الرادود الحسيني ملاهيثم اللامي قصائد وألحان خادم الزهراء ع🎤

استشهاد فاطمة الزهراء عليها السلام

ماتت امي الغاليه.    
وداري ظلت خاليه
الدنيا ظلمه وموحشه بفرگاها
ودعتني وگلبي راح اوياها
امي امي.       امي امي
..................

مـن مثلـها      امي رحمه وخير ربّتنه عله اديها
دافي ظِلها.     خيمة الحب والحنان انلوذ بيها
ربنه جَـلّها.       الله من سابع سمه يسلّم عليها
يا فضـلها        الجنة تحت اقدام امي موصّفيها

امي كلش صافيه
امي هيه العافيه
الراحه بس يم امي دوم الگاها
ودعتني وگلبي راح اوياها
امي امي.       امي امي
..................

شكد تحبني      تعبت علية شكثر امي الحنينه
عـلّـمتـني.     طيبه امي وطاهره وحره وامينه
والـذهــلني      مو فقط تدعي الي لكل المدينه
آ يـحــزني       راحه ماشافت ومن ماتت حزينه

لأن مثل الآيه
عـذّبوها هوايه
الله يلعن كل بشر اذّاها
ودعتني وگلبي راح اوياها
امي امي.       امي امي
..................

كل عمرها.    امي ماتهوى الترف عاشت فقيره
يا صبـرها.   مثل باقي الفقره تگعد عالحصيره
يا قــدُرها.     الناس ما تعرفها عند الله چبيره
من فكِـرها.    بالعلم والتقوه صارت كالاميره

من عُظم تقواها
تنقبل دعــواها
طاهره ورب العرش زكّاها
ودعتني وگلبي راح اوياها
امي امي.       امي امي
..................

من طبعها.    تنشد عله الفقره وتعين اليتامه
وبدمعها.      الليل تگضيـه بالعباده وماتنامه
دُر نبعها.      تدعي للايمان والحب والسلامه
الماسمعها.    هذا خاسر لاشك بيوم القيامه

الناس تعرف صيتها
كعبة الله أبّـيـتـها
الله سرّ الكون كلّه انطاها
ودعتني وگلبي راح اوياها
امي امي.       امي امي
..................

شاع اسمها       فاطمه بضعة مُحمَّد ام ابوها
يا ألـــــمها.     من رحل عنها الصحابه عذبوها
سـال دمها.     دفعو الباب بضلعها وصوّبوها
زاد هــــمها.      وصّه بيها المصطفه بس مارعوها

تبچي دم خلّوها
بلا ذنب اذّوها
تدعي للباري وتبث شكواها
ودعتني وگلبي راح اوياها
امي امي.       امي امي
..................

ودعتنه       امي ماتت من قهرها ومن حزنها
فارگتنه.      من ألم كسر الضلع ماتت اظنها
افجعتنه.     يُمّه اني حسين اصيح وهل جفنها
يتّمتنه.       حنّت وشبگتنه ملهوفه لحضنها

بالنعش شالوها
للگـبـر ودّوها
بآخر الليل الوصي واراها
ودعتني وگلبي راح اوياها
امي امي.       امي امي

سيد_زيد_الفحام
__

للزهراء عليها السلام


للزهراء.            احمد العكيلي

كون ابنيلج مكان بروحي
حتى تغفه اجروحج اويه جروحي
بين هاي عيوني باتي     آه يازهرة حياتي
كون ابنيلج مكان بروحي
ــــــــــــــــــــــــــــــــــــــــــــ
شفت بعيونج مآسي تحمل انواع الالم
سولفت عينج عليه عالظلع من انهشم
سولفت عالظالم الـما راعه حقج من هجم
سولفت عن الجنين المن ظلمهم ما سلم

شفت بعيونج عتاب وحيره
 قصّتج تجرح شعور الديره
لا محال الحزن آتي   آه يازهرة حياتي
كون ابنيلج مكان بروحي
ــــــــــــــــــــــــــــــــــــــــــــ
غاليه دموعج عليه وتشعل بگلبي جمر
وانتي تدرين بغلاتج عندي يا ربح العمر
لخاطر عيون الوصيه اتحملت آنه اشكثر
ابد ما ارضه ابأذيتج لو عذابج يستمر

حيدر آنه وبالشدد عرفوني
بالوصيه اتمسكت شافوني
وانه معروفه صفاتي   آه يازهرة حياتي
كون ابنيلج مكان بروحي
ـــــــــــــــــــــــــــــــــــــــــــــــ
سولفيلي يالزجيه وين اكثر ياوجع
ويه كل ونه ابونينج آنه احس گلبي انفجع
والالم عاشر نظرتج والحزن بيها انطبع
سكته تجري دموع عينج والالم صوته ارتفع

الدنيه ترخص لليفارگ غالي
مايظل بيها طعم للتالي
ياطعم كل ذكرياتي     آه يا زهرة حياتي
كون ابنيلج مكان بروحي
ـــــــــــــــــــــــــــــــــــــــــــــــ
للرحيل امحزمه امرج والرحيل اشگد صعب
ياخذ بدربه السعاده وينملي احزان الدرب
فاطمه واسمج نقشته بين طيّات الگلب
ياشريكة فرحي بعدج عالفرح اعلن حرب

يالوجودج سبب راحة بالي
وبغيابج تنتهي آمالي
بيده يذبح امنياتي  آه يازهرة حياتي
كون ابنيلج مكان بروحي
ـــــــــــــــــــــــــــــــــــــــــــــ
انتي يمي وهذا حالي شلون لو ضعنج بعد
آنه قالع باب خيبر هسه احس جسمي ارتعد
شلون اقنّعهه اليتامه شلون اصبّرهم بعد
وانه هجرج ما حملته وللحزن گلبي استعد

شلون زينب تقتنع من دونج
والحسن وحسين ما ينسونج
صعبه بعدج نايباتي   آه يازهرة حياتي
كون ابنيلج مكان بروحي
ــــــــــــــــــــــــــــــــــــــــــــــــ

تعبانه بويه اهوايه تعبانه
تدري انجويت اهنانه وهنانه
لتكلي بويه شلوني      سووها زرگه امتوني
****
عالرمح راسك ودار العين اليه
جن تگلي شلونج ابنيتي رقيه
شرد اسولف وآنه محتركات اديه
من اليسر والضيم بويه شظال بيه

مجروحه من فرگاك مجروحه
ويابويه راسك عالي ما الوحه
غيمه الدمع بعيوني       وسووها زرگه امتوني
**
اركض وبثيابي بويه مجلبه النار
حافيه وكل ساع اعثر والرمل حار
عليه كل الطك يبويه والشتم صار
زغيره وجروح البمتني كلهن اكبار

تدري شكثر بالصوط ضربوني
من صوطه بويه راحن امتوني
ابجي شكثر خلوني     وسووها زرگه امتوني
* 
ليش سلابي يبويه ما رعاني
حيل جر ترجيتي مني ودرفعاني
گمت اصيح ودمي ظل يجري من اذاني
گتله بت حسين انه وشتماني

وآنه صحت لو عندك بنيه
جا ما خذت من عندي ترجيه
لمن رحت هضموني       وسووها زرگه امتوني
****
بويه اجانه الليل واحنه بلايه خيمه
بالحوافر بويه راحت جم يتيمه
والشمر يفتر عله زينب هضيمه
وتدري شوغات اليسر كلش اليمه

عماتي وينك گامن ايصيحن
وكلهن سوه لوجرهن ايطيحن
وانه شكثر جروني     وسووها زرگه امتوني
*
اه يدرب الشام يالوعت عذابه
واحنه ماعدنه عشيره ولا كرابه
صعبه من خلونه يابويه بخرابه
بلا سگف ونام گمنه عله الترابه

آنه عله زينب دمعي يتجاره
ازرك متنها وبينه محتاره
الزينب تغير لوني     وسووها زرگه متوني
***
بويه من النوم فزيت واريدك
وانه ما متعلمه انام اله عله ايدك
بشوك احضننك ردت وشتم وريدك
عالطشت خاف ابجي بويه وحرگه ازيدك

جابولي راسك بويه جابولي
هذا ابوج حسين كلولي
وعليه متت شافوني     وسووها زرگه امتوني
***
تمت
ميثم العمري

.
الرد الحيدري الايراني

من كان مع الله … كان الله معه 
....................................
اضرب من حديد.. ثاراً لشهيد
خيبر يا علي .. عادت من جديد 
…………..
بالقصف الرهيب … زلزل تل ابيب
امضي يا همام … فالنصر قريب
..................................... 
من كان مع الله … كان الله معه 

اثلجت القلوب … واسيت الجنوب 
 اجليت الظلام… يا ليث الحروب
…………
شاورت الإمام …. والقادة العظام 
افجعت اليهود …. عينٌ لا تنام 

من كان مع الله   كان الله معه
.......................................

للدم ولي       انت ياعلي
نصر الله كان   للدين حمي

يانسل الاباة     ناراً للطغاة 
في كفك نراه    نصر الله ات

من كان مع الله   كان الله معه
.................................
✍️ ابو منتظر الحريشاوي
▪︎▪︎▪︎

دُعاء الفرج

اَللّهُمَّ۞
۞کُنْ لِوَلِیِّکَ۞
۞الْحُجَّةِ بْنِ الْحَسَنِ۞
۞صَلَواتُکَ عَلَیْهِ وَعَلی آبائِهِ۞
۞فی هذِهِ السّاعَه وَفی کُلِّ ساعة۞
۞وَلِیّاً وَحافِظاً وَقائِداً وَناصِراً وَدَلِيلاً
۞وَعَیْناً حَتّی تُسْکِنَهُ أَرْضَکَ۞
*۞طَوْعاً وَتُمَتِّعَهُ فیها۞
۞طَویلا۞ برحمتك ياأرحم الراحمين

       

لأستشهاد السيد حسن نصر الله (رضوان الله عليه )
------------------------------------


ما تخلص   بچلمة   هانت اسم الله
بله    شلون  نحمل    هلخبر  بله  ؟
مات الخله   رجفه بداخل اس رائي ل
الكسره اليوم كسرة حسن نصر الله

كضت الشيعه اظهورهه اعليك
تنگب  الماو     انجاب  طاريك
لو    تنشرى    بالروح   نشريك
ما   ظل  گلب  يحمل  وينعيك


يا  خبر  موتك  ما   حملناه
راح  اليلاوي  الموت  يمناه
بوكت  الشدايد  دوم ننخاه
راح  ويريت   انروح   وياه


شبساع   بعد  الساتر   ايريد
سيد  حسن  والموزمه اتزيد
موتك   صعب يلزلمه يلحيد
لامن   جسد ونشيعه لا   آيد


لا من  وداع  وشبگة  احباب
لا  من  بچينه  بصف  التراب
شيعنه  اسمك  والجسد وين
ذاب  المصيبه اتوذر    وذاب


شلونك  يسيد   بآخر   انفاس
صحت الحسين واسم  عباس
بعد  العمامه  السوده  علراس
يا  ناس   راح احاه   يا  ناس


گاع    الجنوب    اتريد    خيال
والضاحيه   وكل  ذيچ الارجال
لبنان      مو   وحدهه     تنعاك 
بچتف العراق   اليوم      تنشال


بكيفك   موت   يمبچينه   بچفاك
الشهاده اتلوگلك  اي ترهم  وياك
الما  يحزن عليك   وناسي  ينعاك
بعيد  الشام  هذا   امعيد    هناك



تمت ،،  رعد الفريجي

أمير المؤمنين مخاطبا الزهراء صلوات الله عليهما . بلسان الحال :

ريـت يـنـدار الــكـسر بــضلـوعـي
فدوه حاچيني وارحمي ادموعي
فاطم .. ليش ياروحي السكوت
فاطم .. حـيدر آنــه راح امـوت
يل زچيه    يل زچيه
__

ريت يندار ابضلوعي  كسر ضلعچ فاطمه
او ريت روحي گبل روحچ كون صعدت للسمه
يا ضوه الدنياي اگعدي اعليچ عيني امعلّمه
الچانت ابوجهچ تصبّح اصبحت تهمل دمه

يل رحتي او عفتيني طير ابلايه اجناح
لا عايش متهنّي لا ميت مرتاح
كل ساعه بفراگچ تاخذ سبع ارواح

فاطمه والله العمر ما ريده
انتي دنياي او صفيتي ابعيده
موحش .. بيتي من دون البيوت
فاطم ..   حـيدر آنــه راح امـوت
يل زچيه    يل زچيه
__

سلوتي او نبضة دليلي انتي كل دُنيا علي
انت كلشي الي احبه انتي نعمه امن الله الي
رحتي والدلّال عگبچ ليل وانهار ايغلي
فاطمه ابيوم الدفنتچ چني دافن كل هلي

والدافن أحبابه ايضل عايش مكسور
ايضيعوني او يلگوني متوسد لگبور
چن گاع او عطشانه هيچ ابگلبي افطور

ركني مهدود او نحيله اعظامي
والله ما يحمل بشر الآمي
علگم .. ألهوه ابريتي يفوت
فاطم .. حـيدر آنــه راح امـوت
يل زچيه    يل زچيه
__

يوم عصروچ وشهگتي كل نفس بيه انگطع
طلعو البسمار منچ لاكن ابصدري انطبع
ويه كل دمعه اعله خدچ فاطمه گلبي انشلع
ابگد وجع ضلعچ يروحي مهجتي حِملت وجع

يل زهره او بفراگچ تبچي اعليه الناس
مو گلبي.  ايون جسمي من جدمي للراس
چن صخره اعله اضلوعي مكتوم الانفاس

روحي طلعت بس جسد شوفيني
راح حيلي امن البچي وونيني
عگبچ .. فرفحِت ما ضلي صوت
فاطم .. حـيدر آنــه راح امـوت
يل زچيه    يل زچيه
__

آه ياليلة دِفنتچ دفنت ابصدري جمر
لملمت عافيتي كلها او ضوه اعيوني والعمر
اوياچ كلهن وسدتهن فاطمه ابنفس الگبر
واگعدت ويدي اعله خدي مدري بعدچ شنتظر

شتنطر بغيابچ غير الون والآه
ملچ الموت اشماله ما ياخذني وياه
من روحچ يقبضها علي المن خلاه

عل تراب المات كون انوسده
اشلون اوسد الي غده ازرگ خده
حيره .. منها كل حيلي يموت
فاطم .. حـيدر آنــه راح امـوت
يل زچيه    يل زچيه
__

وسدت خدچ بديه وهاي آخر شوفه الچ
او خضبت شيبي ابدمعتي فاطمه اواتوسلچ
ارد اوصيچ ابوصيه  الطاها من يستقبلچ
گولي حيدر موش حيدر يوم عني يسالچ

گليله بس دمعه او يتحسر عل راح
يتگلب كل ليله ايموت ابكل مصباح
من حيدر يابويه ضلت بس اجراح

علي باقي بس نفس گليله
اصواب خدي والضلع هد حيله
ناحل .. والدمع صايرله قوت
فاطم .. حـيدر آنــه راح امـوت
يل زچيه    يل زچيه
__

اوداعة الله يل زچيه نامي نوم العافيه
من زمان اعيونج انتي امن الالم ما غافيه
نامي يل كلچ محنه يم سوالف دافيه
لا صبر ينفعني عگبچ لا دموعي شافيه

چن يعگوب اعيوني عاميها الدمعات
چم مره اشتم گبرچ واتگلي الاموات
ماترجع ما ترجع ياحيدر هيهات

والله لو موتي يصح بيديني
گبل عينچ چان اغمض عيني
ابگلبي ..  اتگطعن كل البتوت
فاطم .. حـيدر آنــه راح امـوت
يل زچيه    يل زچيه
__

ابو فاطمة الطائي

(وهذا يوم فرحت به آل زياد وآل مروان بقتلهم الحسين صلوات الله عليه)
واليوم أبنائهم كذلك يفرحون باستشهاد سيد وفخر المقاومة
سيدي يا ابا هادي لا يليق بك الا الشهادةفي سبيل الله .

انا لله وانا اليه راجعون
انكسر المذهب

رددو كل يوم صباحاً 🦋:

1 :الْحٍمَدٍ للـّہ الذي عرفني نفسه
ولم يتركني عميان القلب
2 : الْحٍمَدٍ للـّہ الذي جعلني مـن امه محمد (ص)
3 : الْحٍمَدٍ للـّہ الذي جعل رزقي في يديه
4 : الحمدالله الذي ستر عيوبي ولم يفضحني بين الخلائق

#صباح_الخير_والعافية

#استشهاد_فاطمة_الزهرا۽_ع


كعده .. للزهراء ع

اتلث يتامة انجمعوا بهاي المسيه
وگعدوا ابسد باب فاطمة الزجيه
ونشدوا ابدمع الجفن .. وين ياباب الحزن
                   أمنه أمنه
             . . . . . . . . . . . . . .

عكب ما دفنوا الزهره وجلجل الليل ابسواده
الليلة سهرانة العقيله عدها شوفة امها عاده
زينب اتعودت تنام ايصير حجر امها وساده
ولمن مشت ست النسه
والدهر وي زينب قسه
ما غمّضت هذا المسه    ..     امكحله ابفجر الشهاده

طلعت ولن الحسن وحسين يمه
واحد إيناشد الآخر وين أمنه
وزينب وياهم تون  .. وين ياباب الحزن
                   أمنه أمنه
             . . . . . . . . . . . . . .

راحت اوي اخوتها زينب على باب الدار گصدوا
اتلث يتامه ابحزن وبهم يم هذيج الباب گعدوا
اتلاثه وبدمعة جفنهم عالزجية هناك نشدوا
يا باب شنهو اللي جره
وليش الضلوع امكسره
والباب كسروا خاطره    ..    من عليه ابحزن صدوا

الباب كسروا خاطره و ونّته خفيه
ويدري هوَّ السبب الامهم اليه
وكل فرد منهم يحن  .. وين ياباب الحزن
                   أمنه أمنه
             . . . . . . . . . . . . . .

آه يا حال اليتامه كلمن اتكطع دليله
والحسن وحسين مسحوا دمع من عين العقيله
تصبر الحوراء نوبه حسين يتفجر مسيله
وحسين ينظر للحسن
ويشوفه عالزهره حزن
بالاه والحسره امتحن    ..    والهظم جمره ابغليله

ايتيم يمسح دمعة ايتيم ويصبره
اوياهم ابنفس الوضع زينب الكبرى
بدمع يجري اعله الوجن    ..    وين ياباب الحزن
                   أمنه أمنه
             . . . . . . . . . . . . . .

عاينوا عالباب بيها باقية آثار الجريمه
دم على البسمار باقي يثبت اهوال الظليمه
هنا أثر مطبوع بيها بحقد الجفوف الاثيمه
بالباب أثر جف منطبع
مرسوم من گد الدفع
متقصّد ابكسر الضلع     ..      هالمصيبه اشكد عظيمه

اتقصد العصره وكسر ضلعين منها
و اهيه ابمستحه مذبوح ونها
والكسر ما يستجن  .. وين ياباب الحزن
                   أمنه أمنه
             . . . . . . . . . . . . . .

يا حزن كلب اليتامه بس يتيم اللي يحسه
وبين دمعه ودمعه غصه وكلبه للآهات مرسه
وجلمة ال يمه تجرحه اليفكد امه شراح ينسه
ويا غيبة الام فاجعه
وزينب على امها امصدعه
وعيونها تهل دامعه     ..      والدهر وياها يقسه

يقسه دهر الشوم ويعادي العقيله
ايردها مسبيه على ظهر الهزيله
والصدى باقي يرن  ..    وين ياباب الحزن
                   أمنه أمنه
             . . . . . . . . . . . . . .

خادم أهل البيت عليهم السلام

عمار العيساوي الكربلائی
➖➖➖➖➖➖➖➖➖➖➖

السيده زينب والزهراء عليها السلام


بيه الج حسره ...وكلمن وصبره
غربه صارت بالمدينه عيوني مخنوكات
توها جانت عافيتنه وماتت الكلمات
ياهو بعدج يبقه النه ذني هم حسرات   ذني هم حسرات
                             *

والله دارت... اي ييمه وجانت امالي اشكبرها
هسه صارت...الميته امه  يگضي عمره يم كبرها

جنت احسب يمه اشوفج فيء علينه
بسدج اكضي الليل كله يالحنينه
وينه حضنج يمه ذاكَ البي ربينه
والله مشتاكه لكعدتج وال حجينه

ضايع  ابعمره ...الفاكد الزهره
حزنج وفكدج ييمه بينه مرسومات
توها جانت عافيتنه وماتت الكلمات
ياهو بعدج يبقه النه ذني هم حسرات   ذني هم حسرات
____
شحجي يمه ... كلشي يكتل بينه صاير حتى فكدج
وكلشي ضلمه... منين اجيب الوان تشطب بينه حزنج

وحشه صارت كل محاچيها المضايف
الخنگة تفتر چنها واحد صوته خايف
ياهو مثلج من تعزبه تصب سوالف
حتى طير الله اليچهبج كلبه لاهف

بسمج السفره...حيرت فقره
ردت اضم اضلوعج النه تالي مكسورات
توها جانت عافيتنه وماتت الكلمات
ياهو بعدج يبقه النه  ذني هم حسرات   ذني هم حسرات
___
بنيه وحده ...وماتت امها تخيل بهاي المصيبه
ياهو انشده... يكلي اعضم يوم الج يوم الغريبه

يبدي دمعي ،بروحي اسافر كلبي شارد
بيمن التم شنهي اصيرن، وانه واحد
حيره من تكبر، صفنتي ،والمشاهد
ياهو بيكم شاف موته وهو كاعد

ينحفر كبره...المختنك صدره
الحيره تكبر بينه باجر وحنا علويات
توه جانت عافيتنه وماتت الكلمات
ياهو بعدج يبقه النه وذني هم حسرات.   ذني هم حسرات
___

يبدي فكري...من الحزن ياخذ مراحل انتصاره
منهو يدري...الواكف ابحيلين طالع من خساره

بهيبه توكف من يحصدوها السنابل
ماتنزل راس اذا شافت مناجل
زينب انه وهذا حالي بكل مراحل
من حزن امي وهضمها للمحامل

الينكطع عطره...روحه متأسره
باجر التاريخه يكتب ،هيبه، متأسرات
توهه جانت عافيتنه وماتت الكلمات
ياهو بعدج يبقه النه ذني هم حسرات.  ذني هم حسرات


(اللحن موجود للنص )

ليث كريم جحالي

رددو كل يوم صباحاً 🦋:

1 :الْحٍمَدٍ للـّہ الذي عرفني نفسه
ولم يتركني عميان القلب
2 : الْحٍمَدٍ للـّہ الذي جعلني مـن امه محمد (ص)
3 : الْحٍمَدٍ للـّہ الذي جعل رزقي في يديه
4 : الحمدالله الذي ستر عيوبي ولم يفضحني بين الخلائق