قناة خطباء المنبر الحسيني للقصائد

#القاسم_أبن_الحسن_ع


⬛️◾️▪️⚫️﷽⚫️▪️◾️⬛️
نخوة للقاسم ابن الحسن ع، بطور 1👇
https://youtu.be/C_3dSm16fXE
او 2 بطور(نخوه يم عباس نخوه-ملا علي الأحمد)
https://youtu.be/B0rh3gkFM2o
او 3 بطور قريب من(ادخيل يالزهره ادخيل)


▼△▼△▼
ننخى قاسم هالمسيه
نقسمه ابعمته السبيه


هذا ذبحوه ابشبابه
من دمه نحره خضابه
فاجع العتره ابمصابه
بس بقت چفه سخيه


نگصده هالليله كلنه
جاسم اللي ما تهنه
حاشى ايخيب أملنه
و هوَ بن حامي الحميه


نقسمه بأم المصايب
من مشت ويه الغرايب
و الزلم اعله الترايب
يرحم ابهل جعفريه


منه راح اطلب مرادي
عنده ، انمد هالأيادي
نطلب الحاجه وننادي
بالعقيله الهاشميه


نطلب ابجاه الشفيعه
يشفي مرضانه الوجيعه
ينظر ابلمحه سريعه
يمسح اعله هالبريه


نقسمه باللي اضربوها
بالعقيله السلبوها
من بعد عزها وأخوها
يشفع النه بالمنيه
=======
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــــــــــــــــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

#القاسم_أبن_الحسن_ع

⬛️◾️▪️⚫️﷽⚫️▪️◾️⬛️
نعي للقاسم ابن الحسن ع
بطور *(المجاريد)* أطوار العراقية والعاشوري والنويني والجنوبي والهادئ والنايلي والگرناوي (العكراوي) والعلواني والأهوازي والموال والجنازي و....غيره.


▼△▼△▼
لسان حال رمله عند ولدها القاسم ع ؛


نايم ابني اشلون نومه
و الموت امغيير رسومه
دم نحره املون هدومه


يا هو اليناديني ييمه
و ابني امدد بين دمه
راح و ترك ابگلبي همه


من چان ايمرني اشحلاته
هسه فگدته وي مماته
سيف الدهر خلص حياته


مو وكته نومك آه يبني
جاوبني مره لو تحبني
بين المصايب لا تذبني


ميت ييمه اشلون أگعدك
ريتك شفت اشحالي عندك
شصبر على دنيتنه بعدك


ما ينسمع صوتك يغالي
لا تدري يبني اشلون حالي
بالنوح أسهر لك ليالي
===
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــــــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

#القاسم_أبن_الحسن_ع



⬛️◾️▪️⚫️﷽⚫️▪️◾️⬛️
للقاسم ابن الحسن ع
بطور الفزاعية و تقرأ بألحان مختلفه


▼△▼△▼
من شفت راسك تهشم ...يبني جاسم خاب ظني


يا وضع جابوك اليه ...يبني جاسم خاب ظني
نايم ابحضن المنيه ...يبني جاسم خاب ظني
ما ترد يبني عليه ...يبني جاسم خاب ظني
ما يحركك صوت وني


و الجروح البيك كثره ...يبني جاسم خاب ظني
مگدر النحرك أنظره ...يبني جاسم خاب ظني
منطبر اشلون طبره ...يبني جاسم خاب ظني
دهري بمصابك لطمني


ليش منك احرموني ...يبني جاسم خاب ظني
و ابذبحتك افجعوني ...يبني جاسم خاب ظني
و ابدمائك لوعوني ...يبني جاسم خاب ظني
و الزمن اشلون ذبني


يبني مبروك الشهاده ...يبني جاسم خاب ظني
لي الحزن ليك السعاده ...يبني جاسم خاب ظني
و الترُب ليك الوساده ...يبني جاسم خاب ظني
منظرك والله هضمني


گوم شوف اشلون حالي ...يبني جاسم خاب ظني
فكري محتار الجرالي ...يبني جاسم خاب ظني
لا تظن يـــرتاح بالي ...يبني جاسم خاب ظني
بالله جاوب لو تحبني
===
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــــــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

#القاسم_أبن_الحسن_ع



⬛️◾️▪️⚫️﷽⚫️▪️◾️⬛️
للقاسم ع ، بطور جديد النعي (الغربه صعبه - ملا نقيب الكربلائي)
https://youtu.be/ZkEaKzZEdf4
او النعي (اسمع عتابي - الخطيب علي البيابي)
https://youtu.be/RsYn1i6972g
او (للسيد هادي درويش)
https://youtu.be/Rg8o8_GVzf4

او اللطمية
https://youtu.be/w9HkZVWepvk

▼△▼△▼
كأني بالامام الحسين ع عندما وصل الى مصرع القاسم ابن الحسن ع ، نظر اليه مضرج بدمائه ، انفجع قلب الحسين ع فكأني به قال؛


يفجعني وضعك * مكسور ضلعك
حاچيني جاسم * خليني أسمعك


شيداوي نحرك * مطحون صدرك
و الجيش يشمت * اگبالي بأمرك


جثتك ألمها * نثروا لحمها
ريحة أخويه * منك أشمها


آ يبني جاسم * عالغبره نايم
وسفه الحياتك * ماكو علايم


يا هو اللي صابك * و الدم خضابك
خلص سنينك * ابعز شبابك


أمك شگلها * و ايخيب أملها
لو تدري ميت * يقرب أجلها
=====
📝 #الشاعرة_الملاية_زينب_المؤيد
📚 #ديوان_خزائن_الرثاء 14 جزء
📚 #ديوان_خزائن_الولاء_في_مدح_خيرة_الأولياء 3 أجزاء

تمت بحمد الله تعالى
*ونسألكم الدعاء لتعجيل الظهور*
ــــــــــ
تابع قناة الحان قصائد الشاعرة على اليوتوب👇
https://www.youtube.com/user/ze14mo
#انشروا_وشاركونا_في_الثواب
.

#القاسم_أبن_الحسن_ع


(( جـــســـام يـــولـــيـــدي ))
استشهاد القاسم ابن الامام الحسن المجتبى عليهم السلام

يل شَمْعِتَك بإيدي // جسّام يَوْليدي
بنار الوِداع إمْوَگِدَه // و آنه ابهمومي امْفَرْهدَه
جسّام يَوْليدي
●•••••●•••••●•••••●●•••••●
يإللي طبع بِيَّه الدهر آمالي بوجودَك
يا ثمرَة إفّاد الحسن غصني و خَضَر عودَك
يا مَوْطِن أحلامي و سِمَه وما أعبر احْدودَك
بجناح شوگي عَبْرتي تمطر عَلَه اخْدودَك

يا بهجَة اعيوني // يا دِنْيتي و كوني
و كل ذِكْرياتي الخالِدَه // و آنه ابهمومي امْفَرْهدَه
جسّام يَوْليدي
●•••••●•••••●•••••●●•••••●
يَوْليدي عِشْت آنه العمر أسْهَر عَلَه ارْباتَك
و ياما أناغيك ابصغر و تسحرني ضَحْكاتَك
بحضني أضَمّك و ألْثِمَك و أشْتَمها نَسْماتَك
عمري فنيتَه لراحِتَك يل توجَعْني آهاتَك

يا درّة أيّامي // لو تدري بآلامي
بمصابَك آنه امواعدَه // و آنه بهمومي امْفَرْهدَه
جسّام يَوْليدي
●•••••●•••••●•••••●●•••••●
يبني طمع بِيَّه الزمن و راد الثمن إنته
و بكربله دار المحن بدموعي قَدَّمْته
طيف الأجَل يَم وَرْدِتَك بكاس الحَتِف شِفْته
يسچب عليها شَتْلِتَك دَمْ و الگلب فَتَّه

وسفه الزمن قاسي // ظل يحرگ أنفاسي
و دَمَّك يَجاسم رايدَه // و آنه ابهمومي امْفَرْهدَه
جسّام يَوْليدي
●•••••●•••••●•••••●●•••••●
من جينه للطف خافگي مَوْجوعَه نَبْضاته
و كل دَگَه لفّادي تحن من تالي وَنّاته
و إحْساسي يا يُمَّه إرْتَعش من رَجْفَة آهاته
و اضلوعي مَحْنِيَّه صفَت لَنْ الحزن باته

ابهالحيره دَلاّلي // ظل يجرح بحالي
و جمرة عذابي زايدَه // و آنه بهمومي امْفَرْهدَه
جسّام يَوْليدي
●•••••●•••••●•••••●●•••••●
جاسم تمنيتك تظل و إنته إلْتباريني
و أهنىٰ بشبابك ضنوتي أيّامي و اسْنيني
چنت أعتقد يا مُنْيتي تغَمّض إلي عيني
لَمَّن أموتن بالگبر إنته إلْتواريني

ردْتَك ذخر لَيَّه // تُبْگه و تبر بِيَّه
و فگدك دليلي مارِدَه // و آنه ابهمومي امْفَرْهدَه
جسّام يَوْليدي
●•••••●•••••●•••••●●•••••●
لحظة تِعاله بالخِيَم صوت الهضم داعي
آنه الغريب ابكربلَه إنْحِنْيَت أضلاعي
بيها تِيَقَنْت البُعُد وَيْ ساعة اوداعي
و شفت الهنادي امْشَهَّرَه وَيْ صرخة الناعي

وَيْ فَزْعِتَك روحي // فَزَّت من اجروحي
و صار إسمي منها الفاگِدَه // و آنه ابهمومي امْفَرْهدَه
جسّام يَوْليدي
●•••••●•••••●•••••●●•••••●
من شفتك الحومه اطْلَعِت وسفه انخطف لوني
بين الأعادي يا گمر و آنه أجذب اشجوني
و عمَّك تخوصر من رحت و ارْتابَت اظنوني
بَلِّغ سلامي للحسن ساعه و تخَلّوني

خل الوَغَه تهابَك // و تحسب لك احْسابَك
اتشوفك علي شَدْ ساعِدَه // و آنه ابهمومي امْفَرْهدَه
جسّام يَوْليدي
●•••••●•••••●•••••●●•••••●
من طيحتك حيلي إنهدم و انهارت اصروحي
و شفت الغريب ابلوعته لحاله كثر نوحي
فوگك وگع مَحْني الظهر و صار الألم سوحي
يهتف حبيبي بحسرته تتركني ابروحي

شالك من الحومه // و ادموعه مسجومه
و كلْمَن مُصابه شاهدَه // و آنه ابهمومي امْفَرْهدَه
جسّام يَوْليدي
●•••••●•••••●•••••●●•••••●
الشاعر : أبو شهيد الأحسائي
السبت ١٤٤٠/٥/٢٦هـ

#القاسم_أبن_الحسن_ع
#نعي فائزي في مصاب القاسم عليه السلام

زفوا الشباب ابنعشه يا ارجال الهواشم
بدم منحره حنوا الجفن صيحوا يجاسم

عريس ويلي والعرس وسط المقابر
زفو عمامه واخوته بدمع المحاجر
وعمته الحزينه تنتحب واعليه تناظر
وامه تصيح بحسرته والدمع ساجم

شعلن ياعماته الشمع اوجهزنه
عريس جاسم بلدمع استقبلنه
ومن دمه حنن له الكفن اوبللنه
وصيحن يعرس ابن الحسن وسط المآتم

صيحن يعرس ابن الحسن مامثل يومه
نايم يعريس السعد محلاها نومه
يالحنته من منحره صارت ادمومه
زفوه جاسم للقبر يااهل العمايم

بقلم : بنت الشمري

.

#القاسم_أبن_الحسن_ع

ياريع القلب يازهوة امك
شيشيله يجاسم والله همك
والحنه اشوفن صفت دمك

ياريع القلب ياضوا اعيوني
بعرسك يالولد يمه افجعوني
وعلقم فرقتك جاسم سقوني

يامحلاه طولك من انظره
يسلوة خاطري وقلب المسره
يمه اعليك صوتي بس اجره

ياسباح قلبي وشمعة العين
خليت لحياتي بس الونين
ياعريس زفتك بالميادين

ردتك للوكت وايام شيبي
وتحضر موتتي يمه ومغيبي
صفيت ابحسرتي يمه ونحيبي

ياعريس و ازفافه المنيه
واعله البين جسام شبديه
ريت البيك يمه اندار ليه

ليه اندار والنعشي تشيله
سهم البين يمه مالي حيله
خاف سنيني من بعدك طويله

لاطال العمر بعدك ييمه
وعين امك يجاسم والله تعمه
وبس المنيه صفت سهمه

بقلم : بنت الشمري

#القاسم_أبن_الحسن_ع
#بطور جرح المدينة (قصيدة بحق القاسم بن الحسن ع)


بدم المنيه --- حنّيت اديه
---
يبني يمن چنت الامل ليّه واشوفن بيك
ياضي عيوني ومهجتي حگي امننوح اعليك
لو بيدي ياجاسم اجي وبمهجتي اشريك
وبروحي ها يالغالي صدّك لو يصح افديك
بالغاضريه --- حنّيت اديه
---
شفتك ذبيح بكربله ودمّك يصب عل گاع
واتذكّرت وبخيمتي من ودّعتني اوداع
وي جرحك الدامي الي جروح الدليل اوساع
ما حسّبت يبني الوفي ترحل ييمه بساع
ونتي شچيه --- حنّيت اديه
---
المن يجاسم حضّرت شمع العرس والياس
المن اشوفن هل وكت متجمعه كل الناس
المن ابو اليمه اجه وحنّه علچف عباس
وانت ذبيح وآنه اضل يبني ادنگ الراس
كلّك حميه --- حنّيت اديه
---
معقوله يبني ماترد وانت امل دنياي
عطشانه تدري الشوفتك وجهك اشوفه الماي
معقوله ارجع للاهل مترد يروحي وياي
صعبه وجروحي نازفه ما ينحمل بلواي
بس رد عليه --- حنّيت اديه
---
ارحمني يا جاسم صرت بين الجمر والنوح
ريتك عدل يبن الحسن وعطرك يضل يفوح
يوليدي ليش بكربله ما ادري هيچ اتروح
جسمك ينور الهل بصر متطبّر ومذبوح
جمراتي بيّه --- حنّيت اديه
---
الشاعر محمد حسن ضيغم

#القاسم_أبن_الحسن_ع
#نعي
#رمله تخاطب القاسم
ـــــــــــــــــــــــ
جسام تانيتك يضنواي
ترجع الي وتبرد احشاي
عطشانه يمه وشوفتك ماي
جسام خل اعلك شموعك
واخلط دموعي وي دموعك
ناطرت تدريني رجوعك
عليك الكلب مابطل ونه
وكليبي يوليدي ايتمنه
يبني بزفافك احط حنه
جسام كحل عين امك
حليهه يويدي تشمك
يشفه الجرح لو نادت اسمك
يويلدي نشف دمعة العين
مثلك اجيبن جاسم منين
بس لا يصيبك يبني البين

#القاسم_أبن_الحسن_ع

( قصيدة القاسم عليه السلام )

ودعتك الله بالسلامه
وتدعيلك چفوف اليتامه

يبني يجاسم من رحت
احسبني بفراگك متت

ودعتك الله بالسلامه

ا~~~~~ا ١

لمّن رحت.. بعدك متت.. ماضل نفس بيه
انتَ الضوه.. وانتَ الهوه.. الضميته بالريه
من الحسن.. وجهك حِمل.. وصفه ومعانيه
چنك گمر.. وسط الحرب.. والناس معميه


ما شافوا بوجهك معاني
وبذبحتك ذبحوا امآني
مذبوح يايمه صحت
احسبني بفراگك متت
ودعتك الله بالسلامه

ا~~~~~ا ٢

طالع شبل.. بالطف مثل.. عباس ابو الغيره
من قاتلت.. جيش الكفر.. ظل واگع بحيره
هذا الحسن.. گالوا لان.. تشبه تصاويره
برض الحرب ..چان الاجل.. بچفوفك تديره


لمّن رحت محد بقالي
غالي وگع ويلحگه غالي
وشكثر بالطف ودعت
احسبني بفراگك متت
ودعتك الله بالسلامه

ا~~~~~ا ٣

طعم الفرح.. كله انذبح.. بس ظلت الونه
انتَ الأمل.. تالي العمر.. يايمه والظِنه
عيوني عمن.. وابصر لمن.. وجهك اشوفنه
صار العرس.. حافر فرس.. وبصدرك اتحنه


بسهامهم زفوا منيتك
مگطّع وذر يمه لگيتك
ما تدري بعيوني إشفت؟
احسبني بفراگك متت
ودعتك الله بالسلامه

ا~~~~~ا ٤

راح الشمع.. ظل الطبع.. للحافر بصدرك
بين الچثث.. وينك صحت.. يالماسلم عمرك
من دورت.. ما تيهت.. دلاني أثر عطرك
حنه جبت.. ليك وگمت .. حنيتك بنحرك


بچفوفك مخليه علامه
عليها تحط حتى الحمامه
عله چفوفك الترفه نِحت
احسبني بفراگك متت
ودعتك الله بالسلامه

ا~~~~~ا ٥

فوكَ الترب .. نايم تظل.. واني امشي مسبيه
كون القدر .. يمك دهر.. لو أمري بيديه
عن الشمس.. طولي يظل .. چثتك تحت فَيه
ولا بالسبي.. ارجع الك.. ومتوني مدميه


بدرب السبي ردتك تجيني
عيني انطفت يانور عيني
يايمه حيل اتعذبت
احسبني بفراگك متت
ودعتك الله بالسلامه

الشاعر #مصطفى_الشافعي

#القاسم_أبن_الحسن_ع

نعي ليلة الامام القاسم عليه السلام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،


يوليدي ها يا نور العيون
يبن الحسن وبكربله شلون

جسام يمه حسينك أوحيد
ويم النهر عمك بلا أيد
واحنه حرم واهلك اجاويد
الحگ تعرف الشمر شيريد ؟

يمه لحسين اريدن موتك بساع
وانه ادري بيه رباي ما ضاع

انته عزيز وروحي أنته
وحسين أعز منك عرفته
عمامة ابوك البسهه جسام
لتخلي موتك موت سكته

يوم العرس من دمك يسيل
وتصير جثه وي المچاتيل
لهل المگابر تضوي بالليل
يا بعد حيل امك يجاسم

من تموت وي روحك وصيه
وصلهه للزهره الزچيه
گللهه امي تسلم اعليچ
وحاميت گلهه اعله الثنيه

گللهه أمي تگول وفيت ؟
بس ولد عندي وبيه ضحيت
بس روحي ظلت لكن حسين
گلالي ردي وانه رديت


لو بيدي اموت گبال عيناه
ولا شوفه مرمي ومحد وياه
ويلاه راح الوالي ويلاه


ونيت وانه امودعه الاحباب
والراس فوگه چفوف وتراب
ها يلولد ها يلصرت شاب
يمخلي گلبي ابكربله انصاب




يا كربله اشسويتي بينه
وشلون نرجع للمدينه
لامن اهلنه ولا ولينه
والشام لچمه ابنص حچينه


يهل المحنه هلاه يغاليين
مامش نفس مو چنتو عدلين
فوگ التراب اعزاز ميتين
واصعب جرح من شفت الحسين


ظليت يمه وصحت ما مات
بس جسمه كله انترس طعنات
مولاي گتله اگعد سلامات
خلافك تره يشبگون ادينه


كلمات خادم الحسين
#رعد الفريجي
1442 للهجرة

#القاسم_أبن_الحسن_ع

خطاب مولاتي رملة(ص)لمولاي القاسم(ص)
▪️▪️▪️▪️▪️▪️▪️▪️▪️▪️▪️▪️▪️▪️
هاي آخر ليلة نتسامر سويه
يمه ما ظنك بعد تلزم اديه
يلباجر تهد
ماظنك ترد *تلزم اديه
▪️▪️▪️▪️▪️▪️▪️▪️▪️▪️▪️▪️▪️▪️

يبني يابعد الگلب
زغير عمرك عالحرب
شلون وتطيح بترب**ماعندي والي
يمه حس بغربتي
طيحتك جن طيحتي
جاسم انته سلوتي**وتعب الليالي

لظهري اريدك تسنده وتظلي عمر
نسمة جنك واشوفك تمر الفجر
شمحله وجهك ييمه وحلات الوكت
بجفي تلزم وأديتك ترافت زغر

مااتعودت اعله غيرك وين رايح
دمعي بعيوني نزل هلساعة طايح
وبروحي اردد
ماظنك ترد***تلزم اديه
▪️▪️▪️▪️▪️▪️▪️▪️▪️▪️▪️▪️▪️▪️

شلون اشوفنك ذبيح
يمه گدامي تطيح
باجر لوجهك اصيح**أوليدي ارجع
تدري بالممشه اضيع
گلبي وي گلبك وديع
الورگة دونك ياربيع**يمه إتككطع

فدوة لأسمك يطولي وشبيه الحسن
بسته جفك واصدله مسح بالبجن
هسه تمسح دمعتي وتصبر علي
بس اكلك احيرن ترا اويه الضعن

يمه اموتن والوكت يعميلي عيني
وداعت عيونك ترا تذبل سنيني
واحجيهه بالجد
ماظنك ترد***تلزم اديه
▪️▪️▪️▪️▪️▪️▪️▪️▪️▪️▪️▪️▪️▪️

فدوة ياروح العشك
باجر يصير الصدك
وانه يمه احترك**بنار المخيم
انت مابين العده
تبقا جثة امدده
كلي شنهي الفايده**لو دمعه الزم

انته نسمة ويسولف هواك بصبح
اسم الله يمه واشوفك يلوحك جرح
بروحتك ارجع بساع وتدري انتظر
انه اكولن تردلي وتصح ما تصح

يمه اسولف والسوالف تجري باجر
تروح للحومه واظل بدمعي اناطر
وبأيامك تعد
ما ظنك ترد***تلزم اديه
▪️▪️▪️▪️▪️▪️▪️▪️▪️▪️▪️▪️▪️▪️

زغير بعدك يالولد
عمرك لموته استعد
ليش اجينه لهل بلد**وحسين يدري
يدري باجر بالظهر
انت والأكبر حدر
خيل والنار وجمر**ومايبقى عمري

يطفى باجر ضواك وتطيح الخيم
يصير موتي برحيلك نياك و الم
باجر أصبح غريبة واظل عالهزل
ويه عمتك يغالي و بلايه علم

هوا هذا الباجر ويجري علينه
هيج كاتب ربنه كلشي مابدينه
يلعني تبعد
ما ظنك ترد***تلزم اديه
▪️▪️▪️▪️▪️▪️▪️▪️▪️▪️▪️▪️▪️▪️
خادم الحسين محمد منير المياحي

#القاسم_أبن_الحسن_ع
#نعي اأستشهاد (القاسم ابن الحسن ع)
#عن لسان حاله امه رمله
✍الشاعره صديقه الهلالي --------جديد،

-------------------------------------
امهنه ابنومك ياوليدي
واعليك يايمه اشبيدي
ريت انگطع گبلك وريدي
لو ترجع ييمه ايصير عيدي
----------------
،حنيتّك ابأيدي يغالي
يلچان راسي بيك عالي
تعال يلولد وانظر الحالي
اشحال الفجيده ابغير والي
--------------------
اتمنيت عرسك بلمدينه
تحضر حبايبنه وتجينه
ياكربله اشسويتي بينه
كلمن مشه مارجع لينه
-----------------
حنه وشمع والدمع يجري
ارجع ييمه واخذ عمري
اشلون ابعدك يلولددهري
اعليك انحنه يلولد ضهري
----------------
يلولد يبني وسلوة الروح
دخيلك ييمه عني لتروح
سهمي من الدنيه بقه النوح
دم نزف گلبي اعليك مجروح
----------------------

تمت بعون الله/✍الشاعره صديقه الهلالي /كربلائيه وافتخر/
غير مبرئ الذمه من يحذف اويغير الاسم
------------------------------

#القاسم_أبن_الحسن_ع
(( جـــســـام يـــولـــيـــدي ))
استشهاد القاسم ابن الامام الحسن المجتبى عليهم السلام

يل شَمْعِتَك بإيدي // جسّام يَوْليدي
بنار الوِداع إمْوَگِدَه // و آنه ابهمومي امْفَرْهدَه
جسّام يَوْليدي
●•••••●•••••●•••••●●•••••●
يإللي طبع بِيَّه الدهر آمالي بوجودَك
يا ثمرَة إفّاد الحسن غصني و خَضَر عودَك
يا مَوْطِن أحلامي و سِمَه وما أعبر احْدودَك
بجناح شوگي عَبْرتي تمطر عَلَه اخْدودَك

يا بهجَة اعيوني // يا دِنْيتي و كوني
و كل ذِكْرياتي الخالِدَه // و آنه ابهمومي امْفَرْهدَه
جسّام يَوْليدي
●•••••●•••••●•••••●●•••••●
يَوْليدي عِشْت آنه العمر أسْهَر عَلَه ارْباتَك
و ياما أناغيك ابصغر و تسحرني ضَحْكاتَك
بحضني أضَمّك و ألْثِمَك و أشْتَمها نَسْماتَك
عمري فنيتَه لراحِتَك يل توجَعْني آهاتَك

يا درّة أيّامي // لو تدري بآلامي
بمصابَك آنه امواعدَه // و آنه بهمومي امْفَرْهدَه
جسّام يَوْليدي
●•••••●•••••●•••••●●•••••●
يبني طمع بِيَّه الزمن و راد الثمن إنته
و بكربله دار المحن بدموعي قَدَّمْته
طيف الأجَل يَم وَرْدِتَك بكاس الحَتِف شِفْته
يسچب عليها شَتْلِتَك دَمْ و الگلب فَتَّه

وسفه الزمن قاسي // ظل يحرگ أنفاسي
و دَمَّك يَجاسم رايدَه // و آنه ابهمومي امْفَرْهدَه
جسّام يَوْليدي
●•••••●•••••●•••••●●•••••●
من جينه للطف خافگي مَوْجوعَه نَبْضاته
و كل دَگَه لفّادي تحن من تالي وَنّاته
و إحْساسي يا يُمَّه إرْتَعش من رَجْفَة آهاته
و اضلوعي مَحْنِيَّه صفَت لَنْ الحزن باته

ابهالحيره دَلاّلي // ظل يجرح بحالي
و جمرة عذابي زايدَه // و آنه بهمومي امْفَرْهدَه
جسّام يَوْليدي
●•••••●•••••●•••••●●•••••●
جاسم تمنيتك تظل و إنته إلْتباريني
و أهنىٰ بشبابك ضنوتي أيّامي و اسْنيني
چنت أعتقد يا مُنْيتي تغَمّض إلي عيني
لَمَّن أموتن بالگبر إنته إلْتواريني

ردْتَك ذخر لَيَّه // تُبْگه و تبر بِيَّه
و فگدك دليلي مارِدَه // و آنه ابهمومي امْفَرْهدَه
جسّام يَوْليدي
●•••••●•••••●•••••●●•••••●
لحظة تِعاله بالخِيَم صوت الهضم داعي
آنه الغريب ابكربلَه إنْحِنْيَت أضلاعي
بيها تِيَقَنْت البُعُد وَيْ ساعة اوداعي
و شفت الهنادي امْشَهَّرَه وَيْ صرخة الناعي

وَيْ فَزْعِتَك روحي // فَزَّت من اجروحي
و صار إسمي منها الفاگِدَه // و آنه ابهمومي امْفَرْهدَه
جسّام يَوْليدي
●•••••●•••••●•••••●●•••••●
من شفتك الحومه اطْلَعِت وسفه انخطف لوني
بين الأعادي يا گمر و آنه أجذب اشجوني
و عمَّك تخوصر من رحت و ارْتابَت اظنوني
بَلِّغ سلامي للحسن ساعه و تخَلّوني

خل الوَغَه تهابَك // و تحسب لك احْسابَك
اتشوفك علي شَدْ ساعِدَه // و آنه ابهمومي امْفَرْهدَه
جسّام يَوْليدي
●•••••●•••••●•••••●●•••••●
من طيحتك حيلي إنهدم و انهارت اصروحي
و شفت الغريب ابلوعته لحاله كثر نوحي
فوگك وگع مَحْني الظهر و صار الألم سوحي
يهتف حبيبي بحسرته تتركني ابروحي

شالك من الحومه // و ادموعه مسجومه
و كلْمَن مُصابه شاهدَه // و آنه ابهمومي امْفَرْهدَه
جسّام يَوْليدي
●•••••●•••••●•••••●●•••••●
الشاعر : أبو شهيد الأحسائي
السبت ١٤٤٠/٥/٢٦هـ
---------------------------
*لا يجوز و محاسب شرعاً حذف او تغيير التوقيع*

#القاسم_أبن_الحسن_ع
#لسان حال الامام الحسين عليه السلام

يَبني يا جاسم حبيبي عنّي لا تنام
جيت أشيلَك يَبن أخويه اويايه لخيام
و گلبي ينزف يَبني دمّك // و بالخِيَم محتاره أُمَّك
●•••••●•••••●•••••●●•••••●
إسم الله يا جاسم عَ طولك آيا مطروح
جيتك بلهفه و عُجاله و دمعي مسفوح
و شفتك بسوح المراجل تنازع الروح
تهتف بإسمي و تنادي و آنه مجروح
عيني أعماها النوايب و جاري النوح
و مُهجتي يَبن الغوالي بالأسىٰ اتبوح

أمشي بس صوتك دليلي بين لسيوف
و يمشي وَيّايه يريدك ظلالِ لحتوف
و عَ الجسد طِحْت و ألِمَّك // و بالخِيَم محتاره اُمَّك
●•••••●•••••●•••••●●•••••●
اشلون اشوفك يَبن اخويه جاريه ادماك
امدَد بگاع المنيّه امغَمضَه عيناك
صِرت أشِمَك و نوب أضُمَك و أمسِك إيداك
و أهتِف بحسرة ونيني عُمري يفداك
گوم و نَسّيني لعذابي بالله أرجاك
عَمّك بحيره يَجاسم و غُربَه أنخاك

أهمِس بإذنَك مُصابي يمكن اتگوم
إفتح اعيونَك و شاهِد حالي مالوم
ها يعگلي آنه عَمّك // و بالخِيَم محتاره أُمَّك
●•••••●•••••●•••••●●•••••●
اشلون أشيلك و لخِيَمنا اشلون أوَديك
و آنه ظهري بالفجيعه منحني اعليك
طبرتك فِتحَت جراحي و چيف أداويك
و صَعبَه يَوليدي و غَناتي اهنانه أخليك
فراگي مو بيدَك وسافه و يصعَب أدريك
و هٰذا لمگَدَّر عَلينا و الله يجزيك

أُمي الزهره تنطرك و حامي الجار
و عن وَحِشْتي و إنفرادي عَطهُم أخبار
و جَدّي شَرْبَه خل يسَلمَك // و بالخِيَم محتاره أُمَّك
●•••••●•••••●•••••●●•••••●
مِن أعاين بيك أطالع خويه مچتول
الحَسَن چَنّه أمامي و بالي مَذهول
و أهتِف بحِزني و مَلامي هٰذا معقول ؟
هٰذا بن أُمّي و عضيدي إگبالي مَجدول
خويَه ما گَصَّر جِزاني بأغلىٰ مَدلول
ثاري اموَصّيك بِيَّه و أجرَك اتنول

رادَك اتنول الشهاده و تفدي للدين
الله الله لك كِتَبها بعَمَّك احسين
بالوَصيّه صار يحَشْمَك // و بالخِيَم محتاره أُمَّك
●•••••●•••••●•••••●●•••••●
أُمَّك اشلون آنه أگِلْها راح جَسّام
ياما يَوليدي بنتها لجلَك أحلام
ما أظن وسفه إحسِبَتها هاذي لأيام
تشوفَك بإيدي أشيلَك و تجذب آلام
ساعَد الله رمله بَعدَك تالي تنضام
إنته يا شمعه و طفتها اسيوف لأزْلام

و زينب إختي لو تشوفَك تنادي ويلاي
إشْسَوَّت الدنيا بأهلنا آيا رجواي
بحرگه تبچي خَيْتي يَمَّك // و بالخِيَم محتاره أُمَّك
●•••••●•••••●•••••●●•••••●
أُمَّك إسمَع كل عَتَبها تنادي بهموم
لازمه إيدَك يَجاسم و تمسَح ادموم
تصيح يا گلبي و حَياتي إنهض و گوم
اشفيك ما تسمع هتافي صدري مضروم
ليت گبلَك موتي جاني و گبري مرسوم
ولا شِفِت يومَك وسافه هٰذا محتوم

حَگّي لو بَعدَك أموتن بضيمي و أوجاع
تدري يَبني إعْلَيّه يصعَب هٰذا لوداع
و بخيالي يبگه رَسمَك // و بالخِيَم محتاره أُمَّك
●•••••●•••••●•••••●●•••••●
الشاعر : أبو شهيد الأحسائي

#القاسم_أبن_الحسن_ع
#الأم المفجوعة ( رملة ) وخبر
شهادة عزيزها القاسم ع
#نعي __ مجردات


ظنيت من جابوك اليه
مجروح وجروحك شويه
سالم واطشن واهليه
واحنيلك اچفوفك بديه
اثاريك ميت يالشفيه
ويلاا يدهري الخان بيه


سمير الصالحي
النجف الاشرف

‏https://telegram.me/ShaikhSameerAlSsalehi

#القاسم_أبن_الحسن_ع

«••» نعي مجرد «••»

عريس راح وما تهنه
من دمه ياوسفة تحنه
ابدال الفرح صارت الونه

جسام يا ويلي لشبابه
يتفطر الگلب لمصابه
بسهام صابوه العصابه

بالحومه صال وطشر الگوم
روحه نطاها لعمه هاليوم
بس كون سالم ليهم يدوم

أدركني يا عمي يگله
لافنيهم الزجر وخِوَلَّه
ولاعيش هيهات بمذله
✹....................✹...................✹

« طور يمة گد عمر الورد »

كأني بلسان حال والدته عندما سَمِعت بِمَقتلِه

جاسم.. شباب وراح من ايدي يعالم
جاسم.. دعيت ويا وسف ماردلي سالم
جاسم.. ييمة اليوم عرسك صبح ماتم
جاسم.. تبچي لك وناحت آل هاشم

عرسك.. ما تم آه يويلي والأجل حان
عرسك.. لا شفته وفرحت بگلبي نيران
عرسك.. من فيض الدما عرسك العنوان
عرسك.. صفى بارض الطفوف اليوم أحزان
✹....................✹...................✹

«••» أبوذية «••»

حلم معرس أشوفك وسف.. ما تم (لم يكتمل)
صبح عرسك ييمة اليوم.. ماتم (عزاء)
عفت گلبي بلهيب وبيك.. ماتم (الحب والحنان)
و اجر بحسرتي واصفگ بديـه...
✹....................✹...................✹

*يُقرأ بطريقتين*
«••» حدي حجاز خليجي أول «••»
«••» حدي حجاز خليجي ثاني «••»

يمنور سنيني
يا يمة حاچيني
وامسح دمع عيني.. يا يمة ياجاسم

ظلمة صفت دنياي
من غيبتك يهواي
زادت عّلي بلواي.. والگلب يتألم

حزو لك اوريدك
تمنيت احني ايدك
اتقر عيني بوليدك.. وامنيتي ما كملت

فگدك هدم حالي
يوليدي يالغالي
أمك بلا والي.. وشچم هضم حملت

تــمــت بــعــون اللـہ
24/8/2019
✍🏻#ولائـية_وافتـخر (دعاء العـامـري)
❌لاإجيــز حــذف الأســم❌
✹....................✹...................✹

#القاسم_أبن_الحسن_ع

★••كأني بلسان العقيلة تواسي نفسها بفقد أولادها وتواسي (ليلى ورملة) بفقد أولادهن••★
#تقرأ_أيضاً ( لشهدائنا الأبرار )


آه يافگد الشباب .. نومة ظلوا عالتراب
يحفر بگلبي المصاب ∞ يحفر بگلبي المصاب
;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;;

راحت ارسوم الوجه منهم يويلي
من فگدهم لحظة ما نمت انة ليلي
بعمر الورود ارحلوا هدموا حيلي
دمعي لا جف وبقى زايد عويلي

آه يافگد الشباب .. نومة ظلوا عالتراب
يحفر بگلبي المصاب ∞ يحفر بگلبي المصاب
<><>∞∞••∞∞<><>∞∞••∞∞<><>

حلم ريته الصار ويردكم علينة
يالرحلتوا وهل بقى اعليكم بچينة
جمرة الفرگة لهيبة وتچوي بينة
من بعدكم نصفگ براحات ايدينة

آه يافگد الشباب .. نومة ظلوا عالتراب
يحفر بگلبي المصاب ∞ يحفر بگلبي المصاب
<><>∞∞••∞∞<><>∞∞••∞∞<><>

گّرب بسرعة أجلكم آه يالبدور
من عگبكم أصبحت هالخالية الدور
اظلمت الدنيا علينة انطفى كل نور
تزهي بيكم چانت ودلالي مسرور

آه يافگد الشباب .. نومة ظلوا عالتراب
يحفر بگلبي المصاب ∞ يحفر بگلبي المصاب
<><>∞∞••∞∞<><>∞∞••∞∞<><>

يا شباب الما تهنيتوا بعمركم
مغسلين دموم وتراب الغمركم
شنحمل آلام ومصايب من هجركم
حسرة بينا هالبقت لاخر صوركم

آه يافگد الشباب .. نومة ظلوا عالتراب
يحفر بگلبي المصاب ∞ يحفر بگلبي المصاب
<><>∞∞••∞∞<><>∞∞••∞∞<><>

بقت كل أم اعلة ابنها الگلب مفجوع
ولمكانه الخالي صارت تشعل شموع
نبتة أنتة وبالگلب يالولد مزروع
بحرگة تندب أمك وتتنطر ارجوع

آه يافگد الشباب .. نومة ظلوا عالتراب
يحفر بگلبي المصاب ∞ يحفر بگلبي المصاب

تــمــت بــعــون اللـہ
29/7/2019
✍🏻#ولائـية_وافتـخر (دعاء العـامـري)
❌لاإجيــز حــذف الأســم❌
<><>∞∞••∞∞<><>∞∞••∞∞<

#القاسم_أبن_الحسن_ع
#لحن_قصيدة ( دهري ذبني )
للمرحوم حمزة الصغير

رملة تصيح بصوت يبني يجاسم
عرسه صبح هاليوم دمعة ومَآتم
يبني.. يبني.. زهرة حياتي ودنيتي غايب
.........................................

نايم على التربان منه الدما سال
ميتة صحت ياريت يمگطع اوصال
مني رحت يا حيف واتدهور الحال
عگبه أهل دمعات مشدوهت البال

يبني.. يبني.. من فرگته گلبي صفى ذايب
يبني.. يبني.. زهرة حياتي ودنيتي غايب
✺••••••••✺ ✺••••••••✺ ✺••••••••✺

زفته ردت ياحيف معرس أشوفه
وچفوفي حد الموت تلزم چفوفه
لا حسبت افگده بيوم لا من أعوفه
جرحي بعد يا ناس منهو يروفه

يبني.. يبني.. بالگلب جرحه چن سهم صايب
يبني.. يبني.. زهرة حياتي ودنيتي غايب
✺••••••••✺ ✺••••••••✺ ✺••••••••✺

فگد الولد ياناس چن رَمّيَت اسهام
جرحه يحز الوريد والله ما ينلام
وابقى بحزن ودموع كل باقي الايام
لا يطفى جمري اعليه لا عيني تنام

يبني.. يبني.. راسي بغيابه من رحل شايب
يبني.. يبني.. زهرة حياتي ودنيتي غايب
✺••••••••✺ ✺••••••••✺ ✺••••••••✺

شاب الگلب والراس والله برحيله
فراگه بحمل الجبال ما بية حيله
تمنيته عند الموت نعشي يشيله
بحسرة صفيت احاه ودمعي أسيله

يبني.. يبني.. عذبني مرسال الأجا جايب
يبني.. يبني.. زهرة حياتي ودنيتي غايب
✺••••••••✺ ✺••••••••✺ ✺••••••••✺

يبني وثمر دنياي عرسه صفى احزان
فگده طبع بالروح وبوجهي عنوان
عگبه انة شفت الويل ومصايب الوان
أندب واصيحن آه يا دهري خوان

يبني.. يبني.. من رجعته گلبي صبح خايب
يبني.. يبني.. زهرة حياتي ودنيتي غايب

تــمــت بــعــون اللـہ
11/8/2019
✍🏻#ولائـية_وافتـخر (دعاء العـامـري)
❌لاإجيــز حــذف الأســم❌

#القاسم_أبن_الحسن_ع
#طور_أمانة_هالوصية

أمــــــانــة هالــوصيـــــــــة
يجســــــــّام الشفــيـــــــــة
تنــاصــــر عمـــــك احسين
بأراضــــي الغاضــريــــــــة

نـــــوب عنــي عنــي عنــي
آه يبني .... يبني .... يبني

ـــــــــــــــ ❈ ❈ ـــــــــــــــ

مـــن اتشوفــه بالاطفــوف
وحيــــد ابّيـــن الاسيــوف
وراعــي الــــواه مطــــروح
گطيــعــة منـــه الاچفــوف

يصير محني محني محني
آه يبني .... يبني .... يبني

ـــــــــــــــ ❈ ❈ ـــــــــــــــ

مــــن اتسمــعـــه يطــــالب
نصــــر ويــريــد غـــــالب
وصفَــوا اصحابـــه كلهــــم
طـــــريحيــــن التــــــرايب

اويـــــاه كنّــي كنّــي كنّــي
آه يبني .... يبني .... يبني

ـــــــــــــــ ❈ ❈ ـــــــــــــــ

نَصْيــــر اتصيــــر اريــــدك
الشــهـــادة يبنــي عيــــدك
وكــل امعــــادي لهالديــــن
اريــــدن حتــفــــه بيــــدك

هنــاك سُرني سُرني سُرني
آه يبني .... يبني .... يبني

ـــــــــــــــ ❈ ❈ ـــــــــــــــ

✍ بقلم الشاعرة زينب الخفاجي