استشهاد_فاطمة_الزهرا۽_ع


ــــــــــــــــــــــــــــــــــــــــــــــــــــــــ

يلي ماعندچ مناره. المن انويها الزياره
لامقام ولاضريح. وين ازورچ واستريح
يلي ماعندچ مناره
………
وين اشم تراب منچ وينه گبرچ يامكان
بالارض مدفونه انتي لو صعدتي للجنان
رايد اقرالچ زياره واشعر ابچفچ امان
وين ادورنچ واجيلچ انتي وين بيازمان
روحي من بعدچ غريبه. فرگتچ اكبر مصيبه
اني ارفس كالذبيح. وين ازورچ واستريح
يلي ماعندچ مناره
………
ليش گبرچ مخفي عني انه مادافعلي باب
يالزچيه وحق ضلعچ عشت وياچ المصاب
وزعيت الخاطر ابنچ دمعة الناظر ثواب
رايد الشباچ اشوفه وينتهي هذا العذاب
رايد الحضره اطبها.. واسجد واشتم عتبها
كون يم بابچ اطيح. وين ازورچ واستريح
يلي ماعندچ مناره
…… .
انشد طيور المدينه بلكي تسمع هالكلام
ليش ملتمه ابقيعچ كلهن اسراب الحمام
صدفه لو مقصوده هايه المعنه بطيور السلام
عجبة المامش مثلها تغفه عالگاع وتنام
چنهن اباب المغاره..والنبي ارسل اشاره
كسرت الخاطر جريح. وين ازورچ واستريح
يلي ماعندچ مناره
…… ..
رايد ابواهس دمعتي مره اطب الحضرتچ
والگي بيها الگاع خضره وبيها طش امروتچ
ابابچ امعلگين جربه امترسه من دمعتچ
عالدرب العيون وگفت تشتهي بس شوفتچ
وريحة المي علقميه..وزينب اتوزع ضحيه
واگفه وتصرخ تصيح. وين ازورچ واستريح
يلي ماعندچ مناره
…… .
هاي كومه سنين مرت مااجه عاشگ يزور
لاعطر طگ ابحضرتچ لاصواني ولابخور
لاذهب لصفاته بانن فقط تربان وصخور
فرت اعليچ الليالي والمواسم والدهور
وانتي بالغربه وحيده. وعن محبينچ بعيده
دهرچ ويانه شحيح. وين ازورچ واستريح
يلي ماعندچ مناره
………
علي الحاج الصبيحاوي

وفاء --- ام البنين ع:
#استشهاد_فاطمة_الزهرا۽_ــــــــــــــــــــــــــــ


حضن الامان... ودَعَت روحي
راح الحنان ... وابتدي بنوحي
 
دمعي مالحظه نساني
ماخذ امي  يازماني
..................

امي هذا الكون كله من نداهه
الاجل ليش استعجل ومني خذاهه
من مشت امي خذت روحي وراهه
ابلايه ام  الدنيه صار اضلم ضواهه

ماادري ليش...انحرم منهه
مطلوبه بيش...ابتعد عنهه

ماتت وياهه الاماني
ماخذ امي يازماني
.....................

يازمن دلالي تبقه موجره ناره
الغابت امه ايبين ابمشيه انكساره
تصرخ ابوجهه علامات الخساره 
وانه لفراك امي دمعاتي اتجاره

المن اشيل....دمعه بعيوني
وما ابجي حيل... علّي عافوني

وسهمك اليله رماني
ماخذ امي يازماني
........................

ليش تفجعني وخَذْت مني الاحبهه
اتئذي روحي يازمن روحي شذنبهه
ابيض امن الكمر والله امي كلبهه
لليتامه تنطي جانت كل تعبهه

خبز الشعير ....والتعب ماله
حصت الفقير...تضمه لعياله

كلب شالت ماله ثاني
ماخذ امي يازماني
.....................

انه زينب يازماني بحسره انعه
بدت من هل يوم تطشر الجَمعه
ابلا وداع امي مشت ما الهه رجعه
راحت واحمر جفنهه بأثر صفعه

مامرهه يوم.....امي محنيه
جانت  تّكوم.....وتنظر اعليه

اكسر الخاطر تره اني 
ماخذ امي يازماني
..................

بعمر خمس اسنين فاركت الزجيه
يازمن راح اشد حيلي اعله الاذيه
اتحضر الطبرت علي وللغاضريه
احس بيه آلام واكثرهن بديه

منك اشوف... اتئذي دلالي
بحبال اطوف...اديار عذالي

منك اهواي اني اعاني
ماخذ امي يازماني
 ....................

فاطمه سر الاله  وعذبتهه
شلون باجر من تظل اوحيده بتهه
اشجم مصيبه فوك راسي حضرتهه
وحده منهن هايه مرتني وشفتهه

ترستني خوف...خطفت احلامي
ما بعد اشوف....امي كدامي

مو عجيبه شما اجاني
ماخذ امي يازماني


محمد هادي العقابي 

حجابي زينبي:
#استشهاد_فاطمة_الزهرا۽_ع


يا اتـــرف قـــدر اعـــــذر فـاطمه
وي كسر الضلع چا طاحت سمه

يالحـدر الضلع لمن صرت ... ماحميتك
بعيوني الحمر فوك الارض ... شاهديتك

اعذر فاطمه اعذر فاطمه
ــــــــــــــــــــــــــــــــــــــ
يمحـســن وره الباب لاذت قـل هو الاسـرار
ال (وإن) صـاح عـــدووي وفات بضلعي بسمـار
بعصـرته النفس صار دخـــان وهـوه حـار
گبـــل خيمة حسيـن حـــــرگت گلبـك النار


كل اي نفس بيك انحبس
مثــل الشمع صب الـدمع

اجوني. ولوني. زمره. مجرمه
ــــــــــــــــــــــــــــــــــــــ
حچينه بالأنفاس واسمعـك نسمه مو صوت
گلت ليه اسالـچ وصــفـي الدنيا بسكــوت
گـــلتلك خيم نار حــوافـــر تعشگ المــوت
وعليل بخـدر راح والــعــكــــــازه تــابــوت

دنيه ظلـم مـوت وهظم
حتى النده يطيع العـده

اليحبنه ... ويودنه ..كسبهه الغانمه

ــــــــــــــــــــــــــــــــــــــ

يقـــران الترتل داخل جنة احـــلام
قــاريتك برائـه وبابي يرتلك اعـدام
ياكشخة امامه حلمك بي الف عام
يالعمـرك تغيب وادك تحرس اخيام

اوصاف الكمر بنورك ظهـر
يتــــرف بشـر بعصره انحر

والاسباب ... على الباب .. چفوف مسممه

ــــــــــــــــــــــــــــــــــــــ

يالتابوتك اضــلـوع والجنازه حســــرات
طـــوفتك حضرتي من طافني عصـرات
الصله عالجنــــازه اصابيعـي الـــوفيات
سجدن فـوگ الالام عليك وعالجـــراحات

سجدت وفه ونـورك طفه
ويه الكـسر طبعة سطر

مصيبه... عجيبه .. ضلعي يصب دمه

ــــــــــــــــــــــــــــــــــــــ

طحت عالـــوطـــيــه وبيـــدي تلمسيتــك
وعاين عـالــجــــــروح ومــــشـــوه لگيتــك
هوس فوگـــي بسمار وجان اضلوعي بيتـك
بلعصره السكف طـاح وتــعــنـــت منـيـتك



حقد انكشف ضلع انتلف
بجف وعصر مـات العمر

هضيمه. حريمه. عالبابي الخاتمه

ــــــــــــــــــــــــــــــــــــــ

صحـت ليهه فضه وعليك الطفل طاح
والعيون طفــــوهه وبلگـــوه النظر لاح
شفت بيك محــرم بس ماصـاعد ارماح
صحت اه بلحسين شسوي العـــده راح

من ينسحك صدره يطك
ضلع بضلع من نجتمع

وشوفه... بطفوفه .. بجروح الظمه


الخادم سيد صادق الأعرجي

حجابي زينبي:
#استشهاد_فاطمة_الزهرا۽_ع



قصيدة في رثاء امُّ أبيها فاطمة الزهراء عليها السلام


الله أكّــد هيّــه. الراضيه المرضيّه
فاطمة. فاطمة
..........

فاطمة الزهراء معروفه بفضلها
الله بالاكــــــوان ما خالق مثلها
سيّدة كل النسه البـاري جعلها
والنبي المختــــار ربّـاها وكفلها
آيته القُـدسيّــه. الراضيه المرضيّه
فاطمة. فاطمة
.........

الله انـزل عالنبي حكمه وكــلامه
وفاطمه الزهـراء خصّاها بسلامه
اصطفاها البــاري ونطاها الكرامه
أصبحت بس هيّه مصدر للامامه
الشافعه المهديّـه. الراضيه المرضيّه
فاطمة. فاطمة
...........

الراضيه المرضيّه سمّاها الخلقها
من عملها الصالح الباقي وخُلقها
فاطمة بتقواها عاشت وبصدقها
انزل عله النـاس بالقــــرآن حقها
مو مره عاديّه الراضيه المرضيّه
فاطمة. فاطمة
...........

فاطمة الزهــراء معصومة بزغرها
يا مرَه التگـدر تضـاهيــها بقـدُرها
آسيـا ومـريـم ينـهـلـن من بحـرها
أم أئـمّـه ومخفي عن الناس سرها
بالعلم مكفيّه. الراضيه المرضيّه
فاطمة. فاطمة
...........

وصّوا بـحـب فاطـمـة الله ونبيّـه
وحدّث اصحابه النبي سيد البريه
بضعة منّي گـلهم الزهـره الزچيــه
لـكـن الأصحـــاب راووها الاذيّـــه
بالترب مخفيّه. الراضيه المرضيّه
فاطمة. فاطمة

سيد زيد الفحام
________________________

طآلَ آلَآنہتہظہآر(يہآ مہهہديہ):
#استشهاد_فاطمة_الزهرا۽_ع


حوار مولاي امير المؤمنين مع مولاتي فاطمه عليهم السلام

فارگيتج. خالي بيتج
زينب تون يم حسن صبح ومسيه
هذا حالي. ماكو والي

اني والي الدنيا كلها منهو اليه
الله وياچ. الله وياچ
""""""""""""""""""""""""""
فاركيت الروح فاطم اني لمن فارگيتج
إدفنتچ ورديت ادور إبيتي صعبه مالگيتچ
بس جسد ظليت عگبج جن منيتي وي منيتچ
جفن واحد گبر واحد اي نعم من چفنيتچ

هضمة الروح. گلي مجروح
والمصيبه الدار من عندچ خليه
هذا حالي. ماكو والي
اني والي الدنيا كلها منهو اليه
الله وياچ. الله وياچ
"""""""""""""""""""""""""
عشرتي وياج حلوه ابد مامثلچ شفت
وهيج عشره يالزچيه بدنيتي ماعاشرت
ولذلك اني اكلچ متّيّ انتي واني هم مثلج متت
غابت الروح بغيابچ اني هم مثلج غبت

ايي يروحي. إبلايا روحي
واليلاگيني يگلي شبيك ياحامي الحميه
هذا حالي. ماكو والي
اني والي الدنيا كلها منهو اليه
الله وياچ. الله وياچ
"""""""""""""""""""""""""
ماأطب دارچ يزهره كلفه صارت طبتي
والهوه يخنگني عگبچ احس يلچم ريتي
تالي ليل وتفز زينب تريد إمها إبنيتي
تارسه الدنيا بحنانچ كبر عگبچ دنيتي
الهوه يخنگ. بگلبي يحرك
شنهو اكثر بعد من هاي الاذيه
هذا حالي. ماكو والي
اني والي الدنيا كلها منهو اليه
الله وياچ. الله وياچ
""""""""""""""""""""""""""
صاحبي البير البقالي عگبچ وماكو صحيب
بعز شبابي عليچ والله طلع بعيوني المشيب
حدبت من المصايب ميت الفارك حبيب
بس إلهي وبير سري همه سمعولي النحيب

البير ينحب. وياي شيب
فاض بعيوني الدمع هم فاض ميه
هذا حالي. ماكو والي
اني والي الدنيا كلها منهو اليه
الله وياچ. الله وياچ
""""""""""""""""""""""""""""
تالي ليلي من اجيلچ كلشي بعيوني ظلام
اي نعم ارتاح يمج بالگبر يمج انام
سلميت عليج فاطم طلع مجروح الكلام
رد سلامج دمه ينزف والسلام علئ السلام

نومة آلام. صعبه الاحلام
احلم بضلعچ تراني والله ليليه
هذا حالي. ماكو والي
اني والي الدنيا كلها منهو اليه
الله وياچ. الله وياچ
"""""""""""""""""""""""""""""""
تمت ولله الحمد / المقصر مع الحسين
علي النائلي