القلوب النقيه للخدمه الحسينيه

تجليبة للإمام علي الهادي عليه السلام

نيران الكلب تسعر ولهابه
علي الهادي يشيعه يوجع اصوابه

يوجعنه مصابه وحيل ياذينه
بسامره وسجنها خلصن اسنينه
وبسم المنيه سوربت عينه
الكون أظلم عليه وينوح لمصابه


الكون اعليه تغير وانخمد لونه
والدنيا لغيابه اصبحت محزونه
بلهفه شيعته طلعوا يشيعونه
وكعدوا عالكبر يبجون احبابه


شذنبه وسممه الظالم بلا رحمه
ومحه الخير بعملته وكفر بالنعمه
بداره تنوح كلها الناس ملتمه
راعي الجود فاركنه وغلك بابه


الف ياحيف باب اهل الكرم مسدود
ونبع الخير كله بالكبر ممدود
وعاف ابنه حزين وحزنه ماله حدود
فراك الوالي ابد ماحاسب احسابه


من يبجي اعله أبيه محد يلومه
عمود البيت طاح وداره مهدومه
يظل عكبه وحيد وبته مالومه
مهضومه البنيه تصيح يايابه


للهادي المناحه ابداره منصوبه
وتجي الوادم تعزي بدمعه مسجوبه
مو مثل الغريب السلبوا ثوبه
ثلث تيام ظل مرمي عله لترابه

✍🏻#أم_محمد_علي_الشيباني

https://t.center/oummohamadalishaibany

فزاعية للإمام الهادي عليه السلام

بسامره نصبت فاطمه
ماتم عزه للهادي


تناديه يمه جيتك
انصب مناحه ابيتك
جوه الترابه الكيتك
نارك تشب بفادي. حا حا


ماطفت تسعر ناري
دمعي عله كبرك جاري
وسفه غطاك الذاري
خلصوا جتل ويلادي. حا حا


عليكم تفور ادموعي
كَسَّروا كل ضلوعي
ذبحوا اصول فروعي
بكل بلد وبكل وادي. حا حا


يوميه روحي رايحه
وعندي مصيبه وفاتحه
اوياي زينب نايحه
بسامره وبغدادي. حا حا


كلبي عليكم شاجر
جماله لمصاب العاشر
يوجعني لسه الحافر
وسهم البكه بالوادي. حا حا


حسين يوجع يومه
مطروح ظل بالحومه
ومسلبات هدومه
ويسره بنات الهادي

ياامامي ياحسين
ياحبيبي ياحسين
ماله محامي ،،،، ياحسين
مذبوح ظامي،،،، ياحسين
ابن الرسول ،،،،، ياحسين
ادوسه الخيول، ،، ياحسين
حسين حسين ياحسين

#أم_محمد_علي_الشيباني

https://t.center/oummohamadalishaibany

وكان المتوكل دائما يقول : والله لأقتلن هذا ا على لمرائي ولكن الله كان يصرفه عن قتله
وبعد وفاة المتوكل الذي جرَّع الإمام الغصص طيلة ١٤ عام عاش الإمام مع حكام ظالمين اجبروهالبقاء في سامراء وبقي ملازما بيته كاظما غيضه صابرا على مامسه من الاذى من بني العباس حتى دس له السم المعتز ويقال المعتمد العباسي لعنهم الله
وصار يعاني من ألم السم الذي مزق احشائه
ولما حانت المنيه دعا ابنه ابو محمد العسكري
وسلمه مورايث الإمامة واوصاوه بوصاياه

ثم انه عليه السلام عرق جبينه وسكن انينه واسبل يديه ومدد رجليه وفاضت روحه الطاهرة إلى ربها

رحم الله من نادى واإماماه وامظلوماه وامسموماه

واجتمع في دار أبي الحسن الهادي جُل بني هاشم من الطالبين والعباسين واجتمع خلق كثير من الشيعه ثمّ فُتح من مصدر الرواق بابٌ وخرج خادمٌ أسود، ثمّ خرج بعده أبو محمد الحسن العسكريّ(عليه السلام) حاسراً مكشوف الرأس مشقوق الثياب، وكان وجهه وجه أبيه (عليه السلام) لا يُخطئ منه شيئاً، وكان في الدار أولادُ المتوكّل وبعضُهم ولاةُ العهود، فلم يبقَ أحدٌ إلّا قام على رجليه.

وقال الراوي جلس العسكري ع بين بابي الرواق والناس كلّهم بين يديه، وكان الدار كالسوق بالأحاديث، فلمّا خرج أمسك الناس فما كنّا نسمع إلّا العطسة والسعلة، ثمّ خرج خادمٌ فوقف بحذاء أبي محمد(عليه السلام)، وأُخرِجَت الجنازة وخرج (عليه السلام) يمشي حتّى خرج بها إلى الشارع، وكان أبو محمد(عليه السلام) قد صلّى عليه قبل أن يخرج إلى الناس، وشيعه جمع غفير فصكت سامراء باهلها في شارع أبي احمد فلما رأى المعتمد ضجيج الناس وبكائهم
خاف على نفسه فأمر بإرجاع الجنازة
ودفن الإمام في داره
الامام الوحيد الذي دفن في داره هو الإمام الهادي
ياموالين يامحبين من المعزى ولمن العزاء
نعزي اليوم مولانا صاحب الزمان وأمه الزهراء وكأني بها تنعى وتقول :


على اخبارك نشدت الراح - وياي
كالوا وسط جبدك لهب - وياي
اجيت وجـبت زينب ليك - وياي
عليها النايحه والون عليه


علي الهادي ييمه اليوم اجيتك
انصب نايحه يبني بثنيتك
يحلو الطول من فدوه اللحيتك
لكيتك عالترب نايم لكيتك

علي الهادي ييمه عليك صاحن
ضلوع امك يبعد الما ارتاحن
الطفن من البواجي وحيل راحن
اعلى تابوتك افصوص العين طاحن

علي الهادي ييمه يفور دمعي
واحس توه انكسر عالنعش ضلعي
وين الناعيه خل تجي وتنعي
هنا يا روس هاشم حزن فرعي

علي الهادي ييمه الگلب شاجر
اكض وجهك واكولن خاف حافر
ساحك على عيونك لو خناجر
بظهرك نايمه والنحر شاخر


يامن يُعاني كَثـرةَ الأرزاءِ
هّلآ وفَدتَ لأرض ِ سامِـرآءِ
فهنـاكَ صَرحٌ للقداسةِ شامخٌ
مثوىً {لهاديِ} العترةِ النُجباءِ

تمت بحمد الله
اعداد وتنظيم أم محمد علي الشيباني

https://t.center/oummohamadalishaibany

مجلس الامام علي الهادي عليه السلام

صلى الله عليك يا رسول الله
صلى الله عليك وعلى أهل بيتك الطيبين الطاهرين
صلى الله عليك يامولاي وابن مولاي ياعلي الهادي النقي

قريض :

يامحنةَ{الاثنينِ} فيكِ أذقتِنا
غُصَصاً من البأسآءِ والضرآءِ

دسُوا إليه السُمَ وآ أسفاً لهُ
فغدا عليلاً ناحلَ الأعضاءِ

وقضىٰ بعيداً عن معالم ِ طيبةٍ
في غربةِ البُلدانِ والأرجاءِ

وعليهِ شَقّ {العسكريُ} ثيابَهُ
والحُزنَ أبداهُ بلا إخفاءِ

شعبي :

شك ثوبه اوليده وينادي
يومك صعب ياعلي الهادي
نارك تره حركت افادي


للهادي الونات كلفه
وسفه كضه مسموم وسفه
جتاله ابموته تشفه

كضه العمر ضيم واذيه
وبالسم لفت ليه المنيه
اويلاه ياروح الزجيه

لاحول ولاقوة الابالله العلي العظيم انا لله وانا اليه راجعون وسيعلم الذين ظلموا آل محمد أي منقلب ينقلبون والعاقبة للمتقين

نحن اليوم بضيافة عاشر الامناء أمامنا علي الهادي عليه السلام
ولد الإمام علي ابن محمد الهادي ع ثاني رجب سنة ٢١٢ للهجرة او ٢١٤، وكانت ولادته في قرية ( صريا ) التي تبعد عن المدينة ثلاثة أميال
استلم الخلافة بعد ابيه وعمره ٦ سنوات وأشهر واستشهد وله من العمر ٤٠ سنه وقيل ٤١سنه
عاش الإمام الهادي ع في مدينة جده رسول الله ص بعد وفاة أبيه الجواد ع قرابة ١٣ عام فأحبه الناس واجتمعوا عليه والتف حوله العلماء وطلاب العلم وكان الشيعة يتصلون به من كل بلد
فكتب ( بُريحة العباسي ) احد انصار المتوكل ان كان لك بالحرمين حاجة فأخرج منها علي ابن محمد فانه دعا الناس إلى نفسه وجمع السلاح في بيته للثورة عليك

فبعث المتوكل قائده يحيى ابن هرثمه إلى المدينة ودخل دار الإمام وفتشها فلم يجد إلا مصباح وكتب العلم
واحضر الإمام إلى سامراء
عانى الإمام في سامراء ماعانى من الظلم والقهر والإقامة الجبريه والمراقبة الشخصيه من حكام بني العباس المعتصم ، والواثق ، والمتوكل ، والمنتصر، والمستعين ، والمعتز
إلى أن مات مسموما بأبي وأمي

وكان المتوكل شديد العدواة لأهل البيت وكان يضمر له الحقد ويحب دائما أن يقلل من شأن الإمام امام الناس
ففي احد الايام جاء إلى المتوكل أحد المشعوذين أصحاب السحر من بلاد الهند فقال له المتوكل: إن أخجلت علي بن محمد الهادي أعطيتك ألف دينار.

فقال الرجل المشعوذ: أجعل على مائدة الطعام خبزاً خفيفاً رقيقاً وأدعو علي الهادي عليها.

ففعل المتوكل وحضر الإمام الهادي، وعندما مد الإمام يده إلى الخبز طار الخبز من بين يديه في الهواء بتأثير من ذلك الهندي المشعوذ، ثم مد يده الإمام إلى أخرى فطارت هي الأخرى، فتضاحك المتوكل وبعض الناس.

عندها غضب الإمام عليه السلام وكانت إلى يساره صورة أسد فضرب بيده على تلك الصورة فبرز الأسد منها، فقال له الإمام: (خذه) وأشار إلى الهندي.

فوثب الأسد على الرجل فابتلعه ثم عاد مرة أخرى إلى الصورة الأولى فتعجب الجميع وداخلهم الرعب والخوف فنهض الإمام وخرج

شدة للإمام علي الهادي عليه السلام

للهادي منصوب العزه يالجعفريه
يمه ينوح العسكري ويبجي اعله ابيه


يبجي اعله ابوه العسكري وبصوت مسموع
ويصيح يابويه عليك الكلب مفجوع
واجب نعزيه ونسيل الدم بالدموع
ونعزي جده المصطفى وامه الزجيه

✍#أم_محمد_علي_الشيباني

شك ثوبه من كثر الحزن وعليه ينادي
ياحيف سموك العده ياعلي الهادي
فراكك صعب يابن الرضا وصوب افادي
ماتنشف دموعي وتظل عالخد جريه

✍#أم_محمد_علي_الشيباني

يومك كلف يالوالي و مصابك هدمني
ماضلي سلوه بدنيتي وكتي هضمني
سم السره بيك وعمل يا بويه سمني
وحشه الليالي من تمر بويه عليه

✍🏻#نبضي_حسين

الخله چبيره بروحة الهادي عله ابنه
ضل وحده ويلي العسكري يجهر الونه
شاف الاذه ويه الابو وچم سنه سجنه
والكون مغبر بالحزن وانطفه ضيه

✍🏻#نبضي_حسين

وحده يويلي غسله وبالجفن لفه
والشيعه حضرت بالعزه تلطم بلهفه
بس الغريب حسين يوم انذبح وسفه
عاري بقه بحر الشمس فوك الوطيه

✍#أم_محمد_علي_الشيباني

تمت بحمد الله بأقلام الشاعرات

https://t.center/oummohamadalishaibany

تطبيق وزن النصاري ـــــــــــــــــــــــــــــــــــ
مسية العافيه اعله ام المصايب
لاعدهه حنين ولا كرايب
━━━━▣♦️▣━━━━
مسية العافيه والمرقد اظلم
يالكلبج على الونه تعلم

ماظن مرقدج مولاتي يسلم

وتحيطه ال أميه والنواصب
*✍🏻أم عبــــــــــد اللـــــــــه العـــــــــابدي*
━━━━▣♦️▣━━━━
يانار المحب تسعر عليها

لاعدها ابو يسال شبيها

ولا اخوه التشد العزم بيها

مثلها امها التون بگلب ذايب
ام جعفر الايرواني
━━━━▣♦️▣━━━━
مثل امها بحزن خلصت عمرها

هايه ام الخدر اه ياصبرها

ماتت واظلم عليها كبرها

لايمهه اهل ولا حبايب
*✍🏻ام حســــــــين الخـــــــفاجي*
━━━━▣♦️▣━━━━
اويلي اعليج يابت الزجيه

بحكم ظلام بامر الناصبيه

اوطفو مرقج اجلاف اميه

كلبج ماشبع من النوايب
زهره الكناني✍🏻
━━━━▣♦️▣━━━━
اهوايه من الدهر انتي حملتي

بين اجناب يامولاتي صرتي

اريد العون ياولياني صحتي

عليها شنو اعداكم حرايب
✍️ ام احمد المنصوريه
━━━━▣♦️▣━━━━
مسية العافيه اعليهاالغريبه

شدوها الحزم آه يالنجيبه

عليچ اليوم دمعتنا سچيبه

ظلمه حضرتچ ياام المصايب
*الحاجه ام احـــ✍ـــمد الحچامي*
━━━━▣♦️▣━━━━

تمت✍🏻 القصـــــــيده بأقلام الشاعرات فـــــــــ✍🏻ـــــــي رابطـــــــة القلـــــ💔ــــوب النــــ🤲ــــقيه غير مبرئ للذمه من يحذف اســـــــــماء الشاعــــــــــرات..
https://t.center/poiukjhhggfffffff

قصيده للسيده زينب ع... وزن الفائزي
ــــــــــــــــــــــــــــــــــــــ
نار اتلظه ابمهجتي الكم يالأخوان
اتمنيتلي واحد يجي يصبحلي دفان
✧►◄❖♦️❁♦️◐❖►◄✧
سبلت اديه بالغرب غمضت العيون
اتمنيت ابواليمه يجي وي اليدفون
نعشي يشيله اعله المتن حماي الضعون


ايسون اليه فاتحه خواني الاحنان

زهره الكناني✍🏻
━━━━▣♦️▣━━━━

يسوون اليه فاتحه وكلهم يجوني

وبموتتي اهل المحنه يشيعوني

فزعة اهل للشام كلهم لو اجوني

يشيلون بهيبة علي اولاد عدنان
*✍🏻أم عبــــــــــد اللـــــــــه العـــــــــابدي*

━━━━▣♦️▣━━━━
يشيلون نعشي اعله الچتف الكافل اوعون
ويحضر ابو اليمه عسن ويه اليشيعون
وتراب گبري يهيله الي ويه اليدفنون
اتمنيت اخوتي وكل هلي بموتي يحضرون

بالغربه وافاني الاجل الوكت خوان

*الحاجه ام احـــ✍ـــمد الحچامي*
┈┉┅━━❀❀━━┉┉┈
بالغربه وافاني الاجل يهل المحنه

انه الغريبه ام الخدر حضرو يهلنه

عباس يحضر دفنتي وبكلبه ونه

وسفه صفيت لوحدي من غير وليان
*✍🏻ام حســــــــين الخـــــــفاجي*
┈┉┅━━❀❀━━┉┉┈
وسفه صفيت الوحدي يهل الحميه.

منتضره واحدهم يجي وينغر عليه.

ومن ماي نهر العلگمي ايگطر اميه

ايغمضون عيني اخوتي بوكت المنيه.

يدرون بيه من الضرب بأجتافي نيشان.
..... .......

بقلم المقصره ام كيان العامرية
━━━━▣♦️▣━━━━

تمــــــ✍🏻ـــــت القصيده بقلـــــــــ✏️ـــــــم شاعــــــــــــــرات القلـــــــ💔ـــــــوب في الخـــــــ🙏🏻ــــــــدمه الحسيـــــــــــــنيه... غير بــــــــــــريء الذمـــــــــــــــــه من يحــــــــــــــــــــذف الاسمــــــــــــــــاء
نسألــــــــــــــكم الدعاء

،https://t.center/poiukjhhggfffffff

قصيده للامام الهادي عليه السلام
«┄┉❈❥ًً❀)🧿(❀❥❈┉

على الهادي الشيعه اليوم محزونه

ابن العسكري دم تهمل اعيونه
«┄┉❈❥ًً❀)🧿(❀❥❈┉
عالهامات تلطم روسها الشيعه

طلعت تركض اوراحت التشييعه

نعش الهادي اجت كلها اعله توديعه

يومه مايهون اعله اليعرفونه
زهره الكناني✍🏻
«┄┉❈❥ًً❀)🧿(❀❥❈┉
يبو محمد يومك بالكلب جمره

ونواسي عليك الزاجيه الزهره

بقت بالروح وظلت بالكلب حسره

اعله ياسايه ابو محمد يسمونه
*✍🏻أم عبــــــــــد اللـــــــــه العـــــــــابدي*
«┄┉❈❥ًً❀)🧿(❀❥❈┉
ونواسي الزجيه اليوم بمصابك

طلعت من كبرهه وروحهه ابابك

كلهه اليوم تبجي سيدي احبابك

من السم يويلي منخطف لونه
*✍🏻ام حســــــــين الخـــــــفاجي*
«┄┉❈❥ًً❀)🧿(❀❥❈┉
نعزي الزاجيه فاطمه المظلومه

تون اعليك ياسيدي ومالومه

سموه العده واحبابه مهظومه

واهله ابعاد ماگدرو يحضرونه
ام✍🏻 جعفر الايرواني
«┄┉❈❥ًً❀)🧿(❀❥❈┉
ياالهادي ابد مايبطل ابچانه

ليش ابياسبب سموك مولانه

على امصابك تون الشيعه حزنانه

الك وسط الگلب مأتم ينصبونه
✍️ام محمد تقي الموسوي
«┄┉❈❥ًً❀)🧿(❀❥❈┉
ماحضروه هله لاجته خوانه

ابعاد اعليه ماشيعو جثمانه

شيطلبونه اوسموه عدوانه

يا ضلام ربكم ماتخافونه
✍️ام احمد المنصوريه
«┄┉❈❥ًً❀)🧿(❀❥❈┉

تمــــــ✍🏻ـــــت القصيده بقلـــــــــ✏️ـــــــم شاعــــــــــــــرات القلـــــــ💔ـــــــوب في الخـــــــ🙏🏻ــــــــدمه الحسيـــــــــــــنيه... غير بــــــــــــريء الذمـــــــــــــــــه من يحــــــــــــــــــــذف الاسمــــــــــــــــاء
نسألــــــــــــــكم الدعاء

،https://t.center/poiukjhhggfffffff

لطميه لمولاتي العقيله زينب عليها السلام
────═❁═────
شيل الرايه الهه اوهوس اعليهه

ماتت من حزنهه مامرض بيهه
✧►◄❖♦️❁♦️◐❖►◄✧
مابيهه مرض ماتت المهيوبه
بالالام اليسر لوعات مصيوبه
شافه ركبتة اعله الشجره منصوبه
حطت راسها وماتت يهاليها

زهره الكناني✍🏻
✧►◄❖♦️❁♦️◐❖►◄✧

لا ســل لا مـرض لا داي بالکبـره

سلت من اخوها ومن گطع نحره

راسـه اگبالها لظـعـن السبي یبره

الله ایعینها یاحـیل ظل بیهه

✍🏻ام ضیغم المحنا
✧►◄❖♦️❁♦️◐❖►◄✧

من ضيم المصايب حيلها مهدوم
منهو اللي مثلها اگليبها مهضوم
شافتهم جثث خوانها فد يوم
ظلت للممات تنادي واليهه

✍🏻ام جعفر الايرواني
✧►◄❖♦️❁♦️◐❖►◄✧

من ضيم اليسر ماتت واسبابه

يابنت النجابه وبنت الهيابه.

تندب ياعلي وتصيح يايابه.

تريد اخوان بالدمعه تواريهه

✍🏻المقصره ام كيان العامرية
✧►◄❖♦️❁♦️◐❖►◄✧
تريد اخوانهه تحضر بدفنتهه

وعباس الشهم بيده يزتتهه
وحسين الحنين يواري جثتهه

وبيها يفتخر لو ذكر ماضيهه

*✍🏻أم عبــــــــــد اللـــــــــه العـــــــــابدي*
✧►◄❖♦️❁♦️◐❖►◄✧
بيها يفتخر تستاهل الحره
الرساله كملتها المبدأ تنصره
لبوه شامخه والعدو اتقهره

مثل حيدر علي طيبه محاچيهه

*الحاجه ام احـــ✍ـــمد الحچامي*
✧►◄❖♦️❁♦️◐❖►◄✧

تمــــــ✍🏻ـــــت القصيده بقلـــــــــ✏️ـــــــم شاعــــــــــــــرات القلـــــــ💔ـــــــوب في الخـــــــ🙏🏻ــــــــدمه الحسيـــــــــــــنيه... غير بــــــــــــريء الذمـــــــــــــــــه من يحــــــــــــــــــــذف الاسمــــــــــــــــاء
نسألــــــــــــــكم الدعاء

،https://t.center/poiukjhhggfffffff

قصيده للسيده زينب ع وهي تنتخي باخيها ابو الفضل ع
────═❁═────

زينب تناديك اكعد يالكفل
كومً ردهم ذول اصحاب الجمل

كوم هزها رايتك
هاي اختك نادتك
ذوله يعبدون اللاة اوهبل
━━━━▣♦️▣━━━━
ردو امن إردود يردون انسبي
خويه انه امخدرة اهل العبي
ترضى ياعباس طبني الناصبي
انه زينب بت علي اوجدي النبي
اكتل كوم عادتك
هاي اختك نادتك

ابد ماعدهم حياء اولاخجل
زهره الكناني✍🏻

━━━━▣♦️▣━━━━
گوم ياعباس واحمي ام الخدر
سدوا البيبان ظلام اوكفر
ركبك اچفوفك وافزع ياگمر
وابعد العدوان ياابن الطهر

انهض اعلن فزعتك
هاي اختك نادتك

يلله وينك خويه افزع يابطل

ب✍ الحاجه ام احمد الحچامي
━━━━▣♦️▣━━━━

هاي اختكم وينكم يأخواني
انه زينب ليش اظل بأحزاني
صرت انه ام الصبر عنواني
ودومي مهظومه بكثر عدواني

شلون تقبل غيرتك
هاي اختك نادتك

عيني تربي لجيتك يبن الفحل

ام جعفر الايرواني✍🏻
━━━━▣♦️▣━━━━
كوم يا عباس ياابو المرجله
انت الك وكفات تشهد كربله

رد عليها اليوم خولي وحرمله

وذاكه الي كال اسبي العايله

الشيعه كلها ابصايتك

هايه اختك نادتك

ياالله عباس يالبيك الامل

ام زين العابدين✍🏻

━━━━▣♦️▣━━━━
خويه ياعباس الحگ يالولي
ظاله ابوحدي تره اني بالخلي
حسين جيبه وياگ گلي إدللي
خايفه عباس گللهم هلي

تصيح آنه بشيمتك
هاي اختك نادتك
اوياك جيبه المهدي ولم الشمل

✍🏻ام علي المالكي

━━━━▣♦️▣━━━━

شنهو ذنبي انه مرتين انسبي.

ويجسر اعليه يخوتي الاجنبي.

مادروا جدي محمد النبي

بس ردت عباس هذا مطلبي

اطلب آنه امروتك.
هاي اختك نادتك.

ما اضن تگطع يبعد اهلي الوصل..

بقلم المقصره ام كيان العامريه✍🏻
━━━━▣♦️▣━━━━
تنادي الحوره يشيلت راسي

بيك ما خايب يخويه احساسي

الك تشهد كل هلي وكل ناسي

الزمن وياي كلش قاسي


خويه اريدن فزعتك
هايه اختك نادتك

الحره ابمحنه يخوهه ابو الفضل

ام ✍🏻رحمه الگاظميه
━━━━▣♦️▣━━━

تمــــــ✍🏻ـــــت القصيده بقلـــــــــ✏️ـــــــم شاعــــــــــــــرات القلـــــــ💔ـــــــوب في الخـــــــ🙏🏻ــــــــدمه الحسيـــــــــــــنيه... غير بــــــــــــريء الذمـــــــــــــــــه من يحــــــــــــــــــــذف الاسمــــــــــــــــاء
نسألــــــــــــــكم الدعاء

،https://t.center/poiukjhhggfffffff

لطميه لسان حال سيد الساجدين وتغسيل عمته زينب عليهم السلام 👆🏻

────═❁═────
مغسلتها تخاف ومادنت الها

وماترضه تجيها ولا تغسلها

━━━━▣♦️▣━━━━
تراهي طاهره وماكو مرض بيها

هاي اسياط اميه هل تشوفيها

هاي ام عون أظنج ماعرفتيها

امصاب حسين اخوها هو كاتلها
*✍🏻زهره الكـــــــناني*
────═❁═────
هاي الي اسمها اختاره المعبود

هاي امها الزجيه منتبة الاجدود

هاي الي صبرهه مثله ماموجود

كتمت كل ألمها والحزن سلها

*✍🏻أم عبــــــــــد اللـــــــــه العـــــــــابدي*
•┄┅══✼°••°✼══┅┄
سلاهه الحزن ويلي يدرب الشام

بقت طول الدرب تتصور الايتام

ويلي اعيونهه من البجي متنام

وسف راح الحنين الي يدللها
*✍🏻ام حســــــــين الخـــــــفاجي*
•┄┅══✼°••°✼══┅┄
هاي اسياطي منهم سوت نياشين

وبمتن العقيله الوافت ويه حسين

زينب هاي يمغسلتها لتخافين

هاي ام الصبر حتى الصبر ملها
زهره الكناني✍🏻
•┄┅══✼°••°✼══┅┄
هاي اختي الحنينه الملكت احساسي

معروفه العقيله هي اعز ناسي

هاي ام عون روحيي

ومكسر نعاسي


كضت بالشام اخيتي الدمعه تهملها
ام ✍🏻زين العابدين لمحمداويه

•┄┅══✼°••°✼══┅┄
عنها وين أخيها الحيد المعدل
زينب يالولي بس الدمع يهمل

تجي ليها يأخوهه وبالكبر تنزل

ويودع الحنينه ويوكفلها


ام ✍🏻 رحمه الگاظميه
────═❁═────

تمــــــ✍🏻ـــــت القصيده بقلـــــــــ✏️ـــــــم شاعــــــــــــــرات القلـــــــ💔ـــــــوب في الخـــــــ🙏🏻ــــــــدمه الحسيـــــــــــــنيه... غير بــــــــــــريء الذمـــــــــــــــــه من يحــــــــــــــــــــذف الاسمــــــــــــــــاء
نسألــــــــــــــكم الدعاء

،https://t.center/poiukjhhggfffffff

قصيده للزهراء عليها السلام وزن الموشح
ــــــــــ▪️ــــــ🔹ـــــــ▪️ــــــ🔹ـــــــ
اليوم فاطم شالت بأحزانها
راحت المدمع يبل اردانها

فراگها ماينحمل
موحش عليها النزل

عافت الدار ومشت لأوطانها
ــــــــــ▪️ــــــ🔹ـــــــ▪️ــــــ🔹ـــــــ
عافت الدار الحنينه وحملت
وروحي بجفاهه وهجرهه تعلعلت

ما أظن امي شصاير بحالي نست

دمعي من دم يهمل
موحش عليها النزل

ريت يدفني ام حسن دفانها
*✍🏻أم عبــــــــــد اللـــــــــه العـــــــــابدي*
ــــــــــ▪️ــــــ🔹ـــــــ▪️ــــــ🔹ـــــــ

ريت يدفني الدفنهه ام الحسن

عيوني عكبج يالزجيه ينعمن

ابجي بدار الحنينه وبس اون

افراكها ماينحمل
موحش عليها النزل

ريت يدفني ام حسن دفانها
*✍🏻 ام حســـــــين الخفاجي*
ــــــــــ▪️ــــــ🔹ـــــــ▪️ــــــ🔹ـــــــ

شالت امي وحملت لا ماترد
عمت عيني رايحه بعمر الورد
لون تدري بحالتي شسوه البعد
فراكهه ماينحمل
موحش علية النزل

من اصد عليها خالي مجانها
ام ✍🏻كرار شكر
ــــــــــ▪️ــــــ🔹ـــــــ▪️ــــــ🔹ـــــــ

ما اريد البيت اريد اوياها

خالي اوموحش صفه ابلياها

طول عمري امي مأأنساها

الدهر طش الشمل
موحش اعليها النزل

ريت انام واغفه ابين احضانها

✍️ ام احمد المنصوريه

ــــــــــ▪️ــــــ🔹ـــــــ▪️ــــــ🔹ـــــــ
تهمل عيوني دمه لأمي البتول
شالت اوخلتني حالي معلول
امي مهجة جدي الهادي الرسول

افراگها امي مو سهل
موحش عليها النزل
او أحزنن تسبيحها او قرانها

ام مرتضى الحواسي
ـــــــــــــ▪️🔹▪️ــــــ


تمــــــ✍🏻ـــــت القصيده بقلـــــــــ✏️ـــــــم شاعــــــــــــــرات القلـــــــ💔ـــــــوب في الخـــــــ🙏🏻ــــــــدمه الحسيـــــــــــــنيه... غير بــــــــــــريء الذمـــــــــــــــــه من يحــــــــــــــــــــذف الاسمــــــــــــــــاء
نسألــــــــــــــكم الدعاء

،https://t.center/poiukjhhggfffffff

قصيده للسيده ام البنين عليها السلام
•┄┅══✼°••°✼══┅┄
مرني اعله عباس مرني اعله عباس
هنا يمن شلت النعش
مرني اعله عباس
•┄┅══✼°••°✼══┅┄
مرني اعله الخيام وعله درب الشريعه

بلكن اعاين بالدرب چفه الكطيعه

واشكيله ضيمي وحسرتي حلو الطبيعه

الشيب الراس... الشيب الراس

احجيله عن ضيمي الجره والشيب الراس

*✍🏻أم عبــــــــــد اللــــــــه العـــــــابـــــــدي*
•┄┅══✼°••°✼══┅┄
احجيله عن ضيم الجره والمر عليه

عيني صفت تبجي دمه لأبن الزجيه

مابطلت نوح وبجي حد المنيه

حد گطع الانفاس

حد كطع الانفاس

احجيله عن ضيم الجره والشيب الراس

ام زين العابدين لمحمداويه
•┄┅══✼°••°✼══┅┄
ادخيل يالشلت النعش خليني اشوفه

عن دفني شنهو العطلك يابو الكلوفه

عباس يبني الضيغمي ونفسك عطوفه

انده ينبراس
انده ينبراس

واحجيله عن ضيم الجره والشيب الراس

زهره الكناني ✍🏻
•┄┅══✼°••°✼══┅┄
مرني عليه للمشرعه خليني احاجيه

وزيد يم ابني العتب
وكعد وابجيه

وأذكره ابذاك الربه وبدمعي ارويه

اتهدم الساس

اتهدم الساس

احجيله عن ضيم الجره والشيب الراس

ام ✍🏻رحمه الگاظميه
┈┉┅━━❀❀━━┉┉┈
يلي شلت نعشي وسرت مرني اعله الاولاد

ويصير كبري بكربله يم يبو السجاد

بغيابهم جرحي نزف وكليبي ماهاد

يالكلكم احساس
يالكلكم احساس

احجيله عن ضيمي الجره
والشيب الراس
*✍🏻ام حســــــــين الخـــــــفاجي*
┈┉┅━━❀❀━━┉┉┈
محتامه روحي لشوفته يالشلت نعشي

گضيت عمري بالدمع شيبلي رمشي

بلجت يفك عينه الي ويه نعشي يمشي

يالجنت نوماس يالجنت نوماس

احجيله عن ضيم الجره والشيب الراس
ام جعفر الايرواني
┈┉┅━━❀❀━━┉┉┈
مرني على حسين وأخيه اشتم عطرهم

ودوه نعشي لكربله ابنفسي أمرهم
اعزاز عندي ياخلگ يسعر جمرهم

ماتت الأنفاس. ماتت الأنفاس

احچيله عن ضيم الجره والشيب الرأس

*✍🏻ام علـــــــي المالــــــــكي*
────═❁═────
تمــــــ✍🏻ـــــت القصيده بقلـــــــــ✏️ـــــــم شاعــــــــــــــرات القلـــــــ💔ـــــــوب في الخـــــــ🙏🏻ــــــــدمه الحسيـــــــــــــنيه... غير بــــــــــــريء الذمـــــــــــــــــه من يحــــــــــــــــــــذف الاسمــــــــــــــــاء
نسألــــــــــــــكم الدعاء

،https://t.center/poiukjhhggfffffff





‌

قصيده للسيدتي ومولاتي
ام البنين تخاطب اولادها
┈┉┅━━▪️🔹━━┉┉┈
طال اغيابكم وانه اتاني

عني وين بعداكم زماني

بعد يمته تعودون
راحن يبني العيون


ياظيم الدهر طكني اوعماني
┈┉┅━━▪️🔹━━┉┉┈
يون گلبي ييمه اوشاب رمشي

ردتكم يالولد ماردت كل شي

تمنيت العزيز ايشيل نعشي

وگدام الجنازه اولادي تمشي

النام ابكبره اشلون
راحن يبني العيون
وصلت ساعتي والون خذاني
زهره الكناني✍🏻
┈┉┅━━▪️🔹━━┉┉┈

وصلت ساعتي واشلون بيه

ردتكم يالولد وكت المنيه

تهيلون الترب يمه عليه انه كطعت المظنه وهاي هيه

خابت يبني الظنون
راحت يبني العيون

عكبكم ضاله ابجي وعاني
*✍🏻ام حســــــــين الخـــــــفاجي*

┈┉┅━━▪️🔹━━┉┉┈
بوكت موتي دمه تجري اعيوني

اتمنيت الِولد كلهم يجوني

برض طيبه النشامه ايشعيوني

صحيت امن الحلم لنهم نسوني

كلبي نار جانون
راحت يبني العيون

اسمهم ماكطع منه لساني
زهره الكناني✍🏻
┈┉┅━━▪️🔹━━┉┉┈

لساني ماگطع من ذكر الاولاد

اوگلبي من مشو لليوم ماهاد

عگب اعيونهم موحش هلبلاد
عليهم انشد الي راح والراد

عليه اضلم الكون
تره عميت هلعيون

الدهر بغيابكم سهمه رماني

✍️. ام احمد المنصوريه
►✺┅●✥💠✥●┅✺◄
عيني عالدرب ودموعي تجري
شوكت تلفون يمه خلص عمري

ردت واحد من الاولاد يدري
گرب موتي ييمه وخلص صبري

انه امكم لتنسون
ترى عميت هلعيون

يمه غيابكم كثر احزاني

ام جعفر الايرواني✍🏻

►✺┅●✥💠✥●┅✺◄
عميت من البچي ونوحي اعيده
واعله حسين ياروحي ونيده
يمه ليش عفتوني وحيده
وعليكم يحگلي اسكن البيده

اعاين ماتردون
تره عميت هالعيون
يمه اغيابكم غير الواني
ام علي المالكي✍🏻
────═❁═────

تمــــــ✍🏻ـــــت القصيده بقلـــــــــ✏️ـــــــم شاعــــــــــــــرات القلـــــــ💔ـــــــوب في الخـــــــ🙏🏻ــــــــدمه الحسيـــــــــــــنيه... غير بــــــــــــريء الذمـــــــــــــــــه من يحــــــــــــــــــــذف الاسمــــــــــــــــاء
نسألــــــــــــــكم الدعاء

،https://t.center/poiukjhhggfffffff

طلب حاجه من ام البنين ع
────═❁═────
عندي حاجهً جيت ليها ام البنين
الحاجه تگضيها الي وللمؤمنين

نريدها صحه اوستر
بحق مكطوع النحر
ادري يامولاتي ابد متقصرين
━━━━▣♦️▣━━━━
اهواي ناس تريد منج هالطلب
يطلب الذريه وادموع التصب
انت للحاجات مفتوحه الحُجب
صادق بنيته او مشه ابنفس الدرب
نريد من عندج خبر
بحق مكطوع النحر

بسفرتج خيرات انتي اتوزعين

زهره الكناني✍🏻

━━━━▣♦️▣━━━━
انتي يايبدويه حلوه هدتچ
بمجلسچ جينه وحضرنه ابسفرتچ
آنه جيت انخاچ تگضي ابنخوتچ
اي وحك ذيج الجفوف وشيمتج
انطينه منعندچ صبر
بحق مكطوع النحر
احلفچ ابعباس وبگطع الادين
ام علي المالكي✍🏻
━━━━▣♦️▣━━━━
ماتقصر ابد هاي الطاهره
انتي بس حلفيها بالصار وجره
بجثت حسين البگت متوذره
والمشت للشام ويلي اميسره
دموعها تهمل جمر
بحق مگطوع النحر

مراد منج يالبجيتي للحسين

ام جعفر الايرواني✍🏻
━━━━▣♦️▣━━━━
مراد عاجل من گلب جاسه الالم

دموعي تغلبني وبجه حتى القلم

بالرضيع اقسم عليج الماسلم

كون ترضون واكون ويه الخدم

بلي راحت لليسر
بحق مكطوع النحر

تحضريني لو عرگ مني الجبين
*✍🏻أم عبــــــــــد اللـــــــــه العـــــــــابدي*
━━━━▣♦️▣━━━━
والكلب محتار هنا يالطاهره

لاتخليني وحيده وحايره

احلفج بعباس سبع الكنطره

وبأبنج حسين العزيز ومنحره

يلي بأيديج الامر
بحق مكطوع النحر

كلبي زادت علته وزاد الونين
*✍🏻ام حســــــــين الخـــــــفاجي*
━━━━▣♦️▣━━━━
زاد وني العلتي ماصح دوه

اوزادت الآمي وأحس ضاگ الهوه

من دموعي التنزل الخد انچوه

عليچ اقسم بحق شيال اللوه

ابسفرتچ كلمن حضر
بحق مگطوع النحر

كل مريض ايريد منچ انتي تشفين

✍️ ام احمد المنصوريه
━━━━▣♦️▣━━━━

تمــــــ✍🏻ـــــت القصيده بقلـــــــــ✏️ـــــــم شاعــــــــــــــرات القلـــــــ💔ـــــــوب في الخـــــــ🙏🏻ــــــــدمه الحسيـــــــــــــنيه... غير بــــــــــــريء الذمـــــــــــــــــه من يحــــــــــــــــــــذف الاسمــــــــــــــــاء
نسألــــــــــــــكم الدعاء

،https://t.center/poiukjhhggfffffff

لطميه للسيده زينب عليها السلام
•┄┅══✼°••°✼══┅┄
كون عباسج يجي راعي الشيم
ابحضرتج يوكف يهز بيده العلم
يشيل رايه بحضرتج
بيها يمسح دمعتج

تنام عينج يالعقيله من الالم
━━━━▣♦️▣━━━━
كون يحضرلج يجي الليله الكفيل

اكص ايده ابحضرتج كلمن يعيل

انه اسمي الموت ماعندي بديل

مسحي ادموعج يبت حامي الدخيل

انه جيت لفزعتج
بيها امسح دمعتج

شيلي راسج يالعقيله بكل شمم

✍🏻زهره الكناني
•┄┅══✼°••°✼══┅┄
شيلي راسج لاتصبين الدمع

ولو ادري سبيج وكسرج رجع

الزامطوج تخلوا ومحد نفع

لاشفع الهم مقامج لاشفع

شلون طبو حضرتج
بيها امسج دمعتج

استوحدوج اشلون اشباه الزلم

*✍🏻أم عبــــــــــد اللــــــــه العـــــــابـــــــدي*
•┄┅══✼°••°✼══┅

اه لون عباس عنده جفوفه
منهو يتجسر وعينه تشوفه
صحنج بايد العدو ميعوفه
اصبري يازينب نجي ونطوفه

وتعله حتما رايتج
بيها امسح دمعتج

مايعوفونج ابد اهل الشيم

ام جعفر الايرواني✍🏻

•┄┅══✼°••°✼══┅

مايعوفونچ ابد نامي رغد

اهلچ وللموت منطينچ وعد

ولضريحچ مايصل شامت ابد

سهم عيني مايوگفني وعمد


بيدي اشيلن شيلتچ
بيها امسح دمعتچ

ابدم جبيني اخط اسمچ بالحرم.
... .....
بقلم المقصره ام كيان العامريه✍🏻
━━━━▣♦️▣━━━━
والله ميكدرون نقسم بالولي

اليوصل الهه يضيع دربه ويبتلي

ابصوت كلنه انصيح احضر يا علي

نفدي إلج ارواح وانتي إدللي

الشيعه كلها والتج
بيها امسح دمعتج

خل نفهم اليوم الماهو فهم

ام ✍🏻زين االعابدين المحمداويه

────═❁═────
اي وحق ضلع امج وسيد الشباب

ماتضل الشام نكلبها كلاب
روسهم كلها نغطها بالتراب

مانعوفج احنه ضحينه الركاب

بروحي افدي هيبتج
بيها امسح دمعتج

نخلي بكلوب العده هم وندم

ام رحمه الگاظميه✍🏻
────═❁═────


تمــــــ✍🏻ـــــت القصيده بقلـــــــــ✏️ـــــــم شاعــــــــــــــرات القلـــــــ💔ـــــــوب في الخـــــــ🙏🏻ــــــــدمه الحسيـــــــــــــنيه... غير بــــــــــــريء الذمـــــــــــــــــه من يحــــــــــــــــــــذف الاسمــــــــــــــــاء
نسألــــــــــــــكم الدعاء

،https://t.center/poiukjhhggfffffff

لطميه للسيده زينب عليها السلام
────═❁═────
لاتونين يزينب لاتونين
احنه انصار بخدمتج يأخت الحسين
لاتهلي دمعتج
احنه كلنه لخدمتج
لاتونين
━━━━▣♦️▣━━━━
اجنود کل احنه النصرتج هذا صوت زينبي

اليوصل الگبرچ نحرگه علي اعناد الناصبي
ابدماتنسي زينب مايرد ليها السبي

لاوحگ حيدر ابوها مايصل ليها اجنبي


هالرساله لاخوتچ
احنه كلنه بخدمتچ

زهره الكناني✍🏻
────═❁═────
هالرساله نوصي بيها لعد عباس الكفيل

نصرخ بحركه وننادي والدمع من دم يسيل

عادت النه ال اميه
وكتبوا عليج الرحيل

اختكم ابين الاجانب
يآل هاشم ياعقيل


ام عون تبقه حضرتج

احنه كلنه بخدمتج

لاتونين يزينب لاتونين
*✍🏻أم عبــــــــــد اللـــــــــه العـــــــــابدي*
────═❁═────
هالرساله ابعجل توصل كون لأرضچ يالطفوف.

يحضر العباس اخييج
والخدم وياه الوف

ترجع الچفين بيده يجي وعيونچ تشوف.

شامهم يرعبها كلها ويضل بالحضره يطوف.

تبقى تزهي گبتچ.

احنه كلنه بخدمتچ.

لاتونين يزينب لاتونين.
..... .....
✍🏻 بقلم المقصره ام كيان العامريه
────═❁═────

شماكتبنه ما نوافي من الجره قطره ابحر
نقسم ونبقه عله عهدج شما قسه وياج الدهر
شيعتج نبقه يحره
وما يفرقنه القدر

وما نسينه يوم عاشر
والكضه ابكطع النحر

تبقه خضره رايتج
احنه كلنه بخدمتج

لا تونين يزينب لا تونين
ام ✍🏻زين العابدين لمحمداويه


────═❁═────

اشحده اليوصل حضرتچ ابسيفه يگلبها گلب
كافلچ حتى بمماته ابكل وكت عيده الحرب
زينب اتذكرين بالطف الماي ذبه وماشرب
وهسه متحضر النشمي بسيفه يطويهه الدرب

اشحده يوصل تربتچ
احنه كلنه ابخدمتچ
لا تونين يزينب لاتونين
ام علي المالكي✍🏻
────═❁═────

عهد من الله يزينب حضرتج تبگه علم

ابد مايمحونه اسمج ذوله عِباد الصنم

ربنه رافعها المناير وتضل اعله من القمم

گبرج مامن يزينب واليدنسه ماسلم

ندري هايه غايتج
احنه كلنه بخدمتج

لاتونين يزينب لاتونين


ام جعفر الايرواني✍🏻
────═❁═────


تمــــــ✍🏻ـــــت القصيده بقلـــــــــ✏️ـــــــم شاعــــــــــــــرات القلـــــــ💔ـــــــوب في الخـــــــ🙏🏻ــــــــدمه الحسيـــــــــــــنيه... غير بــــــــــــريء الذمـــــــــــــــــه من يحــــــــــــــــــــذف الاسمــــــــــــــــاء
نسألــــــــــــــكم الدعاء

،https://t.center/poiukjhhggfffffff

حلم السيده زينب ع
────═❁═────

ماتت بالدرب واعيونها اتهلها
واتمنت تجيها ها كافلها

بديار السبوها
بالغربه ادفنوها

━━━━▣♦️▣━━━━
گلب زينب لهلها بيه الف صدعه
تريد الحيد اخوها يعتني بسرعه
نعش اخته العقيله ابهيبه يشيعه
اتمنت يم كبرها يهمل الدمعه


مااجاها اخوها
بالغربه ادفنوها
جنت بشاربي دوم انته اتگلها


زهره الكناني✍🏻
────═❁═────
تمنت بالدفن كلكم تحضروهه
جنازتها على الهامه تشيلوهه
وماتبقى وحدهه ولا تخلوهه
لعقيلتكم عزه وجادر تنصبوهه

وسفه مااجوها

بالغربه ادفنوها

وسف ماتت غريبه والبعُد سلها
*✍🏻أم عبــــــــــد اللـــــــــه العـــــــــابدي*
────═❁═────
غريبه والبعد سلهه وتتانيكم
تون ودموعها رسمت معانيكم
ترد الروح لو گالت يطاريكم
ياعباس يحسين آني احاجيكم

رادتـكم تجـوها
بالغربه ادفنـوها


وينه الحيد خل يحضر يحامي ألهـه

✍🏻 *_الشاعــرة ام مهــدي العيــداني_*
༺༺༻༻
────═❁═────
بقت بعيونها صوركم يأخوتها

اومن دم اعله خدها اتسيل دمعتها

رادتكم تحضرون ابمنيتها

بس ياحيف ماشلتو جنازتها


اعداها لوعوها
بالغربه ادفنوها

عگب اعيونكم محد بعد الها
✍️ ام احمد المنصوريه

────═❁═────
وين الحيد خل يحضر يحامي اخته

بشده اليوم والعباس رايدته

خل يفزع صحنهه اعداه محاوطته

غريبه احبابهه إبعاد وتون سكته

النواصب مرمروها
بالغربه ادفنوها

وين اهل الحميه بساع توصلها

✍️أم محمد علي الشيباني
•┄┅══✼°••°✼══┅┄

اويلي عليج زينب يالغريبه

حملتي جم زريه وجم مصيبه

گلبج بالبجي خلص نحيبه

لاصحله دوه ولا صح طبيبه

ماتحضر يأخوها

ويه اليدفونها

بالغربه گضت ماهمه اهلها

✍🏻ام مصطفئ ناصــــــــــــــريه

تمت✍🏻 القصـــــــيده بأقلام الشاعرات فـــــــــ✍🏻ـــــــي رابطـــــــة القلـــــ💔ــــوب النــــ🤲ــــقيه غير مبرئ للذمه من يحذف اســـــــــماء الشاعــــــــــرات..
https://t.center/poiukjhhggfffffff

قصيده للسيدتي ومولاتي ام البنين عليها السلام
┈┉┅━━▪️🔹━━┉┉┈
رادت يشيعون
رادت يشيعون
ايحضرون ليها بالدفن

رادت يشيعون

اتمنت يجوها اهل الشيم

ايغطونها امهم بالعلم


┈┉┅━━▪️🔹━━┉┉┈
يحضروها اهالي المرجل امنيت
الجليله ام عباس

كطعت الظنه اوايست تاليها دفنوها الناس

خلصت عمرها امن القهر من الجدم حد الراس

اتمنت يجيها الظيغمي ايشيل النعش راعي الباس

ماتو ولاواحد سلم

يغطونها امهم بلعلم

رادت يشيعون
رادت يشيعون

ايحضرون ليها بالدفن

رادت يشيعون
زهره الكناني ✍🏻
┈┉┅━━▪️🔹━━┉┉┈
تمنت يجيها ابو الوفه وعبدالله وحسين وعون

ويمشون بيها ابكل حزن للمكبره يدفنون

لاجن حسافه الولد كلهم بعد ميعودون

انكطعت الظنه وايست
شيعودهم ليها اشلون

ماتت وبيها كل ألم
يغطوها امهم بالعلم

رادت يشيعون
رادت يشيعون

يحضرون ليها بالدفن رادت يشيعون

ام✍🏻 زين العابدين لمحمداويه
┈┉┅━━▪️🔹━━┉┉┈
ام البنين الاربعه رادت ولدها الليله

يكعد احذاها ويستمع وناتها وتشگيله

رادت ابو فاضل يجي عن ضيمها تحجيله

ويجيب وياه اخوته بهوسه نعشها يشيله

ماحضرو الها اهل الشيم
يغطوها امهم بالعلم

رادت يشيعون
رادت يشيعون

ام جعفر الايرواني
┈┉┅━━▪️🔹━━┉┉┈
اتعذرو نومه اعله الترب يمه العذر عذرينه

واحدنه نام بمصرعه واموذر اتشوفينه

مايكدر ايكوم ويجي المكطعه جفينه

صعبه يشيل اجنازتج والسهم ماخذ عينه

حيلج لأجلهم منهدم
يغطوها امهم بالعلم
زهره الكناني✍🏻
┈┉┅━━▪️🔹━━┉┉┈
شلون يحضرها الولد ضل جثه فوك التربان

لاهام ضل او لا نضر ومكطعات الذرعان

ياكمر عالشاطي انخسف وصواب فكدك ماهان

امك عليك تون بكت غسلهه دمع الهجران

ونصابت بذاك السهم
غطوها امكم بالعلم

رادت يشيعون
رادت يشيعون

يحضرون ليها بالدفن رادت يشيعون

*✍🏻ام مرتضــــــــى الحواســـــــي*
❥━──➸➽❂❥━──➸➽

تمت✍🏻 القصـــــــيده بأقلام الشاعرات فـــــــــ✍🏻ـــــــي رابطـــــــة القلـــــ💔ــــوب النــــ🤲ــــقيه غير مبرئ للذمه من يحذف اســـــــــماء الشاعــــــــــرات..
https://t.center/poiukjhhggfffffff

قصيده للسيدتي ومولاتي ام البنين عليها السلام
┄┉❈❥ًً❀💠❀❥❈┉┄
انه بفكدك ييمه عميه مااشوف

بس شوفك علاجي ودوه موصوف
┄┉❈❥ًً❀💠❀❥❈┉┄
بهذا اليوم كون الولد مريود
بوكت موت النجيبه كون موجود
نعش امه يشيله راعي الزود

اشلون ايشيل نعشج ماكو جفوف

زهره الكناني✍🏻
┄┉❈❥ًً❀💠❀❥❈┉┄

ماكو جفوف عنده ودربه بعيد

احضروا للكضت وين الاجاويد

نايم ماكعد مايدري الحيد

تمنيته عدل اليرعب الخوف
*✍🏻أم عبــــــــد اللــــــــه العــــابـــــــدي
┄┉❈❥ًً❀💠❀❥❈┉┄

تمنيته عدل ابني المهيوب
مثل عوده علي دحايهه البوب

يخلي ﺟادري يالخلك منصوب

وسفات البطل ماخذته الطفوف

ام✍🏻 زين العابدين لمحمداويه
┄┉❈❥ًً❀💠❀❥❈┉┄
امك نادتك كوم انهض الها
اوهاي المعضله انت تحلها
افراكك حيل اذاها اوكتلها
انت بلمعارك ليث معروف
زهره الكناني✍🏻
┄┉❈❥ًً❀💠❀❥❈┉┄

ياليث الوغا يبني يعباس

ردت منك تشيل امك على الراس

ليش اتأخرت يلكلك احساس

ردتك بالمنيه حالي تشوف

ام✍🏻 زين العابدين لمحمداويه
┄┉❈❥ًً❀💠❀❥❈┉┄
ترضه شلون اموت انه وحيده

گلبي يالولد مااله هيده

العمر من دونك انه مااريده

مروني ولو مره بالطيوف

ام زين العابدين لمحمداويه
┄┉❈❥ًً❀💠❀❥❈┉┄
ياريت بحلم واكعد والاكيك

يابعد الكلب بس اعتب عليك

لو بيدي ابد لا ماخليك

ياوسفه إنكطع جفك بالسيوف
*✍🏻ام حســــــــين الخـــــــفاجي*

❥━──➸➽❂❥━──➸➽

تمت✍🏻 القصـــــــيده بأقلام الشاعرات فـــــــــ✍🏻ـــــــي رابطـــــــة القلـــــ💔ــــوب النــــ🤲ــــقيه غير مبرئ للذمه من يحذف اســـــــــماء الشاعــــــــــرات..
https://t.center/poiukjhhggfffffff