قناة خطباء المنبر الحسيني للقصائد

#الاربعين
#الزيارة

#قصائد_المشايه
#زيارة_الاربعين
حماسيه

ثوار         ثوار   واهل المرجله
زوار         زوار    جينه الكربله
وحسين كَاصدينه
وبدمنه اربعينه
........................................
كل عام نكَصد كربله ابيوم اربعينه
يطلبنه دم وبالعزه نوافيله دينه
مشايه نمشي ونذرف الدمعه الحنينه
نذكر رقيه الما اجت وي الضعينه
بدموع        بدموع            وبحركَة سنه
مفجوع     مفجوع           كل شيعي اعتنه
نشعر ما وفينه
وبدمنه اربعينه
........................................
رايه بدينه اترفرف وزايد عزمنه
ماعفنه اهلنه لا اجو ويانه اهلنه
شيب وشباب وكل فرد للطف تعنه
واهناك  يستقبلنه وابصحنه يلمنه
لحسين          لحسين  لو نوصل زحف
كل حين       كل حين     دمعه وما تجف
احنه العاشكينه
وبدمنه اربعينه
........................................
تنطوي يم قبره الارض  وتزوره كلهه
حته الملائك تجتمع واتلم شملهه
سبعة سموات التجي ابكامل شكلهه
كل خلق ربنه ابكربله  الخالق جعلهه
مشاي        مشاي     أرضين وسمه
عناي          عناي     تحظر مأتمه
بايامه الحزينه
وبدمنه اربعينه
........................................
دك صدرك ابدرب العشك واوجع ضلوعه
للطفو اشموعه ابضمه اشعل شموعه
من الجفن دم ابجي لا موبس دموعه
ينحني ظهرك بالحزن واعلن خظوعه
بالصوت         بالصوت     نبراتك حزن
للموت             للموت  خل كَلبك يون
للغالي اشنطينه
وبدمنه اربعينه
........................................
حين النصل يم كَبته نقراهه التحيه
بكل انضباط ابصحنه كون وعسكريه
قائد امام وعسكري  وسيد البريه
لبيك نهتف ياحسين انت الهويه
بحماه        بحماه نهتف هالعهد
وياه            وياه وبرغم  الشدد
لو كَطعوهه ادينه
وبدمنه اربعينه

الشاعر
ياسر العارضي

#زيارة_الاربعين
جديد بمناسبة أربعين الإمام الحسين عليه السلام قصيده بعنوان (قبرك وين)

ادور عالگبر يحسين يخويه اعليك دليني
عفتك عالثره مرمي غصب واعداك سابيني

من درب اليسر جيتك يخويه اگعد تلقاني
دمع ما ظل بغيابك فگدك خويه اذاني
درب الشام آ يالشام هظم ونايبه جاني

يبن امي القلب مالوم
اجيتك شايله الهموم
بيه اجم ضلع ملجوم
فك باب القبر يحسين احاجيك وتحاحيني
▪️▪️▪️▪️▪️▪️▪️▪️▪️▪️▪️
يبن امي القلب مالوم فك باب القبر هالحين
عندي اخبار ياخويه كلهه حسره ويه ونين
راسك جبته ويايه يخبرك حالتي يحسين

انشد راسك الاخبار
رافقنا بدرب الاخطار
يخبرك بالجرى والصار
ويقلك يا هظم شفناه من عقبك يضي عيني
▪️▪️▪️▪️▪️▪️▪️▪️▪️▪️▪️
شسولفلك يخويه اشلون اوصف حالتي وقهري
عقيلتكم انه زينب وشماته حايطه بخدري
ردت روحي تفارقني عفيه يا صبر صبري

مجتوفه وسط ديوان
احاجي خويه للعدوان
بصدري تلتهب نيران
ريته موتي وياكم ولا شمات تباريني
▪️▪️▪️▪️▪️▪️▪️▪️▪️▪️▪️
اجيتك والقلب موجوع يبن امي وجفن دامي
اخذني وياك في لحدك يخويه ولملم اعظامي
نحل جسمي يبو السجاد وكثرة خويه آلامي

شماته وسوط يبن امي
بالدم جفني ظل يهمي
اجيتك غارقه بهمي
اثر جدمي يخط الاه وكثر النواح عاميني
▪️▪️▪️▪️▪️▪️▪️▪️▪️▪️▪️
يخويه الشام عذبني ومرمر عيشتي وياه
قلي بيا مصيبه ابدي واسولف يا هظم شفناه
رقيه خويه من شافت راسك صاحت ابويلاه

الطاغي بحقده موتها
تذبح خويه ونتها
شهقة موت شهقتها
مصاب الطفله مرمرني واحس جمراته تجويني


تمت بعون الله تعالى
خادمة الزهراء / ليلى زغيب