#نیمائی من
سوادکوهی مه
عین افرا سر راس
اوشمک واری مه
آدم راس و درس
مثل دریا آبی
مثل جنگل پرشادی سرسبز
دس و دلبازو سخاوت پیشه
با درو با ریا بیگانه
پاک و خالص چمن و دشت واری
گالش تاکلی شیر مونا
عین اون بینج خوشه دشت دله.
مه سوادکوره بئو
اتا دس بی ته زمی.
اتا بی باعث جا
اینجه .مردون فراوون بساته
شا فریدون هدایور
اون زمونی که امه کشور ایرون.
دل وس بیه رسد
اون زمونی که وطن نوم ناشته
اینجه ایرون بیه اسپهبد دس
اینجه آزادی و آزادگی. سردارواری
سبزه مدام.
صور امه دس عصا
امه در وا همه ی دور وزمون
امه دس وا .امه سفره همه جا لا
امه دل مشت امید جای خدا
امه فخرو امه عزت
امه اخلاقه امه فطرته کرداره
که دنبال کشمی
او
سوادکوهی ی بااصل ونسب.باغیرت
هرکجه پا بهله
ونه سر تا ونه پامعرفته.شخصیته.
گنه ایرون ته فدا
مازرون من ته بلاره
این سوادکویی بی ین
اخلاقه.رفتاره.کرداره. پنداره.
امه تربیته انتی بمسن نینه اماره
مهربونی امه ذاته.
امه رفتار دله زنه کلاک
این نجابت که دره خاک سوادکوی دله
امه اجداد وجوده
که اسا امه رفتار دله پیدائه.
آخراین خاک امه اجداد تن و جان هسه
اتا میس خاک سواد کوره
شه میس بیری گنه:
وچه جان خاری ؟ خشی؟
ته وچون خارنه؟
وچه
دشمن ره همین دوس ورفق یارنه ته سر
وچه خش قلبی وخش ذاتی ره دار
وچه ته سفره همیشه بوئه لا
ته جوونمردی پیدا
ته دل وسینه وشا
عقله نل باخسه
دس ودل بازی ی جا خسه نواش
شه جوونمردی ره دار
وختی انسون بئی آدم بئی .
اون زمون تونی شه وجدان پلی
سرره راس داری و بوی
من سواد کوهیمه.
مازرونیمه.خله ویشتر و بهتر بئو ایرانیمه
#حجت_الله_حیدری_سوادکوهی@lafoormycountry🍂🍂🍂🍂🍂🍂🍂🍂