قناة خطباء المنبر الحسيني للقصائد

#ليلة_العباس

⬛️◾️▪️⚫️﷽⚫️▪️◾️⬛️
7 محرم - نعي بوزن النصاري... أطوار كثيرة منها الكرناوي



منو هاي التناديني ييمه
تون وتصيح وكل جرحي تشمه
وعلى جفني انحنت اتشيل سهمه
أظن قبل السبط حضرتني أمه


إذا الزهره اجتني عالشريعه
أخاف تشوف چفوفي الگطيعه
وشجاوب لو تناشدني الوديعه
تگلي حسين عطشان ورضيعه


أموت من الخجل آ يالزچيه
إذا طاح العلم من بين ايديه
وإذا عطشانه سكنه وي رقيه
واعذريني إذا زينب سبيه


ردت لمن تجيني اوگف بساع
والچ بكل نفيس افرشها هالگاع
وإذا بيدي أداوي كسر الاضلاع
ولا ردت بمصابي اتزيد الاوجاع

📝 #الشاعرة_الملاية_زينب_المؤيد
📚 #ديوان_خزائن_الرثاء 23 ج
📚 #ديوان_خزائن_الولاء_في_مدح_خيرة_الأولياء ٧ ج
📚 #الخزائن_للمحاضرات_المنبرية 2 ج
📚 #المزارات_والعبرات 4 ج
📚 #مجالس_الفواتح 90 مجلس 7 ج
📚 #كتاب_السيدة_آمنة_بنت_وهب ع
📚 #كتاب_السيدة_فاطمة_بنت_أسد ع
📚 #كرامات_وقصص_وعبر 2 ج
📚 #مجالس_الموائد_القدسية 4 ج في مجالس جاهزة كاملة لسفرة المعصومين ع

تمت بحمد الله تعالى
*ونسألكم الدعاء لتعجيل الظهور*
ــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

#ليلة_العباس

⬛️◾️▪️⚫️﷽⚫️▪️◾️⬛️
7 محرم
نعي *(المجاريد)* أطوار العراقية والعاشوري والنويني والجنوبي والهادئ والنايلي والگرناوي (العكراوي) والعلواني والأهوازي والموال و....غيره.




كأني بمولاتي الزهراء ع وقد حضرت عندما وقع العباس على النهر العلقمي، وهي تنادي وا ولداه وا عباساه...


نايم ييمه شلون نومه
وحسين اذا يجيك بهمومه
شيصير بگلبه وعلومه


آنه امك الزهره يعباس
جيتك و أنه مجروحة احساس
فاجعني يبني طبرة الراس


اگعد ييمه وفتح العين
وطلع سهم عينك بالايدين
بس صعبه وانت بلايه چفين


اگعد ييمه بجاه زينب
ولتخلي نار الخيمه تلهب
ما بيها حيل اعليك تنحب


اگعد ولا تفجع سكينه
واسمعها اتنادي حزينه؛
عمي البطل ما جانه وينه


اگعد وحگ دمعة رقيه
وامتانيه گطرة اميّه
ولو ما گمت تمشي سبيه

📝 #الشاعرة_الملاية_زينب_المؤيد
📚 #ديوان_خزائن_الرثاء 23 ج
📚 #ديوان_خزائن_الولاء_في_مدح_خيرة_الأولياء ٧ ج
📚 #الخزائن_للمحاضرات_المنبرية 2 ج
📚 #المزارات_والعبرات 4 ج
📚 #مجالس_الفواتح 90 مجلس 7 ج
📚 #كتاب_السيدة_آمنة_بنت_وهب ع
📚 #كتاب_السيدة_فاطمة_بنت_أسد ع
📚 #كرامات_وقصص_وعبر 2 ج
📚 #مجالس_الموائد_القدسية 4 ج في مجالس جاهزة كاملة لسفرة المعصومين ع

تمت بحمد الله تعالى
*ونسألكم الدعاء لتعجيل الظهور*
ــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

#ليلة_العباس
#العباس


⬛️◾️▪️⚫️﷽⚫️▪️◾️⬛️
7 محرم
طور (ما يحاچيها، حچت وي نحر ابنها)
https://youtu.be/0HDGHuI4pUU


كأني بحضور العقيلة زينب ع بجوار أبالفضل العباس ع (يناسب ليلة العباس ع أو ليلة الوحشة)



تخطيت الزلم جيتك يعباس
وأحشمك بأخونه البيه حساس
أريدك تگعد بسرعه ينوماس
تشوف امورمتني اسياط الأرجاس

((ما تضمدني... ولا أگدر أضمدك))

حسين حسين ...

سلام الله على اجروحك يمذبوح
وأنه زينب يبعد أختك يمطروح
وكثر اجروح جسمك گلبي مجروح
أريد أشچي وأحس بصوتي مبحوح

((لو عله نوحي... يسطروني اعله حلگي))

حسين حسين ...

لتنشدني يخويه عل هالأورام
ولا اتگلي ارجعي صوب الاخيام
أخاف أشچي اضربوني هايه الأزلام
ولا خيمه البقت وعيوني متنام

((نام يا خويه... أنه اتكفل بدالك))

حسين حسين ...

يخويه جيت أدور اعله الاچفوف
وأدور عالعيونك ليش متشوف
متدري اضربوني بغمد الاسيوف
ردت تحميني من هجمات الازوحف

((والشمر جاني... يسب أمي وأبويه))

حسين حسين ...

يبوفاضل أناديلك يكفال
بعد عينك غريبه بولية ارجال
يدفعوني ويذبوني اعله الارمال
تمنيت افزعت لي انت بالحال

((مو أنه زينب... بعد عينك سبيه))

حسين حسين ...

📝 #الشاعرة_الملاية_زينب_المؤيد
📚 #ديوان_خزائن_الرثاء 23 ج
📚 #ديوان_خزائن_الولاء_في_مدح_خيرة_الأولياء ٧ ج
📚 #الخزائن_للمحاضرات_المنبرية 2 ج
📚 #المزارات_والعبرات 4 ج
📚 #مجالس_الفواتح 90 مجلس 7 ج
📚 #كتاب_السيدة_آمنة_بنت_وهب ع
📚 #كتاب_السيدة_فاطمة_بنت_أسد ع
📚 #كرامات_وقصص_وعبر 2 ج
📚 #مجالس_الموائد_القدسية 4 ج في مجالس جاهزة كاملة لسفرة المعصومين ع

تمت بحمد الله تعالى
*ونسألكم الدعاء لتعجيل الظهور*
ــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

گومي يبنتي و كليميني
بمصيبــِتچ لا تفجعيني
و امدده ، اگبال عيني


رحتي و فؤادي اعليچ ذايب
و اشگد تحملتي مصايب
و الدنيا اتفرگ الحبايب


فحرّكوها فإذا هي قد فارقت روحها الدنيا..فارتفعت أصوات أهل البيت بالبكاء وتجدّد الحزن والعزاء, ومن سمع من أهل الشام بكاءهم بكى فلم ير في ذلك اليوم إلّا باك وباكية.


صوتچ خمد يا وردة البيت
نبضچ وگف و ابحرگه ونيت
و اتمنى ، اترديلي يا ريت


چنتي من ابن أمي أمانه
بس ما وفى أويانه زمانه
رحتي و تركتينه اببچانه


گولي شجاوب خويه الاحسين
لو گال بنتي باقيه وين
راح اعتذر له ابدمعه و اونين


وعن بعضهم: وأحضر لها مغسلة تغسلها, فلمّا جرّدتها من ثيابها قالت: لا أغسلها, فقالت لها مولاتي زينب عليه السلام: ولم لا تغسلينها؟ قالت: أخشى أن يكون فيها مرض, فإنّي أرى أضلاعها زرقاً, قالت: والله ليس فيها مرض, ولكن هذا من ضرب سياط الأعداء

طور(يمه انا زينب عدمن تخليني)


وا ويلي يا عمه ، وا ويلي يا زينب


ليـــش المُــغسله ما ، غســلت يتيمتنه
ما تــدري بعـدانه ، اشــلون هضـمــتنه
بلــغيها يــا عــمــه ، هالدنيــه ظلمــتنه
كلشي اجتمع ضدنه ، حگنه إذا نـنحب


وا ويلي يا عمه ، وا ويلي يا زينب

اي وا رقيتاه... وا صغيرتاه...

وقيل أن السيدة زينب عليها السلام عاونتها على تغسيلها

يمغسِّله غسليها بهداي
و ابدمعه صبي اعليها هالماي
هاي اليتيمه نور عيناي


لو تنشدين اشلون ماتت
عالراس أبوها الروح فاضت
من السبي و همه استراحت


يمغسِّله لا لا تخافين
و لو صرتي عن بتنه تنشدين
هاي اليتيمه بنت الاحسين


لو تنشدين اعله هالآثار
شفتيها طفله و فكرچ احتار
عرفي تره راميها بحجار


و اشنحچي حگچ عن هضمها
من الضرب ورم جسمها
من چم جرح ظل يجري دمها


ما شفتي لمن جرجروها
شمر اويه ربعه اضربوها
و اشگد بچت ما ارحموها


يمغسِّله و ابچي عليها
شوفي الحبل لسه بيديها
مسبيه و ابعازة وليها

📝 #الشاعرة_الملاية_زينب_المؤيد
📚 #ديوان_خزائن_الرثاء 23 ج
📚 #ديوان_خزائن_الولاء_في_مدح_خيرة_الأولياء ٧ ج
📚 #الخزائن_للمحاضرات_المنبرية 2 ج
📚 #المزارات_والعبرات 4 ج
📚 #مجالس_الفواتح 90 مجلس 7 ج
📚 #كتاب_السيدة_آمنة_بنت_وهب ع
📚 #كتاب_السيدة_فاطمة_بنت_أسد ع
📚 #كرامات_وقصص_وعبر 2 ج
📚 #مجالس_الموائد_القدسية 4 ج في مجالس جاهزة كاملة لسفرة المعصومين ع

تمت بحمد الله تعالى
*ونسألكم الدعاء لتعجيل الظهور*
ــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

#الامام_السجاد

⬛️◾️▪️⚫️﷽⚫️▪️◾️⬛️
1445 كأني بالإمام السجاد ع في احتضاره...
طور (ما يحاچيها، حچت وي نحر ابنها)
https://youtu.be/0HDGHuI4pUU


على القبله احتضر والدمعه بالعين
يودع أهله و ايوصي على احسين
ويناشدهم منو الينعالي هالحين
وگبل لا موت خل أبچي اعله الاحنين

((شفته من رمحه/ حجر صوب جبينه))


عليل وما نسى أسره امن الاطفوف
گعد عد موته ينعى الماله اچفوف
يگللهم رموه وطاح ميشوف
ومن الطبره ابعمد كل راسه مخسوف

((من بعد عينه/ سبوا اخته العقيله))


ويگللهم گبل ما موت هاليوم
أريد أذكر مصاب المات مظلوم
أنه الشايف أبويه ببحر الادموم
بلا راس وجروحه داسته الگوم

((كسروا اعظامه/ خيول الاعوجيه))


يمد ايده و رجوله وعينه عالاباب
يتاني بوعلي ايجيله اويه الأحباب
يغمضوله عيونه ويبدي الامصاب
ويشيعونه وينزلونه بالاتراب

((غمض اعيونه/ وسف قتلوه مسموم))


رحل مسموم وظلت بيه الآثار
من الاقيود ومن ضربات الاشرار
وبچى الباقر ومن اصوابه احتار
يودعه وبدليله مشتعل نار

((يدفنه بيده/ ينزله ابترابه))


📝 #الشاعرة_الملاية_زينب_المؤيد
📚 #ديوان_خزائن_الرثاء 23 ج
📚 #ديوان_خزائن_الولاء_في_مدح_خيرة_الأولياء ٧ ج
📚 #الخزائن_للمحاضرات_المنبرية 2 ج
📚 #المزارات_والعبرات 4 ج
📚 #مجالس_الفواتح 90 مجلس 7 ج
📚 #كتاب_السيدة_آمنة_بنت_وهب ع
📚 #كتاب_السيدة_فاطمة_بنت_أسد ع
📚 #كرامات_وقصص_وعبر 2 ج
📚 #مجالس_الموائد_القدسية 4 ج في مجالس جاهزة كاملة لسفرة المعصومين ع

تمت بحمد الله تعالى
*ونسألكم الدعاء لتعجيل الظهور*
ــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
نذكر الاحباب الراحلين في أيام العيد

🏴 القصائد والنواعي والأطوار لسائر الأحزان والأفراح المقبلة #في_الرابط 👇🏻 تابعونا
https://t.me/joinchat/AAAAAD8_rhRMz0RN2ZsQJg

ساعد الله قلب كعبة الرزايا وقبلة المصائب زينب... كيف تفرح في العيد وهي مفجوعة بأحبتها: أبيها وأمها وأخوتها وأخواتها وأبناءها وعشيرها وووو ... كأني بها...:

لــيش أفــرح و أعيــد هالمــسيه
وأهــلـي نــومه بتــراب الــوطيه
يا گلبي اصــطِبر اعــلـى  الرزيه
مــاكــو راحـه، مـن گـبـل المـنيه

مــوت أحبــابــي والله شيــبــاني
تركــوني وحيــده وبـس أعــاني
مخنــوگـه ابـحــزنهم  يـا زماني
حاشه أفــرح إذا هالعيــد إجـاني
-
عيــدي چـان  یحــله مـن أجيهم
و أگـعــد روحي اتـرفرف عليهم
و اتونس چِنِــت دومي ابحچيهم
هسه محتاجه الأهل بيتي وأبيهم


لتــهــل يــا هــلال العــيــد بيــنه
و إحنه امن البـچي والله انعمينه
لا چـاره و لا حــيــلــه بيــديــنه
وســفه الـمـاتوا مـا رجعوا إلينه

=
📝 #الشاعرة_الملاية_زينب_المؤيد
📚 #ديوان_خزائن_الرثاء 23 جزء
📚 #ديوان_خزائن_الولاء_في_مدح_خيرة_الأولياء ٧ أجزاء
📚 #الخزائن_للمحاضرات_المنبرية 2 جزء
📚 #المزارات_والعبرات 4 أجزاء
📚 #مجالس_الفواتح 90 مجلس 7 أجزاء

تمت بحمد الله تعالى
*ونسألكم الدعاء لتعجيل الظهور*
ــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
لطمية بوزن النصاري للعيد وفقد الشباب

🏴 القصائد والنواعي والأطوار لسائر الأحزان والأفراح المقبلة #في_الرابط 👇🏻 تابعونا
https://t.me/joinchat/AAAAAD8_rhRMz0RN2ZsQJg


حسافه العيد اجه وشــبـاني غــياب
بــدال الـتـهــنـئــه ايعزوني الأحباب

أنـــه أم فــاگــده الـشـبـان يــا نـاس
تــرانــي بالــولد مجـروحة احساس
أريد أبچي وأون والطم على الراس
على البــل عيــد خـلـوني بالامصاب

يمن جـيــتــوني بــمـصــابي تعزون
شــبـاب الــراحـوا مني مـا يعـودون
أريــد اويـــايــه بالـمـجـلـس تونون
تــره شــبــانـي نـومه حدر الاتـراب


حـسـافــه العـيــد مـن جـانـي يخلان
و أنــه اعــله الاحبـهم گلـبي حزنان
تــرانــي الــفــاگــده يا نــاس شبـان
و ألــف وسـفه ابلحدهم باتو أغراب


و أعـيّــد بالمگـابــر بـيــن الاگبــور
و على الشـبان يبقى اگليبي مكسور
و أحس الدنيا ظلمه و ما لهــا نــور
و أخاف اعيوني عميت والگلب ذاب

يجــيــني الـعــيـد و أحـبابي بعـيدين
و أشــوف الناس فرحانه و سعيدين
و أنه و أهلي اعله شـباني حزينـين
و أحس بين الوطن چن احنه أجناب

=
📝 #الشاعرة_الملاية_زينب_المؤيد
📚 #ديوان_خزائن_الرثاء 23 جزء
📚 #ديوان_خزائن_الولاء_في_مدح_خيرة_الأولياء ٧ أجزاء
📚 #الخزائن_للمحاضرات_المنبرية 2 جزء
📚 #المزارات_والعبرات 4 أجزاء
📚 #مجالس_الفواتح 90 مجلس 7 أجزاء

تمت بحمد الله تعالى
*ونسألكم الدعاء لتعجيل الظهور*
ــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
نواعي كاملة لفقد الأم والعيد (لمولاتي الزهراء ع)


طور ( المجاريد )

و العــيــد اجــانه يــمه هاليــوم
و آنـه دليـــلي فايــض اهـمــوم
و ابوجهي حزني اهواي معلوم

ونيت الـچ و ادمــوعي اتــسـيل
و الــدنــيــا بعــدچ زادت الويـل
مــن الــحــزن مــا نايـمه اللـيل

ريت انعمت عيني اعله فـرگـاچ
و لا شــوف خــالي ظل مصلاچ
و العــيــد اجـه و يمـنه منلگاچ

بــالعــيــد شــوفــي هالــيــتـامه
و اللــيــل مــا تــگــدر تــنــامه
تــســمــع مــن الشــامت كلامه
&&
إي وا أماه ... إي وا غريبتاه ... إي وا حبيبتاه


آه يا عيد
صعــبه نفــرح هالليالي
آه يا عيد
والمكان امن أمنه خالي
آه يا عيد
والنعي اعله امنه عـالي

لا  تجينه
تدري مو احـنه يــتــامه
لا  تجينه
و أمـنه راحت بالسلامه
لا  تجينه
و منها ما عــدنه علامه

صاحت وا أماه وا فاطمتاه..طور كلما يناسب وزن النصاري

اجـاني العيــد و أمي وين أراضيها
و اريد اتعــنى الها و ابــچي اعليها
و إذا زعــلانه ابنــفــسي أراضيـها
تــره مـشــتاگه الها و لمسة ايديها

اجاني العيد و امي الليــله مو يمي
عگب عينـاها ما تـدري كثــر همي
و أنه ابكل يوم أذكرها ابدمع يهمي
و أنه ابهـل عيد اريــد الوالـده امي

اصــيح بــصــوت متـرد امي اعليه
و آنه ابعــازة أمــي الكـلـهـا حـنـيه
و اجاني العيد ما تدري اشجره بيه
أدور ويــن و اتــمــنــى تــرد لــيـه
 
*ننظر الى دار أمير المؤمنين ع، كيف كان يجلس في العيد مع أيتامه؟ كيف كان يحاول أن يهدئهم؟*
*كان يعلم بشدة وقع مصيبة فقد الأم على قلوب الأيتام، لذا كان يجلس في الدار ويجمع الأيتام، تارة يسمع رثاءهم وندبهم ويبكي معهم على لواعج أحزانهم، وتارة يحترق قلباً وقالباً حينما كان يمسح دموعهم بكفيه المباركتين وبكل عطف وحنان يمسح على رؤوسهم. فكأني به يسمع رثاء زينب وهي تقول يمه يا يمه يا يمه:طور (يمه أنه زينب عد)*

يــا يــمــه يــا يــمــه ، يــا يــمــه يــا يــمــه

يـمه أنـه  ابنيـتچ ، و ابعـازتچ هالحين
رحمي زغر سني ، فتــحي إليـه العـين
خليتي يوم العـيد ، للــدمـعه و الأونـين
و اتــوسلچ  يمه ، حاچــيني  فد  كلمه

يــا يــمــه يــا يــمــه ، يــا يــمــه يــا يــمــه

يــا  ريتني گبلچ ، مـدفونــه في  گبري
و الي كسر صدرچ ، ريته كسر صدري
ترضين أنه أتألم ، و أحتار أظل بأمري
المن أبث حـزني ،  و گلـبي  كثر  همه

يــا يــمــه يــا يــمــه ، يــا يــمــه يــا يــمــه
&&&
*آه آه آه ... و أما لسان حال إمامنا الحسن ع...*

طور جديد
يا يـمه اجــانـه العـيـد
و الــشــوفـتـچ انــريد
و دربــچ عليـنه ابعيد
و الهم عليـنه أيــزيــد

گلــبي اشتـعـل بـالنـار
ما شفتي بينه اشصار
طــبــع الــزمن غــدار 
مــنــچ حرمنه ازغـار

افــراگــچ يهدم الحيـل
و ادمـوعـي دم ايسيل
و العــيــد اجـه بالويل
و اصرخ يربي ادخـيل
&&&
*و لسان حال مولاتي أم كلثوم طور ما يناسب وزن الفائزي*

الـعـيـد اجـانه و كلـنـه هالليله يتامه
ويه الحـنـيـنـه ودعـيـنـه الابتسـامه
بغيابها اجناحي انكسر مثل الحمامه
و العيـد خلي ايروح ياللـه بالسلامه

راحت الـچـانت كلـشـي بالـدنيـا هيه
وحجـرتها ظلت موحشه الليله عليه
و اتمــنى واقــع مو حـلم ترجع اليه
بالعـيــد اتفـرحني هالشمعه المضيه
&&&
*وأمالسان حال الحسين ع*

طور كلما يناسب وزن بحر الطويل

آه ييمه ، آه ييمه ، آه ييمه ، آه

ييــمه العــيــد اجاني  و لا هله گـتـله يالاحــبـيبه
صعب أفرح عگب عينچ و أنه عايش بالامصيبه
و اظــل اتــذكــر الاعـيــاد ، من چـنتي يالاغريبه
چـنــت عايـش ملك وياچ ، وهـسه عايش ابخيبه

آه ييمه ، آه ييمه ، آه ييمه ، آه

يــيــمه گـومي ابهـل عيد ، خل نفرح سوه اردود
و نعــوف الموت و نتگابل ، نبدل هالثياب السود
نريد انحــس ابهـل يوم ، حسِّـچ بعده هم موجود
نعَــيـّــد يـمـچ انبارك ، و لا انشوفچ وسط للحود

آه ييمه ، آه ييمه ، آه ييمه ، آه

ويلي ويلي ويلي. كأني بأمير المؤمنين ع
يا عيد
مـتـگلـي شـنــو ايفــرح گـلـبـنه
يا عيد
و احــنـه بالـتــرايب عفـنه أمنه
يا عيد
عــگــب الــوالـده شيــلم شملنه
يا عيد
شــيــداوي ألــمـنــه ابـيـتــمـنـه

و أمنه
من عافتنه شفنه اشگد مصايب
و أمنه
و ابعــازتــها احـنــه والحبايب
و أمنه
مـن راحت نحس صرنه غرايب
و أمنه
بالعــيــد الاجــه بــيــن الـترايب
=
📝 #الشاعرة_الملاية_زينب_المؤيد
📚 #ديوان_خزائن_الرثاء 23 جزء
📚 #ديوان_خزائن_الولاء_في_مدح_خيرة_الأولياء ٧ أجزاء
📚 #الخزائن_للمحاضرات_المنبرية 2 جزء
📚 #المزارات_والعبرات 4 أجزاء
📚 #مجالس_الفواتح 90 مجلس 7 أجزاء

تمت بحمد الله تعالى
*ونسألكم الدعاء لتعجيل الظهور*
ــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

⬛️◾️▪️⚫️﷽⚫️▪️◾️⬛️
نواعي جديدة لشهادة الزهراء ع

🏴 القصائد والنواعي المكتوبه *(لسائر المناسبات)* #في_الرابط  👇🏻 تابعونا
https://t.me/joinchat/AAAAAD8_rhRMz0RN2ZsQJg

عندما رجع الحسنان الى الدار، كأني بالحسن ع ، دخل الحجرة نظر الى أسماء تصيح بجوار امه. وقع قلبه سأل أسماء لما البكاء والنحيب؟ كيف حال أمنه؟ قالت أسماء لعل أمكم نائمة، قال هذا ليس وقت نوم أمنا هذا وقت عبادتها... فألقى الحسن بنفسه على أمه منادياً أماه أنا حبيبك الحسن ...

جاوبيني
من أناديلچ ييمه
جاوبيني
سكتتچ گلبي يلچمه
جاوبيني
لا تخلي اعيوني تعمه

گعدي يمه
شوفي حالي يالحبيبه
گعدي يمه
شيلي عني كل مصيبه
گعدي يمه
لا تخليني غريبه

هذا والحسين قد وضع خده تحت قدمها ينادي أماه كلميني قبل أن ينصدع قلبي...

حاچي ابنچ
آنه الاحــســـيـــن الربيت اعله دلالچ
حاچي ابنچ
تعــرفــين ابگلــبـي ذايب اعله حالچ
حاچي ابنچ
لا تخليــني و تحــرمــيـنـي وصــالچ
حاچي ابنچ
لا تگــلـيــلي انحــرم شــوفة جمـالچ

كـلــمـيـــني
حــتى لــو ابچـلـمه وحده و ريحيني
كـلــمـيـــني
رحمي حالي وارحمي دمعي وونيني
كـلــمـيـــني
و ابــســكـــتِّـــچ يالحـنــينه تفجعيني
كـلــمـيـــني
طمـني گلـبي ولا تگــولي اتيـتـمـيني

فقال له الحسن عظم الله لك الأجر بأمنا فاطمة ...

راحت تره أمنه اليــوم راحت
وسفه الحنينه اشلون ماتت
و اجبال الحزن اعلينه طاحت

راحــت ولا تــرجــع الــيـــنـه
و هالـفــاجــعـه اثجـيله علينه
و انـصـيـح و ما تسمع بچينه

هــذا الأجــل مــن مـر علـيـها
مــدت رجــلــها وي أيــديــها
عـافـتــنــه بس نـبـچي عليها

فأقبلت زينب ع تسأل مالخبر كيف أصبحت أمنا فاطمة؟ فقال لها الحسن اخيه زينب استعدي للعزاء فقد ماتت أمنه ... طور وزن النصاري

خبر موتچ تره هد حيلي يمه
و أحس مخنوگه و ابدلالي هضمه
صدگ أبگى يتيمه و دمعي يهمه
عگب عينچ أجي الثوبچ أشمه

تراني ابعازِتچ يحبيبه تدرين
و أريدچ ابحياتي لو ترجعين
و الى صدرچ ولو مره تحضنين
يتيمه و رايده ابحالي تعطفين

ييمه الموت اشجابه علينه
أخذ روحچ يالاحبيبه امن ايدينه
فجعنه ابفراگچ بالحنينه
ولا چنت أحسب احسابه يجينه

هنا صاحت وا أماه وا فاطمتاه

عفتيني ليش و رحــتي يــمه
خليتي أشوف الدار ظلـمه
ومن البوا چي اعيوني تعمه

مـعـــقــوله يــمه اتــيـتـمـينه
ويــن الـگى مثــلچ يالحنيـنه
ياهــي التـجي وتعطف علينه

حــاچــيــني يـمه و ريـحيـني
و ابـمــوتــتــچ لا تهـضميني
شـوفــيــني مخنوگه ابونيني

معـقــوله رحتي ابلايه اوداع
بالنـاس تـالي هالخـبـر شاع
و الــمــوت خــلانه بالاضياع

مــكــســور گـلــبـي يالحبـيبه
يــمه و أحــس روحـي كئيبه
من رحتي عفـتـيني ابمصيبه

لو انــشــدوني أهلي و الناس
ويــن الـحـنـيـنه أم الإحساس
و آنه يـتـيـمه و الـطم الراس

فأقبل امير المؤمنين ع وشرع في تجهزها هذا و الايتام يتألمون و ينظرون و يودعون الغالية

و الچانت اتلـولــي لــي مــاتت
و اگـبــالي للاگــبــور شــالت
و اشلــون بيــن اتــراب باتت

شالــوا العــزيــزه اشلون شيله
وگـعــوا يــتــامــاها عــلــيــلــه
و الي ايعــرفـهـا طاح حــيله

شالوها و احنه نجري الاعيون
و انــعـايــن الـهــم مـا يــردون
للـمـگــبــره صــاروا يگصدون

يــل شـلــتـوا هــالأم الـحـنـيـنـه
يــا ريــت اتــرجــعــوهــا لـينـه
رحــمــونــه مـو بيـها انچـوينه


تمنوا لو ان هذه الليلة تطول اكثر...
طور المستهل لقصيدة (يا ليل طول ساعاتك)


يا لـيــل طـــوِّل لحـظاتك
يا لـيــل أحــمل حسراتك
خـلــي انــــودع أمــنــه * و انـلـمـهــا و اتلــمــنه

يا حيف أمــنه ايغسلوها
يا حيف رادوا ايـشيلوها
و لــو شيعـوها اگبـالي * مدري اشيجري ابحالي

بـــــالآه صرنه انودعها
بـــــالآه للدفنه انجهزها
بــس هــل ليــله عـدنه * و الـــدره اتــفــارگـنــه
=
📝 #الشاعرة_الملاية_زينب_المؤيد
📚 #ديوان_خزائن_الرثاء 23 جزء
📚 #ديوان_خزائن_الولاء_في_مدح_خيرة_الأولياء ٧ أجزاء
📚 #الخزائن_للمحاضرات_المنبرية 2 جزء
📚 #المزارات_والعبرات 4 أجزاء

تمت بحمد الله تعالى
*ونسألكم الدعاء لتعجيل الظهور*
ــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.